ხობის მუნიციპალიტეტის საკრებულო

სიახლეები

აგვისტო 19, 2022

გილოცავთ ფერისცვალებას!

აგვისტო 17, 2022

დასრულდა კობა შუბითიძის სახელობის თასის გათამაშება ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური მატჩი გაიმართა.

საფეხბურთო ტურნირის ფინალში ხობის "ჭალეს" გუნდმა სენაკის მეორე ქვეითი ბრიგადის გუნდი პენალტების სერიით ანგარიშით 4:3 დაამარცხა და კობა შუბითიძის სახელობის თასს დაეუფლა.

ტურნირის ფინალს და დაჯილდოების ცერემონიას საქართველოს თავდაცვის სამინისტროს თავდაცვის ძალების დასავლეთის სარდალი,გენერალი კობა გრიგოლია, ხობის მუნიციპალიტეტის საკრებულოს თავმჯდომარე ლევან ქავთარაძე მერის მოადგილე დავით ბერაია, ვეტერანების საქმეთა სახელმწიფო სამსახურის დირექტორი კობა კობალაძე, ადგილობრივი თვითმმართველობის ხელმძღვანელი პირები და საქართველოს შეიარაღებული ძალების წარმომადგენლები ესწრებოდნენ.

სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

აგვისტო 16, 2022

კოლეჯ „ფაზისში“ ღია კარის დღე გაიმართა

სსიპ კოლეჯი ,,ფაზისი,, ხობი-ნოჯიხევის განყოფილებაში ღია კარის დღე გაიმართა, რომელსაც ხობის მუნიციპალიტეტის საკრებულოს თავმჯდომარე ლევან ქავთარაძე და მერი დავით ბუკია, ადგილობრივი ხელისუფლების წარმომადგენლებთან და მოწვეულ სტუმრებთან ერთად ესწრებოდნენ. ადგილობრივი ხელისუფლების წარმომადგენლებმა დაათვალიერეს კოლეჯის ინფრასტრუქტურა, სასწავლო ლაბორატორიები, გაეცნენ კოლეჯში არსებულ საგანმანათლებლო პროგრამებს.

ღონისძიების ფარგლებში გაიმართა სხვადასხვა სახის აქტივობები.

კოლეჯისდირექტორმა ნინო ბაკურაძემ სტუმრებს კოლეჯის საქმიანობა და მიმდინარე და დაგეგმილი საგანმანათლებლო პროფესიული პროგრამები გააცნო.

აგვისტო 12, 2022

ხობში ცოტნეობა აღნიშნეს

12 აგვისტოს, საქართველოს სამოციქულო ავტოკეფალური მართლმადიდებელი ეკლესია წმინდა ცოტნე აღმსარებლის ხსენების დღეს აღნიშნავს. „ცოტნეობის“ დღესასწაულთან დაკავშირებით, ხობის ღვთისმშობლის მიძინების სახელობის ტაძარში, ფოთისა და ხობის მიტროპოლიტმა მეუფე გრიგოლმა, სადღესასწაულო წირვა-ლოცვა ეპარქიის სამღვდელოებასთან ერთად აღავლინა.

ცოტნეობის დღესასწაულთან დაკვარშირებით მუნიციპალიტეტში სხვადასხვა სახის აქტივობები განხორციელდა.

ხობის ცენტრალურ პარკში გაიმართა გოგიტა ჩიტაიასლექცია-სემინარი თემაზე „ცოტნე და ხობის მონასტერი“.

ჩატარდა ინტელექტუალური თამაში ახალგზარდებს შორის, კულტურის სახლის დიდი დარბაზი კლასიკური მუსიკის კონცერტი გაიმართა, შესრულდა ახალგაზრდების ფლეშმობი.

კულტურის სახლის ფოიეში მოეწყო ახალგაზრდა მხატვრის ლალო გადელიას ნამუშევრების გამოფენა.

გაიმართა კონცერტი ადგილობრივი შემსრულებლების მონაწილეობით.

ხობის ცენტრალური პარკში მოეწყო ხელთნაკეთი ნივთებისა და ადგილობრივი მეწარმეების პროდუქციის გამოფენა-გაყიდვა.

ჩატარდა სხვადასხვა სპორტული აქტივობებები მაგიდის ჩოგბურთში, ქუჩის კალათბურთში, ჭადრაკში, ნარდსა და მძლეოსნობაში.

ახალგაზრდების ჩართულობით ჩატარდა ქალაქური თამაშები (City Game).

ღონისძიებებს ადგილობრივი ხელისუფლების წარმომადგნელდები მოწვეულ სტუმრებთან ერთად ესწრებოდნენ.

აგვისტო 12, 2022

საერთაშორისო პროექტი

ხობის ცენტრალურ სტადიონზე საერთაშორისო პროექტმა - "სახალისო ფეხბურთის ღია სკოლების პროგრამა" გაიმართა.

საქართველოს ფეხბურთის ფედერაციის პროგრამა "ღია სახალისო ფეხბურთი" სახალისო ფეხბურთის ღია სკოლების პროგრამა საქართველოში 2003 წლიდან UEFA-ს ეგიდით ხორციელდება და დიდი და პატარა ქალაქების 8-დან 12 წლამდე ასაკის გოგონებსა და ბიჭებს აერთიანებს.

პროექტში მონაწილე ბავშვებს უსასყიდლოდ გადაეცათ ბურთები და სპორტული ფორმა.

პროექტის მიზანია ხელი შეუწყოს სხვადასხვა სოციალური ჯგუფებისმშვიდობიან თანაარსებობას, თანამშრომლობას და სოციალურ ინტეგრაციას, ბავშვების დაახლოებას და მასობრივი ფეხბურთის განვითარებას .

აგვისტო 12, 2022

საკრებულოს სხდომა

12 აგვისტოს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ კიდევ ერთხელ სოლიდარობა გამოუცხადა უკრაინელ ხალხს და დამსწრე საზოგადოებას მიულოცა ცოტნეობის და დიდგორობის დღესასწაულები. სხდომაზე ცნობად იქნა მიღებული განკარგულების პროექტი „ხობის მუნიციპალიტეტის ფრაქცია „ხობი საქართველოსთვის“ რეგისტრაციის გაუქმების შესახებ“. ფრაქციის გაუქმების საფუძველი გახდა ფრაქციის ორი წევრის ნუგზარ შუშანიას და მაკა ჩარტიას მიერ ფრაქციის დატოვება.

დადგენილების პროექტით „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, განხორციელდა 2022 წლის პირველი იანვრის მდგომარეობით არსებული ნაშთის 573,7 ათასი ლარის და შემოსულობების ზრდით მიღებული ასიგნებების 69,2 ათასი ლარის (ცენტრალური ბიუჯეტი), სულ 642,9 ათასი ლარის ბიუჯეტში ასახვა, რომელიც მიიმართა პრიორიტეტის ,,ინფრასტრუქტურის მშენებლობა, რეაბილიტაცია და ექსპლუატაცია“ ასიგნებაზე.

სხდომაზე ფარული კენჭისყრის საფუძველზე საკრებულოს თავმჯდომარის წარდგინებით საკრებულოს თავმჯდომარის მოადგილედ არჩეულ იქნა ნუგზარ შუშანია.

სხდომაზე ასევე განხილულ იქნა განკარგულების პროექტი „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“, რომლის თანახმადაც საკრებულოს მიერ მოწონებულ იქნა 2022-2023 წლებში საქართველოს რეგიონებში განსახორციელებელი პროექტების ფონდიდან დასაფინანსებელი შემდეგი პროექტები:

ა) ხობის მუნიციპალიტეტის სოფელ კუთხე ნოჯიხევში შიდა სასოფლო გზის (ასფალტო-ბეტონი) მოწყობის სამუშაოები;

ბ) ხობის მუნიციპალიტეტის სოფელ ნოჯიხევში შიდა სასოფლო გზის (ცემენტო-ბეტონი) მოწყობის სამუშაოები ;

გ) ხობის მუნიციპალიტეტის თორსა-დღვაბისა და ხამისკურის დამაკავშირებელი გზის (ცემენტო-ბეტონი) მოწყობის სამუშაოები;

დ) ხობის მუნიციპალიტეტის ხამისკურის ადმინისტრაციულ ერთეულში სოფელ საქირიოში გზის (ცემენტო-ბეტონი) მოწყობის სამუშაოები;

ე) ხობის მუნიციპალიტეტის ხეთის ადმინისტრაციულ ერთეულის სოფელ ნოჩხონში გზის (ასფალტო-ბეტონი) მოწყობის სამუშაოები;

ვ) ხობის მუნიციპალიტეტის პატარა ფოთისა და ჭალადიდის დამაკავშირებელი გზის (ცემენტო-ბეტონი) მოწყობის სამუშაოები;

ზ) ხობის მუნიციპალიტეტის თორსა-დღვაბის ადმინისტრაციულ ერთეულში სოფელ საბუკიოში ბეტონის გზის მოწყობის სამუშაოები;

თ) ხობის მუნიციპალიტეტის საგვიჩიოს ადმინისტრაციულ ერთეულში შიდა სასოფლო გზის (ასფალტო-ბეტონი) მოწყობის სამუშაოები;

ი) ქალაქ ხობში ხელოვნურსაფარიანი საფეხბურთო მოედნის მოწყობის სამუშაოები;

კ) ხობის მუნიციპალიტეტის პირველი მაისის ადმინისტრაციულ ერთეულში აია სოფიას ტაძართან მისასვლელი გზის მოწყობის სამუშაოები.

საჯიჯაოს ადმინისტრაციული ერთეულის გაყოფის შედეგად გაღმა საჯიჯაო ჩამოყალიბდა ცალკე დამოუკიდებელ ადმინისტრაციულ ერთეულად. ზემო აღნიშნულის გამო სამეურვეო საბჭოს გადაწყვეტილებით მიზანშეწონილად იქნა მიჩნეული სკოლის სახელწოდების ცვლილება შემდეგი რედაქციით: „სსიპ ხობის მუნიციპალიტეტის სოფელ გაღმა საჯიჯაოს ილია ქვარცხავას სახელობის სკოლა“, რაზედაც საკრებულოს გადაწყვეტილებით მიღებულ იქნა განკარგულება „სსიპ ხობის მუნიციპალიტეტის სოფელ გაღმა საჯიჯაოს საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

აგვისტო 12, 2022

გილოცავთ დიდგორობას!

აგვისტო 12, 2022

გილოცავთ ცოტნეობას!

აგვისტო 11, 2022

ბიუროს სხდომა

11 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები;

1. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 10 აგვისტოს N51-51222224 განცხადების განხილვა:

• „სსიპ ხობის მუნიციპალიტეტის სოფელ გაღმა საჯიჯაოს საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“ განკარგულების პროექტის შესახებ;

• „სსიპ ხობის მუნიციპალიტეტის სოფელ საჯიჯაოს N2 საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“ ხობის მუნიციპალიტეტის საკრებულოს 2019 წლის 30 აგვისტოს N21 განკარგულების ძალადაკარგულად გამოცხადების თაობაზე“ განკარგულების პროექტის შესახებ;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

2. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 10 აგვისტოს N51-51222225 განცხადების განხილვა („ხობის მუნიციპალიტეტის ფრაქცია „ხობი საქართველოსთვის“ რეგისტრაციის გაუქმების შესახებ“ განკარგულების პროექტის თაობაზე);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

3. ხობის მუნიციპალიტეტის მერის დავით ბუკიას 2022 წლის 10 აგვისტოს N50-502222249 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“ განკარგულების პროექტის თაობაზე);

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე);

4. ხობის მუნიციპალიტეტის მერის დავით ბუკიას 2022 წლის 11 აგვისტოს N50-502222318 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტის საკრებულოს

საფინანსო - საბიუჯეტო კომისიის თავმჯდომარე);

5. „------------------------------------------- ხობის მუნიციპალიტეტის საკრებულოს თავმჯდომარის მოადგილედ არჩევის შესახებ“ განკარგულების პროექტის განხილვა.

(მომხსენებელი: ლევან ქავთარაძე - ხობის მუნიციპალიტეტის საკრებულოს თავმჯდომარე).

აგვისტო 10, 2022

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2022 წლის 12 აგვისტოს 11:00 საათზე, საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის ფრაქცია „ხობი საქართველოსთვის“ რეგისტრაციის გაუქმების შესახებ“ განკარგულების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

2. „ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: ბაქარ შონია - ხობის მუნიციპალიტეტის მერიის

საფინანსო - საბიუჯეტო სამსახურის უფროსის მოვალეობის შემსრულებელი);

3. „------------------------ ხობის მუნიციპალიტეტის საკრებულოს თავმჯდომარის მოადგილედ არჩევის შესახებ“ განკარგულების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“ განკარგულების პროექტის განხილვა;

(მომხსენებელი: დავით ბუკია - ხობის მუნიციპალიტეტის მერი;

თანამომხსენებელი: გია ჩაბალუხა - ხობის მუნიციპალიტეტის მერიის ინფრასტრუქტურის,

ურბანული განვითარებისა და არქიტექტურის სამსახურის უფროსი);

5. „სსიპ ხობის მუნიციპალიტეტის სოფელ გაღმა საჯიჯაოს საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“განკარგულების პროექტის განხილვა;

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

6. „სსიპ ხობის მუნიციპალიტეტის სოფელ საჯიჯაოს N2 საჯარო სკოლისთვის ილია ქვარცხავას სახელის მინიჭებაზე თანხმობის გაცემის თაობაზე“ ხობის მუნიციპალიტეტის საკრებულოს 2019 წლის 30 აგვისტოს N21 განკარგულების ძალადაკარგულად გამოცხადების თაობაზე“ განკარგულების პროექტის განხილვა.

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე).

აგვისტო 10, 2022

კობა შუბითიძის სახელობის თასის გათამაშება ფეხბურთში

10 აგვისტოს, ხობის მუნიციპალიტეტის საგვიჩიოს ადმინისტრაციულ ერთეულში სტარტი აიღო 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშებამ ფეხბურთში. ტურნირში ხობის „ჭალეს“, ჭალადიდის, საგვიჩიოს ადმინისტრაციული ერთეულების გუნდებთან ერთად ქობულეთის მუნიციპალიტეტის „ახალი ტალღის“, ქუთაისის მესამე ქვეითი ბრიგადის, სენაკის მეორე ქვეითი ბრიგადის, ხონის მეორე საარტილერიო ბრიგადისა და ეროვნული გვარდიის ფეხბურთელთა გუნდები მონაწილეობენ. ფინალური შეხვედრა17 აგვისტოს გაიმართება.

სპორტული ღონისძიების გახსნის ცერემონიალს ხობის მუნიციპალიტეტის საკრებულოს თავმჯდომარის პირველი მოადგილე მამუკა ქარდავა და მერის მოადგილე დავით ბერაია ესწრებოდნენ.

სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით ხორციელდება.

აგვისტო 9, 2022

12 აგვისტო -საეკლესიო-სახალხო დღესასწაული „ცოტნეობა“ და ახალგაზრდობის საერთაშორისო დღე

10 აგვისტო

• 11:00 სთ. –ახალგაზრდების ფლეშმობი ( კულტურის სახლის წინ)

• 11:10 სთ-ახალგაზრდა მხატვრის ლალო გადელიას ნამუშევრების გამოფენა (კულტურის სახლის ფოიე).

• ხელთნაკეთი ნივთებისა და ადგილობრივი მეწარმეების პროდუქციის გამოფენა-გაყიდვა (ხობის ცენტრალური პარკი);

• 12:00 სთ. - სპორტული აქტივობებები (ხობის ცენტრალური პარკი)

 მაგიდის ჩოგბურთი;

 ქუჩის კალათბურთი;

 ჭადრაკი;

 ნარდი;

 მძლეოსნობა .

• 17:00 სთ-ქალაქური თამაშები (City Game) ახალგაზრდების ჩართულობით (ხობის ცენტრალური პარკი).

11 აგვისტო

• 12:00 სთ. - გოგიტა ჩიტაიას ლექცია-სემინარი თემაზე „ცოტნე და ხობის მონასტერი“ (ხობის ცენტრალური პარკი) ;

• ხელთნაკეთი ნივთებისა და ადგილობრივი მეწარმეების პროდუქციის გამოფენა-გაყიდვა (ხობის ცენტრალური პარკი);

• 17:00 სთ. - კონცერტი ადგილობრივი შემსრულებლების მონაწილეობით (კულტურის სახლის დიდი დარბაზი).

12 აგვისტო - დღესასწაული „ცოტნეობა“ და ახალგაზრდობის საერთაშორისო დღე

• 9:00 სთ - წირვა ხობის ღვთისმშობლის მიძინების სახელობის ტაძარში ;

• 15:00 სთ - ინტელექტუალური თამაში (კულტურის სახლის დიდი დარბაზი);

• 18:00 სთ - კლასიკური მუსიკის კონცერტი (კულტურის სახლის დიდი დარბაზი);

• 20:00 სთ - ფლეშმობი და სხვა გასართობი აქტივობები ახალგაზრდების მონაწილეობით.

აგვისტო 9, 2022

საკრებულოში შიდა კონკურსის მეორე ეტაპი დასრულდა

ხობის მუნიციპალიტეტის საკრებულოს სხდომათა დარბაზში, ხობის მუნიციპალიტეტის საკრებულოს აპარატის იურიდიულ საკითხთა და საქმისწარმოების განყოფილების ადამიანური რესურსების მართვის საკითხებში პირველი კატეგორიის უფროსი სპეციალისტის პოზიციაზე, გამოცხადებული შიდა კონკურსის ფარგლებში, კონკურსის მეორე ეტაპი - გასაუბრება გაიმართა.

შიდა კონკურსზე დარეგისტრირდა 4 განაცხადი, დოკუმენტაციის გადარჩევის საფუძველზე მომდენო ეტაპზე გადავიდა 1 კანდიდატი, გასაუბრებაზე გამოცხადდა 1 კანდიდატი.

შიდა კონკურსის საბოლოო შედეგები გამოქვეყნდება ხობის მუნიციპალიტეტის საკრებულოს საკონკურსო კომისიის მიერ კონკურსის შედეგების შეჯამებისა და საბოლოო შედეგების დამტკიცებისთანავე.

აგვისტო 8, 2022

დასრულდა გოგა ჭითანავას და ლევან ტურავას სახელობის ტურნირი

დასრულდა 2008 წელს ტრაგიკულად დაღუპული რეზერვისტის გოგა ჭითანავასა და ჯარისკაც ლევან ტურავას სახელობის რიგით მეთოთხმეტე გათამაშება მინი ფეხბურთში. ფინალურ შეხვედრაში ერთმანეთს ხეთის ცენტრისა და ხამისკურის ფეხბურთელთა გუნდები დაუპირისპირდნენ, სადაც გამარჯვება ხამისკურის გუნდმა მოიპოვა. ტურნირის გამარჯვებულ და საპრიზო ადგილებზე გასულ გუნდებს თასები და სიგელები გადაეცათ. სპორტულ ღონისძიებას გოგა ჭითანავას და ლევან ტურავას ოჯახის წევრებთან ერთად, ხობის მუნიციპალიტეტის საკრებულოს თავმჯდომარე ლევან ქავთარაძე და მერის მოადგილე დავით ბერაია ესწრებოდნენ.

ტურნირი საფეხბურთო კლუბ ხობის „კოლხეთის“ ორგანიზებით და ადგილობრივი თვითმმართველობის მხარდაჭერით განხორციელდა.

აგვისტო 8, 2022

აგვისტოს ომში დაღუპული ხობელი გმირების ხსოვნას პატივი მიაგეს

2008 წლის რუსეთ-საქართველოს აგვისტოს ომიდან 14 წელი გავიდა. ხობის მუნიციპალიტეტის საკრებულოს თავმჯდომარემ ლევან ქავთარაძემ და მერმა დავით ბუკიამ, ადგილობრივი თვითმმართველობისა და საზოგადოების წარმომადგენლებთან ერთად ყვავილებით შეამკეს აგვისტოს ომის დროს დაღუპულთა მემორიალი. 2008 წლის 8 აგვისტოს სამშობლოს ერთიანობას - გოგა ბერაიას, მიხეილ იოსავას, ლევან ჭოჭუას, დათა ხურცილავას, გოგა ჭითანავას, ზვიად დათუაშვილის, ლევან ტურავას, გოგიტა ქარჩავას და რამაზ კიტიას სიცოცხლე შეეწირა.

ხობის წმინდა სამების სახელობის ეკლესიაში მღვდელმა კირიონ დარასელიამ საქართველოს ერთიანობისთვის დაღუპულთათვის პანაშვიდი გადაიხადა.

<<
<
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
...
>
>>