მოსწავლე ახალგაზრდობის სახლი წარმოადგენს საკრებულოს მიერ 2007 წლის 31 ივლისს დაფუძნებული ა(ა)იპ „ხობის მუნიციპალიტეტის განათლების ცენტრის“ სტრუქტურულ ერთეულს, რომლის ძირითად ფუნქციას წარმოადგენს: სასწავლო აღმზრდელობითი მუშაობის წარმართვა 6-დან 18 წლამდე ასაკის მოსწავლეებთან; სკოლასთან, სხვადასხვა სკოლისგარეშე დაწესებულებასთან, ოჯახთან და საზოგადოებასთან თანამშრომლობა; მოსწავლე-ახალგაზრდობისთვის თავისუფალი დროის სწორად ორგანიზებასა და ჯანსაღი ცხოვრების წესის დამკვიდრებაში ხელშეწყობა; მოსწავლეთა მრავალმხრივი ნიჭისა და მიდრეკილებების განვითარების ხელშეწყობა, მოზარდ თაობაში მეცნიერების, ტექნიკის, ხელოვნებისადმი ინტერესის გაღრმავება; ბავშვთა და მოზარდთა ინტერესებისა და მიდრეკილებების, მათი სულიერი და ინტელექტუალური შესაძლებლობების და ჰუმანური თვისებების ჩამოყალიბება; სკოლების და სკოლისგარეშე დაწესებულებების წრეობრივი (მხატვრული შემოქმედების, ტურისტულ-მხარეთმცოდნეობის, სპორტული, ტექნიკური) მუშაობის ხელშეწყობა; მოსწავლეებისთვის ეროვნულ-კულტურული მემკვიდრეობის, ქართული და მსოფლიოს ხელოვნების ნიმუშების გაცნობა. მოსწავლე ახალგაზრდობის სახლში ფუნქციონირებს შემდეგი წრეები: ფოლკლორისა და გამომოტყველებითი კითხვის, ნორჩ ქიმიკოსთა, ნორჩ ფიზიკოსთა, ინგლისური ენის, გერმანული ენის, ზოგადი უნარ-ჩვევების შემსწავლელთა, ნორჩ ჟურნალისტთა, ნორჩ მხატვართა, ჭადრაკის, ნორჩ დიზაინერთა, გობელენის, ტურიზმის, საზოგადოებრივი მეცნიერების და ქართული ხალხური ცეკვების.
Khobi Municipality Council
