ხობის მუნიციპალიტეტის საკრებულო

სიახლეები

თებერვალი 5, 2018

ხობელ მოკრივეთა წარმატება.

4 თებერვალს, ქ. თბილისში სპორტ-კომპლექს „დკდ“-ში გაიმართა ახალგაზრდა მოკრივეთა საქართველოს ჩემპიონატის ფინალური ორთაბრძოლები.
ფინალში ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სასპორტო სკოლის ორმა მოკრივემ წარმატებით იასპარეზა, 64 კგ წონით კატეგორიაში საქართველოს ჩემპიონი გახდა ნიკა ჯაკონია, ხოლო ვერცხლის მედალი 60 კგ წონით კატეგორიაში ბაკურ ჩიქოვანმა მოიპოვა (მწვრთნელები: ედიკა თოდუა და თემურ აბულაძე).
ფინალურ ორთაბრძოლებს საქართველოს პარლამენტის წევრი ხობის მაჟორიტარი დეპუტატი ირაკლი (დაჩი) ბერაია დაესწრო და გამარჯვებულების დაჯილდოების ცერემონიალში მიიღო მონაწილეობა.
ხობის მუნიციპალიტეტის საკრებულო ულოცავს ჩვენს მოკრივეებს გამარჯვებას და შემდგომ წარმატებებს უსურვებს მათ.

თებერვალი 2, 2018

საკრებულოს რიგგარეშე სხდომა

2 თებერვალს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. რიგგარეშე სხდომაზე განხილულ დღის წესრიგით გათვალისწინებული ერთი საკითხი, დადგენილების პროექტი: „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N67 დადგენილებაში ცვლილების შეტანის თაობაზე“, რომლის თანახმადაც მუნიციპალიტეტის ბიუჯეტში ასახულ იქნა 2018 წლის პირველი იანვრის მდგომარეობით არსებული ნაშთი 168.5 ათასი ლარის ოდენობით. აღნიშნული თანხა მიიმართა სხვადასხა ღონისძიებების დასაფინანსებლად კერძოდ: „ინფრასტრუქტურის მშენებლობა, რეაბილიტაცია, ექსპლუატაციაზე“, ასევე „კულტურა, რელიგია, ახალგაზრდული და სპორტული ღონისძიებების“ ასიგნებებზე. 2018 წლის ადგილობრივი ბიუჯეტის მთლიანი მოცულობა შეადგენა 10669,9 ათას ლარს. დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

თებერვალი 1, 2018

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის მერის წინადადების საფუძველზე, საკრებულოს რიგგარეშე სხდომა გაიმართება 2018 წლის 2 თებერვალს 11:00 საათზე საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის განხილვა
(მომხსენებელი: გ. ქაჯაია - მუნიციპალიტეტის მერი;
თანამომხსენებელი: დ. ჭოჭუა - მერიის საფინანსო-საბიუჯეტო სამსახურის უფროსი)

თებერვალი 1, 2018

ბიუროს სხდომა

1 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა ერთი საკითხი:
1. ხობის მუნიციპალიტეტის მერის გ. ქაჯაიას 2018 წლის 1 თებერვლის N04/467 წერილის განხილვა „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)

იანვარი 29, 2018

ხობში, რეგიონული „ჰაბის“ პრეზენტაცია გაიმართა

ხობის მუნიციპალიტეტის საკრებულოს სხდომათა დარბაზში პროექტის „სამოქალაქო საზოგადოების განვითარების ინიციატივის“ ფარგლებში შექმნილი სამეგრელო-ზემო სვანეთის რეგიონული „ჰაბის“ პრეზენტაცია გაიმართა.
ევროკავშირისა და გერმანიის ეკონომიკური თანამშრომლობისა და განვითარების ფედერალური სამინისტროს მიერ დაფინანსებული პროექტი - „სამოქალაქო საზოგადოების განვითარების ინიციატივა" მიზნად ისახავს სამოქალაქო საზოგადოების დაფინანსების წყაროების გამრავალფეროვნებას, საჯარო პოლიტიკის სფეროში ერთობლივი ინიციატივების ხელშეწყობას და ხელისუფლებასთან, მედიასთან და ბიზნეს სექტორთან თანამშრომლობის გაღრმავებას. პროექტის ფარგლებში, რომლის საერთო ბიუჯეტიც 5.07 მლნ ევროა (აქედან ევროკავშირის დაფინანსება 3.8 მლნ ევრო), განხორციელდება სხვადასხვა სახის, 110-ზე მეტი ღონისძიება და გაიცემა 80-მდე გრანტი. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, არასამთავრობო ორგანიზაციების, ბიზნესის და ადგილობრივი თვითმმართველობის მიერ დაფუძნებული იურიდიული პირების წარმომადგენლები ესწრებოდნენ. პროექტს ახორციელებს კონსორციუმი კონრად ადენაუერის ფონდის ხელმძღვანელობით. კონსორციუმში შედიან: სამოქალაქო საზოგადოების ინსტიტუტი, საქართველოს სტრატეგიული კვლევებისა და განვითარების ცენტრი, კონსულტაციისა და ტრენინგის ცენტრი, განათლების განვითარებისა და დასაქმების ცენტრი.

იანვარი 26, 2018

„ოფთალმიჯის“ ექიმებმა მოსახლეობას გამოკვლევები ჩაუტარეს

26 იანვარს ხობის მუნიციპალიტეტის მერიისა და კლინიკა „ოფთალმიჯის“ ურთიერთთანამშრომლობის საფუძველზე, თვალის მიკროქირურგის ჯავრიშვილის კლინიკა „ოფთალმიჯის“ ექიმებმა უფასო გამოკვლევები და კონსულტაციები გასწიეს ხობის მუნიციპალიტეტის მოსახლეობისთვის.

იანვარი 12, 2018

საკრებულოს სხდომა

12 იანვარს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა დღის წესრიგით გათვალისწინებული საკითხები, მათ შორის: განკარგულების პროექტი „ფრაქცია „ერთიანი ნაციონალური მოძრაობის“ რეგისტრაციის შესახებ“ რომლის თანახმადაც შეიქმნა ფრაქცია „ერთიანი ნაციონალური მოძრაობა“, ფრაქციის თავმჯდომარედ არჩეულ იქნა თემურ გულუა, ხოლო ფრაქციის თავმჯდომარის მოადგილედ ია ჯიშკარიანი. საქართველოს ორგანულ კანონში „ადგილობრივი თვითმმართველობის კოდექსი“ განხორციელებული ცვლილების თანახმად, საკრებულოს თანამდებობის პირების ჩამონათვალს დაემატა ფრაქციის თავმჯდომარის მოადგილის თანამდებობა, შესაბამისი ცვლილება განხორციელდა საკრებულოს რეგლამენტში და საკრებულოს თანამდებობის პირების ჩამონათვალს დაემატა ფრაქციის თავმჯდომარის მოადგილის თანამდებობა და მისი თანამდებობრივი სარგო განისაზღვრა 1200 ლარის ოდენობით. საკრებულოს ფრაქციების მიერ შესაბამისი ცვლილებები განხორციელდა ფრაქციის წესდებებში და არჩეულ იქნა ფრაქციის თავმჯდომარის მოადგილეები, კერძოდ: ფრაქცია „ქართული ოცნება - დემოკრატიული საქართველოს“ თავმჯდომარის მოადგილეებად არჩეულია გოჩა ჯობავა და დავითი ცინაძე; ფრაქცია „ქართული ოცნება - კონსერვატორების“ თავმჯდომარის მოადგილედ აბელი ქირია, ხოლო ფრაქცია „ქართული ოცნება - მრეწველების“ თავმჯდომარის მოადგილედ გოჩა სიჭინავა.
სხდომაზე ასევე განიხილეს განკარგულების პროექტი „საწვავისა და სატელეფონო მომსახურების ხარჯების ლიმიტის განსაზღვრის შესახებ“ რომლის თანახმადაც ფიქსირებული სატელეფონო მომსახურების ლიმიტების შემცირების ხარჯზე საკრებულოს აპარატის საჯარო მოსამსახურეთათვის, როგორც შტატით გათვალისწინებული, ასევე შრომითი ხელშეკრულებით დასაქმებული პირებისთვის განისაზღვრა თვეში 5 ლარის ოდენობით ფიჭური სატელეფონო მომსახურების ლიმიტი.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

იანვარი 12, 2018

ბიუროს სხდომა

12 იანვარს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის საკრებულოს წევრის დ. ცინაძის 2017 წლის 26 დეკემბრის N619 განცხადების განხილვა (ხობის მუნიციპალიტეტის საკრებულოს ეკონომიკური განვითარების საკითხთა და საფინანსო - სარევიზიო კომისიებში გაწევრიანების თაობაზე);
(მომხსენებელი: თ. გელანტია - საპროცედურო საკითხთა კომისიის თავმჯდომარე);

2. ხობის მუნიციპალიტეტის საკრებულოს ფრაქცია „ერთიანი ნაციონალური მოძრაობის“ თავმჯდომარის თ. გულუას 2018 წლის 4 იანვრის N29 განცხადების განხილვა (ხობის მუნიციპალიტეტის საკრებულოს ფრაქცია „ერთიანი ნაციონალური მოძრაობის“ შექმნის თაობაზე);
(მომხსენებელი: თ. გელანტია - საპროცედურო საკითხთა კომისიის თავმჯდომარე);

3. ხობის მუნიციპალიტეტის საკრებულოს ფრაქცია „ქართული ოცნება - დემოკრატიული საქართველოს“ თავმჯდომარის ბ. მამაცაშვილის 2018 წლის 8 იანვრის N3/09 განცხადების განხილვა (ფრაქციის წესდებაში ცვლილების თაობაზე);
(მომხსენებელი: თ. გელანტია - საპროცედურო საკითხთა კომისიის თავმჯდომარე);

4. ხობის მუნიციპალიტეტის საკრებულოს ფრაქცია „ქართული ოცნება - კონსერვატორების“ თავმჯდომარის თ. აბაკელიას 2018 წლის 9 იანვრის N4/01 განცხადების განხილვა (ფრაქციის წესდებაში ცვლილების თაობაზე);
(მომხსენებელი: თ. გელანტია - საპროცედურო საკითხთა კომისიის თავმჯდომარე);

5. ხობის მუნიციპალიტეტის საკრებულოს ფრაქცია „ქართული ოცნება - მრეწველების“ თავმჯდომარის მ. ფილიპიას 2018 წლის 9 იანვრის N5/01 განცხადების განხილვა (ფრაქციის წესდებაში ცვლილების თაობაზე);
(მომხსენებელი: თ. გელანტია - საპროცედურო საკითხთა კომისიის თავმჯდომარე);

6. ხობის მუნიციპალიტეტის მერის გ. ქაჯაიას 2018 წლის 9 იანვრის N03/65 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: ტ. ალექსანდრია - საფინანსო - საბიუჯეტო კომისიის თავმჯდომარე);

7. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის დ. ბერაიას 2018 წლის 10 იანვრის N6/08 განცხადების განხილვა („ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის №59 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: დ. ბერაია - იურიდიულ საკითხთა კომისიის თავმჯდომარე);

8. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ტ. ალექსანდრიას 2018 წლის 11 იანვრის N7/01 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: ტ. ალექსანდრია - საფინანსო - საბიუჯეტო კომისიის თავმჯდომარე);

9. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ტ. ალექსანდრიას 2018 წლის 11 იანვრის N8/01 განცხადების განხილვა („ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2017 წლის 29 ივნისის N21 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - საფინანსო - საბიუჯეტო კომისიის თავმჯდომარე);

იანვარი 12, 2018

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2018 წლის 12 იანვარს 12:00 საათზე საკრებულოს სხდომათა დარბაზში,
სხდომის დღის წესრიგი:
1. „ფრაქცია „ერთიანი ნაციონალური მოძრაობის“ რეგისტრაციის შესახებ“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

2. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის №59 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: დ. ბერაია - იურიდიულ საკითხთა კომისიის თავმჯდომარე);

3. „ხობის მუნიციპალიტეტის საკრებულოს თანამდებობის პირთა და საკრებულოს აპარატის პროფესიული საჯარო მოხელის თანამდებობის რანგირების, თანამდებობრივი სარგოს ოდენობის განსაზღვრისა და საკრებულოს აპარატის საშტატო ნუსხის დამტკიცების შესახებ“ ხობის მუნიციპალიტეტის საკრებულოს 2017 წლის 29 ივნისის N21 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: ტ. ალექსანდრია - საფინანსო - საბიუჯეტო კომისიის თავმჯდომარე);

4. „ფრაქცია „ქართული ოცნება - დემოკრატიული საქართველოს“ შექმნის შესახებ“ ხობის მუნიციპალიტეტის საკრებულოს 2017 წლის 22 ნოემბრის N48 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

5. „ფრაქცია „ქართული ოცნება - კონსერვატორების“ რეგისტრაციის შესახებ“ ხობის მუნიციპალიტეტის საკრებულოს 2017 წლის 18 დეკემბრის N68 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

6. „ფრაქცია „ქართული ოცნება - მრეწველების“ რეგისტრაციის შესახებ“ ხობის მუნიციპალიტეტის საკრებულოს 2017 წლის 18 დეკემბრის N69 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

7. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: ტ. ალექსანდრია - საფინანსო - საბიუჯეტო კომისიის თავმჯდომარე);

8. „ხობის მუნიციპალიტეტის საკრებულოს საფინანსო-საბიუჯეტო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N76 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

9. „ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N78 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: თ. გელანტია - საპროცედურო საკითხთა კომისიის თავმჯდომარე);

იანვარი 11, 2018

ხობელი ფალავნების მორიგი წარმატება

საქართველოს ჩემპიონატზე ბერძნულ-რომაულ სტილით ჭიდაობაში ვარლამ კვარაცხელია და ჯონი ხეცურიანი ვერცხლისა და ბრინჯაოს მედლის მფლობელები გახდნენ! 87 კგ წონით კატეგორიაში ვარლამ კვარაცხელია ვერცხლის მედლის პრიზიორი, ხოლო 67 კგ წონით კატეგორიაში ბრინჯაოს მედალის მფლობელი ჯონი ხეცურიანი გახდნენ.

იანვარი 11, 2018

ხობელი ნუგზარ წურწუმია საქართველოს ჩემპიონია!

საქართველოს ჩემპიონატზე ბერძნულ-რომაულ ჭიდაობაში ნუგზარ წურწუმიამ 55 კგ წონით კატეგორიაში დიდებში (23 წელს ზევით ახალგაზრდულში) გვასახელა.
ხობის მუნიციპალიტეტის საკრებულო ულოცავს ნუგზარს ამ დიდ წარმატებას!

იანვარი 7, 2018

გილოცავთ ქრისტეშობის ბრწყინვალე დღესასწაულს!

თითოეული ჩვენგანის გულში იშვას ქრისტე და სუფევდეს სიმშვიდე და სიყვარული!

დეკემბერი 31, 2017

გილოცავთ ახალი წლის შემობრძანებას

ძვირფასო ხობელებო! გილოცავთ ახალი წლის შემობრძანებას, მშვიდობის, სიკეთისა და სიყვარულის შემომტანი ყოფილიყოს 2018 წელი თქვენთვის და თქვენი ოჯახებისთვის!
განსაკუთრებით მინდა მივულოცო იმ ადამიანებს, რომლებიც დღესასწაულს გაჭირვებაში ხვდებიან, დაე, ეს ახალი წელი ყოფილიყოს მათთვის წინსვლისა და გაძლიერების წელი! მინდა გჯეროდეთ, რომ ხელისუფლებისა და ხალხის ერთიანობით, ჩვენი ქვეყნის მოქალაქეთა კეთილდღეობის გასაუმჯობესებლად, განხორციელდება კიდევ უფრო მეტი ეფექტური და მნიშვნელოვანი მომავლის პროექტები...დასახული მიზნისკენ დაუღალავი სწრაფვით, შრომითა და ურთიერთსიყვარულით, ჩვენ შევძლებთ უკეთეს პირობებში ვიცხოვროთ და გავხდეთ თავისუფალი სამყაროს ღირსეული წევრები ერთიანი, ძლიერი დამოუკიდებელი სახელმწიფოს სახელით!
კიდევ ერთხელ მოგილოცავთ დამდეგ ახალ წელს, გისურვებთ ბედნიერებას, ჯანმრთელობას, მშვიდობას, დღეგრძელობასა და კეთილდღეობას!

პატივისცემით, ხობის მუნიციპალიტეტის საკრებულოს
თავმჯდომარე ედიშერ ჯობავა

დეკემბერი 30, 2017

შობა-ახალი წლისადმი მიძღვნილი კონცერტი

30 დეკემბერს, ხობის მოსწავლე-ახალგაზრდობის სახლში, შობა-ახალი წლისადმი მიძღვნილი ღონისძიება, სახელწოდებით - „მრავალ ახალ წელს“ გაიმართა. მოსწავლე-ახალგაზრდობის ცენტრის მოსწავლეები დარბაზში შეკრებილი მაყურებლის წინაშე ქართული და უცხოური სიმღერებით, ქორეოგრაფიული ნომრებითა და ახალი წლის თემატიკაზე შექმნილი ლექსებით წარსდგნენ.
მოსწავლე-ახალგაზრდობის ცენტრის მოსწავლეებს ადგილობრივი თვითმმართველობის დაფინანსებით შეძენილი საახალწლო ნობათი გადაეცათ.
სადღესასწაულო ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი“ ცენტრის ორგანიზებით განხორციელდა.

დეკემბერი 29, 2017

საკრებულოს სხდომა

29 დეკემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის: დადგენილების პროექტები: „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ და „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“, რომლის თანახმადაც ხობის მუნიციპალიტეტის ადმინისტრაციულ ერთეულებში მერის წარმომადგენელთათვის შრომითი ხელშეკრულებით გათვალისწინებული პოზიციები გარდაიქმნა პროფესიულ საჯარო მოხელეთა თანამდებობებად.
დღის წესრიგით გათვალისწინებული საკითხების განხილვის შემდეგ საკრებულოს რიგგარეშე სხდომა დახურულად გამოცხადდა.

<<
<
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
...
>
>>