SAKREBULO OF KHOBI MUNICIPALITY

Home
news

news

April 12, 2017

ხობელ მკლავჭიდელთა წარმატება (EN)

10-11 აპრილს, თბილისში, საქართველოს სპორტისა და ახალგაზრდობის საქმეთა სამინისტროს მხარდაჭერითა და მკლავჭიდის ეროვნული ფედერაციის ორგანიზებით, მკლავჭიდში საქართველოს ღია ჩემპიონატი გაიმართა. პირველობაზე წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო ცენტრის“ სასპორტო სკოლის მკლავჭიდელებმა (მწვრთნელ-მასწავლებელი კობა თუთბერიძე). I ადგილი- დათუნა ჯიშკარიანი, 54 კგ. წონით კატეგორია (18 წლამდე); I I ადგილი- ბუბა თირქია, 54 კგ. წონითი კატეგორია (18 წლამდე); I ადგილი- დიტო ბუკია, 60 კგ. წონითი კატეგორია (18 წლამდე); I ადგილი- გიგა კოდუა, 60 კგ. წონითი კატეგორია (21 წლამდე); I I ადგილი- გოჩა სიჭინავა, 60 კგ. წონითი კატეგორია (21 წლამდე, მარჯვენა მკლავით); I I ადგილი- გოჩა სიჭინავა, 60 კგ. წონითი კატეგორია (21 წლამდე, მარცხენა მკლავით); III ადგილი- ანრი ბუკია, 60 კგ. წონითი კატეგორია (21 წლამდე); III ადგილი- ცოტნე ცხადაია, 60 კგ. წონითი კატეგორია (21 წლამდე); ვეტერან სპორტსმენთა შორის, 90 კილოგრამ წონით კატეგორიაში, საქართველოს ჩემპიონი კობა თუთბერიძე გახდა. გამარჯვებულ და საპრიზო ადგილებზე გასულ სპორტსმენებს თასები, მედლები და სიგელები გადაეცათ. ხობის მუნიციპალიტეტის საკრებულო ულოცავს ხობელ სპორტცმენებს ამ გამარჯვებას და შემდგომ წარმატებებს უსურვებს მათ.

April 11, 2017

ჩვენ გვახსოვს 9 აპრილი (EN)

ხობის მუნიციპალიტეტის კულტურულ-საგანმანათლებლო საზოგადოებრივი ცენტრის ორგანიზებით, ხობის მუნიციპალიტეტის საჯარო სკოლების უფროსკლასელების მონაწილეობით ხობის მოსწავლე-ახალგაზრდობის სახლში გაიმართა ღონისძიება „ჩვენ გვახსოვს 9 აპრილი“.
ღონისძიების მონაწილეებმა გაიხსენეს 1989 წლის 9 აპრილის მშვიდობიანი საპროტესტო აქციის დროს, საქართველოს დამოუკიდებლობის აღდგენის მიზნით, რუსთაველის ქუჩაზე შეკრებილი მანიფესტანტები და პატივი მიაგეს დაღუპულ გმირთა ხსოვნას.
ღონისძიების დასასრულს მოსწავლე-ახალგაზრდობის ცენტრის მიერ გამოცხადებულ ესეების კონკურსში „9 აპრილი და თანამედროვეობა“ გამოვლინდნენ გამარჯვებულები.
კონკურსში მონაწილეები დაჯილდოვდნენ სამახსოვრო პრიზებითა და სიგელებით.

April 9, 2017

9 აპრილის ტრაგედიიდან 28 წელი გავიდა (EN)

9 აპრილი, როგორც უდიდესი ტკივილისა და სიხარულის დღე ხობის მუნიციპალიტეტში პროგრამის მიხედვით სხვადასხვა ადგილას აღინიშნა. 1989 წლის 9 აპრილის მშვიდობიანი საპროტესტო აქციის დროს, საქართველოს დამოუკიდებლობის აღდგენის მიზნით, რუსთაველის ქუჩაზე შეკრებილი მანიფესტანტები საბჭოთა ხელისუფლებამ დაარბია და ათობით ადამიანი დახოცა.
ამ დღესთან დაკავშირებით ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი ხელისუფლების სხვა წარმომადგენლებმა ყვავილებით შეამკეს 9 აპრილის მემორიალი და პატივი მიაგეს დაღუპულ გმირთა ხსოვნას.
რის შემდეგაც მსვლელობა მოეწყო ხეთის ადმინისტრაციულ ერთეულში, სადაც 9 აპრილს დაღუპული გმირის ხობელი ნათია ბაშალეიშვილის სახელობის წყარო მდებარეობს.

April 9, 2017

გილოცავთ ბზობას (EN)

April 7, 2017

საზეიმო წირვა ლოცვა ხობის ღვთისმშობლის მიძინების ტაძარში (EN)

7 აპრილს, ხარების საუფლო დღესასწაულთან დაკავშირებით ხობის ღვთისმშობლის მიძინების ტაძარში საზეიმო წირვა-ლოცვა ტაძრის მოძღვარმა დეკანოზმა მამა ილია (ლომაია)აღავლინა.
საზეიმო წირვა ლოცვას მრევლთან ერთად, ადგილობრივი ხელისუფლების ხელმძღვანელი პირები ესწრებოდნენ.

April 7, 2017

გილოცავთ ხარების დღესასწაულს (EN)

April 6, 2017

გზის სამშენებლო სამუშაოები მიმდინარეობს (EN)

ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ ქალაქ ხობში, კონსტანტინე გამსახურდიას ქუჩაზე გზის სამშენებლო სამუშაოები დაათვალიერეს.
პროექტის ფარგლებში გამსახურდიას ქუჩაზე დაიგება ბეტონის საფარი, მოეწყობა მილხიდები, ეზოებში შესასვლელები და წყალსაწრეტი არხი.
პროექტის სახელშეკრულებო ღირებულება შეადგენს 239 ათას ლარს და მას ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს.

April 6, 2017

ანრი ჯგერენაიას სახელობის ტურნირი ფეხბურთში (EN)

6 აპრილს, ნოდარ შენგელიას სახელობის სტადიონზე სტარტი აიღო ანრი ჯგერენაიას სახელობის ტურნირმა მინი ფეხბურთში ბიჭუნათა შორის.
სპორტულ ღონისძიებაში ხობის მუნიციპალიტეტის რვა საჯარო სკოლის ბავშვთა გუნდი მონაწილეობს .
საფეხბურთო ტურნირის დასკვნითი შეხვედრები 12 აპრილს, ნოდარ შენგელიას სახელობის სტადიონზე გაიმართება.

April 5, 2017

ეტალონი-2017 შესარჩევი ტური (EN)

5აპრილს, ხობის მოსწავლე-ახალგაზრდობის სახლში ხობის ეტალონი მოსწავლის გამოსავლენად, საქართველოს ეროვნული რეგიონული გასვლითი თამაშების ჩემპიონატი ,,ეტალონი-2017'’ გაიმართა.
ინტელექტუალური კონკურსში მონაწილეობა მიიღო მუნიციპალიტეტის 27 საჯარო სკოლის 74 მოსწავლემ. ხობის მუნიციპალიტეტის 74 წარმატებული მოსწავლისგან ეტალონი მოსწავლის ტიტული ქალაქ ხობის N1 საჯარო სკოლის XI კლასის მოსწავლე ირაკლი ჯანაშია გახდა, რომელიც, თბილისში გასამართ ფინალურ ღონისძიებაში მიიღებს მონაწილეობას. ინტელექტუალურ კონკურსს, გულშემატკივრებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა,საკრებულოს საფინანსო-სარევიზიო კომისიის თავმჯდომარე ტარიელ ალექსანდრია, საკრებულოს სოციალურ საკითხთა კომისიის თავმჯდომარე დოდო გაბუნია, ხობის საგანმანათლებლო რესურსცენტრის უფროსი ბეატრის რუსია და გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია ესწრებოდნენ.
ხობის მუნიციპალიტეტის საკრებულო ულოცავს ირაკლი ჯანაშიას ადგილობრივ ეტალონის კონკურსში გამარჯვებას და უსურვებს საქართველოს მასშტაბით „ეტალონი მოსწავლის“ ტიტულის მოპოვებას.

April 5, 2017

შიდა სასოფლო გზის მოწყობა (EN)

5 აპრილს, ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ქვემო ქვალონის მაჟორიტარმა საკრებულოს წევრმა, საკრებულოს საფინანსო-სარევიზიო კომისიის თავმჯდომარემ ტარიელ ალექსანდრიამ ქვემო ქვალონის ადმინისტრაციულ ერთეულში შიდა სასოფლო გზის სამშენებლო სამუშაოები დაათვალიერეს.
პროექტის ფარგლებში მიმდინარეობს სანიაღვრე არხების, მილხიდებისა და ეზოებში შესასვლელების მოწყობა, რის შემდეგადაც განხორციელდება ტერიტორიის ასფალტის საფარით მოწყობ

April 4, 2017

გარემოზე ზემოქმედების შეფასების ანგარიშის განხილვა (EN)

4 აპრილს, ხობის მუნიციპალიტეტის გამგეობის სააქტო დარბაზში, სახიფათო ნარჩენების საწვავი ღუმელის (ინსინერატორის) მოწყობის და ექსპლუატაციის პროექტის გარემოზე ზემოქმედების შეფასების ანგარიშის საჯარო განხილვა გაიმართა. პროექტი, პირველი მაისის ადმინისტრაციულ ერთეულში სახიფათო ნარჩენების მოწყობა-ექსპლუატაციას ითვალისწინებს. გარემოზე ზემოქმედების შეფასების ანგარიში დამსწრე საზოგადოებას შპს „ეკომედის“ დირექტორმა კახაბერ ხუბუამ წარუდგინა. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი თვითმმართველობის ხელმძღვანელ პირებთან ერთად დაესწრო. დაინტერესებულ პირებს, საკუთარი მოსაზრების და შენიშვნების მიწოდება ორგანიზაციის წარმომადგენლებისთვის (9599158999; ecomedltd@yahoo.com) მიმდინარე წლის 11 აპრილამდე შეუძლიათ.

April 1, 2017

მელორი ზაქარაიას სახელობის თასის გათამაშება დასრულდა (EN)

1 აპრილს, ქალაქ ხობის ცენტრალურ სტადიონზე დასრულდა ვეტერანი ფეხბურთელის მელორი ზაქარაიას სახელობის თასის გათამაშება ფეხბურთში გოგონათა შორის.
ფინალურ შეხვედრაში ერთმანეთს ხობისა და ქუთაისის ფეხბურთელთა გუნდები დაუპირისპირდნენ, სადაც გამარჯვება ხობის გოგონათა გუნდმა მოიპოვა.
სპორტულ ღონისძიებას ვეტერანი ფეხბურთელის ოჯახის წევრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის პირველი მოადგილე ვარაზ გაბედავა და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე ესწრებოდნენ.
გამარჯვებულები თასებითა და სამახსოვრო სიგელებით დაჯილდოვდნენ.

March 31, 2017

ინსტიტუციური მექანიზმები მუნიციპალიტეტებში (EN)

31 მარტს ქ. ბათუმში გაიმართა კონფერენცია თემაზე, ,,ადგილობრივ თვითმმართველობაში გენდერული თანასწორობის ინსტიტუციური მექანიზმების დანერგვა’’. კონფერენციაში მონაწილეობას იღებდნენ საქართველოს სხვა და სხვა ქალაქისა და მუნიციპალიტეტის წარმომადგენლები და ხელმძღვანელი პირები, მოწვეულ სტუმრებს შორის იყვნენ ხობის მუნიციპალიტეტის საკრებულოს თავჯდომარე ედიშერ ჯობავა და მუნიციპალიტეტის გამგებელი გოჩა ქაჯაია. საუბარი შეეხო გენდერული თანასწორობის სტრატეგიას, ამ მიმართულებით ჩატარებულ თუ ჩასატარებელ ღონისძიებებს.
კონფერენცია გახსნა ქ. ბათუმის მერმა გიორგი ერმაკოვმა, ქალთა საინფორმაციო ცენტრის დირექტორმა ელენე რუსეცკაიამ და გაეროს განვითარების პროგრამის პროექტის მენეჯერმა მაკა მეშველიანმა.
შეხვედრა ორგანიზებული იყო ქალთა საინფორმაციო ცენტრის მიერ, გაეროს განვითარების პროგრამის (UNDP) და შვედეთის მთავრობის ხელშეწყობით, გაეროს ერთობლივი პროექტის „გენდერული თანასწორობისთვის“ ფარგლებში.

March 31, 2017

მელორი ზაქარაიას სახელობის თასის გათამაშება ფეხბურთში (EN)

31 მარტს, ქალაქ ხობის ცენტრალურ სტადიონზე სტარტი აიღო ვეტერანი ფეხბურთელის მელორი ზაქარაიას სახელობის თასის გათამაშებამ ფეხბურთში გოგონათა შორის.
სპორტულ ღონისძიებაში გოგონათა ექვსი გუნდი მონაწილეობს.
საფეხბურთო ტურნირის დასკვნითი შეხვედრები 1 აპრილს ქ. ხობის ცენტრალურ სტადიონზე გაიმართება.

March 31, 2017

31 მარტი საქართველოს პირველი პრეზიდენტის ზვიად გამსახურდიას დაბადების დღეა (EN)

1991 წლის 31 მარტს ჩატარდა საერთო-სახალხო კენჭისყრა-რეფერენდუმი საქართველოს დამოუკიდებლობის შესახებ.

<<
<
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
...
>
>>