SAKREBULO OF KHOBI MUNICIPALITY

Home
news

news

November 16, 2019

ხობში „ღია შეხვედრების“ ფარგლებში მოსახლეობასთან შეხვედრები შედგა (EN)

პროექტ „ღია შეხვედრების“ ფარგლებში ხობის მუნიციპალიტეტის ადმინისტრაციულ ერთეულებში თორსა-დღვაბის, ხამისკურის, ხეთის და პირველი მაისის მოსახლეობას საქართველოს პარლამენტის წევრი დაჩი ბერაია,სამეგრელო-ზემო სვანეთის სახელმწიფო რწმუნებულის პირველი მოადგილე დავით ფარცვანია, საკრებულოს თავმჯდომარე ედიშერ ჯობავა და მერი გოჩა ქაჯაია შეხვდნენ.
შეხვედრებზე მოსახლეობამ ძირითად პრიორიტეტებად შიდა გზების, წყლის სისტემის, სპორტული მოედნის, სანიაღვრე არხების რეაბილიტაცია და ნაპირდამცავი გაბიონების მოწყობა დაასახელა.
ხელისუფლების წარმომადგენლების განცხადებით, შეხვედრებზე დასახელებული ინფრასტრუქტურული პრობლემების მოსაგვარებლად მომავალი წლის ბიუჯეტში მაქსიმალურად იქნება თანხები გათვალისწინებული.
ხელისუფლების წარმომადგენლებმა პრობლემების შესახებ ინფორმაციის მიღების შემდეგ, ინფრასტრუქტურის მიმართულებით განხორციელებულ და დაგეგმილ პროექტებზე გაამახვილეს ყურადღება.

November 15, 2019

ხობის ცენტრალურ პარკში ღონისძიება ,,დიალოგი ჭადრებთან“ გაიმართა (EN)

ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის თანამშრომლის გოგიტა ჩიტაიას ინიციატივითა და ა(ა)იპ „კულტურულ საგანმანათლებლო საზოგადოებრივი ცენტრის“ ორგანიზებით, ქ. ხობის ცენტრალურ პარკში გაიმართა ღონისძიება ,,დიალოგი ჭადრებთან’’. რომელიც მიეძღვნა ქალაქ ხობის ისტორიას. საზოგადოების ინტერესების გათვალისწინებით, ღონისძიება ჩატარდება პერიოდულად სხვადასხვა თემებზე, მოწვეულ იქნებიან სამეგრელოში მცხოვრები მეცნიერებისა და ხელოვნების თვალსაჩინო მოღვაწეები. ღონისძიებას ადგილობრივი ხელისუფლების თანამდებობის პირები დამსწრე საზოგადოებასთან ერთად ესწრებოდნენ.

November 13, 2019

მოსახლეობასთან ბიუჯეტის ფორმირების განხილვა გაიმართა (EN)

13 ნოემბერს ხობის მუნიციპალიტეტის შუა ხორგის ადმინისტრაციულ ერთეულში ბიუჯეტის დაგეგმარების მიზნით ადგილობრივ მოსახლეობას ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია, ადგილობრივი ხელისუფლების სხვა წარმომადგენლებთან ერთად შეხვდნენ.
შეხვედრაზე ისაუბრეს პრიორიტეტულ და მნიშვნელოვან საკითხებზე, ადგილობრივი ხელისუფლების წარმომადგენლება მოსახლეობისგან მოისმინეს სოფელში არსებული პრობლემები და მათთან ერთად განიხილეს მათი გადაჭრის გზები.
მოსახლეობათან შევედრები სხვა ადმინისტრაციულ ერთეულებში მომავალშიც გაგრძელდება.

November 8, 2019

გიორგი ლეონიძის დაბადებიდან 120 წლისთავისადმი მიძღვნილი საღამო (EN)

თედო სახოკიას სახელობის ხობის ცენტრალური ბიბლიოთეკის სამკითხველო დარბაზში გიორგი ლეონიძის დაბადებიდან 120 წლისთავისადმი მიძღვნილი პოეზიის საღამო „სულ ჩემი გულის მონაწურია, რაც დაეპწკარა ქაღალდს ლექსები“ გაიმართა.
ხობის მუნიციპალიტეტის საჯარო სკოლების მოსწავლეებმა დიდი ქართველი პოეტის საუკეთესო ნიმუშები წაიკითხეს.
ღონისძიებას დამსწრე საზოგადოებასთან ერთად ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია დაესწრო.

November 5, 2019

საკრებულოს თავმჯდომარე მსოფლიო ჩემპიონებს შეხვდა (EN)

ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საფინანსო-საბიუჯეტო კომისიის თავმჯდომარე ტარიელ ალექსანდრია, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი და საკრებულოს წევრები მზია ლემონჯარია და გიგა ნასარაია, ხობელ მკლავჭიდელებს შეხვდნენ. ხობელმა სპორტსმენებმა რუმინეთში გამართულ მსოფლიო ჩემპიონატზე წარმატებით იასპარეზეს და მსოფლიოს ჩემპიონის ტიტულთან ერთად ოქროსა და ვერცხლის მედლების მფლობელები გახდნენ. მწვრთნელი კობა თუთბერიძე.
ადგილობრივი ხელისუფლების წარმომადგენლებმა გამარჯვება მიულოცეს ბიჭებს და მომავალი წარმატებები უსურვეს მათ.

October 31, 2019

საკრებულოს წევრებმა გაწეული მუშაობის ანგარიშები წარადგინეს. (EN)

ხობის მუნიციპალიტეტის საკრებულოს სხდომათა დარბაზში საკრებულოს მაჟორიტარმა საკრებულოს წევრებმა გაწეული ერთწლიანი მუშაობის შესახებ ანგარიში საკუთარ ამომრჩეველს წარუდგინეს. შეხვედრებზე ისაუბრეს ადმინისტრაციულ ერთეულებში გაწეულ და მიმდინარე სამუშაობზე, მოისმინეს მოსახლეობის მოსაზრებები და განიხილეს მათთვის მნიშვნელოვანი საკითხები.

October 31, 2019

ხობში სპექტაკლის პრემიერა გაიმართა (EN)

31 ოქტომბერს, ხობის კულტურის სახლის დიდ დარბაზში მწერალ ლაშა გვასალიას მოთხრობის „ჯასტაგანი“ ს მიხედვით დადგმული სპექტაკლის პრემიერა გაიმართა.
სპექტაკლი მაყურებელს „ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან“ არსებულმა თეატრალური დასის ახალგაზრდა მსახიობებმა წარუდგინეს (ინსცენირება და დადგმა მანანა შამათავასი).

October 31, 2019

სპექტაკლის პრემიერა (EN)

31 ოქტომბერს, 16 საათზე ხობის კულტურის სახლის დიდ დარბაზში მწერალ ლაშა გვასალიას მოთხრობის „ჯასტაგანი“ მიხედვით დადგმული სპექტაკლის პრემიერა გაიმართება.
სპექტაკლს მაყურებელს „ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან“ არსებული თეატრალური დასი წარუდგენს.

October 30, 2019

საკრებულოს სხდომა (EN)

30 ოქტომბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი: „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ რომლის თანახმადაც ბიუჯეტის შემოსულობების გეგმა გაიზარდა 311,6 ათასი ლარით და შეადგინა 16649,9 ათასი ლარი. სხდომაზე ასევე განხილულ იქნა განკარგულების პროექტი „ხობის მუნიციპალიტეტის საკუთრებაში არსებული ქონების საპრივატიზაციო ობიექტის ნუსხის დამტკიცების შესახებ“ რომლის თანახმადაც უნდა მოხდეს ხამისკურის ადმინისტრაციულ ერთეულში მდებარე ამორტიზირებული შენობის პრივატიზება. სხომაზე ასევე განიხილეს განკარგულების პროექტი ,,ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“, რის საფუძველზეც მუნიციპალიტეტის საკუთრებაში არსებული ავტომანქანა („ნისან ნავარა“ SZS 004) თხოვების ფორმით გადაეცემა შპს ,,ხობი დასუფთავება და განათებას“, ორი წლის ვადით. საკრებულომ მიიღო გადაწყვეტილება ჭალადიდის ადმინისტრაციულ ერთეულში მდებარე არასასოფლო-სამეურნეო დანიშნულების მიწა და მასზე განთავსებული შენობა-ნაგებობა უსასყიდლოდ გადაეცეს სახელმწიფოს შემდგომში სსიპ იუსტიციის სახლისთვის გადასაცემად. ასევე საკრებულომ მიიღო გადაწყვეტილება ნოჯიხევის ადმინისტრაციულ ერთეულში მდებარე არასასოფლო-სამეურნეო დანიშნულების მიწა და მასზე განთავსებული შენობა-ნაგებობა სახელმწიფოს გადაეცეს შემდგომში დევნილთა განსახლების მიზნით. დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

October 30, 2019

ბიუროს სხდომა (EN)

30 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1.ხობის მუნიციპალიტეტის მერის გ. ქაჯაიას 2019 წლის 21 ოქტომბრის N04/3686 წერილის განხილვა („ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);
2. ხობის მუნიციპალიტეტის მერის გ. ქაჯაიას 2019 წლის 23 ოქტომბრის N05/3732 წერილის განხილვა:
•„ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სახელმწიფოზე საკუთრების უფლებით გადაცემაზე თანხმობის გაცემის შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სახელმწიფოზე საკუთრების უფლებით გადაცემაზე თანხმობის გაცემის შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა
და ინფრასტრუქტურის კომისიის თავმჯდომარე);
3.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N05/3745 წერილის განხილვა („ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების გასხვისებაზე თანხმობის მიცემის შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);
4.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N03/3746 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ
საკითხთა კომისიის თავმჯდომარე);
5.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N04/3754 წერილის განხილვა („ხობის მუნიციპალიტეტის 2019 წლის იანვარ - სექტემბრის ბიუჯეტის შესრულების შედეგების შესახებ“);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);
6.ხობის მუნიციპალიტეტის მერის გ. ქაჯაიას 2019 წლის 29 ოქტომბრის N05/3807 წერილის განხილვა:
•„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე;
•„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე;
•„ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე.
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

October 30, 2019

ფოთის მხრიარულთა და საზრიანთა კლუბი ხობელი მაყურებლის წინაშე (EN)

30 ოქტომბერს, ხობის კულტურის სახლის დიდ დარბაზში ფოთის მოსწავლე-ახალგაზრდობის შემოქმედებით ცენტრთან არსებული „მხიარულთა და საზრიანთა კლუბი“, სასკოლო ლიგა და იუმორისტული ჯგუფი „ხამისიშვილები” იუმორისტული შოუ-პროგრამით ხობელი მაყურებელის წინაშე წარსდგნენ. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია და ადგილობრივი ხელისუფლების წარმომადგენლები დაესწრნენ.

October 30, 2019

ხობელ სპორტსმენთა წარმატება (EN)

რუმინეთში გამართულ მსოფლიო ჩემპიონატზე მკლავჭიდში, წარმატებული გამოდგა ხობელი მკლავჭიდელების ასპარეზობა (მწვრთლელი კობა თუთბერიძე). მარჯვენა მკლავში 16 წლიანებში - საბა დანელია 55 კგ.წონით კატეგორიაში და საბა ლატარია 60 კგ.წონით კატეგრიაში მსოფლიო ჩემპიონები გახდნენ. ვერცხლის მედალი 18 წლიანებში 55 კგ. წონით კატეგრიაში გოგა დანელიამ აიღო ხოლო ახალგაზრდებში ჩემპიონი 60 კგ. წონით კატეგრიაში დათუნა ჟიშკარიანი და 65კგ. წონაში გულადი (დიტო) ბუკია გახდნენ. მარცხენა მკლავში, 16 წლიანებიდან, 60 კგ. წონით კატეგორიაში მსოფლიო ჩემპიონი ხობელი საბა ლატარია გახდა. 55კგ. წონით კატეგორიაში ვერცხლის მედალი საბა დანელიამ მოიპოვა, ხოლო ახალგაზრდებს შორის გამართულ შეჯიბრებაში 65 კგ. წონით კატეგორიაში ბრინჯაოს მედალის მფლობელი გიგა კოდუა გახდა.
ხობის მუნიციპალიტეტის საკრებულო ულოცავს ხობელ სპორტსმენებს საერთაშორისო ასპარეზზე მოპოვებულ წარმატებას.

October 29, 2019

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2019 წლის 30 ოქტომბერს 12:00 საათზე, ხობის მუნიციპალიტეტის საკრებულოს სხდომათა დარბაზში.
1.„ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის
საფინანსო - საბიუჯეტო სამსახურის უფროსი);
2.„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
3.„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
4.ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
5.„ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
6.„საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი).

October 29, 2019

შეხვედრა ლიდერთა ჰაბში (EN)

29 ოქტომბერს, თბილისში, ლიდერთა ჰაბში, სადაც ფუნქციონირებს დემოკრატიზაციის სკოლა, გაიმართა "ადგილობრივი თვითმმართველობის" თემაზე შეხვედრა, სადაც ისაუბრეს ამ სფეროში აქტუალურ და მნიშვნელოვან საკითხებზე შეხვედრას ადგილობრივი თვითმმართველობის წარმომადგენლები ესწრებოდნენ შეხვედრაში მონაწილეობა მიიღო და საკუთარი გამოცდილება გაუზიარა დამსწრე საზოგადოებას, ხობის მუნიციპალუტეტის საკრებულოს თავმჯდომარემ ედიშერ ჯობავამ. დედოფლისწყაროს მერმა ნიკა ჯანიაშვილმა და ქუთაისის მერის მოადგილემ ნინო თვალთვაძემ.
ლიდერთა ჰაბი ეს არის სექტორი 3-ს ერთერთი მთავარი საგანმანათლებლო მიმართულება, რომელიც ახალი ლიდერების აღმოჩენას, მათ მომზადებას და პროფესიულ განვითარებას ისახავს მიზნად. ლიდერთა ჰაბის ბენეფიციარებად მოიაზრებიან ახალგაზრდები, ინოვატორები, დამწყები სპეციალისტები, საჯარო და კერძო სექტორის წარმომადგენლები, რომლებიც ორიენტირებულები არიან საკუთარი უნარ- ჩვევებისა და შესაძლებლობების განვითარებაზე.

October 27, 2019

გილოცავთ ჯვართამაღლებას! (EN)

<<
<
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
...
>
>>