SAKREBULO OF KHOBI MUNICIPALITY

Home
news

news

December 16, 2023

გილოცავთ ანდრია პირველწოდებულის ხსენების დღეს! (EN)

December 11, 2023

ევროკავშირის მოდელირება 2023 "-ის დასკვნითი სხდომა (EN)

11 დეკემბერს, ხობის კულტურის სახლის მცირე დარბაზში გაიმართა საინიციატივო ჯგუფ ,,ახალგაზრდები ახალგაზარდებისათვის"- მიერ ორგანიზებული პროექტის ,, ევროკავშირის მოდელირება 2023 "-ის დასკვნითი სხდომა, რომელსაც ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია დაესწრნენ.

"ევროკავშირის მოდლირება 2023"-ის ფარგლებში მონაწილეებმა ისწავლეს პოლიტიკური დოკუმენტის წერა რომელიც წარუდგინეს ფართო აუდიტორიას.

"ევროკავშირის მოდელირება" - ეს არისპროექტი, რომელიც მოსწავლეებს საშუალებას აძლევს ჩაერთონ საკომიტეტო სამუშაოებში, სადაც გაეცნობიან ევროკავშირის მუშაობის პრინციპებს და აქტიურად მიიღებენ მონაწილეობას დისკუსიებში.

December 8, 2023

ხობში ნარინჯისფერი კამპანიის დასკვნითი ღონიძიება გაიმართა (EN)

ხობის მუნიციპალიტეტის საკრებულო და გენდერული თანასწორობის საბჭო უერთდება გენდერული ძალადობის წინააღმდეგ 16-დღიან გლობალურ კამპანიას. რომლის მიზანია გენდერული თანასწორობის მიღწევის ხელშეწყობა და მუნიციპალური თანამშრომლობის გაძლიერება. კამპანიის ფარგლებში 8 დეკემბერს ხობის მუნიციპალტეტის საკრებულოს სხდომათა დარბაზში გაიმართა შეხვედრა სამეგრელო ზემო-სვანეთის 8 მუნიციპალიტეტის ხელმძღვანელ პირებთან, თემაზე „გენდერული მეინსტრიმინგი - გენდერული გავლენები“ - თემა წარმოადგინასაქართველოს პარლამენტის წევრმა ნინო წილოსანმა და გენდერული თანასწორობის მუდმივმოქმედმა საპარლამენტო საბჭოს მოწვეულმა ტრენერმა ელენე ბერიაშვილმა.

შეხვედრის დასრულების შემდეგ კულტურის სახლის მცირე დარბაზში, ქალთა ფონდმა „სოხუმმა“ წარმოადგინა ფორუმ თეატრი.

ღონისძიებებს საქართველოს პარლამენტის წევრები: გიორგი ხახუბია, ირაკლი (დაჩი) ბერაია, გრეტა წიწავა, სამეგრელო-ზემო სვანეთის სახელმწიფო რწმუნებული გიორგი გუგუჩია მოადგილეებთან, ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია მოწვეულ სტუმრებთან ერთად ესწრებოდნენ.

December 4, 2023

შეხვედრა სახალხო დამცველის წარმომაგენლებთან (EN)

4 დეკემბერს ხობის მუნიციპალიტეტის საკრებულოსა და გენდერული თანასწორობის საბჭოს ეგიდით, საკრებულოს სხდომათა დარბაზში საქართველოს სახალხო დამცველის აპარატის წარმომადგენლებმა, ანა სალდაძემ, ლევან პაპავამ და თამთა ალანიამ გამართეს შეხვედრა თემაზე „სექსუალური შევიწროების არსი, პრევენცია და რეაგირების მექანიზმები.“ მომხსენებელმა ანა სალდაძემ დამსწრე საზოგადოებას გააცნო ინფორმაცია მუნიციპალურ დონეზე სექსუალური ძალადობის პრევენციისა და მასზე რეაგირების მექანიზმების შესახებ.

შეხვედრასსაკრებულოს თავმჯდომარე ლევან ქავთარაძე, საკრებულოსა და მერიის წარმომადგენლებთან ერთად ესწრებოდა.

შეხვედრა გენდერული ძალადობის წინააღმდეგ 16-დღიანი კამპანიის ფარგლებში გაიმართა.

December 4, 2023

გილოცავთ ყოვლადწმინდა ღვთისმშობლის ტაძრად მიყვანების დღეს! (EN)

December 1, 2023

შეხვედრა "ჰერა XXI" წარმომადგენლებთან (EN)

November 30, 2023

საკრებულოს სხდომა (EN)

30 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები.

მათ შორის განკარგულების პროექტი: „ხობის მუნიციპალიტეტის გენდერული თანასწორობის საბჭოს 2024–2025 წლების სამოქმედო გეგმის დამტკიცების შესახებ“, გენდერული თანასწორობის საბჭოს სამოქმედო გეგმის პროექტიმომზადდა კულტურულ-ჰუმანიტარული ფონდ „სოხუმის“ მხარდაჭერით. წარმოდგენილ განკარგულების პროექტში გაწერილია კანონით გათვალისწინებული ის აუცილებელი ღონისძიებები, რომლებიც უნდა გატარდეს მუნიციპალიტეტის მხრიდან გენდერულ ჭრილში, გეგმით დადგენილ პერიოდში.

სხდომაზე ასევე განხილულ იქნა განკარგულება პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“, რომლის თანახმადაც „საქართველოს სამედიცინო ჰოლდინგს“ უზუფრუქტის ფორმით, ორი წლის ვადით, მთავრობის დადგენილების შესაბამისად, სოფლის ამბულატორიების ქსელის ინფრასტრუქტურული მდგომარეობის მოწესრიგების მიზნით გადაეცემა მუნიციპალიტეტის საკუთრებაში არსებული ძირითადი ქონება.

განკარგულება პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ“ მუნიციპალიტეტის საკუთრებაში არსებული სპეციალური დანიშნულების, ასენიზაციის ავტომანქანა, არსებობის ვადით, უსასყიდლოდ გადაეცა შპს „ხობის მუნიციპალიტეტის წყალმომარაგებას“.

სხდომაზე ასევე განხილულ იქნა საკრებულოში პეტიციის წესით შემოსული საკრებულოს წევრის მალხაზი იოსავას განცხადება. განცხადებაში ნათქვამია, რომ პირველი მაისის ადმინისტრაციულ ერთეულში მცხოვრები მოსახლეობა წყალმომარაგების უქონლობის გამო გაუსაძლის მდგომარეობაშია, განსაკუთრებით ზაფხულის პერიოდში, ფაქტიურად ჭები შრება და მოსახლეობას პრობლემა აქვს, როგორც სასმელი, ასევე საყოფაცხოვრებო წყლით უზრუნველყოფის თვალსაზრისით. პეტიცია საკრებულოს გადაწყვეტილებით გადაეგზავნა მუნიციპალიტეტის მერიას არსებული პრობლემის გადაწყვეტის მიზნით.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

November 29, 2023

ხობის მუნიციპალიტეტი უერთდება ძალადობის წინააღმდეგ კამპანიას (EN)

29 ნოემბერს ხობის მუნიციპალიტეტის საკრებულოსა და მერიის თანამშრომლებმა გენდერული თანასწორობის საბჭოს წევრებთან ერთად ქალაქში საინფორმაციო მასალები დაარიგეს. აღნიშნული აქციის მიზანია გენდერული ძალადობის წინააღმდეგ საზოგადოების ცნობიერების ამაღლება.

აქცია იმართება გენდერული ძალადობის წინააღმდე 16-დღიანი გლობალური კამპანიის ფარგლებში.

November 28, 2023

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2023 წლის 30 ნოემბერს 11 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის გენდერული თანასწორობის საბჭოს 2024-2025 წლების სამოქმედო გეგმის დამტკიცების შესახებ“ განკარგულების პროექტის განხილვა;

(მომხსენებელი: ლევან ქავთარაძე - ხობის მუნიციპალიტეტის გენდერული თანასწორობის

საბჭოს თავმჯდომარე);

თანამომხსენებელი: თამუნა სიჭინავა - ხობის მუნიციპალიტეტის გენდერული თანასწორობის

საბჭოს მდივანი);

2. „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ’’ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

3. ,,ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით), პირდაპირი განკარგვის წესით გადაცემაზე თანხმობის მიცემის შესახებ’’ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

4. „ხობის მუნიციპალიტეტის პირველი მაისის ადმინისტრაციულ ერთეულში წყალმომარაგების პრობლემის შესახებ“ პეტიციის წესით წარმოდგენილი საკითხის შესწავლა, განხილვა და გადაწყვეტის თაობაზე“;

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

5. საკრებულოს წევრის მალხაზ იოსავას მოხსენება.

November 28, 2023

ბიუროს სხდომა (EN)

28 ნოემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა დღის წესრიგით გათვალისწინებული საკითხები:

1. ხობის მუნიციპალიტეტის საკრებულოს წევრის მალხაზ იოსავას 2023 წლის 20 ოქტომბრის N19/51232933-51 განცხადების განხილვა (ხობის მუნიციპალიტეტის საკრებულოს მორიგ სხდომაზე მოხსენების თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

2.პეტიციის წარმომდგენი სუბიექტის მალხაზ იოსავას 2023 წლის 13 ნოემბრის N19/51233173-51 განცხადების განხილვა („ხობის მუნიციპალიტეტის პირველი მაისის ადმინისტრაციულ ერთეულში წყალმომარაგების პრობლემის შესახებ“ საკითხის საკრებულოს სხდომაზე შესწავლა, განხილვა და გადაწყვეტის თაობაზე“);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

3. ხობის მუნიციპალიტეტის მერის დავით ბუკიას 2023 წლის 27 ნოემბრის N50-502333115 წერილის განხილვა:

• „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონებების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ’’ განკარგულების პროექტის თაობაზე;

• ,,ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) პირდაპირი განკარგვის წესით გადაცემაზე თანხმობის მიცემის შესახებ’’ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

4. ხობის მუნიციპალიტეტის გენდერული თანასწორობის საბჭოს თავმჯდომარის ლევან ქავთარაძის 2023 წლის 27 ნოემბრის N51-512233315 განცხადების განხილვა („ხობის მუნიციპალიტეტის გენდერული თანასწორობის საბჭოს 2024-2026 წლების სამოქმედო გეგმის დამტკიცების შესახებ“ განკარგულების პროექტის თაობაზე).

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე).

November 28, 2023

მერიის სამსახურების ანგარიშები (EN)

28 ნოემბერს, ხობის მუნიციპალიტეტის საკრებულოს სხდომათა დარბაზში საკრებულოს ბიუროსა და საკრებულოს ინფრასტრუქტურისა და სივრცით-ტერიტორიული დაგეგმარების კომისიის მიერ მოსმენილ იქნა მერიის ინფრასტრუქტურის, ურბანული განვითარებისა და არქიტექტურის და ზედამხედველობის სამსახურების ანგარიშები. სამსახურების ხელმძღვანელებმა წარმოადგინეს 2022 წელს გაწეული საქმიანობის ანგარიში.

ორივე სამსახურის მუშაობა კომისიის მიერ შეფასდა დამაკმაყოფილებლად.

November 24, 2023

გენდერული ძალადობის წინააღმდეგ 16-დღიანი გლობალური კამპანია (EN)

ხობის მუნიციპალიტეტის საკრებულო და გენდერული თანასწორობის საბჭო უერთდება გენდერული ძალადობის წინააღმდეგ 16-დღიან გლობალურ კამპანიას.

კამპანია 1991 წლიდან იღებს სათავეს, ის 25 ნოემბერს - ქალთა მიმართ ძალადობის აღმოფხვრის საერთაშორის დღეს იწყება და სრულდება 10 დეკემბერს - ადამიანის უფლებათა დაცვის საერთაშორისო დღეს. კამპანიის მიზანია საზოგადოების ცნობიერების ამაღლება და გენდერული ძალადობის მსხვერპლთა მიმართ სოლიდარობა.

გენდერული ძალადობის წინააღმდეგ 16-დღიანი გლობალური კამპანიისფარგლებში, ხობის მუნიციპალიტეტის საკრებულოსა და გენდერული თანასწორობის საბჭოს ეგიდით დაგეგმილი ღონისძიებების შესახებ:

27 ნოემბერი 11:00 საათი - საინფორმაციო კამპანია ქალაქში - საინფორმაციო მასალების დარიგება - ხობის მუნიციპალიტეტის საკრებულო და გენდერული თანასწორობის საბჭო.

1 დეკემბერი 11:00 საათი - შეხვედრა ფერტილური ასაკის ქალებთან და მამაკაცებთან - ხობის მუნიციპალიტეტის საკრებულოს სხდომათა დარბაზი - ასოციაცია ჰერა XXI.

1 დეკემბერი 14:00 საათი - შეხვედრა სკოლის მოსწავლეებთან, თემა „ნაადრევი ქორწინება და რეპროდუქციული ჯანმრთელობა“ - ხობის მუნიციპალიტეტი მე-2 საჯარო სკოლა, ასოციაცია ჰერა XXI.

4 დეკემბერი 11:00 საათი - სექსუალური შევიწროების არსი და მისი პრევენციის მნიშვნელობა - ხობის მუნიციპალიტეტის საკრებულოს სხდომათა დარბაზი, საქართველოს სახალხო დამცველის აპარატის თანასწორობის დეპარტამენტი, ანა სალდაძე.

8 დეკემბერი 10:30 საათი - შეხვედრა სამეგრელო ზემო-სვანეთის 8 მუნიციპალიტეტის მერებთან და საკრებულოს თავმჯდომარეებთან, თემა „გენდერული მეინსტრიმინგი - გენდერული გავლენები“ - ხობის მუნიციპალიტეტის საკრებულოს სხდომათა დარბაზი - ნინო წილოსანი, საქართველოს პარლამენტის წევრი, გენდერული თანასწორობის მუდმივმოქმედი საბჭოს თავმჯდომარე.

8 დეკემბერი 13:00 საათი- ნახატების გამოფენა, „ახალგაზრდები ძალადობის წინააღმდეგ“ -ხობის მუნიციპალიტეტის კულტურის სახლის მცირე დარბაზის ფოიე, ქალთა ფონდი „სოხუმი“.

8 დეკემბერი 13:30 საათი- ფორუმ თეატრი- ხობის მუნიციპალიტეტის კულტურის სახლის მცირე დარბაზი, ქალთა ფონდი „სოხუმი“.

<<
<
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
...
>
>>