SAKREBULO OF KHOBI MUNICIPALITY

Home
news

news

September 15, 2022

"სპორტი ყველასათვის" ხობში ჩატარდა (EN)

ხობის ცენტრალურ სტადიონზე მუნიციპალიტეტის საჯარო სკოლების გუნდების მონაწილეობით საფეხბურთო ტურნირი გაიმართა. ორდღიან ტურნირში 2010, 2011 და 2012 წლებში დაბადებულ ჭაბუკთა 16 ხოლო გოგონათა 8 გუნდი მონაწილეობდა, ტურნირის პარალელურად ხობის ცენტრალურ პარკში ჩატარდა მუნიციპალიტეტის პირველობა მძლეოსნობაში.

ღონისძიებებს ფედერაცია „სპორტი ყველასათვის“ პრეზიდენტი, საქართველოს პარლამენტის წევრი ირაკლი მეძმარიაშვილი, საქართველოს პარლამენტის წევრი დაჩი ბერაია, „სპორტი ყველასათვის“ფედერაციის ვიცე პრეზიდენტი მაია აზარაშვილი, ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია ადგილობრივი თვითმმართველობის წარმომადგენლებთან ერთად ესწრებოდნენ.

გამარჯვებულ და საპრიზო ადგილების მფლობელ გუნდებს თასები, მედლები და სამახსოვრო საჩუქრები გადაეცათ.

სპორტული ღონისძიება საქართველოს ეროვნული ფედერაციის „სპორტი ყველასათვის“ ორგანიზებითა და ხობის მუნიციპალიტეტის საკრებულოსა და მერიის მხარდაჭერით განხორციელდა.

September 15, 2022

სკოლებში ახალი სასწავლო წელი დაიწყო (EN)

15 სექტემბერს, ხობის მუნიციპალიტეტის სკოლებში ახალი სასწავლო წელი დაიწყო! მუნიციპალიტეტის საჯარო სკოლებში 305 პირველკლასელი ჩაირიცხა. პირველკლასელებს სახელმწიფოსგან საჩუქრად პორტაბელური კომპიუტერები (ბუკები) გადაეცათ.

მოსწავლეებსა და პედაგოგებს ახალი სასწავლო წლის დაწყება ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ და მერის მოადგილემ დავით ბერაიამ, ადგილობრივი თვითმმართველობის სხვა წარმომადგენლებთან ერთად მიულოცეს და წარმატებები უსურვეს.

September 15, 2022

გილოცავთ სასწავლო წლის დაწყებას! (EN)

September 9, 2022

საკრებულოს სხდომა (EN)

9 სექტემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ კიდევ ერთხელ სოლიდარობა გამოუცხადა უკრაინელ ხალხს. სხდომაზე განხილულ იქნა დღის წესრიგით გათვალისწინებული საკითხები, მათ შორის;დადგენილების პროექტი „ხობის მუნიციპალიტეტის 2022წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის ბიუჯეტში 2022 წლის შემოსულობები გაიზარდა 38,5 ათასი ლარით „გრანტებიდან“ (საქართველოს რეგიონებში განსახორციელებელი პროექტების ფონდიდან) და ბიუჯეტის შემოსულობები ამ ეტაპზე შეადგენს 21339,7 ათას ლარს.

მერიის წინადადების თანახმად, საკრებულომ მიიღო გადაწყვეტილება მუნიციპალიტეტის მერიაში რეორგანიზაციის განხორცილებისა და რეორგანიზაციის საფუძველზე ზედამხედველობის სამსახურის შექმნისა და არსებულ სტრუქტურულ ერთეულებში, შიდა გადანაწილებების განხორციელების შესახებ.

განკარგულების პროექტით განკარგულების პროექტი: სსიპ ილია ქვარცხავას სახელობის ხობის მუნიციპალიტეტის სოფელ საჯიჯაოს N2 საჯარო სკოლისთვის სსიპ ილია ქვარცხავას სახელობის ხობის მუნიციპალიტეტის სოფელ გაღმა საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ სსიპ ილია ქვარცხავას სახელობის ხობის მუნიციპალიტეტის სოფელ საჯიჯაოს N2 საჯარო სკოლის სამეურვეო საბჭოს მიეცა თანხმობა სკოლისთვის სსიპ ილია ქვარცხავას სახელობის ხობის მუნიციპალიტეტის სოფელ გაღმა საჯიჯაოს საჯარო სკოლის სახელის მინიჭების თაობაზე

ხეთის ადმინისტრაციულ ერთეულის სოფელ ოხვამეკარში არსებული წყლის სისტემა, რომელსაც მუნიციპალიტეტის მხრიდან ჩაუტარდა რეაბილიტაცია და 2022 წლის 15 თებერვლიდან შესულია ექსპლოატაციაში, მოვლა-პატრონობის მიზნით, თხოვების ფორმით, არსებობის ვადით, გადაეცა შპს ,,ხობის მუნიციპალიტეტის წყალმომარაგებას“, რაზედაც მიღებულ იქნა განკარგულება „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“.

სხდომაზე ასევე განიხილეს განკარგულების პროექტი: „ხობის მუნიციპალიტეტის საკუთრებაში არსებული ქონების საპრივატიზებო ობიექტების ნუსხის დამტკიცების შესახებ“, რომლის საფუძველზეც აუქციონის წესით საპრივატიზებოდ მზადდება ჭალადიდის ადმინისტრაციულ ერთეულში მდებარე სკვერის რეაბილიტაციის შედეგადაც მიღებული 50 კვმ შერეული ფორმის მეორადი ბაზალტის ფილები.

განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ ა(ა)იპ „ხობის მუნიციპალიტეტის კულტურულ - საგანმანათლებლო საზოგადოებრივ ცენტრს“ სარგებლობის უფლებით არსებობის ვადით, უზუფრუქტის ფორმით, უსასყიდლოდ, პირდაპირი განკარგვის წესით, გადაეცა ხობის მუნიციპალიტეტის ძველი ხიბულის ადმინისტრაციულ ერთეულში მუნიციპალიტეტის საკუთრებაში არსებული ზვიად გამსახურდიას მემორიალური სახლი.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

September 8, 2022

ბიუროს სხდომა (EN)

8 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები;

1. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ლევან ლიპარტიას 2022 წლის 25 აგვისტოს N51-51222371 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 26 აგვისტოს N51-51222382 განცხადების განხილვა („ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 26 აგვისტოს N51-51222383 განცხადების განხილვა („სსიპ ილია ქვარცხავას სახელობის ხობის მუნიციპალიტეტის სოფელ საჯიჯაოს N2 საჯარო სკოლისთვის სსიპ ილია ქვარცხავას სახელობის ხობის მუნიციპალიტეტის სოფელ გაღმა საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ განკარგულების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. ხობის მუნიციპალიტეტის მერის დავით ბუკიას 2022 წლის 26 აგვისტოს N50-502223836 და 31 აგვისტოს N50-502224368 წერილების განხილვა:

• „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით ) გადაცემაზე თანხმობის მიცემის შესახებ“ განკარგულების პროექტის თაობაზე;

• „ხობის მუნიციპალიტეტის საკუთრებაში არსებული ქონების საპრივატიზებო ობიექტების ნუსხის დამტკიცების შესახებ“ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

5. ხობის მუნიციპალიტეტის მერის დავით ბუკიას 2022 წლის 29 აგვისტოს N50-502224124 და 31 აგვისტოს N50-502224326 წერილების განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

6. ხობის მუნიციპალიტეტის მერის დავით ბუკიას 2022 წლის 30 აგვისტოს N50-502224277 და 2 სექტემბრის N50-502224560 წერილების განხილვა:

• „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის მერიის ეკონომიკური განვითარებისა და ქონების მართვის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №48 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №49 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის მერიის შიდა აუდიტისა და ინსპექტირების სამსახურის დებულების დამტკიცების შესახებ“ დადგენილების პროექტის თაობაზე;

• „ხობის მუნიციპალიტეტის მერიის ზედამხედველობის სამსახურის დებულების დამტკიცების შესახებ“ დადგენილების პროექტის თაობაზე;

• „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

7. ხობის მუნიციპალიტეტის მერის დავით ბუკიას 2022 წლის 30 აგვისტოს N50-502224278 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

8. ხობის მუნიციპალიტეტის მერის დავით ბუკიას 2022 წლის 1 სექტემბრის N50-502224433 წერილის განხილვა („ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე).

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე).

September 7, 2022

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2022 წლის 9 სექტემბერს 11:00 საათზე, საკრებულოს სხდომათა დარბაზში.

სხდომის დღის წესრიგი:

1.„ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

2. „ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის N18 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული სამსახურის უფროსი);

4. „ხობის მუნიციპალიტეტის მერიის შიდა აუდიტისა და ინსპექტირების სამსახურის დებულების დამტკიცების შესახებ“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული სამსახურის უფროსი);

5. „ხობის მუნიციპალიტეტის მერიის ზედამხედველობის სამსახურის დებულების დამტკიცების შესახებ“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული სამსახურის უფროსი);

6. „ხობის მუნიციპალიტეტის მერიის ეკონომიკური განვითარებისა და ქონების მართვის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №48 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული

სამსახურის უფროსი);

7. „ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №49 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული სამსახურის უფროსი);

8. „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ზვიად ბუკია - ხობის მუნიციპალიტეტის მერიის ადმინისტრაციული სამსახურის უფროსი);

9. „სსიპ ილია ქვარცხავას სახელობის ხობის მუნიციპალიტეტის სოფელ საჯიჯაოს N2 საჯარო სკოლისთვის სსიპ ილია ქვარცხავას სახელობის ხობის მუნიციპალიტეტის სოფელ გაღმა საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ განკარგულების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

10. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით ) გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

11. „ხობის მუნიციპალიტეტის საკუთრებაში არსებული ქონების საპრივატიზებო ობიექტების ნუსხის დამტკიცების შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

12. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ანტონ ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი);

13. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა.

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე).

September 5, 2022

შეხვედრა ევროპის ჩემპიონებთან (EN)

ხობის მუნიციპალიტეტის საკრებულოს თავმჯდომარე ლევან ქავთარაძე, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნიასთან და საკრებულოს ბიუროს სხვა წევრებთან ერთად წარმატებულ ხობელ სპორტსმენებს: ბერძნულ-რომაული სტილით მოჭიდავე, 15 და 17 წლამდელთა შორის ევროპის ჩემპიონს, ვახტანგ ლოლუას და ევროპის ახალგაზრდული ჩემპიონატის ოქროს მედალოსანს, მოკრივე დიმა ქაჯაიას, მწვრთნელებთან ერთად შეხვდა. ლევან ქავთარაძემ სპორტსმენებსა და მათ მწვრთნელებს საკრებულოს სახელით სიმბოლური საჩუქრები გადასცა და მადლობა გადაუხადა მიღწეული წარმატებებისთვისა და ქვეყნის ღირსეულად წარმოჩენისთვის.

August 30, 2022

საინფორმაციო კამპანია ძალადობის წინააღმდეგ (EN)

ხობის მუნიციპალიტეტის საკრებულოს აპარატის მიერ, გენდერული თანასწორობის და ქალთა მიმართ და ოჯახში ძალადობის შესახებ, განათლება - ცნობიერების ამაღლების ხელშეწყობის მიზნით მომზადებლი საინფორმაციო მასალები.

August 29, 2022

დასრულდა ნუტი ლემონჯავას სახელობის თასის გათამაშება ფეხბურთში (EN)

29 აგვისტოს, ხობში, პაატა თათარიშვილის სახელობის ცენტრალურ სტადიონზე დასრულდა ტრაგიკულად დაღუპული ახალგაზრდა ფეხბურთელის, ნუგზარ (ნუტი) ლემონჯავას სახელობის თასის გათამაშება ფეხბურთში. ფინალურ შეხვედრაში ერთმანეთს ფოთის „კოლხეთი“ და ხობის "კოლხეთი" შეხვდნენ.

შეხვედრის ძირითადი დრო 1:1 დასრულდა, პენალტების სერიაში გამარჯვება ფოთელმა ფეხბურთელებმა მოიპოვეს და ნუტის სახელობის თასის მფლობელები გახდნენ.

ტურნირის ფინალურ მატჩს და

დაჯილდოების ცერემონიალს, ხობის მუნიციპალიტეტისსაკრებულოს თავმჯდომარე ლევან ქავთარაძე, მერის მოადგილე დავით ბერაია, ადგილობრივი ხელისუფლების წარმომადგენლებთან და ნუტის ოჯახის წევრებთან ერთად ესწრებოდნენ.

ტურნირი საფეხბურთო კლუბი ხობის ,,კოლხეთისა“ და სამეგრელო-ზემო სვანეთის რეგიონალური ფეხბურთის ფედერაციის ორგანიზებით ჩატარდა.

August 29, 2022

საინფორმაციო კამპანია ძალადობის წინააღმდეგ (EN)

29 აგვისტოს ხობის მუნიციპალიტეტის საკრებულოს აპარატის იურიდიულ საკითხთა და საქმის წარმოების განყოფილების მეორე კატეგორიის უფროსი სპეციალისტი გენდერული თანასწორობის საკითხებში ნინო ურიდიას ორგანიზებით და ამავე განყოფილების პირველი კატეგორიის უფროსს სპეციალისტთან გიორგი გერგაისთან ერთად ქ. ხობში გავრცელდა საინფორმაციო საშუალებები ლიფლეტების სახით, გენდერული თანასწორობის და ქალთა მიმართ და ოჯახში ძალადობის შესახებ. აღნიშნული საინფორმაციო საშუალებები მომზადდა საკრებულოს აპარატისმიერ და მიზნად ისახავს საზოგადოების განათლება-ცნობიერების ამაღლების ხელშეწყობას.

საინფორმაციო პუბლიკაციები განთავსდება საკრებულოს ვებ-გვერდზე და ფეიზბუქ გვერდზე.

August 28, 2022

ვეტერან ფეხბურთელთა შორის საფეხბურთო ტურნირი გაიმართა (EN)

28 აგვისტოს, მარიამობის დღესასწაულთან დაკავშირებით, ხობის მუნიციპალიტეტის გურიფულის ადმინისტრაციულ ერთეულში ჩატარდა საფეხბურთო მატჩი მხცოვან ფეხბურთელთა შორის, რომელშიც ერთმანეთს დაუპირისპირდნენ პირველი და მეორე გურიფულის ვეტერანი ფეხბურთელები. შეხვედრა საინტერესო და მეგობრულ ვითარებაში წარიმართა, რომელშიც პირველი გურიფულის ფეხბურთელთა გუნდმა გაიმარჯვა ანგარიშით 4:1 . ღონისძიებას ხობის მუნიციპალიტეტის თავმჯდომარე ლევან ქავთარაძე, მერის მოადგილე დავით ბერაია და სამეგრელო-ზემო სვანეთის სახელმწიფო რწმუნებულის ადმინისტრაციის აპარატის უფროსი ლაშა გვასალია დაესწრნენ.

August 28, 2022

სოფელ წინაგოლაში "მარულა" გაიმართა (EN)

28 აგვისტოს, მარიამობის დღესასწაულზე,

ხეთის ადმინისტრაციული ერთეულის სოფელ წინაგოლაში, საცხენოსნო შეჯიბრების ერთ-ერთი უძველესი სახეობა ,,მარულა" გაიმართა, რომელიც ტრაგიკულად დაღუპული ახალგაზრდის, ლექსო ჭითანავას ხსოვნას მიეძღვნა.

შეჯიბრში მონაწილეობა მიიღეს სამეგრელოს სხვადასხვა მუნიციპალიტეტიდან მოწვეულმა ცხენოსნებმა.

საცხენოსნო შეჯიბრება გაიმართა ერთ-ერთ ტრადიციულ სახეობაში- მარულა, სადაც 2 და 6 კილომეტრ მანძილზე ჯირითში ჩენპიონი გახდა ჯანო მამფორია (ერგეტა- ზუგდიდი.)

4კილომეტრიან მანძილზე ჩემპიონის ტიტული ხეთელმა ბეჟან არაჰამიამ მოიპოვა,

ხოლო 8 კილომეტრიან მანძილზე პირველობა და ჩემპიონის ტიტული მალხაზ აბშილავამ(სოფ. ორულუ)მოიპოვა.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და სამეგრელო-ზემო სვანეთის სახელმწიფო რწმუნებულის ადმინისტრაციის აპარატის უფროსი, ლაშა გვასალია, მოწვეულ სტუმრებთან ერთად დაესწრნენ.

საცხენოსნო ტურნირი ადგილობრივი თვითმმართველობის მხარდაჭერით განხორციელდა, გამარჯვებულებს თასები და სიგელები გადაეცათ.

August 28, 2022

გილოცავთ მარიამობას! (EN)

August 26, 2022

სტარტი აიღო ნუტი ლემონჯავას სახელობის ტურნირმა ფეხბურთში (EN)

26 აგვისტოს, ხობის ცენტრალურ სტადიონზე სტარტი აიღო, ტრაგიკულად დაღუპული ახალგაზრდა ფეხბურთელის, ნუგზარ (ნუტი) ლემონჯავას სახელობის თასის გათამაშებამ ფეხბურთში. ტურნირის გახსნის ცერემონიას ხობის მუნიციპალიტეტის საკრებულოს თავმჯდომარე ლევან ქავთარაძე, მერის მოადგილე დავით ბერაია და საფეხბურთო კლუბების ხელმძღვანელი პირები ესწრებოდნენ.

საფეხბურთო ტურნირში ბათუმის „ბათუსი“, ქუთაისის „მართვე“, მარტვილის საფეხბურთო სკოლის, ოზურგეთისა და ხონის სასპორტო სკოლის, ფოთის „კოლხეთის“,ზუგდიდის „ოდიში 1919“-ის და „ხობის კოლხეთის“ 2012-2013 წლებში დაბადებული ფეხბურთელები იღებენ მონაწილეობას.

ფინალური შეხვედრები და დაჯილდოების ცერემონია 29 აგვისტოს ხობის ცენტრალურ სტადიონზე გაიმართება.

August 19, 2022

გილოცავთ ფერისცვალებას! (EN)

<<
<
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
...
>
>>