ხობში ბიბლიოთეკა წითელი კუთხის სახით 1936 წლიდან მოიხსენიება, ხოლო 1946 წლიდან წითელ კუთხეში არსებული წიგნების ბაზაზე შეიქმნა ხობის სამკითხველო, შემდეგში ბიბლიოთეკად წოდებული. 1978 წელს განხორციელდა საბიბლიოთეკო ქსელის ცენტრალიზაცია, რაიონულ ბიბლიოთეკას დაერქვა ცენტრალური ბიბლიოთეკა და მის დაქვემდებარებაში გაერთიანდა სასოფლო ბიბლიოთეკები. (მაშინ რაიონში 42 ბიბლიოთეკა იყო, მათ შორის 1 ცენტრალური, 1 საბავშვო და 40 სასოფლო ბიბლიოთეკა.) 2007 წელს განხორციელდა ქსელის რეორგანიზაცია, რის შედეგადაც დარჩა 11 ბიბლიოთეკა. 2010 წელს აღდგენილ იქნა 2 სასოფლო ბიბლიოთეკა.
ამჟამად მუნიციპალიტეტში ფუნქციონირებს 13 ბიბლიოთეკა, რომლებიც გაერთიანებული არიან ა(ა)იპ „ხობის მუნიციპალიტეტის კულტურის ცენტრში.“ ბიბლიოთეკების წიგნადი ფონდი შეადგენს 107 000 ეგზემპლარს. მათ შორის ცენტრალური ბიბლიოთეკის წიგნადი ფონდი შეადგენს 45068 ეგზემპლარს, ხოლო დანარჩენი განთავსებულია სასოფლო ბიბლიოთეკებში.
Khobi Municipality Council
