ხობის მუნიციპალიტეტის საკრებულო

სიახლეები

მაისი 25, 2021

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2021 წლის 27 მაისს 11:00 საათზე, ხობის მუნიციპალიტეტის საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის ადგილობრივი თვითმართველობის ორგანოებში პროექტების ინიციირების, მათი განხილვისა და ადგილობრივი ბიუჯეტის სახსრებით დაფინანსების წესის დამტკიცების შესახებ“ დადგენილების პროექტის განხილვა;

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: ზ. ბუკია - ხობის მუნიციპალიტეტის მერიის

ადმინისტრაციული სამსახურის უფროსი);

2. „ხობის მუნიციპალიტეტის საკუთრებაში არსებული ქონების საპრივატიზაციო ობიექტების ნუსხის დამტკიცების შესახებ“ განკარგულების პროექტის განხილვა;

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: ა. ვარდია - ხობის მუნიციპალიტეტის მერიის ეკონომიკური

განვითარებისა და პროგრამების მართვის სამსახურის უფროსი);

3. „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის უფლებით, (იჯარის ფორმით) აუქციონის წესით გადაცემაზე თანხმობის მიცემის შესახებ“ განკარგულების პროექტის განხილვა.

(მომხსენებელი: გ. ქაჯაია - ხობის მუნიციპალიტეტის მერი;

თანამომხსენებელი: ა. ვარდია - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსი).

მაისი 20, 2021

გილოცავთ სკოლის დამტავრებას!

სკოლებში დღეს ბოლო ზარი დაირეკა! ძვირფასო ახალგაზრდებო! დიდი სიყვარულით გილოცავთ, თქვენი ცხოვრების ყველაზე ლამაზი და მნიშვნელოვანი ეტაპის წარმატებით დამთავრებას, რომელსაც ახლავს მშობლიურ სკოლასთან

განშორების სევდიანი სიხარული...

წინ გელოდებათ ძალიან საინტერესო, ბედნიერი სტუდენტური ცხოვრება. გამარჯვებებით გევლოთ მეცნიერების მწვერვალების დაძლევის რთულ და ღირსეულ გზაზე!

გისურვებთ წარმატებებს!

ედიშერ ჯობავა

ხობის მუნიციპალიტეტის საკრებულოს თავმჯდომარე

მაისი 19, 2021

ტრენინგი თემაზე „მართვა და ლიდერობა საჯარო სამსახურში“

საჯარო სამსახურის ბიუროს მიერ, გაეროს განვითარების პროგრამის (UNDP) მხარდაჭერით 17-19 მაისს, გაიმართა სამდღიანი ტრენინგი თემაზე „მართვა და ლიდერობა საჯარო სამსახურში“. ტრენინგი ჩატარდა დისტანციურად, ZOOM-ის ავტორიზებული პლატფორმის მეშვეობით. ხობის მუნიციპალიტეტის საკრებულოდან ტრენინგში მონაწილეობდნენ საკრებულოს აპარატის უფროსი ლელა შამათავა, საკრებულოს აპარატის იურიდიულ საკითხთა და საქმისწარმოების განყოფილების უფროსი კარლინგი კემულარია და საკრებულოს აპარატის საორგანიზაციო საკითხთა განყოფილების უფროსი დავით ჭანტურია. ტრენინგის მონაწილეებს გადაეცემათ ტრენინგის გავლის დამადასტურებელი სერტიფიკატი.

მაისი 18, 2021

ქვემო ქვალონში სანიაღვრე არხების რეაბილიტაცია მიმდინარეობს

ხობის მუნიციპალიტეტის ქვემო ქვალონის ადმინისტრაციული ერთეულის სოფელ გიმოზგონჯილში სანიაღვრე არხების რეაბილიტაცია მიმდინარეობს. სამუშაოებს დღეს ხობის მუნიციპალიტეტის საკრებულოს თავმჯდომარე ედიშერ ჯობავა, ქვემო ქვალონის ადინისტრაციულ ერთეულში მაჟორიტარი საკრებულოს წევრი ტარიელ ალექსანდრია და მერის წარმომადგენელი ქვემო ქვალონის ადმინისტრაციულ ერთეულში ცოტნე დადიანი გაეცნენ. ნატანი მასისაგან გაიწმინდება 4.5-კილომეტრიანი სანიაღვრე არხი.

სამუშაოები ადგილობრივი ბიუჯეტის დაფინანსებით ხორციელდება.

პროექტის სახელშეკრულებო ღირებულება 97777 ლარს შეადგენს.

წელს გიმოზგონჯილში ადგილობრივი ბიუჯეტის დაფინანსებით ასევე განხორციელდება ხიდის რეაბილიტაცია.

მაისი 12, 2021

გილოცავთ ანდრია პირველწოდებულის ხსენების დღეს!

მაისი 9, 2021

ფაშიზმზე გამარჯვების 76-ე წლისთავი

9 მაისს, ფაშიზმზე გამარჯვების 76-ე წლისთავთან დაკავშირებით, ხობის მუნიციპალიტეტის მერის მოადგილე მახარე ჩოკორაიამ, საკრებულოს თავმჯდომარის მოადგილე მამუკა ქარდავამ და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი მეორე მსოფლიო ომში დაღუპულთა ხსოვნას პატივი მიაგეს და ხეთის საბრძოლო დიდებისა და მხარეთმცოდნეობის მუზეუმის ეზოში - ,,ხსოვნის ველზე“ მდებარე სიმბოლური საფლავები ყვავილებით შეამკეს.

ადგილობრივი თვითმმართველობის წარმომადგენლები მეორე მსოფლიო ომის ვეტერანს, კაპიტონ ცხადაიას სახლში ეწვივნენ, ფაშიზმზე გამარჯვების დღე მიულოცეს და დიდხანს სიცოცხლე უსურვეს.

კაპიტონ ცხადაიას პირად ანგარიშზე ხობის მუნიციპალიტეტის ადგილობრივი ბიუჯეტიდან 500 ლარი ჩაერიცხა.

საქართველოს მთავრობის გადაწყვეტილებით, ფაშიზმზე გამარჯვების 76-ე წლისთავთან დაკავშირებით, მეორე მსოფლიო ომის ვეტერანები ერთჯერად ფულად დახმარებას 1000 ლარის, ხოლო, მეორე მსოფლიო ომში დაღუპულთა ოჯახები - 500 ლარის ოდენობით მიიღებენ.

მაისი 6, 2021

გილოცავთ გიორგობას!

მაისი 2, 2021

გილოცავთ აღდგომის ბრწყინვალე დღესასწაულს!

აპრილი 28, 2021

საკრებულოს სხდომა

28 აპრილს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა დღის წესრიგით გათვალისწინებული ორი საკითხი. მათ შორის, დადგენილების პროექტი: „ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის N17 დადგენილებაში ცვლილების შეტანის თაობაზე“, რომლის მიხედვითაც, ხობის მუნიციპალიტეტის 2021 წლის ადგილობრივ ბიუჯეტში გაიზარდა შემოსავლები 74890,80 ლარით და ის მიიმართა პრიორიტეტის ,,საჯარო სკოლების დაფინანსება“, ,,მოსახლეობის ჯანმრთელობისა დაცვა და სოციალური უზრუნველყოფა“, ,,ინფრასტრუქტურის მშენებლობის, რეაბილიტაციისა და ექსპლოატაციისა“ და „სოფლის მხარდაჭერა პროგრამის“ ასიგნებებზე. ბიუჯეტის შემოსულობების გეგმა გაიზარდა 1081,6 ათასი ლარით და საბოლოო ჯამში შეადგენა 14346,6 ათასი ლარი. სხდომაზე ასევე განიხილეს განკარგულების პროექტი „ხობის მუნიციპალიტეტის მერისთვის, ხობის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით ა(ა)იპ ,,ხობის მუნიციპალიტეტის სკოლამდელ სააღმზრდელო გაერთიანებაზე“ უსასყიდლოდ გადაცემაზე თანხმობის მიცემის შესახებ“, რომლის თანახმადაც ძველი ხიბულის ადმინისტრაციულ ერთეულში მდებარე საბავშვო ბაგა-ბაღის შენობაში განთავსებული უძრავ-მოძრავი ქონება, რომლის ღირებულება შეადგენს 271893, 56 ლარს, გადაეცა ხობის მუნიციპალიტეტის სკოლამდელ სააღმზრდელო გაერთიანებას. დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

აპრილი 28, 2021

ბიუროს სხდომა

28 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1.ხობის მუნიციპალიტეტის მერის გოჩა ქაჯაიას 2021 წლის 26 აპრილის N50-50211168 წერილის განხილვა („ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ტარიელ ალექსანდრია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

2.ხობის მუნიციპალიტეტის მერის გოჩა ქაჯაიას 2021 წლის 26 აპრილის N50-502111642 წერილის განხილვა („ხობის მუნიციპალიტეტის მერისთვის, ხობის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით ა(ა)იპ ,,ხობის მუნიციპალიტეტის სკოლამდელ სააღმზრდელო გაერთიანებაზე“ უსასყიდლოდ გადაცემაზე თანხმობის მიცემის შესახებ“ განკარგულების პროექტის თაობაზე.

(მომხსენებელი: ვლადიმერ ქანთარია - ხობის მუნიციპალიტეტის საკრებულოს ქონების მართვისა

და ინფრასტრუქტურის კომისიის თავმჯდომარე).

აპრილი 25, 2021

განცხადება ხობის მუნიციპალიტეტის საკრებულოს მორიგი სხდომის შესახებ.

ხობის მუნიციპალიტეტის საკრებულოს მორიგი სხდომა გაიმართება 2021 წლის 28 აპრილს 12:00 საათზე, ხობის მუნიციპალიტეტის საკრებულოს სხდომათა დარბაზში.

სხდომის დღის წესრიგი:

1.„ხობის მუნიციპალიტეტის 2021 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2020 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: გოჩა ქაჯაია - ხობის მუნიციპალიტეტის მერი;

თანამომხსენებელი: დავით ჭოჭუა - ხობის მუნიციპალიტეტის მერიის

საფინანსო - საბიუჯეტო სამსახურის უფროსი);

2.„ხობის მუნიციპალიტეტის მერისთვის, ხობის მუნიციპალიტეტის საკუთრებაში არსებული მოძრავი ქონების პირდაპირი განკარგვის წესით ა(ა)იპ ,,ხობის მუნიციპალიტეტის სკოლამდელ სააღმზრდელო გაერთიანებაზე“ უსასყიდლოდ გადაცემაზე თანხმობის მიცემის შესახებ“ განკარგულების პროექტის განხილვა.

(მომხსენებელი: გოჩა ქაჯაია - ხობის მუნიციპალიტეტის მერი;

თანამომხსენებელი: მარინა რუხაძე - ხობის მუნიციპალიტეტის მერიის ეკონომიკური

განვითარებისა და ქონების მართვის სამსახურის უფროსის მოვალეობის შემსრულებე

აპრილი 25, 2021

გილოცავთ ბზობას

აპრილი 19, 2021

გოგა ბერაიას სახელობის ტურნირში გამარჯვება ხობის გუნდმა მოიპოვა

19 აპრილს, პირველი ხორგის ადმინისტრაციულ ერთეულში, გოგა ბერაიას სახელობის სტადიონზე, აგვისტოს ომის დროს დაღუპული რეზერვისტის გოგა ბერაიას სახელობის თასის გათამაშების ფინალური შეხვედრა გაიმართა. საფეხბურთო ტურნირის გამარჯვებული „ხობი 2“ ის გუნდი გახდა, ხოლო მეორე ადგილი საგვიჩიოს ადმინისტრაციული ერთეულის გუნდმა დაიკავა, მესამე ადგილზე კი ხობის“კოლხეთის“ გუნდი გავიდა. გამარჯვებულ და საპრიზო ადგილებზე გასულ გუნდებს თასები, მედლები და სიგელები გადაეცათ. დაჯილდოვების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერი გოჩა ქაჯაია, მერის მოადგილე მახარე ჩოკორაია, საკრებულოს კულტურის, განათლებისა და სოციალურ საკითხთა კომისიის თავმჯდომარე დოდო გაბუნია, საკრებულოს იურიდიულ საკითხთა კომისიის თავმჯდომარე დავით ბერაია, ადგილობრივი ხელისუფლების სხვა წარმომადგენლებთან, გოგა ბერაიას მეგობრებთან და ოჯახის წევრებთან ერთდ ესწრებოდნენ.

აპრილი 19, 2021

ხობელი მოჭიდავე საერთაშორისო პირველობის გამარჯვებულია

რუმინეთის ქალაქ კლუჟში გამართულ საერთაშორისო პირველობაზე წარმატებით იასპარეზა „ხობის მუნიციპალიტეტის კულტურულ, საგანმანათლებლო საზოგადოებრივი ცენტრის“ სასპორტო სკოლის ბერძნულ-რომაული სტილით მოჭიდავე ვახტანგ ლოლუამ (მწვრთნელი სურაჯ გვასალია) და ჩემპიონის ტიტულს დაეუფლა.

ხობელი ფალავნი თანატოლთა შორის საქართველოს ჩემპიონიცაა. ის ამ ტიტულის მფლობელი მიმდინარე წლის მარტში, ქალაქ გურჯაანში გამართულ საქართველოს პირველობაზე გახდა.

ხობის მუნიციპალიტეტის საკრებულო ულოცავს ვახტანგ ლოლუას გამარჯვებას და მომავალ წარმატებებს უსურვებს მას.

აპრილი 14, 2021

ხობში მუნიციპალური ახალგაზრდობის პოლიტიკის რეფორმა დაიწყო

14 აპრილს, ახალგაზრდობის სააგენტოსა და ხობის მუნიციპალიტეტის მერიასთან ურთიერთანამშრომლობის მემორანდუმი გაფორმდა, რაც ადგილზე “მუნიციპალური ახალგაზრდობის პოლიტიკის” რეფორმის დაწყებასთან არის დაკავშირებული.

ხობის მუნიციპალიტეტში, ახალგაზრდობის სააგენტომ “მუნიციპალური ახალგაზრდობის პოლიტიკის” რეფორმა დაიწყო, რომელიც მიზნად ისახავს ადგილობრივი ახალგაზრდული სფეროს ეკოსისტემის შექმნას.

რეფორმის აღნიშნული მიმართულება კომპლექსურ მიდგომებს გულისხმობს, მუნიციპალიტეტის მერიასთან თანამშრომლობით, ადგილზე ,,ახალგაზრდების გამოწვევების, საჭიროებების, რესურსებისა და ინტერესების“ კვლევა ჩატარდება, აღნიშულ კვლევას დაეფუძნება, ახალგაზრდული სტრატეგიის დოკუმენტი და სამოქმედო გეგმა. ამასთან, რეფორმის მონაწილე მუნიციპალიტეტის ახალგაზრდობის საკითხებზე პასუხისმგებელი 2 თანამშრომელს, ახალგაზრდობის სააგენტო კვალიფიკაციის ამაღლების მიზნით ,,ახალგაზრდობის კოორდინატორად” გადაამზადებს.

<<
<
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
...
>
>>