2010 წლის 12 ივლისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა.
სხდომის დასაწყისში, საკრებულოს თავმჯდომარემ, ბატონმა მამუკა ჭოხონელიძემ დამსწრე საზოგადოებას მიულოცა „მოციქულთა თავთა პეტრესა და პავლეს“ხსენების დღე და მისასალმებელი გამოსვლა დაასრულასიტყვებით: „გილოცავთ მოციქულების ხსენების დღეს მათი მეოხება გვეწეოდეს სამშობლოსათვის ღვაწლის რთულგზაზე“.
სხდომაზე განხილულ იქნადღის წესრიგით გათვალისწინებული შემდეგი საკითხები:
1. დადგენილების პროექტი „ხობის მუნიციპალიტეტის საკრებულოს დებულების (რეგლამენტის) დამტკიცების შესახებ“ 2008 წლის 25 დეკემბრის N109 დადგენილებაში ცვლილებების შეტანის თაობაზე“;
2. დადგენილების პროექტი „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2007 წლის 29 მარტის N28 დადგენილებაში ცვლილებების შეტანის თაობაზე“ ;
3. დადგენილების პროექტი ,,ხობის მუნიციპალიტეტის 2010 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2009 წლის 30 დეკემბრის N137 დადგენილებაში ცვლილებების და დამატებების შეტანის თაობაზე“;
4. დადგენილების პროექტი „ხობის მუნიციპალიტეტის ადგილობრივი ბიუჯეტით გამოყოფილი ასიგნებების გადანაწილების წესის დამტკიცების შესახებ”;
5. დადგენილების პროექტი „ხობის მუნიციპალიტეტის ადგილობრივი თვითმმართველობის მოსამსახურეთა თანამდებობრივი სარგოს განაკვეთების განსაზღვრის შესახებ” ;
6 განკარგულების პროექტი „ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“;
7. განკარგულების „ხობის მუნიციპალიტეტის საკრებულოს თავმჯდომარისთვის საქართველოს მუნიციპალური განვითარების ფონდისგან სესხის აღებასა და შიდა გზების რეაბილიტაციის სამუშაოების შესრულების მიზნით საინვესტიციო დაფინანსების ხელშეკრულების დადებაზე თანხმობის მიცემის შესახებ“;
8. განკარგულების პროექტი „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკრებულოს აპარატის სტრუქტურისა და გამგეობის საშტატო ნუსხის დამტკიცების თაობაზე თანხმობის მიცემის შესახებ“ ;
9. განკარგულების პროექტი „ხობის მუნიციპალიტეტის საკრებულოს ზოგიერთი განკარგულების ძალადაკარგულად გამოცხადების შესახებ“.
განსახილველად წარმოდგენილ საკითხთა შორის საკრებულოს წევრებში სერიოზული ინტერესი და აზრთა სხვადასხვაობა გამოიწვია საკრებულოს თავმჯდომარის მიერ წარმოდგენილმა დადგენილების პროექტმა „ხობის მუნიციპალიტეტის 2010 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2009 წლის 30 დეკემბრის N137 დადგენილებაში ცვლილებებისა და დამატებების შეტანის თაობაზე“. პროექტთან დაკავშირებით საკრებულოს თავმჯდომარის მიერ მიცემული განმარტებით: „საქართველოს რეგიონებში განსახორციელებელი პროექტების დაფინანსების თაობაზე“ საქართველოს მთავრობის 2010 წლის 30 მარტის N418 განკარგულებით მიღებული გრანტით, ხობის მუნიციპალიტეტის ადგილობრივი ბიუჯეტი იზრდება 168.5 ათასი ლარის ოდენობით. გარდა ამისა, ადგილობრივი ბიუჯეტიდან გამოთავისუფლებულია 145.5 ათასი ლარი, რაც გამგეობის მიერ წარმოდგენილი წინადადებების საფუძველზე შესაძლებლობას იძლევა განხორციელდეს არაერთი აუცილებელი სამუშაო“. მომხსენებლის განმარტებით, საქართველოს მთავრობიდან მიღებული გრანტები და ადგილობრივი ბიუჯეტიდან გამონთავისუფლებული თანხები მთლიანობაში შეადგენს 314.0 ათას ლარს, რომელიც მიიმართება შემდეგი ღონისძიებების დასაფინანსებლად: ადგილობრივი ბიუჯეტიდან გამოთავისუფლებული თანხებიდან 99.3 ათასი ლარით იზრდება ინფრასტრუქტურის რეაბილიტაციისა და ექსპლოატაციის ხარჯები. მათ შორის: წყლის სისტემის რეაბილიტაციისა და ექსპლოატაციის ხარჯები - 24,9 ათასი ლარით, საკანალიზაციო და სამელორაციო სამუშაოები - 2,7 ათასი ლარით, საგზაო სამუშაოები - 55,0 ათასი ლარით, სარწყავი არხებისა და ნაპირსამაგრი სამუშაოები - 16,7 ათასი ლარით; წარმომადგენლობითი და აღმასრულებელი ორგანოების ხარჯები იზრდება 4,8 ათასი ლარით. აქედან: ხობის მუნიციპალიტეტის გამგეობის ,,სხვა საქონელი და მომსახურების ხარჯები“ - 2,3 ათასი ლარით, ხობის მუნიციპალიტეტის საკრებულოს ,,სხვა საქონელი და მომსახურების ხარჯები“ - 2,5 ათასი ლარით; საგანმანათლებლო ღონისძიებების ხარჯები იზრდება 12,0 ათასი ლარით, რომელიც მიიმართება სკოლამდელი სააღმზრდელო გაერთიანების დასაფინანსებლად; სპორტული და კულტურული ღონისძიებების ხარჯები იზრდება 29,5 ათასი ლარით. აქედან: „ტელე რადიო მაუწყებლობის“ ხარჯები - 2,7 ათასი ლარით და საფეხბურთო კლუბ „კოლხეთის“ ხარჯები – 26,8 ათასი ლარით.
სახელმწიფო ბიუჯეტიდან მიღებული თანხები გადანაწილებულია შემდეგი სახით ხობის მუნიციპალიტეტის გამგეობის აპარატისთვის გამოყოფილ ასიგნებებში ,,არაფინასური აქტივები“ გაზრდილია 20,0 ათასი ლარით; ხობის მუნიციპალიტეტის გამგეობის ტერიტორიული ორგანოებისთვის გამოყოფილ ასიგნებებში ,,არაფინანსური აქტივები“ გაზრდილია 10,5 ათასი ლარით; სარწყავი არხებისა და ნაპირსამაგრი სამუშაოებისთვის გამოყოფილ ასიგნებებში ,,არაფინასური აქტივები“ გაზრდილია 98,0 ათასი ლარით, ხოლო საჯარო სკოლებისათვის გამოყოფილ ასიგნებებში „არაფინასური აქტივები“ გაზრდილია 40,1 ათასი ლარით.
ბიუჯეტის პროექტთან დაკავშირებით გამართული კამათის შემდგომ ბიუჯეტის პროექტი განხილულ იქნა მუხლობრივად, რის შემდეგაც ხმათა უმრავლესობით-24 ხმით 3-ის წინააღმდეგ დამტკიცებულ იქნა წარმოდგენილი დადგენილების პროექტი.
კანონში განხორციელებული ცვლილებების შესაბამისად, გამგებლის პირველი მოადგილის თანამდებობის გაუქმების გამო, საფინანსო-სარევიზიო კომისიის თავმჯდომარემ (ბ. ჯიქია) განსახილველად წარმოადგინა დადგენილების პროექტი „ხობის მუნიციპალიტეტის ადგილობრივი თვითმმართველობის მოსამსახურეთა თანამდებობრივი სარგოს განაკვეთების განსაზღვრის შესახებ”, რომლის თანახმადაც ყოფილი პირველი მოადგილის თანამდებობრივი სარგო გაუთანაბრდა გამგებლის მოადგილის თანამდებობრივ სარგოს.
ზემოთ ჩამოთვლილი პროექტების განხილვის შემდეგ, განსახილველი საკითხებიდან, მეტად აქტუალურიიყო განკარგულების პროექტი „ხობის მუნიციპალიტეტის საკრებულოს ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისიის შემადგენლობის დამტკიცების შესახებ“,
საკრებულოს თავჯდომარემ განმარტა, რომ კანონმდებლობით დადგენილი წესით, საკრებულოში 2007 წლის 26 ოქტომბერს შეიქმნა ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების კომისია 5 წევრის შემადგენლობით, რომელიც ფუნქციონირებდა საკრებულოს უფლებამოსილების ვადით. კომისია მუნიციპალიტეტის მოსახლეობას დაეხმარება მათ სარგებლობაში არსებული მიწის ნაკვეთების დაკანონებაში. ახალ არჩეულმა საკრებულომ წევრთა იგივე რაოდენობით დაამტკიცა კომისიის ახალი შემადგენლობა: რევაზ წულაია - კომისიის თავმჯდომარე, საკრებულოს წევრი. მერაბ სილაგავა - კომისიის თავმჯდომარის მოადგილე, საკრებულოს წევრი მარინა რუხაძე-ხობის მუნიციპალიტეტის გამგეობის ეკონომიკისა და ინფრასტრუქტურის განვითარების სამსახურის მუნიციპალური ქონების აღრიცხვისა და პრივატიზების, სოფლის მეურნეობის, ტრანსპორტის რეგულირებისა და ადგილობრივი მოსაკრებლების განყოფილების მთავარი სპეციალისტი; რუსუდან ბაჩილავა -საქართველოს გარემოს დაცვისა და ბუნებრივი რესურსების სამინისტროს სამეგრელო ზემო-სვანეთის რეგიონალური სამმართველოს უფროსი სპეციალისტი; სევერიან ბუკია -საქართველოს ეკონომიკისა და მდგრადი განვითარების სამინისტროს სამეგრელო-სვანეთის სახელმწიფო ქონების აღრიცხვისა და პრივატიზების სამხარეო სამმართველოს სპეციალისტი ხობის რაიონში;
საკრებულოს წევრთა მხრიდან სერიოზული მსჯელობის საგანი გახდასაკრებულოს სხდომის დღის წესრიგით გათვალისწინებული განკარგულების პროექტი „ხობის მუნიციპალიტეტის საკრებულოს თავმჯდომარისთვის საქართველოს მუნიციპალური განვითარების ფონდისგან სესხის აღებასა და შიდა გზების რეაბილიტაციის სამუშაოების შესრულების მიზნით საინვესტიციო დაფინანსების ხელშეკრულების დადებაზე თანხმობის მიცემის შესახებ“. საკრებულოს სხდომაზე აღინიშნა, რომ საქართველოს მუნიციპალური განვითარების ფონდთან ხელშეკრულების გაფორმება მეტად მნიშვნელოვანია მუნიციპალიტეტის ინფრასტრუქტურის განვითარებისათვის. აღნიშნული პროექტით განხორციელდება ქალაქ ხობში თაყაიშვილისა და ჭყონდიდელის ქუჩებისა და შუა ქვალონი-გიმოზგონჯილის საავტომობილო გზების რეაბილიტაცია. ქალაქ ხობში თაყაიშვილისა და ჭყონდიდელის ქუჩების რეაბილიტაციისათვის სსიპ „მუნიციპალური განვითარების ფონდი“გრანტის სახით დააფინანსებს ქვეპროექტის ღირებულების 30%-ს (220.889.19 ლარი), 50 %-ს (368.148.66 ლარი) გადასცემს მუნიციპალიტეტს კრედიტის სახით 10 წლიანი ვადით (საპროცენტო განაკვეთი 12%), მუნიციპალიტეტი კი იღებს ვალდებულებას თანამონაწილეობის სახით დააფინანსოს ქვეპროექტის საბაზისო ღირებულების 20% (147.259.46 ლარი). რაც შეეხება შუა ქვალონი-გიმოზგონჯილის საავტომობილო გზის რეაბილიტაციას, სსიპ „მუნიციპალური განვითარების ფონდი“გრანტის სახით დააფინანსებს ქვეპროექტის ღირებულების 30%-ს (142,796.44 ლარი), 50 %-ს (237,994,06 ლარი) გადასცემს მუნიციპალიტეტს კრედიტის სახით 10 წლიანი ვადით (საპროცენტო განაკვეთი 12%), მუნიციპალიტეტი კი იღებს ვალდებულებას თანამონაწილეობის სახით დააფინანსოს ქვეპროექტის საბაზისო ღირებულების 20% (95,197,62 ლარი).
საკითხის განხილვის დასრულების შემდგომ 26 ხმით ერთის წინააღმდეგ, საკრებულოს თავმჯდომარე მიეცა თანხმობა თვითმმართველი ერთეულის სახელით ხელშეკრულების დადებაზე. საკრებულოს თავმჯდომარის შეფასებით: „ეკონომიკის განვითარებისა და უცხოური ინვესტიციების მოზიდვის ერთ-ერთი მნიშვნელოვანი ბერკეტია გამართული ინფრასტრუქტურა, ხოლო ეს საინვესტიციო ხელშეკრულება ინფრასტრუქტურის (გზების) განვითარების რეალურ შესაძლებლობას იძლევადა ეს შესაძლებლობა მუნიციპალიტეტში მაქსიმალურად უნდა გამოვიყენოთ“.
მომდევნო განსახილველ საკითხთან დაკავშირებით, საკრებულოს თავმჯდომარემ განმარტა: „მოქმედი კანონმდებლობით, საკრებულოს აპარატისა და გამგეობის საშტატო ნუსხის დამტკიცების უფლებამოსილება მიენიჭა საკრებულოს თავმჯდომარეს, მაგრამ საკრებულოს თავმჯდომარის ინიციატივით, დემოკრატიულობისა და თანამშრომლობის პრინციპის დაცვის მიზნითეს საკითხი განსახილველად და შესათანხმებლად წარმოდგენილი იქნა საკრებულოს ბიუროს და საკრებულოს სხდომებზე. მე ჩემს მიერ მისაღებ გადაწყვეტილებებს, რაოდენ რაციონალური და კომპეტენტურიც არ უდა იყოს, მხოლოდ თქვენთან შეთანხმების შემდეგ მივიღებ“. საკრებულოს წევრთა თანხმობით მიღებულ იქნა გადაწყვეტილება, რომლის თანახმადაც საკრებულოს თავმჯდომარეს მიეცა თანხმობა საკრებულოს აპარატისა და გამგეობის მხრიდან წარმოდგენილი საშტატო რიცხოვნების გათვალისწინებით საშტატო ნუსხის დამტკიცებაზე.
განსახილველი საკითხების დასრულების შემდგომ, საკრებულოს თავმჯდომარემ სხდომას მიაწოდა ინფორმაცია, რომ დაგეგმილი აქვს შეხვედრები მუნიციპალიტეტის მოსახლეობასთან, რათა ადგილზე მოხდეს მოსახლეობის მხრიდან დასმული საკითხებისა თუ პრობლემების შესწავლა მისი შემდგომი ოპერატიულად გადაწყვეტის მიზნით. საკრებულოს თავმჯდომარის მხრიდან საკრებულოს აპარატს მიეცა დავალება შეხვედრების გრაფიკის დროულად მომზადების თაობაზე. „საარჩევნო კამპანიის პერიოდში მოსახლეობისათვის მიცემული დაპირებების შესრულება უნდა იყოს თითოეულის უმთავრესი მიზანი. წინა მოწვევის საკრებულოდან დაწყებული, ჩვენთვის ამოცანა უცვლელია - საზოგადოების აქტიური ჩართვა თვითმმართველობის პროცესებში და ჩვენი ყოველდღიური კონტაქტები მუნიციპალიტეტის მოსახლეობასთან“ - განაცხადა თავმჯდომარემ სხდომის დასასრულს.
Khobi Municipality Council
