ხობის მუნიციპალიტეტის საკრებულო

სიახლეები

ივლისი 21, 2017

სპექტაკლის პრემიერა „მე, ბებია და ბაბუა“

ხობის მუნიციპალიტეტის მოსწავლე-ახალგაზრდობის ცენტრში კულტურულ საგანმანათლებლო- ცენტრთან არსებული თეატრალური დასის მიერ გაიმართა სპექტაკლის პრემიერა „მე, ბებია და ბაბუა“ ნოდარ დუმბაძის ნოველა „სისხლის“ მიხედვით, რომელმაც მაყურებელთა მოწონება დაიმსახურა.
სპექტაკლის პრემიერას ადგილობრივი ხელისუფლების წარმომადგენლები და მოწვეული სტუმრები ესწრებოდნენ.

ივლისი 18, 2017

მეუფე გრიგოლს 61 წელის იუბილე მიულოცეს

18 ივლისს, ხობის ღვთისმშობლის მიძინების ტაძარში ფოთისა და ხობის მიტროპოლიტ მეუფე გრიგოლის დაბადებიდან 61 წლის იუბილე უფლისადმი სამადლობელი პარაკლისით აღინიშნა.
წმინდა სინოდის წევრებმა, ეპარქიის სამღვდელოებამ, მოწვეულმა სტუმრებმა, ხობის მუნიციპალიტეტის საკრებულოს თავმჯდომარემ ედიშერ ჯობავამ და ადგილობრივი ხელისუფლების სხვა წარმომადგენლებმა მეუფეს მიულოცეს დაბადებიდან 61 წლის იუბილე

ივლისი 13, 2017

პირველი ბიზნეს ფესტივალი „ანაკლიობა 2017“

ანაკლიაში პირველი ბიზნეს ფესტივალი „ანაკლიობა 2017“ გაიხსნა.
ფესტივალს ესწრებოდნენ საქართველოს პარლამენტის წევრი ირაკლი (დაჩი) ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია.
ბიზნეს ფესტივალი ანაკლიაში ყოველწლიურად გაიმართება და მისი მიზანია ტურიზმის განვითარება და ახალი სამუშაო ადგილების შექმნა.

ივლისი 12, 2017

საკრებულოს რიგგარეშე სხდომა

12 ივლისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა განკარგულების პროექტი „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის შესახებ“ ცვლილების თანახმად რეგიონში განსახორციელებელი პროექტების ფონდიდან დასაფინანსებელი ობიექტების ნუსხას დაემატა კიდევ ერთი ობიექტი, რომლის საფუძველზეც ქალაქ ხობში სასწრაფო სამედიცინო დახმარების ცენტრის მშენებლობის სამუშაოები განხორციელება, შესაბამისი ცვლილება იქნა შეტანილი ადგილობრივი ბიუჯეტში. საკითხი საკრებულოს წევრების მხრიდან ერთხმად იქნა მხარდაჭერილი.
დღის წესრიგით გათვალისწინებული საკითხების განხილვის შემდეგ საკრებულოს რიგგარეშე სხდომა დახურულად გამოცხადდა.

ივლისი 12, 2017

ბიუროს სხდომა

12 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის გამგებლის გ. ქაჯაიას 2017 წლის 11 ივლისის N06/2851 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის შესახებ“ განკარგულების პროექტის თაობაზე);
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 11 ივლისის N04/2852 წერილის განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის შესახებ).
(მომხსენებელი: ტ. ალექსანდრია - საფინანსო-სარევიზიო
კომისიის თავმჯდომარე).

ივლისი 12, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 12 ივლისს 12:00 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის შესახებ განხილვა;
(მომხსენებელი: გ. ქაჯაია - მუნიციპალიტეტის გამგებელი
თანამომხსენებელი: დ. ჭოჭუა - გამგეობის საფინანსო - საბიუჯეტო სამსახურის უფროსი);

2. „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის შესახებ“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ზ. ბუკია - გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსი).

ივლისი 12, 2017

გილოცავთ პეტრე-პავლობის დღესასწაულს

ივლისი 10, 2017

ხობელმა მკლავჭიდელებმა წარმატებით იასპარეზეს

7-9 ივლისს, ქალაქ ბათუმში გაიმართა აჭარის თასის გათამაშება მკლავჭიდში, რომელშიც საქართველოს, თურქეთის და რუსეთის სახელით მოასპარეზე 200-მდე სპორტსმენი მონაწილეობდა. ტურნირში წარმატებით იასპარეზეს ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სასპორტო სკოლის მკლავჭიდელებმა (მწვრთნელი კობა თუთბერიძე). I ადგილი - დათუნა ჟიშკარიანი (65 კგ. წინითი კატეგორია, მარჯვენა მკლავი); I ადგილი - გიგა კოდუა (65 კგ. წინითი კატეგორია, მარცხენა მკლავი); II ადგილი - ანრი ბუკია (55 კგ. წინითი კატეგორია, მარცხენა და მარჯვენა მკლავი); III ადგილი - დათუნა ჟიშკარიანი (65 კგ. წინითი კატეგორია, მარცხენა მკლავი); ტურნირის გამარჯვებულებს და პრიზიორებს თასები, მედლები და სიგელები გადაეცათ.

ივლისი 9, 2017

ადგილობრივი ხელისუფლების წარმომადგენლები სტიქიის შედეგებს გაეცნენ

ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია და გამგებლის პირველი მოადგილე ვარაზ გაბედავა თორსა-დღვაბის ადმინისტრაციული ერთეულის სოფელ ოქროს საწმისში მოსახლეობას შეხვდნენ და ძლიერი წვიმის შედეგად დატბორილი სასოფლო-სამეურნეო სავარგულები დაათვალიერეს. „7 ივლისს მოსულმა უხვმა ნალექმა მნიშვნელოვანი ზარალი მიაყენა მუნიციპალიტეტის მოსახლეობას - დაიტბორა საცხოვრებელი სახლები, სასოფლო-სამეურნეო სავარგულები და ჩამოირეცხა შიდა სასოფლო გზები.
თვითმმართველობის წარმომადგენლების განცხადებით ხობის მუნიციპალიტეტის ზარალის დამდგენი კომისიის წევრები შესაბამის ადმინისტრაციულ ერთეულებში ადგილზე სწავლობენ არსებულ მდგომარეობას და ადგენენ ზარალის მოცულობას.

ივლისი 8, 2017

სტიქია ხობის მუნიციპალიტეტში

უხვი ნალექის შედეგად ხობის მუნიციპალიტეტის პირველი მაისის, ხამისკურისა და ხეთის ადმინისტრაციულ ერთეულებში დაიტბორა საცხოვრებელი სახლები, სასოფლო-სამეურნეო სავარგულები და საავტომობილო გზის გარკვეულ მონაკვეთებზე გადაადგილების პრობლემა შეიქმნა. ადმინისტრაციულ ერთეულებში არსებულ მდგომარეობას ადგილზე გაეცნენ საქართველოს პარლამენტის წევრი ირაკლი (დაჩი) ბერაია, სამეგრელო-ზემო სვანეთის მხარეში სახელმწიფო რწმუნებული-გუბერნატორი ლევან შონია და ხობის მუნიციპალიტეტის გამგებელი გოჩა ქაჯაია. პრობლემურ ადგილებზე ასევე იმყოფებიან საგანგებო სიტუაციების მართვის სააგენტოს ხობის სახანძრო-სამაშველო განყოფილების თანამშრომლები. ხობის მუნიციპალიტეტის ზარალის დამდგენი კომისია ადგილზე შეისწავლის არსებულ მდგომარეობას და დაადგენს ზარალის მოცულობას.

ივლისი 5, 2017

პირველი მაისის ბაგა-ბაღში საზეიმო ღონისძიება გაიმართა

ხობის მუნიციპალიტეტის მასშტაბით სკოლამდელ სააღმზრდელო დაწესებულებებში დასრულდა გამოსაშვები ჯგუფის აღსაზრდელების საზეიმო ღონისძიებები სახელწოდებით „გზა სკოლისაკენ“. პროგრამის ფარგლებში 4 ივლისს, პირველი მაისის საბავშვო ბაგა-ბაღში გაიმართა გამოსაშვები ჯგუფის საზეიმო ღონისძიება, სადაც პატარების მიერ წარმოდგენილმა საკონცერტო ნომრებმა და შემეცნებით-გასართობმა აქტივობებმა მაყურებელთა დიდი მოწონება დაიმსახურა. ღონისძიებას ესწრებოდნენ: ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია, ხობის მუნიციპალიტეტის გამგეობის კულტურის, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია და ხობის მუნიციპალიტეტის სკოლამდელი სააღმზრდელო გაერთიანების უფროსი ელისო კვიკვინია. დასასრულს მოწვეულმა სტუმრებმა აღსაზრდელებს, მასწავლებლებსა და მოსწავლეებს მიულოცეს ეს ღირსშესანიშნავი დღე და წარმატებები უსურვეს სკოლისაკენ მიმავალ გზაზე.

ივლისი 3, 2017

საკრებულოს რიგგარეშე სხდომა

3 ივლისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა განკარგულების პროექტი „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის თაობაზე“. ცვლილებების თანახმად, რეგიონში განსახორციელებელი პროექტების ფონდიდან დასაფინანსებელი ობიექტების ნუსხას დაემატა კიდევ ორი ობიექტი: ჭალადიდის ადმინისტრაციული ერთეულის სოფელ საბაჟოში სკოლამდე მისასვლელი გზის რეაბილიტაციის (მოასფალტება) სამუშაოები და ხამისკურის ადმინისტრაციულ ერთეულში სკოლამდე მისასვლელი გზის რეაბილიტაციის (ცემენტო-ბეტონის საფარის მოწყობა) სამუშაოები.
აღნიშნული საკითხი საკრებულოს წევრების მხრიდან ერთხმად იქნა მხარდაჭერილი. საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

ივლისი 3, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 3 ივლისს 17:00 საათზე საკრებულოს სხდომათა დარბაზში.
სხდომის დღის წესრიგი:
„საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ზ. ბუკია - გამგეობის ინფრასტრუქტურის, ურბანული განვითარებისა და არქიტექტურის სამსახურის უფროსი

ივლისი 3, 2017

ბიუროს სხდომა

3 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
ხობის მუნიციპალიტეტის გამგებლის გ. ქაჯაიას 2017 წლის 3 ივლისის N06/2668 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2017 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2016 წლის 28 დეკემბრის N64 განკარგულებაში ცვლილების შეტანის თაობაზე“ განკარგულების პროექტის შესახებ).
(მომხსენებელი: გ. სიჭინავა - ეკონომიკური განვითარების საკითხთა
კომისიის თავმჯდომარე)

ივლისი 3, 2017

სკოლამდელ სააღმზრდელო დაწესებულებაში ბავშვების რეგისტრაცია დაიწყო

➤ ხობის მუნიციპალიტეტის საბავშვო ბაგა-ბაღებში 2017-2018 სასწავლო-სააღმზრდელო წლისთვის რეგისტრაციის პროცესი დაიწყება 1 ივლისს. სკოლამდელ სააღმზრდელო დაწესებულებაში ბავშვების რეგისტრაციაზე მოთხოვნის დაფიქსირება შესაძლებელია: ✅ ხობის მუნიციპალიტეტის 29 საბავშვო ბაღში; ✅ ა(ა)იპ ,,ხობის მუნიციპალიტეტის სკოლამდელი სააღმზრდელო გაერთიანებაში“ (ც. დადიანის ქ. № 169) სკოლამდელ სააღმზრდელო დაწესებულებაში ბავშვების რეგისტრაციისთვის წარმოსადგენია შემდეგი დოკუმენტაცია: ✅ ნოტარიულად დამოწმებული დაბადების მოწმობის ასლი /2 ეგზემპლარი/ ✅ჯანმრთელობის ცნობა; ✅ ფოტოსურათი (3X4 -2 ცალი) ✅ მშობლების პირადობის მოწმობის ასლები. შენიშვნა : ჯანმრთელობის ცნობაში დაფიქსირებული უნდა იყოს ინფორმაცია აცრების შესახებ. ➤ რეგისტრაციის განაცხადზე გადაწყვეტილების მიღება საბავშვო ბაღში რეგისტრაციის განაცხადის დაფიქსირების შემდეგ, განაცხადი გადაწყვეტილების მისაღებად იგზავნება სკოლამდელი სააღმზრდელო გაერთიანების დირექტორთან . რეგისტრაცია შესაბამისი ასაკის მიხედვით ✅ ბაგის ასაკობრივ ჯგუფში რეგისტრაციის გავლას შეძლებს ყველა ის ბავშვი, რომელიც სასწავლო-სააღმზრდელო წლის დასაწყისში -15 სექტემბერს 2 წლის იქნება. ✅ ბაღის ჯგუფში კი რეგისტრირდება ყველა ის ბავშვი, რომელსაც სასწავლო-სააღმზრდელო წლის დასაწყისში -15 სექტემბერს შეუსრულდება 3 წელი. საბავშვო ბაღებში ჩირიცხვისას გასათვალისწინებელი პრიორიტეტები საბავშვო ბაღებში, აღსაზრდელთა რეგისტრაციისა და ჩარიცხვის პროცესში, პრიორიტეტები ენიჭებათ შემდეგი კატეგორიის ბავშვებს: ✅ სოციალურად დაუცველი ოჯახის ბავშვები ; ✅ სპეციალური საგანმანათლებლო საჭიროების მქონე ბავშვები; იმ ოჯახის ბავშვები, რომელთა შვილი (შვილები) სარგებლობენ იმავე სკოლამდელი აღზრდის დაწესებულების მომსახურებით; ჩარიცხვის პროცესი განაცხადის დამუშავების შედეგად გაერთიანების დირექტორის მიერ დადებითი გადაწყვეტილების მიღების შემდეგ ბავშვი ჩაირიცხება შესაბამის საბავშვო ბაღში. ✅ აღსაზრდელთა ჩარიცხვა განხორციელდება 10 აგვისტოდან 20 აგვისტომდე ✅ ჩარიცხულთა აღსაზრდელთა სია გამოიკვრება შესაბამის სკოლამდელ დაწესებულებაში საბავშვო ბაგა-ბაღებში 2017-2018 სასწავლო-სააღმზრდელო წელი 15 სექტემბერს დაიწყება. ა(ა)იპ ,,ხობის მუნიციპალიტეტის სკოლამდელი სააღმზრდელო გაერთიანება.

<<
<
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
...
>
>>