ხობის მუნიციპალიტეტის საკრებულო

სიახლეები

თებერვალი 21, 2018

„KTW“-ს თხილის პლანტაციები ზემო ქვალონში.

შპს „კახური ტრადიციული მეღვინეობა“ (KTW) ზემო ქვალონის ადმინისტრაციულ ერთეულში ორ სხვადასხვა მიწის ნაკვეთზე, რომელთა ფართობი 93 და 114 ჰექტარს აღემატება, აქტიურად ახორციელებს თხილის პლანტაციების გაშენების სამუშაოებს. ამ ეტაპზე 80 ჰექტარ მიწის ნაკვეთზე ირგვება თხილის ჯიშები. მიმდინარე სამუშაოებს დღეს, ხობის მუნიციპალიტეტის საკრებულოს თავმჯდომარე ედიშერ ჯობავა ადგილობრივი ხელისუფლების წარმომადგენლებთან ერთად გაეცნო. სამუშაოებზე ადგილობრივი მოსახლეობაა დასაქმებული, როგორც „KTW“-ს ხობის წარმომადგენელმა კახა გვასალიამ აღნიშნა მუშა ხელთა რაოდენობა მომავალში უფრო გაიზრდება და უფრო მეტი ადგილობრივი მოსახლეობა დასაქმდება.

თებერვალი 19, 2018

შუა ხორგის მოსახლეობას უფასო გამოკვლევები ჩაუტარდა

19 თებერვალს ხობის მუნიციპალიტეტის საკრებულოს თავმჯდომარის ედიშერ ჯობავას ინიციატივით შუა ხორგის ადმინისტრაციული ერთეულის მოსახლეობისთვის ექიმებმა უფასო გამოკვლევები და კონსულტაციები ჩაატარეს. ადგილობრივებს შესაძლებლობა მიეცათ მიეღოთ კარდიოლოგის, თერაპევტისა და პედიატრის კონსულტაციები, კარდიოლოგიური პროფილის ავადმყოფებს ჩაუტარდათ კარდიოლოგიური კვლევა.

თებერვალი 16, 2018

დასრულდა დათა ხურცილავას სახელობის ტურნირი ფეხბურთში

16 თებერვალს, დათა ხურცილავას სახელობის სტადიონზე, აგვისტოს ომის დროს დაღუპული რეზერვისტის, დათა ხურცილავას სახელობის პირველობის ფინალური შეხვედრები გაიმართა. ტურნირის გამარჯვებული ხობის „ჭყონდიდელი“ფეხბურთელთა გუნდი გახდა, რომელმაც ფინალურ შეხვედრაში ხეთის ადმინისტრაციული ერთეულის გუნდი, ანგარიშით 7-3 დაამარცხა; ხოლო მესამე ადგილი სენაკის მეორე ქვეითი ბრიგადის გუნდმა დაიკავა.
ტურნირის გამარჯვებულ და საპრიზო ადგილებზე გასულ გუნდებს, ინდივიდუალურ ნომინაციებში საუკეთესოდ დასახელებულ ფეხბურთელებს თასები, სიგელები და საჩუქრები გადაეცათ.
სპორტულ ღონისძიებას დათა ხურცილავას ოჯახის წევრებთან ერთად, ადგილობრივი თვითმმართველობის წარმომადგენლები ესწრებოდნენ.
საფეხბურთო პირველობა, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

თებერვალი 15, 2018

მირქმას გილოცავთ

თებერვალი 12, 2018

გარემოზე ზემოქმედების შეფასების ანგარიშის საჯარო განხილვა

12 თებერვალს, ხობის მუნიციპალიტეტის მერიის სააქტო დარბაზში „ნავთობგადამამუშავებელი ქარხნის მშენებლობის და ექსპლუატაციის“ პროექტის გარემოზე ზემოქმედების შეფასების ანგარიშის საჯარო განხილვა გაიმართა.
შპს „ფაზის ოილი“ ყულევის ადმინისტრაციულ ერთეულში ნავთობგადამამუშავებელი ქარხნის მშენებლობას გეგმავს. ქარხანა დღე-ღამეში 500 ტონაზე მეტ ნედლეულს გადაამუშავებს და დასაქმდება 350 მუშახელი (70% ადგილობრივი); ინვესტიციის მოცულობა ერთ მილიარდ ლარამდეა. კომპანია ქარხნის მშენებლობაზე 600-700 ადამიანის დასაქმებას გეგმავს.
შეხვედრას ხობის მუნიციპალიტეტის მერი გოჩა ქაჯაია, მერის პირველი მოადგილე ვარაზ გაბედავა, მერიის შესაბამისი სამსახურებისა და საქართველოს გარემოს დაცვისა და სოფლის მეურნეობის სამინისტროს წარმომადგენლები ესწრებოდნენ.

თებერვალი 12, 2018

დათა ხურცილავას სახელობის ტურნირი მინი ფეხბურთში დაიწყო

12 თებერვალს ქ. ხობში „დათა ხურცილავას სახელობის სტადიონზე“ სტარტი აიღო 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის რიგით მეათე გათამაშებამ მინი ფეხბურთში.ღონისძიების გახსნის ცერემონიას დათა ხურცილავას ოჯახის წევრებთან ერთად, ხობის მუნიციპალიტეტის მერი გოჩა ქაჯაია და მერის პირველი მოადგილე ვარაზ გაბედავა ესწრებოდნენ. მინი ფეხბურთის შეჯიბრში რვა გუნდი იღებს მონაწილეობას. ფინალური მატჩი 16 თებერვალს დათას დაბადების დღეს გაიმართება.სპორტული ღონისძიება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.

თებერვალი 8, 2018

კონფერენცია „ისტორია მოძღვარია ერისა“

8 თებერვალს ხობის თედო სახოკიას ცენტრალურ ბიბლიოთეკაში გაიმართა ივანე ჯავახიშვილის სახელობის თბილისის სახელმწიფო უნივერსიტეტის 100 წლის იუბილესადმი მიძღვნილი მკითხველთა კონფერენცია „ისტორია მოძღვარია ერისა“. კავკასიაში პირველი ეროვნული უნივერსიტეტი 1918 წლის 26 იანვარს (ახალი სტილით, 8 თებერვალს), დავით აღმაშენებლის ხსენების დღეს გაიხსნა. უნივერსიტეტის პირველ რექტორად, ივანე ჯავახიშვილის წინადადებით, პროფესორთა საბჭომ პეტრე მელიქიშვილი აირჩია, ხოლო თავად ივანე ჯავახიშვილი სიბრძნისმეტყველების ფაკულტეტს ჩაუდგა სათავეში. თბილისის სახელმწიფო უნივერსიტეტი დღემდე ერთადერთი უნივერსიტეტია არამარტო საქართველოში, არამედ კავკასიის რეგიონში, რომელიც 2018 წლის საერთაშორისო რეიტინგის მიხედვით მსოფლიოს საუკეთესო უნივერსიტეტების 2%-ში შედის (The U.S.News&World Report). საიუბილეო საღამოს საზოგადოების სხვადასხვა სფეროს წარმომადგენლებთან ერთად ადგილობრივი ხელისუფლების წარმომადგენლები ესწრებოდნენ.

თებერვალი 8, 2018

საჯიჯაოში საბავშვო ბაღის რეაბილიტაცია დასრულდა

ხობის მუნიციპალიტეტის საჯიჯაოს ადმინისტრაციულ ერთეულში საბავშვო ბაღის რეაბილიტაცია დასრულდა. საბავშვო ბაღი საქართველოს პარლამენტის წევრმა ირაკლი (დაჩი) ბერაიამ, სამეგრელო-ზემო სვანეთის მხარეში სახელმწიფო რწმუნებულმა ლევან შონიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და მერმა გოჩა ქაჯაიამ გახსნეს. დღეიდან, სასწავლო-აღმზრდელობითი პროცესი კეთილმოწყობილ გარემოში წარიმართება. პროექტის შესაბამისად განხორციელდა ბაღის სრული რეაბილიტაცია - კეთილმოეწყო შენობის ინტერიერი, ექსტერიერი, ეზო და სათამაშო მოედანი, შეიცვალა ელექტროგაყვანილობის და კანალიზაციის სისტემები. ინფრასტრუქტურული პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით განხორციელდა და მისმა სახელშეკრულებო ღირებულება 174 ათასი ლარი შეადგინა. სამუშაოზე 20 მუშახელი იყო დასაქმებული. საბავშვო ბაღების ინფრასტრუქტურის მოწესრიგება ადგილობრივი თვითმმართველობის ძირითად პრიორიტეტს წარმოადგენს. 2013 წლიდან დღემდე აშენდა ერთი, ნაწილობრივ შეკეთდა 22 და სრულად კეთილმოეწყო 4 საბავშვო ბაღი.

თებერვალი 6, 2018

ხობის მუნიციპალიტეტის საკრებულოს თავმჯდომარე მოკრივეებს შეხვდა

6 თებერვალს ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს კომისიისა და ფრაქციების თავმჯდომარეები ხობელ სპორტსმენებს და მწვრთნელ-მასწავლებლებს შეხვდნენ. ბიჭებმა საკმაოდ წარმატებით იასპარეზეს ახალგაზრდა მოკრივეთა საქართველოს ჩემპიონატის ფინალური ორთაბრძოლებში, ნიკა ჯაკონიამ 64 კგ წონით კატეგორიაში საქართველოს ჩემპიონის ტიტული მფლობელი გახდა, ხოლო 60 კგ წონით კატეგორიაში ბაკურ ჩიქოვანმა ვერცხლის მედალი მოიპოვა.
საკრებულოს თავმჯდომარემ ედიშერ ჯობავამ ნორჩ სპორტსმენებს მიულოცა მიღწეული გამარჯვება და შემდგომი წარმატებებები უსურვეს მათ.

თებერვალი 5, 2018

ხობელ მოკრივეთა წარმატება.

4 თებერვალს, ქ. თბილისში სპორტ-კომპლექს „დკდ“-ში გაიმართა ახალგაზრდა მოკრივეთა საქართველოს ჩემპიონატის ფინალური ორთაბრძოლები.
ფინალში ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სასპორტო სკოლის ორმა მოკრივემ წარმატებით იასპარეზა, 64 კგ წონით კატეგორიაში საქართველოს ჩემპიონი გახდა ნიკა ჯაკონია, ხოლო ვერცხლის მედალი 60 კგ წონით კატეგორიაში ბაკურ ჩიქოვანმა მოიპოვა (მწვრთნელები: ედიკა თოდუა და თემურ აბულაძე).
ფინალურ ორთაბრძოლებს საქართველოს პარლამენტის წევრი ხობის მაჟორიტარი დეპუტატი ირაკლი (დაჩი) ბერაია დაესწრო და გამარჯვებულების დაჯილდოების ცერემონიალში მიიღო მონაწილეობა.
ხობის მუნიციპალიტეტის საკრებულო ულოცავს ჩვენს მოკრივეებს გამარჯვებას და შემდგომ წარმატებებს უსურვებს მათ.

თებერვალი 2, 2018

საკრებულოს რიგგარეშე სხდომა

2 თებერვალს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. რიგგარეშე სხდომაზე განხილულ დღის წესრიგით გათვალისწინებული ერთი საკითხი, დადგენილების პროექტი: „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N67 დადგენილებაში ცვლილების შეტანის თაობაზე“, რომლის თანახმადაც მუნიციპალიტეტის ბიუჯეტში ასახულ იქნა 2018 წლის პირველი იანვრის მდგომარეობით არსებული ნაშთი 168.5 ათასი ლარის ოდენობით. აღნიშნული თანხა მიიმართა სხვადასხა ღონისძიებების დასაფინანსებლად კერძოდ: „ინფრასტრუქტურის მშენებლობა, რეაბილიტაცია, ექსპლუატაციაზე“, ასევე „კულტურა, რელიგია, ახალგაზრდული და სპორტული ღონისძიებების“ ასიგნებებზე. 2018 წლის ადგილობრივი ბიუჯეტის მთლიანი მოცულობა შეადგენა 10669,9 ათას ლარს. დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

თებერვალი 1, 2018

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის მერის წინადადების საფუძველზე, საკრებულოს რიგგარეშე სხდომა გაიმართება 2018 წლის 2 თებერვალს 11:00 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის განხილვა
(მომხსენებელი: გ. ქაჯაია - მუნიციპალიტეტის მერი;
თანამომხსენებელი: დ. ჭოჭუა - მერიის საფინანსო-საბიუჯეტო სამსახურის უფროსი)

თებერვალი 1, 2018

ბიუროს სხდომა

1 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა ერთი საკითხი:
1. ხობის მუნიციპალიტეტის მერის გ. ქაჯაიას 2018 წლის 1 თებერვლის N04/467 წერილის განხილვა „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

იანვარი 29, 2018

ხობში, რეგიონული „ჰაბის“ პრეზენტაცია გაიმართა

ხობის მუნიციპალიტეტის საკრებულოს სხდომათა დარბაზში პროექტის „სამოქალაქო საზოგადოების განვითარების ინიციატივის“ ფარგლებში შექმნილი სამეგრელო-ზემო სვანეთის რეგიონული „ჰაბის“ პრეზენტაცია გაიმართა.
ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ დაფინანსებული პროექტი - „სამოქალაქო საზოგადოების განვითარების ინიციატივა" მიზნად ისახავს სამოქალაქო საზოგადოების დაფინანსების წყაროების გამრავალფეროვნებას, საჯარო პოლიტიკის სფეროში ერთობლივი ინიციატივების ხელშეწყობას და ხელისუფლებასთან, მედიასთან და ბიზნეს სექტორთან თანამშრომლობის გაღრმავებას. პროექტის ფარგლებში, რომლის საერთო ბიუჯეტიც 5.07 მლნ ევროა (აქედან ევროკავშირის დაფინანსება 3.8 მლნ ევრო), განხორციელდება სხვადასხვა სახის, 110-ზე მეტი ღონისძიება და გაიცემა 80-მდე გრანტი. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, არასამთავრობო ორგანიზაციების, ბიზნესის და ადგილობრივი თვითმმართველობის მიერ დაფუძნებული იურიდიული პირების წარმომადგენლები ესწრებოდნენ. პროექტს ახორციელებს კონსორციუმი კონრად ადენაუერის ფონდის ხელმძღვანელობით. კონსორციუმში შედიან: სამოქალაქო საზოგადოების ინსტიტუტი, საქართველოს სტრატეგიული კვლევებისა და განვითარების ცენტრი, კონსულტაციისა და ტრენინგის ცენტრი, განათლების განვითარებისა და დასაქმების ცენტრი.

იანვარი 26, 2018

„ოფთალმიჯის“ ექიმებმა მოსახლეობას გამოკვლევები ჩაუტარეს

26 იანვარს ხობის მუნიციპალიტეტის მერიისა და კლინიკა „ოფთალმიჯის“ ურთიერთთანამშრომლობის საფუძველზე, თვალის მიკროქირურგის ჯავრიშვილის კლინიკა „ოფთალმიჯის“ ექიმებმა უფასო გამოკვლევები და კონსულტაციები გასწიეს ხობის მუნიციპალიტეტის მოსახლეობისთვის.

<<
<
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
...
>
>>