ხობის მუნიციპალიტეტის საკრებულო

სიახლეები

ივნისი 6, 2018

თორსა-დღვაბაში გზის სამშენებლო სამუშაოები მიმდინარეობს

ხობის მუნიციპალიტეტის თორსა-დღვაბის ადმინისტრაციულ ერთეულში, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარეობს შიდა სასოფლო გზის სამშენებლო სამუშაოები.
მიმდინარე სამუშაოებს ადგილზე გაეცნენ ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია, საფინანსო-საბიუჯეტო კომისიის თავმჯდომარე ტარიელ ალექსანდრია, იურიდიულ საკითხთა კომისიის თავმჯდომარე დავით ბერაია, ფრაქცია „სამართლიანობისთვის“ თავმჯდომარე კახა ლატარია და ფრაქცია „სამართლიანობისთვის“ თავმჯდომარის მოადგილე კობა გოქაძე.
პროექტის შესაბამისად 4750 მეტრ მანძილზე დაიგება ცემენტ-ბეტონის საფარი მოეწყობა რკინა-ბეტონის მილ-ხიდები, ეზოებში შესასვლელები და საგზაო ნიშნები. ინფრასტრუქტურული პროექტის ღირებულება შეადგენს 1.369.889 ლარს. სამუშაოზე დასაქმებულია 15 მუშახელი. სამუშაოებს შპს „შარა-გზამშენი პირველი“ ახორციელებს.

ივნისი 6, 2018

თორსა-დღვაბაში გზის სამშენებლო სამუშაოები მიმდინარეობს

ხობის მუნიციპალიტეტის თორსა-დღვაბის ადმინისტრაციულ ერთეულში, რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით მიმდინარეობს შიდა სასოფლო გზის სამშენებლო სამუშაოები.
მიმდინარე სამუშაოებს ადგილზე გაეცნენ ხობის მუნიციპალიტეტის საკრებულოს თავმჯდომარე ედიშერ ჯობავა, საკრებულოს ქონების მართვისა და ინფრასტრუქტურის საკითხთა კომისიის თავმჯდომარე ვლადიმერ ქანთარია, საფინანსო-საბიუჯეტო კომისიის თავმჯდომარე ტარიელ ალექსანდრია, იურიდიულ საკითხთა კომისიის თავმჯდომარე დავით ბერაია, ფრაქცია „სამართლიანობისთვის“ თავმჯდომარე კახა ლატარია და ფრაქცია „სამართლიანობისთვის“ თავმჯდომარის მოადგილე კობა გოქაძე.
პროექტის შესაბამისად 4750 მეტრ მანძილზე დაიგება ცემენტ-ბეტონის საფარი მოეწყობა რკინა-ბეტონის მილ-ხიდები, ეზოებში შესასვლელები და საგზაო ნიშნები. ინფრასტრუქტურული პროექტის ღირებულება შეადგენს 1.369.889 ლარს. სამუშაოზე დასაქმებულია 15 მუშახელი. სამუშაოებს შპს „შარა-გზამშენი პირველი“ ახორციელებს.

ივნისი 3, 2018

ხობში მცხოვრებ დევნილებს სამედიცინო გამოკვლევები უტარდებათ

ხობის მუნიციპალიტეტში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები უტარდებათ. დევნილებზე ასევე, ექიმების დანიშნულების მიხედვით უფასოდ გაიცემა მედიკამენტები.
სამედიცინო გამოკვლევების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, ხობის მუნიციპალიტეტის მერის მოადგილესთან მახარე ჩოკორაიასთან ერთად გაეცნო.
პაციენტებს კვალიფიციურ კონსულტაციას უწევენ შემდეგი სპეციალობის მედიკოსები: ოჯახის ექიმი, კარდიოლოგი, ნევროლოგი, პედიატრი, ენდოკრინოლოგი, ოფთალმოლოგი, ქირურგი, ოტორინოლარინგოლოგი, დერმატოლოგი, უროლოგი. ასევე ტარდება ულტრაბგერითი გამოკვლევები (ექოსკოპია, ფარისებრი ჯირკვლის, შინაგანი ორგანოების ე.კ.გ./ელექტროკარდიოგრაფია/).
დაინტერესებულ პირებს სამედიცინო მომსახურებით სარგებლობა დღის ბოლომდე შეეძლებათ.

ივნისი 2, 2018

საერთაშორისო პროექტი "სახალისო ფეხბურთის ღია სკოლების პროგრამა"

ივნისი 1, 2018

ბავშვთა დაცვის საერთაშორისო დღისადმი მიძღვნილი კონცერტი

1 ივნისს, ხობის მოსწავლე-ახალგაზრდობის ცენტრში ბავშვთა დაცვის საერთაშორისო დღესთან დაკავშირებით კონცერტი გაიმართა. დარბაზში შეკრებილი მაყურებლის წინაშე ხობის N1, N2 და პირველი მაისის საბავშვო ბაღების აღსაზრდელები ცეკვებითა და სიმღერებით წარსდგნენ. ღონისძიებას საქართველოს პარლამენტის წევრი ირაკლი (დაჩი) ბერაია და ადგილობრივი თვითმმართველობის წარმომადგენლები ესწრებოდნენ. დეპუტატმა ბავშვებს ბავშვთა დაცვის საერთაშორისო დღე მიულოცა და ბედნიერი ბავშვობა, სილაღე და მშვიდობიან ქვეყანაში ცხოვრება უსურვა. ბავშვთა დაცვის საერთაშორისო დღისადმი მიძღვნილი კონცერტი ადგილობრივი თვითმმართველობის მხარდაჭერითა და „ხობის მუნიციპალიტეტის სკოლამდელი სააღმზრდელო გაერთიანების“ ორგანიზებით განხორციელდა.

ივნისი 1, 2018

შეხვედრა ვროპის პირველობის პრიზიორ დემურ ქაჯაიასთან

საქართველოს პარლამენტის მაჟორიტარი წევრი ირაკლი (დაჩი) ბერაია, ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე დოდო გაბუნია და მუნიციპალიტეტის მერის მოადგილე მახარე ჩოკორაია ვერცხლის პრიზიორს, დემურ ქაჯაიას და მის მწვრთნელს ედიკა თოდუას შეხვდნენ, გამარჯვება პირადად მიულოცეს და მომავალი წარმატებები უსურვეს.
22-29 მაისს, ბულგარეთის ქალაქ ალბენაში გამართულ ევროპის პირველობაზე „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მოკრივემ, დემურ ქაჯაიამ, 41.5 კილოგრამ წონით კატეგორიაში მეორე ადგილი დაიკავა.

ივნისი 1, 2018

გილოცავთ ბავშვთა დაცვის საერთაშორისი დღეს

მაისი 31, 2018

საკრებულოს სხდომა

31 მაისს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და მერიის ხელმძღვანელი პირები.სხდომაზე განხილულ იქნა დღის წესრიგით გათვალისწინებული საკითხები, მათ შორის განკარგულების პროექტი „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2018 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N82 განკარგულებაში ცვლილების შეტანის შესახებ“, რომლის თანახმადაც „C“ ჰეპატიტით დაავადებულთათვის საჭირო გამოკვლევის დაფინანსებისთვის“ გამოყოფილი თანხა 15000 ლარი 28 მაისის მდგომარეობით ამოწურულ იქნა, რის გამოც მოსახლეობის ინტერესებიდან გამომდინარე აღნიშნული მუხლი გაიზარდა 9000 ლარით.
სხდომაზე ასევე განიხილეს განკარგულების პროექტი „ხობის მუნიციპალიტეტის მერისთვის მუნიციპალიტეტის საკუთრებაში არსებული დამატებითი ქონების სარგებლობის (თხოვების) უფლებით გადაცემაზე თანხმობის მიცემის შესახებ“, რომლის თანახმადაც ხობის მუნიციპალიტეტის ადმინისტრაციული ერთეულების ხეთის, თორსა-დღვაბისა და ქვემო ქვალონის სოფელ ჭითაუშკურის წყალსადენი სისტემები გადაეცა მუნიციპალიტეტის მიერ დაფუძნებულ შპს „ხობის მუნიციპალიტეტის წყალმომარაგებას“. ხოლო განკარგულების პროექტით „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული დამატებითი ქონების სარგებლობის (უსასყიდლო უზუფრუქტის) უფლებით გადაცემაზე თანხმობის მიცემის შესახებ“ შპს „ხობის მუნიციპალიტეტის წყალმომარაგებას“ უსასყიდლო უზურფრუქტით გადაეცა ქ. ხობში ცოტნე დადიანის ქ. N202-ში მდებარე შენობის მე-2 სართულზე არსებული ფართი.
რაც შეეხება დადგენილების პროექტს „ხობის მუნიციპალიტეტის ტერიტორიაზე გარე ვაჭრობის რეგულირებისა და გარე ვაჭრობის უფლების საფასურის დადგენის წესის დამტკიცების შესახებ“ საკრებულოს წევრების მხრიდან გამოთქმული შენიშვნების გათვალისინების მიზნით დაუბრუნდა მერიას ხელახალი განხილვისთვის.
დღის წესრიგით გათვალისწინებული ამ და სხვა საკითხების განხილვის შემდეგ საკრებულოს სხდომა დახურულად გამოცხადდა.

მაისი 30, 2018

განცხადება ხობის მუნიციპალიტეტის საკრებულოს სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2018 წლის 31 მაისს 11:00 საათზე საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი);

2. „ხობის მუნიციპალიტეტის ტერიტორიაზე გარე ვაჭრობის რეგულირებისა და გარე ვაჭრობის უფლების საფასურის დადგენის წესის დამტკიცების შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

3. „ხობის მუნიციპალიტეტის გერბის და დროშის დამტკიცების შესახებ“ ხობის მუნიციპალიტეტის საკრებულოს 2010 წლის 20 დეკემბრის №17 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული
სამსახურის უფროსი);

4. „ქალაქ ხობში სასაფლაოების მოწყობისა და მოვლა-პატრონობის წესის დამტკიცების შესახებ“ ხობის მუნიციპალიტეტის საკრებულოს 2015 წლის 29 ივნისის №21 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული
სამსახურის უფროსი);

5. „ხობის მუნიციპალიტეტში უმწეოთა სასადილოში ბენეფიციარების შერჩევის წესის დამტკიცების შესახებ“ ხობის მუნიციპალიტეტის საკრებულოს 2015 წლის 25 თებერვლის №10 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ზ. ბუკია - ხობის მუნიციპალიტეტის მერიის ადმინისტრაციული
სამსახურის უფროსი);

6. „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ქონების სარგებლობის (უზუფრუქტის) უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

7. „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: ა. ვარდია - ხობის მუნიციპალიტეტის მერიის ეკონომიკური
განვითარებისა და პროგრამების მართვის სამსახურის უფროსი);

8. „საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო -
საბიუჯეტო კომისიის თავმჯდომარე);

9. „ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N78 განკარგულებაში ცვლილების შეტანის თაობაზე“ განკარგულების პროექტის განხილვა;
(მომხსენებელი: შ. ჭილაია - ხობის მუნიციპალიტეტის საკრებულოს საპროცედურო
საკითხთა კომისიის წევრი);

10. „ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2018 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N82 განკარგულებაში ცვლილების შეტანის შესახებ“ განკარგულების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: შ. კანკია - ხობის მუნიციპალიტეტის მერიის შრომის, საზოგადოებრივი ჯამრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურის უფროსი);

11. „ხობის მუნიციპალიტეტის 2018 წლის ადგილობრივი ბიუჯეტის იანვარ - მარტის შესრულების შედეგების შესახებ“ ანგარიშის მოსმენა.
(მომხსენებელი: გ. ქაჯაია - ხობის მუნიციპალიტეტის მერი;
თანამომხსენებელი: დ. ჭოჭუა - ხობის მუნიციპალიტეტის მერიის საფინანსო - საბიუჯეტო სამსახურის უფროსი).

მაისი 30, 2018

ბიუროს სხდომა

30 მაისს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. ხობის მუნიციპალიტეტის მერის გ. ქაჯაიას 2018 წლის 8 მაისის N04/2159 წერილის განხილვა („ხობის მუნიციპალიტეტის 2018 წლის ადგილობრივი ბიუჯეტის იანვარ - მარტის შესრულების შედეგების შესახებ“ ანგარიშის მოსმენის თაობაზე);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

2. ხობის მუნიციპალიტეტის მერის გ. ქაჯაიას 2018 წლის 17 მაისის N05/2315 წერილის განხილვა:
• „ხობის მუნიციპალიტეტის ტერიტორიაზე გარე ვაჭრობის რეგულირებისა და გარე ვაჭრობის უფლების საფასურის დადგენის წესის დამტკიცების შესახებ“ დადგენილების პროექტის თაობაზე;
• „ხობის მუნიციპალიტეტის მერისთვის ხობის მუნიციპალიტეტის საკუთრებაში არსებული ქონების სარგებლობის (უზუფრუქტის) უფლებით გადაცემაზე თანხმობის მიცემის შესახებ“ განკარგულების პროექტის თაობაზე;
• „ხობის მუნიციპალიტეტის მერისთვის მუნიციპალიტეტის საკუთრებაში არსებული ძირითადი ქონების სარგებლობის უფლებით გადაცემაზე თანხმობის მიცემის შესახებ “ განკარგულების პროექტის თაობაზე;
(მომხსენებლები: ვ. ქანთარია - ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის თავმჯდომარე;
დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

3. ხობის მუნიციპალიტეტის მერის გ. ქაჯაიას 2018 წლის 21 მაისის N04/2362 წერილის განხილვა („ხობის მუნიციპალიტეტის 2018 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის №67 დადგენილებაში ცვლილების შეტანის თაობაზე“ დადგენილების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

4. ხობის მუნიციპალიტეტის საკრებულოს საპროცედურო საკითხთა კომისიის თავმჯდომარის თ. გელანტიას 2018 წლის 21 მაისის N52/01 განცხადების განხილვა („ხობის მუნიციპალიტეტის საკრებულოს ქონების მართვისა და ინფრასტრუქტურის კომისიის შემადგენლობის დამტკიცების შესახებ“ ხობის მუნიციპალიტეტის საკრებულოს 2017 წლის 18 დეკემბრის N78 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: თ. გელანტია - ხობის მუნიციპალიტეტის საკრებულოს საპროცედურო საკითხთა კომისიის თავმჯდომარე);

5. ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარის ტ. ალექსანდრიას 2018 წლის 23 მაისის N53/01 განცხადების განხილვა („საწვავისა და სატელეფონო მომსახურების ხარჯების ლიმიტის განსაზღვრის შესახებ“ ხობის მუნიციპალიტეტის საკრებულოს 2017 წლის 26 დეკემბრის №81 განკარგულებაში ცვლილების შეტანის თაობაზე“ განკარგულების პროექტის შესახებ);
(მომხსენებელი: ტ. ალექსანდრია - ხობის მუნიციპალიტეტის საკრებულოს საფინანსო - საბიუჯეტო კომისიის თავმჯდომარე);

6. ხობის მუნიციპალიტეტის მერის გ. ქაჯაიას 2018 წლის 28 მაისის N03/2472 წერილის განხილვა:
• „ხობის მუნიციპალიტეტის გერბის და დროშის დამტკიცების შესახებ“ ხობის მუნიციპალიტეტის საკრებულოს 2010 წლის 20 დეკემბრის №17 დადგენილებაში ცვლილების შეტანის თაობაზე“ დადგენილების პროექტის შესახებ;
• „ქალაქ ხობში სასაფლაოების მოწყობისა და მოვლა-პატრონობის წესის დამტკიცების შესახებ“ ხობის მუნიციპალიტეტის საკრებულოს 2015 წლის 29 ივნისის №21 დადგენილებაში ცვლილების შეტანის თაობაზე“ დადგენილების პროექტის შესახებ;
• „ხობის მუნიციპალიტეტში უმწეოთა სასადილოში ბენეფიციარების შერჩევის წესის დამტკიცების შესახებ“ ხობის მუნიციპალიტეტის საკრებულოს 2015 წლის 25 თებერვლის №10 დადგენილებაში ცვლილების შეტანის თაობაზე“ დადგენილების პროექტის შესახებ;
(მომხსენებელი: დ. ბერაია - ხობის მუნიციპალიტეტის საკრებულოს იურიდიულ საკითხთა კომისიის თავმჯდომარე);

7. ხობის მუნიციპალიტეტის მერის გ. ქაჯაიას 2018 წლის 29 მაისის N09/2487 წერილის განხილვა („ხობის მუნიციპალიტეტის სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის 2018 წლის მუნიციპალური პროგრამის დამტკიცების შესახებ“ ხობის მუნიციპალიტეტის საკრებულოს 2017 წლის 26 დეკემბრის N82 განკარგულებაში ცვლილების შეტანის შესახებ“ განკარგულების პროექტის თაობაზე).
(მომხსენებელი: დ. გაბუნია - ხობის მუნიციპალიტეტის საკრებულოს განათლების, კულტურისა და სოციალურ საკითხთა კომისიის თავმჯდომარე).

მაისი 30, 2018

ხობელი სპორტსმენების წარმატება

ბულგარეთში გამართულ ევროპის პირველობებზე წარმატებით იასპარეზეს ხობელმა სპორტსმენებმა და მკლავჭიდსა და კრივში სხვადასხვა სინჯის მედლები მოიპოვეს.
(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მოსწავლეებმა მკლავჭიდსა და კრივში სხვადასხვა სინჯის მედლები მოიპოვეს.
ევროპის ახალგაზრდული პირველობა მკლავჭიდში:
I ადგილი - დათუნა ჟიშკარიანი (მარჯვენა მკლავი)
II ადგილი - გოჩა სიჭინავა
II ადგილი - გიგა კოდუა
III ადგილი - დათუნა ჟიშკარიანი (მარცხენა მკლავი)
მწვრთნელ-მასწავლებელი: კობა თუთბერიძე
ბულგარეთის ქალაქი ალბენაში გამართულ ევროპის პირველობაზე კრივში II ადგილი - დემური ქაჯაიამ მოიპოვა, მწვრთნელ-მასწავლებელი: ედიკა თოდუა
ხობის მუნიციპალიტეტის საკრებულო ულოცავს ხობელ სპორტსმენებს ევროპის პირველობებზე მოპოვებულ წარმატებას.

მაისი 29, 2018

ხობელი სპორტსმენების წარმატება

ბულგარეთში მიმდინარე ევროპის ახალგაზრდულ პირველობაზე წარმატებით იასპარეზეს ა(ა)იპ „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მკლავჭიდელებმა (მწვრთნელ-მასწავლებელი კობა თუთბერიძე). საქართველოს ახალგაზრდული ნაკრების წევრებმა გიგა კოდუამ (II ადგილი) და დათუნა ჟიშკარიანმა (III ადგილი) ვერცხლის და ბრინჯაოს მედლები მოიპოვეს.
ხობის მუნიციპალიტეტის საკრებულო ულოცავს ხობელ მკლავჭიდელებს ამ დიდ გამარჯვებას და მომავალ წარმატებებს უსურვებს მათ.

მაისი 29, 2018

"კოლხეთი"ხობი 3:2 "მარკ სტარსი" თბილის

29 მაისს, ხობის ცენტრალურ სტადიონზე, საქართველოს საფეხბურთო ჩემპიონატის მესამე ლიგის მორიგი მატჩში ხობის „კოლხეთმა“ თბილისის „მარკ სტარს“ უმასპინძლა. შეხვედრა, მასპინძელთა გამარჯვებით, ანგარიშით 3-2 დასრულდა. შეხვედრას საქართველოს პარლამენტის მაჟორიტარი წევრი ირაკლი (დაჩი) ბერაია დაესწრო.
მორიგ მატჩს, ხობის “კოლხეთი”, 4 ივნისს, სტუმრად, იპოლიტე ხვიჩიას სახელობის სტადიონზე ხონის „იმერეთთან“ გამართავს.

მაისი 29, 2018

კომისიებმა მერიის სამსახურების ანგარიშები მოისმინეს

25-28-29 მაისს, ხობის მუნიციპალიტეტის საკრებულოს სხდომათა დარბაზში საკრებულოს კომისიების მხრიდან გაიმართა მერიის სამსახურების მიერ 2017 წელს გაწეული საქმიანობის შესახებ ანგარიშების მოსმენა. ხობის მუნიციპალიტეტის მერიის ეკონომიკური განვითარებისა და ქონების მართვის სამსახურმა ერთწლიანი მუშაობის ანგარიში წარუდგინა შესაბამის კომისიას და ბიუროს წევრებს, სადაც ისაუბრეს სამსახურის მიერ გაწეულ საქმიანობაზე და განხორციელებულ პროექტებზე. კომისიის წევრების მხრიდან სამსახურის მიმართ გაიცა გარკვეული რეკომენდაციები და სამსახურის მუშაობა შეფასდა დადებითად. ანგარიში წარადგინა მერიის ინფრასტრუქტურის, ურბანული განვითარებისა და არქიტექტურის სამსახურმაც, სამსახურის ხელმძღვანელმა ისაუბრა წლის განმავლობაში გაწეულ საქმიანობაზე. კომისიის წევრების მიერ სამსახურის მუშაობა შეფასდა დადებითად.
ანგარიში წარადგინა კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურმა, სამსახურის ხელმძღვანელმა და მის დაქვემდებარებაში მყოფმა განყოფილების ხელმძღვანელებმა ისაუბრეს წლის განმავლობაში გაწეულ საქმიანობაზე. კომისიის წევრების მიერ გაიცა რეკომენდაცია, უფრო მჭიდრო და შეთანხმებულად მუშაობის კუთხით, სამსახურის მუშაობა შეფასდა დამაკმაყოფილებლად. საკრებულოს კომისიისა და ბიუროს წევრების მიერ ასევე მოსმენილ იქნა მერიია შიდა აუდიტისა და კონტროლის სამსახურის ანგარიში, საბოლოოდ მერიის შიდა აუდიტისა და კონტროლის სამსახურის მუშაობა კომისიის მიერ დადებითად შეფასდა.
ანგარიში წარადგინა ადმინისტრაციულმა სამსახურმაც, სამსახურის ხელმძღვანელმა და მის დაქვემდებარებაში მყოფმა განყოფილების ხელმძღვანელებმა ისაუბრეს წლის განმავლობაში გაწეულ საქმიანობაზე, სამსახურის მუშაობა შეფასდა დადებითად.
ერთწლიანი მუშაობის ანგარიში წარუდგინა საკრებულოს შესაბამის კომისიებს მერიის საფინანსო-საბიუჯეტო სამსახურმა, შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა საქმეების სამსახურმა და წვევამდელთა, რეზერვისტთა, სამხედრო აღრიცხვის, გაწვევის და მობილიზაციის სამსახურმა, სადაც ისაუბრეს წლის განმავლობაში განხორციელებულ პროგრამებზე, საბოლოოდ ამ სამსახურების მუშაობა კომისიების წევრების მხრიდან დადებითად შეფასდა.

მაისი 26, 2018

დამოუკიდებლობის დღე ხობში გალა კონცერტით დასრულდა

აქართველოს პირველი დემოკრატიული რესპუბლიკის დაარსების 100 წლის იუბილისადმი მიძღვნილი საზეიმო ღონისძიებების ფარგლებში, ხობში ჯგუფების - „ურსასა “ და „ოჩოს ქოხის “ გალა კონცერტი გაიმართა. საქართველოს პარლამენტის მაჟორიტარმა წევრმა ირაკლი (დაჩი) ბერაიამ დამსწრე საზოგადოებას საქართველოს პირველი დემოკრატიული რესპუბლიკის დაარსებიდან 100 წლის იუბილე მიულოცა. გალა კონცერტის დასასრულს საქართველოს სახელმწიფო ჰიმნი შეასრულდა.

<<
<
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
...
>
>>