ხობის მუნიციპალიტეტის საკრებულო

სიახლეები

ოქტომბერი 28, 2016

საბავშვო ბაღებს ტექნიკა გადაეცათა

ადგილობრივი ბიუჯეტის დაფინანსებით ა(ა)იპ „ხობის მუნიციპალიტეტის სკოლამდელი სააღმზრდელო გაერთიანების“ მიერ, საბავშვო ბაღებისათვის შესყიდულ იქნა 21 600 ლარის ღირებულების ტექნიკა. შესყიდული საქონელი (გაზქურები, სარეცხი მანქანები, მტვერსასრუტები, ელექტრო ხორცსაკეპი მანქანები) 29 საბავშვო ბაღში გადანაწილდა.

ოქტომბერი 27, 2016

საკრებულოს სხდომა

27 ოქტომბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები.
სხდომაზე განხილულ იქნა დღის წესრიგით გათვალისწინებული შემდეგი საკითხები: განკარგულების პროექტი „ხობის მუნიციპალიტეტის საკრებულოს ზოგიერთი განკარგულების ნაწილის ძალადაკარგულად გამოცხადების შესახებ“, რომელშიც საქართველოს ორგანული კანონის „ადგილობრივი თვითმმართველობის კოდექსი“ შესაბამისად, საკრებულოს მიერ დაფუძნებული იურიდიული პირების სადამფუძნებლო განკარგულებებში განხორციელდა ცვლილები და ძალადაკარგულად გამოცხადდა მათი წესდებები, ხოლო შესაბამისი ჩანაწერით ეს უფლებამოსილება მიენიჭა მუნიციპალიტეტის გამგებელს.
სხდომაზე ასევე განხილულ იქნა ხობის მუნიციპალიტეტის 2016 წლის ადგილობრივი ბიუჯეტის იანვარ-სექტემბრის შესრულების ანგარიში, რომლის მიხედვითაც 2016 წლის იანვარ-სექტემბრის პერიოდში განხორციელებული ცვლილებების გათვალისწინებით ბიუჯეტის დაზუსტებულმა გეგმამ საშემოსავლო ნაწილში შეადგინა 12891.7 ათასი ლარი, ხოლო საგასავლო ნაწილში 13663.4 ათასი ლარი. 2016 წლის ბიუჯეტის 9 თვის შედეგებით შემოსულობების გეგმა შესრულებულია 78.8 %-ით.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

ოქტომბერი 27, 2016

კომისიების სხდომები

27 ოქტომბერს გაიმართა ხობის მუნიციპალიტეტის საკრებულოს საფინანსო სარევიზიო საკითხთა,იურიდიულ საკითხთა და ადამიანის უფლებათა დაცვისა და სამანდატო-საპროცედურო საკითხთა კომისიების სხდომები, სადაც განხილულ იქნა საკრებულოს სხდომაზე განსახილველი საკითხები.

ოქტომბერი 26, 2016

განცხადება ხობის მუნიციპალიტეტის საკრებულოს მორიგი სხდომის შესახებ

ხობის მუნიციპალიტეტის საკრებულოს მორიგი სხდომა გაიმართება 2016 წლის 27 ოქტომბერს 11:00 საათზე საკრებულოს სხდომათა დარბაზში.

სხდომის დღის წესრიგი:

1. „ხობის მუნიციპალიტეტის საკრებულოს ზოგიერთი განკარგულების ნაწილის ძალადაკარგულად გამოცხადების შესახებ“ განკარგულების პროექტის განხილვა;

(მომხსენებელი: გ. ქაჯაია - მუნიციპალიტეტის გამგებელი

თანამომხსენებელი: ზ. ბუკია - ხობის მუნიციპალიტეტის გამგეობის ადმინისტრაციული სამსახურის უფროსი);

2. ხობის მუნიციპალიტეტის 2016 წლის ადგილობრივი ბიუჯეტის იანვარ - სექტემბრის შესრულების ანგარიშის მოსმენა.

(მომხსენებელი: გ. ქაჯაია - მუნიციპალიტეტის გამგებელი

თანამომხსენებელი: დ. ჭოჭუა - გამგეობის საფინანსო-საბიუჯეტო სამსახური);

ოქტომბერი 26, 2016

ბიუროს სხდომა

26 ოქტომბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხი:

1. ხობის მუნიციპალიტეტის გამგებლის გ. ქაჯაიას 2016 წლის 18 ოქტომბრის N04/2656 წერილის განხილვა (ხობის მუნიციპალიტეტის 2016 წლის ადგილობრივი ბიუჯეტის იანვარ - სექტემბრის შესრულების ანგარიში);

(მომხსენებელი: ტ. ალექსანდრია - საფინანსო - სარევიზიო

კომისიის თავმჯდომარე);

2. ხობის მუნიციპალიტეტის გამგებლის გ. ქაჯაიას 2016 წლის 25 ოქტომბრის N03/2729 წერილის განხილვა („ხობის მუნიციპალიტეტის საკრებულოს ზოგიერთი განკარგულების ნაწილის ძალადაკარგულად გამოცხადების შესახებ“ განკარგულების პროექტის თაობაზე).

(მომხსენებელი: ლ. ცატავა - საკრებულოს იურიდიულ საკითხთა და ადამიანის უფლებათა დაცვის კომისიის თავმჯდომარე);

ოქტომბერი 25, 2016

ხობელ მოკრივეთა წარმატება

20-23 ოქტომბერს, მესტიის მუნიციპალიტეტის სპორტულ კომპლექსში ,,სპორტის განვითარების ცენტრის" ორგანიზებით გაიმართა, საქართველოს დამსახურებული მწვრთნელის, ალიოშა ჯაფარიძის ხსოვნისადმი მიძღვნილი რესპუბლიკური ტურნირი კრივში, სადაც წარმატებით იასპარეზეს ა(ა)იპ „ხობის მუნიციპალიტეტის განათლების ცენტრის“ სასპორტო სკოლის კრივის ჯგუფის მოსწავლეებმა (მწვრთნელ-მასწავლებლები ე.თოდუა, თ. აბულაზე) და სამ წონით კატეგორიაში ჩემპიონის ტიტულს დაეუფლნენ.
I ადგილი - დემურ ქაჯაია (34 კგ. წონით კატეგორია);
I ადგილი - გიორგი ახალაია (58 კგ. წონით კატეგორია);
I ადგილი - ნიკა ჯაკონია (60 კგ. წონით კატეგორია);
გამარჯვებული სპორტსმენები ტურნირის ორგანიზატორებმა თასებით, მედლებითა და დიპლომებით დააჯილდოვეს.

ოქტომბერი 21, 2016

ხობში მცენარეთა დარგვის პროცესი მიმდინარეობს

ადგილობრივი თვითმმართველობის მიერ დაფუძნებული იურიდიული პირი შპს „ხობი დასუფთავება და განათება“ ქალაქ ხობის სკვერებსა და პარკებში სეზონურად მოყვავილე ერთწლოვანი და მრავალწლოვანი მცენარეების დარგვას ახორციელებს. ქალაქში, 8 ათასი ლარის ღირებულების, 8500 ერთეული ნერგი (ფიჭვი, ნაძვი, ტიტა, ვიოლა) დაირგვება. გარდა ამისა, „ხობი დასუფთავება და განათების“ თანამშრომლების მიერ, ქალაქის სკვერებში გაფხვიერდა ნიადაგი, ჩატარდა ერთწლოვანი ყვავილების მოვლითი სამუშაოები, მომზადდა ნიადაგი ერთწლოვანი და მრავალწლოვანი მცენარეების დასარგავად.

ოქტომბერი 19, 2016

მოყვარულთა თასი 2016“ ხობში

19 ოქტომბერს, ხობის „კოლხეთის“ სათადარიგო მოედანზე „მოყვარულთა თასი 2016“-ის ფინალური შეხვედრა გაიმართა. ტურნირის გამარჯვებული „კოლხეთი“ (ქ. ხობის და პირველი მაისის ადმინისტრაციული ერთეულები) გახდა. გამარჯვებული გუნდი „მოყვარულთა თასი 2016“-ის რეგიონალურ ეტაპზე იასპარეზებს. ხობის მუნიციპალიტეტში საფეხბურთო პირველობა, საქართველოს ფეხბურთის ფედერაციის, საქართველოს სამოყვარულო ფეხბურთის ასოციაციის ორგანიზებითა და ადგილობრივი თვითმმართველობის მხარდაჭერით ხორციელდება. ფინალურ ეტაპზე გასული 4 საუკეთესო გუნდისგან ჩამოყალიბდება საქართველოს ეროვნული სამოყვარულო ნაკრები, რომელიც უეფას რეგიონთა თასის გათამაშებაში მიიღებს მონაწილეობას.
ფინალურ შეხვედრას ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის მოადგილე მახარე ჩოკორაია ესწრებოდნენ.

ოქტომბერი 17, 2016

15 ოქტომბერი - ხელების დაბანის მსოფლიო დღეა

15 ოქტომბერი - ხელების დაბანის მსოფლიო დღეა ამ დღესთან დაკავშირებით ხობის მუნიციპალიტეტის N2 საბავშვო ბაღში აქცია სახელწოდებით „სუფთა ხელები“ გაიმართა. რომელსაც ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია, მოწვეულ სტუმრებთან ერთად დაესწრო. 5-6 წლიანთა ჯგუფის აღსაზრდელებმა პედაგოგებთან და სტუმრებთან ერთად ისაუბრეს თუ რამდენად მნიშვნელოვანია ხელების სწორად დაბანა და აღნიშნეს რომ ხელების დაბანა ინფექციური დაავადებებისაგან თავდაცვის ყველაზე მარტივი და ეფექტური საშუალებაა.

ოქტომბერი 14, 2016

ხობის მუნიციპალიტეტის საკრებულო გილოცავთ სვეტიცხოვლობის ბრწყინვალე დღესასწაულს.

ოქტომბერი 13, 2016

„მოყვარულთა თასი 2016“ ხობში.

13 ოქტომბერს, ხობის ცენტრალურ სტადიონზე სტარტი აიღო “მოყვარულთა თასი 2016“-ის გათამაშებამ ფეხბურთში. ტურნირი ოლიმპიური სისტემით ტარდება და მასში 12 გუნდი იღებს მონაწილეობას. გამარჯვებული გუნდი „მოყვარულთა თასი 2016“-ის რეგიონალურ ეტაპზე იასპარეზებს. ხობის მუნიციპალიტეტში საფეხბურთო პირველობა, საქართველოს ფეხბურთის ფედერაციის, საქართველოს სამოყვარულო ფეხბურთის ასოციაციის ორგანიზებითა და ადგილობრივი თვითმმართველობის მხარდაჭერით ხორციელდება. მოყვარულთა თასში მთელი საქართველოს მასშტაბით ყველა რეგიონის 46 მუნიციპალიტეტის 250 სამოყვარულო საფეხბურთო გუნდი და 5000-ზე მეტი ფეხბურთელი მონაწილეობს. ფინალური შეხვედრა 14 დეკემბერს, თბილისში გაიმართება. ფილნალურ ეტაპზე გასული 4 საუკეთესო გუნდისგან ჩამოყალიბდება საქართველოს ეროვნული სამოყვარულო ნაკრები, რომელიც უეფას რეგიონთა თასის გათამაშებაში მიიღებს მონაწილეობას.

ოქტომბერი 13, 2016

საჯარო ინფორმაციის ხელმისაწვდომობა საქართველოში 2016 წელს

2016 წლის 28 სექტემბერს ინფორმაციის თავისუფლების განვითარების ინსტიტუტმა (IDFI), ფონდ „ღია საზოგადოება საქართველოს“ მხარდაჭერით გამართა კვლევის „საჯარო ინფორმაციის ხელმისაწვდომობა საქართველოში 2016 წელს“ პრეზენტაცია. კვლევის ფარგლებში, 2016 წელს საქართველოს საჯარო დაწესებულებებში განხორციელებული საჯარო ინფორმაციის ხელმისაწვდომობის მონიტორინგის შედეგად, IDFI-იმ დაასახელა ყველაზე ანგარიშვალდებული და ყველაზე დახურული საჯარო დაწესებულებები.
კვლევების შედეგად ხობის მუნიციპალიტეტის საკრებულო დასახელდა 2016 წელს ყველაზე ანგარიშვალდებულ და ღია საჯარო დაწესებულებათა რიგში და გადაეცა შესაბამისი სიგელი.

ოქტომბერი 11, 2016

გოგონათა შორის სამეგრელო-ზემო სვანეთის პირველობა ფეხბურთში.

11 ოქტომბერს ხობის ცენტრალურ სტადიონზე გაიმართა სამეგრელო-ზემო სვანეთის პირველობა ფეხბურთში 2001-2003 წლებში დაბადებულ გოგონათა შორის. ჩემპიონატში მონაწილეობენ: ხობის „კოლხეთის“, მარტვილის საფეხბურთო სკოლის, წალენჯიხის „ლიას“ და ზუგდიდის „ჩელას“ გოგონათა გუნდები. პირველ შეხვედრაში ხობის „კოლხეთმა“ ჩხოროწყუს საფეხბურთო სკოლის გუნდი 2:0 დაამარცხა. საფეხბურთო ჩემპიონატის ორგანიზატორები არიან საქართველოს და სამეგრელო-ზემო სვანეთის რეგიონის ფეხბურთის ფედერაციები.

ოქტომბერი 10, 2016

''კოლხეთის'' გამარჯვება

10 ნოემბერს, ხობის ცენტრალურ სტადიონზე, გარდამავალი საფეხბურთო ჩემპიონატის „თეთრი ჯგუფის“ მეორე წრის მე-10 ტურის მატჩი გაიმართა. ერთმანეთს ხობის ''კოლხეთი'' და ხარაგაულის „ჩხერიმელა“ დაუპირისპირდნენ. შეხვედრა მასპინძელთა გამარჯვებით, ანგარიში 3:0 დასრულდა.
ხობის „კოლხეთის'' ვეტერანმა ფეხბურთელმა როინ ონიანმა საფეხბურთო კარიერა დაასრულა. გულშემატკივრებმა და საფეხბურთო კლუბის მესვეურებმა 41 წლის ფეხბურთელს მადლობა გადაუხადეს შთამბეჭდავი საფეხბურთო კარიერის და წლების განმავლობაში მაღალ დონეზე თამაშის გამო.
როინ ონიანი ხანგრძლივი კარიერის განმავლობაში გამოდიოდა სხვადასხვა კლუბის შემადგენლობაში:
1996-1999 წ.წ.- ხობის „კოლხეთი“;
2000 წ. - თბილისის „ლოკომოტივი“;
2000 წ. - ზუგდიდის „დინამო“;
2001-2003 წ.წ. - თბილისის „ლოკომოტივი“;
2004 წ. - ბოლნისის „სიონი“;
2004 წ. - გორის „დილა“;
2005 წ. - თბილისის „ლოკომოტივი“;
2006 წ. - ბათუმის „დინამო“;
2006 წ. - რუსთავის „ოლიმპი“;
2007-2008 წ. - „ზესტაფონში“;
2009 წ. - ზუგდიდის „მგლები“;
2009-2014 წ. - ზუგდიდის „ბაია“;
2014-2016 წ.წ. - ხობის „კოლხეთი“.

ოქტომბერი 10, 2016

სასპორტო სკოლის სპორტული ინვენტარი განახლდა

ადგილობრივი ბიუჯეტის დაფინანსებით ა(ა)იპ ,,ხობის მუნიციპალიტეტის განათლების ცენტრის“ მიერ, სასპორტო სკოლის ჭადრაკის, სამბოს, კრივის კარატეს, მძლეოსნობის, რაგბის, ბერძნულ-რომაული ჭიდაობის და მკლავჭიდის ჯგუფებისათვის შეძენილ იქნა 11835 ლარის ღირებულების სპორტული ინვენტარი.

<<
<
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
...
>
>>