ხობის მუნიციპალიტეტის საკრებულო

სიახლეები

აგვისტო 8, 2017

დასრულდა მიხეილ იოსავას სახელობის ტურნირი ბილიარდში

დასრულდა, აგვისტოს ომის დროს დაღუპული რეზერვისტის, მიხეილ იოსავას სახელობის თასის გათამაშება ბილიარდში. 20 ადგილობრივი მობილიარდე ტურნირის გამარჯვებულის ტიტულის მოსაპოვებლად ბილიარდის ორ სახეობაში - ,,პული" და ,,თავისუფალი პირამიდა“ ეჯიბრებოდა ერთმანეთს. ,,თავისუფალ პირამიდაში“ გამარჯვებული სანდრო ჩიტაია, ხოლო ,,პულში" ნიკა ფაჩულია გახდა. გამარჯვებულ და საპრიზო ადგილებზე გასულ მოთამაშეებს თასები, მედლები და სიგელები გადაეცათ. სპორტული ღონისძიების დაჯილდოების ცერემონიას, ადგილობრივი თვითმმართველობის წარმომადგენლებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია ესწრებოდნენ. სპორტული ღონისძიება, ადგილობრივი თვითმმართველობის მხარდაჭერითა და ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის ორგანიზებით განხორციელდა

აგვისტო 8, 2017

ომში დაღუპული გმირების ხსოვნა

8 აგვისტოს ხობის მუნიციპალიტეტის ადგილობრივი ხელისუფლების წარმომადგენლებმა და საზოგადოების წევრებმა 2008 წლის 8 აგვისტოს ომში დაღუპული გმირები კიდევ ერთხელ გაიხსენეს და სამშობლოსათვის თავდადებულ გმირთა მემორიალი გვირგვინებით შეამკეს, სანთლები დაუნთეს გარდაცვლილთა სულებს და გაიხსენეს თითოეული მათგანი. მოსახსენიებელი პანაშვიდი სამების ტაძრის წინამძღვარმა დეკანოზმა კირიონმა (დარასელია) გადაიხადა.

აგვისტო 4, 2017

გოგა ჭითანავას და ლევან ტურავას სახელობის ტურნირი მინი ფეხბურთში

4 აგვისტოს სტარტი აიღო 2008 წელს ტრაგიკულად დაღუპული რეზერვისტების, გოგა ჭითანავასა და ლევან ტურავას სახელობის რიგით მეცხრე გათამაშებამ მინი ფეხბურთში. ტურნირი საფეხბურთო კლუბ „კოლხეთის“ ორგანიზებით და ადგილობრივი თვითმმართველობის მხარდაჭერით ხორციელდება და მასში 6 გუნდი მონაწილეობს. ფინალური შეხვედრა 8 აგვისტოს ხეთაში გოგა ჭითანავას სახელობის სტადიონზე გაიმართება.

აგვისტო 3, 2017

მიხეილ იოსავას სახელობის ტურნირი ბილიარდში

3 აგვისტოს ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის ორგანიზებით სტარტი აიღო მიხეილ იოსავას სახელობის ტურნირმა ბილიარდში. სპორტული შეჯიბრი ბილიარდის ორ სახეობაში - ,,პული" და ,,თავისუფალი პირამიდა“ ტარდება და მასში 20 მობილიარდე მონაწილეობს. სპორტული ღონისძიების გახსნის ცერემონიალს ადგილობრივი თვითმმართველობის წარმომადგენლებთან ერთად, ხობის მუნიციპალიტეტის გამგებელი გოჩა ქაჯაია ესწრებოდა.

აგვისტო 3, 2017

ხობის მუნიციპალიტეტის საკრებულოს თავმჯდომარის მილოცვა

ძვირფასო ახალგაზრდებო, უდიდესი სიხარულით გილოცავთ, თქვენი ცხოვრების გზაზე ამ მნიშვნელოვან წარმატებას - სტუდენტობას! გისურვებთ, ნაყოფიერად გამოგეყენებინოთ ეს წლები ცოდნის მწვერვალების დასაძლევად, რათა ჩამოყალიბდეთ მაღალკვალიფიცირებულ სპეციალისტებად თქვენი ოჯახებისა და ქვეყნის საკეთილდღეოდ!

ღმერთმა გაგაძლიეროთ სტუდენტურ ცხოვრებასა და წარმატებების მიღწევაში!

ედიშერი ჯობავა

ხობის მუნიციპალიტეტის საკრებულოს თავმჯდომარე

აგვისტო 3, 2017

კობა შუბითიძის სახელობის თასის გათამაშება ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში სტარტი აიღო, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშებამ ფეხბურთში. ტურნირში ახალსოფლის, საგვიჩიოს, შავღელეს, ჭალადიდის ადმინისტრაციული ერთეულების გუნდებთან ერთად, ქუთაისის მესამე ქვეითი ბრიგადის, სენაკის მეორე ქვეითი ბრიგადის, ხონის მეორე საარტილერიო ბრიგადის და ეროვნული გვარდიის გუნდები მონაწილეობენ.
ტურნირის გახსნის ცერემონიას ხობის მუნიციპალიტეტისსაკრებულოს ფრაქცია „ქართული ოცნება - დემოკრატიული საქართველოს“ თავმჯდომარე ლევან ქავთარაძე, ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე გოჩა სიჭინავა ადგილობრივი თვითმმართველობის წარმომადგენლებთან ერთად ესწრებოდნენ.
სპორტული ღონისძიება ადგილობრივი თვითმმართველობის მხარდაჭერითა და ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.
2 აგვისტო სენაკის მეორე ქვეითი ბრიგადა - ხონის მეორე ქვეითი საარტილერიო ბრიგადა-18 00 სთ;
3 აგვისტო ქუთაისის მესამე ქვეითი ბრიგადა - შავღელე- 18:00 სთ;
4 აგვისტო საგვიჩიო- ახალსოფელი -18:00 სთ;
5 აგვისტო სენაკის მეათე კადრირებული ბრიგადა (გვარდია)- ჭალადიდი-18:00 სთ;
6 აგვისტო II წყვილის გამარჯვებული - III წყვილის გამარჯვებული-18:00 სთ;
7 აგვისტო I წყვილის გამარჯვებული- IV წყვილის გამარჯვებული-18:00 სთ.

9 აგვისტო
1. მატჩი მესამე ადგილისათვის -16:30 სთ;
2. ფინალი -18:00 სთ.

ივლისი 31, 2017

საკრებულოს სხდომა

31 ივლისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
დღევანდელ სხდომაზე განხილულ იქნა დადგენილების პროექტი „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“, რომლის თანახმადაც 2017 წლის პირველი იანვრის მდგომარეობით არსებული ნაშთი 116.7 ათასი ლარი და ბიუჯეტიდან გამოთავისუფლებული 140,3 ათასი ლარი სულ 257,0 ათასი ლარი მიიმართა შემდეგ ღონისძიებათა დასაფინანსებლად: „პრიორიტეტის ინფრასტრუქტურის მშენებლობა, რეაბილიტაცია და ექსპლუატაციის ასიგნებებზე“ 222,0 ათასი ლარი, პრიორიტეტის „მოსახლეობის ჯანმრთელობისა დაცვა და სოციალური უზრუნველყოფა“ ასიგნებებზე 35,0 ათასი ლარი. საკრებულოზე ასევე მოსმენილ იქნა ხობის მუნიციპალიტეტის 2017 წლის იანვარ-ივნისის თვის ბიუჯეტის შესრულების ანგარიში, რომელიც საკრებულოს მიერ ცნობად იქნა მიღებული.
რაც შეეხება „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №15 დადგენილებაში ცვლილების შეტანის თაობაზე“ ხობის მუნიციპალიტეტის საკრებულოს 2017 წლის 29 ივნისის №16 დადგენილებაში ცვლილების შეტანის შესახებ“ და „ხობის მუნიციპალიტეტის გამგეობის საშტატო ნუსხის დამტკიცებისა და თანამდებობის პირთა და პროფესიულ საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტებს ცვლილებები განხორციელდა საკრებულოს ნორმატიული აქტების სამართლებრივი ზედამხედველობის ფარგლებში საქართველოს მთავრობის ადმინისტრაციის იურიდიული დეპარტამენტიდან მიღებული რეკომენდაციის შესაბამისად, რომლის თანახმადაც გარდა პოლიტიკური თანამდებობის პირების და პროფესიული საჯარო მოხელეების თანამდებობრივი სარგოების ოდენობისა, დადგენილებით განისაზღვრა შრომითი ხელშეკრულებით დასაქმებულ პირთა სახელფასო სარგოები.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ივლისი 31, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2017 წლის 31 ივლისს 12:00 საათზე საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის გამგებლის მოვალეობის შემსრულებელი;
თანამომხსენებელი: დ. ჭოჭუა - ხობის მუნიციპალიტეტის გამგეობის საფინანსო-საბიუჯეტო სამსახურის უფროსი);

2. „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №15 დადგენილებაში ცვლილების შეტანის თაობაზე“ ხობის მუნიციპალიტეტის საკრებულოს 2017 წლის 29 ივნისის №16 დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის გამგებლის მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

3. „ხობის მუნიციპალიტეტის გამგეობის საშტატო ნუსხის დამტკიცებისა და თანამდებობის პირთა და პროფესიულ საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ვ. გაბედავა - ხობის მუნიციპალიტეტის გამგებლის მოვალეობის შემსრულებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

4. ხობის მუნიციპალიტეტის 2017 წლის იანვარ-ივნისის თვის ბიუჯეტის შესრულების ანგარიშის თაობაზე;
(მომხსენებელი: ვ. გაბედავა - ხობის მუნიციპალიტეტის გამგებლის მოვალეობის შემსრულებელი;
თანამომხსენებელი: დ. ჭოჭუა - ხობის მუნიციპალიტეტის გამგეობის საფინანსო-საბიუჯეტო სამსახურის უფროსი);

5. ხობის მუნიციპალიტეტის საკრებულოს წევრის ე. წურწუმიას განცხადება.
(მომხსენებელი: ე. წურწუმია - ხობის მუნიციპალიტეტის საკრებულოს წევრი).

ივლისი 31, 2017

ბიუროს სხდომა

31 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის საკრებულოს წევრის ე. წურწუმიას 2017 წლის 17 ივლისის N327 განცხადების განხილვა (ხობის მუნიციპალიტეტის საკრებულოს მორიგ სხდომაზე განცხადების გაკეთების თაობაზე);
(მომხსენებელი: ნ. შუშანია - საკრებულოს სამანდატო-საპროცედურო საკითხთა
კომისიის თავმჯდომარე);

2. ხობის მუნიციპალიტეტის გამგებლის მოვალეობის შემსრულებლის მ. ჩოკორაიას 2017 წლის 17 ივლისის N04/2990 წერილის განხილვა (ხობის მუნიციპალიტეტის 2017 წლის იანვარ-ივნისის თვის ბიუჯეტის შესრულების ანგარიშის თაობაზე);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);

3. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2017 წლის 27 ივლისის N04/3129 წერილის განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);

4. ხობის მუნიციპალიტეტის საინიციატივო ჯგუფის 2017 წლის 27 ივლისის N341 განცხადების განხილვა (ფ. გოცირიძისთვის ხობის საპატიო მოქალაქის წოდების მინიჭების თაობაზე);
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე);

5. ხობის მუნიციპალიტეტის კულტურულ - საგანმანათლებლო საზოგადოებრივი ცენტრის 2017 წლის 27 ივლისის N129 წერილის განხილვა (ნ. ზარანდიასთვის და ი. გეთიასთვის ხობის საპატიო მოქალაქის წოდების მინიჭების თაობაზე);
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე);

6. ხობის მუნიციპალიტეტის გამგებლის მოვალეობის შემსრულებლის ვ. გაბედავას 2017 წლის 28 ივლისის N03/3160 წერილის განხილვა:
• „ხობის მუნიციპალიტეტის გამგეობის დებულების დამტკიცების შესახებ“ ხობის მუნიციპალიტეტის საკრებულოს 2014 წლის 28 ივლისის №15 დადგენილებაში ცვლილების შეტანის თაობაზე” ხობის მუნიციპალიტეტის საკრებულოს 2017 წლის 29 ივნისის №16 დადგენილებაში ცვლილების შეტანის შესახებ“ დადგენილების პროექტის თაობაზე;
• „ხობის მუნიციპალიტეტის გამგეობის საშტატო ნუსხის დამტკიცებისა და თანამდებობის პირთა და პროფესიულ საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის საკითხთა კომისიის თავმჯდომარე);

7. ფაზისის საერო - სამეცნიერო აკადემიის პრეზიდიუმის წევრების 2017 წლის 28 ივლისის N345 განცხადების განხილვა (მ. ბუკიასთვის ხობის საპატიო მოქალაქის წოდების მინიჭების თაობაზე);
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე);

8. ს.ს. სამედიცინო კორპორაცია „ევექსის“ ხობის ჰოსპიტალის თანამშრომლების 2017 წლის 28 ივლისის N348 განცხადების განხილვა (რ. მიხელაშვილისთვის ხობის საპატიო მოქალაქის წოდების მინიჭების თაობაზე);
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე);

ივლისი 27, 2017

წარჩინებულ კურსდამთავრებულთა დაჯილდოება

27 ივლისს ხობის მუნიციპალიტეტის საკრებულოს სხდომათა დარბაზში, საკრებულოს ორგანიზებით გაიმართა ხობის მუნიციპალიტეტის საჯარო სკოლების 2016 წლის წარჩინებულ კურსდამთავრებულებთან და სკოლის დირექტორებთან შეხვედრა. შეხვედრის მონაწილეებს საკრებულოს სახელით გადაეცათ მადლობის სიგელები და სამახსოვრო საჩუქრები.
საკრებულოს ბიუროს წევრებმა კურსდამთავრებულებს მიულოცეს სკოლის წარმატებით დამთავრება და შემდგომი წარმატებები უსურვეს მათ, ხოლო პედაგოგებს მადლობა გადაუხადეს წარჩინებული მოსწავლეების აღზრდისთვის.

ივლისი 27, 2017

კონცერტი ხეთის თეატრონზე

ხობის მუნიციპალიტეტის კულტურულ-საგანმანათლებლო საზოგადოებრივი ცენტრის ორგანიზებითა და ადგილობრივი თვითმმართველობის მხარდაჭერით, ხეთის თეატრონზე გაიმართა კონცერტი, რომელიც მიეძღვნა ხობის მუნიციპალიტეტის საჯარო სკოლების კურსდამთავრებულებს. კონცერტზე მაყურებლის წინაშე ძველი და ახალი სიმღერებით წარსდგნენ „ნიკოლშოუ“ და დავით არჩვაძე. შემსრულებლებმა ხობელ მაყურებლებს სასიამოვნო სანახაობა მოუწყვეს და მსმენელზე დიდი შთაბეჭდილება დატოვეს. ღონისძიების დასასრულს საკრებულოს თავმჯდომარემ ე. ჯობავამ სიტყვით მიმართა თეატრონზე შეკრებილ ახალგაზრდებს და აღნიშნა, რომ მუნიციპალიტეტში გაგრძელდება ახალგაზრდული პროგრამების განხორციელება და კურსდამთავრებულებს ეროვნული გამოცდების წარმატებით ჩაბარება, ბედნიერი და წარმატებული სტუდენტობა უსურვა.

ივლისი 26, 2017

„პეტიცია - ხალხის ხმა თვითმმართველობაში“

26 ივლისს, ხობის მუნიციპალიტეტის საკრებულოს თავმჯდომარე ე. ჯობავა და საკრებულოს აპარატის უფროსი ლ. შამათავა, გამგეობის ხელმძღვანელ პირებთან ერთად შეხვდნენ ასოციაცია „ათინათის“ წარმომადგენელს აკაკი კოროშინაძეს, „დემოკრატიის ინსტიტუტის“ იურისტს რამინ გვარიშვილს და ჟურნალისტს ლანა ძაძამიას. შეხვედრაზე მხარეებმა ისაუბრეს ადგილობრივი თვითმმართველობის ორგანოების საქმიანობაში მოსახლეობის ჩართულობაზე.
„დემოკრატიის ინსტიტუტის“ მიერ, USAID -ის მხარდაჭერით ხორციელდება პროექტი „პეტიცია - ხალხის ხმა თვითმმართველობაში“, პროექტის მიზანია მოქალაქეთა გააქტიურება პრობლემების გამოვლენისა და პეტიციების მომზადების თვალსაზრისით, შემდგომ მათი საკრებულოში წარდგენისა და ადვოკატირების მიზნით.

ივლისი 26, 2017

ხობის ცენტრალურ ბიბლიოთეკაში წიგნის პრეზენტაცია გაიმართა

თედო სახოკიას სახელობის ხობის ცენტრალურ ბიბლიოთეკაში არასამთავრობო ორგანიზაცია „რადარამის“ მიერ გამოცემული წიგნის: „საგზაო მოძრაობა - რატომ ვატარებთ მანქანას ისე, როგორც ვატარებთ“ პრეზენტაცია გაიმართა. ტომ ვანდერბილთის წიგნში მანქანის ტარების მანერასა და პირის ფსიქოტიპს შორის მჭიდრო კავშირზეა საუბარი. ავტორის აზრით, საკმარისია, დავაკვირდეთ ადამიანს მანქანის ტარების პროცესში და გავიგოთ, როგორაა მოწყობილი მისი ტვინი, როგორ ურთიერთობას ამყარებს ის, ზოგადად, გარესამყაროსთან. საგზაო მოძრაობა გაცილებით მეტია, ვიდრე თქვენ გგონიათ, ის ძალიან ნათლად წარმოაჩენს ადამიანურ ბუნებას. ეს წიგნი სრულიად ახალი თვალით დაგანახებთ საკუთარ თავს და მთელ მსოფლიოს. და ვინ იცის? იქნებ უკეთეს მძღოლებადაც გაქციოთ?
არასამთავრობო ორგანიზაციის წარმომადგენლებმა ბიბლიოთეკას მათ მიერ გამოცემული წიგნების ეგზემპლარები უსასყიდლოდ გადასცეს.
"რადარამი" ქართულად თარგმნის და გამოსცემს მსოფლიო მასშტაბით აღიარებულ, პოპულარულ ენაზე დაწერილ სამეცნიერო, შემეცნებით, ბიოგრაფიულ და სხვა ჟანრის წიგნებს, რომლებიც ბოლო ხანებში სხვადასხვა ქვეყანაში გამოქვეყნდა.

ივლისი 26, 2017

ქ. ხობში მიმდინარე სამუშაოები საკრებულოს თავმჯდომარემ დაათვალიერა

საქართველოს რეგიონებში განსახორციელებელი პროექტების ფონდიდან ხობის მუნიციპალიტეტისთვის გამოყოფილი თანხითა და ადგილობრივი ბიუჯეტის თანადაფინანსებით ქ. ხობში ა. შანიძის, ზ. ფალიაშვილის, ი. ჭავჭავაძის, გუბაზ მეფისა და ტერენტი გრანელის ქუჩებზე მიმდინარეობს გზის საფარის ასფალტო-ბეტონით მოასფალტება.
პროექტის სახელშეკრულებო ღირებულება შეადგენს 597 ათას ლარს, სამუშაოებს ახორცილებს შპს „შარა - გზამშენი პირველი“.
მიმდინარე სამუშაოებს ადგილზე გაეცნო ხობის მუნიციპალიტეტის საკრებულოს თავმჯდომარე ედიშერ ჯობავა.

ივლისი 23, 2017

სახალხო დღესასწაული „ფაზისობა 2017“

22 ივლისს, ქალაქ ფოთში სახალხო დღესასწაული „ფაზისობა 2017“ აღინიშნა. ღონისძიების ფარგლებში გაიმართა სხვადასხვა სახის კულტურული, შემოქმედებითი და გასართობი ღონისძიებები.
სახალხო დღესასწაულის პროგრამის მიხედვით ფოთის ცენტრალურ პარკში ქალაქის ხელმძღვანელმა პირებმა, ხობის მუნიციპალიტეტის საკრებულოს თავჯდომარემ ედიშერ ჯობავამ თამაში ”ქალაქის საგანძური” და სხვა სპორტული შეჯიბრის გამარჯვებულების დაჯილდოების ცერემონიალში მიიღეს მონაწილეობა.

<<
<
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
...
>
>>