SAKREBULO OF KHOBI MUNICIPALITY

Home
news

news

May 26, 2018

საბავშვო ბაღების აღსაზრდელებმა სხვადასხვა კომპოზიციები შეასრულეს (EN)

საქართველოს დამოუკიდებლობის დღე ხობის მუნიციპალიტეტში სხვადასხვა ღონისძიებებით აღინიშნა, პროგრამის ფარგლებში ხობის კულტურის სახლის მიმდებარე ტერიტორიაზე, საბავშვო ბაღების აღსაზრდელებისა და მათი პედაგოგების მონაწილეობით
მხატვრულ-მუსიკალური კომპოზიციები შესრულდა. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერი გოჩა ქაჯაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და მერის მოადგილე მახარე ჩოკორაია საზოგადოებასთან და ადგილობრივი ხელისუფლების სხვა წარმომადგენლებთან ერთად ესწრებოდნენ.

May 26, 2018

გილოცავთ ჩვენი ქვეყნის უმთავრეს ეროვნულ დღესასწაულს - საქართველოს დამოუკიდებლობის დღეს! (EN)

May 24, 2018

მუნიციპალური პროგრამა სოციალურად დაუცველი ოჯახებისთვის (EN)

ხობის მუნიციპალიტეტის მერი გოჩა ქაჯაია „სოციალური და ჯანმრთელობის დაცვის მუნიციპალური პროგრამების უზრუნველყოფის კომისიის“ თავმჯდომარე ვარაზ გაბედავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, საფინანსო-საბიუჯეტო კომისიის თავმჯდომარე ტარიელ ალექსანდრია, ფრაქცია „ქართული ოცნება-დემოკრატიული საქართველო“ს თავმჯდომარე ბექა მამაცაშვილი და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის თავმჯდომარე შოლინა კანკია ჭალადიდისა და ქვემო ქვალონის ადმინისტრაციულ ერთეულებში მცხოვრები მოქალაქეების მომართვის საფუძველზე ადგილზე გაეცნენ მათ სოციალურ-ეკონომიკურ მდგომარეობას.
ხობის მუნიციპალიტეტში სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის მუნიციპალური პროგრამა მოქმედებს, რომელიც სოციალურად დაუცველი ოჯახების საცხოვრებელი სახლების შესაკეთებლად ერთჯერად ფულად დახმარებას ითვალისწინებს. 2018 წელს, აღნიშნული პროგრამით 8 ბენეფიციარმა ისარგებლა

May 22, 2018

„პეტიცია-ხალხის ხმა თვითმმართველობაში“ შემაჯამებელი შეხვედრა (EN)

22 მაისს, ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია, საკრებულოს იურიდიულ საკითხთა კომისიის თავმჯდომარე დავით ბერაია და საკრებულოს აპარატის უფროსი ლელა შამათავა ასოციაცია „ათინათის“ წარმომადგენელს აკაკი კოროშინაძეს და არასამთავრობო ორგანიზაცია „დემოკრატიის ინსტიტუტის“ იურისტს რამინ გვარიშვილს შეხვდნენ.
შეხვედრაზე განხილულ იქნა პროექტის „პეტიცია-ხალხის ხმა თვითმმართველობაში“ ფარგლებში მუნიციპალიტეტში ინიცირებული პეტიციების განხილვის შედეგები, დღემდე პრაქტიკაში გამოვლენილი ხარვეზები.
მხარეებმა ასევე ისაუბრეს ხობის მუნიციპალიტეტის საკრებულოში უკვე დანერგილ პეტიციის ელექტრონული ფორმით წარდგენის თაობაზე, რომელიც საკრებულოს ოფიციალურ ვებგვერდზე უკვე ადაპტირებულია და რომელიც კიდევ უფრო ხელს შეუწყობს მოსახლეობის ჩართულობას ადგილობრივი თვითმმართველობის საქმიანობაში.
შეხვედრის ბოლოს გამოითქვა ორმხრივი მზადყოფნა პეტიციების ინსტრუმენტის სისტემური გაძლიერებისა და პეტიციების განხილვის პრაქტიკის გაუმჯობესების მიმართულებით.

May 18, 2018

მილოცვა საჯარო სკოლების კურსდამთავრებულებს (EN)

▶️გილოცავთ, სკოლის დამთავრებას! სკოლა... ბავშვობის წლები... საუკეთესო წლებია. ცოდნის ამ პატარა ტაძარში იწყება თვალსაწიერის გაფართოება, ახლის შეცნობა... ბოლო ზარი მნიშვნელოვანი და ამაღელვებელი მოვლენაა თქვენს ცხოვრებაში, ვინაიდან ემშვიდობებით მშობლიურ სკოლას და გარემოს, რომელმაც საფუძველი ჩაუყარა თქვენს ინტელექტუალურ მომავალს.
▶️ დიდი სიყვარულითა და პატივისცემით გილოცავთ ცხოვრების ახალ ეტაპზე გადასვლას, ყოველივე თქვენგანს გისურვებთ წარმატებებს, როგორც საატესტატო ასევე ეროვნულ გამოცდებზე.
▶️ დაგილოცავთ გზას ბედნიერი და ბრწყინვალე სტუდენტური ცხოვრებისკენ... იმედი მაქვს, რომ საკუთარი მიღწევებით ასახელებთ მშობლიურ სკოლას, მუნიციპალიტეტსა და ქვეყანას. მშობლებსა და პედაგოგებს კი, მადლობას ვუხდი გაწეული შრომისათვის.
პატივისცემით,
ედიშერ ჯობავა
ხობის მუნიციპალიტეტის საკრებულოს თავმჯდომარე

May 17, 2018

ხობის მუნიციპალიტეტის საკრებულო გილოცავთ ამაღლების დღესასწაულს! (EN)

May 16, 2018

ნატოს წარმომადგენლები ხობის მუნიციპალიტეტს სტუმრობდნენ (EN)

ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერის მოადგილე მახარე ჩოკორაია, ფოთისა და ხობის მიტროპოლიტი,
მაღალყოვლადუსამღვდელოესი გრიგოლი, ფოთის მერი გოჩა კურდღელია, ფოთის ვიცე მერი გიორგი ფარეშიშვილი, ნატო-ს მუდმივმოქმედი მეორე შენაერთის კომოდორი მაიკლ უტლი და ბრიტანული გემის ,,დუნკანი" მეთაური ელეანორ სტაკი ხობის მუნიციპალიტეტში, ნოჯიხევის სამონასტრო კომპლექსში იმყოფებოდნენ, სტუმრებმა სამონასტრო კომპლექსი დაათვალიერეს და კიდევ ერთხელ გაეცნენ ქართულ კულტურას. ნატოს კვირეულის გამოსამშვიდობებელ საღამოზე ისაუბრეს მომავალი ურთიერთობების გაგრძელებაზე რაც მიზნად ისახავს საქართველოს და ნატო-ს საზღვაო ძალების ურთიერთმოქმედებისა და ურთიერთთავსებადობის ამაღლებას.
სტუმრებმა ადგილობრივი ხელისუფლების წარმომადგენლებს მადლობა გადაუხადეს გულთბილი მიღებისთვის და წარმატებები უსურვეს მათ

May 15, 2018

კონფერენცია - „გენდერული თანასწორობა ადგილობრივ თვითმმართველობაში (EN)

15 მაისს, ქალაქ თბილისში მიმდინარეობს კონფერენცია „გენდერული თანასწორობა ადგილობრივ თვითმმართველობაში“. შეხვედრის მიზანია გენდერული თანასწორობის ინსტიტუციური უზრუნველყოფა და ხელშეწყობა ადგილობრივ დონეზე, მისი რეალიზების ძლიერი მექანიზმების შექმნა. შეხვედრაზე ისაუბრეს თვითმმართველი ერთეულების როლზე, უზრუნველყონ ქალებისა და მამაკაცების თანაბარი ჩართვა თვითმმართველობის საკითხებში და გადაწყვეტილების მიღების პროცესში.
როგორც კონფერენციაზე აღნიშნეს, ქალების ჩართულობის გაძლიერება უაღრესად მნიშვნელოვანია ქვეყნის განვითარებისთვის, წინსვლისთვის, დემოკრატიული ინსტიტუტების შენებისა და ნებისმიერი საზოგადოებრივი სფეროს გაუმჯობესებისთვის.
საქართველოს ადგილობრივი თვითმმართველობათა ეროვნულ ასოციაციაში შეიქმნა გენდერული თანასწორობის პლატფორმა ნორვეგიის საგარეო საქმეთა სამინისტროს მხარდაჭერითა და ნორვეგიის ადგილობრივ და რეგიონულ ხელისუფლებათა ასოციაციასთან თანამშრომლობით, პლატფორმის მიზანია ადგილობრივ დონეზე ქალთა და მამაკაცთა თანასწორობის ხელშეწყობა.
ღონისძიებას საქართველოს მთავრობისა და პარლამენტის წარმომადგენლებთან, თვითმმართველი ქალაქებისა და მუნიციპალიტეტის მერებთან, ადგილობრივი საკრებულოების თავმჯდომარეებთან და გენდერული თანასწორობის მუნიციპალური საბჭოების თავმჯდომარეებთან ერთად ესწრებიან ხობის მუნიციპალიტეტის საკრებულოს თავმჯდომარე ედიშერ ჯობავა და მუნიციპალიტეტის მერი გოჩა ქაჯაია.
კონფერენცია საქართველოს პარლამენტის გენდერული თანასწორობის საბჭოსა და საქართველოს ადგილობრივ თვითმმართველობათა ეროვნული ასოციაციის ორგანიზებით, ეროვნულ-დემოკრატიული ინსტიტუტისა (NDI) და გაეროს განვითარების პროგრამის (UNDP) ხელშეწყობით იმართება.

May 12, 2018

გილოცავთ ანდრია პირველწოდებულის ხსენების დღეს (EN)

May 10, 2018

ბარბარე ლოლუას სოლო კონცერტი (EN)

10 მაისს, ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სამუსიკო სკოლის დარბაზში გაიმართა, ამავე სკოლის მოსწავლის ბარბარე ლოლუას სოლო კონცერტი. მონაწილეთა წინაშე ბარბარე ლოლუა წარსდგა, როგორც საფორტეპიანო ასევე საესტრადო ნომრებით. კონცერტს მოწვეულ სტუმრებთან ერთად ხობის მუნიციპალიტეტის საკრებულოს კულტურის, განათლებისა და სოციალურ საკითხთა კომისიის თავმჯდომარე დოდო გაბუნია და მერიის განათლების, კულტურის, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია ესწრებოდნენ. დოდო გაბუნიამ ახალგაზრდა, დამწყებ მომღერალს სამახსოვრო საჩუქარი გადასცა და შემდგომი წარმატებები უსურვა მას.

May 9, 2018

ხობში 9 მაისი აღნიშნეს (EN)

9 მაისს ხობის მუნიციპალიტეტის ხეთის მხარეთმცოდნეობისა და დიდების მუზეუმში საზეიმო ღონისძიება გაიმართა. ადგილობრივი ხელისუფლების წარმომადგენლებმა, ომის ვეტერანმა და საზოგადოებამ ყვავილებით შეამკო შინმოუსვლელთა საფლავები. საზეიმო შეხვედრაზე დამსწრე საზოგადოებას მიესალმა ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია, რის შემდეგაც, ანსამბლ „კოლხეთისა“ და მოსწავლე-ახალგაზრდობის ცენტრის მოსწავლეთა მონაწილეობით მხატვრულ-მუსიკალური კომპოზიცია გაიმართა.
საქართველოს მთავრობის გადაწყვეტილებით, ფაშიზმზე გამარჯვების 73-ე წლისთავთან დაკავშირებით, მეორე მსოფლიო ომის ვეტერანები მიიღებენ ერთჯერად ფულად დახმარებას 600 ლარის, ხოლო, მეორე მსოფლიო ომში დაღუპულთა ოჯახები - 300 ლარის ოდენობით. ხობის მუნიციპალიტეტის ადგილობრივი ბიუჯეტიდან ვეტერანებს პირად საბანკო ანგარიშზე 500-500 ლარი, ხოლო შპს „შავი ზღვის ტერმინალისგან“ 100-100 ლარი ჩაერიცხათ.

May 8, 2018

საჯარო განხილვა (EN)

ხობის მუნიციპალიტეტის საკრებულოში შემოვიდა საინიციატივო ჯგუფის განცხადება ქალაქის ცენტრში არსებული დასვენების პარკისთვის ალექსანდრე წურწუმიას სახელის მინიჭების თაობაზე, რომელიც განსახილველად გადაეგზავნა მუნიციპალიტეტის მერიას.
8 მაისს მერიის სხდომათა დარბაზში გაიმართა საკითხის საჯარო განხილვა, სადაც ადგილობრივი ხელისუფლების წარმომადგენლებთან ერთად მონაწილეობდა, როგორც საინიციატივო ჯგუფის ასევე საზოგადოების წარმომადგენლები.

May 7, 2018

ხობში გზების რეაბილიტაცია მიმდინარეობს (EN)

რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხობის მუნიციპალიტეტის პირველი მაისის ადმინისტრაციულ ერთეულში საკვიკვინიოს უბანში მიმდინარეობს სამ კილომეტრამდე გზის ცემენტო -ბეტონით მოწყობა. აღნიშნულ მონაკვეთზე აშენდება ხიდბოგირები და მილ-ხიდები
მოეწყობა რკინაბეტონის სანიაღვრე არხი
დასაქმდება ადგილობრივი მუშახელი
პროექტს ელექტრონულ ტენდერში გამარჯვებული კომპანია შპს „პრაიმ ბეტონი“ ახორციელებს.
რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა ასევე ქ.ხობში დავით აღმაშენებლის (I და II ჩიხები), ფიროსმანის ქუჩასა, და ცენტრალური სტადიონის მიმდებარე ტერიტორიაზე გზის საფარის ასფალტო-ბეტონით მოწყობითი სამუშაოები.
აღნიშნულ ტერიტორიაზე სამუშაოები შპს „შარა - გზამშენი პირველი“მა განახორცეილა.

მიმდინარე სამუშაოებს დღეს ადგილზე გაეცნენ ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ფრაქცია „ქართული ოცნება -დემოკრატიული საქართველოს“ თავმჯდომარე ბექა მამაცაშვილი, ფრაქცია „სამართლიანობისთვის „ თავმჯდომარე კახა ლატარია, ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია და საკრებულოს სხვა თანამდებობის პირები.

May 3, 2018

საინფორმაციო შეხვედრა და ნატოს კუთხის გახსნა ჭალადიდში. (EN)

3 მაისს ხობის მუნიციპალიტეტის ჭალადიდის ადმინისტრაციული ერთეულის საზოგადოებრივ ცენტრში, „ნატოს დღეები 2018-ის“ ფარგლებში გაიხსნა ნატოს კუთხე. საქართველოში ნატოს სამეკავშირეო ოფისმა საზოგადოებრივ ცენტრს საინფორმაციო ბროშურები გადასცა.
შეხვედრაზე საქართველოს ევროატლანტიკური ინტეგრაციის პროცესსა და ნატო-საქართველოს შორის თანამშრომლობაზე საუბარი შედგა.
ნატოს კუთხის გახსნას და საინფორმაციო შეხვედრას ესწრებოდნენ საქართველოს საგარეო საქმეთა სამინისტროს სსიპ-ის „საინფორმაციო ცენტრი ნატოსა და ევროკავშირის შესახებ“ სამეგრელოს რეგიონალური ბიუროს წარმომადგენელი ანა ცანავა, საქართველოს პარლამენტის წევრი ხობის მაჟორიტარი დეპუტატი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, საკრებულოს წევრები და ადგილობრივი მოსახლეობა.
აღნიშნული ღონისძიება ხობის მუნიციპალიტეტის საკრებულოს თავმჯდომარის, ნატოს სამეკავშირეო ოფისთან და ნატოსა და ევროკავშირის შესახებ საინფორმაციო ცენტრთან ინიციატივით განხორციელდა.

May 2, 2018

ნუგზარ წურწუმია ევროპის პირველობის ბრინჯაოს პრიზიორია (EN)

დაღესტნის ქალაქ კასპიისკში მიმდინარე ევროპის ჩემპიონატზე წარმატებით იასპარეზა საქართველოს ბერძნულ-რომაული სტილით მოჭიდავეთა ნაკრების წევრმა ნუგზარ წურწუმიამ. ხობელმა ფალავანმა მესამე ადგილისთვის ბრძოლაში, რუსი ვასილი ტოპოევი დაამარცხა და საქართველოს პირველი მედალი მოუტანა.
ხობის მუნიციპალიტეტის საკრებულო ულოცავს ნუგზარ წურწუმიას ამ მნიშვნელოვან გამარჯვებას საერთაშორისო ასპარეზზე.

<<
<
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
...
>
>>