SAKREBULO OF KHOBI MUNICIPALITY

Home
news

news

March 9, 2017

გილოცავთ ქალთა საერთაშორისო დღეს (EN)

ძვირფასო ქალბატონებო, ხობის მუნიციპალიტეტის საკრებულო გილოცავთ ქალთა საერთაშორისო დღეს, 8 მარტს.

March 7, 2017

თავმჯდომარემ და გამგებელმა საჯარო მოხელეებს 8 მარტი მიულოცეს (EN)

ქალთა საერთაშორისო დღესთან დაკავშირებით ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და გამგებლის მოადგილე მახარე ჩოკორაია გამგეობის სააქტო დარბაზში ადგილობრივ თვითმმართველობაში დასაქმებულ ქალბატონებს შეხვდნენ, დამდეგი 8 მარტი მიულოცეს მათ და საჩუქრად ვარდები გადასცეს.
საკრებულოს ბიუროსა და აპარატში მოსამსახურე ქალბატონებს საკრებულოს თავმჯდომარემ ედიშერ ჯობავამ, აპარატის უფროსმა ლელა შამათავამ კოლეგა მამაკაცებთან ერთად ასევე მიულოცეს დამდეგი ქალთა დღესასწაული და ყვავილები გადასცეს საჩუქრად.

March 7, 2017

„დედა და სილამაზე ერთია“ (EN)

7 მარტს, ხობის თედო სახოკიას სახელობის ცენტრალურ ბიბლიოთეკაში, გაზაფხულის დღესასწაულისადმი მიძღვნილი ლიტერატურულ-მუსიკალური კომპოზიცია „დედა და სილამაზე ერთია“ გაიმართა. მოსწავლეები დამსწრე საზოგადოების წინაშე ლექსებით და სიმღერებით წარსდგნენ. ღონისძიებას, მოწვეული სტუმრები ესწრებოდნენ.

March 7, 2017

შიდა სასოფლო გზის რეაბილიტაცია (EN)

6 მარტს ხობის მუნიციპალიტეტის საკრებულოს თავმჯდომარემ ედიშერ ჯობავამ და ქვემო ქვალონის მაჟორიტარმა საკრებულოს წევრმა, საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ ქვემო ქვალონის ადმინისტრაციული ერთეულის სოფელ გიმოზგონჯილში შიდა სასოფლო გზის სარეაბილიტაციო სამუშაოები დაათვალიერეს. აღნიშნულ სოფელში ამ ეტაპზე მიმდინარეობს სანიაღვრე არხების, მილხიდებისა და ეზოებში შესასვლელების მოწყობა, რის შემდეგადაც განხორციელდება ტერიტორიის ასფალტის საფარით მოწყობა.

March 6, 2017

შეხვედრა სპორტსმენებთან (EN)

6 მარტს, ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს სოციალურ საკითხთა კომისიის თავმჯდომარე დოდო გაბუნია, ხობელ სპორტსმენებს და მწვრთნელ-მასწავლებლებს შეხვდნენ. ბიჭები 3-4 მარტს 2017 წლის საქართველოს ჩემპიონატზე იღებდნენ მონაწილეობას, სადაც საკმაოდ წარმატებით იასპარეზეს და სხვადასხვა საპრიზო ადგილები დაიკავეს. 2017 წლის საქართველოს ჩემპიონის ტიტული ახალგაზრდებს შორის ბერძნულ-რომაული სტილით ჭიდაობაში, 55 კგ წონით კატეგორიში ნუგზარ წურწუმიამ მოიპოვა, ხოლო ამავე სახეობაში 60 კგ წონით კატეგორიაში ბრინჯაოს მედლის მფოლობელი ჯონი ხეცურიანი გახდა. საქართველოს პირველობაზე კრივში 52 კგ წონით კატეგორიაში ვერცხლის მედალი მოიპოვა ბაკურ ჩიქოვანმა, ხოლო ბრინჯაოს მედალოსნები დათა შამათავა (66 კგ) და ნიკა ჯაკონია (63 კგ) გახდნენ. საკრებულოს თავმჯდომარემ ე. ჯობავამ და სოციალურ საკითხთა კომისიის თავმჯდომარემ დ. გაბუნიამ ნორჩ სპორტსმენებს მიულოცეს მიღწეული გამარჯვება და შემდგომი წარმატებებები უსურვეს მათ.

March 3, 2017

დედის დღე მიულოცეს (EN)

3 მარტს, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ, სოციალურ საკითხთა კომისიის თავმჯდომარემ დოდო გაბუნიამ და საფინანსო-სარევიზიო კომისიის თავმჯდომარემ ტარიელ ალექსანდრიამ, გურიფულის ადმინისტრაციულ ერთეულში მცხოვრებ 109 წლის ქალბატონს, თამარ ჯალაღონიას და ხობის ჰოსპიტალში, ახალშობილთა დედებს, დედის დღე მიულოცეს, ყვავილები და საჩუქრები გადასცეს.

March 3, 2017

გილოცავთ დედის დღეს (EN)

3 მარტი დედის დღეა. ხობის მუნიციპალიტეტის საკრებულო გილოცავთ ამ დღეს ყველა დედებო და მომავალო დედებო.
დედის დღე საქართველოს პირველმა პრეზიდენტმა ზვიად გამსახურდიამ დააწესა. ეს გადაწყვეტილება 1991 წელს საქართველოს უმაღლესმა საბჭომ დააკანონა, მაშინ ფიქრობდნენ, რომ დედის დღე საქართველოში საერთაშორისო ქალთა დღეს - 8 მარტს შეცვლიდა, თუმცა დღემდე საქართველოში ორივე დღესასწაული აღინიშნება.

March 2, 2017

პეტიცია საკრებულოში (EN)

2017 წლის 22 თებერვალს, ხობის მუნიციპალიტეტის საკრებულოში შემოვიდა ხობის მუნიციპალიტეტის ტერიტორიაზე რეგისტრირებულ ამომრჩეველთა საერთო რაოდენობის 1%-ის პეტიცია:

1. თორსა-დღვაბის ადმინისტრაციულ ერთეულში შიდა სასოფლო გზის სამი კილომეტრის მონაკვეთზე (ცენტრალურ საავტომობილო გზამდე მონაკვეთი) არსებული სანიაღვრე არხების რეაბილიტაცია;

2. პირველი მაისისა და ნოჯიხევის ადმინისტრაციულ ერთეულებში სანაგვე ურნების განთავსება და ნარჩენების გატანა;

3. ხეთის ადმინისტრაციულ ერთეულში არსებული სასაფლაოს ტერიტორიის შემოღობვა;

4. გურიფულის ადმინისტრაციულ ერთეულში სოფელ პირველი გურიფულის ცენტრიდან სოფელ მეორე გურიფულთან დამაკავშირებელ ხიდამდე საავტომობილო გზის მონაკვეთზე ბეტონის საფარის დაგება.

February 27, 2017

საკრებულოს სხდომა (EN)

27 თებერვალს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომის დაწყებამდე საკრებულოს წევრებმა და დამსწრე საზოგადოებამ წუთიერი დუმილით პატივი მიაგეს საკრებულოს წევრის, ჯემალ ნადარაიას ხსოვნას.
დღევანდელ სხდომაზე მოისმინეს ხობის მუნიციპალიტეტის 2016 წლის ადგილობრივი ბიუჯეტის იანვარ-დეკემბრის თვის შესრულების ანგარიში. რომლის მიხედვითაც ბიუჯეტის დაზუსტებულმა გეგმამ საშემოსავლო ნაწილში 13861,7 ათასი ლარი, ხოლო საგასავლო ნაწილში 14633,4 ათასი ლარი შეადგინა, ხოლო ბიუჯეტის საგასავლო ნაწილი იანვარ-დეკემბრის თვის შესრულების მიხედვით ათვისებულია 91,6% (გეგმა 14633,4 ათასი ლარი, ფაქტიური შესრულება 13404,2 ათასი ლარი). საკრებულოს წევრების მიერ 2016 წლის ბიუჯეტის შესრულების ანგარიში შეფასდა დამაკმაყოფილებლად.
სხდომაზე მორიგ საკითხად განხილულ იქნა დადგენილების პროექტი „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ რომლის მიხედვითაც არასასოფლო-სამეურნეო დანიშნულების მიწის ნორმატიული ფასი იგივე დარჩა რაც 2016 წელს იყო განსაზღვრული და გამოიყურება ასე: არასასოფლო-სამეურნეო დანიშნულების მიწის ნორმატიული ფასი ქალაქ ხობის ტერიტორიაზე შეადგენს 12.38 ლარს, სოფლებში - 3.71 ლარს, დასახლებათა შორის არეალებში - 3.1 ლარს, ხოლო დასახლებათა შორის არეალებში გამავალი საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) - 6.19 ლარს.
სხდომაზე ასევე განიხილეს განკარგულების პროექტი „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“, რომლის თანახმადაც ხობის მუნიციპალიტეტის ბალანსზე რიცხული, ჭალადიდის ყოფილი საყოფაცხოვრებო მომსახურების სახლის შენობაში მე-2 სართულზე არსებული ფართის გაიჯარება ხორციელდება აუქციონის წესით. საკრებულოს გადაწყვეტილებით გამგებელს მიეცა ასევე თანხმობა ქ. ხობში სტალინის ქ. N6-ში მდებარე შენობის მეორე სართულზე არსებული ფართი უსასყიდლო უზუფრუქტით გადაეცეს შპს „აფხაზეთიდან იძულებით გადაადგილებულ პირთა პოლიკლინიკას“. სხდომაზე მიღებულ იქნა დადგენილება „ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“, რომლის შესაბამისადაც შემუშავდა ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმისა და ხობის მუნიციპალიტეტის საკრებულოს მიერ პეტიციის განხილვის თაობაზე განცხადების რეგისტრაციის მოწმობის ნიმუშები.
სხდომაზე დღის წესრიგით გათვალისწინებული საკითხების განხილვის შემდეგ, ხობის მუნიციპალიტეტის საკრებულოს თავმჯდომარის ედიშერ ჯობავას ინიციატივით მოწვეულ სტუმრებს: საქართველოს სოფლის მეურნეობის სამინისტროს ტერიტორიული ორგანო -ხობის მუნიციპალიტეტის საინფორმაციო-საკონსულტაციო სამსახურის უფროსს ანგული მიქავას, შპს „საქართველოს გაერთიანებული წყალმომარაგების კომპანიის“ ხობის სერვისცენტრის უფროსს შალვა კაკაბაძეს და შპს „ხობი დასუფთავება და განათება“ს დირექტორს გიორგი თათარიშვილს მიეცათ შესაძლებლობა საკრებულოს წევრებისთვის მიეწოდებინათ ინფორმაცია დაქვემდებარებული დაწესებულებების მიერ განხორციელებულ საქმიანობაზე, დეპუტატების მხრიდან დაისვა შეკითხვები მათთვის საინტერესო პრობლემურ საკითხებზე, რაზედაც ამომწურავი და ზუსტი ინფორმაცია მიიღეს კომპეტენტური პირებისგან.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

February 27, 2017

ფრაქციის სხდომა (EN)

27 თებერვალს გაიმართა ხობის მუნიციპალიტეტის საკრებულოს ფრაქცია "ქართული ოცნება დემოკრატიული საქართველოს" სხდომა.

February 27, 2017

განცხადება ხობის მუნიციპალიტეტის საკრებულოს სხდომის შესახებ (EN)

ხობის მუნიციპალიტეტის საკრებულოს სხდომა გაიმართება 2017 წლის 27 თებერვალს 12:00 საათზე საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის 2016 წლის ადგილობრივი ბიუჯეტის შესრულების შედეგების შესახებ“ ანგარიშის მოსმენა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: დ. ჭოჭუა - საფინანსო სამსახურის უფროსი);

2. „ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“ დადგენილების პროექტის განხილვა;
(მომხსენებელი: ლ. ცატავა - იურიდიულ საკითხთა და ადამიანის უფლებათა დაცვის
კომისიის თავმჯდომარე);

3. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო - სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი);

4. „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი);

5. „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი);

6. „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2012 წლის 27 მარტის N19 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი);

7. სხვადასხვა.

February 27, 2017

ბიუროს სხდომა (EN)

27 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლ. ცატავას 2017 წლის 15 თებერვლის N9/08 განცხადების განხილვა („ხობის მუნიციპალიტეტის საკრებულოში პეტიციის წარმდგენი ამომრჩევლების სიის ბლანკის, პეტიციის ფორმის და პეტიციის განხილვის თაობაზე განცხადების რეგისტრაციის მოწმობის დამტკიცების შესახებ“ დადგენილების პროექტის თაობაზე);
(მომხსენებელი: ლ. ცატავა - იურიდიულ საკითხთა და ადამიანის უფლებათა დაცვის
კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 23 თებერვლის N05/625 და 2017 წლის 24 თებერვლის N05/642 წერილების განხილვა:
• „ხობის მუნიციპალიტეტის საკრებულოს თავმჯდომარისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2012 წლის 27 მარტის N19 განკარგულებაში ცვლილების შეტანის თაობაზე“ განკარგულების პროექტის შესახებ;
• „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე;
• „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე;
• „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო - სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის თაობაზე;
• „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი ოდენობის განსაზღვრის შესახებ“ დადგენილების პროექტის თაობაზე.
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე).

February 24, 2017

საბჭოთა ოკუპაციის დღე (EN)

24 თებერვალს თედო სახოკიას სახელობის ხობის ცენტრალურ ბიბლიოთეკაში, საბჭოთა ოკუპაციის დღესთან დაკავშირებით, ოკუპაციის პერიოდის ამსახველი ფოტო მასალა გამოიფინა. ბიბლიოთეკის თანამშრომლების ორგანიზებით დღის ბოლოს, საჯარო სკოლების მოსწავლეებთან 1921 წლის ოკუპაციის შესახებ შემეცნებითი ხასიათის საუბრები გაიმართა.

February 24, 2017

დეპუტატი სოფელ ზენში გზის სარეაბილიტაციო სამუშაობის მიმდინარეობას გაეცნო (EN)

საქართველოს პარლამენტის მაჟორიტარი დეპუტატი ირაკლი (დაჩი) ბერაია, ხობის მუნიციპალიტეტის გამგებელთან, გოჩა ქაჯაიასთან და საკრებულოს თავმჯდომარე ედიშერ ჯობავასთან ერთად, საჯიჯაოს ადმინისტრაციული ერთეულის სოფელ ზენში, გზის სარეაბილიტაციო სამუშაოების მიმდინარეობას გაეცნო. სოფელ ზენში, პროექტის ფარგლებში 3300 მეტრ მანძილზე დაიგება ასფალტის საფარი, მოეწყობა: წყალსაწრეტი არხები, ბეტონის ბორდიურები, მილხიდები, ეზოებში შესასვლელები და განხორციელდება ორი ხიდის რეაბილიტაცია. პროექტი ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 859141 ლარს შეადგენს და მას ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს. სამუშაოზე ადგილობრივი მოსახლეობაა დასაქმებული.

February 24, 2017

განრიდება და მედიაცია არასრულწლოვანებში (EN)

ქ. ხობის N2 საჯარო სკოლაში ფოთის რაიონული პროკურატურის პროკურორი ალექსანდრე კოდუა საზოგადოებრივი პროექტის ფარგლებში მაღალი კლასის მოსწავლეებს შეხვდა. პროკურორმა ლექცია ჩაატარა თემაზე „განრიდება და მედიაცია არასრულწლოვანებში“.
აღნიშნული პროგრამის მთავარი მიზანია არასრულწლოვანს მისცეს ერთი შანსი და ხელი შეუწყოს მის კანონმორჩილ პიროვნებად ჩამოყალიბებას. ამასთანავე, პროგრამა ემსახურება დაზარალებულების კმაყოფილების დონის გაზრდასა და არასრულწლოვანთა მხარდაჭერის ღონისძიებებში მათ ჩართვას.
განრიდებისა და მედიაციის პროგრამის ფარგლებში, დისკრეციული უფლებამოსილების საფუძველზე პროკურორს აქვს შესაძლებლობა სისხლისსამართლებრივ პასუხისმგებლობას განარიდოს არასრულწლოვანი, რომელმაც პირველად ჩაიდინა ნაკლებად მძიმე დანაშაული, თუ ის აღიარებს დანაშაულის ჩადენას, მზად არის აანაზღაუროს ზიანი და ბოდიში მოუხადოს დაზარალებულს, ასეთის არსებობის შემთხვევაში.
ფოთის რაიონული პროკურატურა ხობის მუნიციპალიტეტის საჯარო სკოლებში, სხვადასხვა სახის ღონისძიებებს ეტაპობრივად განახორციელებს.

<<
<
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
...
>
>>