ხობის მუნიციპალიტეტის საკრებულო

სიახლეები

ოქტომბერი 31, 2018

საკრებულოს სხდომა

31 ოქტომბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში“ ცვლილების შეტანის თაობაზე“ დადგენილების პროექტით პეტიციის წარმდგენ სუბიექტს მიენიჭა უფლებამოსილება პეტიციის წარმდგენი ამომრჩევლების სიის ბლანკის მოთხოვნის გარეშეც წარმოადგინოს პეტიცია საქართველოს ორგანული კანონის „ადგილობრივი თვითმმართველობის კოდექსი“ 86-ე მუხლის მე-6 პუნქტის მოთხოვნების გათვალისწინებით. სხდომაზე ასევე განხილულ იქნა დადგენილების პროექტი „ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“, რომლის თანახმადაც მუნიციპალიტეტის მერიის შესაბამისი სამსახურის მიერ შემუშავებულ იქნა ხობის მუნიციპალიტეტში მცხოვრები შეზღუდული შესაძლებლობის მქონე პირთა საკითხებზე მომუშავე საბჭოს დებულება, რომლის საფუძველზეც საბჭო წარმოადგენს ხობის მუნიციპალიტეტის მერთან არსებულ სათათბირო ორგანოს, რომელიც თავისი კომპეტენციის ფარგლებში განიხილავს ხობის მუნიციპალიტეტში შშმ პირთა ღირსეული თანაცხოვრებისა და თანაბარი შესაძლებლობების უზრუნველყოფისათვის აუცილებელი პირობების შექმნის საკითხებს.
სხდომის დასრულების შემდეგ საკრებულოს წევრებმა ხობელ ფალავანს ნუგზარ წურწუმიას და მის მწვრთნელებს კიდევ ერთხელ მიულოცეს მსოფლიო ჩემპიონატზე ღირსეული ასპარეზობა, ბრინჯაოს მედალი და მომავალი წარმატებები უსურვეს.
დღის წესრიგით გათვალისწინებული ამ და სხვა საკითხების განხილვის შემდეგ საკრებულოს სხდომა დახურულად გამოცხადდა.

ოქტომბერი 30, 2018

განცხადება ხობის მუნიციპალიტეტის საკრებულოს სხდომის შესახებ

განცხადება ხობის მუნიციპალიტეტის საკრებულოს სხდომის შესახებ
️ხობის მუნიციპალიტეტის საკრებულოს მორიგი სხდომა გაიმართება
2018 წლის 31ოქტომბერს 11:00 საათზე
ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის განხილვა
(მომხსენებელი: ე. ჯობავა - ხობის მუნიციპალიტეტის საკრებულოს თავმჯდომარე;
თანამომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

2. „ხობის მუნიციპალიტეტის საკრებულოს ზოგიერთი დადგენილების ძალადაკარგულად გამოცხადების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

3. „ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობისა და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2018 წლის 28 მარტის №16 დადგენილების ძალადაკარგულად გამოცხადების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

4. „ხობის მუნიციპალიტეტის მერიის წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის N52 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული სამსახურის უფროსი);

5. „ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ დადგენილების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი).

ოქტომბერი 30, 2018

ბიუროს სხდომა

30 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის გ. ქაჯაიას 2018 წლის 9 ოქტომბრის N04/4171 წერილის განხილვა („ხობის მუნიციპალიტეტის 2018 წლის ადგილობრივი ბიუჯეტის იანვარ - სექტემბრის შესრულების ანგარიშის შესახებ“ ანგარიშის მოსმენის თაობაზე);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2018 წლის 17 ოქტომბრის N09/4234 და 19 ოქტომბრის N09/4263 წერილების განხილვა („ხობის მუნიციპალიტეტის მერთან არსებული შეზღუდული შესაძლებლობის მქონე პირთა საკითხებზე მომუშავე საბჭოს დებულების დამტკიცების შესახებ“ დადგენილების პროექტის თაობაზე);
(მომხსენებელი: დ. გაბუნია - ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2018 წლის 19 ოქტომბრის N03/4273 წერილის განხილვა:
• „ხობის მუნიციპალიტეტის საკრებულოს ზოგიერთი დადგენილების ძალადაკარგულად გამოცხადების შესახებ“ დადგენილების პროექტის თაობაზე;
• „ხობის მუნიციპალიტეტის მერიის წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურის დებულების დამტკიცების შესახებ“ ხობის მუნიციპალიტეტის საკრებულოს 2017 წლის 30 ოქტომბრის N52 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

4. ხობის მუნიციპალიტეტის საკრებულოს იურიდიულ საკითხთა კომისიის თავმჯდომარის დ. ბერაიას 2018 წლის 26 ოქტომბრის N107/01 განცხადების განხილვა („ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N59 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს
იურიდიულ საკითხთა კომისიის თავმჯდომარე);

5. ხობის მუნიციპალიტეტის მერის გ. ქაჯაიას 2018 წლის 29 ოქტომბრის N05/4357 წერილის განხილვა („ხობის მუნიციპალიტეტის დასახლებული ტერიტორიის დასუფთავების მოსაკრებლის გადახდის ინსტრუქციის, მოსაკრებლის ოდენობისა და მოსაკრებლის გადახდის ქვითრის დამტკიცების შესახებ“ ხობის მუნიციპალიტეტის საკრებულოს 2018 წლის 28 მარტის №16 დადგენილების ძალადაკარგულად გამოცხადების შესახებ“ დადგენილების პროექტის თაობაზე).
(მომხსენებლები: ვ. ქანთარია - ხობის მუნიციპალიტეტის საკრებულოს
ქონების მართვისა და ინფრასტრუქტურის კომისიის თავმჯდომარე.

ოქტომბერი 30, 2018

ნუგზარ წურწუმიას გულშემატკივრებმა საზეიმო დახვედრა მოუწყვეს

საზეიმო დახვედრა მოუწყვეს დღეს ხობელებმა საქართველოს ბერძნულ-რომაული სტილით მოჭიდავეთა ნაკრების წევრს, ხობელ ნუგზარ წურწუმიას, რომელმაც ბუდაპეშტში გამართულ მსოფლიო ჩემპიონატზე მესამე ადგილი მოიპოვა და ბრინჯაოს მედლის მფლობელი გახდა. ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის მოადგილეებმა ვარაზ გაბედავამ და მახარე ჩოკორაიამ, გულშემატივრებთან ერთად მიულოცეს ხობელ ფალავანს და მის მწვრთნელს მამუკა ყორშიას გამარჯვება და მომავალი წარმატებები უსურვეს მათ.

ოქტომბერი 26, 2018

დასრულდა მუნიციპალიტეტის პირველობა მკლავჭიდში

26 ოქტომბერს ხობის კულტურის სახლის ფოიეში გაიმართა ხობის მუნიციპალიტეტის პირველობა მკლავჭიდში ჭაბუკთა შორის. ტურნირში 40 ახალგაზრდა სპორტსმენი 9 კილოგრამ წონით კატეგორიაში ერთმანეთს ოლიმპიური სისტემით დაუპირისპირდნენ. გამარჯვებულებსა და პრიზიორ მკლავჭიდელებს სიგელები, მედლები და თასები გადაეცათ.
შეჯიბრი კულტურულ-საგანმანათლებო საზოგადოებრივი ცენტრის ორგანიზებით ჩატარდა.

ოქტომბერი 19, 2018

ჩეხურმა არასამთავრობო ორგანიზაციამ რეგიონალური შეხვედრა გამართა

სამეგრელო-ზემო სვანეთის გუბერნატორის ხელშეწყობით ჩეხურმა არასამთავრობო ორგანიზაციამ „ფიფლ ინ ნიდ“ და პარტნიორმა ორგანიზაციამ „სოფლად თემთა განვითარების სააგენტო“ (RCDA) ზუგდიდის მუნიციპალიტეტის საკრებულოს დარბაზში რეგიონალური შეხვედრა ჩაატარეს, შეხვედრას ზუგდიდის მაჟორიტარი დეპუტატი მერაბ ქვარაია, სამეგრელო-ზემო სვანეთის რწმუნებული ალექსანდრე მოწერელია, ხობის მუნიციპალტეტის საკრებულოს თავმჯდომარე ედიშერ ჯობავა, საკრებულოს ფრაქცია „ქართული ოცნება- მრეწველების“ თავმდომარის მოადგილე გოჩა სიჭინავა, განათლებისა და განვითარების ცენტრი თოლისკურის თავმჯდომარე გვანცა კიკალეიშვილი, ადგილობრივი ხელისუფლების წარმომადგენლები, ფერმერები, კერძო სექტორისა და სოფლის მეურნეობის მიმართულებით მომუშავე საერთაშორისო და არასამთავრობო ორგანიზაციათა წარმომადგენლები ესწრებოდნენ.
შეხვედრის მონაწილეებმა იმსჯელეს ევროპასთან თავისუფალი ვაჭრობის გამოწვევებსა და შესაძლებლობებზე.
შეხვედრა რომლის ძირითადი მიზანი იყო, ხელი შეეწყო დიალოგისთვის ფერმერების, ბიზნესისა და სახელმწიფო სტრუქტურების წარმომადგენელთა შორის, ევროკავშირის მიერ დაფინანსებული პროექტის „სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ ფარგლებში ჩატარდა.

ოქტომბერი 16, 2018

დები ზარანდიების ხსოვნის პატივსაცემად მარადმწვანე ხეები დაირგო

13 ივნისს, ვერეს ხეობაში დატრიალებული ტრაგედიის დროს დაღუპული ხობელი დების ინდირა და ლიზი ზარანდიების ხსოვნის პატივსაცემად, თედო სახოკიას სახელობის ხობის ცენტრალური ბიბლიოთეკის მიმდებარე ტერიტორიაზე ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის პირველმა მოადგილემ ვარაზ გაბედავამ, მერის მოადგილემ მახარე ჩოკორაიამ საზოგადოების წარმომადგენლებთან ერთად სიმბოლურად, მარადმწვანე ხეები დარგეს.

ოქტომბერი 16, 2018

დები ზარანდიების ხსოვნის პატივსაცემად მარადმწვანე ხეები დაირგო

13 ივნისს, ვერეს ხეობაში დატრიალებული ტრაგედიის დროს დაღუპული ხობელი დების ინდირა და ლიზი ზარანდიების ხსოვნის პატივსაცემად, თედო სახოკიას სახელობის ხობის ცენტრალური ბიბლიოთეკის მიმდებარე ტერიტორიაზე ხობის მუნიციპალიტეტის საკრებულოს თავმჯდომარემ ედიშერ ჯობავამ, მერის პირველმა მოადგილემ ვარაზ გაბედავამ, მერის მოადგილემ მახარე ჩოკორაიამ საზოგადოების წარმომადგენლებთან ერთად სიმბოლურად, მარადმწვანე ხეები დარგეს.

ოქტომბერი 16, 2018

შეხვედრა დემოკრატიის სააგენტოს წარმომადგენლებთან.

ადგილობრივი დემოკრატიის სააგენტო საქართველომ ზუგდიდში გამართა პროექტის პრეზენტაცია სახელწოდებით „სამეგრელო -ზემო სვანეთის მხარეში ევროკავშირთან ასოცირების პროცესის შესახებ საზოგადოებაში ინფორმირებულობის გაზრდა“. შეხვედრას სამეგრელო-ზემო სვანეთის გუბერნატორი ალექსანდრე მოწერელია, სახელმწიფო რწმუნებულის გუბერნატორის ადმინისტრაციის, ადგილობრივი თვითმმართველობის, სამოქალაქო საზოგადოებისა და მედიის წარმომადგენლებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავაც ესწრებოდა.
პროექტის მიზანია, სამეგრელო-ზემო სვანეთის მხარის მუნიციპალიტეტებში საზოგადოების ინფორმირება და ცნობიერების ამაღლება ასოცირების შეთანხმების 21-ე თავის - „რეგიონული განვითარება, თანამშრომლობა საზღვრისპირა და რეგიონულ დონეზე“.შეხვედაზე დამსწრე საზოგადოებას თავისი ხედვები და მოსაზრებები გააცნო ხობის მუნიციპალიტეტის საკრებულოს თავმჯდომარემ ედიშერ ჯობავამ.
პროექტი GIZ-ის „მოლდოვასა და უკრაინას შორის ასოცირების ხელშეკრულების ფარგლებში რეგიონული განვითარების მიმართულებით თანამშრომლობის პლატფორმა“ ფინანსური მხარდაჭერით ხორციელდება.

ოქტომბერი 15, 2018

15 ოქტომბერი სოფლად მცხოვრებ ქალთა საერთაშორისო დღეა.

ხობის მუნიციპალიტეტის საკრებულოს თავმჯდომარე, გენდერული საბჭოს თავმჯდომარემ ედიშერ ჯობავამ, საკრებულოს განათლების, კულტურისა და სოციალურ საკითხთა კომისიის თავმჯდომარე, გენდერული საბჭოს თავმჯდომარის მოადგილემ დოდო გაბუნიამ და საკრებულოს აპარატის უფროსი, გენდერული საბჭოს მდივანმა, ლელა შამათავამ სოფლად მცხოვრებ ქალთა საერთაშორისო დღე, ხობის მუნიციპალიტეტის უხუცეს ქალბატონებს მიულოცეს.

ოქტომბერი 14, 2018

გილოცავთ სვეტიცხოვლობის ბრწყინვალე დღესასწაულს!

ხობის მუნიციპალიტეტის საკრებულო გილოცავთ სვეტიცხოვლობის ბრწყინვალე დღესასწაულს!

ოქტომბერი 8, 2018

მუნიციპალიტეტის პირველობა ლელობურთში

8 ოქტომბერს ხობის ცენტრალურ სტადიონზე დასრულდა მუნიციპალიტეტის პირველობა ლელობურთში. შეჯიბრებაში ხობის ადმინისტრაციული ერთეულებიდან 16 გუნდი მონაწილეობდა, რომლებიც ზონების მიხედვით, ოთხ ჯგუფში იყვნენ განაწილებულნი. ფინალში ერთმანეთს თორსის ადმინისტრაციული ერთეულისა და ქალაქ ხობის გუნდები შეხვდნენ. შეხვედრა ხობელთა გამარჯვებით დასრულდა.
ფინალულ შეხვედრას და დაჯილდოების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერი გოჩა ქაჯაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და მერის მოადგილე მახარე ჩოკორაია ესწრებოდნენ.
სპორტული ღონისძიება, რომელიც ლელობურთის ტრადიციის აღდგენას და პოპულარიზაციას ემსახურება, ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.

ოქტომბერი 3, 2018

ხობში ცენტრალური პარკის მშენებლობა დაიწყო

ქალაქ ხობში, ცენტრალური პარკის კეთილმოწყობის სამუშაოები დაიწყო. პარკის მშენებლობა საქართველოს პარლამენტის მაჟორიტარი წევრის (ირაკლი) დაჩი ბერაიას ინიციატივით ხორციელდება. მშენებლობის დაწყების ცერემონიალს საქართველოს პარლამენტის მაჟორიტარი წევრი (ირაკლი) დაჩი ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, მოწვეულ სტუმრებთან ერთად ესწრებოდნენ. პროექტის ავტორია „ხობი 2005“, სამუშაოებს ტენდერში გამარჯვებული კომპანია შპს „ჯორჯიან სთოუნი“ ახორციელებს. პროექტის შესაბამისად ხორციელდება: - ბეტონის ფილების მოწყობა. - ველობილიკის მოწყობა. - საფეხმავლო ზოლის მოწყობა. - ბეტონის ანაკრები ბორდიურების მოწყობა. - მწვანე კორდის მოწყობა. - ლაბირინთის მოწყობა. - საბავშვო, სატრენაჟორო და საკალათბურთო მოედნების მოწყობა. - საბავშვო მოედნების მოწყობა. - სავარჯიშო ტრენაჟორების მოედნის მოწყობა. - საკალათბურთო მოედნის მოწყობა. - ჭადრაკის დაფის მოწყობა. - ჭადრაკის მოედნის მიმდებარედ სკამების მოწყობა. - დეკორატიული სკამების მოწყობა. - ველოსადგომების მოწყობა. - ქ. ხობის გერბის მოწყობა. - საჩრდილობელის მოწყობა. - შადრევანის მოწყობა. - სასმელი წყლის სოკოს მოწყობა. - დეკორატიული განათების მოწყობა. - სამუშაოს სახელშეკრულებო ღირებულება 1მლნ ლარია. - სამუშაოები რეგიონში განსახორციელებელი პროექტების ფონდიდან და ადგილობრივი ბიუჯეტის თანადაფინანსებით ხორციელდება.

ოქტომბერი 2, 2018

გუბერნატორი სოფლად თემთა განვითარების სააგენტოს პროექტებს გაეცნო

ხობის მუნიციპალიტეტის საკრებულოს თავმჯდომარემ ედიშერ ჯობავამ, სამეგრელო-ზემო სვანეთის გუბერნატორმა ალექსანდრე მოწერელიამ, გუბერნატორის მოადგილემ კობა ქანთარიამ, ხობის მუნიციპალიტეტის ხამისკურსა და შუა ხორგის ადმინისტრაცულ ერთეულებში სოფლად, თემთა განვითარების სააგენტოს“ ოფისებში მზის ენერგიაზე მომუშავე კონდინციონერები, წყლის გამათბობელი, ენერგოღუმელი, ხილისა და ბოსტნეულის საშრობები და სხვა ტექნოლოგიური პროდუქტები დაათვალიერეს. მზის ენერგიაზე მომუშავე ტექნიკა, პროექტის ფარგლებში 1000-ზე მეტმა მოქალაქემ დაამონტაჟა საცხოვრებელ და საოფისე ფართებში. გუბერნატორმა ხამისკურში დაფნის მცირე საწარმოც დაათვალიერა. ,,სოფლად თემთა განვითარების სააგენტო“ (RCDA) 1997 წელს მცირე ფერმერების ჯგუფის, ფერმერთა საკრედიტო კავშირების, კოოპერატივების და არასამთავრობო ორგანიზაციების მიერ დაფუძნდა. რომელსაც როსტომ გამისონია წარმატებით ხელმძღვანელობს. ორგანიზაციის აქტივობებში სხვადასხვა სამეცნიერო და კვლევითი ინსტიტუტების ექსპერტები არიან ჩართულნი.

სექტემბერი 30, 2018

ხობში “ევროპის სპორტის კვირეულის“ დასკვნითი ღონისძიება გაიმართა.

30 სექტემბერს, ქალაქ ხობში, „ევროპის სპორტის კვირეულის“ (European Week of Sport – #Be Active) დახურვის ცერემონია გაიმართა. ღონისძიებას ხობის მუნიციპალიტეტის მერი გოჩა ქაჯაია და მერის მოადგილე მახარე ჩოკორაია ესწრებოდნენ.
“ევროპის სპორტის კვირეული“ (European Week of Sport – #Be Active) ევროკომისიის ორგანიზებით, 2015 წლიდან ყოველწლიურად ტარდება და ხელს უწყობს სპორტული და ფიზიკური აქტივობის პოპულარიზაციას ევროპის მასშტაბით.
“ევროპის სპორტის კვირეული“ იმართება ყველასთვის, განურჩევლად ასაკისა, სპორტული გამოცდილებისა, თუ ფიზიკური მომზადების დონისა. კამპანია წარმოებს ჰეშთეგით #BeActive და მოუწოდებს მოსახლეობას, იცხოვრონ ცხოვრების ჯანსაღი წესით, იყვნენ აქტიურები.
მუნიციპალიტეტის ადმინისტრაციულ ერთეულებში შეჯიბრებები გაიმართა სპორტის რვა სახეობაში. გამოვლინდნენ გამარჯვებულები და პრიზიორები, რომლებიც თასებითა და სიგელებით დაჯილდოვდნენ.
კვირეული ადგილობრივი თვითმმართველობის მხარდაჭერითა და „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა.

<<
<
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
...
>
>>