SAKREBULO OF KHOBI MUNICIPALITY

Home
news

news

January 30, 2017

კომისიის სხდომა (EN)

30 იანვარს გაიმართა ხობის მუნიციპალიტეტის საკრებულოს კომისიების სხდომა, სადაც განხილულ იქნა საკრებულოს სხდომაზე განსახილველი საკითხები.

January 27, 2017

ბიაში დამეწყრილი გზის რეაბილიტაცია მიმდინარეობს (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ, ბიის ადმინისტრაციულ ერთეულში, დამეწყრილი გზის სარეაბილიტაციო სამუშაო დაათვალიერეს. პროექტის ფარგლებში აშენდება ხიდ-ბოგირი, მოეწყობა დამცავი კედელი და შეკეთდება გზა. სამუშაო ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 27031.44 ლარს შეადგენს. ინფრასტრუქტურულ პროექტს ელექტრონულ ტენდერში გამარჯვებული კომპანია შპს „აფო“ ახორციელებს.

January 27, 2017

ხობის მუნიციპალიტეტის საკრებულო გილოცავთ ნინოობის ბრწყინვალე დღესასწაულს (EN)

January 26, 2017

გაწეული მუშაობის ანგარიშების მოსმენა (EN)

26 იანვარს ხობის მუნიციპალიტეტის საკრებულოს სხდომათა დარბაზში საკრებულოს სოციალურ საკითხთა კომისიის მხრიდან მოსმენილ იქნა ა(ა)იპ ,,ხობის მუნიციპალიტეტის საზოგადოებრივი ჯანდაცვის ცენტრის“ მიერ 2016 წელს გაწეული მუშაობის ანგარიში. ცენტრის ხელმძღვანელმა შორენა საბახტარაშვილმა ისაუბრა ცენტრის მიერ განხორციელებულ პროექტებზე. საზოგადოებრივი ჯანდაცვის ცენტრის მუშაობა კომისიის მიერ დადებითად შეფასდა.
გაწეული მუშაობის ანგარიში ასევე საკრებულოს კომისიისა და ბიუროს წევრებს წარუდგინა ა(ა)იპ „ხობის მუნიციპალიტეტის სკოლამდელი სააღმზრდელო გაერთიანების“ დირექტორმა ელისო კვიკვინიამ, რომელმაც ისაუბრა გაწეულ საქმიანობაზე. კომისიის მხრიდან გაერთიანების მუშაობა შეფასდა დადებითად.

January 26, 2017

პირველ მაისში ნაპირსამაგრის რეაბილიტაცია მიმდინარეობს (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ,გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ, პირველი მაისის ადმინისტრაციული ერთეულის სოფელ საკვიკვინიოში, ნაპირსამაგრის სარეაბილიტაციო სამუშაოები დაათვალიერეს. ინფრასტრუქტურული პროექტი ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 31967 ლარს შეადგენს. სამუშაოს ელექტრონულ ტენდერში გამარჯვებული კომპანია შპს „აფო“ ახორციელებს.

January 26, 2017

ირაკლი (დაჩი) ბერაია სამუშაო ვიზიტით შვედეთში იმყოფება (EN)

საქართველოს პარლამენტის წევრი ირაკლი (დაჩი) ბერაია, პარლამენტის წევრებთან და სახელმწიფო აუდიტის სამსახურის წარმომადგენლებთან ერთად, შვედეთის აუდიტის სამსახურის მიწვევით შვედეთში სამუშაო ვიზიტს მართავს. ქართული დელეგაციის წარმომადგენლები შვედეთის პარლამენტის საფინანსო-საბიუჯეტო კომიტეტის წარმომადგენლებს შეხვდნენ. საქართველოს პარლამენტის წევრები, ვიზიტის ფარგლებში, ასევე გენერალურ აუდიტორს და აუდიტის სამსახურის თანამშრომლებს შეხვდებიან და ინსტიტუციებს შორის სამომავლო თანამშრომლობის საკითხებს განიხილავენ.

January 25, 2017

ქარიატაში ბონდის ხიდის რეაბილიტაცია ხორციელდება (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის პირველმა მოადგილემ ვარაზ გაბედავამ, ქარიატის ადმინისტრაციულ ერთეულში ბონდის ხიდის სარეაბილიტაციო სამუშაოები დაათვალიერეს. ბონდის ხიდი ორ სოფელს: გაღმა ქარიატას და გამოღმა ქარიატას აკავშირებს ერთმანეთთან. ინფრასტრუქტურული პროექტი ადგილობრივი ბიუჯეტის დაფინანსებით ხორციელდება და მისი სახელშეკრულებო ღირებულება 219 ათას ლარს შეადგენს. ბონდის ხიდის რეაბილიტაციის პროექტის ძირითადი ნაწილი შესრულებულია და სამუშაო უახლოეს დღეებში დასრულდება. მშენებლობაზე ადგილობრივი მოსახლეობაა დასაქმებული.

January 24, 2017

განათლების ცენტრის ანგარიშის მოსმენა (EN)

24 იანვარს ხობის მუნიციპალიტეტის საკრებულოს სხდომათა დარბაზში საკრებულოს სოციალურ საკითხთა კომისიის მხრიდან მოსმენილ იქნა ხობის მუნიციპალიტეტის განათლების ცენტრის მიერ 2016 წელს გაწეული მუშაობის ანგარიში. განათლების ცენტრის ხელმძღვანელმა ხათუნა ხორავამ ისაუბრა ცენტის მიერ გაწეულ საქმიანობაზე და განხორციელებულ პროექტებზე. კომისიის მიერ ხობის მუნიციპალიტეტის განათლების ცენტრის მუშაობა შეფასდა დადებითად.
საკრებულოს შესაბამისი კომისიების მხრიდან ეტაპობრივად გაგრძელდება ადგილობრივი თვითმმართველობის იურიდიული პირების ანგარიშების მოსმენები.

January 24, 2017

ხობის მუნიციპალიტეტის ბაღებში სწავლა 1 თებერვალს განახლდება (EN)

ა(ა)იპ „ხობის მუნიციპალიტეტის სკოლამდელი სააღმზრდელო გაერთიანების“ სტრუქტურულ ერთეულებში, სასწავლო - აღმზრდელობითი პროცესი 1 თებერვალს განახლდება

January 24, 2017

ხობელი ნიკა ჯაკონია საერთაშორისო ტურნირის პრიზიორია. (EN)

ბარსელონაში KUNLUN FIGHT - ის ეგიდით ჩატარებულ კინგ-ბოქსინგის საერთაშორისო ტურნირში - „კიშენკოს თასი", საქართველოდან მონაწილეობა მიიღო ორმა სპორტსმენმა, მათ შორის ა(ა)იპ „ხობის მუნიციპალიტეტის განათლების ცენტრის“ სასპორტო სკოლის კრივის ჯგუფისა და ზუგდიდის კინგ-ბოქსინგის სკოლის მოსწავლემ ნიკა ჯაკონიამ (60 კგ. წონითი კატეგორია). საერთაშორისო ტურნირზე წარმატებით იასპარეზა ხობელმა სპორტსმენმა და მეორე საპრიზო ადგილი დაიკავა.

January 18, 2017

ხობის მუნიციპალიტეტის საკრებულო გილოცავთ ნათლისღების ბრწყინვალე დღესასწაულს! (EN)

January 18, 2017

შეხვედრა ფონდ "სოხუმის" წარმომადგენელთან. (EN)

18 იანვარს არასამთავრობო ორგანიზაცია კულტურულ-ჰუმანიტარულ ფონდ „სოხუმის“ წარმომადგენელი თეა თორინავა ხობის მუნიციპალიტეტის საკრებულოს თავმჯდომარეს ედიშერ ჯობავას და საკრებულოს სოციალურ საკითხთა კომისიის თავმჯდომარეს დოდო გაბუნიას შეხვდა. შეხვედრაზე თ. თორინავამ მათ გააცნო პროექტი „ქალთა აქტიური ჩართვა საქართველოს პოლიტიკურ ცხოვრებაში საარჩევნო პროცესების დემოკრატიზაციის კუთხით“.

January 14, 2017

ძვირფასო ხობელებო, გილოცავთ ძველით ახალ წელს (EN)

უდიდესი პატივისცემითა და სიყვარულით გისურვებთ, რომ ახალი წელი თქვენთვის და სრულიად საქართველოსთვის ყოფილიყოს სიკეთის, ბედნიერების, ხვავის და ბარაქის მომტანი წელიწადი.
ედიშერ ჯობავა
ხობის მუნიციპალიტეტის საკრებულოს თავმჯდომარე

January 12, 2017

საკრებულოს რიგგარეშე სხდომა (EN)

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 12 იანვარს 12:00 საათზე საკრებულოს სხდომათა დარბაზში.
სხდომის დღის წესრიგი:
1 „სსიპ-საქართველოს მუნიციპალური განვითარების ფონდიდან სესხის აღებაზე ხობის მუნიციპალიტეტის გამგებლისთვის თანხმობის მიცემის შესახებ“ ხობის მუნიციპალიტეტის საკრებულოს 2017 წლის 9 იანვრის N1 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი).

January 12, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 12 იანვარს 12:00 საათზე საკრებულოს სხდომათა დარბაზში.
სხდომის დღის წესრიგი:
1 „სსიპ-საქართველოს მუნიციპალური განვითარების ფონდიდან სესხის აღებაზე ხობის მუნიციპალიტეტის გამგებლისთვის თანხმობის მიცემის შესახებ“ ხობის მუნიციპალიტეტის საკრებულოს 2017 წლის 9 იანვრის N1 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ეკონომიკური განვითარებისა და ქონების მართვის სამსახურის უფროსი).

<<
<
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
...
>
>>