ხობის მუნიციპალიტეტის საკრებულო

სიახლეები

ოქტომბერი 11, 2017

შეხვედრა სახალხო დამცველის აპარატის თანამშრომელთან

11 ოქტომბერს, ხობის მუნიციპალიტეტის საკრებულოს სხდომათა დარბაზში, საქართველოს სახალხო დამცველის აპარატის გენდერული თანასწორობის დეპარტამენტის თანამშრომელმა კოკა მებონიამ, დასაქმების ადგილზე და საჯარო სივრცეში სექსუალური შევიწროების პრევენციის თემაზე საინფორმაციო შეხვედრა გამართა. შეხვედრას საკრებულოსა და გამგეობის თანამშრომლები ესწრებოდნენ.
მომხსენებელმა სექსუალური შევიწროების ფორმებზე, არსებულ მითებსა და ადგილობრივ და საერთაშორისო რეგულაციებზე ისაუბრა. მუნიციპალიტეტების თანამშრომლებისთვის სექსუალური შევიწროების შესახებ ელექტრონული კურსის პრეზენტაცია გაიმართა.
პრეზენტაციის დასასრულს, მონაწილეებს შესაძლებლობა ჰქონდათ აქტიურად ჩართულიყვნენ დისკუსიაში, დაესვათ შეკითხვები და განეხილათ მაგალითები.
შეხვედრის მონაწილეთა ძირითადად ინტერესს წარმოადგენდა საქართველოში სექსუალური შევიწროების საკანონმდებლო რეგულაციები და დაცვის მექანიზმები; ასევე შეკითხვები შეეხებოდა სექსუალური შევიწროების ფორმების იდენტიფიცირებას და მათ გამოვლენას.
სახალხო დამცველის აპარატის გენდერული თანასწორობის დეპარტამენტი, კვლავ განაგრძობს მუშაობას დასაქმების ადგილზე და საჯარო სივრცეში სექსუალური შევიწროების შესახებ ცნობიერების ამაღლების და პრევენციის მიმართულებით.

ოქტომბერი 10, 2017

გაიღე სისხლი, აჩუქეთ ბავშვებს სიცოცხლე

12 ოქტომბერს, ხობის იძულებით გადაადგილებულ პირთა პოლიკლინიკას, მიხეილ იაშვილის სახელობის ბავშვთა ცენტრალურ საავადმყოფოსთან არსებული „სისხლის ბანკის“ წარმომადგენლები ეწვევიან.
საქართველოში მ.იაშვილის კლინიკა ერთადერთია, სადაც მკურნალობენ ლეიკემიით დაავადებული ბავშვები. მათ, ქიმიოთერაპიის ხანგრძლივი მკურნალობის პროცესში სისტემატიურად სჭირდებათ ახალი სისხლისგან დამზადებული კომპონენტები.
17 წლის ხობელ მარიკა კორტავას, რომელიც მკურნალობის კურსს გადის ზემოთ აღნიშნულ კლინიკაში ლეიკემიის დიაგნოზით, სჭირდება დახმარება. დავუდგეთ გვერდით ხობელ ახალგაზრდას და ჩავერთოთ აქციაში - „გაიღე სისხლი, აჩუქეთ ბავშვებს სიცოცხლე“.
ყველა დონორს უფასოდ ჩაუტარდება ლაბორატორიული გამოკვლევები.
დაინტერესებულ პირებს, 11 საათიდან შესაძლებლობა ექნებათ, მობრძანდნენ იძულებით გადაადგილებულ პირთა პოლიკლინიკაში (სტალინის ქუჩა N6) და გაიღონ სისხლი ლეიკემიით დაავადებული ბავშვებისთვის.

ოქტომბერი 5, 2017

მასწავლებელთა საერთაშორისო დღისადმი მიძღვნილი ღონისძიება

5 ოქტომბერს ხობის მოსწავლე-ახალგაზრდობის სახლში, მასწავლებელთა საერთაშორისო დღისადმი მიძღვნილი ღონისძიება გაიმართა. დარბაზში შეკრებილი მაყურებლის წინაშე ფოლკლორული ანსამბლი „კოლხეთი“ და ხობის მუნიციპალიტეტის კულტურულ-საგანმანათლებლო ცენტრის აღსაზრდელები სხვადასხვა ნომრებით წარსდგნენ.
საზეიმო ღონისძიება ხობის კულტურულ-საზოგადოებრივი ცენტრის ორგანიზებით ჩატარდა და მას ხობის მუნიციპალიტეტის საჯარო სკოლების დირექტორები, პედაგოგები და ადგილობრივი თვითმმართველობის წარმომადგენლები ესწრებოდნენ.

ოქტომბერი 5, 2017

მასწავლებელთა პროფესიულ საერთაშორისო დღესასწაული

ძვირფასო მასწავლებლებო! უდიდესი პატივისცემით გილოცავთ თქვენს პროფესიულ საერთაშორისო დღესასწაულს!
ფასდაუდებელია თქვენი ღვაწლი ქვეყნისა და ერის წინაშე, თქვენი მოღვაწეობა უმნიშვნელოვანესი ფაქტორია ჩვენი მომავალი თაობების კეთილდღეობისა და სრულფასოვანი ცხოვრებისათვის, თქვენ აყალიბებთ ქვეყნის განვითარებისა და წინსვლის საფუძველს - განათლებულ და გონიერ მომავალ თაობას.
ადამიანთა იმ წმინდა ურთიერთობებს შორის, რომლებიც დასაბამიდანაა ცხოვრების მიერ განსაზღვრული და ვერავითარი დრო და ჟამი ვერ მოერევა, უმნიშვნელოვანესი და გამორჩეული მასწავლებლისა და მოსწავლის მარადიული გრძნობაა...ამიტომაც არის მასწავლებელი ყოველთვის დროზე მაღლა...
გისურვებთ ჯანმრთელობას, კეთილდღეობას, წარმატებებს პროფესიულ საქმიანობაში და ბედნიერ მომავალ თაობას!

ედიშერი ჯობავა
ხობის მუნიციპალიტეტის საკრებულოს თავმჯდომარე

ოქტომბერი 3, 2017

ხობის N2 საჯარო სკოლა სასწავლო ოლიმპიადის გამარჯვებულია

საქართველოს განათლებისა და მეცნიერების მინისტრის მოადგილემ ლია გიგაურმა, პარლამენტის წევრებმა: მარიამ ჯაშმა, გენადი მარგველაშვილმა და ლევან გოგიჩაიშვილმა ეროვნული სასწავლო ოლიმპიადებისა და ინფორმატიკის ტურნირის გამარჯვებულები დააჯილდოვეს. 2016-2017 სასწავლო წლის ეროვნული სასწავლო ოლიმპიადის შედეგების საფუძველზე შედგენილი ზოგადსაგანმანათლებლო დაწესებულებების რეიტინგული სიის მიხედვით, ბიოლოგიაში პირველადგილოსანი ქალაქ ხობის N2 საჯარო სკოლა გახდა; ხოლო, ისტორიაში ამავე სკოლის XII კლასის მოსწავლემ, ნოდარ ქირიამ გაიმარჯვა. ეროვნული სასწავლო ოლიმპიადაში124 გამარჯვებული მოსწავლე გამოვლინდა. მოპოვებული ადგილების შესაბამისად, მოსწავლეები სასაჩუქრე ბარათებით და დიპლომებით დაჯილდოვდნენ. ასევე, მადლობის სიგელები გადაეცა რეიტინგული სიების მიხედვით გამოვლენილ 36 წარმატებულ სკოლას.

ოქტომბერი 2, 2017

ექიმების საერთაშორისო დღე

ხობის მუნიციპალიტეტის საკრებულო ხობის მუნიციპალიტეტში მოღვაწე ექიმებს უდიდესი პატივისცემით ულოცავს ექიმების საერთაშორისო დღეს და უსურვებს წარმატებებს პროფესიულ საქმიანობაში.

ოქტომბერი 2, 2017

სურსათის უვნებლობის საკითხებზე ტრენინგი გაიმართა

ხობის მუნიციპალიტეტის საკრებულოს სხდომათა დარბაზში, მეწარმე სუბიექტებისთვის სურსათის უვნებლობის საკითხებზე ტრენინგი გაიმართა. ტრენინგს საქართველოს სავაჭრო-სამრეწველო პალატის DCFTA-ს საინფორმაციო ცენტრის თანამშრომლები უძღვებოდნენ. საინფორმაციო ცენტრის თანამშრომლებმა მეწარმე სუბიექტებს მიაწოდეს ინფორმაცია სურსათის უვნებლობის მართვის სისტემისა (წარმოების სანიმუშო პრაქტიკა, წინასწარი აუცილებელი პროგრამები, საფრთხის ანალიზისა და კრიტიკული საკონტროლო წერტილების სისტემა - HACCP) და სურსათის უვნებლობის მართვის სტანდარტების (ISO 22000) შესახებ. პროექტი „მცირე და საშუალო მეწარმეობის განვითარება და DCFTA საქართველოში“ მცირე და საშუალო მეწარმეებს კონკურენტუნარიანობის გაზრდასა და ევროკავშირთან თავისუფალი სავაჭრო სივრცის პირობებში ჩამოყალიბებულ ახალ მარეგულირებელ გარემოსთან ადაპტირებაში ეხმარება, რათა საქართველოსა და ევროკავშირს შორის თავისუფალი სავაჭრო სივრცის შესახებ შეთანხმებით სარგებლობა შეძლონ.
შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა საკრებულოს სხვა ხელმძღვანელ პირებთან ერთდ დაესწრო.

სექტემბერი 30, 2017

ხობმა რაგბის ფესტივალს მეხუთედ უმასპინძლა

30 სექტემბერს ხობის „კოლხეთის“ მოედანზე გაიმართა დასავლეთ საქართველოს რაგბის ფესტივალი, რომელშიც 2005-2006 წლებში დაბადებული ნორჩი მორაგბეებით დაკომპლექტებული 24 გუნდი მონაწილეობდა. ფესტივალი, რომელსაც ხობის მუნიციპალიტეტი მეხუთედ მასპინძლობს, მიზნად ისახავს რაგბის პოპულარიზაციას, თამაშის წესების სწავლებას და ტექნიკურ-ტაქტიკური ელემენტების დახვეწას. ფესტივალზე გამარჯვებული გუნდი არ ვლინდება. სპორტული ფესტივალი განხორციელდა საქართველოს რაგბის ფედერაციის დასავლეთ საქართველოს კავშირის ორგანიზებით.

სექტემბერი 29, 2017

საკრებულოს სხდომა

29 სექტემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები. გამგეობის მიერ წარმოდგენილი დადგენილების პროექტებით:
1. „ხობის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი დაწესებულების პერსონალის პროფესიული სტანდარტების დამტკიცების შესახ“;
2. „ხობის მუნიციპალიტეტში ,,სკოლამდელი აღზრდისა და განათლების მომსახურების და სასკოლო მზაობის პროგრამის მიწოდების მონიტორინგის, შეფასების და ანგარიშგების სისტემის დამტკიცების შესახებ“;
3. „ხობის მუნიციპალიტეტში სკოლამდელი განათლების და სასკოლო მზაობის პროგრამის მომსახურების და დაწესებულების შიდა მონიტორინგისა და შეფასების სისტემის დამტკიცების შესახებ“;
4. „ხობის მუნიციპალიტეტის ადრეული და სკოლამდელი აღზრდისა და განათლების დაწესებულებების პერსონალის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ“;
5. „საჯარო დაწესებულების დირექტორის საკვალიფიკაციო მოთხოვნების შესახებ“ დამტკიცებულ იქნება ის ნორმატიული აქტები, რომლებითაც მუნიციპალიტეტი გააგრძელებს ბავშვთა სათანადო განვითარებისათვის და სკოლისათვის მოსამზადებლად ძლიერი და მდგრადი სკოლამდელი აღზრდისა და განათლების სისტემის შექმნას, სახელმწიფო სტანდარტის შესაბამისი სკოლამდელი აღზრდისა და განათლების საყოველთაო ხელმისაწვდომობას, ბავშვის მშობელთან/კანონიერ წარმომადგენელთან და საზოგადოებასთან ეფექტიანი ურთიერთობის უზრუნველყოფას. საკრებულოს მიერ მიღებული დადგენილებების მიზანია როგორც საჯარო, ისე კერძო დაწესებულების პერსონალის სამსახურებრივი ინსტრუქციების, ქცევისა და ეთიკის ნორმების განსაზღვრა, რომელიც მოიცავს ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და სასკოლო მზაობის პროგრამის განმახორციელებელი დაწესებულების პერსონალის სამსახურებრივ ინსტრუქციებს, მისი ქცევისა და ეთიკის ნორმებს აღსაზრდელებთან ურთიერთობის დროს, აღსაზრდელის ოჯახთან ურთიერთობისა და თანამშრომლებთან ურთიერთობის დროს, ასევე სხვა სფეროებში საქმიანობის დროს.
სხდომაზე ასევე განიხილეს დადგენილების პროექტი „ხობის მუნიციპალიტეტის ტერიტორიაზე რკინიგზის გადასასვლელებთან საგზაო ნიშნების განთავსების შესახებ“, რომლის მიხედვითაც მუნიციპალიტეტის ტერიტორიაზე ავტო და სარკინიგზო ტრანსპორტის უსაფრთხო გადაადგილების მიზნით განთავსდება საგზაო ნიშნები: ქვემო ქვალონისა და შუა ქვალონის საავტომობილო გზაზე რკინიგზის გადასასვლელთან - საგზაო ნიშანი „უშლაგბაუმო გადასასვლელი“; ქვემო ქვალონისა და შუა ქვალონის საავტომობილო გზაზე რკინიგზის გადასასვლელთან - საგზაო ნიშანი „რკინიგზის გადასასვლელთან მიახლოების ნიშანი“; ახალსოფლის საავტომობილო გზაზე ,,რკინიგზის გადასასვლელთან - საგზაო ნიშანი უშლაგბაუმო გადასასვლელი“; ნოჯიხევის საავტომობილო გზაზე „რკინიგზის გადასასვლელთან - საგზაო ნიშანი უშლაგბაუმო გადასასვლელი“. სხდომაზე ასევე ცვლილებები იქნა შეტანილი განკარგულებაში „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2017 წლის მუნიციპალური პროგრამის დამტკიცების შესახებ“, რომლის მიხედვითაც ხობის მუნიციპალიტეტის 2017 წლის ადდგილობრივ ბიუჯეტში უკვე განხორციელებული ცვლილების შესაბამისად ზემო აღნიშნულ პროგრამაში „საოპერაციო თანხის ნაწილობრივ დაფინანსების დახმარების“ მუხლი გაიზარდა 35000 ლარით და განისაზღვრა 106000 (ას ექვსი ათასი) ლარით. დღევანდელ სხდომაზე ბოლო საკითხად განიხილეს განკარგულების პროექტი „ხეთის ადმინისტრაციულ ერთეულში მდებარე ცენტრალური სტადიონისათვის გიორგი (გოგი) მამფორიას სახელის მინიჭების მიზანშეწონილობის თაობაზე“, რაც საკრებულოს მხრიდან მოწონებულ იქნა.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

სექტემბერი 29, 2017

ბიუროს სხდომა

29 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის გამგებლის გ. ქაჯაიას 2017 წლის 29 აგვისტოს N06/3711 წერილის განხილვა („ხობის მუნიციპალიტეტის ტერიტორიაზე რკინიგზის გადასასვლელებთან საგზაო ნიშნების განთავსების შესახებ“ დადგენილების პროექტის თაობაზე);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 11 სექტემბრის N06/4032 წერილის განხილვა („ხეთის ადმინისტრაციულ ერთეულში მდებარე ცენტრალური სტადიონისათვის გიორგი (გოგი) მამფორიას სახელის მინიჭების მიზანშეწონილობის თაობაზე“ განკარგულების პროექტის შესახებ);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);

3. ხობის მუნიციპალიტეტის გამგებლის გ. ქაჯაიას 2017 წლის 20 სექტემბრის N06/4229 წერილის განხილვა („ხობის მრავალფუნქციური სპორტდარბაზისთვის მანუჩარ ცხადაიას სახელის მინიჭების მიზანშეწონილობის თაობაზე“ განკარგულების პროექტის შესახებ);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);

4. ხობის მუნიციპალიტეტის საკრებულოს წევრის ე. წურწუმიას 2017 წლის 20 სექტემბრის N424 განცხადების განხილვა (ხობის მუნიციპალიტეტის საკრებულოს მორიგ სხდომაზე განცხადების გაკეთების თაობაზე);
(მომხსენებელი: ნ. შუშანია - საკრებულოს სამანდატო-საპროცედურო საკითხთა
კომისიის თავმჯდომარე);

5. ხობის მუნიციპალიტეტის გამგებლის გ. ქაჯაიას 2017 წლის 26 სექტემბრის N09/4363 წერილის განხილვა ( „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2017 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის N67 განკარგულებაში ცვლილების შეტანის შესახებ“ განკარგულების პროექტის თაობაზე);
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე);

6. ხობის მუნიციპალიტეტის გამგებლის გ. ქაჯაიას 2017 წლის 28 სექტემბრის N00/0000 წერილის განხილვა:
• „ხობის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი საჯარო დაწესებულების დირექტორის საკვალიფიკაციო მოთხოვნების დამტკიცების შესახებ“ დადგენილების პროექტის თაობაზე;
• „ხობის მუნიციპალიტეტში ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და სასკოლო მზაობის პროგრამის განმახორციელებელი დაწესებულების პერსონალის სამსახურებრივი ინსტრუქციების, ქცევისა და ეთიკის ნორმების დამტკიცების შესახებ“ დადგენილების პროექტის თაობაზე;
• „სკოლამდელი აღზრდისა და განათლების მომსახურების და სასკოლო მზაობის პროგრამის მიწოდების მონიტორინგის, შეფასების და ანგარიშგების სისტემის დამტკიცების შესახებ“ დადგენილების პროექტის თაობაზე;
• „ადრეული აღზრდისა და განათლების მომსახურების მიმწოდებელი ან/და სკოლამდელი აღზრდისა და განათლების მომსახურების მიმწოდებელი ან/და მხოლოდ სასკოლო მზაობის პროგრამის განმახორციელებელი დაწესებულების პერსონალის პროფესიული სტანდარტების დამტკიცების შესახებ“ დადგენილების პროექტის თაობაზე;
• „სკოლამდელი განათლების და სასკოლო მზაობის პროგრამის მომსახურების და დაწესებულების შიდა მონიტორინგისა და შეფასების სისტემის დამტკიცების შესახებ“ დადგენილების პროექტის თაობაზე.
(მომხსენებელი: დ. გაბუნია - საკრებულოს სოციალურ საკითხთა
კომისიის თავმჯდომარე).

სექტემბერი 29, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2017 წლის 29 სექტემბერს 12:00 საათზე საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის ტერიტორიაზე რკინიგზის გადასასვლელებთან საგზაო ნიშნების განთავსების შესახებ“ დადგენილების პროექტის განხილვა;