ხობის მუნიციპალიტეტის საკრებულო

სიახლეები

აგვისტო 21, 2019

სოფელ ზენში ხიდბოგირის სარეაბილიტაციო სამუშაოები მიმდინარეობს

საჯიჯაოს ადმინისტრაციულ ერთეულში, სოფელ ზენში, საშეროზიოს უბანში, ხიდის სარეაბილიტაციო და ხიდბოგირის წარეცხილი სარეგულაციოების აღდგენითი სამუშაოები მიმდინარეობს, აღნიშნულ სამუშაოებს შპს შარაგზამშენი პირველი ახორციელებს, ინფრასტრუქტურული პროექტების ჯამური სახელშეკრულებო ღირებულება 25300 ლარს შეადგენს.
სარეაბილიტაციო სამუშაოები სტიქიის სალიკვიდაციო ღონისძიებებისთვის გამოყოფილი თანხიდან ხორციელდება
სოფელ ზენში მიმდინარე პროექტები ხობის მუნიციპალიტეტის საკრებულოს თავმჯდომარემ ედიშერ ჯობავამ, მერმა გოჩა ქაჯაიამ და მერის მოადგილემ ვარაზ გაბედავამ დაათვალიერეს.

აგვისტო 20, 2019

გუბერნატორის მოადგილე ინფრასტრუქტურულ პროექტებს გაეცნო

სამეგრელო-ზემო სვანეთის სახელმწიფო რწმუნებულის მოადგილემ ლუდუკ (ნუკრი) ხასიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ, მერმა გოჩა ქაჯაიამ და მერის მოადგილემ ვარაზ გაბედავამ, ხობის მუნიციპალიტეტის ადმინისტრაციულ ერთეულებში მიმდინარე და დასრულებული ინფრასტრუქტურული სამუშაოები დაათვალიერეს.
ქარიატა-შუა ხორგის დამაკავშირებელი 7-კილომეტრიან გზის მონაკვეთზე იგება ცემენტბეტონის საფარი, პროექტის ღირებულება შეადგენს 3 მილიონ 570 ათას ლარს, აღნიშნულ მონაკვეთზე სამუშაოებს შპს „პრაიმ ბეტონი“ახორციელებს, გზის სარეაბილიტაციო სამუშაოები საქართველოს მუნიციპალური განვითარების ფონდის, ევროპის საინვესტიციო ბანკის (EIB) დაფინანსებით ხორციელდება.
ზემო ქვალონის ადმინისტრაციულ ერთეულში, შიდა სასოფლო გზის რეაბილიტაციის პირველი ეტაპის სამუშაოებს დასრულდა. აღნიშნულ მონაკვეთზე დაგებულია ბეტონის საფარი, პროექტი გარდამავალია, სამუშაოებს შპს ,,მიმდემი“ ახორციელებს.
ახალი ხიბულა-საჯიჯაოს დამაკავშირებელი გზის სამუშაოები რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი სახელშეკრულებო ღირებულება შეადგენს 1 მილიონ 492 ათას ლარს, აღნიშნული პროექტიც გარდამავალია, სამუშაოებს შპს „პრაიმ ბეტონი“ ახორციელებს. აღნიშნულ სოფლებში გზები წლების განმავლობაში ამორტიზირებული იყო, რაც მოსახლეობას გადაადგილებისას პრობლემებს უქმნიდა.

აგვისტო 19, 2019

გილოცავთ ფერიცვალების დღესასწაულს!

აგვისტო 17, 2019

ხობში ცენტრალური პარკი გაიხსნა

ქალაქ ხობში, თანამედროვე სტანდარტების შესაბამისად მოწყობილი ცენტრალური პარკი საზეიმო ვითარებაში გაიხსნა. პარკის გახსნისადმი მიძღვნილ ღონისძიებას საქართველოს პარლამენტის წევრი ირაკლი (დაჩი) ბერაია, სამეგრელო-ზემო სვანეთის სახელმწიფო რწმუნებული ალექსანდრე მოწერელია, პარლამენტის წევრები,ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია მოწვეულ სტუმრებთან ერთად ესწრებოდნენ. პროექტი რეგიონში განსახორციელებელი პროექტების ფონდიდან და ადგილობრივი ბიუჯეტის თანადაფინანსებით განხორციელდა. პარკის მშენებლობა ორ ეტაპად იყო დაგეგმილი, როგორც ორგანიზატორმა აღნიშნა მშენებლობის მეორე ეტაპი უახლოეს მომავალში გაგრძელდება. პარკი ინფრასტრუქტურის თვალსაზრისით გათვლილია, როგორც ბავშვებისთვის ასევე უფროსი თაობის წარმომადგენლებისთვის. პროექტის შესაბამისად აღნიშნულ ტერიტორიაზე მოეწყო ბეტონის ფილები, ველობილიკი, საფეხმავლო ზოლი, ბეტონის ანაკრები ბორდიურები, მწვანე კორდი, ლაბირინთი, საბავშვო, სატრენაჟორო და საკალათბურთო მოედნები, ჭადრაკის დაფა. დამონტაჟდა დეკორატიული სკამები, ველოსადგომები. შემოსასვლელში განთავსდა ქ. ხობის გერბი, მოეწყო შადრევანი და სასმელი წყლის სოკო, დამონტაჟებულია განათების სისტემები. პარკის გახსნასთან დაკავშირებით, წარმოდგენილი იყო საბავშვო პროგრამა და საზეიმო კონცერტი, სადაც მონაწილეობა მიიღეს როგორც ადგილობრივმა შემსრულებლებმა ისე ქართული ესტრადის წარმომადგენლებმა, შეკრებილი საზოგადოების განწყობაზე იზრუნეს ლინდა ადამიამ, ჯგუფმა ¼ და DJ “ KAVELA-მ. ღონისძიება ფეიერვერკით დასრულდა. პარკის მშენებლობის ინიციატორი პარლამენტის წევრი ირაკლი (დაჩი) ბერაიაა.

აგვისტო 17, 2019

დასრულდა კობა შუბითიძის სახელობის თასის გათამაშება ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრა გაიმართა. სტადიონზე შეკრებილმა გულშემატკივრებმა წუთიერი დუმილით პატივი მიაგეს კობა შუბითიძის ხსოვნას.
საფეხბურთო ტურნირის გამარჯვებული და კობა შუბითიძის სახელობის თასის მფლობელი პენალტების სერიით, ახალი სოფლის ფეხბურთელთა გუნდი გახდა, რომელმაც ფინალში ჭალადიდის გუნდი დაამარცხა.
ტურნირის ფინალს, დადაჯილდოების ცერემონიალს საქართველოს პარლამენტის თავმჯდომარე არჩილ თალაკვაძე, მაჟორიტარი წევრი დაჩი ბერაია, საქართველოს პარლამენტის წევრები, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია მოწვეუილ სტუმრებთან ერთად დაესწრნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობისმუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

აგვისტო 14, 2019

ხელისუფლების წარმომადგენლები სოფლებში მოსახლეობას შეხვდნენ.

ხობის მუნიციპალიტეტის ძველი ხიბულის, ახალი ხიბულის და საჯიჯაოს ადმინისტრაციულ ერთეულებში მოსახლეობას ცენტრალური და ადგილობრივი ხელისუფლების წარმომადგენლები შეხვდნენ.
შეხვედრაზე საქართველოს რეგიონული განვითარებისა და ინფრასტრუქტურის მინისტრის მოადგილემ ილია ბეგიაშვილმა, საქართველოს გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის უფროსმა თენგიზ კალანდაძემ, სამეგრელო-ზემო სვანეთის სახელმწიფო რწმუნებულმა ალექსანდრე მოწერელიამ, მაჟორიტარმა დეპუტატმა დაჩი ბერაიამ, პარლამენტის ვიცე-სპიკერმა ზვიად ძიძიგურმა, საპარლამენტო უმრავლესობის წევრმა გიგა ბუკიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და მერმა გოჩა ქაჯაიამ ადგილობრივებს იმ პროგრამებზე მიაწოდეს ინფორმაცია რომლებსაც მთავრობა ახორციელებს. საუბარი ასევე შეეხო სოფლის მეურნეობის პროექტებს, თხილის დაცვის სახელმწიფო პროგრამას და სოფლის მხარდაჭერის პროგრამას.
ადგილობრივებმა, ხელისუფლების წარმომადგენლებთან დასვეს მათთვის მნიშვნელოვანი და პრობლემური საკითხები, რომელთა შორის პრიორიტეტად შიდა გზების რეაბილიტაცია, გაზიფიცირება, წყალმომარაგება, ამბულატორიების რეაბილიტაცია დასახელდა. გამოკვეთილი პრობლემების მოგვარებისთვის აუცილებელი თანხები მაქსიმალურად იქნება გათვალისწინებული მომავალი წლის ბიუჯეტში.

აგვისტო 14, 2019

ხობის ცენტრალური პარკის საზეიმო გახსნის პროგრამა

ძვირფასო ხობელებო, 17 აგვისტოს საღამოს 5 საათიდან გიწვევთ ხობის ცენტრალური პარკის საზეიმო გახსნაზე.

აგვისტო 13, 2019

ეროვნულმა ცენტრმა ხობის N2 საჯარო სკოლის ღვაწლმოსილი პედაგოგი დააჯილდოვა

მასწავლებელთა პროფესიული განვითარების ეროვნულმა ცენტრმა ხობის N2 საჯარო სკოლის ღვაწლმოსილი პედაგოგი ალექსანდრე არჩაია საქართველის დამსახურებული მასწავლებლის სიგელით დააჯილდოვა.
ალექსანდრე არჩაია ხობის საპატიო მოქალაქე და ფაზისის აკადემიის ნამდვილი წევრია.
ხობის მუნიციპალიტეტის საკრებულო ულოცავს ბატონ ალექსანდრეს მიღწეულ წარმატებას.

აგვისტო 13, 2019

სკოლებში სამშენებლო სამუშაოები მიმდინარეობს

ხობის მუნიციპალიტეტის ხუთ საჯარო სკოლაში ინფრასტრუქტურის რეაბილიტაცია მიმდინარეობს. სარეაბილიტაციო სამუშაოები დღეს, ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ქონების მართვისა და ინფრასტრუქტურის საკითხთა კომისიის თავმჯდომარემ ვლადიმერ ქანთარიამ, საკრებულოს წევრებმა და მერის წარმომადგენლებმა, ქალაქ ხობის N2 და პირველი მაისის საჯარო სკოლებში დაათვალიერეს.
სამუშაოების დასრულების შემდეგ სკოლებში თანამედროვე, შეზღუდული შესაძლებლობის მქონე პირებზე ადაპტირებული გარემო შეიქმნება.
პროექტების ჯამური სახელშეკრულებო ღირებულება 156322 ლარს შეადგენს.
საქართველოს მთავრობის 2019 წლის 8 თებერვლის N207 განკარგულებით ხობის მუნიციპალიტეტს ზოგადსაგანმანათლებლო ინფრასტრუქტურის აღდგენა-მშენებლობისთვის 530 ათასი ლარი გამოეყო.

აგვისტო 12, 2019

ხობში "ცოტნეობა" აღნიშნეს

12 აგვისტოს, საქართველოს სამოციქულო მართლმადიდებელი ეკლესია წმინდა ცოტნე აღმსარებლის ხსენების დღეს აღნიშნავს. „ცოტნეობის“ დღესასწაულთან დაკავშირებით, ხობის ღვთისმშობლის მიძინების სახელობის ტაძარში, ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა ახალციხისა და ტაო-კლარჯეთის მიტროპოლიტ თეოდორესთან, მარგვეთისა და უბისის ეპისკოპოს მელქისედეკთან, ბელგიისა და ჰოლანდიის ეპისკოპოს დოსითეოსთან, ჩრდილოეთ ამერიკის ეპისკოპოს საბასთან და ეპარქიის სამღვდელოებასთან ერთად აღავლინა.
წირვის შემდეგ ხობის საკათალიკოსო სასახლეში სამეცნიერო კონფერენცია გაიმართა თემაზე „ცოტნე დადიანი და შოთა რუსთაველი“. ღონისძიებას საქართველოს პარლამენტის წევრები ირაკლი (დაჩი) ბერაია და გიგა ბუკია, სამეგრელო-ზემო სვანეთის სახელმწიფო რწმუნებული ალქსანდრე მოწერელია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ადგილობრივი ხელისუფლების სხვა წარმომადგენლებთან და მოწვეულ სტუმრებთან ერთად ესწრებოდნენ.

აგვისტო 9, 2019

პირველობა მაგიდის ჩოგბურთსა და ნარდში

ქ. ხობის კულტურის სახლის ფოიეში გაიმართა პირველობა მაგიდის ჩოგბურთსა და ნარდში . ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია და საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია ესწრებოდნენ. მაგიდის ჩოგბურთში გოგონათა შორის III ადგილზე გავიდა მეგი უბილავა, II ადგილზე - ლალი კვარაცხელია, ხოლო I ადგილი მარიამ კონჯარიამ მოიპოვა. ვაჟთა შორის III ადგილი მოიპოვა ნოდარ გულუამ, II ადგილი - გიორგი გერგაიამ, ხოლო I ადგილოსანი ედიკა არჯევანიძე გახდა. ნარდში პირველობაზე III ადგილი - ელგუჯა ქარდავამ, II ადგილი - იგორ ჟველიამ, ხოლო I ადგილი კუკურ ქაჯაიამ მოიპოვა. შეჯიბრება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა. გამარჯვებულები სიგელებით და მედლებით დაჯილდოვდნენ.

აგვისტო 9, 2019

„ცოტნე დადიანი და ხობის მონასტერი“

ხობში, კულტურის სახლის მცირე დარბაზში „ცოტნეობის კვირეული“ს ფარგლებში პროფესორ რევაზ პაპუაშვილის მოხსენება გაიმართა თემაზე „ ცოტნე დადიანი და ხობის მონასტერი“, სამეცნიერო კონფერენციაზე პროფესორმა მის მიერ აღმოჩენილ ძველ დადიანთა საძვალეზე, არქიტექტურაზე, ცოტნე დადიანის მოღვაწეობაზე და ტაძრის მიმდებარე ტერიტორიაზე არსებულ ძეგლებზე ისაუბრა.
შეხვედრას ხობის მუნიციპალიტეტის მერი მოადგილე მახარე ჩოკორაია,საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, იურიდიულ საკითხთა კომისიის თავმჯდომარე დავით ბერაია, ინფრასტრუქტურის საკითხთა კომისიის თავმჯდომარე ვლადიმერ ქანთარია, სამანდატო-საპროცედურო საკითხთა კომისიის თავმჯდომარე თეა გელანტია და მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ელისო კვიკვინია მოწვეულ სტუმრებთან ერთად ესწრებოდნენ.

აგვისტო 9, 2019

შეხვედრა ასოციაცია „ჰერა-XXI“-ს წარმომადგენლებთან

ხობის მუნიციპალიტეტის საკრებულოს სხდომათა დარბაზში ასოციაცია „ჰერა-XXI“-ს პროგრამების კოორდინატორმა, ტრენერმა სალომე იობაძემ ხობის მუნიციპალიტეტის გენდერული თანასწორობის საბჭოს წევრებთან შეხვედრა გამართა. შეხვედრაზე იმსჯელეს მუნიციპალიტეტში არსებულ საჭიროებებზე გენდერული თანასწორობის, სექსუალური და რეპროდუქციული ჯანმრთლობის, უფლებების მიმართულებით. როგორც შეხვედრაზე აღნიშნა არსებული საკითხების გათვალისწინება ხელს შეუწყობს ადგილობრივი საჭიროებების გამოკვეთას და ამ საჭიროებებზეორიენტირებული ინტერვენციების დაგეგმვას.
შეხვედრას ხობის მუნიციპალიტეტის გენდერული თანასწორობის საბჭოს წევრები - ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია, აპარატის უფროსი ლელა შამათავა, მერიაში გენდერული თანასწორობის საკითხებში პასუხისმგებელი პირი თამუნა სიჭინავა და განათლებისა და განვითარების ცენტრი „თოლისკურის“ თავმჯდომარე გვანცა კიკალეიშვილი ესწრებოდნენ.

აგვისტო 9, 2019

პირველ მაისში ინფრასტრუქტურის აღდგენა მიმდინარეობს

✔ხობის მუნიციპალიტეტის პირველი მაისის ადმინისტრაციულ ერთეულში სტიქიის დროს დაზიანებული ინფრასტრუქტურის აღდგენა-მშენებლობა მიმდინარეობს.
პროექტის შესაბამისად საკობახიოს უბანში მოეწყობა გაბიონი.
✔პროექტის სახელშეკრულებო ღირებულება 44657 ლარია.
✔პირველ მაისის ადმინისტრაციულ ერთეულში მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, ფრაქცია „ქართული ოცნება - მრეწველები”ს თავმჯდომარემ მერაბ ფილიპიამ, ფრაქცია „ქართული ოცნება-დემოკრატიული საქართველო"ს თავმჯდომარის მოადგილემ გოჩა ჯობავამ და მერის წარმომადგენელმა პირველი მაისის ადმინისტრაციულ ერთეულში მარინე ლაგვილავამ დაათვალიერეს.
✔პროექტი ხობის მუნიციპალიტეტისთვის საქართველოს მთავრობის მიერ სტიქიის შედეგად დაზიანებული ინფრასტრუქტურის აღსადგენად გამოყოფილი თანხიდან ფინანსდება.

პირველ მაისში ინფრასტრუქტურის აღდგენა მიმდინარეობს

7 ფოტო

აგვისტო 8, 2019

დასრულდა გოგა ჭითანავასა და ლევან ტურავას სახელობის ტურნირი

დასრულდა 2008 წელს ტრაგიკულად დაღუპული რეზერვისტის გოგა ჭითანავასა და ჯარისკაც ლევან ტურავას სახელობის რიგით მეთერთმეტე გათამაშება მინი ფეხბურთში. ტურნირი საფეხბურთო კლუბ ხობის „კოლხეთის“ ორგანიზებით და ადგილობრივი თვითმმართველობის მხარდაჭერით განხორციელდა და მასში 8 გუნდმა მიიღო მონაწილეობა. ფინალურ შეხვედრაში ერთმანეთს ხამისკურისა და ხეთის (ცენტრი) ფეხბურთელთა გუნდები დაუპირისპირდნენ, სადაც გამარჯვება ხეთის (ცენტრი) გუნდა მოიპოვა. ტურნირის გამარჯვებულ და საპრიზო ადგილებზე გასულ გუნდებს თასები და სიგელები გადაეცათ.
ფინალურ მატჩს, გოგა ჭითანავას და ლევან ტურავას ოჯახის წევრებთან ერთად, ხობის მუნიციპალიტეტის საკრებულოს თავმჯდომარე ედიშერ ჯობავა, მერი გოჩა ქაჯაია, საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნია და მერის მოადგილე მახარე ჩოკორაია ადგილობრივი თვითმმართველობის და საზოგადოების წარმომადგენლებთან ერთად ესწრებოდნენ.

<<
<
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
...
>
>>