ხობის მუნიციპალიტეტის საკრებულოს მიერ 2007 წლის 10 ივლისს დაფუძნდა ა(ა)იპ „ხობის მუნიციპალიტეტის სკოლამდელი სააღმზრდელო გაერთიანება“, რომლის ძირითად ფუნქციას წარმოადგენს: სკოლამდელი ასაკის ბავშვთა ნორმალური აღზრდა, მათი ჰარმონიული განვითარება და სკოლისათვის მომზადება; საგანმანათლებლო ფუნქციის განხორციელება ასაკობრივი ჯგუფების მიხედვით; უზრუნველყოს კანონმდებლობით დადგენილი ნორმის ფარგლებში ბავშვთა სრულფასოვანი კვების ორგანიზაცია; აღზარდოს მომავალი თაობა ეროვნულ-პატრიოტული სულისკვეთებით; მოთხოვნილებიდან გამომდინარე შექმნას და ჩამოაყალიბოს სკოლამდელი აღზრდის ინტეგრირებული ჯგუფები; გახსნას სპეციალური სკოლისათვის მოსამზადებელი ჯგუფები (უცხო ენის, ცეკვის, სიმღერის და ა.შ. შემსწავლელ წრეები); აღსაზრდელს შეუქმნას ჯანმრთელობის დაცვისა და ფიზიკური სრულყოფის პირობები; პრაქტიკული და თეორიული დახმარება გაუწიოს მის დაქვემდებარებაში არსებულ სააღმზრდელო დაწესებულებებს, იზრუნოს მათი მუშაობის ხარისხზე; იზრუნოს პერსონალის პროფესიულ მომზადებასა და გადამზადებაზე; აწარმოოს ბავშვთა უფლებების მონიტორინგი; უზრუნველყოს სემინარებისა და კონფერენციების გამართვა; ითანამშრომლოს შესაბამისი პროფილის დაწესებულებებთან.
გაერთიანება მუშაობს კვირაში ხუთ დღეს და ბავშვთან ყოფნის ხანგრძლივობა განისაზღვრება 7 საათით, ხოლო გახანგრძლივებული ჯგუფისთვის - 9 საათით.
გაერთიანებაში ასაკობრივი ჯგუფები კომპლექტდება: ბაგის ჯგუფი 2-დან 3 წლამდე - 12 ბავშვით; ბაღის ჯგუფი 4-დან 6 წლამდე - 16-დან 20 ბავშვამდე. გაერთიანება უფლებამოსილია მოთხოვნათა შესაბამისად განსაზღვროს მცირე ასაკობრივი ჯგუფების შექმნა.
მუნიციპალიტეტის ტერიტორიაზე შექმნილია გაერთიანების 29 სტრუქტურული ერთეული.
Khobi Municipality Council
