ხობის მუნიციპალიტეტის საკრებულო

სიახლეები

ივნისი 15, 2016

ხობის მუნიციპალიტეტში ხიდების მშენებლობა მიმდინარეობს

ხობის მუნიციპალიტეტში მასშტაბური ინფრასტრუქტურული პროექტების განხორციელება გრძელდება. საქართველოს სოფლის მეურნეობის სამინისტროს სისტემაში შემავალი შპს „საქართველოს მელიორაციის“ დაკვეთით ჭალადიდის და პატარა ფოთის ადმინისტრაციულ ერთეულებში MD მაგისტრალურ არხზე (8350 გრძივი მეტრი) ხიდების მოწყობა მიმდინარეობს, კერძოდ აშენდება 36 ახალი (მათ შორის: 7 მძიმე ტექნიკის, 20-საავტომობილო, 9-საფეხმავლო) და კაპიტალურად გარემონტდება 9 ხიდი.
სამუშაოების მთლიანი ღირებულება 940 000 ლარია. მიმდინარე სამუშაოები ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ეკონომიკურ საკითხთა კომისიის თავმჯდომარემ გოჩა სიჭინავამ და საქართველოს სოფლის მეურნეობის სამინისტროს ტერიტორიული ორგანო - ხობის მუნიციპალიტეტის საინფორმაციო-საკონსულტაციო სამსახურის უფროსმა ანგულ მიქავამ დაათვალიერეს.

ივნისი 14, 2016

N1 საბავშვო ბაღის ღონისძიება გზა სკოლისაკენ

14 ივნისს ხობის თედო სახოკიას სახელობის ბიბლიოთეკაში ხობის N1 საბავშვო ბაღის აღსაზრდელებმა საზეიმო ღონისძიება გაიმართეს სახელწოდებით „გზა სკოლისაკენ“. გამოსაშვები ჯგუფის მიერ წარმოდგენილმა „სასკოლო მზაობის პროგრამის“ ფარგლებში შესწავლილმა როლურმა თამაშებმა, შემცნებით-გასართობმა აქტივობებმა და საკონცერტო ნომრებმა მაყურებელთა დიდი მოწონება დაიმსახურა. ღონისძიებას ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია და ა(ა)იპ ხობის მუნიციპალიტეტის სკოლამდელი სააღმზრდელო გაერთიანების დირექტორი ელისო კვიკივინია მოწვეულ სტუმრებთან ერთად ესწრებოდნენ. სტუმრებმა აღსაზრდელებს, მასწავლებლებსა და მშობლებს მიულოცეს ეს ღირშესანიშნავი დღე და წარმატებები უსურვეს მათ.

ივნისი 13, 2016

13 ივნისის ტრაგედიიდან ერთი წელი გავიდა

13 ივნისის ტრაგიკული მოვლენებიდან ერთი წელი შესრულდა, თბილისში დატრიალებული ტრაგედიის შედეგად დაღუპული დების ლიზი და ინდირა ზარანდიების ხსოვნას პატივი ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებლის მოადგილეებთან ვარაზ გაბედავასთან, მახარე ჩოკორაიასთან და ადგილობრივი ხელისუფლების სხვა წარმომადგენლებთან ერთად მიაგო.
ხობის წმინდა სამების სახელობის ტაძრის წინამძღვარმა დეკანოზმა კირიონმა (დარსაელიამ) მიცვალებულთა სულის მოსახსენიებელი პანაშვიდი აღავლინა.

ივნისი 12, 2016

გილოცავთ პროფესიულ დღეს

ხობის მუნიციპალიტეტის საკრებულო გილოცავთ, მეხანძრე-მაშველის პროფესიულ დღეს.

ივნისი 11, 2016

საფეხბურთო ტურნირში ჯგუფური შეხვედრები გაიმართა

სამეგრელო-ზემო სვანეთში შემავალი მუნიციპალიტეტების და სამხარეო ადმინისტრაციის სამოყვარულო გუნდების ჯგუფური შეხვედრები დასრულდა. მერვედ ფინალში გუბერნატორის ადმინისტრაციის, ჩხოროწყუს, აბაშის, ფოთის და ხობის გუნდები გავიდნენ. შეხვედრებს სამეგრელო-ზემო სვანეთის გუბერნატორი ლევან შონია და ადგილობრივი ხელისუფლების წარმოდგენლები ესწრებოდნენ.

ტურნირში ერთმანეთს საჯარო მოხლეებისგან დაკომპლექტებული გუნდები შეხვდნენ. ხობის მუნიციპალიტეტი - მარტვილის მუნიციპალიტეტს შეხვდა და ანგარიშით 3-1 გაიმარჯვა.
ჯგუფური შეხვედრები, „ბაიას“ საფეხბურთო ბაზაზე გაიმართა. ტურნირი სამეგრელო-ზემო სვანეთში სახელმწიფო რწმუნებულის - გუბერნატორის ადმინისტრაციის ორგანიზაებით მიმდინარეობს და მისი მიზანია ჯანსაღი ცხოვრების წესის პოპულარიზება. საფეხბურთო ტურნირი „ახალგაზარდობის წლის“ ფარგლებში იმართება. წელს მუნიციპალიტეტის მასშტაბით არაერთი ახალგზარდული ღონისძიებაა დაგეგმილი. 2016 წელი ახალგზარდობის წლად მხარის გუბერნატორმა ლევან შონიამ, მიმდინარე წლის დასაწყისში გამოაცხადა.

ივნისი 11, 2016

ანსამბლ რუსთავის კონცერტი

ხობის მუნიციპალიტეტის ადგილობრივმა ხელისუფლებამ მუნიციპალიტეტის საჯარო სკოლების კურსდამთავრებულებს ულამაზესი საღამო მიუძღვნა და მათი მოწვევით 11 ივნისს ხობის კულტურის სახლის დიდ დარბაზში გაიმართა ანსამბლ „რუსთავის“ კონცერტი ანზორ ერქომაიშვილისა და ფრიდონ სულაბერიძის ხელმძღვანელობით. სცენაზე ტკბილ ქართულ ხალხურ სიმღერებს, ენაცვლებოდა ცეცხლოვანი ქართული ცეკვები, რამაც დარბაზში მყოფ მაყურებელში უდიდესი ემოცია გამოიწვია, რის ნიშნადაც დარბაზში არ წყდებოდა ხანგრძლივი ტაში და ოვაციები.
კონცერტს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებლის პირველი მოადგილე ვარაზ გაბედავა და ადგილობრივი ხელისუფლების სხვა წარმომადგენლები.

ივნისი 9, 2016

გილოცავთ ამაღლებას

ხობის მუნიციპალიტეტის საკრებულო გილოცავთ ამაღლების ბრწყინვალე დღესასწაულს!

ივნისი 8, 2016

მემორიალური ტურნირი ჭადრაკში დასრულდა

8 ივნისს, ქალაქ ხობის კულტურის სახლის ფოიეში დასრულდა, ღვაწლმოსილი პედაგოგის, აკაკი (კაკო) ზარანდიას ხსოვნისადმი მიძღვნილი ,,ხობის მუნიციპალიტეტის განათლების ცენტრის" სასპორტო სკოლის პირველობა ჭადრაკში 8, 10, 12 და 18 წლამდე ასაკის გოგონათა და ჭაბუკთა შორის. ტურნირი შვეიცარიული სისტემით, შვიდ ტურად გაიმართა.
ტურნირის აბსოლუტური ჩემპიონი 5,5 ქულით ნიკა შამუგია გახდა.
8 წლამდე გოგონათა შორის I ადგილი - თამარ თუთბერიძე;
10 წლამდე გოგონათა შორის I ადგილი - ანანო ცხადაია;
12 წლამდე გოგონათა შორის I ადგილი - ლიკა ჭანტურია;

8 წლამდე ბიჭუნათა შორის I ადგილი - ნიკა ჭანტურია;
10 წლამდე ბიჭუნათა შორის I ადგილი - ნიკა ბუკია;
12 წლამდე ბიჭუნათა შორის I ადგილი - სანდრო ბუკია;
16 წლამდე ჭაბუკთა შორის I ადგილი - გიორგი ლატარია;
გამარჯვებულ მოჭადრაკეებს თასები, მედლები და ფასიანი საჩუქრები გადაეცათ.
სპორტული ღონისძიებას, ადგილობრივი თვითმმართველობის წარმომადგენლებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და გამგებლის პირველი მოადგილე ვარაზ გაბედავა ესწრებოდნენ.
ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის განათლების ცენტრის" ორგანიზებით განხორციელდა.

ივნისი 8, 2016

ხობში სკვერებსა და პარკებში ყვავილები ირგვება

ადგილობრივი თვითმმართველობის მიერ დაფუძნებული იურიდიული პირი შპს „ხობი დასუფთავება და განათება“ ქალაქ ხობის სკვერებსა და პარკებში სეზონურად მოყვავილე ერთწლოვანი ყვავილების დარგვას ახორციელებს. ქალაქში, ექვსი ათასი ლარის ღირებულების, 12 ათასი ერთეული ნერგი დაირგვება.
გარდა ამისა, „ხობი დასუფთავება და განათების“ თანამშრომლების მიერ, ქალაქის ქუჩებსა და სკვერებში გაფხვიერდა ნიადაგი, გაისხლა დეკორატიულ ხე-მცენარეები და ბუჩქები, ჩატარდა ერთწლოვანი ყვავილების მოვლითი სამუშაოები, მომზადდა ნიადაგი ერთწლოვანი მცენარეების დასარგავად

ივნისი 8, 2016

ანსამბლ რუსთავის კონცერტი

11 ივნისს, ქ. ხობის კულტურის სახლის დიდ დარბაზში გაიმართება ანსამბლ რუსთავის კონცერტი. დასაწყისი 13:00 საათზე.

ივნისი 8, 2016

მიწის საკუთრებაში რეგისტრაცია მარტივდება

იუსტიციის მინისტრმა თეა წულუკიანმა საკანონმდებლო ცვლილებები, რომელთა შედეგადაც მოსახლეობა მიწას ბარიერების გარეშე დაირეგისტრირებს, სამეგრელო-ზემო სვანეთის სამხარეო ადმინისტრაციის წარმომადგენლებს პირადად გააცნო. შეხვედრას, რომელიც ზუგდიდის იუსტიციის სახლში გაიმართა, სამეგრელო-ზემო სვანეთის მხარის მუნიციპალიტეტების გამგებლები და საკრებულოების წარმომადგენლები ესწრებოდნენ. შეხვედრის მიზანი შეკრებილთათვის მიწის რეგისტრაციის პროცედურების გამარტივების შესახებ ამომწურავი ინფორმაციის მიწოდება იყო, რათა მომავალში მათ მოქალაქეებისთვის სათანადო კონსულტაციის გაწევა შეძლონ. შეხვედრას იუსტიციის მინისტრის მოადგილე მიხეილ სარჯველაძე, საჯარო რეესტრის ეროვნული სააგენტოს თავმჯდომარე პაპუნა უგრეხელიძე და სამეგრელო-ზემო სვანეთის მხარის გუბერნატორი ლევან შონია ესწრებოდნენ. იუსტიციის მინისტრის ინიციატივით, მსგავსი ტიპის შეხვედრები საქართველოს ყველა რეგიონში გაიმართება.

ივნისი 7, 2016

ნორჩ მუსიკოსთა კონცერტი

7 ივნისს, ხობის მუნიციპალიტეტის განათლების ცენტრის სამუსიკო სკოლის დარბაზში გაიმართა სამუსიკო სკოლის ნორჩ მუსიკოსთა კონცერტი, სადაც ახალგაზრდა მუსიკოსთა მიერ შესრულდა საფორტეპიანო ნაწარმოებები. შესრულებულმა ნომრებმა მაყურებლის მოწონება და აპლოდისმენტები დაიმსახურა.
კონცერტს ხობის მუნიციპალიტეტის საკრებულოს სოციალურ საკითხთა კომისიის თავმჯდომარე დოდო გაბუნია, ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი როზეტა შულაია, პედაგოგები, მშობლები და კლასიკური მუსიკის სხვა მოყვარულები ესწრებოდნენ.
ღონისძიების დასასრულს ადგილობრივი ხელისუფლების წარმომადგენლებმა სამუსიკო სკოლის პედაგოგებს და ნორჩ მოსწავლეებს სამახსოვრო სიგელები გადასცეს.

ივნისი 7, 2016

ბიაში წყლის სისტემის სარეაბილიტაციო სამუშაოები განხორციელდა

ადგილობრივი ბიუჯეტის დაფინანსებით, ბიის ადმინისტრაციულ ერთეულში დასრულდა წყალმომარაგების ქსელის მეწყრული პროცესებით დაზიანებული მონაკვეთის სარეაბილიტაციო სამუშაოები.
წყალმომარაგების ქსელის ორ - 1600მ. და 2500 მ. უბანზე ჩატარდა ჰიდრავლიკური ტესტირება, რის შედეგადაც უზრუნველყოფილია ქსელში ნორმით გათვალისწინებული წნევით წყლის მიწოდება, ასევე განხორციელდა წყლის სისტემის დეზინფექციასთან დაკავშირებული ღონისძიებები.

ივნისი 7, 2016

ქალაქის ოთხი ქუჩის კეთილმოწყობა მიმდინარეობს

ხობის მუნიციპალიტეტის მასშტაბით ადგილობრიივი ბიუჯეტიდან გამოყოფილი თანხით განსახორციელებელი სამუშაოები მიმდინარეობს. ამ ეტაპზე ხორციელდება ქალაქის ოთხი ქუჩის ჭყონდიდელის, დადიანის, სტალინისა და კოსტავას ქუჩებზე არსებული საცხოვრებელი სახლების ეზოების კეთილმოწყობის სამუშაოები. პროექტის ფარგლებში ხორციელდება ეზოების მოწყობა ასფალტის საფარით, ასევე პარალელურად მიმდინარეობს სანიაღვრე სისტემის მოწესრიგება. სამუშაოებს შპს „შარაგზამშენი პირველი“ ახორციელებს და სამუშაოების საერთო ღირებულება შეადგენს 127 968 ლარს შეადგენს.
მიმდინარე სამუშაოები დღეს ხობის მუნიციპალიტეტის საკრებულოს თავმჯდომარემ ედიშერ ჯობავამ, ქალაქ ხობისა და ქვემო ქვალონის მაჟორიტარმა საკრებულოს წევრებმა ლევან ქავთარაძემ და ტარიელ ალექსანდრიამ ერთობლივად დაათვალიერეს.

ივნისი 6, 2016

მემორიალური ტურნირი ჭადრაკში

6 ივნისს, ქალაქ ხობის კულტურის სახლის ფოიეში დაიწყო ღვაწლმოსილი პედაგოგის აკაკი (კაკო) ზარანდიას ხსოვნისადმი მიძღვნილი ,,ხობის მუნიციპალიტეტის განათლების ცენტრის" სასპორტო სკოლის პირველობა ჭადრაკში 8, 10, 12 და 18 წლამდე ასაკის გოგონათა და ჭაბუკთა შორის. ტურნირი შვეიცარიული სისტემით, შვიდ ტურად გაიმართება.
სპორტული ღონისძიების გახსნის ცერემონიას ადგილობრივი თვითმმართველობის წარმომადგენლებთან ერთად ხობის მუნიციპალიტეტის საკრებულოს თავმჯდომარე ედიშერ ჯობავა და გამგებელი გოჩა ქაჯაია ესწრებოდნენ.
ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის განათლების ცენტრის" ორგანიზებით ხორციელდება.

<<
<
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
...
>
>>