ხობის მუნიციპალიტეტის საკრებულო

სიახლეები

აგვისტო 8, 2019

11 წელი აგვისტოს ომიდან

ხობის მუნიციპალიტეტში, აგვისტოს ომის დროს დაღუპული 9 ხობელი გმირის ხსოვნას პატივი მიაგეს.
ხობის მუნიციპალიტეტის საკრებულოს თავმჯდომარე ედიშერ ჯობავამ და მერმა გოჩა ქაჯაიამ,საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ და მერის მოადგილე მახარე ჩოკორაიამ ადგილობრივი თვითმმართველობისა და საზოგადოების წარმომადგენლებთან ერთად ყვავილებით შეამკეს აგვისტოს ომის დროს დაღუპულთა მემორიალი. სამშობლოს ერთიანობას - გოგა ბერაიას, მიხეილ იოსავას, ლევან ჭოჭუას, დათა ხურცილავას, გოგა ჭითანავას, ზვიად დათუაშვილის, ლევან ტურავას, გოგიტა ქარჩავას და რამაზ კიტიას სიცოცხლე შეეწირა. ხობის წმინდა სამების სახელობის ეკლესიაში, მღვდელმა კირიონ დარასელიამ საქართველოს ერთიანობისთვის დაღუპულთათვის პანაშვიდი გადაიხადა. მემორიალთან, რუსული აგრესიის ამსახველი ფოტონამუშევრების გამოფენა და გოგა ჭითანავას ხსოვნისადმი მიძღვნილი წიგნის - „სამშობლო, როგორც უფალი...“ პრეზენტაცია გაიმართა. წიგნის ავტორი, ჟურნალისტი მზეკო ჟვანიაა, ხოლო გამოფენაზე წარმოდგენილი იყო ფოტოგრაფ ირაკლი შონიას ნამუშევრები.

აგვისტო 8, 2019

ცოტნეობა პროგრამა

აგვისტო 7, 2019

მუნიციპალიტეტის ბაღებში სარემონტო სამუშაოები დაათვალიერეს

„სოფლის მხარდაჭერის პროგრამის ფარგლებში“ მოსახლეობის მოთხოვნითა და ადგილობრივი თვითმმართველობის მხარდაჭერით, რომლის ერთ-ერთი მთავარი პრიორიტეტი ბავშვებზე ზრუნვაა, თორსა-დღვაბისა და ზემო ქვალონის ადმინისტრაციულ ერთეულებში დასრულებული, ხოლო ახალსოფლის ადმინისტრაციულ ერთეულში მიმდინარე საბავშვო ბაგა-ბაღების სარეაბილიტაციო სამუშაოები დაათვალიერეს, ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ, მუნიციპალიტეტის მერმა გოჩა ქაჯაიამ, საკრებულოს წევრებმა და მერის წარმომადგენლებმა. აღნიშნულ სამუშაოებზე დასაქმებულია ადგილობრივი მოსახლეობა. ახალი სასწავლო წლიდან საბავშვო ბაგა-ბაღების აღსაზრდელები სწავლას კეთილმოწყობილ და მყუდრო გარემოში გააგრძელებენ.

აგვისტო 3, 2019

ტურნირი მინიფეხბურთში

3 აგვისტოს სტარტი აიღო 2008 წელს ტრაგიკულად დაღუპული რეზერვისტის გოგა ჭითანავასა და ჯარისკაც ლევან ტურავას სახელობის რიგით მეთერთმეტე გათამაშებამ მინი ფეხბურთში. ტურნირი საფეხბურთო კლუბ ხობის „კოლხეთის“ ორგანიზებით და ადგილობრივი თვითმმართველობის მხარდაჭერით ხორციელდება და მასში 8 გუნდი მონაწილეობს. .ფინალური შეხვედრა 8 აგვისტოს გაიმართება.

აგვისტო 2, 2019

ახალი მოადგილის წარდგენა მუნიციპალიტეტების წარმომადგენლებისთვის

სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ, რეგიონში შემავალი მუნიციპალიტეტების მერებს, საკრებულოს თავმჯდომარეებს და მათ მოადგილეებს სახელმწიფო რწმუნებულის ახალი მოადგილე დავით ფარცვანია წარუდგინა.

შეხვედრაზე რეგიონული პროექტების სამსახურის უფროსმა ნუგზარ გაბელიამ მუნიციპალიტეტების მიხედვით, მიმდინარე პროექტების შესახებ ანგარიში წარადგინა. მუნიციპალიტეტების მერებმა რეგიონებში განსახორციელებელი პროექტების ფონდიდან დაფინანსებულ პროექტებზე და მათ მიმდინარეობაზე ისაუბრეს.

რეგიონებში განსახორციელებელი პროექტების ფონდიდან მიმდინარე წელს სამეგრელო ზემო სვანეთში ინფრასტრუქტურული პროექტების განსახორციელებლად (107 ობიექტი) გამოყოფილია 45 მილიონ ლარამდე.

სახელმწიფო რწმუნებულმა სოფლის მხარდაჭერის პროგრამით დაფინანსებული პროექტების მიმდინარეობაზე მიიღო ინფორმაცია.

შეხვედრას სახელმწიფო რწმუნებულის მოადგილეები ნინო ვიბლიანში, მალხაზ თორია და აპარატის უფროსი ლევან წულაია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია და მერის მოადგილეები ვარაზ გაბედავა და მახარე ჩოკორაია სხვა მუნიციპალიტეტების მერებთან და საკრებულოების თავმჯდომარეებთან ერთად
ესწრებოდნენ.

აგვისტო 1, 2019

ხობში აქცია „გაუზიარე სიცოცხლე, გაიღე სისხლი“ მიმდინარეობს

ხობის კულტურის სახლის ფოიეში სისხლის უანგარო დონორთა აქცია - „გაუზიარე სიცოცხლე, გაიღე სისხლი“ მიმდინარეობს. აქციაში ადგილობრივი თვითმმართველობის წარმომადგენლებთან ერთად, ხობის მუნიციპალიტეტის მერმა, გოჩა ქაჯაიამ მიიღო მონაწილეობა. აქცია ხობის მუნიციპალიტეტის მხარდაჭერითა და „სისხლის გადასხმის საქალაქო სადგური“ ს ორგანიზებით ხორციელდება.
„სისხლის გადასხმის საქალაქო სადგური“ დონორული სისხლისგან დამზადებული სისხლის კომპონენტებით ამარაგებს, როგორც ბავშვთა, ისე მრავალპროფილურ კლინიკებს.
აქცია 17:00 საათამდე გაგრძელდება.

ივლისი 31, 2019

ხობში აქცია „გაუზიარე სიცოცხლე, გაიღე სისხლი“ გაიმართება

☑️1 აგვისტოს, 11:00 საათიდან ხობის კულტურის სახლის ფოიეში ჩატარდება სისხლის უანგარო დონორთა აქცია.
☑️აქცია ხობის მუნიციპალიტეტის მხარდაჭერითა და „სისხლის გადასხმის საქალაქო სადგური“ ს ორგანიზებით ხორციელდება.
☑️გახდი დონორი, გადაარჩინე სიცოცხლე.

ივლისი 30, 2019

საკრებულოს სხდომა

30 ივლისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერი ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა დღის წესრიგით გათვალისწინებული შემდეგი საკითხები: დადგენილების პროექტები: „ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ და „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა და საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის შესახებ“, რომლის თანახმადაც ხობის მუნიციპალიტეტის მერიაში იწყება რეორგანიზაცია, კერძოდ: სტრუქტურული, თანამდებობრივი და ფუნქციური ცვლილება დაიგეგმა მერიის 4 სამსახურში, რომელთაგან 3 სამსახურში განსახორციელებელი ცვლილება იწვევს მერიის და მერიის შესაბამისი სამსახურის დებულებებსა და მერიის საშტატო ნუსხაში ცვლილებას.
საკრებულოს სხდომაზე დამაკმაყოფილებლად შეფასდა ხობის მუნიციპალიტეტის 2019 წლის იანვარ - ივნისის ბიუჯეტის შესრულების ანგარიში.
სხდომაზე ასევე მოსმენილ და შეფასებულ იქნა ხობის მუნიციპალიტეტის საკრებულოს თავმჯდომარის ანგარიში, ხობის მუნიციპალიტეტის საკრებულოს მიერ 2018 წლის განმავლობაში გაწეული საქმიანობის შესახებ, სადაც საკრებულს თავმჯდომარემ დეტალურად ისაუბრა ყველა იმ პროექტებზე, რაც გასულ წელს წარმატებით განხორციელდა ადგილობრივი ხელისუფლების მხრიდან. საკრებულოს მიერ საკრებულოს 2018 წელს გაწეული საქმიანობა შეფასდა დადებითად.
დღის წესრიგით გათვალისწინებული საკითხების განხილვის შემდეგ სხდომა დახურულად გამოცხადდა.

ივლისი 30, 2019

ბიუროს სხდომა

30 ივლისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის მერის გ. ქაჯაიას 2019 წლის N04/2466 წერილის განხილვა („ხობის მუნიციპალიტეტის 2019 წლის იანვარ - ივნისის ბიუჯეტის შესრულების შედეგების შესახებ“);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2019 წლის N03/2493 წერილის განხილვა:
• „ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის თაობაზე;
• „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა და საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის შესახებ“ დადგენილების პროექტის თაობაზე;
მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);
3. ხობის მუნიციპალიტეტის საკრებულოს თავმჯდომარის ანგარიში ხობის მუნიციპალიტეტის საკრებულოს მიერ 2018 წელს გაწეული საქმიანობის თაობაზე.
(მომხსენებელი: თ. გელანტია - ხობის მუნიციპალიტეტის საკრებულოს საპროცედურო
საკითხთა კომისიის თავმჯდომარე).

ივლისი 29, 2019

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2019 წლის 30 ივლისს 11:30 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის საკრებულოს ზოგიერთ დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);

2. „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა და საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);

3. „ხობის მუნიციპალიტეტის 2019 წლის იანვარ - ივნისის ბიუჯეტის შესრულების შედეგების შესახებ“;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის
საფინანსო - საბიუჯეტო სამსახურის უფროსი);

4. ხობის მუნიციპალიტეტის საკრებულოს თავმჯდომარის ანგარიში ხობის მუნიციპალიტეტის საკრებულოს მიერ 2018 წელს გაწეული საქმიანობის თაობაზე.
(მომხსენებელი: ე. ჯობავა - ხობის მუნიციპალიტეტის საკრებულოს თავჯდომარე).

ივლისი 29, 2019

ძველი ხიბულის საჯარო სკოლას ზვიად გამსახურდიას სახელი მიენიჭა

საქართველოს განათლების, მეცნიერების, კულტურისა და სპორტის მინისტრის 2019 წლის 25 ივლისის N154/ნ ბრძანებით, სსიპ ძველი ხიბულის საჯარო სკოლას საქართველოს ეროვნული გმირის, ექსპრეზიდენტ ზვიად გამსახურდიას სახელი მიენიჭა.
საკრებულოში წარმოდგენილ იქნა სოფელ ძველი ხიბულის საჯარო სკოლის სამეურვეო საბჭოს სხდომის ოქმი, სადაც განხილული იყო პედაგოგიური კოლექტივისა და მშობელთა კომიტეტის ინიციატივა, სსიპ ხობისმუნიციპალიტეტის სოფელ ძველი ხიბულის საჯარო სკოლისთვის საქართველოს პირველი პრეზიდენტის ზვიად გამსახურდიას სახელის მინიჭების შესახებ. რაზედაც საკრებულოს მიერ მიღებულ იქნა განკარგულება „სსიპ ხობის მუნიციპალიტეტის სოფელ ძველი ხიბულის საჯარო სკოლისთვის ზვიად გამსახურდიას სახელის მინიჭებაზე თანხმობის გაცემის თაობაზე“. საბოლოო გადაწყვეტილების მიღების მიზნით სახელდებასთან დაკავშირებული ინიციატივა, სამეურვეო საბჭოს ოქმი და საკრებულოს განკარგულება სამეურვეო საბჭოს მიერ წარედგინა საქართველოს განათლების, მეცნიერების, კულტურისა და სპორტის სამინისტროს. რაც სამინისტროს მხრიდან დადებითად გადაწყდა.

ივლისი 26, 2019

საინფორმაციო შეხვედრა

26 ივლისს, ხობის მუნიციპალიტეტის მერიის სხდომათა დარბაზში ნატოსა და ევროკავშირის შესახებ საინფორმაციო ცენტრის წარმომადგენლებმა „დასავლური ინტეგრაციის პროცესის შესახებ ინფორმირებულობისა და ჩართულობის გაზრდა რეგიონებში“ პროექტის ფარგლებში შეხვედრა გამართეს ადგილობრივი თვითმმართველობის და სამოქალაქო სექტორის წარმომადგენლებთან. შეხვედრაზე ისაუბრეს საქართველოს ევროკავშირთან და ნატოსთან თანამშრომლობის ძირითად ასპექტებზე, ამ მიმართულებით არსებულ მიღწევებსა და გამოწვევებზე. პროექტი საინფორმაციო ცენტრის ორგანიზებით, აშშ-ს სახელმწიფო დეპარტამენტისა და საქართველოში აშშ-ს საელჩოს მხარდაჭერით განხორციელდა.

ივლისი 19, 2019

განათლების განვითარების და დასაქმების ცენტრმა შეხვედრა გამართა

ხობის მუნიციპალიტეტის საკრებულოს სხდომათა დარბაზში განათლების განვითარების და დასაქმების ცენტრმა (EDEC) შეზღუდული შესაძლებლობის მქონე პირთა ინტეგრაციის თემაზე მრგვალი მაგიდის ფორმატში შეხვედრა გამართა, სადაც იმსჯელეს შშმ პირთა ინტეგრაციის თემაზე და ამ მიმართულებით არსებულ გამოწვევებზე და მათი გადაჭრის გზებზე.
შეხვედრას ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია კომისიის წევრებთან, მერიის შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსთან შოლინა კანკიათან და მოწვეულ სტუმრებთან ერთად ესწრებოდა.
მრგვალი მაგიდა ევროკავშირის პროექტის „თანაბარი შესაძლებლობები შეზღუდული შესაძლებლობების მქონე პირთათვის“ ფარგლებში იმართება, პროექტს საქართველოს არბაითერ-სამატირერ-ბუნდი (ASB), მის პარტნიორ ორგანიზაციებთან -განათლების განვითარებისა და დასაქმების ცენტრთან (EDEC) და მოძრაობა „ხელმისაწვდომი გარემო ყველასთვის“ თანამშრომლობით ახორციელებს.

ივლისი 17, 2019

ქალაქის ქუჩების სახელდებაზე საჯარო განხილვა გაიმართა

ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის ორგანიზებით საკრებულოს სხდომათა დარბაზში გაიმართა საჯარო განხილვა ქ. ხობში 4 უსახელო ქუჩისთვის სახელის მინიჭებისა და სტალინისა და ბერიას ქუჩებისთვის სახელის გადარქმევის თაობაზე. საჯარო განხილვაზე მონაწილეების მხრიდან გამოითქვა სხვადასხვა მოსაზრებები ქუჩების სახელდებებთან დაკავშირებით. წარმოდგენილი წინადადებები განხილული იქნება კომიისის მიერ და მომზადდება შესაბამისი დასკვნა.

ივლისი 16, 2019

დაფნის მწარმოებლებთან და გადამამუშავებლებთან შეხვედრა გაიმართა

ხობის მუნიციპალიტეტის საკრებულოს სხდომათა დარბაზში ხობის საინფორმაციო-საკონსულტაციო ცენტრის ორგანიზებით, აგრო წარმოების ხელშეწყობის პროგრამის ფარგლებში, დაფნის მწარმოებლებთან და გადამამუშავებლებთან მორიგი სამუშაო შეხვედრა გაიმართა. შეხვედრაზე ისაუბრეს დაფნის მწარმოებელთა და გადამამუშავებელთა ასოციაციის შექმნასთან დაკავშირებულ შესაძლებლობებზე და იმსჯელეს ასოციაციის როლზე ქართული დაფნის ინდუსტრიაში.

<<
<
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
...
>
>>