SAKREBULO OF KHOBI MUNICIPALITY

Home
news

news

April 6, 2017

გზის სამშენებლო სამუშაოები მიმდინარეობს (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ ქალაქ ხობში, კონსტანტინე გამსახურდიას ქუჩაზე გზის სამშენებლო სამუშაოები დაათვალიერეს.
პროექტის ფარგლებში გამსახურდიას ქუჩაზე დაიგება ბეტონის საფარი, მოეწყობა მილხიდები, ეზოებში შესასვლელები და წყალსაწრეტი არხი.
პროექტის სახელშეკრულებო ღირებულება შეადგენს 239 ათას ლარს და მას ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს.

April 6, 2017

ანრი ჯგერენაიას სახელობის ტურნირი ფეხბურთში (EN)

6 აპრილს, ნოდარ შენგელიას სახელობის სტადიონზე სტარტი აიღო ანრი ჯგერენაიას სახელობის ტურნირმა მინი ფეხბურთში ბიჭუნათა შორის.
სპორტულ ღონისძიებაში ხობის მუნიციპალიტეტის რვა საჯარო სკოლის ბავშვთა გუნდი მონაწილეობს .
საფეხბურთო ტურნირის დასკვნითი შეხვედრები 12 აპრილს, ნოდარ შენგელიას სახელობის სტადიონზე გაიმართება.

April 5, 2017

ეტალონი-2017 შესარჩევი ტური (EN)

5აპრილს, ხობის მოსწავლე-ახალგაზრდობის სახლში ხობის ეტალონი მოსწავლის გამოსავლენად, საქართველოს ეროვნული რეგიონული გასვლითი თამაშების ჩემპიონატი ,,ეტალონი-2017'’ გაიმართა.
ინტელექტუალური კონკურსში მონაწილეობა მიიღო მუნიციპალიტეტის 27 საჯარო სკოლის 74 მოსწავლემ. ხობის მუნიციპალიტეტის 74 წარმატებული მოსწავლისგან ეტალონი მოსწავლის ტიტული ქალაქ ხობის N1 საჯარო სკოლის XI კლასის მოსწავლე ირაკლი ჯანაშია გახდა, რომელიც, თბილისში გასამართ ფინალურ ღონისძიებაში მიიღებს მონაწილეობას. ინტელექტუალურ კონკურსს, გულშემატკივრებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა,საკრებულოს საფინანსო-სარევიზიო კომისიის თავმჯდომარე ტარიელ ალექსანდრია, საკრებულოს სოციალურ საკითხთა კომისიის თავმჯდომარე დოდო გაბუნია, ხობის საგანმანათლებლო რესურსცენტრის უფროსი ბეატრის რუსია და გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია ესწრებოდნენ.
ხობის მუნიციპალიტეტის საკრებულო ულოცავს ირაკლი ჯანაშიას ადგილობრივ ეტალონის კონკურსში გამარჯვებას და უსურვებს საქართველოს მასშტაბით „ეტალონი მოსწავლის“ ტიტულის მოპოვებას.

April 5, 2017

შიდა სასოფლო გზის მოწყობა (EN)

5 აპრილს, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ქვემო ქვალონის მაჟორიტარმა საკრებულოს წევრმა, საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ ქვემო ქვალონის ადმინისტრაციულ ერთეულში შიდა სასოფლო გზის სამშენებლო სამუშაოები დაათვალიერეს.
პროექტის ფარგლებში მიმდინარეობს სანიაღვრე არხების, მილხიდებისა და ეზოებში შესასვლელების მოწყობა, რის შემდეგადაც განხორციელდება ტერიტორიის ასფალტის საფარით მოწყობ

April 4, 2017

გარემოზე ზემოქმედების შეფასების ანგარიშის განხილვა (EN)

4 აპრილს, ხობის მუნიციპალიტეტის გამგეობის სააქტო დარბაზში, სახიფათო ნარჩენების საწვავი ღუმელის (ინსინერატორის) მოწყობის და ექსპლუატაციის პროექტის გარემოზე ზემოქმედების შეფასების ანგარიშის საჯარო განხილვა გაიმართა. პროექტი, პირველი მაისის ადმინისტრაციულ ერთეულში სახიფათო ნარჩენების მოწყობა-ექსპლუატაციას ითვალისწინებს. გარემოზე ზემოქმედების შეფასების ანგარიში დამსწრე საზოგადოებას შპს „ეკომედის“ დირექტორმა კახაბერ ხუბუამ წარუდგინა. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი თვითმმართველობის ხელმძღვანელ პირებთან ერთად დაესწრო. დაინტერესებულ პირებს, საკუთარი მოსაზრების და შენიშვნების მიწოდება ორგანიზაციის წარმომადგენლებისთვის (9599158999; ecomedltd@yahoo.com) მიმდინარე წლის 11 აპრილამდე შეუძლიათ.

April 1, 2017

მელორი ზაქარაიას სახელობის თასის გათამაშება დასრულდა (EN)

1 აპრილს, ქალაქ ხობის ცენტრალურ სტადიონზე დასრულდა ვეტერანი ფეხბურთელის მელორი ზაქარაიას სახელობის თასის გათამაშება ფეხბურთში გოგონათა შორის.
ფინალურ შეხვედრაში ერთმანეთს ხობისა და ქუთაისის ფეხბურთელთა გუნდები დაუპირისპირდნენ, სადაც გამარჯვება ხობის გოგონათა გუნდმა მოიპოვა.
სპორტულ ღონისძიებას ვეტერანი ფეხბურთელის ოჯახის წევრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის პირველი მოადგილე ვარაზ გაბედავა და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე ესწრებოდნენ.
გამარჯვებულები თასებითა და სამახსოვრო სიგელებით დაჯილდოვდნენ.

March 31, 2017

ინსტიტუციური მექანიზმები მუნიციპალიტეტებში (EN)

31 მარტს ქ. ბათუმში გაიმართა კონფერენცია თემაზე, ,,ადგილობრივ თვითმმართველობაში გენდერული თანასწორობის ინსტიტუციური მექანიზმების დანერგვა’’. კონფერენციაში მონაწილეობას იღებდნენ საქართველოს სხვა და სხვა ქალაქისა და მუნიციპალიტეტის წარმომადგენლები და ხელმძღვანელი პირები, მოწვეულ სტუმრებს შორის იყვნენ ხობის მუნიციპალიტეტის საკრებულოს თავჯდომარე ედიშერ ჯობავა და მუნიციპალიტეტის გამგებელი გოჩა ქაჯაია. საუბარი შეეხო გენდერული თანასწორობის სტრატეგიას, ამ მიმართულებით ჩატარებულ თუ ჩასატარებელ ღონისძიებებს.
კონფერენცია გახსნა ქ. ბათუმის მერმა გიორგი ერმაკოვმა, ქალთა საინფორმაციო ცენტრის დირექტორმა ელენე რუსეცკაიამ და გაეროს განვითარების პროგრამის პროექტის მენეჯერმა მაკა მეშველიანმა.
შეხვედრა ორგანიზებული იყო ქალთა საინფორმაციო ცენტრის მიერ, გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში.

March 31, 2017

მელორი ზაქარაიას სახელობის თასის გათამაშება ფეხბურთში (EN)

31 მარტს, ქალაქ ხობის ცენტრალურ სტადიონზე სტარტი აიღო ვეტერანი ფეხბურთელის მელორი ზაქარაიას სახელობის თასის გათამაშებამ ფეხბურთში გოგონათა შორის.
სპორტულ ღონისძიებაში გოგონათა ექვსი გუნდი მონაწილეობს.
საფეხბურთო ტურნირის დასკვნითი შეხვედრები 1 აპრილს ქ. ხობის ცენტრალურ სტადიონზე გაიმართება.

March 31, 2017

31 მარტი საქართველოს პირველი პრეზიდენტის ზვიად გამსახურდიას დაბადების დღეა (EN)

1991 წლის 31 მარტს ჩატარდა საერთო-სახალხო კენჭისყრა-რეფერენდუმი საქართველოს დამოუკიდებლობის შესახებ.

March 29, 2017

ასეთი ლამაზია გაზაფხულზე ხობი (EN)

March 28, 2017

საკრებულოს სხდომა (EN)

28 მარტს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. დღის წესრიგით გათვალისწინებული საკითხების განხილვამდე საკრებულოს თავმჯდომარემ ე. ჯობავამ უვიზო რეჟიმის ამოქმედებასთან დაკავშირებით საკრებულოს წევრებს და დამსწრე საზოგადოებას მიულოცა ქვეყნისთვის მნიშვნელოვანი და ისტორიული დღე. რის შემდეგაც სხდომაზე განხილულ იქნა დღის წესრიგით გათვალისწინებული შემდეგი საკითხები: განკარგულების პროექტი „ჯემალი ნადარაიასთვის საკრებულოს წევრის უფლებამოსილების ვადამდე შეწყვეტის შესახებ“, ჯ. ნადარაიას ვადამდე საკრებულოს წევრის უფლებამოსილება შეუწყდა მისი გარდაცვალების გამო, უფლებამოსილების ვადამდე შეწყვეტის გამო გაუქმდა საკრებულოს ფრაქცია „ხობი“. სხდომაზე მიღებულ იქნა დადგენილების პროექტი „ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“, რომლის საფუძველზეც გათვალისწინებულია ქალაქ ხობის ტერიტორიაზე სხვადასხვა საგზაო ნიშნების განთავსება, რაც ხელს შეუწყობს მოქალაქეთა უსაფრთხო გადაადგილებას ქალაქის ტერიტორიაზე. საკრებულოს სხდომაზე დამტიცდა ასევე ხობის მუნიციპალიტეტის 2016 წლის ადგილობრივი ბიუჯეტის შესრულების წლიური ანგარიში. განკარგულების პროექტით „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის N53 განკარგულებაში ცვლილების შეტანის თაობაზე“ ხობის მუნიციპალიტეტის გამგებელს ბაზარზე არსებული ფასებისა და საბიუჯეტო რესურსების გათვალისწინებით შეუმცირდა მისთვის დამტკიცებული საწვავის ლიმიტი 100 ლიტრის ოდენობით. დღის წესრიგით გათვალისწინებული საკითხის განხილვის შემდეგ საკრებულოს მორიგი სხდომა დახურულად გამოცხადდა.

March 27, 2017

განცხადება ხობის მუნიციპალიტეტის საკრებულოს მორიგი სხდომის შესახებ (EN)

ობის მუნიციპალიტეტის საკრებულოს მორიგი სხდომა გაიმართება 2017 წლის 28 მარტს 12:00 საათზე საკრებულოს სხდომათა დარბაზში.
სხდომის დღის წესრიგი:

1. „ჯემალი ნადარაიასთვის საკრებულოს წევრის უფლებამოსილების ვადამდე შეწყვეტის შესახებ“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

2. „ხობის მუნიციპალიტეტის საკრებულოს საფინანსო-სარევიზიო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N47 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

3. „ხობის მუნიციპალიტეტის საკრებულოს სოციალურ საკითხთა კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 16 ივლისის N49 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

4. „ფრაქცია „ხობის“ რეგისტრაციის გაუქმების შესახებ“ განკარგულების პროექტის განხილვა;
(მომხსენებელი: თ. აბაკელია - ხობის მუნიციპალიტეტის საკრებულოს
სამანდატო - საპროცედურო საკითხთა კომისიის წევრი);

5. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2017 წლის 27 თებერვლის N5 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ლაშა ცატავა - ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

6. „ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ინფრასტრუქტურის, ურბანული განვითარებისა და არქიტექტურის
სამსახურის უფროსი);
7. „ხობის მუნიციპალიტეტის 2016 წლის ადგილობრივი ბიუჯეტის შესრულების წლიური ანგარიშის დამტკიცების თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: დ. ჭოჭუა - - ხობის მუნიციპალიტეტის გამგეობის
საფინანსო - საბიუჯეტო სამსახურის უფროსი);

8. „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 27 თებერვლის N8 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის უფროსი);

9. „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ა. ვარდია - ხობის მუნიციპალიტეტის გამგეობის ეკონომიკური განვითარებისა და პროგრამების მართვის სამსახურის უფროსი);

10. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

March 27, 2017

ბიუროს სხდომა (EN)

27 მარტს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები: 1. ხობის მუნიციპალიტეტის გამგებლის გ. ქაჯაიას 2017 წლის 20 მარტის N03/940 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2014 წლის 28 ივლისის №53 განკარგულებაში ცვლილების შეტანის თაობაზე“ განკარგულების პროექტის შესახებ); (მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - სარევიზიო კომისიის თავმჯდომარე); 2. ხობის მუნიციპალიტეტის გამგებლის გ. ქაჯაიას 2017 წლის 20 მარტის N05/941 წერილის განხილვა: • „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 27 თებერვლის N8 განკარგულებაში ცვლილების შეტანის შესახებ“ განკარგულების პროექტის თაობაზე; • „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის თაობაზე; (მომხსენებელი: გ. სიჭინავა - ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე); 3. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარის ლ. ცატავას 2017 წლის 24 მარტის 21/08 განცხადების განხილვა („ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ ხობის მუნიციპალიტეტის საკრებულოს 2017 წლის 27 თებერვლის N5 დადგენილებაში ცვლილების შეტანის თაობაზე“ დადგენილების პროექტის შესახებ); (მომხსენებელი: ლაშა ცატავა - ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის 4. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2017 წლის 24 მარტის N06/1066 წერილის განხილვა („ქალაქ ხობში ავტოსატრანსპორტო საშუალებების მოძრაობის რეგულირებისა და საგზაო ნიშნების განთავსების შესახებ“ ხობის მუნიციპალიტეტის საკრებულოს 2016 წლის 5 აგვისტოს №21 დადგენილებაში ცვლილების შეტანის შესახებ“ დადგენილების პროექტის თაობაზე); (მომხსენებელი: გ. სიჭინავა - ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე);

March 27, 2017

„ც“ ჰეპატიტის უფასო სკრინინგი (EN)

ხობის მუნიციპალიტეტის საზოგადოებრივი ჯანდაცვის ცენტრის ორგანიზებით 27 მარტს ხობის მუნიციპალიტეტის ადმინისტრაციულ შენობაში ჩატარდა უფასო სკრინინგი „ც“ ჰეპატიტზე, პროექტი მომავალშიც გაგრძელდება.

March 27, 2017

ხობელ სპორტსმენთა წარმატება საქართველოს პირველობაზე (EN)

გურჯაანის სპორტ-კომპლექსში მიმდინარეობს ჭაბუკთა (schoolboy) შორის საქართველოს ჩემპიონატი ბერძნულ-რომაულ ჭიდაობაში. შეჯიბრების პირველ დღეს ბერძნულ-რომაული სტილით მოჭიდავეთა 10 წონითი კატეგორიის ფალავნებმა გამოავლინეს ჩემპიონ-პრიზიორები. საქართველოს პირველობაზე წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო ცენტრის“ სასპორტო სკოლის ბერძნულ-რომაული სტილით მოჭიდავეებმა: დავით გვასალია (35 კგ. წონითი კატეგორია) – I ადგილი, კოტე სიჭინავა (73 კგ. წონითი კატეგორია) - I ადგილი, გიორგი აგუმავა (47 კგ. წონითი კატეგორია ) - I I I ადგილი. გამარჯვებულებს და საპრიზო ადგილზე გასულ სპორტსმენებს თასები, მედლები და სიგელები გადაეცათ. ხობის მუნიციპალიტეტის საკრებულო ულოცავს ხობელ სპორტცმენებს ამ გამარჯვებას და შემდგომ წარმატებებს უსურვებს მათ.

<<
<
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
...
>
>>