ხობის მუნიციპალიტეტის საკრებულო

სიახლეები

ოქტომბერი 2, 2019

თორსაში ასი ათასი მოწამის სახელობის ტაძრის საძირკველი იკურთხა

ხობის მუნიციპალიტეტის თორსა-დღვაბის ადმინისტრაციულ ერთეულში ფოთისა და ხობის მიტროპოლიტმა გრიგოლმა ასი ათასი მოწამის სახელობის ტაძრის საძირკველი აკურთხა. ტაძრის საძირკვლის კურთხევას ფოთისა და ხობის ეპარქიის სასულიერო პირები, ადგილობრივი მოსახლეობა, საკრებულოს თავმჯდომარე ედიშერ ჯობავა და მერის მოადგილე მახარე ჩოკორაია ესწრებოდა. ეკლესიის მშენებლობის ინიციატორი თორსა-დღვაბის მკვიდრი მიხეილ ღურწკაიაა. ტაძარი ორნავიანი ბაზილიკა იქნება და ის შემოწირულობით აშენდება.

ოქტომბერი 2, 2019

ევროპის კვირეულის დახურვის ცერემონია

ქალაქ ხობის ცენტრალურ პარკში „ევროპის სპორტის კვირეულის“ (European Week of Sport – #Be Active) დახურვის ცერემონია გაიმართა. ღონისძიებას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია და ადგილობრივი ხელისწუფლების სხვა წარმომადგენლები.
„ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით. “ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კვირეული განხორციელდა ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით.„ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით. “ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კვირეული განხორციელდა ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით.

ოქტომბერი 2, 2019

პროექტი ცოცხალი წიგნები.

ხობის მუნიციპალიტეტის კულტურის სახლის მცირე დარბაზში პროექტის „ცოცხალი წიგნების“ ფარგლებში გაიმართა შეხვედრა თანამედროვე ქართველ პოეტებთან და მწერლებთან.
შემოქმედებითი საღამოს მონაწილეები: ელა გოჩიაშვილი, კატო ჯავახიშვილი, ირმა ბერიძე, ლელა ცუცქირიძე, ცოტნე ცხვედიანი, გიორგი შონია და დავით რობაქიძე მკითხველმა გულთბილად მიიღო.
პროექტის იდეის ავტორების მიზანია გაარღვიონ თბილისში მოქცეული კულტურული ჩაკეტილი წრე და რეგიონებს მიაწვდინონ ხმა.

სექტემბერი 30, 2019

დისკუსია თემაზე - ,,საბჭოთა რეპრესიები სამეგრელოში’’.

ხობში, კულტურის სახლის მცირე დარბაზში, ,,მედია ფონდის’’ ინიციატივითა და ხობის მუნიციპალიტეტის მერიის მხარდაჭერით თემაზე - ,,საბჭოთა რეპრესიები სამეგრელოში’’ დისკუსია გაიმართა.
შეხვედრა-დისკუსიას ისტორიკოსი გოგიტა ჩიტაია უძღვებოდა.რომელიმაც შეკრებილი საზოგადოების წინაშე, მეოცე საუკუნის 20-30-იან წლებში ბოლშევიკებთან მებრძოლ და რეპრესირებულ, ხობში მოღვაწე საერო და სასულიერო პირებზე ისაუბრა

სექტემბერი 30, 2019

ცოცხალი წიგნები

სექტემბერი 27, 2019

გილოცავთ ჯვართამაღლებას!

სექტემბერი 26, 2019

საკრებულოს სხდომა

26 სექტემბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა განკარგულების პროექტი ,,ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ რომლის თანახმადაც სამართლებრივი მომსახურეობის ეფექტურად და დროულად მისაღებად, სსიპ „იურიდიული დახმარების სამსახურს“ გადაეცა ქ. ხობში, ც. დადიანის ქ. N185_ში მდებარე ადმინისტრაციული შენობის მე-2 სართულზე განთავსებული 19.14 კვ.მ საოფისე ფართი.
სხდომაზე ასევე განხილულ იქნა განკარგულების პროექტი „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ თორსა-დღვაბის ადმინისტრაციულ ერთეულში ფუნქციონირებს განათლებისა და განვითარების ცენტრი ,,თოლისკური“, რომელიც ახორციელებს სოფლის მოსახლეობის დასაქმებას, შემდგომში დაგეგმილი აქვს ახალგაზრდობის გადამზადება სხვადასხვა საქმიანობაზე. საქმიანობის ნორმალურად წარმართვის მიზნით განათლებისა და განვითარების ცენტრ ,,თოლისკურს“ უსასყიდლო უზუფრუქტის ფორმით გადაეცა თორსა-დღვაბის ადმინისტრაციულ ერთეულში მდებარე შენობის პირველ სართულზე განთავსებული 98 კვ.მ ფართი, სარგებლობის უფლებით, 2 წლის ვადით. დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

სექტემბერი 26, 2019

ბიუროს სხდომა

26 სექტემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის მერის გ. ქაჯაიას 2019 წლის 24 სექტემბრის N05/3347 წერილის განხილვა („ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი(განუსხვისებელი) ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);
2. ხობის მუნიციპალიტეტის მერის გ. ქაჯაიას 2019 წლის 25 სექტემბრის N05/3356 წერილის განხილვა („ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის თაობაზე).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

სექტემბერი 25, 2019

"ჭყონდიდლობა 2019"

მარტვილის მუნიციპალიტეტში, ყოველწლიური დღესასწაული „ჭყონდიდლობა 2019“ გაიმართა, დღესასწაული მარტვილში სხვადსხვა ღონისძიებებით აღინიშნა.
ჭყონდიდლობას სამეგრელო–ზემო სვანეთის სახელმწიფო რწმუნებული ალექსანდრე მოწერელია, მოადგილეები, ლუდუკი (ნუკრი) ხასია და დავით ვერავა და ხობის მუნიციპალიტეტის საკრებულოს თავმჯდომარე ედიშერ ჯობავა მოწევულ სტუმრებთან ერთად ესწრებოდნენ.
მარტვილის ცენტრში ჭყონდიდლობისადმი მიძღვნილი კონცერტზე ადგილობრივი შემოქმედებითი ჯგუფები წარსდგნენ. მთავარ სცენაზე ჯგუფმა „ერთი მეოთხედმა“, გიგა პაპასკირმა და მერი მამულაშვილმა იმღერეს.
ჭყონდიდლობასთან დაკავშირებით, მარტვილში მთელი დღის განმავლობაში სხვადასხვა კულტურული და სპორტული ღონისძიებები იმართებოდა.

სექტემბერი 25, 2019

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2019 წლის 26 სექტემბერს 11:00 საათზე, ხობის მუნიციპალიტეტის საკრებულოს სხდომათა დარბაზში.
1. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ძირითადი (განუსხვისებელი) ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);

2. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის უფლებით (უზუფრუქტის ფორმით) გადაცემაზე თანხმობის მიცემის შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი).

სექტემბერი 24, 2019

რამაზ კიტიას ხსოვნისადმი მიძღვნილი პირველობა ფეხბურთში

24 სექტემბერს, ახალი ხიბულის ადმინისტრაციულ ერთეულში, რამაზ კიტიას სახელობის სტადიონზე, სამსახურეობრივი მოვალეობის შესრულების დროს, სოფელ ხურჩაში დაღუპული ხობელი პოლიციელის, რამაზ კიტიას ხსოვნისადმი მიძღვნილი პირველობის ფინალური შეხვედრები გაიმართა.
შეჯიბრებაში „თვითმმართველობის“, „მიკროსაფინანსო ორგანიზაციების“, საგანმანათლებლო რესურსცენტრის და პოლიციის გუნდები მონაწილეობდნენ.
საფეხბურთო პირველობის გამარჯვებული „მიკროსაფინანსო ორგანიზაციების“ გუნდი გახდა, ხოლო მეორე ადგილი „თვითმმართველობამ“ დაიკავა.
ღონისძიებას რამაზ კიტიას ოჯახის წევრები, ხობის მუნიციპალიტეტის მერი გოჩა ქაჯაია, მერის მოადგილე მახარე ჩოკორაია, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია და საკრებულოს იურიდიულ საკითხთა კომისიის თავმჯდომარე დავით ბერაია ესწრებოდნენ.
სპორტული პირველობა ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ კოლხეთის“ ორგანიზებით ჩატარდა.

სექტემბერი 24, 2019

ძველ ხიბულაში სარეაბილიტაციო სამუშაოები მიმდინარეობს

სამეგრელო-ზემო სვანეთის სახელმწიფო რწმუნებულის მოადგილემ ლუდუკი (ნუკრი) ხასიამ და ხობის მუნიციპალიტეტის საკრებულოს თავმჯდომარემ ედიშერ ჯობავამ, სოფელ ძველ ხიბულაში ფონდ „ქართუს“ დაფინანსებით მიმდინარე საბავშვო ბაგა-ბაღის სამშენებლო სამუშაოები დაათავლიერეს. ორსართულიანი, 60 აღსაზრდელზე გათვლილი და თანამედროვე სტანდარტების შესაბამისად მოწყობილი საბავშვო ბაგა-ბაღის მშენებლობა წლის ბოლომდე დასრულდება.
ხელისუფლების წარმომადგენლები ზვიად გამსახურდიას მემორიალური სახლის სარეაბილიტაციო სამუშაოებსაც გაეცნენ. ზვიად გამსახურდიას სახლ-მუზეუმის გახსნისთვის აქტიურად მიმდინარეობს სამუშაოები. „ქართუ ჯგუფის„ პროექტის ფარგლებში უკვე დაწყებულია ეკლესიის მშენებლობა, რომელიც იქნება კომპლექსი, სადაც ადგილობრივ მოსახლეობას საშუალება ექნება პატივი მიაგოს ზვიად გამსახურდიას ხსოვნას. უახლოეს პერიოდში დაიწყება მუზეუმის ეზოში პარკის გაშენების სამუშაოები.

სექტემბერი 23, 2019

მუნიციპალიტეტში ერთიანი ელექტრონული სერვისების სისტემა დაინერგება

ხობის მუნიციპალიტეტში მოქალაქეებისთვის სერვისების ხელმისაწვდომობის მიზნით ერთიანი სტანდარტით ელექტრონული სერვისების დანერგვისა და განვითარების პროექტი იწყება. პირველ სამუშაო შეხვედრაზე თბილისის მერიის ა(ა)იპ „მუნიციპალური სერვისების განვითარების სააგენტოს“ თანამშრომელმა მერიისა და საკრებულოს წარმომადგენლებს ახალი ელექტრონული სისტემის შესახებ მიაწოდა ინფორმაცია. შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ესწრებოდნენ. ერთიანი მუნიციპალური ელექტრონული სერვისების პროექტის ფარგლებში შეიქმნება ერთიანი ელექტრონული პლატფორმა, რომელიც სამ ძირითად სისტემას გააერთიანებს: ერთიანი ელექტრონული საქმისწარმოების, განცხადებების მართვისა და გეოსივრცითი მონაცემების მართვის სისტემას. ღნიშნული პროგრამა მოქალაქეებსა და ბიზნესს მუნიციპალიტეტისგან ერთი ფანჯრის პრინციპით, მოკლე დროში, ხარისხიანი მომსახურების მიღების შესაძლებლობას მისცემს.

სექტემბერი 23, 2019

"ევროპის სპორტის კვირეული" დაიწყო

23 სექტემბერს, ქალაქ ხობის ცენტრალურ პარკში “ევროპის სპორტის კვირეული“ (European Week of Sport – #Be Active) დაიწყო. ღონისძიება ფლეშმობით გაიხსნა, რომელიც მაგიდის ჩოგბურთითა და ჭადრაკით გაგრძელდა.
ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია და მერის მოადგილე მახარე ჩოკორაია ესწრებოდნენ.
“ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით.
“ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კამპანია წარმოებს ჰეშთეგით #BeActive და მოუწოდებს მოსახლეობას, იცხოვრონ ცხოვრების ჯანსაღი წესით, იყვნენ აქტიურები.
30 სექტემბერს, გამარჯვებულთა დაჯილდოება გაიმართება.
კვირეული ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით ხორციელდება.

სექტემბერი 20, 2019

რამაზ კიტიას ხსოვნისადმი მიძღვნილი პირველობა მინიფეხბურთში

20 სექტემბერს, ქალაქ ხობში სტარტი აიღო სამსახურეობრივი მოვალეობის შესრულების დროს, სოფელ ხურჩაში დაღუპული ხობელი პოლიციელის, რამაზ კიტიას ხსოვნისადმი მიძღვნილმა პირველობამ მინიფეხბურთში. შეჯიბრებაში საგანმანათლებლო რესურსცენტრის, თვითმმართველობის, პოლიციის, და მიკროსაფინანსო ორგანიზაციების გუნდები მონაწილეობენ.
ფინალური მატჩები 24 სექტემბერს, ახალ ხიბულაში, რამაზ კიტიას სახელობის სტადიონზე გაიმართება. სპორტული პირველობა ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ კოლხეთის“ ორგანიზებით ხორციელდება.

<<
<
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
...
>
>>