ხობის მუნიციპალიტეტის საკრებულო

სიახლეები

დეკემბერი 14, 2018

ბიუროს სხდომა

14 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა ერთი საკითხი:
1. ხობის მუნიციპალიტეტის მერის გ. ქაჯაიას 2018 წლის 12 დეკემბრის N03/4951 წერილის განხილვა („აბაშის, ზუგდიდის, მარტვილის, მესტიის, სენაკის, ჩხოროწყუს, წალენჯიხის, ხობისა და ქალაქ ფოთის მუნიციპალიტეტების კერძო სამართლის არასამეწარმეო (არაკომერციული) იურიდიული პირის - ,,სამეგრელო-ზემო სვანეთის ტურიზმის მართვის ცენტრი“ ერთობილვად დაფუძნების თაობაზე გადაწყვეტილების მიზანშეწონილობაზე ხობის მუნიციპალიტეტის მერისათვის თანხმობის მიცემის შესახებ“ განკარგულების პროექტის თაობაზე).
(მომხსენებლები: ვ. ქანთარია - ხობის მუნიციპალიტეტის საკრებულოს
ქონების მართვისა და ინფრასტრუქტურის კომისიის თავმჯდომარე.

დეკემბერი 13, 2018

ტექნოპარკში თანადაფინანსების პროგრამის პრეზენტაცია გაიმართა

ზუგდიდის ტექნოპარკში ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო მსოფლიო ბანკის პროექტის ,,ეროვნული ინოვაციების ეკოსისტემის” (GENIE) ფარგლებში თანადაფინანსების გრანტების პროგრამის პრეზენტაცია გაიმართა. პროგრამის მიზანი საქართველოში საერთაშორისო პოტენციალის მქონე ინოვაციური პროდუქტების და მომსახურების შემუშავება-ათვისების და კომერციალიზაციის გზით ინოვაციების და ინოვაციური საწარმოების წარმოქმნის სტიმულირებაა.
პროექტის ფარგლებში გათვალისწინებულია თანადაფინანსების გრანტები სტარტაპებისთვის, რომელიც განკუთვნილია დამწყებ ან ორ წლამდე კერძო, მცირე საწარმოებისთვის. საგრანტო კონკურსისთვის განკუთვნილი მთლიანი ბიუჯეტი შეადგენს ორ მილიონ ლარს. მოთხოვნილი გრანტის მაქსიმალური ოდენობა არ უნდა აღემატებოდეს ასი ათას ლარს.
პრეზენტაციას ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის საკრებულოს ფრაქცია „ქართული ოცნება - მრეწველები”ს თავმჯდომარის მოადგილე გოჩა სიჭინავა, სხვადასხვა მუნიციპალიტეტებიდან მერიისა და საკრებულოს წარმომაადგენლებთან ერთად, არასამთავრობო ორგანიზაციები, მედია და თემით დაინტერესებული პირები ესწრებოდნენ.
თანადაფინანსების გრანტების პროგრამის ფარგლებში დაფინანსდება ტექნოლოგიაზე დაფუძნებული პროექტები - საქმიანობები, გარდა სამხედრო, ბირთვული ტექნოლოგიების, სპირტის და სპირტიანი სასმელების, თამბაქოს და სახიფათო ნივთიერებების წარმოებისა.

დეკემბერი 13, 2018

გილოცავთ ანდრია პირველწოდებულის ხსენების დღეს!

დეკემბერი 10, 2018

კამპანია გენდერული ძალადობის წინააღმდეგ დღეს დასრულდა

გენდერული ძალადობის წინააღმდეგ ბრძოლის 16 დღიანი კამპანია საქართველოში 25 ნოემბერს დაიწყო და 10 დეკემბრს დასრულდა, კამპანიის ფარგლებში, საქართველოს მასშტაბით, 50-ზე მეტი თემატური ღონისძიება ჩატარდა, კამპანიას შეუერთდა ხობის მუნიციპალიტეტის საკრებულოს თავმჯდომარე, გენდერული საბჭოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე, გენდერული საბჭოს თავმჯდომარის მოადგილე დოდო გაბუნია, საკრებულოს აპარატის უფროსი, გენდერული საბჭოს მდივანი ლელა შამათავა, საკრებულოს საპროცედურო საკითხთა კომისიის თავმჯდომარე თეა გელანტია და ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია. კამპანიის ფარგლებში მათ მუნიციპალიტეტში მცხოვრებ ქალებს საინფორმაციო ბუკლეტები გადასცეს და ესაუბრნენ ძალადობაზე და საკუთარი უფლებების დაცვაზე.

დეკემბერი 7, 2018

ინსტიტუციური დიალოგის ფორუმი

ზაზა გაბუნიას ინიციატივით საქართველოს პარლამენტმა დეცენტრალიზაციის რეფორმის საკითხზე "სახელმწიფო და ადგილობრივი ხელისუფლების ინსტიტიციური დიალოგის" გენერალურ ფორუმს უმასპინძლა

დეკემბერი 5, 2018

საკრებულოს რიგგარეშე სხდომა

5 დეკემბერს გაიმართა ხობის მუნიციპალიტეტის საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარის მოვალეობის შემსრულებელი მამუკა ქარდავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი: „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N67 დადგენილებაში ცვლილების შეტანის თაობაზე“. დადგენილების პროექტით მუნიციპალიტეტის ბიუჯეტში განხორციელდა შემდეგი სახის ცვლილება: ადგილობრივი ბიუჯეტის ხარჯები შემცირდა 50 ათასი ლარით, კერძოდ: საჯარო სკოლების დაფინანსება და სხვადასხვა კაპიტალური ხარჯები, ასევე მცირდება ბიუჯეტის სარეზერვო ფონდი 38,7 ათასი ლარით. გამოთავისუფლებული თანხები და შემოსულობების ზრდით მიღებული 280,3 ათასი ლარი, სულ 330,3 ათასი ლარი მიიმართება შემდეგ ღონისძიებათა დასაფინანსებლად: 177,3 ათასი ლარი „ინფრასტრუქტურის მშენებლობა, რეაბილიტაცია და ექსპლუატაციაზე“, ხოლო 153,0 ათასი ლარი მოსახლეობის ჯანმრთელობის დაცვისა და სოციალურ უზრუნველყოფაზე. ბიუჯეტში ასევე აისახა მერის ბრძანებებით მხარჯავი დაწესებულებებისათვის ადგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული სხვადასხვა გადანაწილებები. ბიუჯეტის მთლიანი მოცულობა, შემოსულობების გეგმა შეადგენს 13701,0 ათას ლარს.
დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

დეკემბერი 5, 2018

ბიუროს სხდომა

5 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა ერთი საკითხი:
1. ხობის მუნიციპალიტეტის მერის გ. ქაჯაიას 2018 წლის 5 დეკემბრის N04/4855 წერილის განხილვა („ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის შესახებ)

(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე)

დეკემბერი 5, 2018

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2018 წლის 5 დეკემბერს 14:00 საათზე. ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

„ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის განხილვა

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი)

დეკემბერი 4, 2018

ხობის მუნიციპალიტეტის საკრებულო გილოცავთ ღვთისმშობლის ტაძრად მიყვანებას

დეკემბერი 1, 2018

სტიქია ხობში

ლიერმა ქარმა ქ.ხობში და მუნიციპალიტეტის ადმინისტრაციულ ერთეულებში დააზიანა ელექტრო გადამცემი ხაზები, საცხოვრებელი სახლების სახურავები, საბავშვო ბაღები, მიმდინარეობს ზარალის დათვლა და ტარდება ყველა საჭირო და ოპერატიული ღონისძიება ზარალის აღმოსაფხვრელად, რომელშიც ჩართული არიან ადგილობრივი ხელისუფლების წარმომადგენლები შესაბამის სამსახურება ერთად.

ნოემბერი 30, 2018

საკრებულოს სხდომა

30 ნოემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განიხილეს დადგენილების პროექტი: „ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“, რომელშიც განხორციელდა ცვლილება „სამხედრო ვალდებულებისა დასამხედრო სამსახურის შესახებ“ საქართველოს კანონის შესაბამისად, რომლის თანახმადაც, პირის სამსახურში მიღებისას აუცილებელ წარსადგენ დოკუმენტების ჩამონათვალს დაემატა სამხედრო აღრიცხვაზე ყოფნის დამადასტურებელი დოკუმენტის წარმოდგენის აუცილებლობა.
სხდომაზე ასევე განხილულ იქნა განკარგულების პროექტი: „ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N61 განკარგულების ძალადაკარგულად გამოცხადების თაობაზე“ რომლის მიხედვითაც მიზანშეწონილად ჩაითვალა ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისიის გაუქმება. სხდომის დასასრულს საკრებულოს თავმჯდომარემ ე. ჯობავამ მსოფლიო ჩემპიონატზე კრივში მიღწეული გამარჯვება მიულოცა დიტო ბუკიას და ხობის მუნიციპალიტეტის საკრებულოს სახელით მადლობის სიგელი გადასცა. დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

ნოემბერი 30, 2018

განცხადება ხობის მუნიციპალიტეტის საკრებულოს სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2018 წლის 30 ნოემბერს 11:30 საათზე ხობის მუნიციპალიტეტის საკრებულოს სხდომათა დარბაზში.

სხდომის დღის წესრიგი:

„ხობის მუნიციპალიტეტის მერიის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის №45 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

„ცოტნე დადიანის სახელობის ჯილდოს მფლობელის გამოსავლენი და სარეკომენდაციო კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2014 წლის 8 აგვისტოს N61 განკარგულების ძალადაკარგულად გამოცხადების თაობაზე“ დადგენილების პროექტის განხილვა

(მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე).

ნოემბერი 27, 2018

ხობის მუნიციპალიტეტის პირველობა მარულაში.

27 ნოემბერს, გურიფულმა მარულაში ხობის მუნიციპალიტეტის პირველობას უმასპინძლა. ღონისძიება, რომელიც მარულას ტრადიციის აღდგენას და პოპულარიზაციას ისახავდა მიზნად, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.
პირველ, მეორე და მესამე ადგილებზე გასულ ცხენოსნებს თასები, სიგელები და ფულადი ჯილდოები გადაეცათ.
I ადგილი - გიორგი ბოკუჩავა (ქვემო ქვალონი)
II ადგილი - თემურ უსანატოვი (ქ. ხობი)
III ადგილი - გიორგი დანელია (გურიფული)
ღონისძიებას საქართველოს პარლამენტის წევრი ირაკლი (დაჩი) ბერაია, საკრებულოს თავმჯდომარე ედიშერ ჯობავა და მერის მოადგილე მახარე ჩოკორაია ესწრებოდნენ.

ნოემბერი 25, 2018

25 ნოემბერი ქალთა მიმართ ძალადობის აღმოფხვრის საერთოშირისო დღეა!

სწორედ ამ დღეს იწყება გენდერული ძალადობის წინააღმდეგ მიმართული 16 დღიანი კამპანია, რომელიც 10 დეკემბერს, ადამიანის უფლებათა დაცვის საერთაშორისო დღეს სრულდება.

ნოემბერი 23, 2018

მიხეილ იოსავას სახელობის თასის გათამაშება ბილიარდში

19-23 ნოემბერს საბილიარდე კლუბ „მიხეილში“ , აგვისტოს ომის დროს დაღუპული რეზერვისტის, მიხეილ იოსავას სახელობის თასის გათამაშება გაიმართა. 32 მობილიარდე ტურნირის გამარჯვებულის ტიტულის მოსაპოვებლად ეჯიბრებოდა ერთმანეთს. ჭაბუკთა შორის გამარჯვებული გიგა საბეკია გახდა, ხოლო უფროსებში პირველობა ედიკა კვიკვინიამ მოიპოვა. გამარჯვებულ და საპრიზო ადგილებზე გასულ მოთამაშეებს თასები, მედლები და სიგელები გადაეცათ.
სპორტული ღონისძიების დაჯილდოების ცერემონიას ხობის მუნიციპალიტეტის მერი გოჩა ქაჯაია, მიხეილ იოსავას ოჯახის წევრები და ადგილობრივი თვითმმართველობის წარმომადგენლები ესწრებოდნენ.
შეჯიბრება, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.

<<
<
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
...
>
>>