ხობის მუნიციპალიტეტის საკრებულო

სიახლეები

ივნისი 9, 2015

შეხვედრა გამგებლის წარმომადგენლებთან

9 ივნისს, ხობის მუნიციპალიტეტის საკრებულოს სხდომათა დარბაზში ადგილობრივი ხელისუფლების წარმომადგენლებმა შეხვედრა გამართეს გამგებლის წარმომადგენლებთან ადმინისტრაციულ ერთეულებში, სადაც განხილულ იქნა საკითხი მუნიციპალიტეტის ტერიტორიაზე ქარის შედეგად მოსახლეობისთვის მიყენებული ზარალის - თხილის მოსავლის განადგურების თაობაზე.

ივნისი 8, 2015

პროექტი ცოცხალი წიგნები

8 ივნისს, ხობის კულტურის სახლის ფოიეში საქართველოს კულტურის სამინისტროს პროექტის „ცოცხალი წიგნების“ ფარგლებში შედგა შეხვედრა თანამედროვე ქართველ პოეტებთან და მწერლებთან. პროექტის იდეის ავტორების მიზანია გაარღვიონ თბილისში მოქცეული კულტურული ჩაკეტილი წრე და რეგიონებს მიაწვდინონ ხმა. პროექტის მონაწილეები საბას პრემიის ლაურიატები ბათუ დანელია, ლია ლიქოკელი, დიანა ანფიმიადი. აგრეთვე მარიამ წიკლაური, ნატო დავითაშვილი, თეა თოფურია, გელა ჩქვანავა მკითხველმა გულთბილად მიიღო. შემოქმედებითი საღამოს დასასრულს სტუმრებმა ხობის თედო სახოკიას ცენტრალურ ბიბლიოთეკას საჩუქრად წიგნები გადასცეს.

ივნისი 5, 2015

ახალგაზრდული ხმების კონცერტი

ქ. ხობის კულტურის სახლის დიდი საკონცერტო დარბაზში გაიმართა ხობის მუნიციპალიტეტის კულტურის ცენტრთან არსებული ვოკალურ- ინსტრუმენტალური ანსამბლის „ახალგაზრდული ხმების“ კონცერტი (მუსიკალური ხელმძღვანელი ლაშა კვიკვინია), სადაც შესრულდა სხვადასხვა მუსიკალური ნომრები, ნიჭიერმა შემსრულებლებმა ხობელ მაყურებლებს სასიამოვნო სანახაობა მოუწყვეს და მსმენელზე დიდი შთაბეჭდილება დატოვეს.
კონცერტს ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა და ადგილობრივი ხელისუფლების სხვა წარმომადგენლები. კონცერტის დასასრულს ანსაბლის წევრებს სიტყვით მიმართა და ახალგაზრდებს შემოქმედებით გზაზე წარმატებები უსურვა საკრებულოს თავმჯდომარემ ედიშერ ჯობავამ.

ივნისი 5, 2015

მუნიციპალიტეტის პირველობა მაგიდის ჩოგბურთში დასრულდა

5 ივნისს, ქ. ხობის კულტურის სახლის ფოიეში დასრულდა მუნიციპალიტეტის პირველობა მაგიდის ჩოგბურთში გოგონათა და ვაჟთა შორის, რომელიც ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის ინიციატივით გაიმართა.
ინდივიდიალურ სახეობებში ქალთა და ვაჟთა შორის საპრიზო ადგილები შემდეგნაირად გადანაწილდა.
გოგონათა შორის: I- თამუნა თითმურია (შუა ხორგა), II- ლანა ტაბაღუა (შუა ხორგა), III -ნათია სალაყაია(ხობი).
ვაჟთა შორის: I- გიორგი გაბისკირია (ქვემო ქვალონი), II- დავით აკობია (ხობი), III -გიორგი ფირცხელავა (ხობი).
ადგილობრივი ხელისუფლების წარმომადგენლებმა გამარჯვებულებს სამახსოვრო სიგელები და თასები გადასცეს.

ივნისი 4, 2015

ნოდარ შონიას სოლო კონცერტი

4 ივნისს, ხობის მუნიციპალიტეტის განათლების ცენტრის სამუსიკო სკოლის საკონცერტო დარბაზში გაიმართა სამუსიკო სკოლის VI კლასის მოსწავლის ნოდარ შონიას სოლო კონცერტი (პედაგოგი ნათელა მარგველაშვილი), სადაც შესრულებული იყო საფორტეპიანო ნაწარმოებები.
შესრულებულმა ნომრებმა მაყურებლის მოწონება და აპლოდისმენტები დაიმსახურა.
კონცერტის დასასრულს ადგილობრივი ხელისუფლების წარმომადგენლებმა საჩუქრები გადასცეს ახალგაზრდა პიანისტს და პედაგოგს, მათ ასევე ფრაქციის სახელით სამახსოვრო საჩუქარი გადასცა ხობის მუნიციპალიტეტის საკრებულოს ფრაქცია „თავისუფლების“ თავმჯდომარემ როსტევან გვარამიამ.

ივნისი 3, 2015

ტურნირი ჭადრაკში დასრულდა

3 ივნისს, მოსწავლე ახალგაზრდობის-სახლში დასრულდა ღვაწლმოსილი პედაგოგის აკაკი (კაკო) ზარანდიას ხსოვნისადმი მიძღვნილი ტურნირი ჭადრაკში. ფინალურ შეხვედრაში გამოვლინდა სხვადასხვა ასაკობრივ ჯგუფებში გამარჯვებულები: თამარ თუთბერიძე N-2 საჯარო სკოლა, ნიკოლოზ ჭანტურია N- 2 საჯარო სკოლა, ნია კუკავა ხამისქურის საჯარო სკოლა, ნიკა ბუკია პირველი მაისის საჯარო სკოლა, ლიკა ჭანტურია N-2 საჯარო სკოლა და გიორგი ლატარია სკოლა „არეა“.
მოჭადრაკეებს წარმატებული ასპარეზობა მიულოცეს ხობის მუნიციპალიტეტის საკრებულოს თავმჯდომარემ ედიშერ ჯობავამ, გამგებელმა გოჩა ქაჯაიამ და ადგილობრივი ხელისუფლების სხვა წარმომადგენლებმა. გამარჯვებულებს გადაეცათ თასები და სამსახსოვრო სიგელები. მოსწავლე ახალგაზრდობის სახლთან არსებული საჭადრაკო სკოლის (მწვრთნელ-მასწავლებელი მამუკა გეთია) გამარჯვებული მოჭადრაკეები 6 ივნის გაემგზავრებიან ქალაქ თბილისში მსოფლიო ჩემპიონატის შესარჩევ ტურნირში მონაწილეობის მისაღებად.

ივნისი 2, 2015

მუნიციპალიტეტის პირველობა მაგიდის ჩოგბურთში

2 ივნისს ქ. ხობის კულტურის სახლის ფოიეში სტარტი აიღო რაიონულმა ტურნირმა მაგიდის ჩოგბურთში, რომელიც მოეწყო ხობის მუნიციპალიტეტის გამგეობის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის თაოსნობით.
ტურნირის ფინალი 4 ივნისს გაიმართება.

ივნისი 1, 2015

მუნიციპალიტეტის პირველობა ჭადრაკში

ხობის მუნიციპალიტეტის განათლების ცენტრის მოსწავლე- ახალგაზრდობის სახლში, 1 ივნისს სტარტი აიღო ღვაწლმოსილი პედაგოგის აკაკი ზარანდიას ხსოვნისადმი მიძღვნილმა ტურნირმა ჭადრაკში მუნიციპალიტეტის პირველობაზე 8, 10, 18 წლის ასაკის გოგონათა და ჭაბუკთა შორის. საკრებულოს თავმჯდომარემ ე. ჯობავამ და ადგილობრივი ხელისუფლების წარმომადგენლებმა ტურნირის მონაწილეებს მიულოცეს ბავშვთა დაცვის საერთაშორისო დღე და წარმატებები უსურვეს მათ.

ივნისი 1, 2015

ბავშვთა დაცვის საერთაშორისო დღე

1 ივნისს, ბავშვთა დაცვის საერთაშორისო დღისადმი მიძღვნილი ღონისძიებების ფარგლებში საკრებულოს თავმჯდომარემ ედიშერ ჯობავამ და ადგილობრივი ხელისუფლების წარმომადგენლებმა ქალაქ ხობის N1 N2 და N3 საბავშვო ბაგა-ბაღების აღსაზრდელებს მიულოცეს ბავშვთა დაცვის საერთაშორისო დღე და საჩუქრები გადასცეს.

ივნისი 1, 2015

გილოცავთ ბავშვთა დაცვის საერთაშორისო დღეს

ხობის მუნიციპალიტეტის საკრებულო გილოცავთ ბავშვთა დაცვის საერთაშორისო დღეს, რომლის მიზანია მსოფლიო საზოგადოებრივი აზრის მობილიზება ახალი ომის საშიშროებისაგან ბავშვთა დასაცავად, ზრუნვა მათი ჯანმრთელობისათვის და დემოკრატიული აღზრდა- განვითარებისათვის.

გისურვებთ, ჩვენი ქვეყნისა და მსოფლიო მომავალ თაობას, ბედნიერ ბავშვობას, განვითარებას და თავისუფალი ცივილიზებული სამყაროს ღირსეულ მოქალაქეობას.

ივნისი 1, 2015

ხობის მუნიციპალიტეტის საკრებულო გილოცავთ წმინდა ნინოს საქართველოში შემოსვლის დღეს!

ხობის მუნიციპალიტეტის საკრებულო გილოცავთ მოციქულთა სწორის, წმინდა ნინოს საქართველოში შემობრძანების დღეს. დღევანდელი დღესასწაული ქართველთათვის არის ერთ-ერთი ყველაზე ღირშესანიშნავი, დღეს შემოანათა საქართველოში ღვთის მადლმა. წმინდა ნინომ ქრისტეს ჭეშმარიტი სარწმუნოება იქადაგა საქართველოში და გააქრისტიანა სრულიად საქართველო.

მაისი 31, 2015

ხობში თამბაქოს წინააღმდეგ ბრძოლის საერთაშორისო დღე აღინიშნა

31 მაისს მსოფლიოში თამბაქოს წინააღმდეგ ბრძოლის საერთაშორისო დღე აღინიშნება. ამ აქციას ხობის საგანმანათლებლო რესურსცენტრის სასკოლო ქსელების პროექტის ფარგლებში სამოქალაქო განათლების და სპორტის მუნიციპალური კათედრებისა და მოსწავლეთა სამოქალაქო კლუბების ჩართულობით „მსოფლიო დღე თამბაქოს გარეშე“ ხობშიც აღინიშნა სხვადასხვა ღონისძიებებით: სპორტული მარათონით, მოეწყო გამოფენა-აქცია და დასასრულს გაიმართა სპორტული შეჯიბრება - „ეთამაშე მასწავლებელს“. ღონისძიების ფარგლებში აქცენტები გაკეთდა თამბაქოს მავნე ზეგავლენასა და მისგან გამოწვეულ რისკ-ფაქტორებზე, რითაც პოპულარიზაცია გაეწია ჯანსაღი ცხოვრების წესს.
მარათონში მონაწილეობდნენ ხობის მუნიციპალიტეტის საჯარო სკოლების მოსწავლეები (60-70 მოსწავლე), შერჩეული მარშრუტით: ქ.ხობი ცოტნე დადიანის ქუჩაზე მდებარე კოლხეთის სვეტიდან - ხობის კულტურის სახლის წინ მდებარე მოედნამდე. ამ ღონისძიებით, ერთგვარი შეჯამება გაკეთდა ხობის საგანმანათლებლო რესურსცენტრისა და შსს ხობის რაიონული სამმართველოს მიერ განხორციელებული ერთობლივი პროექტის, რომელიც მუნიციპალიტეტის 26 საჯარო სკოლაში გაიმართა: „არა თამბაქოს“ ,„არა სიძულვილის ენას“ ,„არა ნარკოტიკს“ ,„არა ძალადობას“, ამ პროექტების ფარგლებში სპორტის სხვა და სხვა სახეობებში ჩატარდა არაერთი შეჯიბრი.
ღონისძიებას ხობის საგანმანათლებლო რესურსცენტრის ხელმძღვანელობასთან ერთად ადგილობრივი ხელისუფლების წარმომადგენლები - ხობის მუნიციპალიტეტის საკრებულოს თავმჯდომარე ედიშერ ჯობავა და საკრებულოს ფრაქცია „ქართული ოცნება-დემოკრატიული საქართველოს“ თავმჯდომარე ლევან ქავთარაძე ესწრებოდნენ.

მაისი 31, 2015

გილოცავთ პოლიციელებს პროფესიულ დღესასწაულს

ხობის მუნიციპალიტეტის საკრებულო სულთმოფენობის საუფლო დღესასწაულთან ერთად გილოცავთ პროფესიულ დღესასწაულს, მათ შორის შსს ხობის რაიონული სამმართველოს პოლიციელებს! თქვენ ეწევით ურთულეს და ძალიან საპასუხისმგებლო საქმიანობას-თქვენ იცავთ სახელმწიფოებრივ წესრიგს და დგახართ თითოეული მოქალაქის სიცოცხლისა და უსაფრთხოების სადარაჯოზე, ზოგჯერ საკუთარი სიცოცხლის ფასად,ამიტომაც იმსახურებს თქვენი საქმიანობა უდიდეს პატივისცემასა და დაფასებას! პატივს მივაგებთ სამსახურეობრივი მოვალეობის შესრულების დროს დაღუპულ პოლიციელთა ხსოვნას! გისურვებთ წარმატებებს და გამარჯვებებს პროფესიული მოვალეობის შესრულების საქმიანობაში და კეთილდღეობას პირად ოჯახურ ცხოვრებაში!

ხობის მუნიციპალიტეტის საკრებულოს თავმჯდომარე ედიშერ ჯობავა

მაისი 29, 2015

ხობში ვარდის ზეთის პარფიუმერული ირანულ-ქართული საწარმო გაიხსნება

ხობის მუნიციპალიტეტის საკრებულოს წევრი მერაბ ნადარია, ინვესტიციების მოზიდვის მიზნით იმყოფებოდა ირანის რესპუბლიკაში, სადაც მისი თაოსნობით გაიმართა შეხვედრა ვარდის პარფიუმერული ზეთის წარმოებაში მსოფლიო ლიდერ კომპანია „რაჰებ“ ჯგუფის პრეზიდენტთან - შაჰრამ რაგებთან. შეხვედრაზე მიღწეულ იქნა შეთანხმება ვარდის პარფიუმერული ზეთების ერთიანი ირანულ-ქართული წარმოების განვითარებაზე. აღნიშნულ კომპანიას საქართველოს ტერიტორიაზე შესყიდული აქვს 500 ჰექტარი მიწის ნაკვეთი, ქართველ პარტნიორებს კი დაახლოებით 100 ჰექტარი მიწის რესურსი გააჩნიათ, სადაც გაშენდება ვარდის სპეციალური ჯიშის პლანტაციები. ხობის მოსახლეობას ეძლევა უნიკალური შანსი აღნიშნულ ბიზნესში ჩართულობისა, ვარდის პლანტაციის 1 ჰექტარზე შესყიდვის ფასი დაახლოებით 15 ათასიდან 30 ათას ევრომდე იქნება. გარდა ამისა ხობის მუნიციპალიტეტში, ბატონი მერაბის თაოსნობით იგეგმება ვარდის ზეთის მწარმოებელი ქარხნის მშენებლობა, სადაც დაახლოებით 300 ადამიანი დასაქმდება. პროექტის ფარგლებში ასევე გათვალისწინებულია ვარდის წარმოების ზეთების ისტორიის მუზეუმის მშენებლობა შესაბამისი ინფრასტრუქტურით. პროექტის განხორციელება მომდევნი წლის დასაწყისში იგეგმება. უფრო ვრცელი და დეტალური ინფორმაციისთვის იხილეთ ინტერვიუ მერაბ ნადარაიასთან.
https://www.youtube.com/watch?v=amanMIp0Qyo

მაისი 29, 2015

საკრებულოს სხდომის ანგარიში

2015 წლის 29 მაისს, ხობის მუნიციპალიტეტის საკრებულოს სხდომათა დარბაზში გაიმართა საკრებულოს მორიგი სხდომა, რომელსაც თავმჯდომარეობდა საკრებულოს თავმჯდომარე ედიშერ ჯობავა. სხდომას ესწრებოდნენ საკრებულოსა და გამგეობის ხელმძღვანელი პირები. სხდომაზე განხილულ იქნა დღის წესრიგით გათვალისწინებული საკითხები, მათ შორის: „ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესის დამტკიცების შესახებ’’ დადგენილების პროექტი, რომლის თანახმად განისაზღვრა ხობის მუნიციპალიტეტის საკრებულოში მასმედიის წარმომადგენელთა აკრედიტაციის წესი. სხდომაზე ასევე განხილულ იქნა „ქალაქ ხობის ტერიტორიაზე ძაღლის ან სხვა შინაური ცხოველის მცირე ოდენობის ფეკალური მასებით დაბინძურების რეგულირების შესახებ’’ დადგენილების პროექტი, რომლის მიხედვითაც დადგენილ იქნა ქალაქ ხობში დასახლებული ტერიტორიები, სადაც ძაღლის ან სხვა შინაური ცხოველის მცირე ოდენობის ფეკალური მასებით ტერიტორიის დაბინძურებისათვის კანონით დადგენილია სანქციები, ეს ტერიტორიებია: ა) ცოტნე დადიანის ქუჩაზე მდინარე ხობის წყლის ხიდიდან ,ცოტნე დადიანისა და რუსთაველის ქუჩების გადაკვეთამდე არსებული პარკ-ხეივნებისა და ტროტუარების ტერიტორია; ბ)სტალინის ქუჩაზე ბაზრისა და ავტოსადგურის მიმდებარე ტერიტორიიდან სტალინისა და რუსთაველის ქუჩების გადაკვეთამდე არსებული მოედნებისა ტროტუარების ტერიტორია; გ) 9 აპრილის ქუჩაზე არსებული ტროტუარების ტერიტორია დ)კოსტავას ქუჩაზე არსებული ტროტუარების ტერიტორია; ე ) ბერიას ქუჩიდან აღმაშენებლისა და კოსტავას ქუჩების გადაკვეთამდე არსებული ტროტუარების ტერიტორია. ვ) ჭყონდიდელის ქუჩაზე არსებული ტროტუარებისა და 9 აპრილის პარკ-ხეივანის მიმდებარე ტერიტორია. დადგენილებით განსაზღვრული დასახლებული ტერიტორიის ძაღლისა და სხვა შინაური ცხოველის მცირე ოდენობის ფეკალური მასებით დაბინძურება გამოიწვევს პირის დაჯარიმებას 50 ლარის ოდენობით.
ამ და დღის წესრიგით გათვალისწინებული სხვა საკითხების განხილვის შემდეგ საკრებულოს მორიგი სხდომა დახურულად გამოცხადდა.

<<
<
134
135
136
137
138
139
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
...
>
>>