SAKREBULO OF KHOBI MUNICIPALITY

Home
news

news

July 29, 2019

ძველი ხიბულის საჯარო სკოლას ზვიად გამსახურდიას სახელი მიენიჭა (EN)

საქართველოს განათლების, მეცნიერების, კულტურისა და სპორტის მინისტრის 2019 წლის 25 ივლისის N154/ნ ბრძანებით, სსიპ ძველი ხიბულის საჯარო სკოლას საქართველოს ეროვნული გმირის, ექსპრეზიდენტ ზვიად გამსახურდიას სახელი მიენიჭა.
საკრებულოში წარმოდგენილ იქნა სოფელ ძველი ხიბულის საჯარო სკოლის სამეურვეო საბჭოს სხდომის ოქმი, სადაც განხილული იყო პედაგოგიური კოლექტივისა და მშობელთა კომიტეტის ინიციატივა, სსიპ ხობისმუნიციპალიტეტის სოფელ ძველი ხიბულის საჯარო სკოლისთვის საქართველოს პირველი პრეზიდენტის ზვიად გამსახურდიას სახელის მინიჭების შესახებ. რაზედაც საკრებულოს მიერ მიღებულ იქნა განკარგულება „სსიპ ხობის მუნიციპალიტეტის სოფელ ძველი ხიბულის საჯარო სკოლისთვის ზვიად გამსახურდიას სახელის მინიჭებაზე თანხმობის გაცემის თაობაზე“. საბოლოო გადაწყვეტილების მიღების მიზნით სახელდებასთან დაკავშირებული ინიციატივა, სამეურვეო საბჭოს ოქმი და საკრებულოს განკარგულება სამეურვეო საბჭოს მიერ წარედგინა საქართველოს განათლების, მეცნიერების, კულტურისა და სპორტის სამინისტროს. რაც სამინისტროს მხრიდან დადებითად გადაწყდა.

July 26, 2019

საინფორმაციო შეხვედრა (EN)

26 ივლისს, ხობის მუნიციპალიტეტის მერიის სხდომათა დარბაზში ნატოსა და ევროკავშირის შესახებ საინფორმაციო ცენტრის წარმომადგენლებმა „დასავლური ინტეგრაციის პროცესის შესახებ ინფორმირებულობისა და ჩართულობის გაზრდა რეგიონებში“ პროექტის ფარგლებში შეხვედრა გამართეს ადგილობრივი თვითმმართველობის და სამოქალაქო სექტორის წარმომადგენლებთან. შეხვედრაზე ისაუბრეს საქართველოს ევროკავშირთან და ნატოსთან თანამშრომლობის ძირითად ასპექტებზე, ამ მიმართულებით არსებულ მიღწევებსა და გამოწვევებზე. პროექტი საინფორმაციო ცენტრის ორგანიზებით, აშშ-ს სახელმწიფო დეპარტამენტისა და საქართველოში აშშ-ს საელჩოს მხარდაჭერით განხორციელდა.

July 19, 2019

განათლების განვითარების და დასაქმების ცენტრმა შეხვედრა გამართა (EN)

ხობის მუნიციპალიტეტის საკრებულოს სხდომათა დარბაზში განათლების განვითარების და დასაქმების ცენტრმა (EDEC) შეზღუდული შესაძლებლობის მქონე პირთა ინტეგრაციის თემაზე მრგვალი მაგიდის ფორმატში შეხვედრა გამართა, სადაც იმსჯელეს შშმ პირთა ინტეგრაციის თემაზე და ამ მიმართულებით არსებულ გამოწვევებზე და მათი გადაჭრის გზებზე.
შეხვედრას ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია კომისიის წევრებთან, მერიის შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსთან შოლინა კანკიათან და მოწვეულ სტუმრებთან ერთად ესწრებოდა.
მრგვალი მაგიდა ევროკავშირის პროექტის „თანაბარი შესაძლებლობები შეზღუდული შესაძლებლობების მქონე პირთათვის“ ფარგლებში იმართება, პროექტს საქართველოს არბაითერ-სამატირერ-ბუნდი (ASB), მის პარტნიორ ორგანიზაციებთან -განათლების განვითარებისა და დასაქმების ცენტრთან (EDEC) და მოძრაობა „ხელმისაწვდომი გარემო ყველასთვის“ თანამშრომლობით ახორციელებს.

July 17, 2019

ქალაქის ქუჩების სახელდებაზე საჯარო განხილვა გაიმართა (EN)

ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის ორგანიზებით საკრებულოს სხდომათა დარბაზში გაიმართა საჯარო განხილვა ქ. ხობში 4 უსახელო ქუჩისთვის სახელის მინიჭებისა და სტალინისა და ბერიას ქუჩებისთვის სახელის გადარქმევის თაობაზე. საჯარო განხილვაზე მონაწილეების მხრიდან გამოითქვა სხვადასხვა მოსაზრებები ქუჩების სახელდებებთან დაკავშირებით. წარმოდგენილი წინადადებები განხილული იქნება კომიისის მიერ და მომზადდება შესაბამისი დასკვნა.

July 16, 2019

დაფნის მწარმოებლებთან და გადამამუშავებლებთან შეხვედრა გაიმართა (EN)

ხობის მუნიციპალიტეტის საკრებულოს სხდომათა დარბაზში ხობის საინფორმაციო-საკონსულტაციო ცენტრის ორგანიზებით, აგრო წარმოების ხელშეწყობის პროგრამის ფარგლებში, დაფნის მწარმოებლებთან და გადამამუშავებლებთან მორიგი სამუშაო შეხვედრა გაიმართა. შეხვედრაზე ისაუბრეს დაფნის მწარმოებელთა და გადამამუშავებელთა ასოციაციის შექმნასთან დაკავშირებულ შესაძლებლობებზე და იმსჯელეს ასოციაციის როლზე ქართული დაფნის ინდუსტრიაში.

July 12, 2019

განცხადება (EN)

ხობის მუნიციპალიტეტის საკრებულოში შემოსულია ინიციატივები ქ. ხობში 4 უსახელო ქუჩისთვის სახელის მინიჭებისა და სტალინისა და ბერიას ქუჩებისთვის სახელის გადარქმევის თაობაზე. აღნიშნულ საკითხებთან დაკავშირებით ხობის მუნიციპალიტეტის საკრებულოს სხდომათა დარბაზში 17 ივლისს 12:00 სთ-ზე გაიმართება საჯარო განხილვა.

დაინტერესებული პირებისთვის დასწრება თავისუფალია.

July 12, 2019

გილოცავთ პეტრე-პავლობის დღესასწაულს! (EN)

July 10, 2019

”სოფლის მხარდაჭერის პროგრამა“ - ნოჯიხევი (EN)

ხობის მუნიციპალიტეტის ნოჯიხევის ადმინისტრაციულ ერთეულში „სოფლის მხარდაჭერის პროგრამის“ ფარგლებში ამ ეტაპზე ხორციელდება შემდეგი პროექტები:
✔ნოჯიხევი - მოსაცდელის რეაბილიტაცია - 7704,10 ლარი;
✔კუთხე ნოჯიხევი - მოსაცდელის მშენებლობა - 7635,41 ლარი;
✔ნოჯიხევის N1 ბაღის ეზოს შემოღობვა - 7374,19 ლარი;
✔ნოჯიხევის N2 ბაღის ეზოში სკვერის მოწყობა - 7564,90 ლარი.
მშენებლობის პროცესს ადგილზე გაეცნო ხობის მუნიციპალიტეტის საკრებულოს თავმჯდომარე ედიშერ ჯობავა საკრებულოს თანამდებობის პირებთან და მერის წარმომადგენელთან ნოჯიხევის ადმინისტრაციულ ერთეულში.

July 5, 2019

ხობში თემურ ელიავას პოეზიის საღამო გაიმართა (EN)

ხობის კულტურის სახლის მცირე დარბაზში პოეტ თემურ ელიავას პოეზიის საღამო გაიმართა. პოეტმა დამსწრე საზოგადოების წინაშე ყველასთვის კარგად ნაცნობ ძველ ლექსებთან ერთად ახალი ლექსებიც წაიკითხა.
პოეზიის საღამოს საზოგადოების წევრებთან ერთად ადგილობრივი ხელისუფლების წარმომადგნელებიც ესწრებოდნენ. სტუმრებმა ისაუბრეს ახალგაზრდა პოეტის შემოქმედებაზე და დასასრულს ახალგაზრდა პოეტს მომავალი შემოქმედებითი წარმატებები უსურვეს.

July 3, 2019

სააგნარიშო კონცერტი (EN)

ხობის კულტურის სახლის დიდ დარბაზში „ხობის მუნიციპალიტეტის კულტურულ-საგანმანათლებლო საზოგადოებრივ ცენტრთან“ არსებული შემოქმედებითი სტუდიებისა და წრეების საანგარიშო კონცერტი გაიმართა.
სტუდიებისა და წრეების მოსწავლეები მაყურებლის წინაშე ქართული ხალხური ცეკვებითა და საესტრადო ჟანრის სიმღერებით წარსდგნენ.
კონცერტს ადგილობრივი ხელისუფლების წარმომადგენლები ესწრებოდნენ.

June 28, 2019

შეხვედრა ნოჯიხევის ადმინისტრაციულ ერთეულში (EN)

ღონისძიებებზე; პროგრამაში „დანერგე მომავალი“ კენკროვანი კულტურების ქვეკომპონენტში შესულ ცვლილებებზე, რომელიც ითვალისწინებს კენკროვანი კულტურის ბაღის გაშენებისათვის საჭირო ნერგების, წვეთოვანი სარწყავი სისტემის და სხვა საჭირო მასალების შეძენისა და მოწყობის ღირებულების 100% დაფინანსებას, 0.15 ჰა-დან 0.5 ჰა-ს ჩათვლით სასოფლო-სამეურნეო დანიშნულების მიწის ფართობზე, კონკრეტულ გეოგრაფიულ არეალში.
►ცვლილებების თანახმად, კენკროვანი კულტურების თანადაფინანსების ქვეკომპონენტის ფარგლებში, კენკროვანი კულტურების გაშენება შესაძლებელია დაფინანსდეს საქართველოს ყველა მუნიციპალიტეტსა და თვითმმართველ ქალაქში შემდეგი თვითმმართველი ქალაქების - თბილისი, რუსთავი, ქუთაისი, ბათუმი და ფოთი - გარდა.
► ვრცლად იხილეთ(http://apma.ge/projects/read/plant_future/71:child)

June 27, 2019

საკრებულოს სხდომა (EN)

27 ივნისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას საკრებულოსა და მერიის ხელმძღვანელი პირები, მერის წარმომადგენლები ადმინისტრაციულ ერთეულებში და იურიდიული პირების ხელმძღვანელები ესწრებოდნენ. სხდომაზე განხილულ იქნა განკარგულების პროექტი „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“, რომლის თანახმადაც ხეთის ადმინისტრაციულ ერთეულში მდებარე საბრძოლო დიდებისა და მხარეთმცოდნეობის მუზეუმი, მისი მოვლა-პატრონობის გაუმჯობესების მიზნით, უზუფრუქტის ფორმით, არსებობის ვადით, გადაეცა ხობის მუნიციპალიტეტის კულტურულ-საგანმანათლებლო საზოგადოებრივ ცენტრს. სხდომაზე ასევე განხილულ იქნა განკარგულების პროექტი „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის (უზუფრუქტის ფორმით) უფლებით გადაცემაზე თანხმობის მიცემის შესახებ“, რომლის საფუძველზეც საქართველოს გარემოს დაცვისა და სოფლის მეურნეობის სამინისტროს მოთხოვნით ა(ა)იპ „სოფლის მეურნეობის პროექტების მართვის სააგენტოს“ არსებობის ვადით, სარგებლობის უფლებით, (უზუფრუქტის ფორმით) გადაცა მუნიციპალიტეტის საკუთრებაში არსებული ქ. ხობში ცოტნე დადიანის ქ. N189-ში მდებარე შენობის მე-3 სართულზე 33,9 კვ.მ ფართი.
სხდომაზე ასევე ხობის მუნიციპალიტეტის მერმა გოჩა ქაჯაიამ საკრებულოს წევრებს 2018 წელს გაწეული მუშაობის შესახებ ანგარიში წარუდგინა. მერმა დეტალურად ისაუბრა 2018 წელს დაგეგმილ და განხორციელებულ პროექტებზე. საკრებულოს წევრების მხრიდან დაისვა შეკითხვები წარმოდგენილ ანგარიშთან დაკავშირებით. დებატების დასრულების შემდეგ მერიის მიერ 2018 წელს გაწეული მუშაობა შეფასდა დამაკმაყოფილებლად, რის შემდეგაც საკრებულოს სხდომა დახურულად გამოცხადდა.

June 26, 2019

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2019 წლის 27 ივნისს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);

2. „ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ძირითადი (განუსხვისებელი) და დამატებითი ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2013 წლის 19 აპრილის N17 განკარგულების ნაწილის ძალადაკარგულად გამოცხადების თაობაზე“ განკარგულების პროექტის შესახებ;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);

3. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);

4. ხობის მუნიციპალიტეტის მერის 2018 წლის ანგარიშის მოსმენა გაწეული მუშაობის შესახებ.
(მომხსენებელი: გ. ქაჯაია - ხობის მუნიციპალიტეტის მერი).

June 26, 2019

ბიუროს სხდომა (EN)

26 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
1. ხობის მუნიციპალიტეტის მერის გ. ქაჯაიას 2019 წლის 25 ივნისის N05/2079 წერილის განხილვა:
• „ხობის მუნიციპალიტეტის საკრებულოს თავმჯდომარისათვის ხობის მუნიციპალიტეტის საკუთრებაში არსებული ძირითადი (განუსხვისებელი) და დამატებითი ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2013 წლის 19 აპრილის N17 განკარგულების ნაწილის ძალადაკარგულად გამოცხადების თაობაზე“ განკარგულების პროექტის შესახებ;
• „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
• „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე.
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

June 26, 2019

სკოლამდელ დაწესებულებებში აღსაზრდელთა რეგისტრაცია დაიწყო (EN)

1. აღსაზრდელთა რეგისტრაცია შესაძლებელია:
• ა(ა)იპ ,,ხობის მუნიციპალიტეტის სკოლამდელი სააღმზრდელო გაერთიანების “ სტრუქტურულ ერთეულებში / 25-ვე საბავშვო ბაღში/.
• სკოლამდელი სააღმზრდელო გაერთიანებაში (ხობი. ცოტნე დადიანის ქ.#204),
2. რეგისტრაციისათვის წარმოსადგენია შემდეგი დოკუმენტაცია:
• ნოტარიულად დამოწმებული ბავშვის დაბადების მოწმობის ასლი-2 ეგზემპლარი;
• ჯანმრთელობის ცნობა/ჩატარებული აცრების მითითებით/
• ფოტოსურათი -2 ცალი (3X4)
• მშობლების პირადობის მოწმობის ასლები
3. რეგისტრაცია შესაბამისი ასაკის მიხედვით
• 2-3 წლიანთა ასაკობრივ ჯგუფში (ბაგის ჯგუფი) რეგისტრაციას გადის ყველა ის აღსაზრდელი, რომელსაც სასწავლო -სააღმზრდელო წლის დასაწყისში (16 სექტემბერს) უსრულდება 2 (ორი) წელი.
• 2-3 წლიანთა ასაკობრივ ჯგუფში აღსაზრდელები რეგისტრირდებიან შემდეგ საბავშვო ბაგა-ბაღებში:
ქალაქ ხობის #1 საბავშვო ბაგა-ბაღი;
ქალაქ ხობის #2 საბავშვო ბაგა-ბაღი;
პირველი მაისის საბავშვო ბაგა-ბაღი;
საჯიჯაოს საბავშვო ბაგა-ბაღი;
ხეთის საბავშვო ბაგა-ბაღი;
• 3-4 წლიანთა; 4-5 წლიანთა ; 5-6 წლიანთა (სასკოლო მზაობის); შერეულ ასაკობრივ (3-დან 6 წლამდე) ჯგუფებში რეგისტრირდებიან ის აღსაზრდელები, რომელთაც სასწავლო-სააღმზრდელო წლის დასაწყისში (16 სექტემბერს) უსრულდებათ შესაბამისი ასაკი.
4. აღსაზრდელთა ჩარიცხვა:
• რეგისტრაციის განაცხადის დაფიქსირების შემდეგ, განაცხადი გადაწყვეტილების მისაღებად ეგზავნება სკოლამდელი სააღმზრდელო გაერთიანების დირექტორს.
• გაერთიანების დირექტორის ადმინისტრაციულ-სამართლებრივი აქტის საფუძველზე ხორციელდება აღსაზრდელთა ჩარიცხვა შესაბამის ასაკობრივ ჯგუფებში.
• საბავშვო ბაღებში ჩარიცხვის პროცესში პრიორიტეტი ენიჭებათ შემდეგი კატეგორიის აღსაზრდელებს:
სოციალურად დაუცველი ოჯახის ბავშვებს;
სპეციალური საგანმათლებლო საჭიროების მქონე ბავშვებს;
იმ ოჯახის ბავშვებს, რომელთა და-ძმა ჩარიცხულია იმავე ბაღში;
5. ხობის მუნიციპალიტეტის სკოლამდელ დაწესებულებებში აღსაზრდელთა რეგისტრაციის პროცესი განხორციელდება მიმდინარე წლის 27 ივნისიდან 27 ივლისამდე.
6. აღსაზრდელთა ჩარიცხვა განხორციელდება მიმდინარე წლის 1 აგვისტომდე.
7. ჩარიცხულ აღსაზრდელთა სია 10 აგვისტოდან გამოიკვრება შესაბამის სკოლამდელ დაწესებულებაში.
8. 2019-2020 სასწავლო-სააღმზრდელო წელი საბავშვო ბაღებში 16 სექტემბერს დაიწყება.

<<
<
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
...
>
>>