SAKREBULO OF KHOBI MUNICIPALITY

Home
news

news

January 27, 2022

გილოცავთ ნინოობას! (EN)

January 24, 2022

პირველ ხორგაში საბავშვო ბაღი გაიხსნა (EN)

ხობის მუნიციპალიტეტის პირველი ხორგის ადმინისტრაციულ ერთეულში ახალაშენებული საბავშვო ბაღი გაიხსნა.

თანამედროვე სტანდარტების შესაბამისად მოწყობილი ბაღი ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ და სამეგრელო-ზემო სვანეთის სახელმწიფო რწმუნებულის მოადგილემ დავით კუხალეიშვილმა გახსნეს.

ხელისუფლების წარმომადგენლებმა აღსაზრდელებს და პედაგოგებს კეთილმოწყობილ გარემოში სწავლის განახლება მიულოცეს და წარმატებები უსურვეს მათ.

საბავშვო ბაღი ადგილობრივი ბიუჯეტის დაფინანსდებით აშენდა და მისმა ღირებულებამ 500 000 ლარი შეადგინა.

პირველ ხორგაში საბავშვო ბაღი ადმინისტრაციული შენობის ამორტიზირებულ ოთახში იყო განთავსებული. თანამედროვე სტანდარტებით აშენებული საბავშვო ბაღი 30 აღსაზრდელზეა გათვლილი.

January 19, 2022

გილოცავთ ნათლისღებას! (EN)

January 17, 2022

შავღელეში რეაბილიტირებული სკოლა გაიხსნა (EN)

ხობის მუნიციპალიტეტის შავღელეს ადმინისტრაციულ ერთეულში საჯარო სკოლის სრული რეაბილიტაცია დასრულდა.

თანამედროვე სტანდარტების შესაბამისად მოწყობილი სკოლა ხობის მუნიციპალიტეტის საკრებულოს თავმჯდომარემ ლევან ქავთარაძემ, მერმა დავით ბუკიამ და ხობის საგანმანათლებლო რესურსცენტრის უფროსმა ბეატრისა რუსიამ გახსნეს.

ხელისუფლების წარმომადგენლებმა მოსწავლეებსა და პედაგოგებს მიულოცეს კეთილმოწყობილ გარემოში სწავლის პროცესის განახლება და წარმატებები უსურვეს მათ.

საჯარო სკოლის სრულ რეაბილიტაციაზე 2 მილიონ ლარზე მეტი დაიხარჯა.

ინფრასტრუქტურული პროექტი საქართველოს მუნიციპალური განვითარების ფონდის დაფინანსებით განხორციელდა.

January 14, 2022

14 იანვარი ქართული თეატრის დღეა (EN)

14 იანვარი ქართული თეატრის დღეა. ამ დღესთან დაკავშირებით, ხობის კულტურის სახლის მცირე დარბაზში ადგილობრივი თეატრის მიერ,

ნაჩვენები იქნა მონო-სპექტაკლი ნ.დუმბაძის მოთხრობა "დედა"-ს მიხედვით

(რეჟისორი: რამაზ ლოლუა. შემსრულებელი ნიკო კაჭარავა.)

სპექტაკლს ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების სხვა წარმომადგენლებთან ერთად დაესწრნენ.

January 14, 2022

14 იანვარი საქართველოს სახელმწოფო დროშის დღეა. (EN)

January 7, 2022

გილოცავთ შობას! (EN)

January 5, 2022

საახალწლო ღონისძიება ხობში (EN)

საქართველოს პრემიერ-მინისტრის ინიციატივით ორგანიზებული ღონისძიებების ფარგლებში, ხობში საახალწლო ღონისძიება გაიმართა. ღონისძიების ფარგლებში მოეწყო საშობაო ქარავანი, ბაზრობები, საბავშვო გასართობი სივრცეები. ტერიტორიაზე განთავსებული იყო ხის საახალწლო სახლები, ფოტოგადასაღები სტენდები და ინსტალაციები. საახალწლო ღონისძიებები ორ საათზე დაიწო. სადაც მუნიციპალიტეტში მცხოვრებ პატარებს თოვლის ბაბუამ ტკბილეული და საჩუქრები გადასცა.

დღის განმავლობაში იმართებოდა ადგილობრივი ანსამბლების კონცერტი. საღამოს კი მაყურებელთა წინაშე ჯგუფი ბანი და ღამის შოუს ბენდი წარდგნენ.

საახალწლო ღონისძიება გრანდიოზული ფოიერვერკით დასრულდა.

December 31, 2021

ადგილობრივი ხელისუფლების წარმომადგენლებმა ახალი წელი მიულოცეს. (EN)

ხობის მუნიციპალიტეტის საკრებულოს თავმჯდომარე ლევან ქავთარაძე, ხობის მუნიციპალიტეტის მერის პირველი მოადგილე რევაზ ზაქარაია, მერის მოადგილე დავით ბერაია და საკრებულოს ფრაქცია " ქართული ოცნება-დემოკრატიული საქართველოს" თავმჯდომარე აკაკი მალანია, შინაგან საქმეთა სამინისტროს ხობის რაიონულ სამმართველოს, „სამედიცინო კორპორაცია ევექსის“ ხობის ჰოსპიტალს „საგანგებო სიტუაციების კოორდინაციის და გადაუდებელი დახმარების ცენტრს“და საგანგებო სიტუაციების მართვის ხობის განყოფილებას ეწვივნენ, თანამშრომლებს დამდეგი ახალი წელი მიულოცეს, წარმატებები უსურვეს პროფესიულ და საზოგადოებრივ საქმიანობაში და მოქალაქეთა ჯანმრთელობასა და უსაფრთხოებაზე ზრუნვისთვის მადლობა გადაუხადეს.

December 30, 2021

ბენეფიციარებს საახალწლო ნობათი გადაეცათ (EN)

30 დეკემბერს, ხობის მუნიციპალიტეტის საკრებულოს თავმჯდომარემ ლევან ქავთარაძემ მერის მოადგილეებთან და საკრებულოს თანამდებობის პირებთან ერთად ხობის უმწეოთა სასადილოს ბენეფიციარებს დამდეგი შობა-ახალი წელი მიულოცა და საახალწლო საჩუქრები გადასცა. ადგილობრივი ბიუჯეტის დაფინანსებით შეძენილი საახალწლო ნობათი 135 მა ბენეფიციარმა მიიღო. უმწეოთა სასადილოს ბენეფიციარებს, ასევე გადაეცათ შავი ზღვის ტერმინალის (ყულევის) სასურსათო პაკეტები.

December 30, 2021

ხობში საახალწლო კონცერტი გაიმართა (EN)

ხობის ცენტრალური პარკის მიმდებარე ტერიტორიაზე, წინასაახალწლო ზეიმი გაიმართა. მაყურებელთა წინაშე ჯგუფი „ქიმერა“ წარდგა. გაიმართა ანიმატორებისა და დრამერების შოუ.

ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების წარმომადგენლებთან ერთად დაესწრნენ.

December 29, 2021

წარმატებულ სპორტსმენთა დაჯილდოება (EN)

ხობის კულტურის სახლის ფოიეში, ხობის მუნიციპალიტეტის 2021 წლის წარმატებულ სპორტსმენთა და მწვრთნელთა დაჯილდოების ცერემონია გაიმართა. ღონისძიებას ხობის მუნიციპალიტეტის საკრებულოს თავმჯდომარე ლევან ქავთარაძე და მუნიციპალიტეტის მერი დავით ბუკია ადგილობრივი ხელისუფლების წარმომადგენლებთან ერთად ესწრებოდნენ.

საკრებულოს თავმჯდომარემ სიტყვით მიმართა შეკრებილ საზოგადოებას, დამდეგი შობა- ახალი წელი მიულოცა მათ და წარმატებები უსურვა შემდგომ საქმიანობაში.

საერთაშორისო პირველობების გამარჯვებულ და პრიზიორ სპორტსმენებს და მწვრთნელებს გადაეცათ ფულადი ჯილდო, ხოლო საქართველოს პირველობებზე წარმატებით მოასპარეზე სპორტსმენებს ფასიანი საჩუქრები გადაეცათ.

December 29, 2021

ბაღებში საახალწლო საჩუქრები დარიგდა (EN)

ხობის მუნიციპალიტეტის საბავშვო ბაღების აღსაზრდელებს საახალწლო ნობათი გადაეცათ. ადგილობრივი ბიუჯეტის დაფინანსებით შეძენილ ტკბილეულს ხობის მუნიციპალიტეტის საბავშვო ბაღის 1000 აღსაზრდელი მიიღებს.

საჩუქრების გაცემის პროცესში მონაწილეობა მიიღეს და ბავშვებსა და აღმზრდელ-მასწავლებლებს დამდეგი შობა-ახალი წელი მიულოცეს ხობის მუნიციპალიტეტის მერის მოადგილემ დავით ბერაიამ, საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ, საკრებულოს იურიდიულ, სამანდატო და ეთიკის კომისიის თავმჯდომარემ მედეა თათარიშვილმა და საკრებულოს ფრაქცია „ქართული ოცნება-დემოკრატიული საქართველო“-ს თავმჯდომარის მოადგილემ გივი ლატარიამ.

December 29, 2021

საკრებულოს სხდომა (EN)

29 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. საკრებულოს სხდომაზე დამტკიცდა მუნიციპალიტეტის მთავარი ფინანსური დოკუმენტი ხობის მუნიციპალიტეტის 2022 წლის ადგილობრივი ბიუჯეტი, რომლითაც შემოსავლები განისაზღვრა 13,121.800 ლარით, ხარჯი - 11069.000 ლარი, შემოსულობები 13682.500 ლარი, აქედან: გადასახდელები 13,682,500 ლარი, გრანტი - 2.235.000 ლარი, აქედან მიზნობრივი ტრანსფერი 235 ათასი ლარი.

საკრებულოს სხდომაზე მოწონებულ იქნა წინადადებები მუნიციპალიტეტის ტერიტორიაზე 2022 წლისთვის განსახორციელებელ სამუშაოებთან დაკავშირებით: ა) საჯიჯაოს ადმინისტრაციული ერთეულის სოფელ გაღმა საჯიჯაოში ცენტრიდან მდინარე ხობისწყლის ხიდამდე გზის სარეაბილიტაციო სამუშაოები; ბ) ქ. ხობში N3 სასაფლაოსთან მისასვლელი გზის სარეაბილიტაციო სამუშაოები; გ) ხეთის ადმინისტრაციულ ერთეულში პაპანწყვირეს ტბასთან მისასვლელი გზის რეაბილიტაცია.

2022 წლის ადგილობრივ ბიუჯეტში უმთავრეს პრიორიტეტად მიჩნეულია სოციალური სფერო, ჯანდაცვის, განათლებისა და სკოლამდელი აღზრდის მიმართულებით და სხვადასხვა სახის ინფრასტრუქტურული პროექტები, რომლებიც მომავალი წლისთვის დაგეგმილია მუნიციპალიტეტის მასშტაბით. სხდომაზე ასევე დამტკიცდა ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2022 წლის მუნიციპალური პროგრამა, რომლის ბიუჯეტი განისაზღვრა 567 700 ლარით. პროგრამის ფარგლებში ადგილობრივი ბიუჯეტიდან დაფინანსდება ყველა ის პროგრამა რაც გათვალისწინებული იყო 2021 წელს. 2021 წლისგან განსხვავებით, პროგრამაში შევიდა გარკვეული ცვლილებები კერძოდ:

ა) უმწეოთა სასადილოს ბენეფიციართა რაოდენობა განისაზღვრა 150 ბენეფიციარის ოდენობით ნაცვლად 135-სა და შესაბამისად აღნიშნული მუხლის ბიუჯეტი განისაზღვრა 100000 ლარის ოდენობით ნაცვლად 87000 ლარისა.

ბ) მრავალშვილიანთა ოჯახების ერთჯერადი დახმარების ოდენობა განისაზღვრა 250 ლარის ოდენობით, ნაცვლად 200 ლარისა და შესაბამისად აღნიშნული მუხლის ბიუჯეტი განისაზღვრა 24000 ლარის ოდენობით ნაცვლად 16000 ლარისა.

გ) ახალშობილთა ოჯახების დახმარება მე-3 და მე-4 შვილზე განისაზღვრა 300 ლარის ოდენობით, ნაცვლად მე-3 და მე-5 შვილისა და მე-5 და ზემოთ 500 ლარი, ნაცვლად მე-6 და ზემოთ 600 ლარისა.

დ) დიალიზზე მყოფ მოქალაქეთა ყოველთვიური ფულადი დახმარების ოდენობა განისაზღვრა 27 000 ლარის ოდენობით ნაცვლად 28800 ლარისა. (ცვლილება გამოიწვია ბოლო სამი წლის დინამიკიდან გამომდინარე ბენეფიციართა რაოდენობის შემცირებამ).

ე) დევნილის დაკრძალვის ხარჯების ოდენობა განისაზღვრა 250 ლარის ოდენობით, ნაცვლად 200 ლარისა და შესაბამისად აღნიშნული მუხლის ბიუჯეტი განისაზღვრა 4500 ლარის ოდენობით ნაცვლად 3000 ლარისა.

ვ) დახმარება ჩერნობილის კატასტროფის სალიკვიდაციო სამუშაოებში მონაწილეთათვის განისაზღვრა 1950 ლარის ოდენობით ნაცვლად 2100 ლარისა. (ცვლილება გამოიწვია ბენეფიციართა რაოდენობის შემცირებამ).

ზ) სოციალურად დაუცველი ოჯახების (რომლებიც რეგისტრირებული არიან მონაცემთა ერთიან ბაზაში, რომელთა სარეიტინგო ქულა არ აღემატება 120 000 ქულას და რომელთა სახლები საჭიროებს სრულ ან ნაწილობრივ გადახურვას) სახურავის და გადასახურად საჭირო სხვა მასალის ასევე ავარიულ მდგომარეობაში მყოფი სახლის გასამაგრებლად, ცემენტის და ბლოკის შეძენის დახმარების ბიუჯეტი განისაზღვარა 80000 ლარის ოდენობით ნაცვლად 40000 ლარისა,(ცვლილება გამოიწვია წინა წლის მომართვიანობის დინამიკამ).

თ) 8 აგვისტოს ომის დროს დაღუპულთა ოჯახების ერთჯერადი დახმარების ოდენობა განისაზღვრა 250 ლარის ოდენობით, ნაცვლად 200 ლარისა და შესაბამისად აღნიშნული მუხლის ბიუჯეტი განისაზღვრა 1750 ლარის ოდენობით ნაცვლად 1800 ლარისა. (ცვლილება გამოიწვია ბენეფიციართა რაოდენობის შემცირებამ).

ი) აფხაზეთის ომში დაღუპულთა ოჯახების ერთჯერადი დახმარების ოდენობა განისაზღვრა 250 ლარის ოდენობით, ნაცვლად 200 ლარისა და შესაბამისად აღნიშნული მუხლის ბიუჯეტი განისაზღვრა 2500 ლარის ოდენობით ნაცვლად 3400 ლარისა. (ცვლილება გამოიწვია ბენეფიციართა რაოდენობის შემცირებამ).

კ) საქართველოს ტერიტორიული მთლიანობისთვის ომის, თავისუფლებისა და დამოუკიდებლობისათვის საბრძოლო მოქმედების შედეგად შშმპ-თა ერთჯერადი დახმარების ოდენობა განისაზღვრა 250 ლარის ოდენობით, ნაცვლად 200 ლარისა და შესაბამისად აღნიშნული მუხლის ბიუჯეტი განისაზღვრა 1750 ლარის ოდენობით ნაცვლად 1400 ლარისა.

ლ) ოჯახში ძალადობის მსხვერპლის სტატუსის მქონე პირთა ერთჯერადი დახმარების ოდენობა განისაზღვრა 7500 ლარის ოდენობით ნაცვლად 4500 ლარისა. (ოჯახში ძალადობის სტატისტიკის გაზრდის შედეგად).

მ) შშმ პირთა და ონკოლოგიურ დაავადებაზე საეჭვო პაციენტთა მაღალტექნოლოგიური გამოკვლევების (კორონაროგრაფია, კომპიუტერული ტომოგრაფია, მაგნიტურ რეზონანსული ტომოგრაფია, ბიოფსია) დაფინანსებაის ოდენობა განისაზღვრა 15150 ლარის ოდენობით ნაცვლად 18000 ლარისა.

საკრებულოს გადაწყვეტილებით, შესაბამის სამთავრობო კომისიასთან შეთანხმების საფუძველზე ქალაქ ხობის ცენტრალურ სტადიონს მიენიჭა ცნობილი ფეხბურთელის, მწვრთნელის და საფეხბურთო კლუბ „კოლხეთის“ ყოფილი თავკაცისა და პრეზიდენტის პაატა თათარიშვილის სახელი.

ამ და დღის წესრიგით გათვალისწინებული სხვა საკითხების განხილვის შემდეგ საკრებულოს თავმჯდომარემ ლევან ქავთარაძემ დამსწრე საზოგადოებას მიულოცა დამდეგი შობა-ახალი წელი და წარმატებები უსურვა მათ, როგორც პირად ასევე საზოგადოებრივ საქმიანობაში. 2021 წლის საკრებულოს ბოლო სხდომა დახურულად გამოცხადდა.

December 28, 2021

ბიუროს სხდომა (EN)

28 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის დავით ბუკიას 2021 წლის 10 დეკემბრის N50-502134464 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ დადგენილების პროექტის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის დავით ბუკიას 2021 წლის 10 დეკემბრის N50-502134465 წერილის განხილვა („ხობის მუნიციპალიტეტის ადგილობრივი ბიუჯეტის 2022 - 2025 წლების პრიორიტეტების და პროგრამების გაცნობის შესახებ“);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

3. ხობის მუნიციპალიტეტის მერის დავით ბუკიას 2021 წლის 14 დეკემბრის N50-502134867 წერილის განხილვა:

• „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის მერიის ადმინისტრაციული სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №46 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა, პროფესიულ საჯარო მოხელეთა და ადმინისტრაციული ხელშეკრულებით დასაქმებულ პირთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ;

(მომხსენებლები: მედეა თათარიშვილი - ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარე;

ლევან ლიპარტია - ხობის მუნიციპალიტეტის საკრებულოს საფინანსო -

საბიუჯეტო კომისიის თავმჯდომარე);

4. ხობის მუნიციპალიტეტის მერის დავით ბუკიას 2021 წლის 14 დეკემბრის N50-50213483 და 20 დეკემბრის N50-502135426 წერილის განხილვა:

• „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2021 წლის მუნიციპალური პროგრამის თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის N35 განკარგულებაში ცვლილების შეტანის შესახებ“ განკარგულების პროექტის თაობაზე;

• ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2022 წლის მუნიციპალური პროგრამის თანხის გაცემის წესის დამტკიცების შესახებ“ განკარგულების პროექტის თაობაზე;

• „ხობის მუნიციპალიტეტის მოსახლეობის ჯანმრთელობის დაცვის 2022 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;

• „ხობის მუნიციპალიტეტში უმწეოთა სასადილოს ბენეფიციართა შერჩევის წესის დამტკიცების შესახებ“ ხობის მუნიციპალიტეტის საკრებულოს 2018 წლის 31 ივლისის №35 განკარგულებაში ცვლილების შეტანის შესახებ“ განკარგულების პროექტის თაობაზე;

(მომხსენებელი: დოდო გაბუნია - ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე);

5. ხობის მუნიციპალიტეტის მერის დავით ბუკიას 2021 წლის 17 დეკემბრის N50-502135162 წერილის განხილვა:

• „ხობის მუნიციპალიტეტის მერისთვის, ხობის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;

• ხობის მუნიციპალიტეტის მერისთვის მუნიციპალიტეტის საკუთრებაში არსებული ამორტიზირებული ქონების ჩამოწერაზე თანხმობის მიცემის შესახებ“ განკარგულების პროექტის თაობაზე;

(მომხსენებელი: ვლადიმერ ქანთარია - ხობის მუნიციპალიტეტის საკრებულოს ეკონომიკისა და ქონების მართვის საკითხთა კომისიის თავმჯდომარე);

6. ხობის მუნიციპალიტეტის საკრებულოს ინფრასტრუქტურისა და სივრცით - ტერიტორიული დაგეგმარების კომისიის თავმჯდომარის ბექა მამაცაშვილის 2021 წლის 17 დეკემბრის N51-51213511 განცხადების განხილვა („ქალაქ ხობის ცენტრალური სტადიონისთვის პაატა თათარიშვილის სახელის მინიჭების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

7. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2021 წლის 17 დეკემბრის N51-51213512 განცხადების განხილვა:

• „ხობის მუნიციპალიტეტის საკრებულოს იურიდიულ, სამანდატო-საპროცედურო და ეთიკის კომისიის დებულების დამტკიცების შესახებ“ დადგენილების პროექტის თაობაზე;

• „ხობის მუნიციპალიტეტის საკრებულოს ინფრასტრუქტურისა და სივრცით-ტერიტორიული დაგეგმარების კომისიის დებულების დამტკიცების შესახებ“ დადგენილების პროექტის თაობაზე;

• „ხობის მუნიციპალიტეტის საკრებულოს ეკონომიკისა და ქონების მართვის საკითხთა კომისიის დებულების დამტკიცების შესახებ“ დადგენილების პროექტის თაობაზე;

• „ხობის მუნიციპალიტეტის საკრებულოს საფინანსო-საბიუჯეტო კომისიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N61 დადგენილებაში ცვლილების შეტანის თაობაზე“ დადგენილების პროექტის შესახებ;

• „ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N64 დადგენილებაში ცვლილების შეტანის თაობაზე“ დადგენილების პროექტის შესახებ;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

8. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ლ. ლიპარტიას 2021 წლის 22 დეკემბრის N51-51213561 განცხადების განხილვა („ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ დადგენილების პროექტის თაობაზე);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო -

საბიუჯეტო კომისიის თავმჯდომარე);

9. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ლ. ლიპარტიას 2021 წლის 23 დეკემბრის N51-51213571 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო -

საბიუჯეტო კომისიის თავმჯდომარე);

10. ხობის მუნიციპალიტეტის მერის დავით ბუკიას 2021 წლის 24 დეკემბრის N50-502135895 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

11. ხობის მუნიციპალიტეტის მერის დავით ბუკიას 2021 წლის 27 დეკემბრის N50-502136195 წერილის განხილვა („ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ).

(მომხსენებელი: ლევან ლიპარტია - ხობის მუნიციპალიტეტის საკრებულოს საფინანსო- საბიუჯეტო კომისიის თავმჯდომარე).

<<
<
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
...
>
>>