ხობის მუნიციპალიტეტის საკრებულო

სიახლეები

მარტი 1, 2019

მონიტორინგი სკოლამდელ სააღმზრდელო დასეწებულებებში

ხობის მუნიციპალიტეტის საზოგადოებრივი ჯანდაცვის ცენტრი რამოდენიმე დღის განმავლობაში ახორციელებდა მონიტორინგს სკოლამდელ სააღმზრდელო დასეწებულებებში წყალმომარაგების, სანიტარიისა და ჰიგიენური ნორმების დაცვის მიზნით, შემოწმდა ქალაქისა და სოფლების საბავშვო ბაგა-ბაღები. საზოგადოებრივი ჯანდაცვის ცენტრის მიერ ხობის მუნიციპალიტეტის საკრებულოში წარმოდგენილ იქნა დასკვნა სადაც მითითებულია რომ საბავშვო ბაგა-ბაღებში, პედიკულოზის შემთხვევა არ ფიქსირდება.
მონიტორინგის შედეგების შესახებ და ვირუსული ინფექციების პრევენციისთვის რეკომენდაციები მიეცა საბავშვო დაწესებულებების მთავარ სპეციალისტებს.

მარტი 1, 2019

ბაგა-ბაღებში სანიტარიისა და ჰიგიენური ნორმები შეამოწმდა

ხობის მუნიციპალიტეტის სკოლამდელ სააღმზრდელო დაწესებულებებში საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ, მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსმა ელისო კვიკვინიამ და ხობის მუნიციპალიტეტის სკოლამდელი სააღმზრდელო გაერთიანების ექიმმა მზია ლემონჯარიამ ბაგა-ბაღებში სანიტარიისა და ჰიგიენური ნორმები შეამოწმეს, შემოწმებულ იქნა დოკუმენტაცია, აღმოჩნდა მცირედი ხარვეზები დოკუმენტაციის წარმოებაში, რის საფუძველზეც სკოლამდელი სააღმზრდელო გაერთიანების ხელმძღვანელებს მიეცათ რეკომენდაციები ხარვეზების აღმოსაფხვრელად.

თებერვალი 28, 2019

ნატოსა და ევროკავშირში ინტეგრაციის საკითხებზე შეხვედრა გაიმართა

ირებულობისა და ჩართულობის გაზრდა საქართველოს რეგიონებში“ მიზანი საქართველოს რეგიონებში მცხოვრები მოსახლეობისთვის ქვეყნის ევროპულ და ევროატლანტიკურ სტრუქტურებში ინტეგრაციის საკითხებზე ობიექტური და ყოვლისმომცველი ინფორმაციის მიწოდებაა.
შეხვედრა აშშ-ს სახელმწიფო დეპარტამენტისა და საქართველოში აშშ-ს საელჩოს მიერ საგარეო საქმეთა სამინისტროს სსიპ „ნატოსა და ევროკავშირის შესახებ საინფორმაციო ცენტრისთვის“ გაცემული, ნახევარი მილიონი აშშ დოლარის დახმარების ფარგლებში გაიმართა. ღონისძიებას მოწვეულ სტუმრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და მერიის კულტურის, განათლების, სპორტის, ძეგლთა დაცვისა დ ახალგაზრდულ საქმეთა სამსახურის უფროსი ელისო კვიკვინია ესწრებოდნენ.

თებერვალი 25, 2019

საბჭოთა ოკუპაციის დღე

საბჭოთა ოკუპაციის დღესთან დაკავშირებით ხობის მუნიციპალიტეტის ადმინისტრაციულ შენობებზე დაშვებულია საქართველოს სახელმწიფო და მუნიციპალიტეტის დროშები.

თებერვალი 22, 2019

ნინო კემულარიას წიგნის„დუმილის ხმაური“ პრეზენტაცია გაიმართა

ხობის კულტურის სახლში პოეტისა და პროზაიკოსის, ნინო კემულარიას პოეტური კრებულის „დუმილის ხმაური“ პრეზენტაცია გაიმართა. ავტორის მეგობარმა მწერლებმა და მკითხველებმა„დუმილის ხმაურიდან“ ლექსები წაიკითხეს და მის შემოქმედებაზე ისაუბრეს. ღონისძიებას ადგილობრივი ხელისუფლების წარმომადგენლებთან ერთად, ნინოს მეგობრები და მისი გულშემატკივრები ესწრებოდნენ. „დუმილის ხმაური“ ნინო კემულარიას, რიგით მეოთხე წიგნია. კრებულში 2013 – 2018 წლებში შექმნილი ლექსებია შესული.

თებერვალი 22, 2019

საკრებულოს სხდომა

22 თებერვალს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა დადგენილების პროექტი„ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ რომლის თანახმადაც განხორციელდა სხვადასხვა სახის ცვლილებები, დგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული სხვადასხვა გადანაწილებები. სხდომაზე მეორე საკითხად განიხილეს დადგენილების პროექტი „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ რომლის თანახმადაც არასასოფლო-სამეურნეო დანიშნულების მიწის ნორმატიული ფასი იგივე რჩება, რაც 2018 წელს იყო განსაზღვრული და არასასოფლო-სამეურნეო დანიშნულების მიწის ნორმატიული ფასი ქალაქ ხობის ტერიტორიაზე შეადგენს 12.38 ლარს, სოფლებში - 3.71 ლარს, დასახლებათა შორის არეალებში - 3.1 ლარს, ხოლო დასახლებათა შორის არეალებში გამავალი საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) - 6.19 ლარს.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

თებერვალი 21, 2019

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2019 წლის 22 თებერვალს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის
საფინანსო - საბიუჯეტო სამსახურის უფროსი);

2. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

თებერვალი 21, 2019

ბიუროს სხდომა

21 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის გ. ქაჯაიას 2019 წლის 12 თებერვლის N05/427 წერილის განხილვა („ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის შესახებ);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2019 წლის 19 თებერვლის N04/495 წერილის განხილვა („ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

3. სახელმწიფო აუდიტის სამსახურის ადგილობრივი თვითმმართველი ერთეულების ბიუჯეტების აუდიტის დეპარტამენტის უფროსის გ. მამრიკიშვილის 2019 წლის 19 თებერვლის N001478/18 წერილის განხილვა (ხობის მუნიციპალიტეტის 2016-2017 წლების ბიუჯეტებით გათვალისწინებული პროგრამების შესაბამისობის აუდიტის ანგარიშის თაობაზე)
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე)

თებერვალი 19, 2019

დუმილის ხმაური

თებერვალი 19, 2019

ქვემო ქვალონის სკოლის მშენებლობაზე ტენდერი გამოცხადდა

საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდმა ხობის მუნიციპალიტეტის სოფელ ქვემო ქვალონის საჯარო სკოლის მშენებლობაზე ტენდერი გამოაცხადა.
სატენდერო დოკუმენტაციის მიხედვით სკოლა 300 მოსწავლეზეა გათვლილი, ხოლო სამშენებლო სამუშაოს სავარაუდო ღირებულება 4 მილიონ 158 ათასი ლარია.
სკოლების მშენებლობა საქართველოს მთავრობის დაფინანსებით ხორციელდება. გარდა ახალი სკოლების მშენებლობისა, მუნიციპალური განვითარების ფონდს 2019-2020 წლებში დაგეგმილი აქვს სკოლების რეაბილიტაცია და ენერგოეფექტურობის კომპონენტის გაძლიერება.

თებერვალი 16, 2019

დათა ხურცილავას სახელობის ტურნირი დასრულდა

16 თებერვალს, ქ. ხობში დათა ხურცილავას სახელობის სტადიონზე, აგვისტოს ომის დროს დაღუპული რეზერვისტის, დათა ხურცილავას სახელობის პირველობის ფინალური შეხვედრები გაიმართა. ტურნირის გამარჯვებული სენაკის მეორე ქვეითი ბრიგადის გუნდი გახდა, რომელმაც ფინალურ შეხვედრაში ხეთის გუნდი დაამარცხა, ხოლო მესამე ადგილი ახალი სოფლის გუნდმა დაიკავა. ტურნირის გამარჯვებულ და საპრიზო ადგილებზე გასულ გუნდებს, ინდივიდუალურ ნომინაციებში საუკეთესოდ დასახელებულ ფეხბურთელებს თასები, სიგელები და საჩუქრები გადაეცათ.
სპორტულ ღონისძიებას დათა ხურცილავას ოჯახის წევრებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია და სენაკის მეორე ბრიგადის მეთაური ვიცე პოლკოვნიკი კობა გრიგოლია ესწრებოდნენ.
საფეხბურთო პირველობა, ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

თებერვალი 12, 2019

ხობის მუნიციპალიტეტში დასახლების კრებები მიმდინარეობს

„სოფლის მხარდაჭერის პროგრამით“ დასაფინანსებელი პროექტების შერჩევის მიზნით, ხობის მუნიციპალიტეტის სოფლებში დასახლების კრებები და მოსახლეობასთან კონსულტაციები გრძელდება.
12 თებერვალს, მოსახლეობის უმრავლესობამ ნოჯიხევში - ამბულატორიის კეთილმოწყობა და მილხიდის რეაბილიტაციის, ხოლო ბიაში საბავშო ბაგა-ბაღის ნაწილობრივი რეაბილიტაცია და სკოლის მიმდებარე ტერიტორიის მოხრეშვის შესახებ საპროექტო წინადადებებს დაუჭირა მხარი.
დასახლების საერთო კრებებს ხობის მუნიციპალიტეტის საკრებულოს თავმჯდომარის მოადგილე მამუკა ქარდავა და მერის მოადგილე მახარე ჩოკორაია უძღვებოდნენ.

პროგრამა რეგიონებში განსახორციელებელი პროექტების ფონდის შემადგენელი ნაწილია. „სოფლის მხარდაჭერის პროგრამის ფარგლებში“ დასაფინანსებელი პროექტების კატეგორიებია: სასმელი წყლის და სარწყავი სისტემები, სანიაღვრე არხები, ნაპირსამაგრი სამუშაოები, გზები, გარე განათება, სკოლების მიმდებარე ტერიტორიის კეთილმოწყობა, ამბულატორიის შენობები, სპორტული ინფრასტრუქტურა, სკვერები და თავშეყრის ადგილები, მინიჰესები და ა.შ.
საქართველოს მთავრობის გადაწყვეტილებით „სოფლის მხარდაჭერის პროგრამის“ დაფინანსება გაორმაგდა და ხობის მუნიციპალიტეტისთვის საქართველოს რეგიონებში განსახორციელებელი პროექტების ფონდიდან 784 ათასი ლარი გამოიყო.

თებერვალი 12, 2019

შეხვედრა ნოჯიხევის მოსახლეობასთან

ხობის მუნიციპალიტეტის სოფელ ნოჯიხევში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით, მოსახლეობასთან კონსულტაცია გაიმართა. მოსახლეობის მიერ, პრიორიტეტების შერჩევის პროცესს საქართველოს გარემოს დაცვისა და სოფლის მეურნეობის მინისტრი ლევან დავითაშვილი, პრემიერ-მინისტრის მრჩეველი რეგიონული განვითარების საკითხებში სოზარ სუბარი და სამეგრელო-ზემო სვანეთის სახელმწიფო რწმუნებული ალექსანდრე მოწერელია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ესწრებოდნენ. ნოჯიხევში მოსახლეობის უმეტესობამ ამბულატორიის შენობის რეაბილიტაციას და საბავშვო ბაღში სკვერის მოწყობას დაუჭირა მხარი. ხელისუფლების წარმომადგენლები მოსახლეობას „სოფლის მხარდაჭერის პროგრამის“ მნიშვნელობაზე ესაუბრნენ, ასევე გააცნეს აზიური ფაროსანას საწინააღმდეგოდ დაგეგმილი ღონისძიებები. საქართველოს მთავრობის გადაწყვეტილებით „სოფლის მხარდაჭერის პროგრამის“ დაფინანსება გაორმაგდა და ხობის მუნიციპალიტეტისთვის საქართველოს რეგიონებში განსახორციელებელი პროექტების ფონდიდან 784 ათასი ლარი გამოიყოფა.

თებერვალი 10, 2019

დათა ხურცილავას სახელობის თასის გათამაშება ფეხბურთში

10 თებერვალს, დათა ხურცილავას სახელობის სტადიონზე სტარტი აიღო აგვისტოს ომის დროს დაღუპული რეზერვისტის, დათა ხურცილავას სახელობის თასის გათამაშებამ მინიფეხბურთში. ტურნირში ქალაქ ხობის, გურიფულის, ახალსოფლის, ნოჯიხევის, ხეთის და სენაკის მეორე ქვეითი ბრიგადის გუნდები მონაწილეობენ.
ღონისძიების გახსნის ცერემონიას დათა ხურცილავას ოჯახის წევრებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა და ხობის ადმინისტრაციულ ერთეულში მერის წარმომადგენელი კობა თუთბერიძე ესწრებოდნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.
საფეხბურთო ტურნირის ფინალური შეხვედრები, 16 თებერვალს გაიმართება.

თებერვალი 8, 2019

გილოცავთ დავითობას!

<<
<
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
...
>
>>