ხობის მუნიციპალიტეტის საკრებულო

სიახლეები

მარტი 11, 2019

ღონისძიება „ ერთად ვეძებოთ გზები“

2 მარტს ქალაქ თბილისის მუნიციპალიტეტის საკრებულოში, გენდერული საბჭოს ეგიდით, ღონისძიება „ერთად ვეძებოთ გზები“ გაიმართა. შეხვედრას თბილისის მუნიციპალიტეტის საკრებულოს თავმჯდომარე გიორგი ტყემალაძე, საკრებულოს წევრები, სამთავრობო და არასამთავრობო სექტორის წარმომადგენლები, ხელოვნებისა და კულტურის სფეროში მოღვაწე და ბიზნესსექტორში დასაქმებული ქალები ესწრებოდნენ.
შეხვედრაში ხობის მუნიციპალიტეტის საკრებულოდან მონაწილეობდა საკრებულოს საპროცედურო საკითხთა კომისიის თავმჯდომარე თეა გელანტია.

მარტი 8, 2019

ქალბატონებო, გილოცავთ ქალთა საერთაშორისო დღეს

ქალბატონებო, გილოცავთ ქალთა საერთაშორისო დღეს. გისურვებთ გაძლიერებას, კარიერულ წინსვლას და ჯანმრთელობას. ფასდაუდებელია თქვენი წვლილი ჩვენი ქვეყნის დემოკრატიული განვითარების, საყოველთაო კეთილდღეობის მშენებლობის პროცესში. ქალთა საერთაშორისო დღეს განსაკუთრებით მინდა ხაზი გავუსვა თქვენი უფლებების დაცვის პრიორიტეტულობასა და მნიშვნელობას. ძვირფასო ქალებო და გოგოებო, მინდა გისურვოთ მეტი შესაძლებლობები, ყოველგვარი წინააღმდეგობების მარტივად დაძლევა და თავისუფალ, ჰარმონიულ გარემოში ცხოვრება!
ედიშერ ჯობავა
ხობის მუნიციპალიტეტის საკრებულოს თავმჯდომარე

მარტი 6, 2019

საკრებულოს სხდომა

6 მარტს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა განკარგულების პროექტი, „საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ რომლის თანახმადაც ხობის მუნიციპალიტეტის მერიის ორგანიზებით გაიმართა დასახლებების საერთო კრებები/კონსულტაციები, სადაც განხორციელდა სოფლის მხარდაჭერის პროგრამის ფარგლებში საპროექტო წინადადებების შერჩევა რომლისთვისაც 784 ათასი ლარი იქნა გამოყოფილი რაც საკრებულოს მხრიდან იქნა დამტკიცებული.
დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

მარტი 6, 2019

განცხადება ხობის მუნიციპალიტეტის საკრებულოს რიგგარეშე სხდომის შესახებ.

ხობის მუნიციპალიტეტის საკრებულოს რიგგარეშე სხდომა გაიმართება 2019 წლის 6 მარტს 11:00 საათზე, ხობის მუნიციპალიტეტის საკრებულოს სხდომათა დარბაზში.
სხდომის დღის წესრიგი:

„საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ განკარგულების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ინფრასტრუქტურის, ურბანული განვითარებისა და არქიტექტურის სამსახურის უფროსი).

მარტი 6, 2019

ბიუროს სხდომა

6 მარტს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:
ხობის მუნიციპალიტეტის მერის გ. ქაჯაიას 2019 წლის 5 მარტის N06/659 წერილის განხილვა („საქართველოს სახელმწიფო ბიუჯეტით გათვალისწინებული რეგიონებში განსახორციელებელი პროექტების ფონდიდან სოფლის მხარდაჭერის პროგრამის ფარგლებში ხობის მუნიციპალიტეტში 2019 წელს დასაფინანსებელი პროექტების დამტკიცების შესახებ“ განკარგულების პროექტის თაობაზე).
(მომხსენებელი: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე).

მარტი 6, 2019

ნუგზარ წურწუმია 23-წლამდელთა შორის ევროპის ორგზის ჩემპიონია

გილოცავთ!
ნუგზარ წურწუმია 23-წლამდელთა შორის ევროპის ორგზის ჩემპიონია.
ხობელმა ფალავანმა ფინალში რუმინელი ფლორინ ტიტა პირველივე პერიოდში აშკარა უპირატესობით 9-0 დაამარცხა და წარმატებით დაიცვა შარშან მოპოვებული ევროპის ჩემპიონის ტიტული.
ხობის მუნიციპალიტეტის საკრებულო ულოცავს ნუგზარს ამ დიდ გამარჯვებას!

მარტი 5, 2019

ნარგიზა ტუღუშს მადლობის სიგელი გადაეცა

ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს თავმჯდომარის მოადგილემ მამუკა ქარდავამ და საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ ხობის N2 ბაგა-ბაღის მთავარ სპეციალისტს ნარგიზა ტუღუშს დაბადების დღე მიულოცეს. უსურვეს წარმატებები პირად და საზოგადოებრივ საქმიანობაში და წარმატებული მენეჯერული საქმიანობისთვის მადლობის სიგელი და სამახსოვრო საჩუქარი გადასცეს.

მარტი 4, 2019

ზემო ბიაში გზის რეაბილიტაცია დასრულდა

ხობის მუნიციპალიტეტის ბიის ადმინისტრაციული ერთეულის სოფელ ზემო ბიაში განხორციელდა სასაფლაომდე მისასვლელი გზის საფარის ცემენტო-ბეტონით მოწყობა, რომელიც საქართველოს მთავრობის მიერ სტიქიის შედეგების სალიკვიდაციოდ გამოყოფილი თანხიდან დაფინანსდა და მისმა სახელშეკრულებო ღირებულებამ 44546 ლარი შეადგინა. დასრულებული ინფრასტრუქტურული პროექტი დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ქონების მართვისა და ინფრასტრუქტურის კომისიის თავმჯდომარემ ვლადიმერ ქანთარიამ და საკრებულოს მაჟორიტარმა წევრმა ბიის ადმინისტრაციული ერთეულიდან ფრიდონ შონიამ.

მარტი 3, 2019

გილოცავთ დედის დღეს

მარტი 1, 2019

მონიტორინგი სკოლამდელ სააღმზრდელო დასეწებულებებში

ხობის მუნიციპალიტეტის საზოგადოებრივი ჯანდაცვის ცენტრი რამოდენიმე დღის განმავლობაში ახორციელებდა მონიტორინგს სკოლამდელ სააღმზრდელო დასეწებულებებში წყალმომარაგების, სანიტარიისა და ჰიგიენური ნორმების დაცვის მიზნით, შემოწმდა ქალაქისა და სოფლების საბავშვო ბაგა-ბაღები. საზოგადოებრივი ჯანდაცვის ცენტრის მიერ ხობის მუნიციპალიტეტის საკრებულოში წარმოდგენილ იქნა დასკვნა სადაც მითითებულია რომ საბავშვო ბაგა-ბაღებში, პედიკულოზის შემთხვევა არ ფიქსირდება.
მონიტორინგის შედეგების შესახებ და ვირუსული ინფექციების პრევენციისთვის რეკომენდაციები მიეცა საბავშვო დაწესებულებების მთავარ სპეციალისტებს.

მარტი 1, 2019

ბაგა-ბაღებში სანიტარიისა და ჰიგიენური ნორმები შეამოწმდა

ხობის მუნიციპალიტეტის სკოლამდელ სააღმზრდელო დაწესებულებებში საკრებულოს განათლების, კულტურისა და სოციალურ საკითხთა კომისიის თავმჯდომარემ დოდო გაბუნიამ, მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსმა ელისო კვიკვინიამ და ხობის მუნიციპალიტეტის სკოლამდელი სააღმზრდელო გაერთიანების ექიმმა მზია ლემონჯარიამ ბაგა-ბაღებში სანიტარიისა და ჰიგიენური ნორმები შეამოწმეს, შემოწმებულ იქნა დოკუმენტაცია, აღმოჩნდა მცირედი ხარვეზები დოკუმენტაციის წარმოებაში, რის საფუძველზეც სკოლამდელი სააღმზრდელო გაერთიანების ხელმძღვანელებს მიეცათ რეკომენდაციები ხარვეზების აღმოსაფხვრელად.

თებერვალი 28, 2019

ნატოსა და ევროკავშირში ინტეგრაციის საკითხებზე შეხვედრა გაიმართა

ირებულობისა და ჩართულობის გაზრდა საქართველოს რეგიონებში“ მიზანი საქართველოს რეგიონებში მცხოვრები მოსახლეობისთვის ქვეყნის ევროპულ და ევროატლანტიკურ სტრუქტურებში ინტეგრაციის საკითხებზე ობიექტური და ყოვლისმომცველი ინფორმაციის მიწოდებაა.
შეხვედრა აშშ-ს სახელმწიფო დეპარტამენტისა და საქართველოში აშშ-ს საელჩოს მიერ საგარეო საქმეთა სამინისტროს სსიპ „ნატოსა და ევროკავშირის შესახებ საინფორმაციო ცენტრისთვის“ გაცემული, ნახევარი მილიონი აშშ დოლარის დახმარების ფარგლებში გაიმართა. ღონისძიებას მოწვეულ სტუმრებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და მერიის კულტურის, განათლების, სპორტის, ძეგლთა დაცვისა დ ახალგაზრდულ საქმეთა სამსახურის უფროსი ელისო კვიკვინია ესწრებოდნენ.

თებერვალი 25, 2019

საბჭოთა ოკუპაციის დღე

საბჭოთა ოკუპაციის დღესთან დაკავშირებით ხობის მუნიციპალიტეტის ადმინისტრაციულ შენობებზე დაშვებულია საქართველოს სახელმწიფო და მუნიციპალიტეტის დროშები.

თებერვალი 22, 2019

ნინო კემულარიას წიგნის„დუმილის ხმაური“ პრეზენტაცია გაიმართა

ხობის კულტურის სახლში პოეტისა და პროზაიკოსის, ნინო კემულარიას პოეტური კრებულის „დუმილის ხმაური“ პრეზენტაცია გაიმართა. ავტორის მეგობარმა მწერლებმა და მკითხველებმა„დუმილის ხმაურიდან“ ლექსები წაიკითხეს და მის შემოქმედებაზე ისაუბრეს. ღონისძიებას ადგილობრივი ხელისუფლების წარმომადგენლებთან ერთად, ნინოს მეგობრები და მისი გულშემატკივრები ესწრებოდნენ. „დუმილის ხმაური“ ნინო კემულარიას, რიგით მეოთხე წიგნია. კრებულში 2013 – 2018 წლებში შექმნილი ლექსებია შესული.

თებერვალი 22, 2019

საკრებულოს სხდომა

22 თებერვალს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.
სხდომაზე განხილულ იქნა დადგენილების პროექტი„ხობის მუნიციპალიტეტის 2019 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2018 წლის 28 დეკემბრის №44 დადგენილებაში ცვლილების შეტანის თაობაზე“ რომლის თანახმადაც განხორციელდა სხვადასხვა სახის ცვლილებები, დგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული სხვადასხვა გადანაწილებები. სხდომაზე მეორე საკითხად განიხილეს დადგენილების პროექტი „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ რომლის თანახმადაც არასასოფლო-სამეურნეო დანიშნულების მიწის ნორმატიული ფასი იგივე რჩება, რაც 2018 წელს იყო განსაზღვრული და არასასოფლო-სამეურნეო დანიშნულების მიწის ნორმატიული ფასი ქალაქ ხობის ტერიტორიაზე შეადგენს 12.38 ლარს, სოფლებში - 3.71 ლარს, დასახლებათა შორის არეალებში - 3.1 ლარს, ხოლო დასახლებათა შორის არეალებში გამავალი საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) - 6.19 ლარს.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

<<
<
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
...
>
>>