SAKREBULO OF KHOBI MUNICIPALITY

Home
news

news

December 26, 2017

საკრებულოს სხდომა (EN)

26 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული სხვადასხვა საკითხები. საკრებულოს სხდომაზე მიღებულ იქნა მუნიციპალიტეტისთვის უმთავრესი ფინანსური დოკუმენტი 2018 წლის ადგილობრივი ბიუჯეტი, რომლითაც შემოსავლები განისაზღვრა 8256,9 ათასი ლარით, აქედან: გადასახადები 5800,0 ათასი ლარი, გრანტები 2010.0 ათასი ლარი (აქედან: 1800.0 ათასი ლარი - გათანაბრებითი ტრანსფერი, 210,0 ათასი ლარი - მიზნობრივი ტრანსფერი დელეგირებული უფლებამოსილებების განსახორციელებლად), სხვა შემოსავლები 446,9 ათასი ლარი. ადგილობრივი ხელისუფლების გადაწყვეტილებით, 2018 წლის ადგილობრივ ბიუჯეტში უმთავრეს პრიორიტეტად მიჩნეულ იქნა სოციალური სფერო, ჯანდაცვის, განათლებისა და სკოლამდელი აღზრდის მიმართულებით და სხვადასხვა სახის ინფრასტრუქტურული პროექტები, რომლებიც მომავალი წლისთვის დაგეგმილია მუნიციპალიტეტის მასშტაბით.
სხდომაზე ასევე დამტკიცდა ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2018 წლის მუნიციპალური პროგრამა, რომლის ბიუჯეტი განისაზღვრა 445900 ლარით, პროგრამის ფარგლებში ადგილობრივი ბიუჯეტიდან დაფინანსდება ყველა ის პროგრამა რაც გათვალისწინებული იყო 2017 წელს, ამასთან პროგრამას დაემატა შშმ პირთა მაღალტექნოლოგიური გამოკვლევების (კორონაროგრაფია, კომპიუტერული ტომოგრაფია, მაგნიტურ რეზონანსული ტომოგრაფია) ერთჯერადად დაფინანსება.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს თავმჯდომარე ე. ჯობავამ საკრებულოს წევრებს, დამსწრე საზოგადოებას მიულოცა დამდეგი შობა-ახალი წელი და წარმატებები უსურვა მათ, როგორც პირად ასევე საზოგადოებრივ საქმიანობაში. 2017 წლის საკრებულოს ბოლო რიგგარეშე სხდომა სახელმწიფო ჰიმნის შემდეგ დახურულად გამოცხადდა.

December 26, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს თავმჯდომარის გადაწყვეტილებით საკრებულოს რიგგარეშე სხდომა გაიმართება 2017 წლის 26 დეკემბერს 12:00 საათზე საკრებულოს სხდომათა დარბაზში,
სხდომის დღის წესრიგი:
1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ ხობის მუნიციპალიტეტის საკრებულოს 2017 წლის 16 ნოემბრის №55 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

2. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი);

3. „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი);

4. „ხობის მუნიციპალიტეტის ადგილობრივი ბიუჯეტით გამოყოფილი ასიგნებების გადანაწილების წესის დამტკიცების შესახებ“ დადგენილების პროექტის განხილვა;
(მომხსენებელი: გ. ქაჯაია - მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

5. „ხობის მუნიციპალიტეტის ტერიტორიაზე რკინიგზის გადასასვლელებთან საგზაო ნიშნების განთავსების შესახებ“ ხობის მუნიციპალეტეტის საკრებულოს 2017 წლის 29 სექტემბრის N32 დადგენილების ძალადაკარგულად გამოცხადების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი);

6. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2016წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის N67 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);
7. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ განკარგულების პროექტის განხილვა;
(მომხსენებელი: გ. ქაჯაია - მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

8. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2018 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);

9. „ხობის მუნიციპალიტეტის მოსახლეობის ჯანმრთელობის დაცვის 2018 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);

December 26, 2017

ბიუროს სხდომა (EN)

26 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

December 25, 2017

პეტიცია საკრებულოში (EN)

December 22, 2017

ცენტრი „თოლისკური“ ს შემაჯამებელი შეხვედრა. (EN)

22 დეკემბერს თორსა-დღვაბის ადმინისტრაციულ ერთეულში გაეროს მოსახლეობის ფონდის UNFPA-სა და პარტნიორ ასოციაცია „ათინიათის“ მხარდაჭერით განათლებისა და განვითარების ცენტრის „თოლისკურის „( ხელმძღვანელი გვანცა კიკალეიშვილი) შემაჯამებელი შეხვედრა გაიმართა. განათლებისა და განვითარების ცენტრი „თოლისკური“ და ასოციაცია „ათინათი“-ს ტრენერები ერთი თვის განმავლობაში ატარებდნენ ტრენინგებს გენდერულ საკითხებზე, ტრენინგებზე ჩართულები იყვნენ ხობის მუნიციპალიტეტის ხუთი სკოლიდან მასწავლებლები, მოსწავლეები და მშობლები .
ტრენინგის შემაჯამებელი შეხვედრა დღეს სოფელ თორსაში ჩატარდა რომელსაც ხობის მუნიციპალიტეტის საკრებულოს თავმჯდომარე ედიშერ ჯობავა და მერის მოადგილე მახარე ჩოკორაია ადგილობრივი ხელისუფლების წარმომადგენლებთან ერთად დაესწრნენ.

December 22, 2017

პროფესიული კავშირის მიერ ორგანიზებული სემინარი ხობში. (EN)

22 დეკემბერს, ხობის მუნიციპალიტეტის მერიის სააქტო დარბაზში, საქართველოს საჯარო მოსამსახურეთა პროფესიული კავშირის წარმომადგენლები ადგილობრივი თვითმმართველობის მოხელეებს შეხვდნენ და „საჯარო სამსახურის შესახებ“ საქართველოს ახალი კანონით გათვალისწინებული შრომითი ნორმებისა და საჯარო მოხელეთა უფლებების შესახებ ისაუბრეს. შეხვედრაზე, პროფესიული კავშირის იურიდიული დეპარტამენტის იურისტმა - თამარ სურმავამ დამსწრე საზოგადოებას, კანონთან დაკავშირებით გამოთქმულ შენიშვნებზე, პროფკავშირების პოზიციასა და შემდგომში, კანონის სრულყოფის მიზნით გასატარებელი ღონისძიებების თაობაზე მიაწოდა ინფორმაცია. სემინარს საქართველოს საჯარო მოსამსახურეთა პროფესიული კავშირის თავმჯდომარე ნუგზარ ჭინჭარაული, ხობის მუნიციპალიტეტის საკრებულოს თავმჯდომარე ედიშერ ჯობავა და ხობის მუნიციპალიტეტის მერის მოადგილე მახარე ჩოკორაია ესწრებოდნენ.

December 21, 2017

ხობში მიკროსაფინანსო ორგანიზაცია "ლაზიკა კაპიტალი" გაიხსნა (EN)

მიკროსაფინანსო ორგანიზაცია სს "ლაზიკა კაპიტალის" ფილიალი ქ. ხობში საზეიმო ვითარებაში გაიხსნა. გახსნას მოწვეულ სტუმრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაიას დაესწრნენ.

December 19, 2017

გილოცავთ ნიკოლოზობას (EN)

December 18, 2017

საკრებულოს რიგგარეშე სხდომა (EN)

18 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. საკრებულოს კომისიის თავმჯდომარეების წინადადების საფუძველზე საკრებულოს მუდმივმოქმედ კომისიებს შეეცვალა სახელწოდებები, სხდომაზე განხილული საკითხები ძირითადად შეეხებოდა ამ ცვლილებებს, კერძოდ საკრებულოს სამანდატო-საპროცედურო საკითხთა კომისიას ეწოდა საპროცედურო საკითხთა კომისია; საფინანსო-სარევიზიო კომისიას - საფინანსო-საბიუჯეტო კომისია; სოციალურ საკითხთა კომისიას - განათლების, კულტურისა და სოციალურ საკითხთა კომისია; ეკონომიკური განვითარების საკითხთა კომისიას - ქონების მართვისა და ინფრასტრუქტურის კომისია; იურიდიულ საკითხთა და ადამიანის უფლებათა დაცვის კომისიას - იურიდიულ საკითხთა კომისია.
საკრებულოს სხდომაზე ცნობად იქნა მიღებული საკრებულოს ფრაქციების „ქართული ოცნება - კონსერვატორებისა“ და „ქართული ოცნება - მრეწველების“ შექმნის შესახებ საკრებულოს ბიუროს 2017 წლის 18 დეკემბრის გადაწყვეტილებები მათი რეგისტრაციის თაობაზე.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს სხდომა დახურულად გამოცხადდა.

December 18, 2017

ბიუროს სხდომა (EN)

18 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

December 18, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ (EN)

ხობის მუნიციპალიტეტის საკრებულოს თავმჯდომარის გადაწყვეტილებით საკრებულოს რიგგარეშე სხდომა გაიმართება 2017 წლის 18 დეკემბერს 12:00 საათზე საკრებულოს სხდომათა დარბაზში, სხდომის დღის წესრიგი:

December 17, 2017

გილოცავთ ბარბარობას (EN)

December 13, 2017

შეხვედრა შუა ხორგის მოსახლეობასთან (EN)

ხობის მუნიციპალიტეტის საკრებულოს თავმჯდომარე ედიშერ ჯობავა და საქართველოს პარლამენტის მაჟორიტარი წევრის ირაკლი (დაჩი) ბერაიას ბიუროს ხელმძღვანელი პაატა ბერაია ადგილობრივი ხელისუფლების სხვა წარმომადგნელებთან ერთად შუა ხორგის ადმინისტრაციული ერთეულის მოსახლეობას შეხვდნენ. საკრებულოს თავმჯდომარემ მოსახლეობას მიაწოდა ინფორმაცია, რომ საკრებულოს მიერ რეგიონებში განსახორციელებელი პროექტების ფონდიდან ხობის მუნიციპალიტეტში 2018 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებებს შორის მოწონებულ იქნა შუა ხორგის ადმინისტრაციული ერთეულის სოფელ გამოღმა შუა ხორგაში სამ კილომეტრიანი გზის სარეაბილიტაციო სამუშაოების შესახებ წინადადება.
როგორც ადგილობრივი ხელისუფლების წარმომადგენლებმა აღნიშნეს მუნიციპალიტეტის ყველა ადმინისტრაციულ ერთეულში 2018 წელს დაგეგმილი სამუშაოები, მთლიანად მოსახლეობის ინტერესების გათვალისწინებითაა შემუშავებული.

December 11, 2017

ხობელ მკლავჭიდელთა წარმატება (EN)

10 დეკემბერს, თბილისში, სპორტკომპლექს „არენაში“ გამართულ „თბილისის ღია პირველობაზე“ წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მკლავჭიდელებმა (მწვრთნელ-მასწავლებელი-კობა თუთბერიძე) და სხვადასხვა წონით კატეგორიაში ჩემპიონები და პრიზიორები გახდნენ. განსაკუთრებული აღნიშვნის ღირსია, დათუნა ჟიშკარიანის წარმატებული ასპარეზობა - ხობელმა მკლავჭიდელმა, 60 კილოგრამ წონით კატეგორიაში, მარცხენა და მარჯვენა მკლავით პირველობა არავის დაუთმო და ტურნირის გამარჯვებული გახდა. I ადგილი - დათუნა ჟიშკარიანი (60 კგ.) I ადგილი - დათუნა ჟიშკარიანი (60 კგ.) I ადგილი - დიტო ბუკია (70 კგ.) II ადგილი - გოჩა სიჭინავა (80 კგ.) II ადგილი - გიგა კოდუა (70 კგ.) III ადგილი - გოჩა სიჭინავა (60 კგ.) გამარჯვებულ და საპრიზო ადგილებზე გასულ სპორტსმენებს თასები, მედლები და სიგელები გადაეცათ.

December 9, 2017

„საქართველოს ადგილობრივ თვითმმართველობათა ეროვნული ასოციაციის“ VI ეროვნული ასამბლეა (EN)

8 დეკემბერს, თბილისში, სასტუმრო „რედისონ ბლუ ივერია“-ში „საქართველოს ადგილობრივ თვითმმართველობათა ეროვნული ასოციაციის“ VI ეროვნული ასამბლეა გაიმართა. ღონისძიება გახსნეს და მონაწილეებს მიესალმნენ - ევროკავშირის ელჩი საქართველოში იანოშ ჰერმანი, საქართველოს რეგიონული განვითარებისა და ინფრასტრუქტურის მინისტრის პირველი მოადგილე ირაკლი მატკავა, ევროპის საბჭოს ადგილობრივი და რეგიონული კონგრესის გენმდივანი ანდრეას კიფერი, საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარე გიორგი ლილუაშვილი, თბილისის მერი კახი კალაძე.
ასოციაციის პრეზიდენტის არჩევნებში, დელეგატის სტატუსით, ხობის მუნიციპალიტეტის მერი გოჩა ქაჯია და საკრებულოს თავმჯდომარე ედიშერ ჯობავა მონაწილეობდნენ.
ასამბლეაზე საქართველოს ადგილობრივ თვითმმართველობათა ეროვნული ასოციაციის ახალი პრეზიდენტი აირჩიეს. მომდევნო 3 წლის განმავლობაში NALAG-ს კახი კალაძე უხელმძღვანელებს.
„საქართველოს ადგილობრივ თვითმმართველობათა ეროვნული ასოციაციის“ მიზანია, ქვეყანაში ადგილობრივი თვითმმართველობის სისტემის სრულყოფა და ადგილობრივი დემოკრატიის განვითარება, სახელმწიფო ძალაუფლების დეცენტრალიზაცია და ადგილობრივი თვითმმართველობის ინსტიტუციების განცითარება.
საქართველოს ადგილობრივ თვითმმართველობათა ეროვნული ასოციაცია 2004 წლის 17 დეკემბერს ევროპის საბჭოსა და ევროკომისიის ერთობლივი ინიციატივის ფარგლებში დაფუძნდა. დაფუძნების პროცესში ჩართული იყო მრავალი საერთაშორისო ორგანიზაცია და თვითმმართველობის ევროპული ასოციაცია.
საქართველოს ადგილობრივ თვითმმართველობათა ეროვნული ასოციაციის მიზნებია:
დაიცვას თვითმმართველობის ორგანოთა ინტერესები ეროვნულ და საერთაშორისო დონეზე;
ხელი შეუწყოს საქართველოში ადგილობრივი დემოკრატიის განვითარებას;
ითანამშრომლოს ცენტრალურ ხელისუფლებასთან დეცენტრალიზაციის სფეროში;
მიაწოდოს კვალიფიციური მომსახურება წევრ თვითმმართველობებს;
ხელი შეუწყოს თვითმმართველობების მოხელეთა და არჩეულ პირთა კვალიფიკაციის ამაღლებას და სოციალური გარანტიების შექმნას;
მოახდინოს ადგილობრივი თვითმმართველობის პრობლემათა იდენტიფიცირება, ადგილობრივი თვითმმართველობის ორგანოთა ურთიერთდაკავშირება და არსებული პრაქტიკული გამოცდილებისა და მიღწევათა განზოგადება/დანერგვა.
ასოციაცია თანამშრომლობს მრავალ საერთაშორისო ორგანიზაციასთან და ადგილობრივი თვითმმართველობის ევროპულ გაერთიანებებთან. „საქართველოს ადგილობრივ თვითმმართველობათა ეროვნული ასოციაცია“ არის საქართველოს მთავრობის პარტნიორი ევროპის საბჭოს ადგილობრივ და რეგიონულ ხელისუფლებათა კონგრესის თვითმმართველობათა პალატაში დელეგაციის წარდგენისას.

<<
<
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
...
>
>>