SAKREBULO OF KHOBI MUNICIPALITY

Home
news

news

September 21, 2017

რამაზ კიტიას სახელობის ტურნირი მინი-ფეხბურთში (EN)

21 სექტემბერს, ახალი ხიბულის ადმინისტრაციულ ერთეულში, რამაზ კიტიას სახელობის სტადიონზე, სამსახურეობრივი მოვალეობის შესრულების დროს სოფელ ხურჩაში დაღუპული ხობელი პოლიციელის, რამაზ კიტიას ხსოვნისადმი მიძღვნილი საფეხბურთო ტურნირის ფინალური შეხვედრები გაიმართა.
ტურნირის გამარჯვებული შპს „ქარვა“ გახდა, რომელმაც ფინალურ შეხვედრაში მიკროსაფინანსო ორგანიზაცია „კრისტალის" გუნდი, ანგარიშით 5-2 დაამარცხა; ხოლო მესამე ადგილი ხობის საგანმანათლებლო რესურსცენტრის გუნდმა დაიკავა. ტურნირის გამარჯვებულ და საპრიზო ადგილების მფლობელ გუნდებს თასები და სიგელები გადაეცათ.
ფინალურ მატჩს, რამაზ კიტიას ოჯახის წევრებთან ერთად, ადგილობრივი თვითმმართველობის წარმომადგენლები ესწრებოდნენ.
სპორტული ღონისძიება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

September 21, 2017

გილოცავთ ღვთისმშობლის შობის დღესასწაულს (EN)

September 19, 2017

აზიური ფაროსანას საწინააღმდეგო შეწამვლითი ღონისძიებები გრძელდება (EN)

ხობის მუნიციპალიტეტში ინვაზიური მავნებლის - აზიური ფაროსანას საწინააღმდეგო შეწამვლითი ღონისძიებები გრძელდება. 19 სექტემბერს ნოჯიხევის ადმინისტრაციულ ერთეულში სოფლის მეურნეობის სამინისტროსა და სურსათის ეროვნული სააგენტოს სპეციალური ტექნიკით, სამანქანე აგრეგატებით განხორციელდა შეწამვლითი სამუშაოები. მიმდინარე პროცესს ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს ეკონომიკური განვითარების კომისიის თავმჯდომარე, ნოჯიხევის მაჟორიტარი დეპუტატი გოჩა სიჭინავა ადგილზე გაეცნენ.

September 19, 2017

ნოჯიხევის N2 საბავშვო ბაღის რეაბილიტაცია დასრულდა (EN)

ხობის მუნიციპალიტეტის ნოჯიხევის ადმინისტრაციულ ერთეულში N2 საბავშვო ბაღის კეთილმოწყობა დასრულდა. საბავშვო ბაგა-ბაღი ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ გახსნეს. დღეიდან, სასწავლო-აღმზრდელობითი პროცესი კეთილმოწყობილ გარემოში წარიმართება.
პროექტის შესაბამისად - შეიცვალა იატაკი, კანალიზაციისა და წყლის სისტემა, ელექტროგაყვანილობა, შეზღუდული შესაძლებლობის მქონე პირებისათვის მოეწყო პანდუსი, გარემონტდა სამზარეულო და სველი წერტილები, შემოიღობა ბაღი, მოეწყო სათამაშო მოედანი და განახლდა ინვენტარი.
ადგილობრივი თვითმმართველობის ერთ-ერთ ძირითად პრიორიტეტს საბავშვო ბაღების ინფრასტრუქტურის მოწესრიგება წარმოადგენს. ადგილობრივი და ცენტრალური ბიუჯეტიდან, ბაღების ინფრასტრუქტურის გასაუმჯობესებლად, მილიონ ლარზე მეტი გამოიყო. 2013 წლიდან დღემდე აშენდა ერთი, ნაწილობრივ შეკეთდა 22 და სრულად კეთილმოეწყო 4 საბავშვო ბაღი.

September 18, 2017

საბავშვო ბაღებში სასწავლო პროცესი დაიწყო (EN)

ხობის მუნიციპალიტეტის საბავშვო ბაღებში სასწავლო-აღმზრდელობითი პროცესი დაიწყო. აღსაზრდელებს ახალი სასწავლო წლის დაწყება, საკრებულოს თავმჯდომარე ედიშერ ჯობავამ, გამგებლის მოადგილე მახარე ჩოკორაიამ და საკრებულოს სოციალურ საკითხთა კომისიის თავმჯდომარე დოდო გაბუნიამ მიულოცეს.
მუნიციპალიტეტის საბავშვო ბაღებში ჩარიცხულია 1149, ხოლო სასკოლო მზაობის ჯგუფებში 331 აღსაზრდელი.
საჯიჯაოსა და ხეთის საბავშვო ბაღებში იქ მიმდინარე სარემონტო სამუშაოების გამო სასწავლო პროცესი 25 სექტემბერს დაიწყება; ხოლო, ჭალადიდის საბავშვო ბაღში სარემონტო სამუშაოების დასრულების შემდეგ განახლდება სასწავლო პროცესი

September 15, 2017

რამაზ კიტიას სახელობის ტურნირი მინი-ფეხბურთში (EN)

15 სექტემბერს, ქალაქ ხობში, დათა ხურციალვას სახელობის სტადიონზე სტარტი აიღო, სამსახურეობრივი მოვალეობის შესრულების დროს, სოფელ ხურჩაში დაღუპული ხობელი პოლიციელის, რამაზ კიტიას ხსოვნისადმი მიძღვნილმა ხობის მუნიციპალიტეტის პირველობამ მინი-ფეხბურთში, მუნიციპალიტეტის ტერიტორიაზე არსებული წარმოება-დაწესებულებების გუნდების მონაწილეობით.
საფეხბურთო ტურნირის გახსნის ცერემონიას საკრებულოს, გამგეობის და თვითმმართველობის მიერ დაფუძნებული იურიდიული პირების წარმომადგენლები ესწრებოდნენ.
გახსნით მატჩში ერთმანეთს გამგეობა/საკრებულოს და "ხობის მუნიციპალიტეტის კულტურულ-საგანმანათლებლო ცენტრის" გუნდები შეხვდნენ. მატჩი ფრედ, ანგარიშით 2-2 დასრულდა.
ფინალური შეხვედრები, 21 სექტემბერს, ახალ ხიბულაში, რამაზ კიტიას სახელობის სტადიონზე გაიმართება.
სპორტული ღონისძიება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ კოლხეთის“ ორგანიზებით ხორციელდება.

September 15, 2017

დასუფთავების აქცია ხობის მუნიციპალიტეტში (EN)

არასამთავრობო ორგანიზაცია „საქართველოს მწვანეთა მოძრაობა/დედამიწის მეგობრებისა“ და ადგილობრივი თვითმმართველობის ორგანიზებით, ხობის მუნიციპალიტეტში დასუფთავების აქცია - „დავასუფთაოთ მსოფლიო-დავასუფთაოთ საქართველო“ გაიმართა. აქციაში ხობის მუნიციპალიტეტის საკრებულოს, გამგეობის და თვითმმართველობის იურიდიული პირების თანამშრომლები მონაწილეობდნენ.
აქციაში მონაწილეებმა ქალაქ ხობში და ადმინისტრაციულ ერთეულებში წინასწარ განსაზღვრული ადგილები დაასუფთავეს

September 15, 2017

ახალი სასწავლო წელი დაიწყო (EN)

ვულოცავ ახალი სასწავლო წლის დაწყებას, ხობის საგანმანათლებლო რესურსცენტრს, პედაგოგებს, მოსწავლე-ახალგაზრდობას, მშობლებს, სტუდენტებს. თითოეულ თქვენგანს გისურვებთ წინსვლას. ახალგაზრდებო, თქვენ უნდა მიიღოთ შესაბამისი ცოდნა და განათლება, რადგან განათლებული ახალგაზრდობა უდიდესი ძალაა ქვეყნისთვის.
კიდევ ერთხელ გილოცავთ და გისურვებთ წარმატებულ სასწავლო წელს, ღმერთმა გაგაძლიეროთ და მოგმადლოთ ნიჭიერება და სწავლისმოყვარეობა.

September 15, 2017

ვულოცავ ახალი სასწავლო წლის დაწყებას (EN)

ვულოცავ ახალი სასწავლო წლის დაწყებას, ხობის საგანმანათლებლო რესურსცენტრს, პედაგოგებს, მოსწავლე-ახალგაზრდობას, მშობლებს, სტუდენტებს. თითოეულ თქვენგანს გისურვებთ წინსვლას. ახალგაზრდებო, თქვენ უნდა მიიღოთ შესაბამისი ცოდნა და განათლება, რადგან განათლებული ახალგაზრდობა უდიდესი ძალაა ქვეყნისთვის.

კიდევ ერთხელ გილოცავთ და გისურვებთ წარმატებულ სასწავლო წელს, ღმერთმა გაგაძლიეროთ და მოგმადლოთ ნიჭიერება და სწავლისმოყვარეობა.

September 5, 2017

სტარტი აიღო ლევან ჭოჭუას სახელობის ტურნირმა (EN)

5 სექტემბერს ქარიატის ადმინისტრაციულ ერთეულში სტარტი აიღო 2008 წელს ტრაგიკულად დაღუპული რეზერვისტის, ლევან ჭოჭუას სახელობის ტურნირმა მინი ფეხბურთში. სპორტული ღონისძიების გახსნის ცერემონიას საქართველოს პარლამენტის წევრი ირაკლი (დაჩი) ბერაია და ხობის მუნიციპალიტეტის გამგებელი გოჩა ქაჯაია ესწრებოდნენ. შეჯიბრი საფეხბურთო კლუბ ხობის „კოლხეთის“ ორგანიზებით და ადგილობრივი თვითმმართველობის მხარდაჭერით ხორციელდება და მასში მუნიციპალიტეტის 6 საფეხბურთო გუნდი მონაწილეობს.

August 30, 2017

ხობის მუნიციპალიტეტის საკრებულოს მიერ მუნიციპალიტეტის წარმომადგენლობითი ორგანოს - საკრებულოს და თვითმმართველი ქალაქის/თვითმმართველი თემის მერის 2017 -წლის 21 ოქტომბრის მორიგ არჩევნებთან დაკავშირებით მიღებულ იქნა კანონშესაბამისი რეგულაციები (EN)

August 30, 2017

საკრებულოს რიგგარეშე სხდომა (EN)

30 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული შემდეგი საკითხები. დადგენილების პროექტი „ხობის მუნიციპალიტეტის ტერიტორიაზე წინასაარჩევნო პერიოდში სააგიტაციო მასალების განთავსების რეგულირების შესახებ“ და განკარგულების პროექტი „მუნიციპალიტეტის წარმომადგენლობითი ორგანოს - საკრებულოს და თვითმმართველი ქალაქის/თვითმმართველი თემის მერის 2017 წლის 21 ოქტომბრის მორიგ არჩევნებთან დაკავშირებით ხობის მუნიციპალიტეტის ტერიტორიაზე გასატარებელი ღონისძიებების შესახებ“. აღნიშნული პროექტები მიზნად ისახავს №66 ხობის საარჩევნო ოლქში წინასაარჩევნო კამპანიის მიმდინარეობის პერიოდში შენობა-ნაგებობების გარე იერსახის დამახინჯებისა და საარჩევნო ატრიბუტიკის შეუფერებელ ადგილებში განთავსების აღკვეთას, ამასთან წარმოდგენილი პროექტით განისაზღვრა საარჩევნო სუბიექტებისთვის ამომრჩევლებთან შეხვედრების, კრებების, საჯარო დებატებისა და დისკუსიების გასამართად ხობის მუნიციპალიტეტის საკუთრებაში არსებული შენობა-ნაგებობები, ასევე ადგილები, სადაც შესაძლებელი იქნება წინასაარჩევნო აგიტაციისთვის განთავსდეს არჩევნებში მონაწილე საარჩევნო სუბიექტების სარეკლამო პლაკატები და განცხადებები.
დღის წესრიგით გათვალისწინებული საკითხების განხილვის შემდეგ საკრებულოს რიგგარეშე სხდომა დახურულად გამოცხადდა.

August 30, 2017

ბიუროს სხდომა (EN)

30 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
ხობის მუნიციპალიტეტის გამგებლის გ. ქაჯაიას 2017 წლის 29 აგვისტოს N03/3708 წერილის განხილვა:
• „ხობის მუნიციპალიტეტის ტერიტორიაზე წინასაარჩევნო პერიოდში სააგიტაციო მასალების განთავსების რეგულირების შესახებ“ დადგენილების პროექტის თაობაზე;
• „ხობის მუნიციპალიტეტის ტერიტორიაზე მუნიციპალიტეტის წარმომადგენლობითი ორგანოს - საკრებულოს და თვითმმართველი ქალაქის/თვითმმართველი თემის მერის 2017 წლის 21 ოქტომბრის მორიგ არჩევნებთან დაკავშირებით გასატარებელი ღონისძიებების შესახებ“ განკარგულების პროექტის თაობაზე.
(მომხსენებელი: ლ. ცატავა - საკრებულოს იურიდიულ საკითხთა და ადამიანის
უფლებათა დაცვის კომისიის თავმჯდომარე)

August 29, 2017

დასრულდა ნუტი ლემონჯავას სახელობის საფეხბურთო ტურნირი (EN)

29 აგვისტოს, ხობის ცენტრალურ სტადიონზე დასრულდა ხობის „კოლხეთი-2“-ის ტრაგიკულად დაღუპული ახალგაზრდა ფეხბურთელის, ნუგზარ (ნუტი) ლემონჯავას სახელობის თასის გათამაშება ფეხბურთში. ტურნირის ფინალურ შეხვედრაში ერთმანეთს დაუპირისპირდნენ ხობის და ბათუმის ნორჩ ფეხბურთელთა გუნდები. გამარჯვება ხობის ბავშვთა გუნდმა მოიპოვა და შესაბამისად ნუგზარ (ნუტი) ლემონჯავას სახელობის თასის მფლობელი გახდა. სპორტული ღონისძიების დაჯილდოების ცერემონიას პარლამენტის მაჟორიტარი დეპუტატი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და საფეხბურთო კლუბ თბილისის „დინამოს“ წარმომადგენლები ესწრებოდნენ.

August 28, 2017

გილოცავთ მარიამობას (EN)

<<
<
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
...
>
>>