ხობის მუნიციპალიტეტის საკრებულო

სიახლეები

მარტი 3, 2015

გილოცავთ დედის დღეს

3 მარტს ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები მუნიციპალიტეტის მასშტაბით აფხაზეთის ომში შვილდაკარგულ,საქართველოს ერთიანობისათვის თავდადებულ გმირთა, მრავალშვილიან და შეზღუდული შესაძლებლობების მქონე ბავშვების დედებს, უხუცეს და მედიცინის მუშაკ ქალბატონებს ესტუმრნენ, მიულოცეს დედის დღე და მოკრძალებული საჩუქრები და თაიგულები გადასცეს, თითოეულს ბედნიერი დედობა, შვილთა სიმრავლე სიხარული და ბედნიერება უსურვეს. ხობის მუნიციპალიტეტის 2015 წლის ადგილობრივი ბიუჯეტით სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის მუნიციპალური პროგრამის ფარგლებში 3 და 8 მარტის დღესასწაულებთან (დედის დღესა და ქალთა საერთაშორისო დღეს) დაკავშირებით მრავალშვილიან დედებზე და უხუცეს ქალბატონებზე გაიცა ადგილობრივი ბიუჯეტიდან ერთჯერადი ფულადი დახმარება, საერთო ჯამში 11 100 (თერთმეტი ათას ასი) ლარის ოდენობით.
დედის დღე საქართველოში საქართველოს პირველი პრეზიდენტის გადაწყვეტილებით 1991 წლიდან აღინიშნება. დედობის დაცვა და მხარდაჭერა ქვეყნისა და საზოგადოების მთავარ პრიორიტეტს წარმოადგენს, რადგან დედობა განსაკუთრებული როლია. საქართველოში უმთავრესად ქალები იღებენ ბავშვზე ზრუნვასა და პასუხისმგებლობას, რომელიც დადებითად აისახება თითოეული ოჯახის და სახელმწიფოს კეთილდღეობაზე.

მარტი 2, 2015

გილოცავთ დედის დღეს

ხობის მუნიციპალიტეტის საკრებულო გილოცავთ დედის დღეს, რომელიც ყოველი ჩვენთაგანის უსაყვარლესი ადამიანის-დედისადმი პატივისცემისა და სიყვარულის გამოხატვის დღეა!

ყველა დედას ვუსურვებთ ბედნიერ დედობას, შვილთა სიმრავლეს, სიხარულსა და ბედნიერებას.

მარტი 2, 2015

პროექტის „ახალგაზრდული საკრებულო 64 მუნიციპალიტეტში“ პრეზენტაცია

2 მარტს ხობის მუნიციპალიტეტის საკრებულოს სხდომათა დარბაზში პროექტის „ახალგაზრდული საკრებულო 64 მუნიციპალიტეტში“ პრეზენტაცია გაიმართა. არასამთავრობო ორგანიზაცია „ადამიანი კანონი თავისუფლება“-ს წევრები, პროექტის ხელმძღვანელი გიორგი ჭულუხაძე, პროექტის მენეჯერი დასავლეთ საქართველოში გიორგი მღვდელაძე და პროექტის რეგიონალური კოორდინატორი ელენე დარასელია ხობის მუნიციპალიტეტის 80-მდე ახალგაზრდას შეხვდნენ, მათ გააცნეს პროექტი და ჩაატარეს ტესტირება, რომლის შედეგად შეირჩევა 36 ახალგაზრდული საკრებულოს წევრი, ჩამოყალიბდება თემატური ჯგუფები და აირჩევა თავმჯდომარე.
საქართველოს მასშტაბით არასამთავრობო ორგანიზაცია „ადამიანი კანონი თავისუფლება“ 6000-ზე მეტ მოსწავლესთან გეგმავს შეხვედრას, პროექტის გაცნობას და ტესტირების ჩატარებას. პროექტის ფარგლებში მხოლოდ 2105 მოსწავლე შეირჩევა, რომლის მთავარი მიზანია მოტივირებული და განათლებული ახალგაზრდები ჩაერთოს თვითმმართველობის საქმიანობაში, რაც ხელს შეუწყობს ახალგაზრდა ლიდერების გამოკვეთას. პრეზენტაციას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, ხობის საგანმანათლებრო რესურცენტრის უფროსი ხათუნა გერგაია, საკრებულოს აპარატისა და გამგეობის თანამშრომლები. საკრებულოს თავმჯდომარემ ედიშერ ჯობავამ სიტყვით მიმართა პროექტში მონაწილე ახალგაზრდებს, უსურვა წარმატებები და ადგილობრივი თვითმმართველობის მხრიდან სრული მხარდაჭერა გამოთქვა პროექტის განხორციელებაში და თანამშრომლობის, თანადგომისა და კომფორტული სამუშაო გარემოს შექმნის პირობები აღუთქვა მათ.

თებერვალი 28, 2015

სპორტული შეჯიბრი კალათბურთში მოსწავლეთა შორის დასრულდა

28 თებერვალს ხობის საგანმანათლებლო რესურსცენტრის, შსს ხობის რაიონული სამმართველოს და ხობის საჯარო სკოლის თვითმმართველობის თანამშრომლობით გაიმართა სპორტული შეჯიბრი კალათბურთში, რომელიც მიმდინარეობდა არასრულწლოვანთა შორის, ჯანსაღი წესის პროპაგანდის ფარგლებში, სადაც გაიმართა ფინალური მატჩები, ტურნირში მონაწილეობას იღებდა მუნიციპალიტეტის 14 საჯარო სკოლის გუნდი, სადაც ადგილები შემდეგნაირად გადანაწილდა:
ვაჟთა შორის I ადგილი - ხობის N 1 საჯარო სკოლის გუნდი, II ადგილი - ახალ ხიბულის N 2 საჯარო სკოლის გუნი და III ადგილი - ჭალადიდის საჯარო სკოლის გუნდი.
გოგონათა შორის I ადგილი - ხობის N 1 საჯარო სკოლის გუნდი, II ადგილი - ახალ ხიბულის N 1 საჯარო სკოლის გუნი და III ადგილი - შუა ხორგის საჯარო სკოლის გუნდი.
გამარჯვებულ გუნდებს გადაეცათ სიგელები და კალათბურთის ბურთები.

თებერვალი 28, 2015

ხობის „კოლხეთმა“ ბორჯომის „ბორჯომს“ უმასპინძლა

28 თებერვალს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ბორჯომის „ბორჯომი“ დაუპირისპირდნენ.
შეხვედრა ფრედ 0:0 დასრულდა.

თებერვალი 27, 2015

სპორტული მარათონი მოსწავლეთა შორის დაიწყო

27 თებერვალს ხობის საგანმანათლებლო რესურსცენტრისა და შსს ხობის რაიონული სამმართველოს მხარაჭერით დაიწყო მარათონი სპორტის სხვადასხვა სახეობაში არასრულწლოვანთა შორის, ჯანსაღი წესის პროპაგანდის ფარგლებში, ალკოჰოლური სასმელებისა და თამბაქოს წინააღმდეგ ბრძოლის მიზნით, რომელიც 3 თვის განმავლობაში გაგრძელდება. სპორტულ მარათონში ჩართულია ხობის მუნიციპალიტეტის 26 საჯარო სკოლა. მარათონის სპორტულ დევიზს წარმოადგენს „ნუ იქნები თამბაქოს ტყვე“ და „ჯანმრთელობა ყველაფერი არაა, მაგრამ ყველაფერი ჯანმართელობის გარეშე არაფერია“. დღეს პირველ ეტაპზე ხობის N1 საჯარო სკოლის სპორტულ დარბაზში გაიმართა შეჯიბრი კალათბურთში, რომელშიც მონაწილეობა მიიღო 14 სკოლის 9 ვაჟთა და 4 გოგონათა გუნდმა. დღევანდელი სპორტული შეჯიბრის გამარჯვებულები გამოვლინდებიან 28 თებერვალს დაგეგმილ ფინალურ მატჩზე.

თებერვალი 27, 2015

ხობელი მედალოსნების დაჯილდოება

25 თებერვალს საქართველოს განათლებისა და მეცნიერების სამინისტროს „წარჩინებულ მოსწავლეთა მედლების“ პროგრამის ფარგლებში ხობის საგანმანათლებლო რესურსცენტრში ოქროსა და ვერცხლის მედალოსნების დაჯილდოება გაიმართა, 2013-2014 წლისათვის ხობის მუნიციპალიტეტის საჯარო სკოლებში 19 ოქროსა და ვერცხლის მედალი გაიცა. მედლები გადასცეს ხობის მუნიციპალიტეტის მაჟორიტარი დეპუტატის ბიუროს უფროსმა რევაზ წულაიამ, აგვისტოს ომში დაღუპული გმირის მიშიკო იოსავას დედამ მარინა კაკულიამ და საგანმანათლებლო რესურსცენტრის უფროსმა ხათუნა გერგაიამ.

1. ნინო საჯაიას -ქალაქ ხობის N1 საჯარო სკოლა(ოქროს მედალოსანი)
2. თეონა სახოკია-ქალაქ ხობის N1საჯარო სკოლა(ოქროს მედალოსანი)
3. ნინო ბაბილუა-ქალაქ ხობის N2 საჯარო სკოლა(ოქროს მედალოსანი)
4. ირაკლი სერგია-ქალაქ ხობის N2 საჯარო სკოლა(ოქროს მედალოსანი)
5. დავით ქანთარია-ქალაქ ხობის N2 საჯარო სკოლა(ოქროს მედალოსანი)
6. ქრისტინა ბერაია-შუა ხორგის საჯარო სკოლა(ოქროს მედალოსანი)
7. დარიკო შენგელია-შუა ხორგის საჯარო სკოლა (ოქროს მედალოსანი)
8. გვანცა ცირდავა-შუა ხორგის საჯარო სკოლა(ოქროს მედალოსანი)
9. ფიქრია ხუნწარია-ხეთის საჯარო სკოლა(ოქროს მედალოსანი)
10. გიგა გოგენია-ქალაქ ხობის N1 საჯარო სკოლა(ვერცხლის მედალოსანი)
11. რობერტი ქობალია-ქალაქ ხობის N2 საჯარო სკოლა(ვერცხლის მედალოსანი)
12. ირაკლი წოწონავა-ქალაქ ხობის N2 საჯარო სკოლა(ვერცხლის მედალოსანი)
13. მეგი გაბრავა-ხეთის საჯარო სკოლა(ვერცხლის მედალოსანი)
14. მარიამ კობახიძე--ხეთის საჯარო სკოლა(ვერცხლის მედალოსანი)
15. თამარ ხურცილავა-ხეთის საჯარო სკოლა(ვერცხლის მედალოსანი)
16. მარიამ სიჭინავა-ნოჯიხევის N2 საჯარო სკოლა (ვერცხლის მედალოსანი)
17. სოფიო ბერულავა-ქვემო ქვალონის N1 საჯარო სკოლა(ვერცხლის მედალოსანი)
18. ლაურა ყალიჩავა-ქვემო ქვალონის N1 საჯარო სკოლა(ვერცხლის მედალოსანი)
19. მარიამ ლატარია-შუა ხორგის საჯარო სკოლა(ვერცხლის მედალოსანი

ხობის მუნიციპალიტეტის საკრებულო ულოცავს წარჩინებულ მოსწავლეებს და პედაგოგებს და წარმატებებს უსურვებს შემდგომ საქმიანობაში.

თებერვალი 25, 2015

საკრებულოს სხდომის ანგარიში

25 თებერვალს ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც უძღვებოდა საკრებულოს თავმჯდომარე ედიშერ ჯობავა. სხდომას ესწრებოდნენ გამგებელი გოჩა ქაჯაია, გამგებლის მოადგილეები ვარაზ გაბედავა და მახარე ჩოკორაია, საკრებულოსა და გამგეობის სხვა ხელმძღვანელი პირები.
სხდომაზე განხილულ იქნა დღის წესრიგით გათვალისწინებული საკითხები კერძოდ: „ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში განხორციელდა ცვლილებები ხობის მუნიციპალიტეტის გამგებლის ბრძანებით მხარჯავი დაწესებულებისთვის ადგილობრივი ბიუჯეტით გამოყოფილ ასიგნებებში ეკონომიკური კლასიფიკაციის მუხლებს შორის განხორციელებული გადანაწილებების შესაბამისად. სხდომაზე მიღებულ იქნა დადგენილება „ხობის მუნიციპალიტეტის ტერიტორიებზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“, რომლის თანახმად არასასოფლო-სამეურნეო დანიშნულების მიწის ნორმატიული ფასი ქალაქ ხობის ტერიტორიაზე განისაზღვრა 12.38 ლარის, სოფლებში - 3.71 ლარის, დასახლებათა შორის არეალებში - 3.1 ლარის, ხოლო დასახლებათა შორის არეალებში გამავალი საერთაშორისო და შიდასახელმწიფოებრივი მნიშვნელობის საავტომობილო გზების 50 მეტრის რადიუსში (თითოეულ მხარეს) - 6.19 ლარის ოდენობით, ხოლო დადგენილებით „ხობის მუნიციპალიტეტის ტერიტორიაზე ადგილობრივი ქონების გადასახადის შემოღებისა და განაკვეთების განსაზღვრის თაობაზე“ ხობის მუნიციპალიტეტის საკრებულოს 2012 წლის 27 მარტის N14 დადგენილებაში ცვლილებების შეტანის შესახებ“ არასასოფლო-სამეურნეო დანიშნულების მიწის 1 კვ.მ-ზე ქონების გადასახადის წლიური განაკვეთი მუნიციპალიტეტის მთელ ტერიტორიაზე განისაზღვრა 0,36 ლარის ოდენობით. გამგეობის მიერ წარმოდგენილი წინადადების შესაბამისად მიღებულ იქნა განკარგულება ა(ა)იპ „ხობის მუნიციპალიტეტის სათნოების სახლის“ ლიკვიდაციის პროცესის დაწყებასთან დაკავშირებით გამგებლისთვის თანხმობის მიცემის თაობაზე, რომლის დაწყების ვადად განისაზღვრა 2015 წლის 1 აპრილი. სხდომაზე ასევე განხილულ იქნა „ხობის მუნიციპალიტეტის ტერიტორიაზე მდებარე უმწეოთა სასადილოში ბენეფიციარების შერჩევის წესის დამტკიცების შესახებ“ დადგენილების პროექტი, რომლის თანახმადაც ა(ა)იპ „ხობის მუნიციპალიტეტის სათნოების სახლის“ ლიკვიდაციის შემდგომ დგინდება უმწეოთა სასადილოში ბენეფიციარების შერჩევის წესი, განისაზღვრა სასადილოს ფუნქციონირებაზე პასუხისმგებელი ორგანოები და ასევე კრიტერიუმები, რომელთა მიხედვითაც მოხდება ბენეფიციართა რეგისტრაცია და განაწილება სასადილოში.
საკრებულოს წევრების მხრიდან ერთხმად იქნა დამტკიცებული „ხობის მუნიციპალიტეტის 2014 წლის ადგილობრივი ბიუჯეტის წლიური ანგარიშის დამტკიცების თაობაზე“ განკარგულების პროექტი. სხდომის დასასრულს საკრებულოს თავმჯდომარემ ედიშერ ჯობავამ საკრებულოს წევრებს წარუდგინა ინფორმაცია ხობის მუნიციპალიტეტის ტერიტორიაზე სოფლის მეურნეობის სამინისტროს მიერ მხარდაჭერილი მიზნობრივი პროგრამებით განსახორციელებელი სამუშაოების შესახებ.
დღის წესრიგით გათვალისწინებული საკითხების განხილვის შემდეგ სხდომა დახურულად გამოცხადდა.

თებერვალი 24, 2015

საკრებულოს ბიუროს სხდომა

2015 წლის 24 თებერვალს გაიმართა ხობის მუნიციპალიტეტის საკრებულოს ბიუროს სხდომა, სადაც განხილულ იქნა შემდეგი საკითხები:

1. საქართველოს მთავრობის ადმინისტრაციის სამართლებრივი დასკვნების განხილვა.
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
2, ხობის მუნიციპალიტეტის გამგებლის გ. ქაჯაიას 2015 წლის 12 თებერვლის 06/214 წერილის განხილვა (ხობის მუნიციპალიტეტის 2014 წლის ადგილობრივი ბიუჯეტის შესრულების ანგარიშის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
3. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/238 წერილის განხილვა („ხობის მუნიციპალიტეტის გამგებლისთვის ხობის მუნიციპალიტეტის საკუთრებაში არსებული ქონების სარგებლობის უფლებით გადაცემაზე თანხმობის მიცემის შესახებ“ განკარგულების პროექტისა და „ხობის მუნიციპალიტეტის ტერიტორიაზე ადგილობრივი (ქონების) გადასახადის შემოღებისა და მისი განაკვეთების განსაზღვრის თაობაზე“ ხობის მუნიციპალიტეტის საკრებულოს 2012 წლის 27 მარტის N14 დადგენილებაში ცვლილებების შეტანის თაობაზე“ დადგენილების პროექტის შესახებ)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
4. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/245 წერილის განხილვა („ხობის მუნიციპალიტეტის ბალანსზე რიცხული ამორტიზირებული ქონების ჩამოწერაზე თანხმობის მიცემის შესახებ“ განკარგულების პროექტის თაობაზე)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
5. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/248 წერილის განხილვა („ხობის მუნიციპალიტეტის 2015 წლის ადგილობრივი ბიუჯეტის დამტკიცების შესახებ“ ხობის მუნიციპალიტეტის საკრებულოს 2014 წლის 30 დეკემბრის N46 დადგენილებაში ცვლილების შეტანის თაობაზე“ დადგენილების პროექტისა და „ხობის მუნიციპალიტეტის 2015 წლის ადგილობრივი შესყიდვების გეგმის დამტკიცების შესახებ“ ხობის მუნიციპალიტეტის საკრებულოს 2015 წლის 23 იანვრის N1 განკარგულებაში ცვლილების შეტანის თაობაზე“ განკარგულების პროექტის შესახებ)
(მომხსენებელი: ტ. ალექსანდრია - საფინანსო-საბიუჯეტო კომისიის თავმჯდომარე)
6. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/251 წერილის განხილვა („ხობის მუნიციპალიტეტის საკუთრებაში არსებული მოძრავი ქონების საქართველოს შინაგან საქმეთა სამინისტროსთვის სარგებლობის უფლებით გადაცემაზე ხობის მუნიციპალიტეტის გამგებლისთვის თანხმობის მიცემის თაობაზე“ ხობის მუნიციპალიტეტის საკრებულოს 2015 წლის 23 იანვრის N3 განკარგულებაში ცვლილების შეტანის შესახებ“ განკარგულების პროექტის თაობაზე)
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
7. ხობის მუნიციპალიტეტის გამგებლის გ. ქაჯაიას 2015 წლის 23 თებერვლის 06/259 წერილის განხილვა (ა(ა)იპ „ხობის მუნიციპალიტეტის სათნოების სახლის“ ლიკვიდაციასთან დაკავშირებით მომზადებული ხობის მუნიციპალიტეტის საკრებულოს სამართლებრივი აქტების პროექტების თაობაზე)
(მომხსენებელი: დ. გაბუნია - სოციალურ საკითხთა კომისიის თავმჯდომარე)
8. „ხობის მუნიციპალიტეტის ტერიტორიაზე სახელმწიფო და ხობის მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ“ დადგენილების პროექტის განხილვა.
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
9. „ხობის მუნიციპალიტეტის საკრებულოს რეგლამენტის დამტკიცების შესახებ“ ხობის მუნიციპალიტეტის საკრებულოს 2014 წლის 14 ივლისის N7 დადგენილებაში ცვლილების შეტანის თაობაზე“ დადგენილების პროექტის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)
10. ხობის მუნიციპალიტეტის საკრებულოს სამანდატო-საპროცედურო საკითხთა კომისიის 2015 წლის სამუშაო გეგმის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)
11. ხობის მუნიციპალიტეტის საკრებულოს იურიდიულ საკითხთა და ადამიანის უფლებათა დაცვის კომისიის 2015 წლის სამუშაო გეგმის განხილვა.
(მომხსენებელი: შ. სირაძე - იურიდიულ საკითხთა და ადამიანის უფლებათა დაცვის კომისიის თავმჯდომარე)
12. ხობის მუნიციპალიტეტის საკრებულოს საფინანსო-სარევიზიო კომისიის 2015 წლის სამუშაო გეგმის განხილვა.
(მომხსენებელი: ტ. ალექსანდრია - საფინანსო-სარევიზიო კომისიის თავმჯდომარე)
13. ხობის მუნიციპალიტეტის საკრებულოს სოციალურ საკითხთა კომისიის 2015 წლის სამუშაო გეგმის განხილვა.
(მომხსენებელი: დ. გაბუნია - სოციალურ საკითხთა კომისიის თავმჯდომარე)
14. ხობის მუნიციპალიტეტის საკრებულოს ეკონომიკური განვითარების საკითხთა კომისიის 2015 წლის სამუშაო გეგმის განხილვა.
(მომხსენებელი: გ. სიჭინავა - ეკონომიკური განვითარების საკითხთა კომისიის თავმჯდომარე)
15. „ხობის მუნიციპალიტეტის საკრებულოს 2015 წლის სამუშაო გეგმის დამტკიცების შესახებ“ განკარგულების პროექტის განხილვა.
(მომხსენებელი: ნ. შუშანია - სამანდატო-საპროცედურო საკითხთა კომისიის თავმჯდომარე)
ხობის მუნიციპალიტეტის საკრებულოს ბიუროს გადაწყვეტილებით საკრებულოს მორიგი სხდომა გაიმართება 2015 წლის 25 თებერვალს 11:00 საათზე.

თებერვალი 17, 2015

სასოფლო-სამეურნეო ხვნის ბარათების დარიგება დაიწყო

17 თებერვალს ხობის მუნიციპალიტეტის საკრებულოს თავმჯდომარე ედიშერ ჯობავა შუა ხორგის ადმინისტრაციულ ერთეულში გამგებლის წარმომადგენელთან ერთად შეხვდა შუა ხორგის მოსახლეობას და მათ სასოფლო-სამეურნეო ხვნის ბარათები გადასცა, ამასთან გააცნო ინფორმაცია პროექტის მოქმედების ინსტრუქციის შესახებ, მისი განმარტებით აღნიშნული პროექტი უკვე მესამე წელია ხორციელდება, რომლის მიზანია სოფლის მეურნეობის აღორძინება და მცირემიწიან ფერმერთა ხელშეწყობა.
სასოფლო-სამეურნეო ხვნის ბარათები ნოჯიხევისა და ხობის ადმინისტრაციულ ერთეულებში გამგებლის წარმომადგენლებთან ერთად მოსახლეობას გადასცეს ეკონომიკური განვითარების საკითხთა კომისიის თავმჯდომარე გოჩა სიჭინავამ და ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძემ.

თებერვალი 16, 2015

დათა ხურცილავას სახელობის ტურნირი დასრულდა

16 თებერვალს, დათა ხურცილავას სახელობის სტადიონზე, გაიმართა 2008 წლის აგვისტოს ომში ტრაგიკულად დაღუპული რეზერვისტის დათა ხურცილავას სახელობის ტრადიციული - რიგით მე-7 საფეხბურთო ტურნირის ფინალური შეხვედრა ხეთისა და ახალსოფლის საფეხბურთო გუნდებს შორის, სადაც გაიმარჯვა ხეთის ადმინისტრაციული ერთეულის გუნდმა 4:0.
ფინალურ შეხვედრას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, გამგებელი გოჩა ქაჯაია, გამგებლის მოადგილე მახარე ჩოკორაია. გამარჯვებულებს გადაეცათ პრიზები და სიგელები, ხოლო დათა ხურცილავას ოჯახის მიერ დაწესებული ფულადი ჯილდო გამარჯვებულებს გადასცა დაჩი ხურცილავამ.

თებერვალი 16, 2015

ვ. მაისურაძის ხსოვნისადმი მიძღვნილი ტურნირი დასრულდა

13-15 თებერვალს ქ. თბილისში ჩატარდა საქართველოს დამსახურებული მწვრთნელის, ვლადიმერ მაისურაძის ხსოვნისადმი მიძღვნილი ტურნირი ბერძნულ-რომაული სტილით ჭიდაობაში ჭაბუკთა შორის, რომელშიც მონაწილეობდა საქართველოს სასპორტო სკოლებისა და აზერბაიჯანისა და სომხეთის ნაკრები გუნდები (სულ 235 მონაწილე).
ტურნირში წარმატებით იასპარეზეს ხობის მუნიციპალიტეტის განათლების ცენტრის სასპორტო სკოლის ბერძნულ-რომაული ჭიდაობის ჯგუფის მოსწავლეებმა. 52 კგ წონით კატეგორიაში I ადგილი დაიკავა ჯონი ხეცურიანმა, 56 კგ წონით კატეგორიაში II ადგილი გიორგი სოსელიამ მოიპოვა, (მწვრთნელ-მასწავლებელი ალმასხან ხუნჯუა, საჯიჯაოს ჯგუფი), ხოლო მეოთხე ადგილზე გავიდა ნიკა ყორშია. სამივე მოჭიდავე, 18-28 თებერვალს, ნაკრებ გუნდთან ერთად სასწავლო-საწვრთნელ შეკრებას გაივლის ბაკურიანში, სადაც ზაფხულის ევროპის ჩემპიონატისთვის შეირჩევიან მონაწილეები.

თებერვალი 13, 2015

სასოფლო-სამეურნეო-ხვნის ბარათების გადაცემა დაიწყო

13 თებერვალს ხობის მუნიციპალიტეტის საკრებულოს სხდომათა დარბაზში გაიმართა შეხვედრა „მცირემიწიან ფერმერთა 2015 წლის საგაზაფხულო სამუშაოების ხელშეწყობის“ პროექტის ფარგლებში, სადაც საქართველოს სოფლის მეურნეობის სამინისტროს წარმომადგენელმა გიორგი მღებრიშვილმა ადმინისტრაციულ ერთეულებში გამგებლის წარმომადგენლებს გადასცა სასოფლო-სამეურნეო- ხვნის ბარათები, გააცნო ინფორმაცია პროექტის მოქმედების ინსტრუქციის შესახებ. აღნიშნული პროექტი უკვე მესამე წელია ხორციელდება, რომლის მიზანია სოფლის მეურნეობის აღორძინება და მცირემიწიან ფერმერთა ხელშეწყობა.

თებერვალი 10, 2015

სტარტი აიღო დათა ხურცილავას სახელობის ტურნირმა

10 თებერვალს სტარტი აიღო 2008 წელს აგვისტოს ომის დროს ტრაგიკულად დაღუპული რეზერვისტის, ხობის „კოლხეთის“ ჭაბუკ ფეხბურთელთა გუნდისა და „თბილისის“ დინამოს ჭაბუკ ფეხბურთელთა გუნდის წევრის დათა ხურცილავას სახელობის ტრადიციულმა რიგით მეშვიდე გათამაშებამ მინი ფეხბურთში. შეჯიბრში რვა გუნდი მიიღებს მონაწილეობას, რომლებიც გაერთიანებული არიან ორ ჯგუფში. ტურნირის გახსნას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა და ხობის მუნიციპალიტეტის გამგებელი გოჩა ქაჯაია. შეჯიბრის ფინალური მატჩი გაიმართება 16 თებერვალს დათა ხურცილავას დაბადების დღეს.

თებერვალი 10, 2015

კონფერენცია ხობის მონასტერში

9 თებერვალს ფოთისა და ხობის მიტროპოლიტის მეუფე გრიგოლის ლოცვა-კურთხევით ხობის მონასტრის საკონფერენციო დარბაზში გაიმართა კონფერენცია ხობის მონასტერში ჩატარებული არქეოლოგიური სამუშაოების შესახებ, რაზეც მოხსენება გააკეთა არქეოლოგმა, ისტორიულ მეცნიერებათა დოქტორმა რევაზ პაპუაშვილმა. კონფერენციას ესწრებოდნენ ფოთისა და ხობის მინტროპოლიტი მეუფე გრიგოლი, ხობის მონასტრის წინამძღოლი დეკანოზი მამა ილია, ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები. მომხსენებელმა რ. პაპუაშვილმა ფოტოსლაიდების სახით წარმოადგინა ხობის მონასტრის ტერიტორიაზე 2008 წლიდან დღემდე მიმდინარე არქეოლოგიური გათხრებისას აღმოჩენილი მასალები და ისაუბრა, რომ მონასტრის ტერიტორიაზე გათხრებისას აღმოჩენილ იქნა ძვ. წ. აღ-ის VIII–VII საუკუნებით დათარიღებული ძველი კოლხური ნამოსახლარები, ადრექრისტიანული ხანის ნაეკლესიარები, ტაძრის შიგნით გამოვლინდა ძველ დადიანთა (ცოტნე დადიანის (VIIIს.) საოჯახო საძვალე. მისი განმარტებით, თვით ტაძარი მდგარა გაცილებით უფრო დიდ ნატაძრალზე, რომელიც ძვ. წ. აღ-ის X-XI საუკუნით თარიღდება, ტაძრის დასავლეთით არქეოლოგიური სამუშაოების შედეგად გამოვლინდა ძვ. წ. აღ-ის VIII-IX ს. ნაგებობათა ნაშთები, რომლის ქვეშ სხვა ნაგებობის ნაშთებიც აღმოჩნდა. ასევე მოხსენებით გამოვიდა ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის მთავარი სპეციალისტი ძეგლთა დაცვის საკითხებში გოგიტა ჩიტაია, რომელმაც კულტურული სიწმინდის სიძველეების დაცვაზე ისაუბრა. დასასრულს მეუფე გრიგოლმა დალოცა და მადლობა გადაუხადა ადგილობრივ ხელისუფლებას გაწეული თანადგომისათვის, ხოლო არქეოლოგ რ. პაპუაშვილს და გ. ჩიტაიას გაწეული არქეოლოგიური საქმიანობისათვის.

<<
<
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
...
>
>>