24 აგვისტოს, ხობის ცენტრალურ სტადიონზე სტარტი აიღო ხობის „კოლხეთი-2“-ის ტრაგიკულად დაღუპული ფეხბურთელის, ნუტი (ნუგზარ) ლემონჯავას სახელობის თასის გათამაშებამ ფეხბურთში. ტურნირში მონაწილეობენ: ხობის („კოლხეთი“), მარტვილის („სალხინო“), ხონის („იმერეთი“), მარტვილი („დინამო-აკადემია“), ლიას (“ენგური“), ბათუმის სასპორტო სკოლა, ფოთის („კოლხეთი“), ზუგდიდის საფეხბურთო სკოლის 2006-2007 წლებში დაბადებული ფეხბურთელებით დაკომპლექტებული გუნდები. ღონისძიების გახსნის ცერემონიას ხობის მუნიციპალიტეტის მერი გოჩა ქაჯაია, მერის მოადგილეები: ვარაზ გაბედავა და მახარე ჩოკორაია, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია, იურიდიულ საკითხთა კომისიის თავმჯდომარე დავით ბერაია, ფრაქცია „ქართული ოცნება-მრეწველების“ თავმჯდომარე მერაბ ფილიპია, მოწვეულ სტუმრებთან და ოჯახის ახლობლებთან ერთად ესწრებოდნენ. ტურნირი საფეხბურთო კლუბი ,,კოლხეთი“ სა და სამეგრელო-ზემო სვანეთის რეგიონალური ფეხბურთის ფედერაციის ორგანიზებით მიმდინარეობს და ის 29 აგვისტოს (ნუტის დაბადების დღეზე)დასრულდება.
Khobi Municipality Council
