ხობის მუნიციპალიტეტის საკრებულო

სიახლეები

ნოემბერი 23, 2022

გილოცავთ გიორგობას!

ნოემბერი 22, 2022

ადგილობრივი ბიუჯეტის პროექტის საჯარო განხილვა

ხობის მუნიციპალიტეტის კულტურის სახლის მცირე დარბაზში,მუნიციპალიტეტის 2023 წლის ადგილობრივი ბიუჯეტის პროექტის საჯარო განხილვა გაიმართა. ბიუჯეტის პროექტი – ძირითადი პარამეტრები და პრიორიტეტები დამსწრე საზოგადოებას, მერიის საფინანსო-საბიუჯეტო სამსახურის უფროსმა დავით ჭოჭუამ გააცნო. მისი განმარტებით: შემოსავლები განისაზღვრა 14485,9 ათასი ლარით აქედან: გადასახადები 14485,9 ათასი ლარი, სახელმწიფო ბიუჯეტიდან გამოყოფილი ტრანსფერი - 799,6 ათასი ლარით, (აქედან: 260,0 ათასი ლარი-მიზნობრივი ტრანსფერი დელეგირებული უფლებამოსილებების განსახორციელებლად), ცენტრალური სსიპ(ებ)-დან ინფრასტრუქტურული პროექტის განხორციელებისათვის 539,6 ათასი ლარი; სარეზერვო ფონდი - 120,0 ათასი ლარით; ვალდებულებების ცვლილება, კლება 59,0 ათასი ლარით.

2023 წლის ბიუჯეტის პროექტის ძირითად პრიორიტეტებს – ინფრასტრუქტურა, სოციალური სფერო და სკოლამდელი განათლება წარმოადგენს. ბიუჯეტის პროექტის საჯარო განხილვაში ხობის მუნიციპალიტეტის საკრებულის თავმჯდომარე ლევან ქავთარაძე, მერი დავით ბუკია, საკრებულოს თავმჯდომარის მოადგილეები; მამუკა ქარდავა, გოჩა ქაჯაია და ნუგზარ შუშანია, მერის მოადგილეები, საკრებულოს წევრები, მერიის და ადგილობრივი თვითმმართველობის მიერ დაფუძნებული იურიდიული პირებისა და საზოგადოების წარმომადგენლები მონაწილეობდნენ.

ნოემბერი 21, 2022

ახალგაზრდული საინიციატივო ჯგუფის შეხვედრა გაიმართა

21 ნოემბერს ხობის კულტურის სახლის მცირე დარბაზში გაიმართა ახალგაზრდული საინიციატივო ჯგუფის "ახალგაზრდები ახალგაზრდებისათვის" მიერ ორგანიზებული პროექტის " საქართველოს პარლამენტის მოდელირება 2022"-ის დასკვნითი შეხვედრა.

რომელიც განათლების კომიტეტის ინიციატივითა და ორგანიზებით ხობში სამი დღის განმავლობაში მიმდინარეობდა.

დასკვნით შეხვედრას ხობის მუნიციპალიტეტის საკრებულოს თავმჯდომარე ლევან ქავთარაძე, მერი დავით ბუკია, მერის მოადგილე დავით ბერაია, საკრებულოს ფრაქცია " ქართულიოცნება-დემოკრატიული საქართველოს" თავმჯდომარე აკაკი მალანია და საკრებულოს იურიდიულ, სამანდატო და ეთიკის კომისიის თავმჯდომარე მედეა თათარიშვილი, ახალგაზრდებთან ერთად ესწრებოდნენ.

შემუშავდა რეზოლუცია, რომელიც საკრებულოს, მერიას და ადგილობრივ მოსახლეობას წარედგინა, იმსჯელეს მათი მოგვარების გზებზე.

პროექტი ხობის მუნიციპალიტეტის მერიის კულტურის, განათლების, სპორტის, ძეგლთა დაცვის, ტურიზმისა და ახალგაზრდულ საქმეთა სამსახურის მხარდაჭერით განხორციელდა.

ნოემბერი 21, 2022

გილოცავთ მთავარანგელოზობას!

ნოემბერი 15, 2022

ხობის მუნიციპალიტეტის საკრებულოში 2023 წლის ადგილობრივი ბიუჯეტის პროექტის განხილვა დაიწყო

ხობის მუნიციპალიტეტის საკრებულოს მერიის მიერ, 2022 წლის 14 ნოემბერს განსახილველად წარედგინა 2023 წლის ადგილობრივი ბიუჯეტის პროექტი და ხობის მუნიციპალიტეტის 2023-2026 წლების ადგილობრივი ბიუჯეტის პრიორიტეტების დოკუმენტი მოქმედი კანონმდებლობის შესაბამისად, ხობის მუნიციპალიტეტის საკრებულოს საფინანსო-საბიუჯეტო კომისია, საკრებულოს კომისიებთან და ფრაქციებთან ერთად იწყებს ბიუჯეტის პროექტის წინასწარ განხილვას.

ხობის მუნიციპალიტეტის მერიის მიერ წარმოდგენილი 2023 წლის ბიუჯეტის პროექტი, თანდართულ განმარტებით ბარათთან ერთად, გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის პროექტის“განყოფილება). საკრებულოს ვებგვერდზე www.khobi-sakrebulo.ge ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).

საკრებულოს კომისიებსა და ფრაქციებში ბიუჯეტის პროექტის წინასწარი განხილვა 24 ნოემბრამდე გაგრძელდება და შემუშავდება შესაბამისი წინადადებები.

ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთონ 2023 წლის ბიუჯეტის პროექტის განხილვის პროცესში, რომელიც გაიმართება 2022 წლის 22 ნოემბერს 12:00 საათზე, ხობის კულტურის სახლის მცირე დარბაზში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.

წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2022 წლის 24 ნოემბრამდე შეუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi.mun@gmail.com;

ნოემბერი 7, 2022

საკრებულოს წევრებმა გაწეული მუშაობის ანგარიშები წარადგინეს

ხობის მუნიციპალიტეტის საკრებულოს მაჟორიტარმა საკრებულოს წევრებმა გაწეული ერთწლიანი მუშაობის შესახებ ანგარიში საკუთარ ამომრჩეველს წარუდგინეს. შეხვედრებზე ისაუბრეს ადმინისტრაციულ ერთეულებში გაწეულ და მიმდინარე სამუშაობზე, მოისმინეს მოსახლეობის მოსაზრებები და განიხილეს მათთვის მნიშვნელოვანი საკითხები.

(იხილეთ ბმული ხობის მუნიციპალიტეტის საკრებულოს წევრების 2022 წლის ანგარიშის შესახებ)

ნოემბერი 4, 2022

მეთხილე ფერმერებს ახალი პროგრამა გააცნეს

2 ნოემბერს, ხობში, კულტურის სახლის მცირე დარბაზში, საქართველოს სოფლის მეურნეობის სამინისტროს ორგანიზებით, ხობისა და სენაკის მუნიციპალიტეტების საკრებულოს მაჟორიტარ წევრებთან, მერის წარმომადგენლებთან ადმინისტრაციულ ერთეულებში და მეთხილე ფერმერებთან შეხვედრა გამართა. შეხვედრაზე ისაუბრეს თხილის წარმოების ხელშეწყობის ახალ პროგრამაზე.

მეთხილე ფერმერების მხარდასაჭერად, მთავრობის გადაწყვეტილებით, ყველა ფიზიკური პირი, რომელსაც 0,2 -3 ჰექტრამდე თხილის ფართობი აქვს საკუთრებაში ანსარგებლობაში, მიიღებს, 1 ჰექტარზე დაანგარიშებით, 500 ლარის ოდენობით დახმარებას.

ასევე სამი ჰექტარი ან მეტი თხილის ფართობის მქონე ფერმერები მიიღებენ შეღავათებს და შეძლებენ ისარგებლონ შეღავათიანი აგროკრედიტით საბრუნავი საშუალებებისთვის. სახელმწიფო სესხის 8%-ს დააფინანსებს. ქულები აგრობარათზე დაირიცხება.

ნოემბერი 1, 2022

შეხვედრა სახალხო დამცველის აპარატის წარმომადგენელთან

ხობის მუნიციპალიტეტის საკრებულოში, მუნიციპალიტეტის გენდერული თანასწორობის საბჭოს წევრებთან შეხვედრა გამართა საქართველოს სახალხო დამცველის აპარატის წარმომადგენელმა თამთა ალანიამ.

შეხვედრის მიზანი იყო გენდერული თანასწორობის და გენდერული მეინსტრიმინგის მიმართულებით განხორციელებული სამუშაოების შეფასება.

ოქტომბერი 31, 2022

ქალაქ ხობის N2 სასაფლაომდე მისასვლელი გზის რებაილიტაცია

ქალაქ ხობში, N2 სასაფლაომდე მისასვლელი გზის მოწყობითი სამუშაოები მიმდინარეობს.

ინფრასტრუქტურული პროექტი ადგილობრივი ბიუჯეტის და რეგიონებში განსახორციელებელი პროექტების ფონდის თანადაფინანსებით ხორციელდება. პროექტის შესაბამისად გზის მონაკვეთზე იგება ასფალტის საფარი, მოეწყობა ეზოებში შესასვლელები და ხიდ-ბოგირები.

გზის რეაბილიტაციის პროცესს ხობის მუნიციპალიტეტის საკრებულოს თავმჯდომარე ლევან ქავთარაძე, საკრებულოს ქონების მართვის საკითხთა კომისიის თავმჯდომარე ვლადიმერ ქანთარიასთან,საკრებულოს ფრაქცია " ქართული ოცნება-დემოკრატიული საქართველოს" თავმჯდომარე აკაკი მალანიასთან და მერის წარმომადგენელთან ქალაქ ხობში, კობა თუთბერიძესთან ერთად გაეცნო.

პროექტის სახელშეკრულებო ღირებულება 176 000 ლარს შეადგენს.

სამუშაოებს ელექტრონულ ტენდერში გამარჯვებული კომპანია შპს „შარა-გზამშენი პირველი“ ახორციელებს.

ოქტომბერი 25, 2022

სახალხო დღესასწაული „მე მიყვარს ხობი“

25 ოქტომბერს, ხობის მუნიციპალიტეტში, სახალხო დღესასწაული „მე მიყვარს ხობი“ აღინიშნა.

ღონისძიების ფარგლებში, ხობის კულტურის სახლის მიმდებარე ტერიტორიაზე, მოეწყო-ირაკლი შონიას ნამუშევრების გამოფენა, ხელნაკეთი ნივთებისა და ადგილობრივი მეწარმეების პროდუქციის გამოფენა-გაყიდვა, სხვადასხვა საბავშო და ახალგაზრდული აქტივობები.

გაიმართა სპორტული ღონისძიებები-მაგიდის ჩოგბურთში, ჭადრაკში, მკლავჭიდსა და გოგი ბუკიას სახელობის პირველობა ნარდში.

ღონისძიებას სამეგრელო-ზემო სვანეთისსახელმწიფო რწმუნებული გიორგი გუგუჩია, მოადგილეებთან ერთად, ხობის მუნიციპალიტეტის საკრებულოს თავმჯდომარე ლევან ქავთარაძე,ხობის მუნიციპალიტეტის მერი დავით ბუკია და ადგილობრივი ხელისუფლების წარმომადგენლები ესწრებოდნენ.

სახალხო დღესასწაულის ბოლოს ადგილობრივი შემსრულებლებისა და ოთო ნემსაძის ბენდის კონცერტი ჩატარდა, რომელიც ფოიერვერკით დასრულდა.

ოქტომბერი 18, 2022

საკრებულოს წევრების ანგარიშების მოსმენა

ხობის მუნიციპალიტეტის საკრებულოს წევრების ანგარიშების მოსმენა გაიმართება 2022 წლის 18 ოქტომბრიდან 30 ოქტომბრის ჩათვლით შესაბამის ადმინისტრაციულ ერთეულებში.

ოქტომბერი 14, 2022

ხობის მუნიციპალიტეტის საკრებულო უერთდება ძუძუს კიბოს წინააღმდეგ წამოწყებულ კამპანიას „ვარდისფერი ოქტომბერი“.

ეს თარიღი მთელ მსოფლიოში 1997 წლიდან აღინიშნება, რაც ძუძუს კიბოს შესახებ ცნობიერების ამაღლების კამპანიას ემსახურება, მიზანი კი, ძუძუს კიბოს რისკების შესახებ ცნობადობის გაზრდა, რეგულარული თვითშემოწმების შესახებ ინფორმაციის გავრცელება და კიბოს სკრინინგის აუცილებლობაა.

ვარდისფერი ბაფთა, ძუძუს კიბოსთან ბრძოლის საერთაშორისო სიმბოლოა.

ძუძუს კიბო მსოფლიოში ერთ-ერთი ყველაზეგავრცელებული ონკოლოგიური დაავადებაა და ქალებში ონკოლოგიურ დაავადებებს შორის იგი პირველ ადგილზეა.

ოქტომბერი 14, 2022

გილოცავთ სვეტიცხოვლობას!

ოქტომბერი 13, 2022

საკრებულოს სხდომა

13 ოქტომბერს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ლევან ქავთარაძე. სხდომას ესწრებოდნენ საკრებულოსა და მერიის ხელმძღვანელი პირები. დღის წესრიგით გათვალისწინებული საკითხების განხილვამდე, საკრებულოს თავმჯდომარემ კიდევ ერთხელ სოლიდარობა გამოუცხადა უკრაინელ ხალხს. სხდომაზე განხილულ იქნა დღის წესრიგით გათვალისწინებული საკითხები, მათ შორის: დადგენილების პროექტი „ხობის მუნიციპალიტეტის 2022წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“, რომლის თანახმადაც ხობის მუნიციპალიტეტის ბიუჯეტში 2022 წლის შემოსულობები გაიზარდა 158.6 ათასი ლარით „გრანტებიდან“ (მიზნობრივი ტრანსფერი დელეგირებული უფლებამოსილებების განსახორციელებლად) და შეადგინა 21498,3 ათასი ლარი, გადასახდელები გაიზარდა 721.3 ათასი ლარით და შეადგინა 25299,9 ათასი ლარი. 2022 წლის 1 იანვრის მდგომარეობით არსებული ნაშთიდან 562,7 ათასი ლარი (ადგილობრივი ბიუჯეტი) მიიმართა შემდეგ ღონისძიებათა დასაფინანსებლად: 56,7 ათასი ლარი, პრიორიტეტის ,,წარმომადგენლობითი და აღმასრულებელი ორგანოების დაფინანსება“ ხოლო 506,0 ათასი ლარი, პრიორიტეტის ,,ინფრასტრუქტურის მშენებლობა, რეაბილიტაცია და ექსპლუატაცია“ ასიგნებაზე.

განკარგულების პროექტით; „სსიპ ხობის მუნიციპალიტეტის სოფელ საჯიჯაოს N1 საჯარო სკოლისთვის სსიპ ხობის მუნიციპალიტეტის სოფელ საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“. საჯიჯაოს N1 საჯარო სკოლას მიენიჭა სსიპ ხობის მუნიციპალიტეტის სოფელ საჯიჯაოს საჯარო სკოლის სახელი.

დღევანდელ სხდომაზე ასევე განიხილულ იქნა განკარგულების პროექტი: „ხობის მუნიციპალიტეტის საკუთრებაში არსებული უძრავი და მოძრავი ქონების სახელმწიფო საკუთრებაში უსასყიდლოდ გადაცემის შესახებ“ რომლის თანახმადაც შავღელის ადმინისტრაციულ ერთეულში არსებული ამბულატორია ინფრასტრუქტურული მდგომარეობის გაუმჯობესების მიზნით გადაეცა სახელმწიფოს, შემდგომში ა(ა)იპ „საქართველოს სამედიცინო ჰოლდინგისთვის“ გადაცემის მიზნით.

დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

ოქტომბერი 12, 2022

ბიუროს სხდომა

12 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები;

1. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-502228318 წერილის განხილვა („ხობის მუნიციპალიტეტის 2022 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2021 წლის 29 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ);

(მომხსენებელი: ლევან ლიპარტია - ხობის მუნიციპალიტეტისსაკრებულოს

საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-502228380 წერილის განხილვა („ხობის მუნიციპალიტეტის საკუთრებაში არსებული უძრავი და მოძრავი ქონების სახელმწიფო საკუთრებაში უსასყიდლოდ გადაცემის შესახებ“ განკარგულების პროექტის თაობაზე);

(მომხსენებელი: ვლადიმერ ქანთარია - ხობის მუნიციპალიტეტის საკრებულოს

ეკონომიკისა და ქონების მართვის საკითხთა

კომისიის თავმჯდომარე);

3. ხობის მუნიციპალიტეტის საკრებულოს იურიდიულ, სამანდატო - საპროცედურო და ეთიკის კომისიის თავმჯდომარის მედეა თათარიშვილის 2022 წლის 10 ოქტომბრის N51-51222837 განცხადების განხილვა („სსიპ ხობის მუნიციპალიტეტის სოფელ საჯიჯაოს N1 საჯარო სკოლისთვის სსიპ ხობის მუნიციპალიტეტის სოფელ საჯიჯაოს საჯარო სკოლის სახელის მინიჭებაზე თანხმობის გაცემის თაობაზე“ განკარგულების პროექტის შესახებ);

(მომხსენებელი: მედეა თათარიშვილი - ხობის მუნიციპალიტეტის საკრებულოს

იურიდიულ, სამანდატო - საპროცედურო და ეთიკის

კომისიის თავმჯდომარე);

4. ხობის მუნიციპალიტეტის მერის დავით ბუკიას 2022 წლის 10 ოქტომბრის N50-5022283126 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2022-2023 წლებში დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2022 წლის 12 აგვისტოს №16 განკარგულებაში ცვლილების შეტანის თაობაზე“ განკარგულების პროექტის შესახებ).

(მომხსენებელი: ბექა მამაცაშვილი - ხობის მუნიციპალიტეტის საკრებულოს

ინფრასტრუქტურისა და სივრცით - ტერიტორიული დაგეგმარების

კომისიის თავმჯდომარე).

<<
<
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
...
>
>>