ხობის მუნიციპალიტეტის საკრებულო

სიახლეები

ოქტომბერი 30, 2019

ფოთის მხრიარულთა და საზრიანთა კლუბი ხობელი მაყურებლის წინაშე

30 ოქტომბერს, ხობის კულტურის სახლის დიდ დარბაზში ფოთის მოსწავლე-ახალგაზრდობის შემოქმედებით ცენტრთან არსებული „მხიარულთა და საზრიანთა კლუბი“, სასკოლო ლიგა და იუმორისტული ჯგუფი „ხამისიშვილები” იუმორისტული შოუ-პროგრამით ხობელი მაყურებელის წინაშე წარსდგნენ. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, მერის მოადგილე მახარე ჩოკორაია და ადგილობრივი ხელისუფლების წარმომადგენლები დაესწრნენ.

ოქტომბერი 30, 2019

საკრებულოს სხდომა

30 ოქტომბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დადგენილების პროექტი: „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ რომლის თანახმადაც ბიუჯეტის შემოსულობების გეგმა გაიზარდა 311,6 ათასი ლარით და შეადგინა 16649,9 ათასი ლარი. სხდომაზე ასევე განხილულ იქნა განკარგულების პროექტი „ხობის მუნიციპალიტეტის საკუთრებაში არსებული ქონების საპრივატიზაციო ობიექტის ნუსხის დამტკიცების შესახებ“ რომლის თანახმადაც უნდა მოხდეს ხამისკურის ადმინისტრაციულ ერთეულში მდებარე ამორტიზირებული შენობის პრივატიზება. სხომაზე ასევე განიხილეს განკარგულების პროექტი ,,ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“, რის საფუძველზეც მუნიციპალიტეტის საკუთრებაში არსებული ავტომანქანა („ნისან ნავარა“ SZS 004) თხოვების ფორმით გადაეცემა შპს ,,ხობი დასუფთავება და განათებას“, ორი წლის ვადით. საკრებულომ მიიღო გადაწყვეტილება ჭალადიდის ადმინისტრაციულ ერთეულში მდებარე არასასოფლო-სამეურნეო დანიშნულების მიწა და მასზე განთავსებული შენობა-ნაგებობა უსასყიდლოდ გადაეცეს სახელმწიფოს შემდგომში სსიპ იუსტიციის სახლისთვის გადასაცემად. ასევე საკრებულომ მიიღო გადაწყვეტილება ნოჯიხევის ადმინისტრაციულ ერთეულში მდებარე არასასოფლო-სამეურნეო დანიშნულების მიწა და მასზე განთავსებული შენობა-ნაგებობა სახელმწიფოს გადაეცეს შემდგომში დევნილთა განსახლების მიზნით. დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ოქტომბერი 30, 2019

ბიუროს სხდომა

30 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1.ხობის მუნიციპალიტეტის მერის გ. ქაჯაიას 2019 წლის 21 ოქტომბრის N04/3686 წერილის განხილვა („ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);
2. ხობის მუნიციპალიტეტის მერის გ. ქაჯაიას 2019 წლის 23 ოქტომბრის N05/3732 წერილის განხილვა:
•„ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სახელმწიფოზე საკუთრების უფლებით გადაცემაზე თანხმობის გაცემის შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სახელმწიფოზე საკუთრების უფლებით გადაცემაზე თანხმობის გაცემის შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე;
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა
და ინფრასტრუქტურის კომისიის თავმჯდომარე);
3.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N05/3745 წერილის განხილვა („ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების გასხვისებაზე თანხმობის მიცემის შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);
4.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N03/3746 წერილის განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ
საკითხთა კომისიის თავმჯდომარე);
5.ხობის მუნიციპალიტეტის მერის გ. ქაჯაიას 2019 წლის 23 ოქტომბრის N04/3754 წერილის განხილვა („ხობის მუნიციპალიტეტის 2019 წლის იანვარ - სექტემბრის ბიუჯეტის შესრულების შედეგების შესახებ“);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);
6.ხობის მუნიციპალიტეტის მერის გ. ქაჯაიას 2019 წლის 29 ოქტომბრის N05/3807 წერილის განხილვა:
•„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე;
•„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე;
•„ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ განკარგულების პროექტის თაობაზე;
•„ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის თაობაზე.
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

ოქტომბერი 30, 2019

ხობელ სპორტსმენთა წარმატება

რუმინეთში გამართულ მსოფლიო ჩემპიონატზე მკლავჭიდში, წარმატებული გამოდგა ხობელი მკლავჭიდელების ასპარეზობა (მწვრთლელი კობა თუთბერიძე). მარჯვენა მკლავში 16 წლიანებში - საბა დანელია 55 კგ.წონით კატეგორიაში და საბა ლატარია 60 კგ.წონით კატეგრიაში მსოფლიო ჩემპიონები გახდნენ. ვერცხლის მედალი 18 წლიანებში 55 კგ. წონით კატეგრიაში გოგა დანელიამ აიღო ხოლო ახალგაზრდებში ჩემპიონი 60 კგ. წონით კატეგრიაში დათუნა ჟიშკარიანი და 65კგ. წონაში გულადი (დიტო) ბუკია გახდნენ. მარცხენა მკლავში, 16 წლიანებიდან, 60 კგ. წონით კატეგორიაში მსოფლიო ჩემპიონი ხობელი საბა ლატარია გახდა. 55კგ. წონით კატეგორიაში ვერცხლის მედალი საბა დანელიამ მოიპოვა, ხოლო ახალგაზრდებს შორის გამართულ შეჯიბრებაში 65 კგ. წონით კატეგორიაში ბრინჯაოს მედალის მფლობელი გიგა კოდუა გახდა.
ხობის მუნიციპალიტეტის საკრებულო ულოცავს ხობელ სპორტსმენებს საერთაშორისო ასპარეზზე მოპოვებულ წარმატებას.

ოქტომბერი 29, 2019

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2019 წლის 30 ოქტომბერს 12:00 საათზე, ხობის მუნიციპალიტეტის საკრებულოს სხდომათა დარბაზში.
1.„ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის
საფინანსო - საბიუჯეტო სამსახურის უფროსი);
2.„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
3.„ხობის მუნიციპალიტეტის საკუთრებაში არსებული უძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
4.ხობის მუნიციპალიტეტის მერისთვის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით, უსასყიდლო სარგებლობის უფლებით (თხოვების ფორმით) გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
5.„ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
6.„საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი).

ოქტომბერი 29, 2019

შეხვედრა ლიდერთა ჰაბში

29 ოქტომბერს, თბილისში, ლიდერთა ჰაბში, სადაც ფუნქციონირებს დემოკრატიზაციის სკოლა, გაიმართა "ადგილობრივი თვითმმართველობის" თემაზე შეხვედრა, სადაც ისაუბრეს ამ სფეროში აქტუალურ და მნიშვნელოვან საკითხებზე შეხვედრას ადგილობრივი თვითმმართველობის წარმომადგენლები ესწრებოდნენ შეხვედრაში მონაწილეობა მიიღო და საკუთარი გამოცდილება გაუზიარა დამსწრე საზოგადოებას, ხობის მუნიციპალუტეტის საკრებულოს თავმჯდომარემ ედიშერ ჯობავამ. დედოფლისწყაროს მერმა ნიკა ჯანიაშვილმა და ქუთაისის მერის მოადგილემ ნინო თვალთვაძემ.
ლიდერთა ჰაბი ეს არის სექტორი 3-ს ერთერთი მთავარი საგანმანათლებლო მიმართულება, რომელიც ახალი ლიდერების აღმოჩენას, მათ მომზადებას და პროფესიულ განვითარებას ისახავს მიზნად. ლიდერთა ჰაბის ბენეფიციარებად მოიაზრებიან ახალგაზრდები, ინოვატორები, დამწყები სპეციალისტები, საჯარო და კერძო სექტორის წარმომადგენლები, რომლებიც ორიენტირებულები არიან საკუთარი უნარ- ჩვევებისა და შესაძლებლობების განვითარებაზე.

ოქტომბერი 25, 2019

ტრენინგი

25 ოქტომბერს ხობის მუნიციპალიტეტის საკრებულოს სხდომათა დარბაზში „პოლიტიკური ბრენდინგისა და პრობლემების მართვის ცენტრის დირექტორმა და საქართველოს პარლამენტის, საერთაშორისო ორგანიზაციების და მუნიციპალიტეტების ტრენერმა თამარ ჩიბურდანიძე-ლომთაძემ ხობის მუნიციპალიტეტის საკრებულოსა და მერიის ხელმძღვანელი პირებისთვის ერთ დღიანი ტრენინგი გამართა თემაზე „პოლიტიკური პიარი, ლიდერობა და პოლიტიკური მენეჯმენტი“.
ტრენინგის ძირითად სამუშაო თემებს წარმოადგენდა „პოლიტიკური პიარი, ლიდერობა და პოლიტიკური მენეჯმენტი , ანგარიშის მომზადება, ეფექტური პრეზენტაცია და პროექტების წერა“.
ტრენინგი კითხვა–პასუხის რეჟიმში გაიმართა და მსმენელები მასში აქტიურად იყვნენ ჩართულნი. დასასრულს მონაწილეებს გადაეცა სერთიფიკატები.

ოქტომბერი 24, 2019

სოფლის მხარდაჭერის პროგრამა ქვემო ქვალონში

ხობის მუნიციპალიტეტის ქვემო ქვალონის ადმინისტრაციულ ერთეულში „სოფლის მხარდაჭერის პროგრამის“ ფარგლებში მიმდინარეობს სასაფლაოსა და ტაძრის მიმდებარე ტერიტორიის შემოღობვის სამუშაოები, რომლის სახელშეკრულებო ღირებულება 75432.74 ლარს შეადგენს.
სამუშაო პროცესს ადგილზე გაეცნო ხობის მუნიციპალიტეტის საკრებულოს თავმჯდომარე ედიშერ ჯობავა, საფინანსო-საბიუჯეტო კომისიის თავმჯდომარე ტარიელ ალექსანდრია და „ქართული ოცნება-დემოკრატიული საქართველოს“ თავმჯდომარე ბექა მამაცაშვილი.

ოქტომბერი 22, 2019

მოსავლის აღების პროცესი წარმატებით მიმდინარეობს.

ხობის მუნიციპალიტეტში მარცვლეული კულტურის, სიმინდის მოსავლის აღების პროცესი წარმატებით მიმდინარეობს. 22 ოქტომბერს, პატარა ფოთის ადმინისტრაციულ ერთეულში მოსავლის აღების პროცესს დაესწრო და ადგილობრივ ფერმერებს ინფორმაცია მიაწოდა სოფლის მეურნეობის დარგში მიმდინარე პროექტების შესახებ ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს „ქართული ოცნება-დემოკრატიული საქართველოს“ ფრაქციის თავმჯდომარე ბექა მამაცაშვილმა, საკრებულოს წევრმა აკაკი ხურცილავამ და სოფლის მეურნეობის განვითარების სააგენტოს ხობის საინფორმაციო-საკონსულტაციო ცენტრის წარმომადგენელმა დავით ღადუამ.
ხობის მუნიციპალიტეტის მასშტაბით ნათესის რაოდენობა 4700 ჰექტარზე დაახლოებით 12500 ტონას შეადგენს.

ოქტომბერი 18, 2019

სოფელ ძველ ხიბულაში საბავშვო ბაგა-ბაღის მშნებელობა აქტიურად მიმდინარეობს

სამეგრელო-ზემო სვანეთის სახელმწიფო რწმუნებულის მოადგილემ ლუდუკი (ნუკრი) ხასიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და მერმა გოჩა ქაჯაიამ სოფელ ძველ ხიბულაში ფონდ „ქართუს“ დაფინანსებით მიმდინარე საბავშვო ბაგა-ბაღის სამშენებლო სამუშაოები დაათავლიერეს.
ორსართულიანი, 60 აღსაზრდელზე გათვლილი და თანამედროვე სტანდარტების შესაბამისად მოწყობილი საბავშვო ბაგა-ბაღის მშენებლობა აქტიურად მიმდინარეობს და ის წლის ბოლომდე დასრულდება.

ოქტომბერი 18, 2019

ხობის მუნიციპალიტეტის პირველობა ლელობურთში

ხობის ცენტრალურ სტადიონზე მუნიციპალიტეტის პირველობა გაიმართა ლელობურთში. შეჯიბრების გამარჯვებული ძველი ხიბულის გუნდი გახდა, ხოლო მეორე ადგილი ახალმა ხიბულამ დაიკავა.
პირველობას ხობის მუნიციპალიტეტის საკრებულოს თავმჯდომარე ედიშერ ჯობავა და მერიის კულტურის, განათლების, სპორტის, ძეგლთა დაცვის, ტურიზმის და ახალგაზრდულ საქმეთა სამსახურის უფროსი ელისო კვიკვინია ესწრებოდნენ.
სპორტული შეჯიბრება, რომელიც ლელობურთის ტრადიციის აღდგენას და პოპულარიზაციას ემსახურება, ადგილობრივი თვითმმართველობის მხარდაჭერითა და (ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ ორგანიზებით განხორციელდა

ოქტომბერი 16, 2019

ხელისუფლების წარმომადგენლები შავღელეს მოსახლეობას შეხვდნენ

ხობის მუნიციპალიტეტის შავღელეს ადმინისტრაციულ ერთეულში ადგილობრივ მოსახლეობას სამეგრელო-ზემო სვანეთის მხარეში სახელმწიფო რწმუნებულის მოადგილე ლუდუკ (ნუკრი) ხასია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია შეხვდნენ. ხელისუფლების წარმომადგენლებმა მოსახლეობისგან პრობლემების შესახებ მოისმინეს ინფორმაცია და მათი გადაჭრის გზებზე იმსჯელეს. შეხვედრაზე ინფრასტრუქტურის მიმართულებით განხორციელებულ და დაგეგმილ პროექტებზე გაამახვილდა ყურადღება. საუბარი შეეხო სოფლის მეურნეობის პროგრამებს და 2020 წლის ბიუჯეტის პროექტის მთავარ პრიორიტეტებს. შეხვედრას ხულოს მუნიციპალიტეტის მერი ვახტანგ ბერიძე, ქედის მუნიციპალიტეტის მერი ლევან გორგილაძე და შუა ხევის მერი ფრიდონ ფუტკარაძე ესწრებოდნენ. შავღელეში ხულოს, ქედის და შუა ხევის მუნიციპალიტეტებიდან ჩამოსახლებული ეკომიგრანტები ცხოვრობენ.

ოქტომბერი 14, 2019

გილოცავთ სვეტიცხოვლობას!

ოქტომბერი 8, 2019

ხეთაში ლარჩვას უბანში წყლის მაგისტრალის რეაბილიტაცია მიმდინარეობს

ხობის მუნიციპალიტეტის საკრებულოს თავმჯდომარემ ედიშერ ჯობავამ საკრებულოს ქონების მართვისა და ინფრასტრუქტურის საკითხთა კომისიის თავმჯდომარემ ვლადიმერ ქანთარიამ, ფრაქცია „სამართლიანობისთვის“ თავმჯდომარემ კახა ლატარიამ, საკრებულოს წევრმა აბელ ქირიამ და მერის წარმომადგენელმა ხეთის ადმინისტრაციულ ერთეულში შავლეგ ბუკიამ ხეთის ადმინისტრაციულ ერთეულში, ლარჩვას უბანში, კინჩხურას წყლის მთავარი მაგისტრალის სარეაბილიტაციო სამუშაოები დაათვალიერეს.
სამუშაოები „სოფლის მხარდაჭერის პროგრამით“ მიმდინარეობს და მას შპს „ნიკა&იკა“ ახორციელებს.
პროექტის ღირებულება 38563 ლარს შეადგენს. ადგილზე დასაქმებულიადგილობრივი მოსახლეობა.
წყლის სისტემის სარეაბილიტაციო სამუშაოები ოქტომბრის ბოლოს დასრულდება.

ოქტომბერი 8, 2019

ხეთაში ნატანი მასისგან ღელე ბაკვაღალუ იწმინდება

ხეთის ადმინისტრაციულ ერთეულში, წინაგოლის უბანში, შლამისა და ნატანი მასისგან ღელე ბაკვაღალუ იწმინდება. მიმდინარე სამუშაოები დღეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარიათან, ფრაქცია „სამართლიანობისთვის“ თავმჯდომარე კახა ლატარიასთან, საკრებულოს წევრ აბელ ქირიათან და მერის წარმომადგენელთან ხეთის ადმინისტრაციულ ერთეულში შავლეგ ბუკიათან ერთად დაათვალიერა.
პროექტის სახელშეკრულებო ღირებულება 64 443 32 ლარია, სამუშაოებს შპს ,,ზანაძგა“ ახორციელებს. პროექტი ხობის მუნიციპალიტეტისთვის საქართველოს მთავრობის მიერ სტიქიის შედეგად დაზიანებული ინფრასტრუქტურის აღსადგენად გამოყოფილი თანხიდან ფინანსდება. სარეაბილიტაციო სამუშაოები უახლოეს მომავალში დასრულდება.

<<
<
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
...
>
>>