SAKREBULO OF KHOBI MUNICIPALITY

Home
news

news

July 14, 2018

ხობში “თბილისის ბიგ-ბენდის” და “ქართული ხმების” კონცერტი გაიმართა (EN)

ხობის კულტურის სახლის დიდ დარბაზში, „ქართული ხმების“ და „თბილისის მერიის ბიგ-ბენდის“ ერთობლივი საიუბილეო კონცერტი გაიმართა.
კონცერტზე შესრულდა ფოლკლორის, ქართული და უცხოური სიმღერების საუკეთესო ნიმუშები.
„ქართულ ხმებთან“ და თბილისის „ბიგ-ბენდთან“ ერთად მაყურებლის წინაშე წარსდგნენ სოლისტები: მაია ბარათაშვილი, გიორგი სუხიტაშვილი, თემო საჯაია, ნესტან ჯიბლაძე, მარიკო ებრალიძე, ნინი გველესიანი და ზაურ შავგულიძე.
კონცერტს ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია და ადგილობრივი თვითმმართველობის წარმომადგენლები ესწრებოდნენ.
რეგიონული ტურნე ,,Chek in Georgia’’-ს ფარგლებში მიმდინარეობს და „ქართული ხმების“ 30 წლის, ხოლო, „ბიგ-ბენდის“ 20 წლის იუბილეს ეძღვნება.

July 13, 2018

სკოპინგის ანგარიშის საჯარო განხილვა გაიმართა (EN)

ხობის მუნიციპალიტეტის საკრებულოს სხდომათა დარბაზში სკოპინგის ანგარიშის (პროცედურა, რომელიც განსაზღვრავს გარემოზე ზემოქმედების შეფასების და შესასწავლი ინფორმაციის ჩამონათვალს და აღნიშნული ინფორმაციის გარემოზე ზემოქმედების შეფასების ანგარიშში ასახვის საშუალებებს) საჯარო განხილვა გაიმართა.
მომხსენებელმა პროექტის ტექნიკურ მონაცემებზე, გარემოზე ზემოქმედების შეფასების ანგარიშის მომზადების მეთოდოლოგიაზე და ჩასატარებელი საბაზისო/საძიებო კვლევების შესახებ ისაუბრა.
ანგარიშის განხილვას ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ნავთობისა და გაზის სახელმწიფო სააგენტოს წარმომადგენლები ესწრებოდნენ.
ნავთობის და გაზის რესურსების V სალიცენზიო ბლოკზე, (ტერიტორიულად მოიცავს წალენჯიხის, მესტიის, ჩხოროწყუს, მარტვილის, ცაგერის, ხონის, სენაკის, ხობის, ზუგდიდის, აბაშის, სამტრედიის, ლანჩხუთის, ჩოხატაურის, ლენტეხის მუნიციპალიტეტების ტერიტორიებს და ქ. ფოთს) შპს „WEST GULF PETROLIUM ENGINEERING COMPANY LTD“ სახელმწიფოსთან გაფორმებული პროდუქციის წილობრივი განაწილების ხელშეკრულებით გათვალისწინებული მინიმალური სამუშაო პროგრამის (პირველ ეტაპზე ნავთობის და გაზის ოპერაციები იგეგმება ხობის (ჭალადიდი) და ლანჩხუთის მუნიციპალიტეტის ტერიტორიებზე) შესრულებამდე ვალდებულია მოამზადოს V სალიცენზიო ბლოკის ტერიტორიის „გარემოზე ზემოქმედების შეფასების ანგარიში“.
პროექტის შესახებ სრული ინფორმაცია იხილეთ შემდეგ ბმულზე:
https://drive.google.com/…/1YseJ0pCO6CCzN58BLi3pcA35E2exO7uy

July 12, 2018

ინსტიტუციური დიალოგის ფორუმი (EN)

საქართველოს პარლამენტის რეგიონული პოლიტიკისა და თვითმმართველობის კომიტეტის თავმჯდომარის, ზაზა გაბუნიას ორგანიზებით, სახელმწიფო და ადგილობრივი ხელისუფლების ინსტიტუციური დიალოგის II ფორუმი 8-9 ივლისს ყვარლის მუნიციპალიტეტში გაიმართა.
ფორუმის მიზანი იყო მაღალი დონის საკონსულტაციო მექანიზმის შექმნა, თვითმმართველობებს შორის გამოცდილების გაზიარება, სამომავლო გეგმების შემუშავება და შესასრულებელი ამოცანების განსაზღვრა. ფორუმზე იმსჯელეს სახელმწიფო შიდა ფინანსების კონტროლის რეფორმაზე მუნიციპალიტეტებში, თვითმმართველობებზე უფლებამოსილებების გადაცემაზე (სასკოლო ინფრასტრუქტურის მშენებლობა-რეაბილიტაცია), ახალგაზრდული პოლიტიკა მუნიციპალიტეტებში, მოქალაქეთა მონაწილეობა (ჩართულობა), სახელმწიფო და მუნიციპალური ქონების საკითხების დეცენტრალიზაციის რეფორმაზე. ფორუმში მონაწილეობას იღებდნენ პარლამენტის წევრები, მუნიციპალიტეტების საკრებულოების თავმჯდომარეები, სამინისტროების წარმომადგენლები. ფორუმის მხარდამჭერები იყვნენ: გაეროს განვითარების პროგრამა საქართველოში (UNDP), ეროვნულ-დემოკრატიული ინტიტუტი (NDI), საერთაშორისო რესპუბლიკური ინსტიტუტი (IRI) და World Vision. ღონისძიება გაიმართა შვეიცარიის, ავსტრიისა და დანიის მთავრობების და აშშ-ის საერთაშორისო განვითარების სააგენტოს (USAID) ფინანსური ხელშეწყობით.

July 12, 2018

“თბილისის ბიგ-ბენდის” და “ქართული ხმების” კონცერტი (EN)

14 ივლისს, 18:00 საათზე, ხობის კულტურის სახლის დიდ დარბაზში, „ქართული ხმების“, „თბილისის მერიის ბიგ-ბენდის“ და მაია ბარათაშვილის ერთობლივი საიუბილეო კონცერტი გაიმართება. კონცერტზე დასწრება თავისუფალია და ის ,,Chek in Georgi’’-ს ფარგლებში ტარდება.

July 12, 2018

გილოცავთ პეტრე-პავლობის დღესასწაულს (EN)

July 6, 2018

საერთაშორისო ფესტივალს ოქროს საწმისი (EN)

5 ივლისს, ქალაქმა ხობმა საერთაშორისო ფესტივალს - „ოქროს საწმისი“ უმასპინძლა. კულტურის სახლის დიდ დარბაზში შეკრებილი მაყურებლის წინაშე საქართველოს, უკრაინის, ისრაელის, ყაზახეთის, სლოვაკეთის და ბელარუსიის ქორეოგრაფიული ანსამბლები წარსდგნენ.
ღონისძიებას ფესტივალის ორგანიზატორები, საკრებულოსა და მერიის წარმომადგენლები ესწრებოდნენ.
ფესტივალი, 7 ივლისს, ქალაქ ბათუმში გალა კონცერტით დაიხურება.

June 29, 2018

საკრებულოს გასვლითი სხდომა (EN)

29 ივნისს საჯიჯაოს ადინისტრაციულ ერთეულის კულტურის სახლში გაიმართა ხობის მუნიციპალიტეტის საკრებულოს გასვლითი სხდომა. რომელსაც უძღვებოდა საკრებულოს თავმჯდომარე ედიშერ ჯობავა. სხდომას საკრებულოსა და მერიის ხელმძღვანელ პირებთან ერთად საზოგადოების წარმომადგენლებიც ესწრებოდნენ სხვადასხვა ადმინისტარციული ერთეულებიდან. სხდომაზე განხილულ იქნა დღის წესრიგით გათვალისწინებული საკითხები.
სხდომაზე ხობის მუნიციპალიტეტის მერმა გოჩა ქაჯაიამ საკრებულოს წევრებს 2017 წელს გაწეული მუშაობის შესახებ ანგარიში წარუდგინა. მერმა დეტალურად ისაუბრა 2017 წელს დაგეგმილ და განხორციელებულ პროექტებზე, საკრებულოს წევრების მხრიდან მერის მიერ გაწეული მუშაობა შეფასდა დადებითად, რის შემდეგაც საკრებულოს სხდომა დახურულად გამოცხადდა.

June 28, 2018

განცხადება ხობის მუნიციპალიტეტის საკრებულოს სხდომის შესახებ (EN)

ხობის მუნიციპალიტეტის საკრებულოს მორიგი, გასვლითი სხდომა გაიმართება
2018 წლის 29 ივნისს 1200 საათზე
ხობის მუნიციპალიტეტის საჯიჯაოს ადმინისტრაციული ერთეულის კულტურის სახლის დარბაზში.
სხდომის დღის წესრიგი:
1. „ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს N30 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

2. „ხობის საპატიო მოქალაქეობის მინიჭების წესის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N29 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

3. „ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №50 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);

4. „ხობის მუნიციპალიტეტში სკოლამდელი აღზრდისა და განათლების მომსახურების და სასკოლო მზაობის პროგრამის მიწოდების მონიტორინგის, შეფასების და ანგარიშგების სისტემის დამტკიცების შესახებ“ ხობის მუნიციპალიტეტის საკრებულოს 2017 წლის 29 სექტემბრის N34 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

5. „ხობის მუნიციპალიტეტში სკოლამდელი განათლების და სასკოლო მზაობის პროგრამის მომსახურების და დაწესებულების შიდა მონიტორინგისა და შეფასების სისტემის დამტკიცების შესახებ“ ხობის მუნიციპალიტეტის საკრებულოს 2017 წლის 29 სექტემბრის N35 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

6. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (უსასყიდლო უზუფრუქტის) უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

7. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

8. „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 28 მარტის N16 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

9. „ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N61 განკარგულებაში ცვლიელბის შეტანის თაობაზე“ განკარგულების პროექტის განხილვა;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე).

10. ხობის მუნიციპალიტეტის მერის 2017 წლის ანგარიშის მოსმენა.
(მომხსენებელი: გ. ქაჯაია - ხობის მუნიციპალიტეტის მერი).

June 28, 2018

ბიუროს სხდომა (EN)

28 ივნისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 19 ივნისის N63/01 განცხადების განხილვა:
• „ცოტნე დადიანის სახელობის ჯილდოს შემოღებისა და მინიჭების დებულების დამტკიცების თაობაზე“ ხობის მუნიციპალიტეტის საკრებულოს 2014 წლის 8 აგვისტოს N30 დადგენილებაში ცვლილების შეტანის თაობაზე“ დადგენილების პროექტის შესახებ;
• „ხობის საპატიო მოქალაქეობის მინიჭების წესის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N29 დადგენილებაში ცვლილების შეტანის თაობაზე“ დადგენილების პროექტის შესახებ;
• „ხობის მუნიციპალიტეტში სკოლამდელი განათლების და სასკოლო მზაობის პროგრამის მომსახურების და დაწესებულების შიდა მონიტორინგისა და შეფასების სისტემის დამტკიცების შესახებ“ ხობის მუნიციპალიტეტის საკრებულოს 2017 წლის 29 სექტემბრის N35 დადგენილებაში ცვლილების შეტანის თაობაზე“ დადგენილების პროექტის შესახებ;
• „ხობის მუნიციპალიტეტში სკოლამდელი აღზრდისა და განათლების მომსახურების და სასკოლო მზაობის პროგრამის მიწოდების მონიტორინგის, შეფასების და ანგარიშგების სისტემის დამტკიცების შესახებ“ ხობის მუნიციპალიტეტის საკრებულოს 2017 წლის 29 სექტემბრის N34 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2018 წლის 22 ივნისის N03/2877 წერილის განხილვა („ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №50 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2018 წლის 25 ივნისის N05/2891 წერილის განხილვა:
• „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ ხობის მუნიციპალიტეტის საკრებულოს 2017 წლის 28 მარტის N16 განკარგულებაში ცვლილების შეტანის თაობაზე“ განკარგულების პროექტის შესახებ;
• „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (უსასყიდლო უზუფრუქტის) უფლებით გადაცემაზე თანხმობის მიცემის შესახებ“ განკარგულების პროექტის თაობაზე;
• „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
(მომხსენებლები: ვ. ქანთარია - ხობის მუნიციპალიტეტის საკრებულოს
ქონების მართვისა და ინფრასტრუქტურის კომისიის თავმჯდომარე;

4. ხობის მუნიციპალიტეტის მერის გ. ქაჯაიას 2018 წლის 25 ივნისის N03/2892 წერილის განხილვა („ხობის მუნიციპალიტეტის მერის 2017 წლის ანგარიშის მოსმენის თაობაზე);
(მომხსენებელი: თ. გელანტია - ხობის მუნიციპალიტეტის საკრებულოს
საპროცედურო საკითხთა კომისიის თავმჯდომარე);

5. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 26 ივნისის N65/01 განცხადების განხილვა („ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N61 განკარგულებაში ცვლიელბის შეტანის თაობაზე“ განკარგულების პროექტის შესახებ).
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე).
საკრებულოს თავმჯდომარის წინადადებით და ბიუროს გადაწყვეტილებით ივნისის საკრებულოს მორიგი სხდომა გაიმართება საჯიჯაოს ადმინისტრაციულ ერთეულში.

June 28, 2018

შეხვედრა კულტურის სფეროს მუშაკებთან (EN)

საქართველოს პარლამენტის მაჟორიტარი წევრი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ხობის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურისა და ხობის მუნიციპალიტეტის კულტურულ- საგანმანათლებლო საზოგადოებრივი ცენტრის თანამშრომლებს შეხვდნენ.
შეხვედრა კითხვა-პასუხის რეჟიმში წარიმართა, სადაც ისაუბრეს ამ სფეროში არსებულ პრობლემებზე და გამოწვევებზე, საუბარი შეეხო კულტურის სფეროში მიმდინარე და დაგეგმილ პროექტებს.

June 23, 2018

დასრულდა ნოდარ შენგელიას სახელობის პირველობა მინიფეხბურთში (EN)

23 ივნისს, ქალაქ ხობში, ნოდარ შენგელიას სახელობის საფეხბურთო პირველობის ფინალური შეხვედრები გაიმართა. ტურნირში ხობის, მარტვილის, ფოთის და ზუგდიდის საფეხბურთო სკოლების 2007-2008 წლებში დაბადებული ფეხბურთელებით დაკომპლექტებული რვა გუნდი მონაწილეობდა. ფინალურ მატჩში ფოთელმა საფეხბურთო სკოლის ნორჩმა ფეხბურთელებმა ზუგდიდელი თანატოლები, ანგარიშით 4-1 დაამარცხეს და ტურნირის გამარჯვებული გახდნენ. ხოლო, მესამე ადგილი მარტვილის საფეხბურთო აკადემიის გუნდმა დაიკავა. საფეხბურთო პირველობის დასკვნით ღონისძიებას ხობის მუნიციპალიტეტის მერი გოჩა ქაჯაია, მერის მოადგილე მახარე ჩოკორაია და ნოდარ შენგელიას ოჯახის წევრები ესწრებოდნენ. გამარჯვებულ და პრიზიორ გუნდებს თასები, მედლები, სიგელები და ფასიანი საჩუქრები გადაეცათ.

June 22, 2018

„ოფთალმიჯის“ ექიმებმა მოსახლეობას გამოკვლევები ჩაუტარეს (EN)

22 ივნისს თვალის მიკროქირურგის ჯავრიშვილის კლინიკა „ოფთალმიჯის“ ექიმებმა ხობის მუნიციპალიტეტის ჭალადიდის ადმინისტრაციულ ერთეულში უფასო გამოკვლევები და კონსულტაციები გასწიეს ადგილობრივი მოსახლეობისთვის. აქციას ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი ხელისუფლების წარმომადგენლებთან ერთდ შეუერთდა.
როგორც "ოფთალმიჯის" წარმომადგენლება აღნიშნეს მსგავსი ტიპის შეხვედრები მომავალშიც გაგრძელდება.

June 21, 2018

ნოდარ შენგელიას სახელობის პირველობა მინიფეხბურთში (EN)

ქალაქ ხობში, ნოდარ შენგელიას სახელობის სტადიონზე სტარტი აიღო ნოდარ შენგელიას სახელობის პირველობამ მინიფეხბურთში. ტურნირში ხობის, მარტვილის, ფოთის და ზუგდიდის საფეხბურთო სკოლების 2006-2007 წლებში დაბადებული ფეხბურთელებით დაკომპლექტებული რვა გუნდი მონაწილეობს.
საფეხბურთო პირველობის გახსნისადმი მიძღვნილ ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა , მერი გოჩა ქაჯაია და ნოდარ შენგელიას ოჯახის წევრები ესწრებოდნენ.
ფინალური შეხვედრები 23 ივნისს, ნოდარ შენგელიას სახელობის სტადიონზე გაიმართება.

June 20, 2018

ადგილობრივებს პროგრამა „სტარტაპ საქართველო“ გააცნეს (EN)

ხობის მუნიციპალიტეტის მერიის სააქტო დარბაზში ზუგდიდის ტექნოპარკის მენეჯერი ანუკი ასათიანი ადგილობრივებს შეხვდა და პროგრამა „სტარტაპ საქართველო“ გააცნო.
სტარტაპ საქართველო" სს „საპარტნიორო ფონდის" მიერ დაფუძნდა. მისი მიზანია, ხელი შეუწყოს ბიზნესის განვითარებას საქართველოში.
ინოვაციურ კომპონენტში დაფინანსების მოპოვება შეუძლია საქართველოს მოქალაქე ნებისმიერ ფიზიკურ პირს, ან პირთა ჯგუფს, რომელთაც აქვთ ინოვაციური ბიზნეს იდეა. დასაშვებია ნებისმიერი სფეროს/დარგის დაფინანსება, რომელიც არ არის აკრძალული საქართველოს კანონმდებლობით. ინოვაციური იდეა გულისხმობს - ეკონომიკური ან სოციალური ღირებულების მქონე გამოყენებადი, ახალი ან მნიშვნელოვნად გაუმჯობესებული პროდუქტის, პროცესის, ან მომსახურების დანერგვას.
ბიზნეს იდეა უნდა იყოს ეკონომიკურად დასაბუთებული და საინვესტიციო თვალსაზრისით მიმზიდველი.
27-29 ივნისს, ზუგდიდის ტექნოპარკში გაიმართება სტარტაპ კვირეული, რომლის ფარგლებშიც დაინტერესებულ პირებს შესაძლებლობა ექნებათ შეხვდნენ სახელმწიფო და კერძო ორგანიზაციების წარმომადგენლებს და მათ საკუთარი იდეები გააცნონ.
შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა საკრებულოსა და მერიის წარმომადგენლებთან ერთად ესწრებოდა

June 19, 2018

19 ივნისი მამის საერთაშორისო დღეა (EN)

19 ივნისი მამის საერთაშორისო დღეა. დღესასწაული, მსოფლიოს მრავალ ქვეყანაში აღინიშნება. მათ შორის 2016 წლიდან საქართველოშიც აღინიშნება, რომლის ინიციატივა გაეროს მოსახლეობის ფონდის (UNFPA) ქართულ ოფისსა და ორგანიზაცია We Care -ს ეკუთვნის.
ხობის მუნიციპალიტეტის საკრებულოს თავმჯდომარემ ედიშერ ჯობავამ მამის საერთაშორისო დღე საკრებულოს თანამდებობის პირებთან ერთად მიულოცა დამსახურებულ ექიმს, უხუცეს ხობელს, ხობის საპატიო მოქალაქეს, მამას და ბაბუას ლუთინი ქავთარაძეს.

<<
<
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
...
>
>>