ხობის მუნიციპალიტეტის საკრებულო

სიახლეები

მარტი 20, 2019

ხობელების წარმატება მკლავჭიდში

თბილისში გამართულ საქართველოს მკლავჭიდის ჩემპიონატზე ხობელმა სპორტსმენებმა წარმატებით იასპარეზეს და 4 ოქროს, 3 ვერცხლისა და 2 ბრინჯაოს მედლის მფლობელები გახდნენ.
ოქროს მედლის მფლობელები საბა დანელია, საბა ლატარია, ანდრი ბუკია და გოჩა სიჭინავა გახდნენ, ვერცხლის მედალი ნიკა ხომერიკმა, გიგა კოდუამ და დათუნა ჯიშკარიანმა მოიპოვეს, ხოლო ბრინჯაოს მედალოსნები გიგა დანელია და დიტო ბუკია გახდნენ.
ხობის მუნიციპალიტეტის საკრებულო ულოცავს ხობელ მკლავჭიდელებს, მწვრთნელს და მათ გულშემატკივრებს ამ დიდ გამარჯვებას და მომავალ წარმატებებს უსურვებს მათ.

მარტი 19, 2019

აზიური ფაროსანას წინააღმდეგ დაგეგმილი ღონისძიებები

მარტი 17, 2019

ანა ხუნჯუა ბრინჯაოს მედლის მფლობელია

ევროპის 2019 წლის ჩემპიონატზე 22 წლამდე მოკრივეთა შორის, ბრინჯაოს მედლის მფლობელი, ხობელი ანა ხუნჯუა გახდა.
ანა პირველი ქართველი გოგონაა, რომელმაც საქართველოს კრივის ისტორიაში მოიპოვა მედალი ევროპის 22 წლამდე მოკრივეთა ჩემპიონატზე.
ხობის მუნიციპალიტეტის საკრებულო ულოცავს ანას გამარჯვებას და მომავალ წარმატებებს უსურვებს მას.

მარტი 15, 2019

სახელმწიფო აუდიტის დასკვნის განხილვა

15 მარტს, ხობის მუნიციპალიტეტის საკრებულოს სხდომათა დარბაზში გაიმართება საკრებულოს საფინანსო-საბიუჯეტო, იურიდიულ საკითხთა და ქონების მართვისა და ინფრასტრუქტურის კომისიების გაერთიანებული სხდომა, სადაც განიხილულ იქნა სახელმწიფო აუდიტის სამსახურის მიერ წარმოდგენილი ხობის მუნიციპალიტეტის 2016-2017 წლების ბიუჯეტებით გათვალისწინებული პროგრამების შესაბამისობის აუდიტის ანგარიში.
განხილვას ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს წევრები საკრებულოს აპარატისა და მერიის ხელმძღვანელი პირები ესწრებოდნენ.

მარტი 13, 2019

გზის მშენებლობაზე ტენდერი გამოცხადდა

შუა ხორგა-გამოღმა შუა ხორგა-ქარიატის დამაკავშირებელი 7 კილომეტრიანი გზის მშენებლობაზე ტენდერი გამოცხადდა. აღნიშნული ინფორმაცია ხობის მუნიციპალიტეტის საკრებულოს თავმჯდომარემ ედიშერ ჯობავამ ადგილობრივ მოსახლეობას შეხვედრის დროს პირადად გააცნო.

მარტი 12, 2019

დასრულდა ანრი ჯგერენაიას სახელობის ტურნირი ჭადრაკში

12 მარტს, ქალაქ ხობში, საჭადრაკო კლუბ „ლაზი ერში“, კლუბის ორგანიზებით, ტრაგიკულად დაღუპული ანრი ჯგერენაიას სახელობის საჭადრაკო ტურნირი დასრულდა. ტურნირში 14 მოჭადრაკე მონაწილეობდა. საპრიზო ადგილები შემდეგნაირად გადანაწილდა: I ადგილი - ბადრი ლომაია, II ადგილი - ნიკა ბუკია, III ადგილი - ბესო ქირია. გამარჯვებულ და საპრიზო ადგილებზე გასულ მოჭადრაკეებს თასები, დიპლომები და ფასიანი საჩუქრები გადაეცათ.
ღონისძიების დაჯილდოების ცერემონიალს, ანრი ჯგერენაიას ოჯახის წევრებთან ერთად, ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია და სპორტისა და ახალგაზრდულ საქმეთა განყოფილების უფროსი ნინა ბუკია ესწრებოდნენ.

მარტი 11, 2019

ღონისძიება „ ერთად ვეძებოთ გზები“

2 მარტს ქალაქ თბილისის მუნიციპალიტეტის საკრებულოში, გენდერული საბჭოს ეგიდით, ღონისძიება „ერთად ვეძებოთ გზები“ გაიმართა. შეხვედრას თბილისის მუნიციპალიტეტის საკრებულოს თავმჯდომარე გიორგი ტყემალაძე, საკრებულოს წევრები, სამთავრობო და არასამთავრობო სექტორის წარმომადგენლები, ხელოვნებისა და კულტურის სფეროში მოღვაწე და ბიზნესსექტორში დასაქმებული ქალები ესწრებოდნენ.
შეხვედრაში ხობის მუნიციპალიტეტის საკრებულოდან მონაწილეობდა საკრებულოს საპროცედურო საკითხთა კომისიის თავმჯდომარე თეა გელანტია.

მარტი 8, 2019

ქალბატონებო, გილოცავთ ქალთა საერთაშორისო დღეს

ქალბატონებო, გილოცავთ ქალთა საერთაშორისო დღეს. გისურვებთ გაძლიერებას, კარიერულ წინსვლას და ჯანმრთელობას. ფასდაუდებელია თქვენი წვლილი ჩვენი ქვეყნის დემოკრატიული განვითარების, საყოველთაო კეთილდღეობის მშენებლობის პროცესში. ქალთა საერთაშორისო დღეს განსაკუთრებით მინდა ხაზი გავუსვა თქვენი უფლებების დაცვის პრიორიტეტულობასა და მნიშვნელობას. ძვირფასო ქალებო და გოგოებო, მინდა გისურვოთ მეტი შესაძლებლობები, ყოველგვარი წინააღმდეგობების მარტივად დაძლევა და თავისუფალ, ჰარმონიულ გარემოში ცხოვრება!
ედიშერ ჯობავა
ხობის მუნიციპალიტეტის საკრებულოს თავმჯდომარე

მარტი 6, 2019

საკრებულოს სხდომა

6 მარტს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა განკარგულების პროექტი, „საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ რომლის თანახმადაც ხობის მუნიციპალიტეტის მერიის ორგანიზებით გაიმართა დასახლებების საერთო კრებები/კონსულტაციები, სადაც განხორციელდა სოფლის მხარდაჭერის პროგრამის ფარგლებში საპროექტო წინადადებების შერჩევა რომლისთვისაც 784 ათასი ლარი იქნა გამოყოფილი რაც საკრებულოს მხრიდან იქნა დამტკიცებული.
დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

მარტი 6, 2019

განცხადება ხობის მუნიციპალიტეტის საკრებულოს რიგგარეშე სხდომის შესახებ.

ხობის მუნიციპალიტეტის საკრებულოს რიგგარეშე სხდომა გაიმართება 2019 წლის 6 მარტს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

„საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი).

მარტი 6, 2019

ბიუროს სხდომა

6 მარტს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
ხობის მუნიციპალიტეტის მერის გ. ქაჯაიას 2019 წლის 5 მარტის N06/659 წერილის განხილვა („საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ განკარგულების პროექტის თაობაზე).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

მარტი 6, 2019

ნუგზარ წურწუმია 23-წლამდელთა შორის ევროპის ორგზის ჩემპიონია

გილოცავთ!
ნუგზარ წურწუმია 23-წლამდელთა შორის ევროპის ორგზის ჩემპიონია.
ხობელმა ფალავანმა ფინალში რუმინელი ფლორინ ტიტა პირველივე პერიოდში აშკარა უპირატესობით 9-0 დაამარცხა და წარმატებით დაიცვა შარშან მოპოვებული ევროპის ჩემპიონის ტიტული.
ხობის მუნიციპალიტეტის საკრებულო ულოცავს ნუგზარს ამ დიდ გამარჯვებას!

მარტი 5, 2019

ნარგიზა ტუღუშს მადლობის სიგელი გადაეცა

ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს თავმჯდომარის მოადგილემ მამუკა ქარდავამ და საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ ხობის N2 ბაგა-ბაღის მთავარ სპეციალისტს ნარგიზა ტუღუშს დაბადების დღე მიულოცეს. უსურვეს წარმატებები პირად და საზოგადოებრივ საქმიანობაში და წარმატებული მენეჯერული საქმიანობისთვის მადლობის სიგელი და სამახსოვრო საჩუქარი გადასცეს.

მარტი 4, 2019

ზემო ბიაში გზის რეაბილიტაცია დასრულდა

ხობის მუნიციპალიტეტის ბიის ადმინისტრაციული ერთეულის სოფელ ზემო ბიაში განხორციელდა სასაფლაომდე მისასვლელი გზის საფარის ცემენტო-ბეტონით მოწყობა, რომელიც საქართველოს მთავრობის მიერ სტიქიის შედეგების სალიკვიდაციოდ გამოყოფილი თანხიდან დაფინანსდა და მისმა სახელშეკრულებო ღირებულებამ 44546 ლარი შეადგინა. დასრულებული ინფრასტრუქტურული პროექტი დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ქონების მართვისა და ინფრასტრუქტურის კომისიის თავმჯდომარემ ვლადიმერ ქანთარიამ და საკრებულოს მაჟორიტარმა წევრმა ბიის ადმინისტრაციული ერთეულიდან ფრიდონ შონიამ.

მარტი 3, 2019

გილოცავთ დედის დღეს

<<
<
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
...
>
>>