ხობის მუნიციპალიტეტის საკრებულო

სიახლეები

ნოემბერი 30, 2015

საკრებულოს თავმჯდომარე მსოფლიო ჩემპიონს შეხვდა

21-22 ნოემბერს პოლონეთის რესპუბლიკის ქალაქ რუმიაში ჩატარდა მსოფლიო თასის გათამაშება მკლავჭიდში, სადაც მონაწილეობა მიიღო საქართველოს ნაკრების წევრმა ხობელმა ვილენ გაბრავამ და 63 კგ წონით კატეგოიაში პირველი ადგილი დაიკავა. ვილენი პირველი ქართველია, რომელმაც მსოფლიო თასზე მკლავჭიდში ასეთ დიდ წარმატებას მიაღწია.
დღეს ვილენ გაბრავა და მისი მწვრთნელი კობა თუთბერიძე ხობის მუნიციპალიტეტის საკრებულოს თავმჯდომარეს ედიშერ ჯობავას შეხვდნენ, საკრებულოს თავმჯდომარემ მიულოცა წარმატებულ სპორტსმენს დიდ საერთაშორისო ტურნირში გამარჯვება და გააცნო სამომავლო გეგმა, ქ. ხობში კინოთეატრ „თუთარჩელა“-ს ბაზაზე, ახალი სპორტული კომპლექსის მშენებლობასთან დაკავშირებით, რაც ხობელ სპორტსმენებს მნიშვნელოვნად შეუწყობს ხელს შემდგომ წარმატებებში.

ნოემბერი 28, 2015

სემინარი თემაზე თედო სახოკიას ბიოგრაფიული რომანები

28 ნოემბერს ხობის მუნიციპალიტეტის კულტურის ცენტრის ორგანიზებით, ხობის თედო სახოკიას სახელობის ბიბლიოთეკაში გაიმართა მწერალი, მეცნიერი მთარგმნელის როსტომ ჩხეიძის საჯარო სემინარი თემაზე თედო სახოკიას ბიოგრაფიული რომანები.
მომხსენებლის მიერ წარმოჩენილი იყო მთარგმნელი, ეთნოგრაფი, ლექსიკოგრაფის თ. სახოკიას ცხოვრებისეული მოღვაწეობა.
სემინარში მონაწილეობა მიიღეს მოწვეულმა სტუმრებმა, ადგილობრივი ხელისუფლების წარმომადგენლებმა და ხობის მუნიციპალიტეტის მოსახლეობამ.

ნოემბერი 25, 2015

საკრებულოს სხდომა

25 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები და სადაც განხილულ იქნა დღის წესრიგით გათვალისწინებული საკითხები, კერძოდ: განკარგულების პროექტი „ხობის მუნიციპალიტეტის საკრებულოს შუალედური არჩევნების შედეგად ხობის მუნიციპალიტეტის საკრებულოს წევრის მელორი გელანტიას უფლებამოსილების ცნობის შესახებ“, რომლის თანახმადაც საკრებულოს წევრად გურიფულის მაჟორიტარულ ოლქში არჩეულ იქნა კოალიცია „ქართული ოცნების“ მიერ წარდგენილი კანდიდატი მელორი გელანტია. სხდომაზე მორიგ საკითხად განხილულ იქნა ხობის მუნიციპალიტეტის 2016 წლის ადგილობრივი ბიუჯეტის პროექტი, რომლის მიხედვითაც 2016 წლის შემოთავაზებული ვარიანტით ადგილობრივი ბიუჯეტის საშემოსავლო ნაწილი განსაზღვრულია 6601,6 ათასი ლარით, მათ შორის საგრანტო შემოსავლების ხარჯზე მოდის 2347,7 ათასი ლარი, გადასახადები 3450,0 ათასი ლარი, სხვა შემოსავლები 424,6 ათასი ლარი, ხოლო არაფინანსური აქტივების კლება - 379,3 ათასი ლარი. წინა წელთან შედარებით საშემოსავლო ნაწილი გაზრდილია 177,4 ათასი ლარით, გადასახადები შემცირებულია 550,0 ათასი ლარით, საგრანტო შემოსავლები გაზრდილია 575,9 ათასი ლარით.ხობის მუნიციპალიტეტის 2016 წლის ადგილობრივი ბიუჯეტის პროექტით ხარჯები განისაზღვრა 6410,6 ათასი ლარით. აქედან: შრომის ანაზღაურება 1789,4 ათასი ლარი, საქონელი და მომსახურება 1017,6 ათასი ლარი, სუბსიდიები 3084,1 ათასი ლარი, სოციალური უზრუნველყოფა 423,2 ათასი ლარი. ხობის მუნიციპალიტეტის 2016 წლის ბიუჯეტის საოპერაციო სალდო განისაზღვრა 188,3 ათასი ლარით, არაფინანსური აქტივების ცვლილება განისაზღვრა -337,9 ათასი ლარით. აქედან: ზრდა 41,4 ათასი ლარი, კლება -379,3 ათასი ლარი. ხობის მუნიციპალიტეტის 2016 წლის ბიუჯეტის მთლიანი სალდო განისაზღვრა 149,6 ათასი ლარით. ხობის მუნიციპალიტეტის 2016 წლის ბიუჯეტის გადასახდელები განისაზღვრა 6601,6 ათასი ლარით, აქედან: ხარჯები - 6410,6 ათასი ლარით, არაფინანსური აქტივების ზრდა - 41,4 ათასი ლარით, ვალდებულებების კლება - 149,6 ათასი ლარით. პროექტი მცირე კორექტირების შეტანის შემდეგ დაუბრუნდა ხობის მუნიციპალიტეტის გამგეობას. სხდომაზე შემდეგ საკითად განხილულ იქნა განკარგულების პროექტები „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ამორტიზებული ქონების ჩამოწერაზე თანხმობის მიცემის შესახებ“ და „ხობის მუნიციპალიტეტის საკუთრებაში არსებული ქონების საპრივატიზებო ნუსხის დამტკიცების შესახებ“, რომლის მიხედვითაც გამგეობის მიერ მომზადდა ხობის მუნიციპალიტეტის ბალანსზე რიცხული იმ ქონების ჩამონათვალი, რომელიც აუდიტორული დასკვნების საფუძველზე ამორტიზირებულია და ექსპლოატაციისთვის უვარგისი. ესენია: ავტომანქანები - რენო-მეგანი და ფორდ-მონდეო, ასევე ქ. ხობში, სპორტის ქ. N 3-ში მდებარე სპორტ დარბაზის შენობა, შესაბამისად დამტიცდა აღნიშნული ქონების საპრივატიზებო ნუსხა. მორიგ საკითად განიხილეს განკარგულების პროექტი „ხობის მუნიციპალიტეტის გამგებლისათვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ რომლის თანახმადაც ა(ა)იპ „ლაზიერზე “ იჯარის წესით გაიცემა მუნიციპალიტეტის საკუთრებაში არსებული ქონება, მდებარე ქ. ხობი ცოტნე დადიანის ქ. N185-ში, მე-3 სართულზე 21 კვ.მ ფართი, ჭადრაკის მოყვარულთა კლუბის გახსნის მიზნით.
დღის წესრიგით გათვალისწინებული საკითხების განხილვის შემდეგ საკრებულოს სხდომა დახურულად გამოცხადდა.

ნოემბერი 25, 2015

ბიუროს სხდომა

2015 წლის 25 ნოემბერს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:
1.N66 ხობის საოლქო საარჩევნო კომისიის თავმჯდომარის მ. ლომაიას 2015 წლის 9 ნოემბრის N29/5015 წერილის განხილვა (გურიფულის თემის N66.06 ადგილობრივ მაჟორიტარულ საარჩევნო ოლქში 2015 წლის 31 ოქტომბერს გამართული ხობის მუნიციპალიტეტის საკრებულოს შუალედური არჩევნების შედეგების შესახებ)
(მომხსენებელი: ნ. შუშანია - სამანდატო-საპროცედურო კომისიის თავმჯდომარე)
2. ხობის მუნიციპალიტეტის გამგებლის გ. ქაჯაიას 2015 წლის 13 ნოემბრის N04/1888 წერილის განხილვა („ხობის მუნიციპალიტეტის 2016 წლის ადგილობრივი ბიუჯეტის პროექტისა და ხობის მუნიციპალიტეტის 2016 წლის და 2017-2019 წლების ადგილობრივი ბიუჯეტის პრიორიტეტების შესახებ“)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
3.ხობის მუნიციპალიტეტის გამგებლის გ. ქაჯაიას 2015 წლის 17 ნოემბრის N04/1901 წერილის განხილვა (ხობის მუნიციპალიტეტის 2015 წლის ადგილობრივი ბიუჯეტის იანვარ-ოქტომბრის შესრულების თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
4.ხობის მუნიციპალიტეტის გამგებლის გ. ქაჯაიას 2015 წლის 19 ნოემბრის N05/1922 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ამორტიზებული ქონების ჩამოწერაზე თანხმობის მიცემის შესახებ“; „ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე“; „ხობის მუნიციპალიტეტის საკრებულოს 2011 წლის 25 მარტის N61 განკარგულებაში ცვლილების შესახებ“; „ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“; „ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე ხობის მუნიციპალიტეტის საკრებულოს 2012 წლის 7 თებერვლის N15 და 2013 წლის 28 თებერვლის N6 განკარგულებების ძალადაკარგულად გამოცხადების შესახებ“ და ხობის მუნიციპალიტეტის საკუთრებაში არსებული ქონების საპრივატიზებო ნუსხის დამტკიცების შესახებ“ განკარგულების პროექტების თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)

ნოემბერი 24, 2015

2016 წლის ადგილობრივი ბიუჯეტის საჯარო განხილვა

24 ნოემბერს საკრებულოს სხდომათა დარბაზში, ხობის მუნიციპალიტეტის საკრებულოს ორგანიზებით გაიმართა 2016 წლის ადგილობრივი ბიუჯეტის საჯარო განხილვა. ბიუჯეტის პროექტი საზოგადოებას საკრებულოს თავმჯდომარემ ედიშერ ჯობავამ წარუდგინა, რომელმაც განმარტა, რომ 2016 წელს ხობის მუნიციპალიტეტის ბიუჯეტი განისაზღვრა 6601,6 ათასი ლარით, მან ისაუბრა ბიუჯეტით გათვალისწინებულ პრიორიტეტებზე, სოციალურ-ეკონომიკურ, კულტურულ და საგანმანათლებლო პროექტებზე, რომლებიც გათვალისწინებულია ადგილობრივი ბიუჯეტით.
განხილვაში მონაწილეობას იღებდნენ მუნიციპალიტეტის სხვა ხელმძღვანელი პირებიც, კერძოდ, საკრებულოს საფინანსო-სარევიზიო კომისიის თავმჯდომარე, გამგეობის საფინანსო-საბიუჯეტო და შრომის, საზოგადოებრივი ჯანმრთელობისა და სოციალური დაცვის, ვეტერანთა, ლტოლვილთა და იძულებით გადაადგილებულ პირთა სამსახურების ხელმძღვანელებმა ისაუბრეს ბიუჯეტით გათვალისწინებულ მათ სფეროს მიკუთვნებულ პროექტებზე.

დასასრულს ადგილობრივი ხელისუფლების წარმომადგენლებმა განაცხადეს, რომ მომავალი წლის ბიუჯეტში მაქსიმალურად იქნება გათვალისწინებული საზოგადოების ინტერესები.

ნოემბერი 16, 2015

ხობის მუნიციპალიტეტის საკრებულოში 2016 წლის ადგილობრივი ბიუჯეტის პროექტის განხილვა დაიწყო

ხობის მუნიციპალიტეტის საკრებულოს, გამგეობის მიერ, 2015 წლის 13 ნოემბერს განსახილველად წარედგინა 2016 წლის ადგილობრივი ბიუჯეტის პროექტისა და ხობის მუნიციპალიტეტის 2016 წლის და 2017-2019 წლების ადგილობრივი ბიუჯეტის პრიორიტეტების დოკუმენტი, რის შემდგომაც, მოქმედი კანონმდებლობის შესაბამისად, ხობის მუნიციპალიტეტის საკრებულოს კომისიებში და ფრაქციებში დაიწყო ბიუჯეტის პროექტის წინასწარი განხილვა.

ხობის მუნიციპალიტეტის გამგეობის მიერ წარმოდგენილი 2016 წლის ბიუჯეტის პროექტი, თანდართულ განმარტებით ბარათთან ერთად, გამოსაქვეყნებლად და მუნიციპალიტეტის საზოგადოებისთვის წინასწარ გასაცნობად გადაეცა გაზეთ „ხობის მოამბეს“ და ასევე განთავსდა საკრებულოს ოფიციალურ ვებგვერდზე (იხილეთ „ბიუჯეტის“ განყოფილება). საკრებულოს ვებგვერდზე www.khobi-sakrebulo.g e ასევე პერიოდულად გამოქვეყნდება ბიუჯეტის პროექტთან დაკავშირებული მასალები (საკრებულოს კომისიების, ფრაქციების და საზოგადოებიდან შემოსული წინადადებები).

საკრებულოს კომისიებსა და ფრაქციებში ბიუჯეტის პროექტის წინასწარი განხილვა 25 ნოემბრამდე გაგრძელდება და შემუშავდება შესაბამისი წინადადებები.

ხობის მუნიციპალიტეტის საკრებულო მუნიციპალიტეტის საზოგადოებას მოუწოდებს აქტიურად ჩაერთოს 2016 წლის ბიუჯეტის პროექტის განხილვის პროცესში. მოსახლეობის მხრიდან გამოთქმული წინადადებები და შენიშვნები გათვალისწინებული იქნება საკრებულოს მიერ ბიუჯეტის განხილვისას.

წარმოდგენილ ბიუჯეტის პროექტთან დაკავშირებით შენიშვნები და წინადადებები დაინტერესებულ პირს 2015 წლის 25 ნოემბრამდე შუძლია წერილობით წარმოადგინოს ხობის მუნიციპალიტეტის საკრებულოს აპარატში (მისამართი: ქ. ხობი. ცოტნე დადიანის ქ. N189. ადგილობრივი თვითმმართველობის ადმინისტრაციული შენობის მე-2 სართული. ოთახი N214). ასევე, ელექტრონული ფოსტით: khobi@khobi-sakrebulo.ge

ნოემბერი 13, 2015

თორსის ქალთა საინიციატივო ჯგუფის პრეზენტაცია

13 ნოემბერს თორსა -დღვაბის ადმინისტრაციული ერთეულის მცირე დარბაზში, თორსის ქალთა საინიციატოვო ჯგუფის ორგანიზებით გაიმართა შემაჯამებელი ღონისძიება, რომელიც გაეროს სამწლიანი წარმატებული თანამშრომლობა გაეროს ერთობლივი პროგრამის "გენდერული თანასწორობის ხელშეწყობისათვის საქართველოში"დაფინანსებით მიმდინარე "საქართველოს სტრატეგიული კვლევებისა და განვითარების ცენტრი"-'ქალთა გაძლიერება ცვლილებებისათვის",ასოციაცია"ათინათთან" პარტნიორობით განხორციელდა.
თორსის ქალთა საინიციატივო ჯგუფმა პრეზენტაციის სახით წარმოადგინა სამწლიანი მუშაობის ანგარიში, რომელიც მოიცავდა საგანმანათლებრო პროექტებს და ტრენინგ-კურსებს. ასევე გაიმართა დოკუმენტური ფილმის ჩვენება „გზის გადაღმა სოფელში“.
ღონისძიების მსვლელობისას პროგრამაში ჩართულმა სხვადასხვა მუნიციპალიტეტის წარმომადგენლებმაც თავიანთ ადმინისტრაციულ ერთეულებში განხორციელებული პროექტების პრეზენტაცია ჩაატარეს.
პრეზენტაციას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის პირველი მოადგილე ვარაზ გაბედავა, საკრებულოს ფრაქცია „ქართული ოცნება- დემოკრატიული საქართველოს“ თავმჯდომარე ლევან ქავთარაძე, საკრებულოს სოციალურ საკითხთა კომისიის თავმჯდომარე დოდო გაბუნია და „საქართველოს სტრატეგიული კვლევებისა და განვითარების ცენტრისა“ და ასოციაცია „ათინათის“ წარმომადგენლები.

ნოემბერი 12, 2015

მასშტაბური სამელიორაციო სამუშაოები განხორციელდა

სოფლის მეურნეობის სამინისტროს შპს „საქართველოს მელიორაციის“ მიერ პატარა ფოთისა და ჭალადიდის ადმინისტრაციულ ერთეულებში მასშტაბური სამელიორაციო სამუშაოები განხორციელდა, კერძოდ MD მაგისტრალურ არხზე მოხდა სატუმბი სადგურების რეაბილიტაცია. სადაც 9 ძირითადი 3 დამატებითი მობილური ტუმბო გამართულად მუშაობს. ამ ეტაპზე მიმდინარეობს აღნიშნული არხის (8350 გრძივი მეტრი) ამოწმენდითი სამუშაოები. აღნიშნული სამუშაოები 12 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ სოფლის მეურნეობის სამინისტროს ხობის საინფორმაციო-საკონსულტაციო სამსახურის წარმომადგენლებთან ერთად დაათვალიერა.

ნოემბერი 12, 2015

შემოდგომის ფოთოლცვენა პირველი მაისის საბავშვო ბაღში

11 ნოემბერს, პირველი მაისის საბავშვო ბაგა-ბაღში საზეიმო ღონისძიება გაიმართა. ორიგინალურ კოსტიუმებში გამოწყობილმა პატარებმა შემოდგომის თემატიკაზე საინტერესო ნომრები წარმოადგინეს, შესრულდა ლექსები, სიმღერები, სხვა და სხვა ქორეოგრაფიული და ფოლკლორული ნომრები. პატარა მსახიობებმა სხვადასხვა როლებიც მოირგეს რასაც დარბაზში ოვაციები მოჰყვა. ღონისძიებას საკრებულოს სოციალურ საკითხთა კომისიის თავმჯდომარე დოდო გაბუნია ესწრებოდა, რომელმაც საბავშო ბაღის ბიბლიოთეკას ზღაპრების წიგნი უსახსოვრა.

ნოემბერი 12, 2015

ბიაში დაზიანებული ხიდბოგირი და დამეწყრილი გზის მონაკვეთი მოეწყობა

12 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ, სოფლის დეპუტატსა და სპეციალისტებთან ერთად ბიის ადმინისტრაციულ ერთეულში უხვი ნალექის შედეგად დაზიანებული ხიდ-ბოგირი და გზის დამეწყრილი ტერიტორია დაათვალიერა. აღნიშნული ტერიტორიის ხიდბოგირისა და მისასვლელი გზის რეაბილიტაცია უახლოეს მომავალში განხორციელდება.

ნოემბერი 10, 2015

საკრებულოს რიგგარეშე სხდომა

10 ნოემბერს ხობის მუნიციპალიტეტის საკრებულოს სხდომათა დარბაზში გაიმართა საკრებულოს რიგგარეშე სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები, სადაც განხილულ იქნა დღის წესრიგით გათვალისწინებული საკითხი: განკარგულების პროექტი „ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2016 წლის სასწავლო გეგმის დამტკიცების შესახებ“. რომლის თანახმადაც მომზადდა მუნიციპალიტეტის წლიური სასწავლო გეგმა, რომელიც წარმოადგენს მოხელეების სასწავლო პროცესის დაგეგმვისა და ორგანიზების ძირითად დოკუმენტს, რომლითაც განისაზღვრება შესაბამისი მუნიციპალიტეტის მოხელეთა სწავლების პრიორიტეტულ მიმართულებები, მოხელეთა რაოდენობა, აგრეთვე სწავლების ორგანიზების სხვა ძირითად საკითხებს. დღის წესრიგით გათვალისწინებული საკითხის განხილვის შემდეგ საკრებულოს რიგგარეშე სხდომა დახურულად გამოცხადდა.

ნოემბერი 10, 2015

განცხადება საკრებულოს რიგგარეშე სხდომის შესახებ

10 ნოემბერს ხობის მუნიციპალიტეტის საკრებულოს სხდომათა დარბაზში 12:00 საათზე გაიმართება საკრებულოს რიგგარეშე სხდომა.

სხდომის დღის წესრიგი:

1. „ხობის მუნიციპალიტეტის ადგილობრივი თვითმმართველობის მოხელეთა კვალიფიკაციის ამაღლების 2016 წლის სასწავლო გეგმის დამტკიცების შესახებ“ განკარგულების პროექტის განხილვა.
(მომხსენებელი: გ. ქაჯაია - მუნიციპალიტეტის გამგებელი;
თანამომხსენებელი: ზ. ბუკია - გამგეობის ადმინისტრაციული სამსახურის უფროსი)

ნოემბერი 4, 2015

რეგიონალური მრგვალი მაგიდა ხობში

4 ნოემბერს ხობის მუნიციპალიტეტის საკრებულოს სხდომათა დარბაზში გაეროს გარემოსდაცვითი პროგრამის პროექტის „გლობალური პარტნიორობა - ნახმარი წყლის მართვისათვის - შავი ზღვის დაბინძურების შემცირება ნარჩენი წყლებისა და საკვები ნივთიერებების მდგრადი მართვა საქართველოს სასოფლო თემებში“-ს ფარგლებში მრგვალი მაგიდის ფორმატში რეგიონალური შეხვედრა გაიმართა. მრგვალი მაგიდის ფორმატში ჩატარებული შეხვედრის თემა იყო მდგრადი განვითარების, ნარჩენი წყლების, წყლის მართვისა და გარემოს დაცვისადმი მიმართულ ხალხზე ორიენტირებული მიდგომების განხილვა. შეხვედრას სახელმწიფო რწმუნებულის გუბერნატორის მოადგილე კახა რუსია, ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, რეგიონის სხვადასხვა მუნიციპალიტეტის წარმომადგენლები, ხობის მუნიციპალიტეტის გამგებლის წარმომადგენლები ადმინისტრაციულ ერთეულებში და ხობის მუნიციპალიტეტის საკრებულოსა და გამგეობის ხელმძღვანელი პირები ესწრებოდნენ. მრგვალი მაგიდის ფორმატში შეხვედრა არასამთავრობო ორგანიზაციებს „სოფლად თემთა განვითარების სააგენტოსა“ (RCDA) და „ევროპის ქალები საერთო მომავლისათვის“ (WECF) და ხობის მუნიციპალიტეტის თანამშრომლობით განხორციელდა.

ნოემბერი 2, 2015

პოლიციის განყოფილების მშენებლობა

2 ნოემბერს ხობის მუნიციპალიტეტის საკრებულოს თავმჯდომარემ ედიშერ ჯობავამ და საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ ჭალადიდის ადმინისტრაციულ ერთეულში მიმდინარე შ.ს. ხობის რაიონული სამმართველოს პოლიციის განყოფილების სამშენებლო სამუშაოები დაათვალიერეს.

ნოემბერი 2, 2015

სოფლად თემთა განვითარების სააგენტოს პროექტი შუა ხორგაში

არასამთავრობო ორგანიზაცია „სოფლად თემთა განვითარების სააგენტოს“ დაფინანსებით ხობის მუნიციპალიტეტის შუა ხორგის ადმინისტრაციულ ერთეულში განხორციელდა საბავშვო ბაღის შენობის ფანჯრების გამოცვლა, მოწესრიგდა სველი წერტილები, ხოლო სოფლად სანიტარულ-ჰიგიენური პირობების გაუმჯობესების მიზნით კერძო საცხოვრებელ სახლებში დამონტაჟდა თანამედროვე სისტემები.
პროექტის ფარგლებში მიმდინარე სამუშაოები 2 ნოემბერს დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, საკრებულოს ეკონომიკური განვითარების საკითხთა კომისიის თავმჯდომარემ გოჩა სიჭინავამ და არასამთავრობო ორგანიზაცია „სოფლად თემთა განვითარების სააგენტოს“ დირექტორმა როსტომ გამისონიამ.

<<
<
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
...
>
>>