SAKREBULO OF KHOBI MUNICIPALITY

Home
news

news

June 13, 2019

13 ივნისის ტრაგედიიდან ოთხი წელი გავიდა (EN)

13 ივნისის ტრაგიკული მოვლენებიდან ოთხი წელი შესრულდა, თბილისში, ვერეს ხეობაში დატრიალებული ტრაგედიის შედეგად დაღუპული დების, ლიზი და ინდირა ზარანდიების ხსოვნას პატივი მიაგეს და საფლავები ყვავილებით შეამკეს ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის მოადგილემ მახარე ჩოკორაიამ და ადგილობრივი თვითმმართველობის სხვა წარმომადგენლებმა.

June 12, 2019

ზვიად დათუაშვილის სახელობის თასის გათამაშებამ მინი- ფეხბურთში (EN)

12 ივნისს, ხობის მუნიციპალიტეტის შუა ხორგის ადმინისტრაციულ ერთეულში ნუგეში ჯობავას სახელობის სტადიონზე, სტარტი აიღო აგვისტოს ომის დროს დაღუპული ზვიად დათუაშვილის სახელობის თასის გათამაშებამ მინი- ფეხბურთში. ტურნირში ექვსი გუნდი მონაწილეობს (შუა ხორგა, ჭალადიდი, ქარიატა, ახალი სოფელი, საგვიჩიო და ხობი).
სპორტულ ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა ადილობრივი ხელისუფლების წარმომადგენლებთან ერთდ დაესწრო.

June 12, 2019

საკრებულოს კომისიის სხდომები (EN)

12 ივნისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს ქონების მართვისა და ინფრასტრუქტურის კომისიის და საფინანსო-საბიუჯეტო კომისიის სხდომები, სადაც მოისმინეს მერიის ეკონომიკური განვითარებისა და ქონების მართვის, ინფრასტრუქტურის, ურბანული განვითარებისა და არქიტექტურის, საფინანსო-საბიუჯეტო და შიდა აუდიტისა და კონტროლის სამსახურების მიერ 2018 წელს გაწეული საქმიანობის შესახებ ანგარიშები. კომისიების მხრიდან მერიის სამსახურების მუშაობა შეფასდა დადებითად.

June 11, 2019

განცხადება. (EN)

12-13 ივნისს, ხობის მუნიციპალიტეტის საკრებულოს სხდომათა დარბაზში გაიმართება საკრებულოს კომისიების სხდომები, სადაც მოისმენენ მერიის სამსახურების მიერ 2018 წელს გაწეული საქმიანობის შესახებ ანგარიშებს.

June 7, 2019

„სპორტი ბარიერების გარეშე“ - გამარჯვებულების დაჯილდოება (EN)

ხობის მუნიციპალიტეტის კულტურის სახლის მცირე დარბაზში, მუნიციპალიტეტის პირველობაში - „სპორტი ბარიერების გარეშე“ გამარჯვებულთა დაჯილდოების ცერემონიალი გაიმართა. სპორტის სხვადასხვა სახეობებში გამარჯვებული საჯარო სკოლების მოსწავლეები, თასებითა და სიგელებით ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ და ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსმა ელისო კვიკვინიამ სხვა ხელმძღვანელ პირებთან ერთად დააჯილდოვეს
მინიფეხბურთში გოგონათა შორის მესამე ადგილი ნოჯიხევის N2 საჯარო სკოლის მოსწავლეებმა დაიკავეს, მეორე ადგილზე ახალსოფლის საჯარო სკოლის გუნდი გავიდა, ხოლო ჩემპიონები ხობის N 1 საჯარო სკოლის გოგონათა გუნდი გახდა.
მინი ფეხბურთში ჭაბუკთა შორის მესამე ადგილი დაიკავა საჯიჯაოს N1 საჯარო სკოლამ, მეორე ადგილზე გავიდა ჭალადიდის საჯარო სკოლა, ჩემპიონები გახდნენ პირველი მაისის საჯარო სკოლის მოსწავლეები.
კალათბურთში გოგონათა და ვაჟთა შორის ჩემპიონები გახდნენ ახალი ხიბულის საჯარო სკოლის მოსწავლეები.
სპრინტში 60მ, გარბენში გოგონათა შორის ჩემპიონი გახდა მირანდა ვეკუა ნოჯიხევის N2 საჯარო სკოლა, ხოლო ჭაბუკთა შორის ლუკა ჯგერენაია ხობის N2 საჯარო სკოლიდან.
ჭადრაკში გოგონათა შორის გამარჯვებული გახდა ნინო თუთბერიძე, ხოლო ჭაბუკთა შორის პირველი და მეორე ადგილები გიორგი შონიამ ხობის N1 საჯარო სკოლიდან და მათე გერგაიამ ნოჯიხევის N2 საჯარო სკოლიდან გადაინაწილეს.

June 7, 2019

ქალაქში სანიაღვრე არხების მოწობა მიმდინარეობს. (EN)

ქალაქ ხობში რუსთაველის, აღმაშენებლის, კოსტავასა და სამეგრელოს ქუჩებზე მიმდინარეობს სანიაღვრე არხის სარეაბილიტაციო სამუშაოები, პროექტის სახელშეკრულებო ღირებულება 322,145 ლარია და მას შპს „შარა-გზამშენი პირველი“ ახორციელებს.
სანიაღვრე არხები ეწყობა ასევე ვეკუას, გოგებაშვილისა და ც. დადიანის ქუჩებზეც, რომლის სახელშეკრულებო ღირებულება 71.000 ლარია და მას შპს „აფო“ ახორციელებს, პროექტის შესაბამისად აღნიშნულ ქუჩებზე ეწყობა რკინა-ბეტონის სანიაღვრე არხები.
მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს საფინანსო-საბიუჯეტო კომისიის თავმჯდომარემ ტარიელ ალექსანდრიამ, ქონების მართვისა და ინფრასტრუქტურის საკითხთა კომისიის თავმჯდომარემ ვლადიმერ ქანთარიამ და მერის წარმომადგენელმა ქალაქ ხობში კობა თუთბერიძემ დაათვალიერეს.

June 6, 2019

საჯიჯაოში წლის საანგარიშო კონცერტი ჩატარდა (EN)

6 ივნისს ხობის მუნიციპალიტეტის საჯიჯაოს ადმინისტრაციული ერთეულის კულტურის სახლში, წლის საანგარიშო კონცერტი გაიმართა. კონცერტზე, სოლო შემსრულებლები და ქორეოგრაფიული ანსამბლები, დამსწრე საზოგადოების წინაშე, ქართული ხალხური ცეკვებით და სიმღერებით წარსდგნენ.
ღონისძიებას ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ელისო კვიკვინია ესწრებოდნენ.
დასასრულს კულტურის სახლის ხელმძღვანელმა ქეთინო კაკაშვილმა, ადგილობრივი ხელისუფლების წარმომადგენლებს და ქორეოგრაფებს მადლობა გადაუხადა ხელოვნების განვითარებისათვის გამოჩენილი ყურადღებისა და მხარდაჭერისთვის.

June 6, 2019

გილოცავთ ამაღლების დღესასწაულს! (EN)

June 5, 2019

გუბერნიაში საკონსულტაციო საბჭოს სხდომა გაიმართა (EN)

✔️ დღეს, სამეგრელო-ზემო სვანეთის სახელმწიფო რწმუნებულთან - არსებული საკონსულტაციო ორგანოს - სამხარეო საკონსულტაციო საბჭოს სხდომა გაიმართა. სხდომაზე 2014 – 2021 წლების სამეგრელო-ზემო სვანეთის რეგიონის განვითარების სტრატეგიაში ცვლილებების შეტანის მიზნით სამოქმედო გეგმის განხილვა მოხდა. კერძოდ, რეგიონის განვითარების სამოქმედო გეგმაში ასასახი სტიქიის პრევენციის სახელმწიფო პროგრამის ფარგლებში მესტიის მუნიციპალიტეტში შერჩეულია შემდეგი პროექტები: მულახის ტერიტორიულ ერთეულში სოფ. ჩვაბიანში ქვის გაბიონების მოწყობა, სოფ. ჟაბეშიღელეში რკინა ბეტონის გადასასვლელების მოწყობა. ჭუბერის, ცხუმარის და ბეჩოს თემის სოფელ მაზერში წყლის სისტემების მოწყობა. ასევე სხდომაზე განიხილეს და სამოქმედო გეგმაში აისახა „ჯანმრთელობისთვის უსაფრთხო გარემოს უზრუნველყოფის ხელშეწყობის სახელმწიფო პროგრამის“ ფარგლებში მესტიის მუნიციპალიტეტში საექიმო ამბულატორიების მშენებლობა/რეაბილიტაციის შემდეგი პროექტები: მესტიის მუნიციპალიტეტში ლატალის, უშგულის, მულახის, ხაიშის, ჭუბერის, იფარისა და კალას ტერიტორიულ ერთეულებში საექიმო ამბულატორიების სარემონტო სამუშაოების განხორციელება. ასევე ნაკრას, ეცერის და ლენჯერის ტერიტორიულ ერთეულებში საექიმო ამბულატორიების მშენებლობა. სამოქმედო გეგმაში ასევე შევიდა ცვლილება, რომლის მიხედვითაც ზუგდიდის მუნიციპალიტეტის ახალ აბასთუმნისა და რუხის ადმინისტრაციულ ერთეულების დამაკავშირებელი გზის რეაბილიტაცია მოხდება. სხდომაზე მიღებული გადაწყვეტილების მიხედვით, რეგიონებში განსახორციელებელი პროექტების ფონდიდან 2019 წელს დაფინანსებული პროექტების სატენდერო ეკონომიის თანხებით, მოხდება აბაშის მუნიციპალიტეტში N1 საბავშვო ბაღში გათბობის სისტემის მოწყობის პროექტი. საკონსულტაციო საბჭოს სხდომას სახელმწიფო რწმუნებული ალექსანდრე მოწერელია ხელმძღვანელობდა, სხდომას ხობის მუნიციპალიტეტის საკრებულოს თავმჯდომარე ედიშერ ჯობავა, მოადგილე მამუკა ქარდავა და მერის მოადგილე ვარაზ გაბედავა, რეგიონის მერებთან, საკრებულოს თავმჯდომარეებთან და მათ მოადგილეებთან ერთად ესწრებოდნენ.

June 4, 2019

შავღელეში რამაზან-ბაირამის დღესასწაული იზეიმეს. (EN)

4 ივნისს, ხობის მუნიციპალიტეტის შავღელეს ადმინისტრაციულ ერთეულში მცხოვრებლებმა, რამაზან-ბაირამის დღესასწაული იზეიმეს, სადღესასწაულო ლოცვა შავღელეს მეჩეთის წინამძღვარმა იმამმა, ზურაბ ტარიელაძემ აღავლინა.
რამაზან-ბაირამის დღესასწაული ადგილობრივ მოსახლეობას ხობის მუნიციაპლიტეტის საკრებულოს თავმჯდომარემ ედიშერ ჯობავამ, მერის მოადგილემ მახარე ჩოკორაიამ, საკრებულოს წევრმა აკაკი ხურცილავამ და მერის წარმომადგენელმა შავღელეს ადმინისტრაციულ ერთეულში ხათუნა მანველიძემ მიულოცეს.
30 დღიანი მარხვის შემდეგ მუსლიმური სამყარო ისლამის 2 დიდი დღესასწაულიდან ერთ–ერთს, რამაზან-ბაირამს, მარხვის დასრულებას აღნიშნავს. მუსლიმთა რწმენით, სწორედ რამაზანის თვეში მოევლინა დედამიწას ყურანი. რამაზანის მარხვის დროს განთიადიდან მზის ჩასვლამდე მუსლიმები ყოველგვარ საჭმელსა და სასმელზე უარს ამბობენ. მარხვის დასრულების დღეს მუსლიმები ტრადიციულ ტკბილეულს ჰალვას ამზადებენ, წინაპრების საფლავებს მოინახულებენ და ნათესავებს სტუმრობენ.

June 3, 2019

ტრენინგი თვითმმართველობის წარმომადგენლებისთვის. (EN)

საქართველოს ადგილობრივ თვითმმართველობათა ეროვნული ასოციაცია ევროკავშირის მხარდაჭერით ახორციელებს პროექტს ,,Networking for Efficincy and development (N4ED)- ,,ეფექტიანობის და განვითარების ქსელი“, რომლის ერთ-ერთ მიზანს წარმოადგენს თემზე დაფუძნებული ადგილობრივი განვითარების მიდგომების დანერგვა მუნიციპალიტეტებში. აღნიშნული პროექტის ფარგლებში, ხობის მუნიციპალიტეტში მერიისა და საკრებულოს წარმომადგენლებისთვის ასევე თემის ლიდერებისთვის, სამოქალაქო სექტორისა და მერის წარმომადგენლებისთვის, 31 მაისიდან 3 ივნისის ჩათვლით ტრენინგი ჩატარდა, რომელსაც სანდრო სორდია უძღვებოდა. ტრენინგზე განხილულ იქნა შემდეგი საკითხები: ადგილობრივი თვითმმართველობის ევროპული ქარტია და საკონსტიტუციო გარანტიები, თვითმმართველობის უფლებამოსილებანი, თვითმმართველობის განხორციელებაში მოქალაქეთა მონაწილეობის მექანიზმები, სამოქალაქო ბიუჯეტირების სამართლებრივი საფუძვლები. აღნიშნულ თემებზე გაიმართა ღია დისკუსია. ტრენინგს ხობის მუნიციპალიტეტის საკრებულოს თავმჯდომარე ედიშერ ჯობავა და მერის პირველი მოადგილე ვარაზ გაბედავა ესწრებოდნენ.

June 1, 2019

ბავშვთა დაცვის საერთაშორისო დღისადმი მიძღვნილი ღონისძიებები (EN)

ხობის მუნიციპალიტეტში ბავშვთა დაცვის საერთაშორისო დღისადმი მიძღვნილი კვირეული დასრულდა, 1 ივნისი ხობში კულტურულ-გასართობი და შემეცნებითი ღონისძიებებით აღინიშნა. N1 საჯარო სკოლის სპორტდარბაზში საბავშვო ბაგა-ბაღების აღსაზრდელებისათვის ,,მხიარული სტარტები“ ჩატარდა, კულტურის სახლის ფოიეში მოსწავლე-ახალგაზრდობის ცენტრის ბავშვთა ნახატების გამოფენა მოეწყო. ბავშვთა დაცვის საერთაშორისო დღესთან დაკავშირებით, კულტურულ-საგანმანათლებო საზოგადოებრივი ცენტრის სამუსიკო სკოლაში "მუსიკალური კვირეული" გაიმართა. კულტურის სახლის დიდ დარბაზში ბავშვების სადღესასწაულო განწყობაზე ქუთაისის ,,ერთი მსახიობის თეატრის“ მსახიობებმა იზრუნეს, რომლებმაც ხობელი მაყურებლის წინაშე სპექტაკლი ,,ფისუნია“ წარადგინეს. ბავშვთა დაცვის დღისადმი მიძღვნილ ღონისძიებებს. ბავშვთა დაცვის დღისადმი მიძღვნილ ღონისძიებებს ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ელისო კვიკვინია და „ხობის მუნიციპალიტეტის სკოლამდელი სააღმზრდელო გაერთიანების“ დირექტორი ეკა ხასია ესწრებოდნენ.

May 31, 2019

პოლიციის პროფესიული დღე (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს აპარატის უფროსმა ლელა შამათავამ და ქონების მართვისა და ინფრასტრუქტურის საკითხთა კომისიის თავმჯდომარემ ვლადიმერ ქანთარიამ, პროფესიული დღე მიულოცეს სამეგრელო-ზემო სვანეთის პოლიციის დეპარტამენტის ხობის რაიონული სამმართველოს უფროსსა და თანამშორმლებს და საქმიანობაში წარმატებები, კეთილდღეობა და მშვიდობა უსურვეს მათ.

May 30, 2019

ბიბლიოთეკაში ინტელექტუალური თამაში გაიმართა. (EN)

ხობში თედო სახოკიას სახელობის ცენტრალურ ბიბლიოთეკაში ბავშვთა დაცვის საერთაშორისო დღისადმი მიძღვნილი ინტელექტუალური თამაში - ,,შენ გაგიმარჯოს, სამშობლოს ხვალინდელი დღის ღიმილო!“ გაიმართა.
ვიქტორინაში საერო სკოლა „არეას“ მეექვსე კლასელი მოსწავლეებით დაკომპლექტებული სამი გუნდი მონაწილეობდა. გუნდებმა 12-12 კითხვას უპასუხეს.
10 ქულით ინტელექტუალური თამაშის გამარჯვებული „ალბატროსი“ გახდა. გამარჯვებული გუნდის წევრებს საჩუქრად წიგნები და სიგელები გადაეცათ.
ღონისძიებას ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ელისო კვიკვინია ესწრებოდნენ.
ღონისძიება ხობის ცენტრალური ბიბლიოთეკის და საერო სკოლა „არეას“ ორგანიზებით განხორციელდა.

May 30, 2019

საკრებულოს სხდომა. (EN)

30 მაისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა დადგენილების პროექტი „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“, რომლის თანახმადაც ბიუჯეტის შემოსულობები განისაზღვრა 14767,9 ათასი ლარით.
სხდომაზე ასევე განხილულ იქნა განკარგულების პროექტი „სსიპ ხობის მუნიციპალიტეტის სოფელ ძველი ხიბულის საჯარო სკოლისთვის ზვიად გამსახურდიას სახელის მინიჭებაზე თანხმობის გაცემის თაობაზე“. საკრებულოში წარმოდგენილ იქნა სოფელ ძველი ხიბულის საჯარო სკოლის სამეურვეო საბჭოს სხდომის ოქმი, სადაც განხილულია პედაგოგიური კოლექტივისა და მშობელთა კომიტეტის ინიციატივა სსიპ ხობის მუნიციპალიტეტის სოფელ ძველი ხიბულის საჯარო სკოლისთვის საქართველოს პირველი პრეზიდენტის ზვიად გამსახურდიას სახელის მინიჭების შესახებ. საბოლოო გადაწყვეტილების მიღების მიზნით სახელდებასთან დაკავშირებული ინიციატივა, სამეურვეო საბჭოს ოქმი და საკრებულოს განკარგულება სამეურვეო საბჭოს მიერ წარედგინება საქართველოს განათლების, მეცნიერების, კულტურისა და სპორტის სამინისტროს.
საინიციატივო ჯგუფის მოთხოვნის საფუძველზე, განკარგულების პროექტით „ა(ა)იპ „ხობის მუნიციპალიტეტის კულტურულ-საგანმანათლებლო საზოგადოებრივი ცენტრის“ სტრუქტურული ერთეულის მუნიციპალიტეტის ადმინისტრაციული ერთეულების კულტურულ-საგანმანათლებლო ცენტრის პირველი მაისის ბიბლიოთეკისთვის ნოე დაფნარელის სახელის მინიჭების შესახებ“ პირველი მაისის ბიბლიოთეკას მიენიჭა მწერლის, პოეტის, ჟურნალისტისა და დამსახურებული მასწავლებლის ნოე კობახიძის (დაფნარელის) სახელი.
სხდომაზე ასევე განიხილეს განკარგულების პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“, რომლის საფუძველზეც მუნიციპალიტეტის საკუთრებაში არსებული დამატებითი ქონება - ახალი ხიბულის ადმინისტრაციული ერთეულის სოფელ ზუბში არსებული წყალსადენი სისტემა, რომლის ნარჩენი ღირებულება 2019 წლის 1 იანვრისათვის შეადგენს 19628 ლარს, თხოვების ფორმით გადაეცა შპს „ხობის წყალმომარაგებას“.
,,სტიქიის პრევენციის სახელმწიფო პროგრამის ფარგლებში“ ხობის მუნიციპალიტეტში 2019 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2019 წლის 15 აპრილის N10 განკარგულებაში ცვლილების შეტანის თაობაზე“ განკარგულების პროექტით დასაფინანსებელ პროექტებს დაემატა ხამისკურის ადმინისტრაციული ერთეულის სოფელ საქირიოში ხიდის სარეაბილიტაციო სამუშაოები.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

<<
<
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
...
>
>>