ხობის მუნიციპალიტეტის საკრებულო

სიახლეები

მარტი 13, 2015

სამუშაო შეხვედრა მუნიციპალიტეტის ხელმძღვანელ პირებთან

13 მარტს ხობის მუნიციპალიტეტის საკრებულოს თავმჯდომარემ ედიშერ ჯობავამ, ხობის მუნიციპალიტეტის გამგებელმა გოჩა ქაჯაიამ საკრებულოს სხდომათა დარბაზში მუნიციპალიტეტის ადმინისტრაციულ ერთეულებში გამგებლის წარმომადგენლებთან და ხობის მუნიციპალიტეტის საკრებულოს მიერ დაფუძნებული იურიდიული პირების ხელმძღვანელებთან შეხვედრა გამართეს, სადაც შეხვედრის მონაწილეებს გამგებელმა დეტალური ინფორმაცია მიაწოდა საქართველოს რეგიონებში განსახორციელებელი პროექტების შესახებ. ამასთან აღინიშნა, რომ მუნიციპალიტეტის მხრიდან ამ პროექტის ფარგლებში სერიოზული მუშაობა იქნება მომავალშიც განხორციელებული. საქართველოს პრემიერ-მინისტრის მხრიდან ოფიციალური განცხადებაც იქნა გაკეთებული, სადაც მან ისაუბრა, რომ ხობის მუნიციპალიტეტს ბიუჯეტის 100% ათვისება აქვს. შეხვედრაზე ასევე ისაუბრეს სოფლის მეურნეობის პროექტების მართვის სააგენტოს მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტის ფარგლებში ხვნის სამუშაოების მიმდინარეობაზე. შეხვედრის დასასრულს აღინიშნა, რომ ქალაქ ხობში მცხოვრებ აბესალობ (ბესო) აბურჯანიას სასწრაფოდ სჭირდება ღვიძლის გადანერგვა და შესაძლებლობის ფარგლებში მოუწოდეს დახმარებისკენ დამსწრე საზოგადოებას, რაზედაც ლიბერთი ბანკში გახსნილია სპეციალური ანგარიში: ანგარიშის მფლობელი: აბესალომ აბურჯანია ანგარიშის ნომერი: GE70LB0288870150744885 მიმღები ბანკის დასახელება: ს.ს. “ლიბერთი ბანკი“

მარტი 13, 2015

საჯარო კონკურსის საბოლოო შედეგები

ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის 2015 წლის 7 მარტის სხდომაზე შეჯამდა ხობის მუნიციპალიტეტის გამგეობის და ხობის მუნიციპალიტეტის საკრებულოს მიერ გამგეობის და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების შედეგები.

კონკურსების მესამე ეტაპში, 91 ვაკანტური თანამდებობის დასაკავებლად მონაწილე 129 კანდიდატის 199 განაცხადიდან (მათ შორის: გამგეობა - 174, საკრებულო - 25) დაკმაყოფილდა 80 განაცხადი (მათ შორის: გამგეობა - 73, საკრებულო - 7), შესაბამისად, კომისიის მიერ თანამდებობაზე დასანიშნად წარდგენილია 80 კანდიდატი. კონკურსი ჩაშლილად გამოცხადდა 11 ვაკანტურ თანამდებობაზე.

ინფორმაცია საჯარო კონკურსების საბოლოო შედეგებთან დაკავშირებით იხილეთ ვებგვერდზე, „ვაკანსიის“ ბლოკში, შემდეგ მისამართზე: http://khobi-sakrebulo.ge/ge/our-municipality/vakansiebi/2014-tseli/dekemberi/shedegebi/saboloo-shedegebi#.VQLuIXysU9k

მარტი 12, 2015

საგაზაფხულო ხვნის სამუშაოები დაიწყო

საქართველოს სოფლის მეურნეობის სამინისტროს ინიციატივით, სოფლის მეურნეობის პროექტების მართვის სააგენტომ მცირემიწიან ფერმერთა 2015 წლის საგაზაფხულო სამუშაოების ხელშეწყობის პროექტის ფარგლებში ხვნის სამუშაოები ხობის მუნიციპალიტეტის სოფელ ახალ ხიბულაში, ძველ ხიბულაში, საჯიჯაოში, ქვემო ქველონსა და ჭალადიდში დაიწყო.
მიმდინარე სამუშაოები დაათვალიერეს ხობის მუნიციპალიტეტის საკრებულოს თავმჯდომარემ ედიშერ ჯობავამ, ხობის მუნიციპალიტეტის გამგებელმა გოჩა ქაჯაიამ, გამგებლის მოადგილემ მახარე ჩოკორაიამ და საქართველოს სოფლის მეურნეობის სამინისტროს ტერიტორიული ორგანოს ხობის საინფორმაციო-საკონსულტაციო სამსახურის უფროსმა ანგულ მიქავამ.
ხობის მუნიციპალიტეტის მასშტაბით სულ დასამუშავებელია 9 609 ჰექტარი მიწის ფართობი. პროექტის კონტრაქტორები არიან შპს „მექანიზატორი“, ამხანაგობა „სოფლტექსერვისი“, ინდმეწარმეები „რომან ხარეიშვილი“, „ზურაბ ახალაია“, „მამუკა ტყებუჩავა“. სასოფლო-სამეურნეო ხვნის ბარათით წელს 7728 ჰექტარი მიწის ნაკვეთი მუშავდება.

მარტი 12, 2015

სპექტაკლი „ფანჯრებს იქით“

12 მარტს ქალაქ ხობის კულტურის სახლის დიდ დარბაზში გაიმართა ქუთაისის თეატრის „აპლოდისმენტების“ სპექტაკლი „ფანჯრებს იქით“ (ავტორი: თამაზ ბაძაღუა). სპექტაკლმა მაყურებელთა მოწონება დაიმსახურა.

მარტი 11, 2015

პრემიერის განცხადებით ხობის მუნიციპალიტეტმა ბიუჯეტის 100%-ით ათვისება შეძლო

საქართველოს პრემიერ-მინისტრის ირაკლი ღარიბაშვილის განცხადებით საქართველოს რეგიონებში განსახორციელებელი პროექტების ფონდიდან დასაფინანსებელი ადგილობრივი თვითმმართველობის და რეგიონული პროექტების ფარგლებში სამეგრელო-ზემო სვანეთისა და გურიის რეგიონებში თვითმმართველმა ქალაქებმა და მუნიციპალიტეტის გამგეობებმა ძალიან კარგად იმუშავეს და მათთვის გამოყოფილი თანხები ეფექტურად აითვისეს. „სამეგრელოს მუნიციპალიტეტსა და ზემო სვანეთში 100%-იანი ათვისება აქვს ხობის მუნიციპალიტეტს, ასევე სენაკს, აბაშას და ზუგდიდს, იგივეა გურიაში, ჩოხატაურში“ - განაცხადა პრემიერმა და გუბერნატორებს და გამგებლებს მეტი ინიციატივებისკენ მოუწოდა.

მარტი 10, 2015

საკონკურსო-საატესტაციო მუდმივმოქმედი კომისიის შემაჯამებელი სხდომა

2015 წლის 7 მარტს გაიმართა ხობის მუნიციპალიტეტის ადგილობრივი თვითმმართველობის მოხელეთა საკონკურსო-საატესტაციო მუდმივმოქმედი კომისიის სხდომა, რომელმაც განიხილა ხობის მუნიციპალიტეტის გამგეობის და ხობის მუნიციპალიტეტის საკრებულოს მიერ გამგეობის და საკრებულოს აპარატის მოხელეთა ვაკანტური თანამდებობების დასაკავებლად გამოცხადებული საჯარო კონკურსების მესამე ეტაპის - გასაუბრების შედეგები. კონკურსანტებს საბოლოო შედეგების შესახებ გადაწყვეტილება ოფიციალურად ეცნობებათ მითითებულ ელექტრონულ მისამართზე და ინფორმაცია გამოქვეყნდება საკრებულოს ვებ-გვერდზე.

მარტი 10, 2015

ლიტერატურული კომპოზიცია „დედა და გაზაფხული“

10 მარტს ხობის მუნიციპალიტეტის განათლების ცენტრის მოსწავლე-ახალგაზრდობის სახლში გაიმართა მოსწავლე-ახალგაზრდობის სახლის შიდასაწრეო ლიტერატურული კომპოზიცია „დედა და გაზაფხული“. ღონისძიებაში მონაწილეობა მიიღეს ნორჩმა ჟურნალისტებმა, გამომეტყველებითი კითხვის, ფოლკლორის, ნორჩ ფიზიკოსთა და ნორჩ მხატვართა წრის მოსწავლეებმა. წარმოდგენილი იყო ნორჩი მხატვრის გელა გულუას გრაფიკული ნამუშევრები. ღონისძიებას ესწრებოდა ხობის მუნიციპალიტეტის საკრებულოს თავმჯდომარე და ადგილობრივი ხელისუფლების სხვა წარმომადგენლები.

მარტი 9, 2015

ხობის „კოლხეთმა“ ტყიბულის „მეშახტეს“ უმასპინძლა

9 მარტს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ტყიბულის „მეშახტე“ დაუპირისპირდნენ.

შეხვედრა ხობელი ფეხბურთელების გამარჯვებით, ანგარიშით 3:0 დასრულდა.

ხობელთა რიგებიდან გოლი ბექა ბაკურაძე და გიორგი თევზაძემ გაიტანეს.

მარტი 6, 2015

სახელმწიფო პროგრამის „დანერგე მომავალი“ პრეზენტაცია

6 მარტს, ხობის მუნიციპალიტეტის გამგეობის სააქტო დარბაზში, გაიმართა სოფლის მეურნეობის სამინისტროს ხობის საინფორმაციო-საკონსულტაციო სამსახურისა და გამგეობის სოფლის მეურნეობის განვითარების სამსახურის შეხვედრა ადმინისტრაციული ერთეულის წარმომადგენლებთან და ფერმერებთან, რომლებსაც გააცნეს სახელმწიფო პროგრამა „დანერგე მომავალი“. ფერმერებს მიეწოდათ ინფორმაცია შეღავათიანი აგროკრედიტის და „მიკრო და მცირე მეწარმეობის ხელშეწყობა საქართველოში“ სახელმწიფო პროგრამებზე, მუნიციპალიტეტის დაფინანსებით მსხვილფეხა რქოსანი პირუტყვის ხელოვნური განაყოფიერების პუნქტის შექმნის შესახებ, ინფორმაცია სიმინდისა და სოიოს ჰიბრიდულ ჯიშებზე და მცენარეთა დაცვისა და ვეტერინარიის საკითხებზე. საქართველოს სოფლის მეურნეობის სამინისტროს ხობის საინფორმაციო-საკონსულტაციო სამსახურმა ფერმერებს შესთავაზა მათ კუთვნილ სასოფლო-სამეურნეო დანიშნულების მიწის ნაკვეთებზე ნიადაგის აგროქიმიური ანალიზის უფასოდ აღება.

შეხვედრას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები.

მარტი 3, 2015

გილოცავთ დედის დღეს

3 მარტს ხობის მუნიციპალიტეტის საკრებულოს თავმჯდომარე ედიშერ ჯობავა, ხობის მუნიციპალიტეტის გამგებელი გოჩა ქაჯაია და ადგილობრივი ხელისუფლების სხვა წარმომადგენლები მუნიციპალიტეტის მასშტაბით აფხაზეთის ომში შვილდაკარგულ,საქართველოს ერთიანობისათვის თავდადებულ გმირთა, მრავალშვილიან და შეზღუდული შესაძლებლობების მქონე ბავშვების დედებს, უხუცეს და მედიცინის მუშაკ ქალბატონებს ესტუმრნენ, მიულოცეს დედის დღე და მოკრძალებული საჩუქრები და თაიგულები გადასცეს, თითოეულს ბედნიერი დედობა, შვილთა სიმრავლე სიხარული და ბედნიერება უსურვეს. ხობის მუნიციპალიტეტის 2015 წლის ადგილობრივი ბიუჯეტით სოციალურად დაუცველი და ეკონომიკურად შეჭირვებული მოსახლეობის სოციალურ-ეკონომიკური მდგომარეობის გაუმჯობესებისა და ხელშეწყობის მუნიციპალური პროგრამის ფარგლებში 3 და 8 მარტის დღესასწაულებთან (დედის დღესა და ქალთა საერთაშორისო დღეს) დაკავშირებით მრავალშვილიან დედებზე და უხუცეს ქალბატონებზე გაიცა ადგილობრივი ბიუჯეტიდან ერთჯერადი ფულადი დახმარება, საერთო ჯამში 11 100 (თერთმეტი ათას ასი) ლარის ოდენობით.
დედის დღე საქართველოში საქართველოს პირველი პრეზიდენტის გადაწყვეტილებით 1991 წლიდან აღინიშნება. დედობის დაცვა და მხარდაჭერა ქვეყნისა და საზოგადოების მთავარ პრიორიტეტს წარმოადგენს, რადგან დედობა განსაკუთრებული როლია. საქართველოში უმთავრესად ქალები იღებენ ბავშვზე ზრუნვასა და პასუხისმგებლობას, რომელიც დადებითად აისახება თითოეული ოჯახის და სახელმწიფოს კეთილდღეობაზე.

მარტი 2, 2015

გილოცავთ დედის დღეს

ხობის მუნიციპალიტეტის საკრებულო გილოცავთ დედის დღეს, რომელიც ყოველი ჩვენთაგანის უსაყვარლესი ადამიანის-დედისადმი პატივისცემისა და სიყვარულის გამოხატვის დღეა!

ყველა დედას ვუსურვებთ ბედნიერ დედობას, შვილთა სიმრავლეს, სიხარულსა და ბედნიერებას.

მარტი 2, 2015

პროექტის „ახალგაზრდული საკრებულო 64 მუნიციპალიტეტში“ პრეზენტაცია

2 მარტს ხობის მუნიციპალიტეტის საკრებულოს სხდომათა დარბაზში პროექტის „ახალგაზრდული საკრებულო 64 მუნიციპალიტეტში“ პრეზენტაცია გაიმართა. არასამთავრობო ორგანიზაცია „ადამიანი კანონი თავისუფლება“-ს წევრები, პროექტის ხელმძღვანელი გიორგი ჭულუხაძე, პროექტის მენეჯერი დასავლეთ საქართველოში გიორგი მღვდელაძე და პროექტის რეგიონალური კოორდინატორი ელენე დარასელია ხობის მუნიციპალიტეტის 80-მდე ახალგაზრდას შეხვდნენ, მათ გააცნეს პროექტი და ჩაატარეს ტესტირება, რომლის შედეგად შეირჩევა 36 ახალგაზრდული საკრებულოს წევრი, ჩამოყალიბდება თემატური ჯგუფები და აირჩევა თავმჯდომარე.
საქართველოს მასშტაბით არასამთავრობო ორგანიზაცია „ადამიანი კანონი თავისუფლება“ 6000-ზე მეტ მოსწავლესთან გეგმავს შეხვედრას, პროექტის გაცნობას და ტესტირების ჩატარებას. პროექტის ფარგლებში მხოლოდ 2105 მოსწავლე შეირჩევა, რომლის მთავარი მიზანია მოტივირებული და განათლებული ახალგაზრდები ჩაერთოს თვითმმართველობის საქმიანობაში, რაც ხელს შეუწყობს ახალგაზრდა ლიდერების გამოკვეთას. პრეზენტაციას ესწრებოდნენ ხობის მუნიციპალიტეტის საკრებულოს თავმჯდომარე ედიშერ ჯობავა, ხობის საგანმანათლებრო რესურცენტრის უფროსი ხათუნა გერგაია, საკრებულოს აპარატისა და გამგეობის თანამშრომლები. საკრებულოს თავმჯდომარემ ედიშერ ჯობავამ სიტყვით მიმართა პროექტში მონაწილე ახალგაზრდებს, უსურვა წარმატებები და ადგილობრივი თვითმმართველობის მხრიდან სრული მხარდაჭერა გამოთქვა პროექტის განხორციელებაში და თანამშრომლობის, თანადგომისა და კომფორტული სამუშაო გარემოს შექმნის პირობები აღუთქვა მათ.

თებერვალი 28, 2015

სპორტული შეჯიბრი კალათბურთში მოსწავლეთა შორის დასრულდა

28 თებერვალს ხობის საგანმანათლებლო რესურსცენტრის, შსს ხობის რაიონული სამმართველოს და ხობის საჯარო სკოლის თვითმმართველობის თანამშრომლობით გაიმართა სპორტული შეჯიბრი კალათბურთში, რომელიც მიმდინარეობდა არასრულწლოვანთა შორის, ჯანსაღი წესის პროპაგანდის ფარგლებში, სადაც გაიმართა ფინალური მატჩები, ტურნირში მონაწილეობას იღებდა მუნიციპალიტეტის 14 საჯარო სკოლის გუნდი, სადაც ადგილები შემდეგნაირად გადანაწილდა:
ვაჟთა შორის I ადგილი - ხობის N 1 საჯარო სკოლის გუნდი, II ადგილი - ახალ ხიბულის N 2 საჯარო სკოლის გუნი და III ადგილი - ჭალადიდის საჯარო სკოლის გუნდი.
გოგონათა შორის I ადგილი - ხობის N 1 საჯარო სკოლის გუნდი, II ადგილი - ახალ ხიბულის N 1 საჯარო სკოლის გუნი და III ადგილი - შუა ხორგის საჯარო სკოლის გუნდი.
გამარჯვებულ გუნდებს გადაეცათ სიგელები და კალათბურთის ბურთები.

თებერვალი 28, 2015

ხობის „კოლხეთმა“ ბორჯომის „ბორჯომს“ უმასპინძლა

28 თებერვალს ხობის ცენტრალურ სტადიონზე საქართველოს XXVI ეროვნული ჩემპიონატის მეორე წრის მორიგი ტურის მატჩი გაიმართა, სადაც ერთმანეთს ხობის „კოლხეთი“ და ბორჯომის „ბორჯომი“ დაუპირისპირდნენ.
შეხვედრა ფრედ 0:0 დასრულდა.

თებერვალი 27, 2015

სპორტული მარათონი მოსწავლეთა შორის დაიწყო

27 თებერვალს ხობის საგანმანათლებლო რესურსცენტრისა და შსს ხობის რაიონული სამმართველოს მხარაჭერით დაიწყო მარათონი სპორტის სხვადასხვა სახეობაში არასრულწლოვანთა შორის, ჯანსაღი წესის პროპაგანდის ფარგლებში, ალკოჰოლური სასმელებისა და თამბაქოს წინააღმდეგ ბრძოლის მიზნით, რომელიც 3 თვის განმავლობაში გაგრძელდება. სპორტულ მარათონში ჩართულია ხობის მუნიციპალიტეტის 26 საჯარო სკოლა. მარათონის სპორტულ დევიზს წარმოადგენს „ნუ იქნები თამბაქოს ტყვე“ და „ჯანმრთელობა ყველაფერი არაა, მაგრამ ყველაფერი ჯანმართელობის გარეშე არაფერია“. დღეს პირველ ეტაპზე ხობის N1 საჯარო სკოლის სპორტულ დარბაზში გაიმართა შეჯიბრი კალათბურთში, რომელშიც მონაწილეობა მიიღო 14 სკოლის 9 ვაჟთა და 4 გოგონათა გუნდმა. დღევანდელი სპორტული შეჯიბრის გამარჯვებულები გამოვლინდებიან 28 თებერვალს დაგეგმილ ფინალურ მატჩზე.

<<
<
137
138
139
140
141
142
143
144
145
146
147
148
149
150
151
152
153
154
155
156
157
158
159
160
161
162
163
164
165
166
167
...
>
>>