საფეხბურთო გუნდი „კოლხეთი“ ჩამოყალიბდა 1938 წელს. პირველი ოფიციალური მატჩი ჩაატარა 1939 წელს და გამოდიოდა საქართველოს ჩემპიონატის „ბ“ ჯგუფში.
წლების მანძილზე „კოლხეთი“ მონაწილეობდა საქართველოს ჩემპიონატის I ჯგუფში, რომლის დატოვება მოუწია 1985 წელს, იმავე წელს გუნდმა II ჯგუფში პირველი ადგილი დაიკავა და კვლავ I ჯგუფს დაუბრუნდა.
სწორედ ამ წლიდან იწყება გუნდის აღზევების ხანა. 1986-88 წლების სეზონის მატჩებში გუნდი თავის მინდორზე არ დამარცხებულა. 1989 წლის სსრკ ჩემპიონატის II ლიგაში მონაწილეობისას 22 მატჩიდან საკუთარ მინდორზე დამარცხდა მხოლოდ ერთელ და ფრეც მხოლოდ ერთხელ ითამაშა. 1990 წლის საქართველოს I ეროვნული ჩემპიონატის უმაღლესი ლიგის I წრის მატჩებში საკუთარ მოედანზე „კოლხეთი“ მხოლოდ ერთხელ დამარცხდა თბილისის „იბერიასთან“ 1:2 და ფრედ ითამაშა ოზურგეთის „მერცხალთან“ 1:1.
ხობის „კოლხეთი“ 1989 წელს საქართველოს ჩემპიონი გახდა, ხოლო 1987 წელს ჩემპიონს მხოლოდ ერთი ქულით ჩამორჩა. ჩემპიონი გუნდის შემადგენლობაში თამაშობდნენ: იური მამინაშვილი, დათო ჭიჭინაძე, მერაბ კაციტაძე, გიორგი ფარფალია, ჯანელი ლატარია, ვახტანგ ჩიმაკაძე, ზაზა ბაკურაძე, თომა შიოლაშვილი, ზაურ მელია, ელგუჯა ქომეთიანი, თენგიზ ჭიჭინაძე, ვახტანგ სამხარაძე, გიორგი დოლბაია, ზურაბ ლატარია, თამაზ ბოლაშვილი, ელდარ გვასალია, ვეფხვია გვენცაძე. გუნდის მწვრთნელები - ფრიდონ გოცირიძე და პაატა თათარიშვილი.
1989 წელს საქართველოს ჩემპიონატის ბომბარდირი გახდა ხობელი ელგუჯა ქომეთიანი (45 გატანილი გოლი).
1987 წელს საქართველოს ჩემპიონატის საუკეთესო ფეხბურთელად აღიარეს ზაზა ბაკურაძე.
გუნდი 1990 წლიდან ასპარეზობს საქართველოს ეროვნულ ჩემპიონატში ჯერ უმაღლეს, შემდეგ კი პირველ და რეგიონალურ ლიგაში, 2007 წლიდან ასპარეზობს პირველ ლიგაში, 2008 წლიდან გამოდის ხობის ,,ხობის" სახელწოდებით.
ამჟამად საქართველოს ჩემპიონატის პირველ ლიგაში ასპარეზობს როგორც ხობის ,,კოლხეთი."
აქ აღზრდილ მრავალ ფეხბურთელს დაუცავს თბილისის დინამოსა და საქართველოს ნაკრების ღირსება, ესენი არიან: დემურ ვეკუა, ავთანდილ ქანთარია, ენუქი თევზაძე, ზურაბ აიანადი, ლევან გვაზავა, ედიკ საჯაია, ვლადიმერ ახალაია, ირაკლი საჯაია, ირაკლი სახურია და სხვები.
მისამართი: ქ. ხობი. სპორტის ქუჩა 2. კლუბი ჩემპიონატის მატჩებს ატარებს ხობის ცენტრალურ სტადიონზე, ტევადობა 16.000 კაცი.
Khobi Municipality Council
