SAKREBULO OF KHOBI MUNICIPALITY

Home
news

news

November 25, 2024

გენდერული ძალადობის წინააღმდეგ 16-დღიანი გლობალური კამპანია (EN)

ხობის მუნიციპალიტეტი და გენდერული თანასწორობის საბჭო უერთდება გენდერული ძალადობის წინააღმდე 16-დღიან გლობალურ კამპანიას. კამპანია 1991 წლიდან იღებს სათავეს, ის 25 ნოემბერს - ქალთა მიმართ ძალადობის აღმოფხვრის საერთაშორისო დღეს იწყება და სრულდება 10 დეკემბერს - ადამიანის უფლებათა დაცვის საერთაშორისო დღეს. კამპანიის მიზანია საზოგადოების ცნობიერების ამაღლება და გენდერული ძალადობის მსხვერპლთა მიმართ სოლიდარობა.

November 23, 2024

გილოცავთ გიორგობას! (EN)

November 22, 2024

2025 წლის ბიუჯეტის პროექტის საჯარო განხილვა (EN)

ხობის მუნიციპალიტეტის საკრებულოს სხდომათა დარბაზში, მუნიციპალიტეტის 2025 წლის ადგილობრივი ბიუჯეტის პროექტის საჯარო განხილვა გაიმართა. ბიუჯეტის პროექტი – ძირითადი პარამეტრები და პრიორიტეტები დამსწრე საზოგადოებას მერიის საფინანსო-საბიუჯეტო სამსახურის უფროსმადავით ჭოჭუამ გააცნო. მისი განმარტებით: ბიუჯეტის შემოსულობები განისაზღვრა 22,036 ათასი ლარით.

2025 წლის ბიუჯეტის პროექტის ძირითად პრიორიტეტებს – განათლება, ინფრასტრუქტურა, სოციალური სფერო და ჯანდაცვა წარმოადგენს. ბიუჯეტის პროექტის საჯარო განხილვას ხობის მუნიციპალიტეტის საკრებულის თავმჯდომარე ლევან ქავთარაძე და მერი დავით ბუკია ესწრებოდნენ.

November 19, 2024

ხობში ბავშვთა და მოზარდთა განვითარების ცენტრი დობადონა გაიხსნა (EN)

ხობში ბავშვთა და მოზარდთა განვითარების ცენტრი „დობადონა“ გაიხსნა. გახსნის ცერემონიალს ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საკრებულოს აპარატის უფროსი ლელა შამათავა, მერიის შრომის,საზოგადოებრივი ჯანმრთელობისა და სოციალური დაცვის სამსახურის უფროსი შოლინა კანკია, მერიისკულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის უფროსი ელისო კვიკვინია მოწვეულ სტუმრებთან ერთად ესწრებოდნენ.

ცენტრის მიზანია სხვადასხვა ფსიქო-სოციალური საჭიროების მქონე პირებისთვის სერვისების მიწოდება, ზრუნვა საზოგადოებაში მათი სრულყოფილი ინტეგრაციისთვის და საყოფაცხოვრებო პირობების გაუმჯობესების ხელშეწყობა.

ორგანიზაციის საქმიანობის სფერო მოიცავს:

ქცევის თერაპიას,

აკადემიური უნარების თერაპიას,

მეტყველების თერაპიას,

ოკუპაციურ თერაპიას,

ჯგუფურ თერაპიას და არაფორმალურ განათლებას.

დობადონას მისამართია: ქალაქი ხობი, ც. დადიანის N 210.

November 18, 2024

ხობის მუნიციპალიტეტის საკრებულოში 2025 წლის ადგილობრივი ბიუჯეტის პროექტის განხილვა დაიწყო (EN)

ხობის მუნიციპალიტეტის საკრებულოს განსახილველად წარედგინა 2024 წლის 15 ნოემბერს განსახილველად წარედგინა 2025 წლის ადგილობრივი ბიუჯეტის პროექტი, ხობის მუნიციპალიტეტის საკრებულოს საფინანსო-საბიუჯეტო კომისია, საკრებულოს კომისიებთან და ფრაქციებთან ერთად იწყებს ბიუჯეტის პროექტის წინასწარ განხილვას.

წარმოდგენილი 2025 წლის ბიუჯეტის პროექტი, თანდართულ განმარტებით ბარათთან ერთად გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის პროექტის“ განყოფილება). საკრებულოს ვებგვერდზე www.khobi-sakrebulo.ge ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).

საკრებულოს კომისიებსა და ფრაქციებში ბიუჯეტის პროექტის წინასწარი განხილვა 22 ნოემბრამდე გაგრძელდება და შემუშავდება შესაბამისი წინადადებები.

ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთონ 2025 წლის ბიუჯეტის პროექტის განხილვის პროცესში, რომელიც გაიმართება 2024 წლის 22 ნოემბერს 11:00 საათზე, ხობის მუნიციპალიტეტის საკრებულოს სხდომათა დარბაზში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.

წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2024 წლის 22 ნოემბრამდე შეუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi.mun@gmail.com; sakrebulo@khobi.gov.ge.

November 15, 2024

დასრულდა დავით კანკიას სახელობის თასის გათამაშება ფეხბურთში (EN)

15 ნოემბერს, ხეთის ადმინისტრაციულ ერთეულში, გოგი მამფორიას სახელობის სტადიონზე, გაიმართა ტრაგიკულად დაღუპული ფეხბურთის მსაჯის დავით კანკიას სახელობის პირველობის ფინალური შეხვედრები ფეხბურთში, ტურნირის გამარჯვებული და დავით კანკიას სახელობის თასის მფლობელი ზუგდიდის „ბაიას“ ფეხბურთელთა გუნდი გახდა, მეორე ადგილზე წალენჯიხის „ივენტუსის“ აკადემიის გუნდი, ხოლო მესამე ადგილზე ხობის „კოლხეთის“ფეხბურთელთა გუნდი გავიდა. ტურნირის გამარჯვებულ და საპრიზო ადგილებზე გასულ გუნდებს თასები, სიგელები და საჩუქრები გადაეცათ. სპორტულ ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და საკრებულოს ფრაქცია „ქართული ოცნება-დემოკრატიული საქართველო“ს თავმჯდომარე აკაკი მალანია, დავით კანკიას ოჯახის წევრებთან და მეგობრებთან ერთად ესწრებოდნენ.

November 14, 2024

სასკოლო გუნდური ჩემპიონატი ჭადრაკში (EN)

11-14 ნოემბერს, ხობის მუნიციპალიტეტის სპორტულ-გამაჯანსაღებელ კომპლექსში ხობის მუნიციპალიტეტის სასკოლო გუნდური ჩემპიონატი გაიმართა ჭადრაკში. ტურნირში ხობის მუნიციპალიტეტის საჯარო და კერძო სკოლების მოჭადრაკეთა ოცი გუნდი მონაწილეობდა.

I ადგილი - შუა ხორგისსაჯარო სკოლამ დაიკავა, II ადგილზე ქალაქ ხობის N2 საჯარო სკოლის გუნდი გავიდა, ხოლო III ადგილი - სკოლა “არეა“მ დაიკავა.

გამარჯვებული და პრიზიორი სკოლების გუნდები თასებით და მედლებით დაჯილდოვდნენ.

ფინალურ შეხვედრებს და დაჯილდოების ცერემონიას ხობის მუნიციპალიტეტის მერის მოადგილე დავით ბერაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, ხობის საგანმანათლებლო რესურსცენტრის უფროსი ანა არაბული და მერიის კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის უფროსი ელისო კვიკვინია ესწრებოდნენ.

სპორტული ღონისძიება „ხობის მუნიციპალიტეტის სპორტის ცენტრის“, ხობის საგანმანათლებლო რესურსცენტრის ორგანიზებით და ხობის მუნიციპალიტეტის მერიის მხარდაჭერით ჩატარდა.

November 3, 2024

ხობში "სპორტული ფესტივალი" გაიმართა (EN)

ტრადიციული სპორტული ფესტივალი "სპორტი ყველასათვის" მინი ფეხბურთსა და მძლეოსნურ გარბენში გაიმართა. ორდღიან ტურნირში 2011-2014 წლებში დაბადებულ ჭაბუკთა და გოგონათა გუნდები მონაწილეობდა.

ღონისძიებებს საქართველოს ეროვნული ფედერაცია „სპორტი ყველასათვის“ ვიცეპრეზიდენტი მაია აზარაშვილი, ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და იურიდიულ,სამანდატო-საპროცედურო და ეთიკის კომისიის თავმჯდომარე მედეა თათარიშვილი ადგილობრივი თვითმმართველობის სხვა წარმომადგენლებთან ერთად ესწრებოდნენ.

გამარჯვებულ და საპრიზო ადგილებზე გასულ გუნდებს თასები, მედლები და სამახსოვრო საჩუქრები გადაეცათ.

სპორტული ღონისძიება საქართველოს ეროვნული ფედერაცია "სპორტი ყველასათვის", საქართველოს კულტურისა და სპორტის სამინისტროს ორგანიზებითა და ხობის მუნიციპალიტეტის საკრებულოსა და მერიის მხარდაჭერით განხორციელდა.

October 19, 2024

ხობში ახალი საფეხბურთო ცენტრი გაიხსნა (EN)

საქართველოს ფეხბურთის ფედერაციის პრეზიდენტმა ლევან კობიაშვილმა, ფოთის, ხობის და სენაკის მაჟორიტარმა დეპუტატმა გიორგი ხახუბიამ, საქართველოს პარლამენტის წევრთან დაჩი ბერაიასთან, სახელმწიფო რწმუნებულის მოვალეობის შემსრულებელთან ნინო ვიბლიანთან, ხობისმუნიციპალიტეტის საკრებულოს თავმჯდომარე ლევან ქავთარაძესთან და მერთან დავით ბუკიასთან ერთად ხობში ახალი საფეხბურთო ცენტრი გახსნეს.

პროექტის ფარგლებში დაიგო ხელოვნური საფარი, დამონტაჟდა ელექტრო ტაბლო და განათების სისტემა, აშენდა ტრიბუნები, ფეხბურთელთა გასახდელი და ადმინისტრაციული შენობა, მოწესრიგდა შიდა ტერიტორია.

ხელოვნურსაფარიანი სტადიონის მშენებლობა საქართველოს ინფრასტუქტურის სამინისტროს რეგიონული განვითარების ფონდის, ადგილობრივი ბიუჯეტის და საქართველოს ფეხბურთის ფედერაციის ერთობლივი დაფინანსებით განხორციელდა. აღნიშნული ინფრასტრუქტურით სარგებლობას ადგილობრივი ბავშვთა საფეხბურთო სკოლები და გოგონათა გუნდები სრულიად უფასოდ შეძლებენ.

October 18, 2024

სახალხო დღესასწაული "მე მიყვარს ხობი" გაიმართა (EN)

18 ოქტომბერს, ქალაქ ხობში სახალხო დღესასწაული „მე მიყვარს ხობი“ აღინიშნა.

ხობის კულტურის სახლის დიდ დარბაზში შედგა ხობის საპატიო მოქალაქეთა, განათლების სფეროში მოღვაწე პირთა და წარმატებულ სტუდენტთა დაჯილდოების ცერემონიალი.

„საპატიო ხობელის “ წოდებამიენიჭათ:

1. იღუმენია ანა მუსელიანს.

2. დეკანოზ მამა ილია ლომაიას.

3. ნათელა მარგველაშვილს.

4. ნუგზარ ზარანდიას.

დაჯილდოვდნენ განათლების სფეროში მოღვაწე პირები და წარმატებული სტუდენტები;

1. იზოლდა გვაგვალია (სსიპ) თორსის საჯარო სკოლა.)

2. ნათელა სამუშია- (სსიპ ხეთის საჯარო სკოლა.)

3. ცისანა ცხადაია -(სსიპ შუა ქვალონის სკოლა.)

4. ნორა იოსავა-სკოლამდელი სააღმზრდელო გაერთიანების ადამიანური რესურსების მართვის სპეციალისტი.

5. ზაირა ანთია-ხამისკურის საბავშვო ბაგა-ბაღი.

6. ნატო ცხადაია-ხობის N2 საბავშვო ბაღი.

წარმატებული სტუდენტები 100 % გრანტით

1. ქრისტინა ალექსანდრია

2. ანრი ბერაია

3. სალომე ქარდავა

4. სალომე ქირია

5. ნინო ყურუა

ღონისძიებას დამსწრე საზოგადოებასთან ერთად ფოთის, ხობის და სენაკის მაჟორიტარი დეპუტატი გიორგი ხახუბია, საქართველოს პარლამენტის წევრები: ირაკლი (დაჩი) ბერაია და ირაკლი ზარქუა, ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია და ესწრებოდნენ.

ღონისძიების ფარგლებში, ხობის კულტურის სახლის ფოიეში მოეწყო ხელოვანების ნამუშევრების გამოფენა.

სახალხო დღესასწაული გალა კონცერტით გაგრძელდა, რომელშიც ანსამბლი ,,რუსთავი“, ლინდა ადამია და ჯგუფი ,,1/4“ მონაწილეობდნენ.

საღამოს უძღვებოდა ზურა გორგაძე

#მემიყვარსხობი

October 18, 2024

საკრებულოს მორიგი სხდომა (EN)

18 სექტემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღისწესრიგით გათვალისწინებული საკითხები. მათ შორის

განკარგულების პროექტი „ხობის მუნიციპალიტეტის საკუთრებაში არსებული საპრივატიზაციო ქონების ნუსხის დამტკიცების შესახებ“, რომლის თანახმადაც ქარიატის ადმინისტრაციულ ერთეულში გაღმა და გამოღმა ქარიატის დამაკავშირებელი ხიდის დემონტაჟის შედეგად მიღებული მასალის პრივატიზება ხორციელდება აუქციონის წესით.

საკრებულოს გადაწყვეტილებით, ქარიატის ადმინისტრაციული ერთეულის მოსახლეობის მოთხოვნის საფუძველზე, განხორციელდა სოფლების გამოღმა და გაღმა ქარიატის ქუჩების, სახელდება, კერძოდ; N1 ქუჩას ეწოდა- წმინდა გიორგის ქუჩა; N2 ქუჩას - წმინდა ნინოს ქუჩა; N3 ქუჩას - ლაზეთის ქუჩა; N4 ქუჩას - აიეტის ქუჩა. სოფელ გამოღმა ქარიატაში არსებულ N1 ქუჩას 2008 წლის აგვისტოს ომში საქართველოს ერთიანობისათვის დაღუპული ლევან ჭოჭუას, ხოლო N2 ქუჩას ემზარ წურწუმიას სახელი.

ასევე განკარგულების პროექტით „ხობის მუნიციპალიტეტის ძველი ხიბულის ადმინისტრაციული ერთეულის საჭანიოს უბანში N4 ქუჩისთვის ნინი კონჯარიას სახელის მინიჭების თაობაზე“ ამავე ადმინისტრაციული ერთეულის საჭანიოს უბნის მოსახლეობის ერთობლივი განცხადების საფუძველზე, ძველი ხიბულის N4 ქუჩას მიენიჭა ტრაგიკულად დაღუპული ახალგაზრდა გოგონას ნინი კონჯარიას სახელი.

დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

October 17, 2024

ბიუროს სხდომა (EN)

17 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები;

1. საქართველოს რეგიონალური განვითარებისა და ინფრასტრუქტურის მინისტრის პირველი მოადგილის ილია ბეგიაშვილის 7 ოქტომბრის N01/2044წერილის განხილვა („ხობის მუნიციპალიტეტის ქარიატის ადმინისტრაციული ერთეულის შემადგენლობაში შემავალი სოფლების: გამოღმა და გაღმა ქარიატის ქუჩების სახელდების და ძველი ხიბულის ადმინისტრაციული ერთეულში, საჭანიოს უბანში არსებულ N4 ქუჩისთვის ნინი კონჯარიას სახელის მინიჭებაზე თანხმობის თაობაზე“);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

2. ხობის მუნიციპალიტეტის მერის დავით ბუკიას 2024 წლის 16 ოქტომბრის N50-502429044 წერილის განხილვა („ხობის მუნიციპალიტეტის საკუთრებაში არსებული საპრივატიზაციო ქონების ნუსხის დამტკიცების შესახებ“ განკარგულების პროექტის თაობაზე).

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე).

October 16, 2024

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2024 წლის 18 ოქტომბერს 11:00 საათზე, საკრებულოს სხდომათა დარბაზში. სხდომის დღის წესრიგი:

1.„ხობის მუნიციპალიტეტის საკუთრებაში არსებული საპრივატიზაციო ქონების ნუსხის დამტკიცების შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

2. „ხობის მუნიციპალიტეტის ქარიატის ადმინისტრაციული ერთეულის შემადგენლობაში შემავალი სოფლების: გამოღმა და გაღმა ქარიატის ქუჩების სახელდების შესახებ “ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი);

3. „ხობის მუნიციპალიტეტის ძველი ხიბულის ადმინისტრაციული ერთეულის საჭანიოს უბანში N 4 ქუჩისთვის ნინი კონჯარიას სახელის მინიჭების თაობაზე“ განკარგულების პროექტის განხილვა.

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი).

October 15, 2024