ხობის მუნიციპალიტეტის საკრებულო

სიახლეები

აპრილი 15, 2019

საკრებულოს რიგგარეშე სხდომა

15 აპრილს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები. სხდომაზე განხილულ იქნა განკარგულების პროექტი, „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (აღნაგობის) უფლებით გადაცემაზე თანხმობის მიცემის შესახებ“, რომლის თანახმადაც სსიპ ,,სახელმწიფო სერვისების განვითარების სააგენტოს“ გადაეცემა ქ. ხობში ცოტნე დადიანის ქუჩაზე მდებარე არასასოფლო-სამეურნეო დანიშნულების მიწის ნაკვეთი საზოგადოებრივი ცენტრის მშენებლობისთვის. სხდომაზე ასევე განიხილეს განკარგულების პროექტი „ჯანმრთელობისათვის უსაფრთხო გარემოს უზრუნველყოფის ხელშეწყობის სახელმწიფო პროგრამის“ ფარგლებში ხობის მუნიციპალიტეტში 2019 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადებების მოწონების შესახებ“, რომლის თანახმადაც განხორციელდება საჯიჯაოს, ახალი ხიბულის, ძველი ხიბულის, ხამისკურისა და პირველი მაისის ამბულატორიების რეაბილიტაცია. განკარგულების პროექტით „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2019 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“ ხობის მუნიციპალიტეტის საკრებულოს 2018 წლის 20 დეკემბრის N44 განკარგულებაში ცვლილების შეტანის თაობაზე“, საკრებულოს მიერ 2018 წლის 20 დეკემბერს მიღებულ N44 განკარგულებას ემატება 7 ობიექტი: ქალაქ ხობში 9 აპრილის ქუჩის რეაბილიტაციის სამუშაოები, ხობის მუნიციპალიტეტის ხეთის ადმინისტრაციული ერთეულის სოფელ წინაგოლაში გზის რეაბილიტაციის (ასფალტო-ბეტონი) სამუშაოები, ხობის მუნიციპალიტეტის პირველი მაისის ადმინისტრაციულ ერთეულში აია სოფიას ტაძართან მისასვლელი გზის მოწყობის (ცემენტო-ბეტონი) სამუშაოები, ხობის მუნიციპალიტეტის ქვემო ქვალონის ადმინისტრაციულ ერთეულის სოფელ დურღენაში სასაფლაომდე მისასვლელი გზის მოწყობის (ასფალტო-ბეტონი) სამუშაოები, ხობის მუნიციპალიტეტის ხამისკურის ადმინისტრაციულ ერთეულში შიდა სასოფლო გზის მოწყობის (ცემენტო-ბეტონი) სამუშაოები, ხობის მუნიციპალიტეტის შუა ხორგისა და ახალი სოფლის ადმინისტრაციული ერთეულების დამაკავშირებელი გზის მოწყობის (ასფალტო-ბეტონი) სამუშაოები და „სენაკი-ფოთი-სარფი“ საერთაშორისო საავტომობილო გზის ხობის მუნიციპალიტეტის ტერიტორიაზე (ქვემო ქვალონის, საგვიჩიოს, ჭალადიდისა და პატარა ფოთის ადმინისტრაციული ერთეულები) გარე განათების მოწყობის სამუშაოები. დღევანდელ სხდომაზე ასევე განხილულ იქნა განკარგულების პროექტი ,,სტიქიის პრევენციის სახელმწიფო პროგრამის ფარგლებში“ ხობის მუნიციპალიტეტში 2019 წელს დასაფინანსებელი ადგილობრივი თვითმართველობის პროექტების დაფინანსების მიზნით მომზადებული წინადადების მოწონების შესახებ“, რომლის მიხედვითაც ხობის მუნიციპალიტეტის მერიის მიერ მომზადდა წინადადებები საქართველოს რეგიონებში განსახორციელებელი პროექტების ფონდიდან სტიქიის პრევენციის სახელმწიფო პროგრამის ფარგლებში მუნიციპალიტეტის ტერიტორიაზე 2019 წლისთვის განსახორციელებელ სამუშაოებთან დაკავშირებით, რაც საქართველოს სახელმწიფო ბიუჯეტიდან შესაბამისი ფინანსური უზრუნველყოფისათვის უნდა წარედგინოს საქართველოს რეგიონული განვითარებისა და ინფრასტრუქტურის სამინისტროს. დღის წესრიგით გათვალისწინებული საკითხების განხილვის შემდეგ საკრებულოს რიგგარეშე სხდომა დახურულად გამოცხადდა.

აპრილი 15, 2019

ბიუროს სხდომა.

15 აპრილს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის მერის გ. ქაჯაიას 2019 წლის 11 აპრილის N06/1139 წერილის განხილვა („საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2018 წლის 20 დეკემბრის N44 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2019 წლის 11 აპრილის N06/1140 წერილის განხილვა („სტიქიის პრევენციის სახელმწიფო პროგრამის ფარგლებში“ ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2019 წლის 11 აპრილის N05/1144 წერილის განხილვა („ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (აღნაგობის) უფლებით გადაცემაზე თანხმობის მიცემის შესახებ“ განკარგულების პროექტის თაობაზე);
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე);

4. ხობის მუნიციპალიტეტის მერის გ. ქაჯაიას 2019 წლის 12 აპრილის N06/1171 წერილის განხილვა (,,ჯანმრთელობისათვის უსაფრთხო გარემოს უზრუნველყოფის ხელშეწყობის სახელმწიფო პროგრამის“ ფარგლებში ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ განკარგულების პროექტის თაობაზე).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

აპრილი 14, 2019

14 აპრილი დედა ენის დღეა, გილოცავთ!

აპრილი 12, 2019

დასრულდა ანრი ჯგერენაიას სახელობის ტურნირი მინი ფეხბურთში

12 აპრილს, ნოდარ შენგელიას სახელობის სტადიონზე დასრულდა ანრი ჯგერენაიას სახელობის პირველობა მინი ფეხბურთში. ტურნირი ჯგუფური ეტაპის პრინციპით ჩატარდა და მასში მუნიციპალიტეტის კერძო და საჯარო სკოლების რვა გუნდმა მიიღო მონაწილეობა. ფინალში ერთმანეთს ხობის პირველი საჯარო სკოლისა და ჭალადიდის საჯარო სკოლის ფეხბურთელთა გუნდები დაუპირისპირდნენ. ტურნირის გამარჯვებული და ანრი ჯგერენაიას სახელობის თასის მფლობელი ხობის პირველი საჯარო სკოლის ფებურთელთა გუნდი გახდა. ფინალურ შეხვედრებს ხობის მუნიციპალიტეტის მერი გოჩა ქაჯაია, მერის მოადგილე მახარე ჩოკორაია, საკრებულოს ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია, იურიდიულ საკითხთა კომისიის თავმჯდომარე დავით ბერაია და მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი ელისო კვიკვინია ესწრებოდნენ. სპორტული ღონისძიება ადგილობრივი თვითმმართველობის მხარდაჭერითა და „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

აპრილი 12, 2019

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2019 წლის 15 აპრილს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:
1. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (აღნაგობის) უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და ქონების მართვის სამსახურის უფროსი);
2. „სტიქიის პრევენციის სახელმწიფო პროგრამის ფარგლებში“ ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი);
3. ,,ჯანმრთელობისათვის უსაფრთხო გარემოს უზრუნველყოფის ხელშეწყობის სახელმწიფო პროგრამის“ ფარგლებში ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი);
4. „საქართველოს რეგიონებში განსახორციელებელი პროექტების ფონდიდან ხობის მუნიციპალიტეტში 2019 წელს დასაფინანსებელი ადგილობრივი თვითმმართველობის პროექტების დაფინანსების მიზნით მომზადებული წინადადებების მოწონების შესახებ“ ხობის მუნიციპალიტეტის საკრებულოს 2018 წლის 20 დეკემბრის N44 განკარგულებაში ცვლილების შეტანის თაობაზე“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი).

აპრილი 9, 2019

ხობში 9 აპრილის ტრაგედიის 30-ე წელი აღინიშნა

9 აპრილის ტრაგედიიდან 30 წელი გავიდა, ეს არის დღე უდიდესი ტკივილისა და სიხარულისა. 1989 წლის 9 აპრილის მშვიდობიანი საპროტესტო აქციის დროს, საქართველოს დამოუკიდებლობის აღდგენის მიზნით, რუსთაველის ქუჩაზე შეკრებილი მანიფესტანტები საბჭოთა ხელისუფლებამ დაარბია და ათობით ადამიანი დახოცა. 9 აპრილის დახღუპულებს პატივი მიაგეს ხობის მუნიციპალიტეტში, კულტურის სახლის მცირე დარბაზში ლიტერატურულ-მუსიკალური კომპოზიცია გაიმართა სახელწოდებით „საქართველო ჩვენ გვეკუთვნის, საქართველო ჩვენია...“ მოეწყო 9 აპრილის თემატიკაზე ნახატების გამოფენა, თეატრის მიმდებარე ტერიტორიაზე მოსწავლეებმა ფლეშ მობი წარმოადგინეს. ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ადგილობრივი ხელისუფლების წარმომადგენლებთან და საზოგადოებასთან ერთად ხობის წმინდა სამების სახელობის ტაძარში - 9 აპრილს დაღუპულთა სულის მოსახსნებელ პანაშვიდს დაესწრნენ, ყვავილებით შეამკეს 9 აპრილის მემორიალი და პატივი მიაგეს დაღუპულ გმირთა ხსოვნას. რის შემდეგაც მსვლელობა მოეწყო ხეთის ადმინისტრაციულ ერთეულში, სადაც 9 აპრილს დაღუპული გმირის ხობელი ნათია ბაშალეიშვილის სახელობის წყარო მდებარეობს.

აპრილი 7, 2019

გილოცავთ ხარებას!

აპრილი 6, 2019

სპორტის საერთაშორის დღისადმი მიძღვნილი ღონისძიებები ხობში

5-6 აპრილს, ხობის მუნიციპალიტეტში, სპორტის საერთაშორის დღისადმი მიძღვნილი შეჯიბრებები გაიმართა მაგიდის ჩოგბურთსა და მძლეოსნობაში. სპორტის საერთაშორისო დღის სლოგანია - „სპორტის საერთაშორისო დღე მშვიდობისა და განვითარებისათვის“. ხობის მუნიციპალიტეტის მერია პირველად შეუერთდა „თეთრი ბარათის“ (#WhiteCard”) საერთაშორისო კამპანიას, რომლის მიზანიც სპორტში პოზიტიური ღირებულებების წახალისებაა. ის არის ე.წ. "წითელი ბარათის" საპირისპირო სიმბოლო და გამოხატავს ტოლერანტობასა და მშვიდობას. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ესწრებოდნენ. ღონისძიების ორგანიზატორები არიან: საქართველოს განათლების, მეცნიერების, კულტურისა და სპორტის სამინისტრო, ხობის მუნიციპალიტეტის მერია და ფედერაცია „სპორტი ყველასათვის“. #WhiteCard.

აპრილი 4, 2019

ნატოს წარმომადგენლები ხობის მუნიციპალიტეტს სტუმრობდნენ

სამეგრელო-ზემო სვანეთის სახელმწიფო რწმუნებული ალექსანდრე მოწერელია, ფოთისა და ხობის მიტროპოლიტი მეუფე გრიგოლი, ხობის მუნიციპალიტეტის საკრებულოს თავმჯდომარე ედიშერ ჯობავა, მუნიციპალიტეტის მერი გოჩა ქაჯაია, მერის მოადგილე მახარე ჩოკორაია ნატოს მუდმივმოქმედი მეორე საზღვაო შენაერთის ხელმძღვანელი კომოდორ ბაუდევაინ ბუთი და ეკიპაჟის წევრები ნოჯიხევის სამონასტრო კომპლექსში იმყოფებოდნენ, სტუმრებმა სამონასტრო კომპლექსი დაათვალიერეს და კიდევ ერთხელ გაეცნენ ქართულ კულტურას.
საქართველოს ტერიტორიულ წყლებში ნატოს მუდმივმოქმედი მეორე საზღვაო შენაერთი (SNMG2) 1 აპრილს შემოვიდა, რომლის შემადგენლობაშიც შედის: „Flagship - HNLMS Evertsen“ (ნიდერლანდების სამეფო), „TCG Yildirim“ (თურქეთის რესპუბლიკა), “BGS DRAZKI” (ბულგარეთი) და ”ROS Regele Ferdinand” (რუმინეთი).
სტუმრებმა ადგილობრივი ხელისუფლების წარმომადგენლებს მადლობა გადაუხადეს გულთბილი მიღებისთვის და წარმატებები უსურვეს მათ.

აპრილი 3, 2019

ხობში "ეტალონი" ჩატარდა.

3 აპრილს, ხობის მუნიციპალიტეტის კულტურის სახლის დიდ დარბაზში ინტელექტ-ჩემპიონატი „ხობის ეტალონი მოსწავლე“ ჩატარდა, რომელშიც ხობის მუნიციპალიტეტის 27 სკოლის 76 მოსწავლე მონაწილეობდა. 2018-2019 სასწავლო წლის „ხობის ეტალონი მოსწავლე“ პირველი მაისის საჯარო სკოლის მოსწავლე ანი ბერაია გახდა. მეორე ადგილი ქვემო ქვალონის N2 საჯარო სკოლის მოსწავლემ გურამ შონიამ, ხოლო მესამე ადგილი ხამისკურის საჯარო სკოლის მოსწავლემ, მეგი ქირიამ დაიკავა. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა და მერი გოჩა ქაჯაია ადგილობრივი ხელისუფლების სხვა წარმომადგენლებთან, სკოლის დირექტორებთან და პედაგოგებთან ერთაი ესწრებოდნენ.
ხობის მუნიციპალიტეტის საკრებულო ულოცავს გამარჯვებას ანი ბერაიას და მომავალ წარმატებებს უსურვებს მას.

აპრილი 1, 2019

მერაბ კიტიას სახელობის თასის გათამაშება ფეხბურთში

ქალაქ ხობში, ნოდარ შენგელიას სახელობის მინი სტადიონზე, მერაბ კიტიას ხსოვნისადმი მიძღვნილი ტურნირი გაიმართა მინიფეხბურთში. ტურნირის დაწყებამდე, მონაწილეებმა და ადგილობრივი ხელისუფლების წარმომადგენლებმა წუთიერი დუმილით პატივი მიაგეს მერაბ კიტიას ხსოვნას. შეჯიბრში ქ. ხობის N1, ხობის N2, პირველი მაისის და ნოჯიხევის საჯარო სკოლების გუნდები მონაწილეობდნენ. პირველობის გამარჯვებული და მერაბ კიტიას სახელობის თასის მფლობელი ხობის N1 საჯარო სკოლის გუნდი გახდა. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის მერის მოადგილე მახარე ჩოკორაია, საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ბექა მამაცაშვილი, ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია და იურიდიულ საკითხთა კომისიის თავმჯდომარე დავით ბერაია ესწრებოდნენ.

მარტი 31, 2019

დღეს საქართველოს პირველ პრეზიდენტს ზვიად გამსახურდიას დაბადებიდან 80 წელი შეუსრულდებოდა

სიმბოლურია რომ დღეს ასევევ აღინიშნება საქართველოს დამოუკიდებლობის აღდგენის რეფერანდუმის ჩატარების დღეც. 1991 წლის 31 მარტს, საყოველთაო რეფერენდუმი ჩატარდა სადაც საქართველოს დამოუკიდებლობასა და ერთიანობას მოსახლეობის უმრავლესობამ დაუჭირა მხარი.

მარტი 29, 2019

ზვიად გამსახურდიას 80 წლისთავისადმი მიძღვნილი საღამო.

ხობის თედო სახოკიას სახელობის ცენტრალურ ბიბლიოთეკაში საქართველოს პირველი პრეზიდენტის, ზვიად გამსახურდიას 80 წლისთავისადმი მიძღვნილი საღამო „მოწამეობრივი ხვედრი ეროვნული გმირისა“ გაიმართა. ღონისძიებაზე გაიხსენეს და კიდევ ერთხელ გააანალიზეს საქართველოს ისტორიაში ერთ-ერთ გარდამტეხ პერიოდთან - საქართველოს პირველი პრეზიდენტის ცხოვრებასთან, მოღვაწეობასთან და მის თანამოაზრეებთან დაკავშირებული მოვლენები. ღონისძიებას მოწვეულ სტუმრებთან ერთად, ხობის მუნიციპალიტეტის მერი გოჩა ქაჯაია, საკრებულოს განათლებისა და სოციალურ საკითხთა კომისიის თავმჯდომარე დოდო გაბუნია და მერის მოადგილეები ესწრებოდნენ.

მარტი 28, 2019

შეხვედრა წითელას იმუნიზაციათან დაკავშირებით.

ხობის მუნიციპალიტეტის მერიის სააქტო დარბაზში, წითელას საწინააღმდეგო ღონისძიებებთან დაკავშირებით საინფორმაციო შეხვედრა გაიმართა. მერიის შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახურის უფროსმა შოლინა კანკიამ საკრებულოს, მერიის, საგანმანათლებლო რესურსცენტრისა და ადგილობრივი თვითმმართველობის მიერ დაფუძნებული იურიდიული პირების წარმომადგენლებთან წითელას მასიური გავრცელების პრევენციის მიზნით გასატარებელ ღონისძიებებზე ისაუბრა. საქართველოს მთავრობის 2019 წლის 18 იანვრის N16 განკარგულებით წითელას მასიური გავრცელების პრევენციის მიზნით გასატარებელი ღონისძიებები, მოქალაქეთა, სახელმწიფო და ადგილობრივი თვითმმართველობის ორგანოების ვალდებულებები განისაზღვრა. სამუშაო შეხვედრაზე დაისახა სამოქმედო გეგმა და ღონისძიებები ხობის მუნიციპალიტეტში იმუნიზაციის ჩატარებასთან დაკავშირებით.

მარტი 27, 2019

ხობის N2 საჯარო სკოლის მოსწავლე FLEX-ის გამარჯვებულია

ქალაქ ხობის N2 საჯარო სკოლის მოსწავლე ირაკლი შონია, მომავალ ლიდერთა გაცვლითი პროგრამის (FLEX) გამარჯვებულია.
მომავალ ლიდერთა გაცვლითი პროგრამა გამარჯვებულ მოსწავლეებს აძლევს შესაძლებლობას, გაეცნონ ამერიკის კულტურას და ხალხს, ისწავლონ ამერიკულ სკოლაში და იცხოვრონ ამერიკელ, მასპინძელ ოჯახთან ერთად, ერთი აკადემიური წლის მანძილზე.
პროგრამას სრულად აფინანსებს აშშ-ს სახელმწიფო დეპარტამენტის განათლებისა და კულტურის საკითხთა ბიურო.
ხობის მუნიციპალიტეტის საკრებულო ულოცავს ხობელ მოსწავლეს ამ დიდ გამარჯვებას.

<<
<
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
...
>
>>