SAKREBULO OF KHOBI MUNICIPALITY

Home
news

news

September 27, 2020

მუნიციპალიტეტის მოსახლეობა სამართლებრივ დახმარებას უფასოდ მიიღებს (EN)

ხობის მუნიციპალიტეტში იურიდიული დახმარების სამსახურის ხობის საკონსულტაციო ცენტრი საზეიმო ვითარებაში გაიხსნა. იურიდიული დახმარების ცენტრის დირექტორმა რაჟდენ კუპრაშვილმა შეხვედრის მონაწილეებს გააცნო იურიდიული დახმარების სამსახურის სერვისები, საკუთრების რეგისტრაციასთნ დაკავშირებული საკითხები, უფასო სამართლებრივი დახმარების მიღების კრიტერიუმები, მან ასევე გაეროს უშიშროების საბჭოს რეზოლუციების განხორციელების 2018-2020 წლების საქართელოს ეროვნული სამოქმედო გეგმით გათვალისწინებულ საკითხებზე ისაუბრა. შეხვედრას, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია და ადგილობრივი თვითმმართველობის წარმომადგენლები ესწრებოდნენ. დღეიდან მოსახლეობას საშუალება ეძლევა უფასოდ მიიღოს კვალიფიციური იურისტის კონსულტაცია ისეთ სამართლებრივ საკითხებზე, როგორიცაა: სოციალურად დაუცველთა და დევნილთა უფლებები; საბანკო ურთიერთობები; მიწის და უძრავი ქონების რეგისტრაცია; მემკვიდრეობა; შრომითი დავები; ქალთა მიმართ და ოჯახში ძალადობა და სხვა აქტუალური თემები. 2007 წელს შექმნილი სამსახური, იურიდიული დახმარების ბიუროებისა და საკონსკულტაციო ცენტრების მეშვეობით, საქართველოს თითქმის მთელ ტერიტორიას ფარავს.

September 21, 2020

გილოცავთ ღვთისმშობლის შობისდღეს! (EN)

September 18, 2020

მასტერ ლიგის ჩემპიონატი (EN)

ხობის ცენტრალურ სტადიონზე 7×7 ფეხბურთში საქართველოს სამოყვარულო ჩემპიონატის, „მასტერ ლიგის“ გათამაშება დაიწყო.

სპორტულ ღონისძიებაში მუნიციპალიტეტის მასშტაბით 16 გუნდი მონაწილეობს.

ტურნირის გახსნის ცერემონიას მოწვეულ სტუმრებთან ერთად ხობის მუნიციპალიტეტის მერი გოჩა ქაჯაია და მერის მოადგილე მახარე ჩოკორაია ესწრებოდნენ.

აღნიშნული პროექტი საქართველოს ფეხბურთის ფედერაციის, ქართული ფეხბურთის განვითარების ფონდის, საქართველოს განათლების, მეცნიერების, კულტურისა და სპორტის სამინისტროს დაფინანსებით და ადგილობრივი თვითმმართველობის მხარდაჭერით ხორციელდება.

September 8, 2020

ქვალონში ამბულატორიის რეაბილიტაცია მიმდინარეობს (EN)

ქვალონის ადმინისტრაციულ ერთეულში ამბულატორის რეაბილიტაცია აქტიურად მიმდინარეობს, სამუშაო პროცესს დღეს ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს საფინანსო-საბიუჯეტო კომისიის თავმჯდომარე ტარიელ ალექსანდრია გაეცნენ.

პროექტის ჯამური სახელშეკრულებო ღირებულება 86333 ლარს შეადგენს,

პროექტი სოფლის მხარდაჭერის პროგრამის ფარგლებში ხორცილედება სადაც ადგილობრივი მოსახლეობაა დასაქმებული.

ახლო ხანებში ქვალონის მოსახლეობას შესაძლებლობა ექნება კეთილმოწყობილ ამბულატორიაში მიიღოს სამედიცინო მომსახურეობა.

September 7, 2020

ინფორმაცია (EN)

ხობის მუნიციპალიტეტის საკრებულოს მიერ 2020 წლის 4 სექტემბერს მიღებულ იქნა განკარგულება N27 საქართველოს პარლამენტის 2020 წლის 31 ოქტომბრის არჩევნებთან დაკავშირებით, მუნიციპალიტეტის ტერიტორიაზე გასატარებელი ღონისძიებების შესახებ. ხოლო 2017 წლის 30 აგვისტოს N31 დადგენილებით განისაზღვრა წინასაარჩევნო პერიოდში სააგიტაციო მასალების განთავსების წესი.

September 4, 2020

საკრებულოს სხდომა (EN)

4 სექტემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული განკარგულების პროექტი: „ხობის მუნიციპალიტეტის ტერიტორიაზე საქართველოს პარლამენტის 2020 წლის 31 ოქტომბრის მორიგ არჩევნებთან დაკავშირებით გასატარებელი ღონისძიებების შესახებ“, რომლის მიხედვითაც 2020 წლის 31 ოქტომბრის საპარლამენტო არჩევნებთან დაკავშირებით ხობის მუნიციპალიტეტის ტერიტორიაზე არჩევნების მომზადებისა და ჩატარებისთვის შესაბამის საარჩევნო კომისიებს და საარჩევნო სუბიექტებს ამომრჩევლებთან შეხვედრების, კრებების, საჯარო დებატებისა და დისკუსიებისთვის გამოეყოთ ხობის მუნიციპალიტეტის საკუთრებაში არსებული შენობა-ნაგებობები.

დღის წესრიგით გათვალისწინებული საკითხის განხილვის შემდეგ საკრებულოს წევრებმა წუთიერი დუმილით პატივი მიაგეს ხობის მუნიციპალიტეტის საპატიო მოქალაქის, ცნობილი სახელმწიფო და საზოგადო მოღვაწის, ხობის ყოფილი რაიკომის მდივნის ნუგზარ ნადარაიას ხსოვნას. რის შემდეგაც საკრებულოს რიგგარეშე სხდომა დახურულად გამოცხადდა.

September 4, 2020

ბიუროს სხდომა (EN)

4 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის მერის გ. ქაჯაიას 2020 წლის 3 სექტემბრის N05/2525 წერილის განხილვა („საქართველოს პარლამენტის 2020 წლის 31 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“ განკარგულების პროექტის თაობაზე).

(მომხსენებელი: დ. ბერაია - ხობის მუნიციპალიტეტის საკრებულოს

იურიდიულ საკითხთა კომისიის თავმჯდომარე).

September 4, 2020

განცხადება რიგგარეშე სხდომის შესახებ (EN)

ობის მუნიციპალიტეტის საკრებულოს რიგგარეშე სხდომა გაიმართება 2020 წლის 4 სექტემბერს 12:00 საათზე ხობის მუნიციპალიტეტის საკრებულოს სხდომათა დარბაზში.

სხოდმის დღის წესრიგი:

1. „საქართველოს პარლამენტის 2020 წლის 31 ოქტომბრის არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“ განკარგულების პროექტის განხილვა.

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: მ. რუხაძე - ხობის მუნიციპალიტეტის მერიის

ეკონომიკური განვითარებისა და ქონების მართვის სამსახურის

უფროსის მოვალეობის შემსრულებელი)

August 31, 2020

გილოცავთ სტუდენტობას! (EN)

ძვირფასო ახალგაზრდებო, უდიდესი სიხარულით გილოცავთ, თქვენი ცხოვრების გზაზე ამ მნიშვნელოვან წარმატებას - სტუდენტობას!

August 28, 2020

მარიამობის დღესასწაული ხობის მუნიციპალიტეტში (EN)

28 აგვისტოს მართლმადიდებელი ეკლესია ღვთისმშობლის მიძინების დღეს აღნიშნავს. მარიამობის დღესასწაულთან დაკავშირებით ხობის ღვთისმშობლის მიძინების ტაძარში, ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა ეპარქიის სამღვდელოებასთან ერთად აღავლინა. მრევლთან ერთად წირვას საქართველოს პარლამენტის წევრები ირაკლი (დაჩი) ბერაია და ირაკლი ხახუბია, ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია, ზვიად გამსახურდიას შვილი გიორგი გამსახურდია, ადგილობრივი ხელისუფლების სხვა წარმომადგენლებთან და მოწვეულ სტუმრებთან ერთად ესწრებოდნენ.

August 28, 2020

გილოცავთ მარიამობის ბრწყინვალე დღესასწაულს (EN)

August 27, 2020

საკრებულოს სხდომა (EN)

27 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული სხვადასხვა საკითხები. მათ შორის: დადგენილების პროექტით „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ მერიის ადმინისტრაციულ ერთეულებში ხელშეკრულებით დასაქმებულ პირებს განესაზღვრათ კანონით გათვალისწინებული დელეგირებული უფლებამოსილების ფარგლებში მუნიციპალიტეტის სახელით ინდივიდუალურ ადმინისტრაციულ-სამართლებრივი აქტის - ბრძანების გამოცემის უფლებამოსილება.

საკრებულოს სხდომაზე მიღებულ იქნა დადგენილების პროექტი: „ხობის მუნიციპალიტეტის საპატიო წოდების შემოღებისა და მინიჭების წესის დამტკიცების შესახებ“ რომლის საფუძველზეც განისაზღვრა ხობის საპატიო მოქალაქეობის მინიჭების კრიტერიუმები.

განკარგულების პროექტით „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით, აუქციონის წესით გადაცემაზე თანხმობის მიცემის შესახებ“ ძველი ხიბულის ადმინისტრაციულ ერთეულში მდებარე არასასოფლო-სამეურნეო დანიშნულების მიწა და მასზე არსებული საბავშვო ბაღის შენობა-ნაგებობა სარგებლობის უფლებით, უზუფრუქტის ფორმით, არსებობის ვადით, გადაეცა ხობის მუნიციპალიტეტის სკოლამდელი სააღმზრდელო გაერთიანებას.

საკრებულოს გადაწყვეტილებით ქ. ხობში ცოტნე დადიანის ქუჩაზე მდებარე 1976 კვ.მ არასასოფლო-სამეურნეო დანიშნულების მიწის ნაკვეთი, საკუთრებაში გადაეცა სახელმწიფოს, სახელმწიფო სერვისების განვითარების სააგენტოსთვის გადასაცემად, სადაც ამ ეტაპზე განთავსებულია ხობის საზოგადოებრივი ცენტრის შენობა-ნაგებობა.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

August 26, 2020

ბიუროს სხდომა (EN)

ადაც განხილულ იქნა შემდეგი საკითხები:

1. ხობის მუნიციპალიტეტის მერის გ. ქაჯაიას 2020 წლის 18 აგვისტოს N03/2283 წერილის განხილვა:

• „ხობის მუნიციპალიტეტში უმწეოთა სასადილოს ბენეფიციართა შერჩევის წესის დამტკიცების შესახებ“ ხობის მუნიციპალიტეტის საკრებულოს 2018 წლის 31 ივლისის №35 განკარგულებაში ცვლილების შეტანის თაობაზე“ განკარგულების პროექტის შესახებ;

• „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2020 წლის მუნიციპალური პროგრამის თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2019 წლის 30 დეკემბრის №35 განკარგულებაში“ ცვლილების შეტანის თაობაზე“ განკარგულების პროექტის შესახებ;

• „ხობის მუნიციპალიტეტის მოსახლეობის ჯანმრთელობის დაცვის 2020 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2019 წლის 30 დეკემბრის №36 განკარგულებაში ცვლილების შეტანის თაობაზე“ განკარგულების პროექტის შესახებ; (მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2020 წლის 18 აგვისტოს N03/2294 წერილის განხილვა („ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის შესახებ); (მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2020 წლის 24 აგვისტოს N05/2372 წერილის განხილვა: • „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით, უზუფრუქტის ფორმით, უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე;

• „ხობის მუნიციპალიტეტის საკუთრებაში არსებული უძრავი ქონების სახელმწიფო საკუთრებაში უსასყიდლოდ გადაცემის შესახებ“ განკარგულების პროექტის თაობაზე; (მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

4. ხობის მუნიციპალიტეტის მერის გ. ქაჯაიას 2020 წლის 25 აგვისტოს N03/2402 წერილის განხილვა („ხობის მუნიციპალიტეტის საპატიო წოდების შემოღებისა და მინიჭების წესის დამტკიცების შესახებ“ დადგენილების პროექტის თაობაზე). (მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე).

<<
<
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
...
>
>>