SAKREBULO OF KHOBI MUNICIPALITY

Home
news

news

May 17, 2017

კონფერენცია გენდერულ საკითხებზე (EN)

საქართველოს ადგილობრივ თვითმმართველობათა ეროვნული ასოციაციის (NALAG) ორგანიზებით, ანაკლიაში, სასტუმრო „Palm beach“-ში, თემაზე ქალთა და მამაკაცთა თანაბარი მონაწილეობა ადგილობრივ თვითმმართველობებში - ევროპული ქარტიის პრინციპები“ კონფერენცია გაიმართა.
კონფერენციაში მონაწილეობა მიიღეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს სოციალურ საკითხთა კომისიის თავმჯდომარემ დოდო გაბუნიამ და საკრებულოს წევრმა მზია ლემონჯარიამ.
სიტყვით გამოსვლისას საკრებულოს თამჯდომარემ ედიშერ ჯობავამ ყურადღება გაამახვილა ხობის მუნიციპალიტეტში ამ მიმართულებით განხორცილებულ და სამომავლოდ დაგეგმილ ღონისძიებებზე.

May 17, 2017

ჯონი ხეცურიანი საერთაშორისო ტურნირის პრიზიორია (EN)

13-14 მაისს, ქალაქ ბათუმის სასპორტო სკოლაში, დამოუკიდებელი საქართველოს პირველი მსოფლიო ჩემპიონის და ოლიმპიური თამაშების პრიზიორის მუხრან ვახტანგაძის სახელობის საერთაშორისო ტურნირი გაიმართა ბერძნულ-რომაულ ჭიდაობაში ახალგაზრდებს შორის. ტურნირი ჭიდაობის მსოფლიო გაერთიანება UWW-ს ეგიდით წელს მეექვსედ გაიმართა, სადაც მონაწილეობა 9 ქვეყნის (სომხეთი, აზერბაიჯანი, გერმანია, ირანი, ისრაელი, რუსეთი, თურქეთი, უკრაინა, საქართველ) 150-ამდე სპორტსმენმა მიიღო, მათ შორის რუსეთისა დაირანის ნაკრებებმა უძლიერესი შემადგენლობებით იასპარეზეს. ჩემპიონ-პრიზიორები 8 წონით კატეგორიაში გამოვლინდნენ, რომლებიც მედლებით, თასებით, შესაბამისი ხარისხის დიპლომებითა და პრიზებით დაჯილდოვდნენ. საქართველოს ნაკრების შემადგენლობაში იასპარეზა ხობელმა ჯონი ხეცურიანმა, რომელიც 66 კილოგრამ წონით კატეგორიაში მესამე ადგილის მფლობელი გახდა.

May 17, 2017

რიგგარეშე სხდომა (EN)

17 მაისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
სხდომაზე განხილულ იქნა განკარგულების პროექტი „ხობის მუნიციპალიტეტის გამგებლისთვის მუნიციპალიტეტის სახელით სახელმწიფო შესყიდვების ხელშეკრულების დადებაზე თანხმობის მიცემის შესახებ“, რომლის თანახმადაც მუნიციპალიტეტის გამგებელს მიეცა თანხმობა პირველი მაისის ადმინისტრაციულ ერთეულის საჩოკორაიოს უბანში ქუჩის ცემენტობეტონით კეთილმოწყობის სამუშაოების განხორციელების მიზნით სახელმწიფო შესყიდვის ხელშეკრულების გაფორმების თაობაზე.
საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

May 17, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 17 მაისს 10:30 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის გამგებლისთვის მუნიციპალიტეტის სახელით სახელმწიფო შესყიდვების ხელშეკრულების დადებაზე თანხმობის მიცემის შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;

თანამომხსენებელი: დ. ჭოჭუა - ხობის მუნიციპალიტეტის გამგეობის
საფინანსო - საბიუჯეტო სამსახურის უფროსი)

May 17, 2017

ბიუროს სხდომა (EN)

17 მაისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
1. ხობის მუნიციპალიტეტის გამგებლის გ. ქაჯაიას 2017 წლის 16 მაისის N04/1809 წერილის განხილვა („ხობის მუნიციპალიტეტის გამგებლისთვის მუნიციპალიტეტის სახელით სახელმწიფო შესყიდვების ხელშეკრულების დადებაზე თანხმობის მიცემის შესახებ“ განკარგულების პროექტის თაობაზე).

(მომხსენებელი: ტ. ალექსანდრია - ხობის მუნიციპალიტეტის საკრებულოს
საფინანსო - სარევიზიო კომისიის თავმჯდომარე)

May 16, 2017

კლასიკური მუსიკის კონცერტი (EN)

ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სამუსიკო სკოლის დარბაზში კლასიკური მუსიკის კონცერტი გაიმართა.
კონცერტზე სამუსიკო სკოლის პედაგოგებმა, მოსწავლეებმა და მოსწავლეთა მშობლებმა ქართველი და უცხოელი კომპოზიტორების ნაწარმოებები შეასრულეს.
ღონისძიებას მოწვეულ სტუმრებთან ერთად ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია ესწრებოდა.

May 16, 2017

„ღია კარის“ დღე ქალაქ ხობის N1 საბავშვო ბაგა-ბაღში (EN)

16 მაისს, ქალაქ ხობის N1 საბავშვო ბაგა-ბაღში გაიმართა „ღია კარის“ დღე. ღონისძიებაში მონაწილეობდნენ სასკოლო მზაობის ჯგუფის აღსაზრდელები.
ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია გაეცნო ,,სასკოლო მზაობის პროგრამას”, რომელიც თამაშით სწავლების მეთოდიკას გულისხმობს.

May 16, 2017

შეხვედრა ევროპის დღეებთან დაკავშირებით (EN)

16 მაისს, ხობის მუნიციპალიტეტის საკრებულოს სხდომათა დარბაზში, მოსწავლე-ახალგაზრდობის ცენტრის ორგანიზებით ევროპის დღეებთან დაკავშირებით გაიმართა შეხვედრა თემაზე „ქართულ ევროპული ურთიერთობები დღეს და ხვალ“ სადაც მოსწავლე-ახალგაზრდებმა წარმოადგინეს საკუთარი შეხედულებები საქართველოსა და ევროატლანტიკურ სტრუქტურებში ინტეგრაციის შესახებ მიმდინარე პროცესებზე, ვიზალიბერალიზაციაზე, ევროპა-საქართველოს სამომავლო ურთიერთობებზე.
შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა საკრებულოს ბიუროს წევრებთან ერთად ესწრებოდა.

May 11, 2017

საჯარო სამსახურის ბიურომ სამუშაო შეხვედრა გამართა (EN)

2017 წლის 10 მაისს საჯარო სამსახურის ბიურომ სამუშაო შეხვედრა გამართა აჭარისა და აფხაზეთის ავტონომიური რესპუბლიკების უწყებების, სასამართლო ხელისუფლებისა და დასავლეთ საქართველოს თვითმმართველობებისა და გუბერნატორის ადმინისტრაციის წარმომადგენლებთან.
შეხვედრის განმავლობაში მონაწილეებმა მიიღეს ინფორმაცია "საჯარო სამსახურის შესახებ" საქართველოს კანონის ამოქმედებამდე განსახორციელებელი ღონისძიებების შესახებ.
საინფორმაციო შეხვედრაში მონაწილეობდნენ ხობის მუნიციპალიტეტის საკრებულოს აპარატის უფროსი ლელა შამათავა და საკრებულოს აპარატის საორგანიზაციო საკითხთა განყოფილების წამყვანი სპეციალისტი გიორგი გერგაია.

May 10, 2017

დაიწყო ხობის მუნიციპალიტეტის პირველობა ფეხბურთში (EN)

10 მაისს, შუა ხორგის ადმინისტრაციულ ერთეულში სტარტი აიღო მოყვარულთა ლიგის ხობის მუნიციპალიტეტის პირველობამ ფეხბურთში. შეჯიბრებაში მონაწილეობას მიიღებს 21 გუნდი, რომლებიც ტერიტორიული პრინციპით 4 ზონაში არიან გადანაწილებული. საფეხბურთო ტურნირის ფინალური შეხვედრები 26 მაისს, საქართველოს დამოუკიდებლობის დღეს გაიმართება.
ტურნირის გახსნით მატჩს, ადგილობრივი თვითმართველობის მოსამსახურეებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა ესწრებოდა.
სპორტული ღონისძიება ადგილობრივი თვითმმართველობის, საქართველოს ფეხბურთის ფედერაციისა და სამოყვარულო ფეხბურთის ასოციაციის ორგანიზებით ხორციელდება.

May 10, 2017

სამეგრელოს ღია პირველობა ლელოსა და შვიდკაცა რაგბიში (EN)

ხობის ცენტრალურ სტადიონზე სამეგრელოს ღია პირველობის მორიგი ტურის მატჩები მიმდინარეობს ლელოსა და შვიდკაცა რაგბიში. ტურნირში ხობის, სენაკის, მარტვილის და ზუგდიდის მუნიციპალიტეტების გუნდები მონაწილეობენ.
სპორტული ღონისძიების გახსნის ცერემონიას საქართველოს ლელოს ფედერაციის ვიცე-პრეზიდენტი დავით კილასონია, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.
სპორტული ღონისძიება ადგილობრივი თვითმმართველობის მხარდაჭერითა და სამეგრელო-ზემო სვანეთის ლელოს ფედერაციის ორგანიზებით ხორციელდება.

May 9, 2017

ფაშიზმზე გამარჯვების 72-ე წლისთავისადმი მიძღვნილი ღონისძიება (EN)

9 მაისს, ხობის მუნიციპალიტეტის კულტურულ-საგანმანათლებლო საზოგადოებრივი ცენტრის ორგანიზებით ხეთის მხარეთმცოდნეობისა და დიდების მუზეუმში ფაშიზმზე გამარჯვების 72-ე წლისთავთან დაკავშირებით, საზეიმო ღონისძიება „რაც დავიწყებით არ იბინდება“ გაიმართა.
ღონისძიების ფარგლებში ადგილობრივი ხელისუფლების წარმომადგენლებმა, სამამულო ომის ვეტერანთან და საზოგადოების წარმომადგენლებთან ერთად ყვავილებით შეამკეს და სანთლები აანთეს შინმოუსვლელთა საფლავებზე.
საქართველოს მთავრობის გადაწყვეტილებით, ფაშიზმზე გამარჯვების 72-ე წლისთავთან დაკავშირებით, მეორე მსოფლიო ომის ვეტერანები მიიღებენ ერთჯერად ფულად დახმარებას 600 ლარის, ხოლო, მეორე მსოფლიო ომში დაღუპულთა ოჯახები - 300 ლარის ოდენობით. ხობის მუნიციპალიტეტის ადგილობრივი ბიუჯეტიდან ვეტერანებს პირად საბანკო ანგარიშზე 250-250 ლარი, ხოლო შპს „შავი ზღვის ტერმინალისგან“ 100-100 ლარი ჩაერიცხათ.
ხობის მუნიციპალიტეტის საკრებულო ულოცავს ყველა ვეტერანს ფაშიზმზე გამარჯვების 72-ე წლისთავს და თითოეულ მათგანს უსურვებს დიდხანს სიცოცხლეს.

May 7, 2017

გზის სამშენებლო სამუშაოები მიმდინარეობს (EN)

საქართველოს პარლამენტის მაჟორიტარმა ირაკლი (დაჩი) ბერაიამ, საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და გამგებლის მოადგილემ ვარაზ გაბედავამ ქვემო ქვალონის ადმინისტრაციულ ერთეულში შიდა სასოფლო გზის სამშენებლო სამუშაოები დაათვალიერეს. პროექტის ფარგლებში მიმდინარეობს ტერიტორიის ასფალტო-ბეტონის საფარით მოწყობა.

May 7, 2017

მორიგი შეხვედრა ნოჯიხევის ადმინისტრაციულ ერთეულში (EN)

6 მაისს, ხობის მუნიციპალიტეტის ნოჯიხევის ადმინისტრაციული ერთეულის სოფელ დასახლებაში, მაჟორიტარმა პარლამენტის წევრმა ირაკლი (დაჩი) ბერაიამ, ხობის მუნიციპალიტეტის საკრებულოს თავმჯდომარესთან ედიშერ ჯობავასთან, გამგებელთან გოჩა ქაჯაიასთან და გამგებლის მოადგილე ვარაზ გაბედავასთან ერთად, მოსახლეობასთან მორიგი შეხვედრა გამართა.
შეხვედრისას პარლამენტის მაჟორიტარმა სოფლის მეურნეობის კუთხით განხორციელებული და განსახორციელებელი პროექტები, მუნიციპალიტეტისთვის საჭირო გამოწვევები და დევნილების დასახლებაში არსებული პრობლემები მოსახლეობასთან ერთად განიხილა.

May 7, 2017

„ხონელობა 2017“ (EN)

6 მაისს, ხონის მუნიციპალიტეტში სახალხო დღესასწაული „ხონელობა 2017“ აღინიშნა.
ღონისძიების ფარგლებში გაიმართა სხვადასხვა სახის კულტურული, შემოქმედებითი და გასართობი ღონისძიებები.
სახალხო დღესასწაულს პარლამენტის წევრი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.

<<
<
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
...
>
>>