SAKREBULO OF KHOBI MUNICIPALITY

Home
news

news

July 23, 2020

საინფორმაციო შეხვედრა კომპანია გლობალ რისაიქლინგის დირექტორთან (EN)

სამეგრელო-ზემო სვანეთის სახელმწიფო რწმუნებულის მოადგილე ლუდუკ (ნუკრი) ხასია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია კომპანია „გლობალ რისაიქლინგის” დირექტორს ჯეიმს ჰონგს შეხვდნენ. საინფორმაციო ხასიათის შეხვედრა, კითხვა პასუხის რეჟიმში წარიმართა. კომპანია „გლობალ რისაიქლინგი“ ხობის მუნიციპალიტეტში პლასტმასის გადამამუშავებელ საწარმოს განავითარებს. პროექტის ფარგლებში 50 მლნ ლარის ჩინური ინვესტიცია განხორციელდება და 400 ადგილობრივი მოსახლე დასაქმდება. პირველ ეტაპზე, ინვესტორი 50 მლნ ლარის ინვესტიციას განახორციელებს, ხოლო მომავალში ხობში დამატებითი ინვესტიციის განხორციელებას გეგმავს. ადგილობრივი ხელისუფლების წარმომადგენლებმა ყურადღება გაამახვილეს პროექტის უსაფრთხოებაზე, ადგილობრივების დასაქმებასა თუ, ანაზღაურებაზე და გენდერულ თანასწორობაზე. შეხვედრას მერის პირველი მოადგილე ვარაზ გაბედავა და მერის მოადგილე მახარე ჩოკორაია ესწრებოდნენ.

July 22, 2020

ხოხბის საშენი მეურნეობა (EN)

ხობის მუნიციპალიტეტის ნოჯიხევის ადმინისტრაციული ერთეულის ტერიტორიაზე საქართველოს გარემოს დაცვისა და სოფლის მეურნეობის სამინისტროს სსიპ ველური ბუნების სააგენტომ კოლხური ხოხბის საწიწილე მეურნეობა მოაწყო.
მეურნეობა მოიცავს ბუნებასთან ინტეგრირებულ ვოლიერებს, საინკუბატორო-საწიწილე ნაგებობებს და ადმინისტრაციულ შენობას.
გარეულ ფრინველთა მეურნეობა ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილმა, საკრებულოს ფრაქცია „ქართული ოცნება- მრეწველების“ თავმდომარის მოადგილე გოჩა სიჭინავამ, სოფლის და სოფლის მეურნეობის განვითარების სააგენტოს ხობის საინფორმაციო საკონსულტაციო ცენტრის წარმომადგენელმა დათო ღადუამ სააგენტოს წარმომადგენელთან გოგი ქირიასთან ერთად დაათვალიერეს.
ფერმაში კოლხური ხოხბები და ხონთქრის ქათმები ჰყავთ. სააგენტოს წარმომადგენლის ინფორმაციით, მიმდინარე წლის ბოლომდე 1000 ფრთამდე ხოხბის ნამრავლს გამოზრდიან.
მეურნეობაში საკვები ბაზის უზრუნველსაყოფად წელს 10 ჰექტარზე დაითესა სიმინდის მარცვალი. სამომავლოდ იგეგმება მზესუმზირის დათესვა და მცენარეთა ენდემური ჯიშების სანერგეების მოწყობა.
კოლხური ხოხობი საქართველოს ენდემური სახეობაა. სამწუხაროდ, კოლხური ხოხბის პოპულაცია დღითი დღე მცირდება. მეურნეობის საქმიანობის ძირითად მიზანს კოლხური ხოხბის გამრავლება და ბუნებაში გაშვება წარმოადგენს.

July 20, 2020

ქუჩის ბიბლიოთეკის პრეზენტაცია (EN)

ქალაქ ხობის ცენტრალურ პარკში მოსწავლე-ახალგაზრდობის ცენტრის გამარჯვებული პროექტის ეკო-კლუბის ,,ქუჩის ბიბლიოთეკის" პრეზენტაცია გაიმართა.
დღეიდან დაინტერესებულ პირებს საშუალება ექნებათ სასიამოვნო გარემოში, მათთვის საინტერესო ლიტერატურა მოიძიონ და გაეცნონ.
პროექტის პრეზენტაციას მოწვეულ სტუმრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია, საკრებულოს სოცლიაურ საკითხთა კომისიის თავმჯდომარე დოდო გაბუნია და ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი ესწრებდონენ.
პროექტი „ერთად შევქმნათ ჩვენი ქუჩის ბიბლიოთეკა”, მეტი ნდობა სიკეთის გასაკეთებლად დაფინანსდა არასამთავრობო ორგანიზაცია ,,ხობიnews"-ის მიერ, "სამოქალაქო საზოგადოების განვითარების ინიციატივის" ფარგლებში და „საქართველოს სტრატეგიული კვლევებისა და განვითარების ცენტრის" მხარდაჭერით.

July 16, 2020

GCF - პროექტის ფარგლებში შეხვედრა გაიმართა (EN)

ხობის მუნიციპალიტეტის საკრებულოს სხდომათა დარბაზში, საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ „კლიმატის ცვლილებით გამოწვეული კატასტროფების რისკის შემცირება საქართველოში“ ფარგლებში ხობის მუნიციპალიტეტის თვითმმართველობის წარმომადგენლებთან შეხვედრა გაიმართა.
შეხვედრას საკრებულოს თავმჯდომარე ედიშერ ჯობავა, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი საკრებულოს, მერიის, სკოლის და სკოლამდელი აღზრდის დაწესებულებების წარმომადგენლები ესწრებოდნენ, რომლებსაც პროექტის და ბუნებრივი კატასტროფების მართვის შესახებ დეტალური ინფორმაცია მიეწოდათ.
პროექტი თანადაფინანსებულია კლიმატის მწვანე ფონდის (GCF), შვეიცარიის განვითარებისა და თანამშრომლობის სააგენტოს (SDC), შვედეთის მთავრობისა და საქართველოს მთავრობის მიერ, ხოლო განხორციელებას გაეროს განვითარების პროგრამა (UNDP) უზრუნველყოფს.

July 14, 2020

მინისტრის მოადგილე პროფესიულ სასწავლებელს ეწვია (EN)

დასავლეთ საქართველოში ვიზიტის ფარგლებში საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილი კოლეჯ „ფაზისის“ ხობის (ნოჯიხევის) განყოფილებას ეწვია. მინისტრის მოადგილე, სამეგრელო-ზემო სვანეთის სახელმწიფო რწმუნებულის მოადგილე ნუკრი ხასიასთან, ხობის მუნიციპალიტეტის საკრებულოს თავმჯდომარე ედიშერ ჯობავასთან და მერთან გოჩა ქაჯაიასთან ერთად, სასწავლებლის მატერიალურ-ტექნიკურ ბაზას გაეცნო და კოლეჯის პედაგოგებს და სტუდენტებს შეხვდა. სასწავლებელში სამი გრძელვადიანი და 13 მოკლევადიანი პროფესიული პროგრამა ფუნქციონირებს. სასწავლებელი სრულად არის კეთილმოწყობილი და აღჭურვილი თანამდეროვე მატერიალურ-ტექნიკური ბაზით. კოლეჯი დაინტერესებულ პირებს შესაძლებლობას აძლევს დაეუფლონ სხვადასხვა პროფესიას და გახდნენ კონკრეტული დარგის პროფესიონალები.

July 13, 2020

საკრებულოს თავმჯდომარე წვიმის შედეგად არსებულ ვითარებას გაეცნო (EN)

კოკისპირული წვიმის შედეგად ქალაქ ხობში საცხოვრებელ კორპუსებსა და დევნილთა ჩასახლებებში არსებულ ვითარებას, ხობის მუნიციპალიტეტის საკრებულოს თავმჯდომარე ედიშერ ჯობავა, მერის პირველი მოადგილე ვარაზ გაბედავა, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია, ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი და მერის წარმომადგნელი ქალაქ ხობში კობა თუთბერიძე გაეცნენ. ადგილობრივი ხელისუფლების წარმომადგენლები კოსტავას ქუჩა N6-ში მცხოვრებ სოციალურად დაუცველ ადგილობრივ მოსახლეობასაც შეხვდნენ და იქ არსებულ პირობებს პირადად გაეცნენ. საცხოვრებელი კორპუსის შენობა არის ავარიული, გადასახურია, წვიმების შედეგად ჩადის წყალი და იტბორება სადარბაზოები, შენობაში აყრილია იატაკი, დაზიანებულია კარ-ფანჯარა. ადგილობრივი ხელისუფლების წარმომადგენლებმა შეისწავლეს კოსტავას ქუჩა N6-ში არსებული მდგომარეობა და დასახეს სამოქმედო გეგმა.

July 12, 2020

გილოცავთ პეტრე-პავლობის დღესასწაულს! (EN)

July 9, 2020

კლიმატის ცვლილებებით გამოწვეული რისკის შემცირება საქართველოში (EN)

9 ივლისს ხობის მუნიციპალიტეტის საკრებულოს სხდომათა დარბაზში საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის რეგიონულმა კოორდინატორმა ლევან ბუსქანძემ გაეროს განვითარების პროგრამის (UNDP) და კლიმატის მწვანე ფონდის (GCF) პროექტის ფარგლებში
პრეზენტაცია გამართა თემაზე „კლიმატის ცვლილებებით გამოწვეული რისკის შემცირება საქართველოში“.
შეხვედრას სამეგრელო-ზემო სვანეთის სახელმწიფო რწმუნებულის მოადგილე ნუკრი ხასია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მერის მოადგილე მახარე ჩოკორაია და საკრებულოსა და მერიის წარმომადგენლები ესწრებოდნენ.
პროექტის რეგიონულმა კოორდინატორმა შეხვედრაზე ისაუბრა საქართველოში კლიმატის ცვლილებით გამოწვეული ბუნებრივი კატასტროფების რისკის შემცირების და დაგეგმილი ღონისძიებების პროცესში საზოგადოების ცნობიერების ამაღლების ხელშეწყობისა და შესაძლებლობების გაძლიერების თაობაზე.
ხობის მუნიციპალიტეტი პროექტის ერთ -ერთ სამიზნე მუნიციპალიტეტს წარმოადგნეს, სადაც დაგეგმილია სხვადასხვა სახის ინფრასტრუქტურული და საგანმანათლებლო პროექტები. შეხვედრაზე დამსწრე პირებმა მიიღეს დეტალური ინფორმაცია პროექტის მიმდინარეობაზე და სამომავლოდ დაგეგმილ სამუშაოებზე.

July 3, 2020

საჯიჯაოში გზის რეაბილიტაცია მიმდინარეობს (EN)

ხობის მუნიციპალიტეტში, ახალი ხიბულა-საჯიჯაოს დამაკავშირებელი გზის ცემენტო ბეტონით მოწყობის მეორე ეტაპის სამუშაოები მიმდინარეობს.
გზის სარეაბილიტაციო სამუშაოებს ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია, ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი და მერის წარმომადგენელი საჯიჯაოს ადმინისტრაციულ ერთეულში ედიშერ ფოცხორაია ადგილზე გაეცნენ.
სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი სახელშეკრულებო ღირებულება 1 მილიონ 492 ათას ლარს შეადგენს, სამუშაოებს შპს „პრაიმ ბეტონი“ ახორციელებს. აღნიშნულ სოფლებში გზები წლების განმავლობაში ამორტიზირებული იყო, რაც მოსახლეობას გადაადგილებისას პრობლემებს უქმნიდა.

July 1, 2020

ხობში სასწრაფო გადაუდებელი დახმარების ცენტრი გაიხსნა (EN)

ქალაქ ხობში საგანგებო სიტუაციების კოორდინაციის და გადაუდებელი დახმარების ცენტრი გაიხსნა. ცენტრი საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ეკატერინე ტიკარაძემ, პირველ მოადგილესთან თამარ გაბუნიასთან, სამეგრელო-ზემო სვანეთის სახელმწიფო რწმუნებულთან ალექსანდრე მოწერელიასთან, საგანგებო სიტუაციების კოორდინაციისა და გადაუდებელი დახმარების ცენტრის დირექტორთან ავთანდილ თალაკვაძესთან, ხობის მუნიციპალიტეტის საკრებულოს თავმჯდომარესთან ედიშერ ჯობავასთან და მერთან გოჩა ქაჯაიასთან ერთად გახსნა. თანამედროვე სტანდარტების შესაბამისად აშენებული და ინვენტარით აღჭურვილი გადაუდებელი დახმარების ცენტრი, საქართველოს მთავრობის განკარგულებით საქართველოს რეგიონებში განსახორციელებელი პროექტების ფონდიდან ხობის მუნიციპალიტეტისთვის გამოყოფილი თანხით აშენდა და მის მშენებლობაზე 270 000 ლარი დაიხარჯა.

June 30, 2020

ბაღებში კვების პროდუქტების გაცემის მეოთხე ეტაპი დასრულდა (EN)

ხობის მუნიციპალიტეტის საბავშვო ბაღებში კვების პროდუქტების გაცემის მეოთხე ეტაპი დასრულდა. ადგილობრივი ბიუჯეტის დაფინანსებით შეძენილი პროდუქტების პაკეტი, მუნიციპალიტეტის 25 საბავშვო ბაღის 1149 აღსაზრდელმა მიიღო. საბავშვო ბაღებში სამომხმარებლო პროდუქტის გაცემის პროცესი ჯანდაცვის სამინისტროს მიერ შემუშავებული რეკომენდაციის შესაბამისად მიმდინარეობდა. პროდუქტების გაცემის პროცესს ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მერის მოადგილე მახარე ჩოკორაია,საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი, მერიის კულტურის, განათლების, სპორტის, ძეგლთა დაცვის, ტურიზმის და ახალგაზრდულ საქმეთა სამსახურის უფროსი ელისო კვიკვინია და სკოლამდელი სააღმზრდელო გაერთიანების“ დირექტორი ეკა ხასია გაეცნენ.

June 26, 2020

საკრებულოს სხდომა (EN)

26 ივნისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული განკარგულების პროექტი: „ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“, რომლის თანახმადაც უქმდება მუნიციპალიტეტის მერიასა და სსიპ არასაპატიმრო სასჯელთა აღსრულებისა და პრობაციის ეროვნულ სააგენტოს შორის გაფორმებული უზუფრუქტის შესახებ ხელშეკრულება, ხობის პრობაციის ბიუროს, ქალაქ ხობში გახსნილ ახალ საზოგადოებრივ ცენტრში გადასვლის გამო.
საკრებულოს სხდომაზე მოქალაქე ლევან ჯობავამ ისაუბრა ქალაქ ხობში არსებულ ორ პრობლემაზე, რომელიც შეეხებოდა ქალაქის ტერიტორიაზე მაწანწალა ძაღლების პრობლემას და ასევე საჭიროებიდან გამომდინარე მოითხოვა ქალაქში ნაგვის ურნების რაოდენობის გაზრდა, რაზედაც საკრებულოს მხრიდან მიიღო დაპირება საკითხის შესაძლებლობის ფარგლებში გადაწყვეტის თაობაზე.
დღის წესრიგით გათვალისწინებული საკითხის განხილვის შემდეგ საკრებულოს მორიგი სხდომა დახურულად გამოცხადდა.

June 26, 2020

ბიუროს სხდომა (EN)

26 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
1. ხობის მუნიციპალიტეტის მერის გ. ქაჯაიას 2020 წლის 23 ივნისის N05/1507 წერილის განხილვა („ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“ განკარგულების პროექტის შესახებ).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

June 25, 2020

განცხადება ხობის მუნიციპალიტეტის საკრებულოს მორიგი სხდომის შესახებ. (EN)

ხობის მუნიციპალიტეტის საკრებულოს მორიგი სხდომა გაიმართება 2020 წლის 26 ივნისს 11:30 საათზე, ხობის მუნიციპალიტეტის საკრებულოს სხდომათა დარბაზში.
სხოდმის დღის წესრიგი:
1. „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2010 წლის 8 სექტემბრის N34 განკარგულების ნაწილის ძალადაკარგულად გამოცხადების თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური განვითარებისა და პროგრამების მართვის სამსახურის უფროსი).

June 15, 2020

ფონდმა ,,ქართუმ“ახალი საბავშვო ბაღი მუნიციპალიტეტს გადასცა (EN)

ბიძინა ივანიშვილის საერთაშორისო საქველმოქმედო ფონდ „ქართუ“-ს დაფინანსებით, ხობის მუნიციპალიტეტის სოფელ ძველ ხიბულაში ახალი საბავშვო ბაღი აშენდა და მუნიციპალიტეტს გადაეცა.
60 აღსაზრდელზე გათვლილი თანამედროვე სტანდარტების შესაბამისად მოწყობილი ბაღი ხობის მუნიციპალიტეტს ფონდის გამგეობის თავმჯდომარემ, ნიკოლოზ ჩხეტიანმა გადასცა.
ძველ ხიბულაში, ფონდ “ქართუს“ დაფინანსებით, უკვე დასრულდა ზვიად გამსახურდიას მემორიალური სახლის მშენებლობა, რომლის კონცეფციაზე მუშაობა სპეციალისტებთან ერთად მიმდინარეობს. ხიბულაში ბიძინა ივანიშვილის დაფინანსებით მიმდინარეობს ეკლესიის მშენებლობა.
მხოლოდ, ხიბულაში მიმდინარე პროექტების მშენებლობაზე „ქართუ“ ფონდიდან 6 000 000 ლარზე მეტი იხარჯება.
ფონდ „ქართუ“-ს გამგეობის თავმჯდომარესთან ერთად ძველ ხიბულაში პრემიერის მრჩეველი რეგიონულ საკითხებში სოზარ სუბარი და სამეგრელო-ზემო-სვანეთის სახელმწიფო რწმუნებული ალექსანდრე მოწერელია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია იმყოფებოდნენ.
ბიძინა ივანიშვილი სოფელ ძველ ხიბულაში გასული წლის 29 მარტს იმყოფებოდა, სადაც დანგრევის პირას მისული ის სახლი მოინახულა, სადაც ზვიად გამსახურდიამ სიცოცხლის ბოლო დღეები გაატარა და შენობის რეაბილიტაცია ფონდ „ქართუს“ დაავალა. ,,ქართული ოცნების“ თავმჯდომარე მოსახლეობას ახალი საბავშვო ბაღის და ეკლესიის აშენებას 1 წლის წინ დაპირდა.

<<
<
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
...
>
>>