SAKREBULO OF KHOBI MUNICIPALITY

Home
news

news

November 13, 2018

ხობელი ნუგზარ წურწუმიას დამაჯერებელი გამარჯვება (EN)

ბუქარესტში გამართულ მსოფლიოს 23-წლამდელთა ჩემპიონატზე
საქართველოს ბერძნულ-რომაული სტილით მოჭიდავეთა ნაკრების წევრმა, ხობელმა ნუგზარ წურწუმიამ დამაჯერებელი გამარჯვება მოიპოვა.
ხობის მუნიციპალიტეტის საკრებულო ულოცავს ნუგზარს, მის მწვრთნელებსა და გულშემატკივარს ამ წარმატებას.

November 13, 2018

წარჩინებული მოსწავლეების დაჯილდოვება (EN)

მოსწავლეთა მოტივაციის გაზრდის მიზნით, საქართველოს განათლების, მეცნიერების, კულტურისა და სპორტის სამინისტრო, საგანმანათლებლო და სამეცნიერო ინფრასტრუქტურის განვითარების სააგენტოსთან ერთად, ახორციელებს პროგრამას „ჩემი პირველი კომპიუტერი“. პროგრამის ფარგლებში დღეს, ხობის მუნიციპალიტეტის კულტურის სახლში გაიმართა ხობის, აბაშის, ფოთისა და სენაკის მუნიციპალიტეტებიდან წარჩინებულ მოსწავლეთა დაჯილდოება.
წარჩინებული მოსწავლეების დაჯილდოვების ცერემონიალს, სამეგრელო-ზემო სვანეთის მხარეში სახელმწიფო რწმუნებულის- გუბერნატორის პირველი მოადილე ირაკლი ჯიქია, ხობის მუნიციპალიტეტის მერი გოჩა ქაჯაია, საკრებულოს თავმჯდომარის მოადგილე მამუკა ქარდავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, იურიდიულ საკითხთა კომისიის თავმჯდომარე დავით ბერაია, საფინანსო-საბიუჯეტო კომისიის თავმჯდომარე ტარიელ ალექსანდრია, ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია და საპროცედურო საკითხთა კომისიის თავმჯდომარე თეა გელანტია, ხობის საგანმანათლებლო რესურსცენტრის უფროსი ბეატრისა რუსია, საგანმანათლებლო და სამეცნიერო ინფრასტრუქტურის განვითრების სააგენტოს დირექტორის პირველი მოადგილე გიორგი შალუტაშვილი საგანმანათლებლო სფეროს წარმომადგენლები და მოწვეული სტუმრები ესწრებოდნენ.
ღონისძიება ხობის მუნიციპალიტეტის საგანმანათლებლო რესურსცენტის ორგანიზებით ჩარატდა.
2018 წელს პროგრამის „ჩემი პირველი კომპიუტერი“ ბენეფიციარებად განისაზღვრნენ საჯარო სკოლის საბაზო საფეხურის კურსდამთავრებული მოსწავლეები, რომელთა საბაზო საფეხურის ნიშანია 10 ქულა დამრგვალების გარეშე.
პროგრამა „ჩემი პირველი კომპიუტერის“ ფარგლებში დღეს 128 მოსწავლე დაჯილდოვდა.

November 12, 2018

მინისტრმა ყულევში ახლად აშენებული ობიექტი დაათვალიერა (EN)

შუა ხორგის, ქარიატის და ყულევის ადმინისტრაციულ ერთეულებში წყალმომარაგების სისტემის რეაბილიტაცია დასრულდა.
საქართველოს ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა, საქართველოს პარლამენტის მაჟორიტარმა წევრმა დაჩი ბერაიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, მუნიციპალიტეტის მერმა გოჩა ქაჯაიამ ყულევის ადმინისტრაიულ ერთეულში ახლად აშენებული ობიექტი დაათვალიერეს. ადგილობრივებს პროექტის დასრულება მიულოცეს და მოსახლეობასთან ერთად სიმბოლურად დააგემოვნეს სასმელი წყალი.
პროექტის განხორციელების შედეგად; შუა ხორგის, ქარიატის და ყულევის ადმინისტრაციულ ერთეულებში მცხოვრებმა 2000-მდე მოსახლემ სასმელი წყალი ცენტარლური მაგისტრალიდან უკვე მიიღო. დღეიდან მოსახლეობა 24 საათიანი, უწყვეტი, ხარისხიანი წყალმომარაგებით ისარგებლებს.
წყალსადენი მაგისტრალის სიგრძე 34 კილომეტრია, ინფრასტრუქტურული პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა და მისმა სახელშეკრულებო ღირებულებამ 920 ათასი ლარი შეადგინა.
პროექტი სასიცოცხლოდ მნიშვნელოვანი იყო ყულევის მოსახლეობისთვის, რადგან სოფელს წყალი არასდროს ჰქონია და წლების განმავლობაში ადგილობრივებს წყალი ცისტერნების მეშვეობით მიეწოდებოდა.

November 9, 2018

ხობში უფასო სამედიცინო გამოკვლებები ჩატარდება (EN)

10 ნოემბერს, ს.ს. სამედიცინო კორპორაცია ევექსის ხობის ჰოსპიტალში აქცია გაიმართება. დაინტერესებულ პირებს ოფთალმოლოგის, ალერგოლოგის, ქირურგ/პროქტოლოგის, ნეფროლოგის და ანგიოლოგის კონსულტაცია უფასოდ გაეწევათ. ასევე ჩატარდება PAP და PSA ლაბორატორიული კვლევები.
პაციენტების მიღება 10:00 საათიდან იწარმოებს.

November 6, 2018

„ცოცხალი წიგნები“ ხობში (EN)

6 ნოემბერს, ხობის მუნიციპალიტეტის კულტურის სახლის მცირე დარბაზში გაიმართა შეხვედრა თანამედროვე ქართველ მწერლებთან : ნინო ქოქოსაძემ, ირმა ბერიძემ, ირაკლი შამათავამ, ლევან ლორიამ და ინა არჩუაშვილმა ლიტერატურის მოყვარულებს თავიანთი შემოქმედება გააცნეს. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა ესწრებოდა.
„ცოცხალი წიგნები“ ,,პოეზიის მეგობართა კლუბის“ პროექტია, რომელიც მეოთხე წელია ხორციელდება. პროექტი გულისხმობს მკითხველებთან შეხვედრას, პოეზიის საღამოების გამართვას და თანამედროვე ქართული მწერლობის აქტუალურ საკითხებზე საუბარს.

October 31, 2018

საკრებულოს სხდომა (EN)

31 ოქტომბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში“ ცვლილების შეტანის თაობაზე“ დადგენილების პროექტით პეტიციის წარმდგენ სუბიექტს მიენიჭა უფლებამოსილება პეტიციის წარმდგენი ამომრჩევლების სიის ბლანკის მოთხოვნის გარეშეც წარმოადგინოს პეტიცია საქართველოს ორგანული კანონის „ადგილობრივი თვითმმართველობის კოდექსი“ 86-ე მუხლის მე-6 პუნქტის მოთხოვნების გათვალისწინებით. სხდომაზე ასევე განხილულ იქნა დადგენილების პროექტი „ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“, რომლის თანახმადაც მუნიციპალიტეტის მერიის შესაბამისი სამსახურის მიერ შემუშავებულ იქნა ხობის მუნიციპალიტეტში მცხოვრები შეზღუდული შესაძლებლობის მქონე პირთა საკითხებზე მომუშავე საბჭოს დებულება, რომლის საფუძველზეც საბჭო წარმოადგენს ხობის მუნიციპალიტეტის მერთან არსებულ სათათბირო ორგანოს, რომელიც თავისი კომპეტენციის ფარგლებში განიხილავს ხობის მუნიციპალიტეტში შშმ პირთა ღირსეული თანაცხოვრებისა და თანაბარი შესაძლებლობების უზრუნველყოფისათვის აუცილებელი პირობების შექმნის საკითხებს.
სხდომის დასრულების შემდეგ საკრებულოს წევრებმა ხობელ ფალავანს ნუგზარ წურწუმიას და მის მწვრთნელებს კიდევ ერთხელ მიულოცეს მსოფლიო ჩემპიონატზე ღირსეული ასპარეზობა, ბრინჯაოს მედალი და მომავალი წარმატებები უსურვეს.
დღის წესრიგით გათვალისწინებული ამ და სხვა საკითხების განხილვის შემდეგ საკრებულოს სხდომა დახურულად გამოცხადდა.

October 30, 2018

განცხადება ხობის მუნიციპალიტეტის საკრებულოს სხდომის შესახებ (EN)

განცხადება ხობის მუნიციპალიტეტის საკრებულოს სხდომის შესახებ
️ხობის მუნიციპალიტეტის საკრებულოს მორიგი სხდომა გაიმართება
2018 წლის 31ოქტომბერს 11:00 საათზე
ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის განხილვა
(მომხსენებელი: ე. ჯობავა - ხობის მუნიციპალიტეტის საკრებულოს თავმჯდომარე;
თანამომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

2. „ხობის მუნიციპალიტეტის საკრებულოს ზოგიერთი დადგენილების ძალადაკარგულად გამოცხადების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

3. „ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობისა და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2018 წლის 28 მარტის №16 დადგენილების ძალადაკარგულად გამოცხადების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

4. „ხობის მუნიციპალიტეტის მერიის წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის N52 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

5. „ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ დადგენილების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი).

October 30, 2018

ბიუროს სხდომა (EN)

30 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის გ. ქაჯაიას 2018 წლის 9 ოქტომბრის N04/4171 წერილის განხილვა („ხობის მუნიციპალიტეტის 2018 წლის ადგილობრივი ბიუჯეტის იანვარ - სექტემბრის შესრულების ანგარიშის შესახებ“ ანგარიშის მოსმენის თაობაზე);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2018 წლის 17 ოქტომბრის N09/4234 და 19 ოქტომბრის N09/4263 წერილების განხილვა („ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ დადგენილების პროექტის თაობაზე);
(მომხსენებელი: დ. გაბუნია - ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2018 წლის 19 ოქტომბრის N03/4273 წერილის განხილვა:
• „ხობის მუნიციპალიტეტის საკრებულოს ზოგიერთი დადგენილების ძალადაკარგულად გამოცხადების შესახებ“ დადგენილების პროექტის თაობაზე;
• „ხობის მუნიციპალიტეტის მერიის წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის N52 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

4. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 26 ოქტომბრის N107/01 განცხადების განხილვა („ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

5. ხობის მუნიციპალიტეტის მერის გ. ქაჯაიას 2018 წლის 29 ოქტომბრის N05/4357 წერილის განხილვა („ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობისა და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2018 წლის 28 მარტის №16 დადგენილების ძალადაკარგულად გამოცხადების შესახებ“ დადგენილების პროექტის თაობაზე).
(მომხსენებლები: ვ. ქანთარია - ხობის მუნიციპალიტეტის საკრებულოს
ქონების მართვისა და ინფრასტრუქტურის კომისიის თავმჯდომარე.

October 30, 2018

ნუგზარ წურწუმიას გულშემატკივრებმა საზეიმო დახვედრა მოუწყვეს (EN)

საზეიმო დახვედრა მოუწყვეს დღეს ხობელებმა საქართველოს ბერძნულ-რომაული სტილით მოჭიდავეთა ნაკრების წევრს, ხობელ ნუგზარ წურწუმიას, რომელმაც ბუდაპეშტში გამართულ მსოფლიო ჩემპიონატზე მესამე ადგილი მოიპოვა და ბრინჯაოს მედლის მფლობელი გახდა. ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის მოადგილეებმა ვარაზ გაბედავამ და მახარე ჩოკორაიამ, გულშემატივრებთან ერთად მიულოცეს ხობელ ფალავანს და მის მწვრთნელს მამუკა ყორშიას გამარჯვება და მომავალი წარმატებები უსურვეს მათ.

October 26, 2018

დასრულდა მუნიციპალიტეტის პირველობა მკლავჭიდში (EN)

26 ოქტომბერს ხობის კულტურის სახლის ფოიეში გაიმართა ხობის მუნიციპალიტეტის პირველობა მკლავჭიდში ჭაბუკთა შორის. ტურნირში 40 ახალგაზრდა სპორტსმენი 9 კილოგრამ წონით კატეგორიაში ერთმანეთს ოლიმპიური სისტემით დაუპირისპირდნენ. გამარჯვებულებსა და პრიზიორ მკლავჭიდელებს სიგელები, მედლები და თასები გადაეცათ.
შეჯიბრი კულტურულ-საგანმანათლებო საზოგადოებრივი ცენტრის ორგანიზებით ჩატარდა.

October 22, 2018

გილოცავთ სვეტიცხოვლობის ბრწყინვალე დღესასწაულს! (EN)

ხობის მუნიციპალიტეტის საკრებულო გილოცავთ სვეტიცხოვლობის ბრწყინვალე დღესასწაულს!

October 19, 2018

ჩეხურმა არასამთავრობო ორგანიზაციამ რეგიონალური შეხვედრა გამართა (EN)

სამეგრელო-ზემო სვანეთის გუბერნატორის ხელშეწყობით ჩეხურმა არასამთავრობო ორგანიზაციამ „ფიფლ ინ ნიდ“ და პარტნიორმა ორგანიზაციამ „სოფლად თემთა განვითარების სააგენტო“ (RCDA) ზუგდიდის მუნიციპალიტეტის საკრებულოს დარბაზში რეგიონალური შეხვედრა ჩაატარეს, შეხვედრას ზუგდიდის მაჟორიტარი დეპუტატი მერაბ ქვარაია, სამეგრელო-ზემო სვანეთის რწმუნებული ალექსანდრე მოწერელია, ხობის მუნიციპალტეტის საკრებულოს თავმჯდომარე ედიშერ ჯობავა, საკრებულოს ფრაქცია „ქართული ოცნება- მრეწველების“ თავმდომარის მოადგილე გოჩა სიჭინავა, განათლებისა და განვითარების ცენტრი თოლისკურის თავმჯდომარე გვანცა კიკალეიშვილი, ადგილობრივი ხელისუფლების წარმომადგენლები, ფერმერები, კერძო სექტორისა და სოფლის მეურნეობის მიმართულებით მომუშავე საერთაშორისო და არასამთავრობო ორგანიზაციათა წარმომადგენლები ესწრებოდნენ.
შეხვედრის მონაწილეებმა იმსჯელეს ევროპასთან თავისუფალი ვაჭრობის გამოწვევებსა და შესაძლებლობებზე.
შეხვედრა რომლის ძირითადი მიზანი იყო, ხელი შეეწყო დიალოგისთვის ფერმერების, ბიზნესისა და სახელმწიფო სტრუქტურების წარმომადგენელთა შორის, ევროკავშირის მიერ დაფინანსებული პროექტის „სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ ფარგლებში ჩატარდა.

October 16, 2018

დები ზარანდიების ხსოვნის პატივსაცემად მარადმწვანე ხეები დაირგო (EN)

13 ივნისს, ვერეს ხეობაში დატრიალებული ტრაგედიის დროს დაღუპული ხობელი დების ინდირა და ლიზი ზარანდიების ხსოვნის პატივსაცემად, თედო სახოკიას სახელობის ხობის ცენტრალური ბიბლიოთეკის მიმდებარე ტერიტორიაზე ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის პირველმა მოადგილემ ვარაზ გაბედავამ, მერის მოადგილემ მახარე ჩოკორაიამ საზოგადოების წარმომადგენლებთან ერთად სიმბოლურად, მარადმწვანე ხეები დარგეს.

October 16, 2018

დები ზარანდიების ხსოვნის პატივსაცემად მარადმწვანე ხეები დაირგო (EN)

13 ივნისს, ვერეს ხეობაში დატრიალებული ტრაგედიის დროს დაღუპული ხობელი დების ინდირა და ლიზი ზარანდიების ხსოვნის პატივსაცემად, თედო სახოკიას სახელობის ხობის ცენტრალური ბიბლიოთეკის მიმდებარე ტერიტორიაზე ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის პირველმა მოადგილემ ვარაზ გაბედავამ, მერის მოადგილემ მახარე ჩოკორაიამ საზოგადოების წარმომადგენლებთან ერთად სიმბოლურად, მარადმწვანე ხეები დარგეს.

October 16, 2018

შეხვედრა დემოკრატიის სააგენტოს წარმომადგენლებთან. (EN)

ადგილობრივი დემოკრატიის სააგენტო საქართველომ ზუგდიდში გამართა პროექტის პრეზენტაცია სახელწოდებით „სამეგრელო -ზემო სვანეთის მხარეში ევროკავშირთან ასოცირების პროცესის შესახებ საზოგადოებაში ინფორმირებულობის გაზრდა“. შეხვედრას სამეგრელო-ზემო სვანეთის გუბერნატორი ალექსანდრე მოწერელია, სახელმწიფო რწმუნებულის გუბერნატორის ადმინისტრაციის, ადგილობრივი თვითმმართველობის, სამოქალაქო საზოგადოებისა და მედიის წარმომადგენლებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავაც ესწრებოდა.
პროექტის მიზანია, სამეგრელო-ზემო სვანეთის მხარის მუნიციპალიტეტებში საზოგადოების ინფორმირება და ცნობიერების ამაღლება ასოცირების შეთანხმების 21-ე თავის - „რეგიონული განვითარება, თანამშრომლობა საზღვრისპირა და რეგიონულ დონეზე“.შეხვედაზე დამსწრე საზოგადოებას თავისი ხედვები და მოსაზრებები გააცნო ხობის მუნიციპალიტეტის საკრებულოს თავმჯდომარემ ედიშერ ჯობავამ.
პროექტი GIZ-ის „მოლდოვასა და უკრაინას შორის ასოცირების ხელშეკრულების ფარგლებში რეგიონული განვითარების მიმართულებით თანამშრომლობის პლატფორმა“ ფინანსური მხარდაჭერით ხორციელდება.

<<
<
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
...
>
>>