SAKREBULO OF KHOBI MUNICIPALITY

Home
news

news

November 24, 2017

საკრებულოს რიგგარეშე სხდომა (EN)

ავღნიშნავთ, რომ წარმოდგენილი დადგენილების პროექტის განმარტებით ბარათში არ არის მოცემული სრული და დეტალური ინფორმაცია ბიუჯეტში დაგეგმილი და გასატარებელი ღონისძიებების შესახებ. აუცილებელია განმარტებითი ბარათის სრულყოფილად წარმოდგენა. დადგენილების პროექტით გარკვეულწილად შეინიშნება რამოდენიმე ა(ა)იპ-ში სახელფასო განაკვეთების ზრდა. კომისიის რეკომენდაციით კიდევ ერთხელ მოხდეს აღნიშნული საკითხის შესწავლა და თანხები გადანაწილდეს თანამდებობებზე პროპორციულად. ბიუჯეტის პროექტში ასევე აღნიშნულია სატელეფონო ბარათების შეძენის ხარჯები ცალკეულ ა(ა)იპ-ში. ამ შემთხვევაში კომისიას მიზანშეწონილად მიაჩნია ბარათების ნაცვლად მოხდეს ლიმიტების განსაზღვრა კორპორაციულ ნომრებზე მერიის შესაბამის სამსახურებთან შეთანხმებით. რაც შეეხება 2018 წლის ადგილობრივი ბიუჯეტით საკრებულოსთვის გათვალისწინებულ ასიგნებებს, აუცილებელია მოხდეს მუხლის "ოფისის ხარჯების" ასიგნებების გაზრდა 1500 ლარის ოდენობით, რაც განპირობებულია იმით, რომ საკრებულოს სხდომათა დარბაზში ხმის გამაძლიერებელი გამოსულია მწყობრიდან და საჭიროა ახალი აპარატურის შეძენა. დადგენილების პროექტი სხვა მხრივ ძირითადად აკმაყოფილებს საქართველოში მოქმედ კანონმდებლობას და კომისიას მიზანშეწონილად მიაჩნია კომისიის მიერ შემუშავებული წინადადებები და შენიშვნები გადაეგზავნოს მუნიციპალიტეტის მერიას პროექტის რედაქტირებისათვის.

November 24, 2017

2018 წლის ადგილობრივი ბიუჯეტის საჯარო განხილვა (EN)

24 ნოემბერს საკრებულოს სხდომათა დარბაზში, ხობის მუნიციპალიტეტის საკრებულოს ორგანიზებით გაიმართა 2018 წლის ადგილობრივი ბიუჯეტის საჯარო განხილვა. ბიუჯეტის პროექტი საზოგადოებას მერიის საფინანსო-საბიუჯეტო სამსახურის უფროსმა დავით ჭოჭუამ წარუდგინა, რომელმაც განმარტა, რომ 2018 წელს ხობის მუნიციპალიტეტის ადგილობრივი ბიუჯეტის შემოსავლები განისაზღვრა 8157,7 ათასი ლარით აქედან: გადასახადები 5800,0 ათასი ლარი, გრანტები 2010,0 ათასი ლარი (აქედან: გათანაბრებითი ტრანსფერი1800,0 ათასი ლარი, აქედან 210,0 ათასი ლარი - მიზნობრივი ტრანსფერი დელეგირებული უფლებამოსილებების განსახორციელებლად), სხვა შემოსავლები 347,7 ათასი ლარი. მან ისაუბრა ბიუჯეტით გათვალისწინებულ პრიორიტეტებზე, სოციალურ-ეკონომიკურ, კულტურულ და საგანმანათლებლო პროექტებზე, რომლებიც გათვალისწინებულია ადგილობრივი ბიუჯეტით. განხილვაში მონაწილეობას იღებდნენ მუნიციპალიტეტის ხელმძღვანელი პირები და მუნიციპალიტეტის იურიდიული პირების ხელმძღვანელები, რომლებმაც ისაუბრეს ბიუჯეტით გათვალისწინებულ მათ სფეროს მიკუთვნებულ პროექტებზე. დასასრულს ადგილობრივი ხელისუფლების წარმომადგენლებმა განაცხადეს, რომ მომავალი წლის ბიუჯეტში მაქსიმალურად იქნება გათვალისწინებული საზოგადოების ინტერესები.

November 24, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 24 ნოემბერს 16:00 საათზე საკრებულოს სხდომათა დარბაზში.
დღის წესრიგი:
1. „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ დადგენილების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი).

November 24, 2017

კომისიის სხდომა (EN)

24 ნოემბერს გაიმართა ხობის მუნიციპალიტეტის საკრებულოს საფინანსო-სარევიზიო კომისიის სხდომა, სადაც განხილულ იქნა დადგენილების პროექტი „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“

November 23, 2017

გილოცავთ გიორგობას (EN)

November 22, 2017

საკრებულოს სხდომა (EN)

22 ნოემბერს ხობის მუნიციპალიტეტის საკრებულოს სხდომათა დარბაზში მეოთხე მოწვევის საკრებულოს პირველი სხდომა გაგრძელდა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
დღის წესრიგით გათვალისწინებული საკითხების განხილვამდე საკრებულოს წევრს ირაკლი ბერაიას ვადამდე შეუწყდა საკრებულოს წევრის უფლებამოსილება მის საკრებულოს წევრთან შეუთავსებელ თანამდებობაზე დანიშვნის გამო. ფარული კენჭისყრის საფუძველზე არჩეულ იქნენ საკრებულოს კომისიის თავმჯდომარები, კერძოდ: სამანდატო-საპროცედურო საკითხთა კომისიის თავმჯდომარედ - თეა გელანტია, საფინანსო-სარევიზიო კომისიის თავმჯდომარედ - ტარიელ ალექსანდრია, ეკონომიკური განვითარების საკითხთა კომისიის თავმჯდომარედ - ვლადიმერ ქანთარია, იურიდიულ საკითხთა და ადამიანის უფლებათა დაცვის კომისის თავმჯდომარედ - დავით ბერაია და სოციალურ საკითხთა კომისიის თავმჯდომარედ - დოდო გაბუნია, რომელთა არჩევის შემდეგ დამტკიცდა შესაბამისი კომისიების შემადგენლობები და რეგისტრირებულ იქნა 2 ფრაქცია „ქართული ოცნება დემოკრატიული საქართველო“, რომლის თავმჯდომარედ აირჩა ბექა მამაცაშვილი და ფრაქცია „ხობი“, რომლის თავმჯდომარეც გახდა კობა გოქაძე.

ახალი მოწვევის საკრებულო 37 წევრით დაკომპლექტდა, სადაც 22 მანდატი მაჟორიტარულ, ხოლო 15 პროპორციული წესით არჩეულ საკრებულოს წევრებს ერგოთ. აქედან, 29 მანდატი კოალიცია „ქართულმა ოცნება დემოკრატიულმა საქართველომ“, 3 მანდატი „ერთიანმა ნაციონალურმა მოძრაობამ“, 2 მანდატი „ევროპულმა საქართველომ“ ხოლო თითო-თითო მანდატი „შალვა ნათელაშვილი-საქართველოს ლეიბორისტული პარტია“ და „შენების მოძრაობამ“ მიიღო.
2017 წლის 21 ოქტომბერს არჩეულ ხობის მუნიციპალიტეტის საკრებულოს წევრთა სია:

1. ვარაზი გაბედავა
2. ედიშერი ჯობავა
3. დოდო გაბუნია
4. დავით ბერაია
5. მამუკა ქარდავა
6. მერაბი ფილიპია
7. დიტო ხასია
8. შადიმანი ჭილაია
9. ირაკლი ბერაია
10. მამუკა ჭოხონელიძე
11. როლანდი სერგია
12. ია ჯიშკარიანი
13. თემური გულუა
14. ირაკლი ნადარაია
15. კახა ლატარია
16. კონსტანტინე ნასარაია
17. ვლადიმერ ქანთარია
18. ნიკოლოზი ვეკუა
19. მერაბ ნადარაია
20. ფრიდონ შონია
21. გოჩა ჯობავა
22. თეა გელანტია
23. თენგიზ აბაკელია
24. მზია ლემონჯარია
25. გოჩა სიჭინავა
26. აკაკი ხურცილავა
27. კობა გოქაძე
28. იგორი გოგოლაძე
29. ავთანდილი ხუნჯუა
30. კახა მიქაბერიძე
31. ტარიელ ალექსანდრია
32. ბექა მამაცაშვილი
33. გია წულაია
34. გიგა ნასარაია
35. გენადი ქაძანაია
36. ლაშა ცატავა
37. აბელი ქირია
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

November 21, 2017

განცხადება ხობის მუნიციპალიტეტის მეოთხე მოწვევის საკრებულოს პირველი სხდომის გაგრძელების შესახებ (EN)

" 2017 წლის 21 ოქტომბრის არჩევნების შედეგად არჩეული მუნიციპალიტეტის წარმომადგენლობითი ორგანოების - საკრებულოების პირველი სხდომების მოწვევის შესახებ“ საქართველოს ცენტრალური საარჩევნო კომისიის თავმჯდომარის 2017 წლის 13 ნოემბრის N284/2017 განკარგულების შესაბამისად,
ხობის მუნიციპალიტეტის საკრებულოს პირველი სხდომა გაგრძელდება 2017 წლის 22 ნოემბერს 11:00 საათზე, ხობის მუნიციპალიტეტის საკრებულოს სხდომათა დარბაზში.

November 21, 2017

გილოცავთ მთავარანგელოზობის ბრწყინვალე დღესასწაულს (EN)

November 20, 2017

მეოთხე მოწვევის საკრებულოს პირველი სხდომა (EN)

20 ნოემბერს, ხობის მუნიციპალიტეტის საკრებულოს სხდომათა დარბაზში მეოთხე მოწვევის საკრებულოს პირველი სხდომა გაიმართა. სხდომა N66 ხობის საოლქო საარჩევნო კომისიის თავმჯდომარემ დათუნა ჯობავამ გახსნა, რომელმაც ხობის მუნიციპალიტეტში ადგილობრივი თვითმმართველობის არჩევნების შედეგები შეაჯამა და სიტყვა გადასცა უხუცესს საკრებულოს წევრს ვლადიმერ ქანთარიას. სხდომაზე საკრებულოს წევრთა უფლებამოსილების ცნობისა და თანამდებობის პირების არჩევის პროცედურების უზრუნველყოფის მიზნით შექმნილ იქნა დროებითი სამანდატო და ხმის დამთვლელი კომისიები, რის შემდეგ ფარული კენჭისყრით, ხმათა უმრავლესობით საკრებულოს თავმჯდომარედ არჩეულ იქნა ედიშერ ჯობავა, ხოლო საკრებულოს თავმჯდომარის მოადგილედ - მამუკა ქარდავა. საკრებულოს სხდომას ესწრებოდნენ საკრებულოსა და გამგეობის საჯარო მოხელეები, მასმედიისა და საზოგადოების წარმომადგენლები. 20 ნოემბრის საკრებულოს სხდომამ ამ საკითხების განხილვის შემდეგ შეწყვიტა მუშაობა, სხდომა განახლდება 22 ნოემბერს.

November 17, 2017

ხობის მუნიციპალიტეტის საკრებულოში 2018 წლის ადგილობრივი ბიუჯეტის პროექტის განხილვა დაიწყო (EN)

ხობის მუნიციპალიტეტის საკრებულოს მერიის მიერ, 2017 წლის 14 ნოემბერს განსახილველად წარედგინა 2018 წლის ადგილობრივი ბიუჯეტის პროექტი და ხობის მუნიციპალიტეტის 2018-2021 წლების ადგილობრივი ბიუჯეტის პრიორიტეტების დოკუმენტი, მოქმედი კანონმდებლობის შესაბამისად, ხობის მუნიციპალიტეტის საკრებულოს საფინანსო-სარევიზიო კომისია საკრებულოს კომისიებთან და ფრაქციებთან ერთად იწყებს ბიუჯეტის პროექტის წინასწარ განხილვას.
ხობის მუნიციპალიტეტის მერიის მიერ წარმოდგენილი 2018 წლის ბიუჯეტის პროექტი, თანდართულ განმარტებით ბარათთან ერთად, გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის“ განყოფილება). საკრებულოს ვებგვერდზე www.khobi-sakrebulo.ge ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).
საკრებულოს კომისიებსა და ფრაქციებში ბიუჯეტის პროექტის წინასწარი განხილვა 25 ნოემბრამდე გაგრძელდება და შემუშავდება შესაბამისი წინადადებები.
ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთოს 2018 წლის ბიუჯეტის პროექტის განხილვის პროცესში, რომელიც გაიმართება 2017 წლის 22 ნოემბერს 15:00 საათზე ხობის მუნიციპალიტეტის საკრებულოს სხდომათა დარბაზში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.
წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2017 წლის 25 ნოემბრამდე შეუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi@khobi-sakrebulo.ge.

November 16, 2017

საკრებულოს სხდომა (EN)

16 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის:
„ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის N25 დადგენილებაში ცვლილების შეტანის თაობაზე“ დადგენილების შესაბამისად, ხობის მუნიციპალიტეტის 2017 წლის დამტკიცებულ ბიუჯეტში ასახულ იქნა ხობის მუნიციპალიტეტის გამგებლის ბრძანებებით მხარჯავი დაწესებულებებისათვის ადგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული სხვადასხვა გადანაწილებები.
ამ და დღის წესრიგით გათვალისწინებული საკითხების განხილვის შემდეგ სხდომის თავმჯომარემ ედიშერ ჯობავამ საკრებულოს წევრებს მადლობა გადაუხადა თანამშრომლობისთვის და მომავალი წარმატებები უსურვა მათ. თავის მხრივ საკრებულოს წევრებმა ლევან ქავთარაძემ, ბეჟან ქირიამ და მალხაზ ლაგვილავამ ასევე მადლობა გადაუხადეს საკრებულოს წევრებს, აპარატის საჯარო მოხელეებს თანამშრომლობისთვის, ხოლო საკუთარ ამომრჩევლებს ნდობისა და მხარდაჭერისთვის.

November 16, 2017

ბიუროს სხდომა (EN)

16 ნოემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლ. ცატავას 2017 წლის 15 ნოემბრის N89/08 განცხადების განხილვა („ხობის მუნიციპალიტეტის საკრებულოს სამანდატო - საპროცედურო საკითხთა კომისიის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N8 დადგენილებაში ცვლილების შეტანის თაობაზე“ ხობის მუნიციპალიტეტის საკრებულოს 2017 წლის N39 დადგენილებაში ცვლილების შეტანის შესახებ“ დადგენილების პროექტის თაობაზე);
(მომხსენებელი: ლ. ცატავა - იურიდიულ საკითხთა და ადამიანის უფლებათა დაცვის საკითხთა კომისიის თავმჯდომარე);

2. ხობის მუნიციპალიტეტის საკრებულოს საფინანსო - სარევიზიო კომისიის თავმჯდომარის ტ. ალექსანდრიას 2017 წლის 15 ნოემბრის N90/05 განცხადების განხილვა („ხობის მუნიციპალიტეტის საკრებულოს თანანმდებობის პირთა და საკრებულოს აპარატის პროფესიულისაჯარო მოხელის თანანმდებობის რანგირების, თანანმდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2017 წლის 29 ივნისის N21 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - საფინანსო-სარევიზიო
კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2017 წლის 16 ნოემბრის N00/000 წერილის განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის შესახებ).
(მომხსენებელი: ტ. ალექსანდრია - საფინანსო-სარევიზიო
კომისიის თავმჯდომარე).

November 16, 2017

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ხობის მუნიციპალიტეტის საკრებულოს მორიგი სხდომა გაიმართება 2017 წლის 16 ნოემბერს 17:00 საათზე საკრებულოს სხდომათა დარბაზში.

November 14, 2017

შემოდგომის ზეიმი საბავშვო ბაღებში გრძელდება (EN)

ხობის მუნიციპალიტეტის სკოლამდელ სააღმზრდელო დაწესებულებებში უკვე ტრადიციად ქცეული შემოდგომის ზეიმი იმართება. 14 ნოემბერს პირველი მაისისა და ქალაქ ხობის N1 საბავშვო ბაღებში გამორჩეულად ლამაზ და ორიგინალურ კოსტიუმებში გამოწყობილმა პატარებმა მაყურებელს სხვადასხვა ნომრები წარუდგინეს, მათი შესრულებით ლექსებს სიმღერები და ცეკვები ენაცვლებოდა. პატარებს სხვადასხვა ნომრების შესრულებაში პარტნიორობას აღმზრდელები უწევდნენ, რაც ზეიმს უფრო საინტერესოს და სახალისოს ხდიდა. ხობის N1 საბავშვო ბაღის ორიგინალურად მოწყობილ ეზოში საქართველოს ყველა კუთხის ტრადიციები იყო წარმოჩენილი. ზეიმს ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია მოწვეულ სტუმრებთან ერთად დაესწრო.

November 13, 2017

ახლად არჩეული მერი მუშაობას შეუდგა (EN)

ხობის მუნიციპალიტეტის ახლად არჩეული მერი გოჩა ქაჯაია დღეიდან შეუდგა უფლება-მოვალეობის შესრულებას. გოჩა ქაჯაიამ სამუშაო დღე საკრებულოს თავმჯდომარესთან ედიშერ ჯობავასთან ერთად ადგილობრივ თვითმმართველობაში დასაქმებულებთან შეხვედრით დაიწყო, მან ყველა სამსახურს, თითოეულ მოსამსახურეს, წარმომადგენლებს ადმინისტრაციულ ერთეულებში, ხობის მუნიციპალიტეტის საკრებულოს მთელს შემადგენლობას, სახელმწიფო რწმუნებულს გუბერნატორს ლევან შონიას, გუბერნატორის ადმინისტრაციას, საქართველოს პარლამენტის წევრს ირაკლი (დაჩი ) ბერაიას და წარმდგენ პარტიას „ქართული ოცნება დემოკრატიული საქართველო“ მადლობა გადაუხადა ნდობისთვის და მხარდაჭერისთვის.

<<
<
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
...
>
>>