ხობის მუნიციპალიტეტის საკრებულო

სიახლეები

აგვისტო 22, 2017

ბიუროს სხდომა

22 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები: ხობის მუნიციპალიტეტის გამგებლის გ. ქაჯაიას 2017 წლის 21 აგვისტოს N05/3620 წერილის განხილვა („ხობის მუნიციპალიტეტის საკუთრებაში არსებული მოძრავი ქონების სახელმწიფოსთვის საკუთრებაში უსასყიდლოდ გადაცემის შესახებ“ განკარგულების პროექტის თაობაზე).
(მომხსენებელი: გ. სიჭინავა - საკრებულოს საკრებულოს ეკონომიკური განვითარების
საკითხთა კომისიის თავმჯდომარე).

აგვისტო 22, 2017

განცხადება ხობის მუნიციპალიტეტის საკრებულოს რიგგარეშე სხდომის შესახებ

ხობის მუნიციპალიტეტის საკრებულოს რიგგარეშე სხდომა გაიმართება 2017 წლის 22 აგვისტოს 12:00 საათზე საკრებულოს სხდომათა დარბაზში.

აგვისტო 18, 2017

საკრებულოს სხდომა

18 აგვისტოს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
დღევანდელ სხდომაზე განხილულ იქნა დადგენილების პროექტი „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის თანახმად 2017 წლის პირველი იანვრის მდგომარეობით არსებული ნაშთიდან ადგილობრივ ბიუჯეტში აისახა 419,3 ათასი ლარი, რომელიც მიიმართა პრიორიტეტის - ,,ინფრასტრუქტურის მშენებლობის, რეაბილიტაციისა და ექსპლოატაციის“ ასიგნებებზე. ბიუჯეტის მთლიანი მოცულობა შეადგენს 11974,1 ათას ლარს.
სხდომაზე მიღებულ იქნა დადგენილების პროექტი „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“, რომლის საფუძველზეც განისაზღვრა მშენებლობის ნებართვის, დასუფთავებისა და სათამაშო ბიზნესის მოსაკრებელთა ოდენობები.
საკრებულოს გადაწყვეტილებით ბათილად იქნა ცნობილი „სახელმწიფოს ან ადგილობრივი თვითმმართველი ერთეულის 100% -იანი წილობრივი მონაწილეობით შექმნილი კერძო სამართლის იურიდიული პირების ხობის მუნიციპალიტეტის ტერიტორიაზე მშენებლობის ნებართვისათვის ადგილობრივი მოსაკრებლის გადახდის ვალდებულებისაგან გათავისუფლების შესახებ“ ხობის მუნიციპალიტეტის საკრებულოს 2017 წლის 29 ივნისის №14 დადგენილება.
„ხობის მუნიციპალიტეტის გამგეობის საშტატო ნუსხის დამტკიცებისა და ხობის მუნიციპალიტეტის გამგეობის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტის თანახმად ადგილობრივი თვითმმართველობის უფლებამოსილების განხორციელების პროცესში განსახორციელებელი საქმიანობის ეფექტურად წარმართვის მიზნით, მოსახლეობის რიცხოვნობისა და ადმინისტრაციული ერთეულის გეოგრაფიული განლაგების გათვალისწინებით საჯიჯაოს ადმინისტრაციულ ერთეულში დასაქმებულ მოსამსახურეთა საშტატო რიცხოვნება გაზრდა 1 ერთეულით.
დღის წესრიგით გათვალისწინებული საკითხების განხილვის შემდეგ საკრებულოს მორიგი სხდომა დახურულად გამოცხადდა.

აგვისტო 18, 2017

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2017 წლის 18 აგვისტოს 11:00 საათზე საკრებულოს სხდომათა დარბაზში.
სხდომის დღის წესრიგი:

1. „ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი
თანამომხსენებელი: დ. ჭოჭუა - ხობის მუნიციპალიტეტის გამგეობის საფინანსო - საბიუჯეტო სამსახურის უფროსი);

2. „ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: მ. რუხაძე - ხობის მუნიციპალიტეტის გამგეობის ეკონომიკური განვითარებისა და ქონების მართვის სამსახურის უფროსის მოვალეობის შემსრულებელი);

3. „სახელმწიფოს ან ადგილობრივი თვითმმართველი ერთეულის 100% -იანი წილობრივი მონაწილეობით შექმნილი კერძო სამართლის იურიდიული პირების ხობის მუნიციპალიტეტის ტერიტორიაზე მშენებლობის ნებართვისათვის ადგილობრივი მოსაკრებლის გადახდის ვალდებულებისაგან გათავისუფლების შესახებ“ ხობის მუნიციპალიტეტის საკრებულოს 2017 წლის 29 ივნისის №14 დადგენილების ბათილად ცნობის თაობაზე“ დადგენილების პროექტის განხილვა;
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

4. „ხობის მუნიციპალიტეტის გამგეობის საშტატო ნუსხის დამტკიცებისა და ხობის მუნიციპალიტეტის გამგეობის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: გ. ქაჯაია - ხობის მუნიციპალიტეტის გამგებელი;
თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი).

აგვისტო 18, 2017

ბიუროს სხდომა

18 აგვისტოს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1. ხობის მუნიციპალიტეტის გამგებლის გ. ქაჯაიას 2017 წლის 14 აგვისტოს N04/3436 და 2017 წლის 17 აგვისტოს N04/3498 წერილების განხილვა („ხობის მუნიციპალიტეტის 2017 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2016 წლის 28 დეკემბრის №25 დადგენილებაში ცვლილების შეტანის თაობაზე“ დადგენილების პროექტების შესახებ);
(მომხსენებელი: ტ. ალექსანდრია - საკრებულოს საფინანსო-სარევიზიო
კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2017 წლის 16 აგვისტოს N03/3487 წერილის განხილვა („სახელმწიფოს ან ადგილობრივი თვითმმართველი ერთეულის 100% -იანი წილობრივი მონაწილეობით შექმნილი კერძო სამართლის იურიდიული პირების ხობის მუნიციპალიტეტის ტერიტორიაზე მშენებლობის ნებართვისათვის ადგილობრივი მოსაკრებლის გადახდის ვალდებულებისაგან გათავისუფლების შესახებ“ ხობის მუნიციპალიტეტის საკრებულოს 2017 წლის 29 ივნისის №14 დადგენილების ბათილად ცნობის თაობაზე“ დადგენილების პროექტის შესახებ);
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

3. ხობის მუნიციპალიტეტის გამგებლის გ. ქაჯაიას 2017 წლის 17 აგვისტოს N05/3491 წერილის განხილვა („ხობის მუნიციპალიტეტის ტერიტორიაზე ადგილობრივი მოსაკრებლების შემოღებისა და მათი განაკვეთების დადგენის შესახებ“ დადგენილების პროექტის თაობაზე);
(მომხსენებელი: გ. სიჭინავა - საკრებულოს ეკონომიკური განვითარების საკითხთა
კომისიის თავმჯდომარე);
4. ხობის მუნიციპალიტეტის გამგებლის გ. ქაჯაიას 2017 წლის 18 აგვისტოს N03/3505 წერილის განხილვა („ხობის მუნიციპალიტეტის გამგეობის საშტატო ნუსხის დამტკიცებისა და ხობის მუნიციპალიტეტის გამგეობის თანამდებობის პირთა და სხვა მოსამსახურეთა თანამდებობრივი სარგოების ოდენობების განსაზღვრის შესახებ“ ხობის მუნიციპალიტეტის საკრებულოს 2017 წლის 29 ივნისის №20 დადგენილებაში ცვლილების შეტანის თაობაზე“ დადგენილების პროექტის შესახებ).
(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე).

აგვისტო 17, 2017

დეპუტატი ახალგაზრდულ პროექტებში გამარჯვებულებს შეხვდა

ური და ინტელექტუალური პოტენციალის გამოყენების საქმეში. ჩვენი მიზანია, ახალგაზრდებთან გვქონდეს მჭიდრო კავშირი, მათთან ერთად განვიხილოთ ხობის განვითარებისათვის აუცილებელი საკითხები და ერთობლივად განვსაზღვროთ მათი განხორციელების გზები“ - აღნიშნა დეპუტატმა. ირაკლი ბერაიას თქმით, ქალაქ ხობში, კულტურის სახლის მიმდებარე ტერიტორიაზე - „ჭადრების“ ხეივანში შესაბამისი ინფრასტრუქტურა მოეწყობა, სადაც ახალგაზრდებს, კომფორტულ გარემოში დასვენებისა და გართობის შესაძლებლობა ექნებათ.
შეფასებისა და გამოცდების ეროვნული ცენტრის და არასამთავრობო ორგანიზაცია „მოქალაქეს“ ერთობლივი პროექტის - „სტუდენტური თვითმმართველობისთვის“ გამარჯვებულები გახდა სტუდენტური გუნდი, რომელმაც ხობის მუნიციპალიტეტის ჭალადიდის ადმინისტრაციულ ერთეულის სოფელ საბაჟოს პრიორიტეტული პრობლემის გადაჭრის სტრატეგიული ხედვის დოკუმენტი შეიმუშავა. არასამთავრობო ორგანიზაცია „მოქალაქეს“ ფინანსური მხარდაჭერით, გამარჯვებული გუნდის წევრებისთვის გერმანიისა და პოლონეთის ქალაქებში მოეწყობა სასწავლო-შემეცნებითი ტური. ხოლო, ანრი შენგელიამ „მომავალ ლიდერთა გაცვლით პროგრამაში“ გაიმარჯვა და აშშ-ის სახელმწიფო დეპარტამენტის განათლებისა და კულტურის საკითხთა ბიუროს დაფინანსებით ერთი წლით, სასწავლებლად აშშ-ში გაემგზავრება.

აგვისტო 12, 2017

ცოტნეობა 2017

12 აგვისტოს ხობის მუნიციპალიტეტში ტრადიციული საეკლესიო-სახალხო დღესასწაული „ცოტნეობა“ აღინიშნა. ხობის კულტურის სახლის მიმდებარე ტერიტორიაზე მოეწყო ხალხური ყოფისა და რეწვის ნიმუშების, ნახატების, ხეზე კვეთის ნიმუშების და ფერწერული ტილოების გამოფენა, ასევე გაიმართა სპორტული ღონისძიებები ქართულ ჭიდაობაში, ლელობურთში, მკლავჭიდსა და ნარდში. სახალხო დღესასწაულზე მოწყობილ ფაცხებში, სტუმრებს შესაძლებლობა ქონდათ ადგილზე დაეგემოვნებინათ მეგრული კერძები და მონაწილეობა მიეღოთ მათ მომზადებაში. ცოტნეობის დღესასწაულს სტუმრობდნენ საქართველოს პარლამენტის წევრები, სხვადასხვა მუნიციპალიტეტების ხელმძღვანელი პირები, ფოთისა და ხობის მიტროპოლიტი, მეუფე გრიგოლი (ბერბიჭაშვილი). დღესასწაულზე მყოფებს წმინდა ცოტნე აღმსარებელის დღე მიულოცეს მაჟორიტარმა პარლამენტის წევრმა ირაკლი (დაჩი) ბერაიამ, ხობის მუნიციპალიტეტის საკრებულოს თავმჯდომარემ ედიშერ ჯობავამ და გამგებელმა გოჩა ქაჯაიამ. ღონისძიების დასასრულს გაიმართა თეატრალური კვარტეტის, გიორგი მეფისაშვილისა და ადგილობრივი შემოქმედებითი კოლექტივების ერთობლივი კონცერტი და საპატიო ხობელების დაჯილდოება

აგვისტო 12, 2017

საზეიმო წირვა-ლოცვა ხობის ხარების მონასტერში

12 აგვისტოს, საქართველოს სამოციქულო ავტოკეფალური მართლმადიდებელი ეკლესია წმინდა ცოტნე აღმსარებლის ხსენების დღეს აღნიშნავს. ამ დღესასწაულთან დაკავშირებით, ხობის ღვთისმშობლის მიძინების სახელობის ტაძარში, ფოთისა და ხობის მიტროპოლიტმა, მეუფე გრიგოლმა ეპარქიის სამღვდელოებასთან ერთად სადღესასწაულო წირვა-ლოცვა აღავლინა. ღვთისმსახურებას ადგილობრივი ხელისუფლების წარმომადგენლები ესწრებოდნენ.

აგვისტო 11, 2017

საინფორმაციო-საგანმანათლებლო ხასიათის შეხვედრა

სრულიად საქართველოს კათოლიკოს-პატრიარქის ილია მეორის ლოცვა-კურთხევით ხობის ხარების მონასტერში დაბრძანებულია აწყურისა და ივერიის ყოვლადწმინდა ღვთისმშობლის ხატები. მრევლს საშუალება აქვს 13 აგვისტომდე მოილოცოს
სიწმინდეები და მონაწილეობა მიიღოს ყოველდღიურ ლიტურგიაში.
დღეს, 11 აგვისტოს ხობის მუნიციპალიტეტის საკრებულოს სხდომათა დარბაზში ადგილობრივი თვითმმართველობის წარმომადგენელთათვის საინფორმაციო-საგანმანათლებლო ხასიათის შეხვედრა გაიმართა, რომელსაც უძღვებოდნენ ვარკეთილის წმინდა ვახტანგ გორგასლის სახელობის ტაძრის მღვდელი შალვა ჯაჯანიძე და პროექტის „ღვთისმშობლის ხატების მოგზაურობის“ წევრი ბექა ოქროპირიძე. მათ ისაუბრეს საქართველოში ქრისტიანობის გავრცელებაზე, საქართველოს ეკლესიის მიერ ავტოკეფალიის მოპოვებაზე, ათონის ივერთა მონასტერზე, საქართველოს კათოლიკოს-პატრიარქის ილია მეორის ღვაწლზე და დამსწრე საზოგადოებას გააცნეს აწყურისა და ივერიის ყოვლადწმინდა ღვთისმშობლის ხატების ისტორია, პარალელურად გაიმართა აწყურისა და ივერიის ყოვლადწმინდა ღვთისმშობლის ხატების საქართველოში მოგზაურობისა და ივერიის ყოვლადწმინდა ღვთისმშობლის ხატის ისტორიის შესახებ შექმნილი ფილმების ჩვენება.

აგვისტო 10, 2017

კობა შუბითიძის სახელობის თასის გათამაშება ფეხბურთში

ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრები გაიმართა. სტადიონზე შეკრებილმა გულშემატკივრებმა წუთიერი დუმილით კობა შუბითიძისა და ბაგრამის საავიაციო ბაზის მიმდებარე ტერიტორიაზე განხორციელებული თავდასხმის შედეგად დაღუპული ქართველი მშვიდობისმყოფელის, II ქვეითი ბრიგადის 23-ე ბატალიონის უმცროსი სერჟანტის მდინარი ბებიაშვილის ხსოვნას პატივი მიაგეს
ტურნირში ახალსოფლის, საგვიჩიოს, შავღელეს, ჭალადიდის ადმინისტრაციული ერთეულების გუნდებთან ერთად, ქუთაისის მესამე ქვეითი ბრიგადის, სენაკის მეორე ქვეითი ბრიგადის, ხონის მეორე საარტილერიო ბრიგადის და ეროვნული გვარდიის გუნდები მონაწილებდნენ.
საფეხბურთო ტურნირის გამარჯვებული და კობა შუბითიძის სახელობის თასის მფლობელი სენაკის მეორე ქვეითი ბრიგადის გუნდი გახდა, რომელთაც ფინალში ქუთაისის მესამე ქვეითი ბრიგადის გუნდი, პენალტების სერიაში 4-2 დაამარცხეს.
ტურნირის ფინალს და დაჯილდოების ცერემონიალს ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.
სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.

აგვისტო 10, 2017

საკრებულოში გენდერული თანასწორობის საბჭო შეიქმნა

ხობის მუნიციპალიტეტის საკრებულომ 2017 წლის 30 მაისის საკრებულოს სხდომაზე მიიღო N11 დადგენილება „ხობის მუნიციპალიტეტის გენდერული თანასწორობის საბჭოს შექმნისა და მისი დებულების დამტკიცების შესახებ“, რომლის თანახმადაც საკრებულოს თავმჯდომარის ბრძანების საფუძველზე, ხობის მუნიციპალიტეტში გენდერული თანასწორობის დაცვის, დისკრიმინაციის გამოვლენისა და აღმოფხვრის უზრუნველსაყოფად შესაბამისი ღონისძიებების შემუშავებისა და კოორდინაციის მიზნით შეიქმნა ხობის მუნიციპალიტეტის საკრებულოს გენდერული თანასწორობის საბჭო შემდეგი შემადგენლობით:
ედიშერი ჯობავა - ხობის მუნიციპალიტეტის საკრებულოს თავმჯდომარე - საბჭოს თავმჯდომარე;
დოდო გაბუნია - ხობის მუნიციპალიტეტის საკრებულოს სოციალურ საკითხთა კომისიის თავმჯდომარე - საბჭოს თავმჯდომარის მოადგილე;
ლელა შამათავა - ხობის მუნიციპალიტეტის საკრებულოს აპარატის უფროსი - საბჭოს მდივანი;
მახარე ჩოკორაია - ხობის მუნიციპალიტეტის გამგებლის მოადგილე - საბჭოს წევრი;
გოჩა სიჭინავა - ხობის მუნიციპალიტეტის საკრებულოს ეკონომიკური განვითარების საკითხთა კომისიის თავმჯდომარე - საბჭოს წევრი;
თამუნა სიჭინავა - ხობის მუნიციპალიტეტის გამგებლის თანაშემწე, მრჩეველი გენდერული თანასწორობის საკითხებში - საბჭოს წევრი;
გვანცა კიკალეიშვილი - თორსის ქალთა საინიციატივო ჯგუფის კოორდინატორი - საბჭოს წევრი.

აგვისტო 10, 2017

პროგრამა

აგვისტო 9, 2017

საკრებულოს ბიურომ ხობის საპატიო მოქალაქეების წარადგინა

ხობის მუნიციპალიტეტის საკრებულოს ბიურომ, 2017 წლის 31 ივლისის სხდომაზე, მიიღო რეკომენდაცია სს „სამედიცინო კორპორაცია ევექსის“ ხობის ჰოსპიტალის ექიმ-ტრავმატოლოგ რევაზ მიხელაშვილზე ჯანმრთელობის დაცვის სფეროში შეტანილი განსაკუთრებული წვლილისთვის და ხობის მუნიციპალიტეტის კულტურულ-საგანმანათლებლო საზოგადოებრივი ცენტრის სასპორტო სკოლის ჭადრაკის ჯგუფის მწვრთნელ ირაკლი გეთიაზე სპორტის (ჭადრაკის) განვითარების საქმეში შეტანილი განსაკუთრებული წვლილისთვის ხობის საპატიო მოქალაქეობის მინიჭების თაობაზე.
ხობის მუნიციპალიტეტის საკრებულო ულოცავს ბატონ რევაზ მიხელაშვილს და ბატონ ირაკლი გეთიას ამ საპატიო წოდებას და შემდგომ წარმატებებს უსურვებს მათ.

აგვისტო 9, 2017

დასრულდა გოგა ჭითანავასა და ლევან ტურავას სახელობის ტურნირი

9 აგვისტოს, ხეთის ადმინისტრაციულ ერთეულში, 2008 წლის აგვისტოს ომის დროს დაღუპული რეზერვისტების: გოგა ჭითანავასა და ლევან ტურავას სახელობის თასის გათამაშების ფინალური შეხვედრები გაიმართა. პირველობის გამარჯვებული ხეთის „ცენტრის“ გუნდი გახდა. გამარჯვებულ და საპრიზო ადგილების მფლობელ გუნდებს თასები და მედლები გადაეცათ. შეჯიბრების ფინალურ შეხვედრას და დაჯილდოების ცერემონიას ხობის მუნიციპალიტეტის გამგებელი გოჩა ქაჯაია ესწრებოდა. სპორტული შეჯიბრება ადგილობრივი თვითმმართველობის მხარდაჭერითა და საფეხბურთო კლუბ „კოლხეთის“ ორგანიზებით განხორციელდა

აგვისტო 9, 2017

გოგი ბუკიას სახელობის ტურნირი ნარდში

9 აგვისტოს სტარტი აიღო ხობის ღირსეული მკვიდრის ჟურნალისტის, ნარდის დიდი ქომაგის, გოგი ბუკიას სახელობის ტურნირმა ნარდში, ხობის მუნიციპალიტეტის პირველობაზე. ტურნირი ოლიმპიური სისტემით ტარდება და მასში 54 მონარდე მონაწილეობს. პირველი ადგილის მფლობელი 12 აგვისტოს „ცოტნეობის“ დღესასწაულზე გამოვლინდება. სპორტული ღონისძიების გახსნის ცერემონიას ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.
ნარდის პირველობა, ადგილობრივი თვითმმართველობის მხარდაჭერითა და ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის ორგანიზებით ხორციელდება.

<<
<
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
...
>
>>