SAKREBULO OF KHOBI MUNICIPALITY

Home
news

news

May 29, 2025

საკრებულოს სხდომა (EN)

29 მაისს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე ლევან ქავთარაძე უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი „ხობის მუნიციპალიტეტის ტერიტორიაზე ავტოსადგურის განთავსებისა და ადმინისტრაციულ ერთეულებში იმ დასახლებების ჩამონათვალის განსაზღვრის შესახებ, სადაც სავალდებულო არ არის ავტოსადგურიდან რეისის გასვლა“ რომლის საფუძველზეცახალი თანამედროვე სტანდარტების გარემო მოეწყობა, რომელიც ადაპტირებული იქნება შშმ პირებზეც, სადაც მგზავრებს შესაძლებლობა ექნებათ სწრაფად, უსაფრთხოდ და მოხერხებულად გადაადგილდნენ. თავის მხრივ ავტოსადგურის გამართული ფუნქციონირება აისახება მუნიციპალიტეტის ბიუჯეტის შემოსულობებზეც.

მუნიციპალიტეტის მერიას მიზანშეწონილად მიაჩნია მუნიციპალიტეტის ტერიტორიაზე ერთი ავტოსადგურის განთავსება ქალაქ ხობში. რაც შეეხება ადმინისტრაციული ერთეულებიდან სხვა მუნიციპალიტეტებში გამავალი ტრანსპორტის ავტოსადგურიდან გასვლას (ზუგდიდი, სენაკი, ფოთი), განისაზღვრა 13 სოფელი, სადაც არაა სავალდებულო ავტოსადგურიდან რეისის გასვლა:

1. ახალი ხიბულის ადმინისტრაციული ერთეული - სოფელი ზუბი;

2. ახალი ხიბულის ადმინისტრაციული ერთეული - სოფელი გაშფერდი;

3. ახალსოფელის ადმინისტრაციული ერთეული - სოფელი ახალსოფელი;

4. ზემო ქვალონის ადმინისტრაციული ერთეული - სოფელი საალანიო - საფაჩულიო;

5. თორსა-დღვაბის ადმინისტრაციული ერთეული - სოფელი თორსა;

6. პატარა ფოთის ადმინისტრაციული ერთეული - სოფელი პატარა ფოთი;

7. პირველი მაისის ადმინისტრაციული ერთეული- სოფელი საკვიკვინიო;

8. საგვიჩიოს ადმინისტრაციული ერთეული - სოფელი საგვიჩიო;

9. საჯიჯაოს ადმინისტრაციული ერთეული - სოფელი ზენი;

10. ქვემო ქვალონის ადმინისტრაციული ერთეული - სოფელი ბულიში;

11. ყულევის ადმინისტრაციული ერთეული - სოფელი ყულევი;

12. შავღელეს ადმინისტრაციული ერთეული - სოფელი შავღელე;

13. ძველი ხიბულის ადმინისტრაციული ერთეული - სოფელი ძველი ხიბულა.

სხდომაზე განხილულ იქნა განკარგულების პროექტი „ხობის მუნიციპალიტეტის 2024 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ რომლის თანახმადაც მუნიციპალიტეტის 2024 წლის ადგილობრივი ბიუჯეტის დაზუსტებულმა გეგმამ შეადგინა შემოსულობების ნაწილში 28742,4 ათასი ლარი, ხოლო საგასავლო ნაწილში 30059,99 ათასი ლარი. 10832,7 ათასი ლარი სახელმწიფო ბიუჯეტიდან გამოყოფილი გრანტებია ინფრასტრუქტურის განვითარებისა და დელეგირებული უფლებამოსილების განსახორციელებლად.

საკრებულოს მიერ მიღებულ იქნა განკარგულება „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭების მიზანშეწონილობის თაობაზე“, რომელსაც საფუძვლად დაედო პირველი მაისის მოსახლეობის მოთხოვნა პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭების თაობაზე.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

May 28, 2025

ბიუროს სხდომა (EN)

28 მაისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1.ხობის მუნიციპალიტეტის მერის დავით ბუკიას 2025 წლის 5 მაისის N50-502512525 წერილის განხილვა („ხობის მუნიციპალიტეტის 2024 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“) განკარგულების პროექტის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

2.ხობისმუნიციპალიტეტის მერის დავით ბუკიას 2025 წლის 20 მაისის N50-502514049 წერილის განხილვა („ხობის მუნიციპალიტეტის ტერიტორიაზე ავტოსადგურის განთავსებისა და ადმინისტრაციულ ერთეულებში იმ დასახლებების ჩამონათვალის განსაზღვრის შესახებ, სადაც სავალდებულო არ არის ავტოსადგურიდან რეისის გასვლა“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

3.ხობის მუნიციპალიტეტის საკრებულოს ინფრასტრუქტურისა და სივრცით - ტერიტორიული დაგეგმარების კომისიის თავმჯდომარის ბექა მამაცაშვილის 2025 წლის 23 მაისის N51-51251135 განცხადების განხილვა „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახ ვევისთვის სპარტაკ ბუკიას სახელის მინიჭების მიზანშეწონილობის თაობაზე“ განკარგულების პროექტის განხილვა.

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე)

May 28, 2025

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2025 წლის 29 მაისს 11:00 საათზე, საკრებულოს სხდომათა დარბაზში. სხდომის დღის წესრიგი:

1. ხობის მუნიციპალიტეტის ტერიტორიაზე ავტოსადგურის განთავსებისა და ადმინისტრაციულ ერთეულებში იმ დასახლებების ჩამონათვალის განსაზღვრის შესახებ, სადაც სავალდებულო არ არის ავტოსადგურიდან რეისის გასვლა

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი:ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

2. „ხობის მუნიციპალიტეტის 2024 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

3. „ხობის მუნიციპალიტეტის პირველი მაისის ადმინისტრაციული ერთეულის სოფელ ბულიწყუში შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭების მიზანშეწონილობის თაობაზე“ განკარგულების პროექტის განხილვა.

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე)

4. სხვადასხვა.

May 26, 2025

ხობში საქართველოს დამოუკიდებლობის დღე აღნიშნეს (EN)

საქართველოს დამოუკიდებლობის დღის აღსანიშნად, ქალაქ ხობში, კულტურული და სპორტულ-გასართობი ღონისძიებები გაიმართა.

ცენტრალურ პარკში მოეწყო საბავშვო სივრცე, ნახატების და ხელნაკეთი ნივთების გამოფენა-გაყიდვა. ბავშვების სადღესასწაულო განწყობაზე ზღაპრების კოსტიუმირებული გმირები ზრუნავდნენ.

დამოუკიდებლობის დღისადმი მიძღვნილი საფეხბურთო პირველობის გამარჯვებული „თორსა“ გახდა.

17:10 საათზე, საქართველოს დამოუკიდებლობის გამოცხადების დროს, ანსამბლ „კოლხეთის“ და შემოქმედებითი ჯგუფებისშესრულებით აჟღერდა საქართველოს სახელმწიფო ჰიმნი.

დამოუკიდებლობის დღისადმი მიძღვნილი პროგრამის ფარგლებში ჯგუფი ,,შარას’’, ადგილობრივი შემსრულებლების და ქორეოგრაფიული ჯგუფების მონაწილეობით კონცერტები გაიმართა.

ღონისძიებებს ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების სხვა წარმომადგენლებთან ერთად ესწრებოდნენ.

საზეიმო ღონისძიება ფოიერვერკით დასრულდა.

#26მაისი #ესდღეჩვენია

May 22, 2025

სკოლებში ბოლო ზარი დაირეკა (EN)

ხობის მუნიციპალიტეტის სკოლებში ბოლო ზარი დაირეკა.

კურსდამთავრებულები დღეიდან ცხოვრების ახალ, მნიშვნელოვან ეტაპზე გადავიდნენ. მათთვის ახალი ურთიერთობების, ცოდნის შეძენის, საკუთარი თავის რეალიზების უმნიშვნელოვანესი ეტაპი იწყება.

მეთორმეტეკლასელებს სკოლის დამთავრება ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ, მერის მოადგილემ დავით ბერაიამ და ხობის საგანმანათლებლო რესურსცენტრის ხელმძღვანელმა ანა არაბულმა მიულოცეს.

May 17, 2025

გილოცავთ ოჯახის სიწმინდის დღეს! (EN)

May 16, 2025

ნუგზარ ზარანდიას შემოქმედებითი საღამო (EN)

ფოლკლორის ცენტრის საკონცერტო დარბაზში, ხობის ფოლკლორული ანსამბლ „კოლხეთის“ ხელმძღვანელის, ნუგზარ ზარანდიას შემოქმედებითი საღამო გაიმართა.

ლოტბარი, მომღერალი, პედაგოგი, ხობის საპატიო მოქალაქე ნუგზარ ზარანდია 50 წელია ემსახურება ქართული ხალხური, კონკრეტულად-მეგრული სიმღერის შენარჩუნება-განვითარების, დაცვის, მოვლა-პატრონობისა და პოპულარიზაციის საქმეს.

საღამოზე შესრულდა ცნობილი მეგრული, აფხაზური და სვანური ფოლკლორული სიმღერები.

საღამო საქართველოს კულტურის სამინისტროს მხარდაჭერით დაანზორ ერქომაიშვილის სახელობის ფოლკლორის სახელმწიფო ცენტრის ორგანიზებით გაიმართა.

May 16, 2025

კომისიის სხდომა პირველი მაისის ქუჩის სახელის მინიჭების თაობაზე (EN)

ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის ორგანიზებით საკრებულოს სხდომათა დარბაზში გაიმართა საჯარო განხილვა ხობის მუნიციპალიტეტის პირველი მაისის ადმინისტრაციულ ერთეულში სოფელ ბულიწყუს შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭებასთან დაკავშირებით.

საჯარო განხილვაზე მონაწილეების მხრიდან მხარდაჭერილ იქნა წარმოდგენილი წინადადება ქუჩის სახელდებასთან დაკავშირებით. კომიისის მიერ მიღებულიგადაწყვეტილება საკრებულოს მიერ მიზანშეწონილობაზე განკარგულების მიღების შემდეგ გადაეგზავნება შესაბამის სამთავრობო კომისიას.

May 14, 2025

შეხვედრა ევროპის პრიზიორებთან (EN)

ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია, ადგილობრივი ხელისუფლების წარმომადგენლებთან ერთად ევროპის ჩემპიონატის ვერცხლისა და ბრინჯაოს მედალოსან ბერძნულ-რომაულ სტილით და სამბოს მოჭიდავეებს მწვრთნელებთან ერთად შეხვდნენ და ჩემპიონატზე წარმატებით ასპარეზობა მიულოცეს.

სლოვაკეთში გამართულ ევროპის ჩემპიონატზე ხობის მუნიციპალიტეტის სპორტის ცენტრის ბერძნულ-რომაული სტილით მოჭიდავეებმა ვახტანგ ლოლუამ და ჯონი ხეცურიანმა ბრინჯაოს მედლები, ხოლოკვიპროსში გამართულ ევროპის ჩემპიონატზე სამბოში სალომე ალანიამ და თეონა სარალიძემ ვერცხლისა და ბრინჯაოს მედლები მოიპოვეს.

May 13, 2025

ინიციატივა (EN)

ხობის მუნიციპალიტეტის საკრებულოში შემოსულია ინიციატივა ხობის მუნიციპალიტეტის

პირველი მაისის ადმინისტრაციულ ერთეულში სოფელ ბულიწყუს შოთა რუსთაველის ქუჩის პირველი შესახვევისთვის სპარტაკ ბუკიას სახელის მინიჭებასთან დაკავშირებით.

აღნიშნულთან დაკავშირებით ხობის მუნიციპალიტეტის საკრებულოს სხდომათა დარბაზში 16 მაისს 12:00 სთ-ზე გაიმართება საჯარო განხილვა.

დაინტერესებული პირებისთვის დასწრება თავისუფალია.

May 12, 2025

გილოცავთ ანდრია პირველწოდებულის ხსენების დღეს! (EN)

May 9, 2025

9 მაისი-ფაშიზმზე გამარჯვების დღე (EN)

9 მაისს ფაშიზმზე გამარჯვების მე-80 წლისთავთან დაკავშირებით, ხობის მუნიციპალიტეტის ხეთის მხარეთმცოდნეობისა და დიდების მუზეუმში ხობის მუნიციპალიტეტის საკრებულოს თავმჯდომარემ ლევან ქავთარაძემ და მუნიციპალიტეტის მერმა, დავით ბუკიამ ადგილობრივი ხელისუფლების სხვა წარმომადგენლებთან ერთად, მეორე მსოფლიო ომში დაღუპულთა ხსოვნას პატივი მიაგეს და ხეთის საბრძოლო დიდებისა და მხარეთმცოდნეობის მუზეუმის ეზოში - ,,ხსოვნის ველზე“ მდებარე სიმბოლური საფლავები ყვავილებით შეამკეს.

საქართველოსმთავრობის განკარგულებით, მეორე მსოფლიო ომის მონაწილეები ერთჯერადი ფულადი სოციალური დახმარების სახით - 2000 ლარს, ხოლო მეორე მსოფლიო ომში დაღუპულთა ოჯახის წევრები 1000 ლარს მიიღებენ.

May 6, 2025

გილოცავთ გიორგობას! (EN)

April 29, 2025

ფესტივალ "ჰარიდას" დახურვა (EN)

ხობის კულტურის სახლის დიდ საკონცერტო დარბაზში, ხობის ხელოვნების კონკურს-ფესტივალ „ჰარიდას“ ლაურეატთა დაჯილდოების ცერემონიალი და გალაკონცერტი გაიმართა.

დასკვნით ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია, მერის მოადგილეები რევაზ ზაქარაია და დავით ბერაია და კონკურს-ფესტივალის ჟიურის წევრები ესწრებოდნენ.

კლასიკური გიტარის, ფოლკლორული ანსამბლებისა და ქართული ხალხური ცეკვების კონკურს-ფესტივალში საქართველოს მუნიციპალიტეტების ფოლკლორულიანსამბლები, სამუსიკო და სახელოვნებო სკოლების გუნდები მონაწილეობდნენ.

,,ჰარიდა'' ხობის მუნიციპალიტეტის ადგილობრივი თვითმმართველობის, საქართველოს ხელოვნების აკადემიის, მუსიკის აკადემიის მხარდაჭერით და ადგილობრივი ბიუჯეტის დაფინანსებით ჩატარდა.

ხობის კონკურს-ფესტივალის დამაარსებელი და სამხატვრო ხელმძღვანელი, ცნობილი პიანისტი ვალერიან შიუკაშვილია.

April 29, 2025

საკრებულოს სხდომა (EN)

29 აპრილს, ხობის მუნიციპალიტეტის საკრებულოს სხდომათა დარბაზში, საკრებულოს მორიგი სხდომა გაიმართა, რომელსაც საკრებულოს თავმჯდომარე ლევან ქავთარაძე უძღვებოდა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა შემდეგი საკითხები: მიმდინარე წლის 2 აპრილს ცვლილებები შევიდა „გენდერული თანასწორობის შესახებ“ საქართველოს კანონში. ცვლილებების მიხედვით გაუქმდა მუნიციპალიტეტებში გენდერული თანასწორობის საბჭოს შექმნის ვალდებულება. შესაბამისად ცვლილებაშევიდა საკრებულოს რეგლამენტში და ასევე გაუქმდა ხობის მუნიციპალიტეტის საკრებულოს გენდერული თანასწორობის საბჭო. განკარგულების პროექტით: „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2026-2027 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ დაგეგმილია ახალი ხიბულის ადმინისტრაციულ ერთეულში სოფელ გაშფერდში საბასილაიო-საკვირკვაიოს უბნის და მეურნეობის უბნის ქუჩების რეაბილიტაცია. „საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2025 წელს დასაფინანსებელი პროექტების დამტკიცების შესახებ“ განკარგულების პროექტით დამტკიცდა სოფლის მხარდაჭერის პროგრამის ფარგლებში ის საპროექტო წინადადებები, რომლებიც შეირჩა მოსახლეობასთან კონსულტაციით და მერიის ორგანიზებით ჩატარებულ ხობის მუნიციპალიტეტის დასახლებების საერთო კრებებზე. აღნიშნული პროგრამის დასაფინანსებლად სახელმწიფო ბიუჯეტიდან 2025 წელს მუნიციპალიტეტისთვის გამოყოფილ იქნა 784000 ლარი, ხოლო პროექტების პრიორიტეტულობის გათვალისწინებით, მუნიციპალიტეტის თანადაფინანსების თანხა განისაზღვრა 501500 ლარის ოდენობით და პროექტების ღირებულებამ ჯამში შეადგინა 1285500 ლარი.

ასევე საკრებულოს გადაწყვეტილებით მიზანშეწონილად იქნა მიჩნეული ხობის მუნიციპალიტეტის ძველი ხიბულის ადმინისტრაციული ერთეულის N1 ქუჩისთვის ტრაგიკულად დაღუპული ახალგაზრდის, კრივში ჭაბუკთა შორის საქართველოს ჩემპიონის რევაზი ჩხეიძის სახელის მინიჭება.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

1
2
3
4
5
6
7
8
9
10
11
12
13
14
15
16
...
>
>>