ხობის მუნიციპალიტეტის საკრებულო

სიახლეები

იანვარი 7, 2020

საშობაო მსვლელობა გაიმართა.

7 იანვარს, ქრისტეშობის დღესასწაულზე, ხობში ტრადიციული ალილო გაიმართა.
მსვლელობა წმინდა სამების სახელობის საკათედრო ტაძრიდან დაიწყო. მომლოცველებმა ალილოს გალობით შემოიარეს ქუჩები და მოსახლეობას შობის ბრწყინვალე დღესასწაული მიულოცეს.
საშობაო მსვლელობაში მრევლთან ერთად ხობის მუნიციპალიტეტის საკრებულოს თავმჯდომარე ედიშერ ჯობავაც იღებდა მონაწოლეობას

იანვარი 7, 2020

გილოცავთ შობის ბრწყინვალე დღესასწაულს!

იანვარი 6, 2020

გზის მშენებლობა აქტიურად მიმდინარეობს.

ხობის მუნიციპალიტეტის შუა ხორგა-გამოღმა შუა ხორგა-ქარიატის დამაკავშირებელი 7-კილომეტრიანი გზის სამშენებლო სამუშაოები აქტიურად მიმდინარეობს. ქარიატის ადმინისტრაციულ ერთეულში გზის მშენებლობის პროცესს სამეგრელო-ზემო სვანეთის სახელმწიფო რწმუნებულის მოადგილე ლუდუკ (ნუკრი) ხასია და ხობის მუნიციპალიტეტის საკრებულოს თავმჯდომარე ედიშერ ჯობავა ადგილზე გაეცნენ.
აღნიშნული სამუშაოები საქართველოს მუნიციპალური განვითარების ფონდის და ევროპის საინვესტიციო ბანკის (EIB) დაფინანსებით ხორციედება.
პროექტის შესაბამისად: დაიგება არმირებული ცემენტბეტონის საფარი, მოეწყობა წყალამრიდი მილები, ეზოებში შესასვლელები, გასაჩერებელი მოედნები, დამონტაჟდება საგზაო ნიშნები. შესრულებულია სამუშაოების 80 პროცენტი. ინფრასტრუქტურული პროექტის ღირებულება 3 მილიონ 570 ათას ლარს შეადგენს. სამშენებლო სამუშაოებს შპს „პრაიმ ბეტონი“ აწარმოებს.

დეკემბერი 31, 2019

გილოცავთ დამდეგ შობა-ახალ წელს!

ძვირფასო ხობელებო, უდიდესი პატივისცემითა და სიყვარულით გილოცავთ დამდეგ შობა-ახალ წელს! გისურვებთ, რომ თითოეული თქვენგანის ოჯახისათვის დამდეგი ახალი წელი ყოფილიყოს ბედნიერების, დღეგრძელობის, ბარაქის, კეთილდღეობისა და წარმატებების მომტანი.
ქართველი ხალხისათვის ახალი წელი, განსაკუთრებით მნიშვნელოვანი დღესასწაულია. ვინაიდან, ეს ასოცირდება უკეთესობისაკენ მუდმივ სწრაფვასთან საუკეთესო შედეგების მისაღწევად. საქართველო, ამ მხრივ, ისტორიულად მყარად დგას უძველეს ტრადიციებზე. ეს ის ღირებულებებია, რომლებმაც ჩვენს ხალხს და ქვეყანას ღირსეული ადგილი დაუმკვიდრა მსოფლიო ცივილიზაციაში და მოგვიყვანა დღემდე. სწორედ, ამ გენეტიკურმა ძალამ უნდა გაგვაერთიანოს ჩვენი მომავალი განვითარებისა და კეთილდღეობისათვის ბრძოლაში, რათა ვაშენოთ ქართულ ტრადიციებსა და ღირებულებებზე დაფუძნებული ძლიერი სახელმწიფო, რომელიც ღირსეულ ადგილს დაიკავებს თანამედროვე დემოკრატიულ და თავისუფალ სამყაროში. ქართველი ერის ევროპული არჩევანი არის არა პოლიტიკური, არამედ ცივილური არჩევანი, რომლის ისტორიულ გზაზე ჩვენი ქვეყანა ათასწლეულების სიღრმიდან მოდის და დღესაც, როგორც არასდროს, ჩვენი სახელმწიფოებრიობისათვის მნიშვნელოვანია ევროპული თანამეგობრობის მხარდამჭერი პოზიცია, რომელიც მუდმივად ფიქსირდება საქართველოს ევროინტეგრაციისა და ტერიტორიული მთლიანობის საკითხებში. ორმაგად სასიხარულოა, რომ ახალი 2020 წლის შემობრძანებას დაემთხვა საქართველოს ევროსაბჭოს წევრი ქვეყნების თავმჯდომარეობა. დაე, ეს წელი ყოფილიყოს ჩვენი ქვეყნისა და ხალხის მნიშვნელოვანი გამარჯვების წელი!
ხობის მუნიციპალიტეტის საკრებულოს თავმჯდომარე ედიშერ ჯობავა.

დეკემბერი 30, 2019

ხობში საახალწლო კონცერტი გაიმართა.

30 დეკემბერს ხობის კულტურის სახლის დიდ დარბაზში შობა-ახალი წლისადმი მიძღვნილი ღონისძიება გაიმართა. მაყურებელთა წინაშე seenთეზი, DJ set, drum School და ადგილობრივი შემსრულებლები წარდგნენ. ღონისძიებას საქართველოს პარლამენტის მაჟორიტარი წევრი დაჩი ბერაია, ხობის მუნიციპალიტეტის საკრებულოს თავმჯოდმარე ედიშერ ჯობავა, მერი გოჩა ქაჯაია სტუმრებთან ერთად დაესწრნენ. ადგილობრივი ხელისუფლების წარმომადგენლებმა შეაჯამეს 2019 წელი და აღნიშნეს, რომ 2020 წელი მეტი სიახლეებისა და წარმატებების წელი იქნება. დასარულს შეკრებილ საზოგადოებას კიდევ ერთხელ მიულოცეს დამდეგი შობა-ახალი წელი.
საღამო გრანდიოზული ფოიერვერკით დასრულდა.

დეკემბერი 30, 2019

ბენეფიციარებს საახალწლო საჩუქრები გადაეცათ.

ხობის მუნიციპალიტეტის საკრებულოს თავმჯდომარე ედიშერ ჯობავამ, მერმა გოჩა ქაჯაიამ და საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ დამდეგი შობა-ახალი წელი მიულოცეს უმწეოთა სასადილოს ბედეფიციარებს და საახალწლო საჩუქრები გადასცეს. ასევე ბენეფიციარებს საჩუქარი გადასცა შპს „შავი ზღვის ტერმინალის“ წარმომადგენელმა ქეთინო ოდიშარიამ. ბიზნესმენმა და ახალი ხიბულის მაჟორიტარმა დეპუტატმა მერაბ ნადარაიამ, ახალი ხიბულის ადმინისტრაციულ ერთეულში მცხოვრებ ხუთ მრავალშვილიან ოჯახს 150-150 ლარი გადასცა. მიკრო საფინანსო ორგანიზაცია „კრისტალის“ წარმომადგენლებმა ზემო ქვალონის, ახალი ხიბულის და ხეთის ადმინისტრაციულ ერთეულებში მცხოვრებ სამ ოჯახს დამდეგი დღესასწაულები მიულოცეს და საახალწლო საჩუქრები გადასცეს.

დეკემბერი 30, 2019

2020 წლის ადგილობრივი ბიუჯეტი დამტკიცდა

მუნიციპალიტეტის 2020 წლის ადგილობრივი ბიუჯეტი, რომლითაც შემოსავლები განისაზღვრა 10072,5 ათასი ლარით, აქედან: გადასახადები 9062,5 ათასი ლარი, გრანტები 210.0 ათასი ლარი (აქედან: 210,0 ათასი ლარი - მიზნობრივი ტრანსფერი დელეგირებული უფლებამოსილებების განსახორციელებლად), სხვა შემოსავლები 800,0 ათასი ლარი, სარეზევრო ფონდი 90,0 ათასი ლარი. ადგილობრივი ხელისუფლების გადაწყვეტილებით, 2020 წლის ადგილობრივ ბიუჯეტში უმთავრეს პრიორიტეტად მიჩნეულია სოციალური სფერო, ჯანდაცვის, განათლებისა და სკოლამდელი აღზრდის მიმართულებით და სხვადასხვა სახის ინფრასტრუქტურული პროექტები, რომლებიც მომავალი წლისთვის დაგეგმილია მუნიციპალიტეტის მასშტაბით. სხდომაზე ასევე დამტკიცდა ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2020 წლის მუნიციპალური პროგრამა, რომლის ბიუჯეტი განისაზღვრა 507600 ათასი ლარით. პროგრამის ფარგლებში ადგილობრივი ბიუჯეტიდან დაფინანსდება ყველა ის პროგრამა რაც გათვალისწინებული იყო 2019 წელს, ამასთან პროგრამას დაემატა აუტიზმით დაავადებული ბავშვებზე წელიწადში ორჯერ ერთჯერადად 300-300 ლარის ოდენობით დახმარების თანხის გაცემა, (თებერვალი- სექტემბერი) და 200 ათასი და ნაკლები სარეიტინგო ქულით სოციალურად დაუცველი მოქალაქეების შინმოვლის თანადაფინასება. ამ და დღის წესრიგით გათვალისწინებული სხვა საკითხების განხილვის შემდეგ საკრებულოს თავმჯდომარე ე. ჯობავამ საკრებულოს წევრებს, დამსწრე საზოგადოებას მიულოცა დამდეგი შობა-ახალი წელი და წარმატებები უსურვა მათ, როგორც პირად ასევე საზოგადოებრივ საქმიანობაში. 2019 წლის საკრებულოს ბოლო სხდომა სახელმწიფო ჰიმნის მოსმენის შემდეგ დახურულად გამოცხადდა.

დეკემბერი 30, 2019

ბიუროს სხდომა

30 დეკემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები.
1. ხობის მუნიციპალიტეტის მერის მოვალეობის შემსრულებლის ვ. გაბედავას 2019 წლის 5 დეკემბრის N09/4383 წერილის განხილვა ( „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2019 წლის მუნიციპალური პროგრამის თანხის გაცემის წესის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის N48 განკარგულებაში ცვლილების შეტანის შესახებ“ განკარგულების პროექტის თაობაზე);
(მომხსენებელი: დ. გაბუნია - ხობის მუნიციპალიტეტის საკრებულოს განათლების,
კულტურისა და სოციალურ საკითხთა კომისიის თავმჯდომარე);

2. ხობის მუნიციპალიტეტის მერის მოვალეობის შემსრულებლის ვ. გაბედავას 2019 წლის 18 დეკემბრის N03/4540 წერილის განხილვა:
• „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა და საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის შესახებ;
• „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შსახებ;
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ
საკითხთა კომისიის თავმჯდომარე);

3. ხობის მუნიციპალიტეტის მერის მოვალეობის შემსრულებლის ვ. გაბედავას 2019 წლის 24 დეკემბრის N09/4580 და ხობის მუნიციპალიტეტის მერის გ. ქაჯაიას 2019 წლის 26 დეკემბრის N09/4640 წერილების განხილვა:
• „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2020 წლის მუნიციპალური პროგრამის თანხის გაცემის წესის დამტკიცების შესახებ“ განკარგულების პროექტის თაობაზე;
• „ხობის მუნიციპალიტეტის მოსახლეობის ჯანმრთელობის დაცვის 2020 წლის მუნიციპალური პროგრამის დამტკიცების შესახებ“ განკარგულების პროექტის თაობაზე;
(მომხსენებელი: დ. გაბუნია - ხობის მუნიციპალიტეტის საკრებულოს განათლების,
კულტურისა და სოციალურ საკითხთა კომისიის თავმჯდომარე);

4. ხობის მუნიციპალიტეტის მერის გ. ქაჯაიას 2019 წლის 26 დეკემბრის N04/4624, 26 დეკემბრის N04/4634, 27 დეკემბრის N04/4649 და 30 დეკემბრის N04/4662 წერილების განხილვა:
• „ხობის მუნიციპალიტეტის 2020 წლის ადგილობრივი ბიუჯეტის დამტკიცების შესახებ“ დადგენილების პროექტის თაობაზე და პრიორიტეტის დოკუმენტის გაცნობა;
• „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის შესახებ.
(მომხსენებელი: ტ. ალექსანდრია - ხობის მუნიციპალიტეტის საკრებულოს

დეკემბერი 27, 2019

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2019 წლის 30 დეკემბერს 12:00 საათზე, ხობის მუნიციპალიტეტის საკრებულოს სხდომათა დარბაზში.
სხოდმის დღისწესრიგი:

1. „ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი);

2. „ხობის მუნიციპალიტეტის 2020 წლის ადგილობრივი ბიუჯეტის დამტკიცების შესახებ“ დადგენილების პროექტის განხილვა და პრიორიტეტის დოკუმენტის გაცნობა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი);

3. „ხობის მუნიციპალიტეტის მერიის საშტატო ნუსხის დამტკიცებისა და ხობის მუნიციპალიტეტის მერიის პოლიტიკური თანამდებობის პირთა და საჯარო მოხელეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2018 წლის 18 იანვრის №4 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);

4. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის
ადმინისტრაციული სამსახურის უფროსი);

5. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2019 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2018 წლის 26 დეკემბრის N82 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);

6. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2020 წლის მუნიციპალური პროგრამის თანხის გაცემის წესის დამტკიცების შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);

7. „ხობის მუნიციპალიტეტის მოსახლეობის ჯანმრთელობის დაცვის 2020 წლის მუნიციპალური პროგრამის დამტკიცების შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი).

დეკემბერი 25, 2019

ხობში ნაძვის ხე საზეიმოდ განათდა

25 დეკემბერს ხობის ცენტრალურ პარკში მთავარი საახალწლო ნაძვის ხე აინთო. საზეიმო ღონისძიებას პარლამენტის წევრი დაჩი ბერაია, ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ესწრებოდნენ. ხელისუფლების წარმომადგენლებმა კონცერტზე შეკრებილ საზოგადოებას სიტყვით მიმართეს და დამდეგი შობა-ახალი წელი მიულოცეს.
გაიმართა კონცერტი სადაც მაყურებლის წინაშე დგილობრივი ჯგუფები და ინდივიდუალური შემსრულებლები წარსდგნენ.
სადღესასწაულო ღონისძიებაზე, ასევე 2019 წლის ხობის მუნიციპალიტეტის წარმატებული სპორტსმენებისა და მწვრთნელების დაჯილდოების ცერემონიალი გაიმართა.
ღონისძიება გრანდიოზული ფეიერვერკით დასრულდა.

დეკემბერი 23, 2019

ხობში მედიცინის მუშაკების პროფესიული დღე აღინიშნა

23 დეკემბერს ხობში, საქართველოს მედიცინის მუშაკთა პროფესიული დღისადმი მიძღვნილი ღონისძიება გაიმართა, სტუმრების წინაშე საკუთარი რეპერტუარით მომღერალი დავით არჩვაძე წარსდგა.
საღამოს ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ხელისუფლების სხვა წარმომადგნელებთან ერთად დაესწრნენ. საკრებულოს თავმჯდომარემ მედიცინის სფეროს მუშაკებს მიულოცა პროფესიული დღე და კარიერული წინსვლა და წარმატებები უსურვა მათ.

დეკემბერი 21, 2019

შევედრა პროექტ "ქუჩის რაგბის" ფარგლებში

21 დეკემბერს, ხობის ცენტრალურ სტადიონზე პროექტ თვით რაგბის (ქუჩის რაგბის) ფარგლებში გაიმართა შევერდა სამეგრელო ზემი-სვანეთის რეგიონის ნორჩ მორაგბეებთან. შეხვედრაზე მოქმედმა და ვეტერანმა მორაგბეები, მათ შორის ბორჯღალოსნებმა ხობის, მარტვილის და აფხაზეთიდან იძულებით გადაადგილებულ ბავშვთა გუნდებს ქუჩის რაგბის წესები გააცნეს, გამოცდილმა მორაგბეებმა თავადაც იბურთავეს, რის შემდეგაც თამაშში ადგილობრივებიც ჩაერთვნენ.
სტუმრებმა ნორჩ მორაგბეებს საჩუქრად ბურთები გადასცეს.
ღონისძიებას საქართველოს რაგბის კავშირის მაღალი სპორტული მიღწევების მენეჯერი სიმონ მაისურაძე, საკრებულოს ქონების მართვისა და ინფრასტრუქტურის კომისიის თავმჯდომარე ვლადიმერ ქანთარია და მერიის კულტურის, განათლების, სპორტის, ძეგლთა დაცვის, ტურიზმის და ახალგაზრდულ საქმეთა სამსახურის უფროსი ელისო კვიკვინია ესწრებოდნენ.

დეკემბერი 19, 2019

პროკურორმა „ოჯახში ძალადობის წინააღმდეგ ბრძოლის“ შესახებ ისაუბრა

19 დეკემბერს, ხობის მუნიციპალიტეტის საკრებულოს სხდომათა დარბაზში, ფოთის რაიონულმა პროკურორმა ალექსანდრე კოდუამ მოსახლეობასთან და თვითმმართველობის წარმომადგენლებთან ოჯახში ძალადობისა და ტრეფიკინგის თემაზე საინფორმაციო შეხვედრა გამართა.

პროკურორმა დამსწრე საზოგადოებას ოჯახში ჩადენილ დანაშაულზე, ძალადობის ფორმებზე და დაზარალებულის უფლებებზე მიაწოდა ინფორმაცია. მან ასევე, ისაუბრა სამართალდამცველებთან თანამშრომლობის მნიშვნელობაზე, საზოგადოების როლზე ამ ტიპის დანაშაულთან ბრძოლისა და გამოვლენის საქმეში.

დეკემბერი 19, 2019

ეკოიდეების კონკურსში გამარჯვებულები გამოვლინდნენ

ხობის მუნიციპალიტეტის საკრებულოს სხდომათა დარბაზში, არასამთავრობო ორგანიზაცია „ხობიnews”-ის პროექტის ”მეტი ნდობა სიკეთის გასაკეთებლად" ფარგლებში გამოცხადებული იდეების კონკურსის: „უსარგებლოდან სასარგებლომდე" გამარჯვებულები გამოვლინდნენ.

დეკემბერი 19, 2019

გილოცავთ ნიკოლოზობას!

<<
<
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
...
>
>>